Tag: international short news

ဇူလိုင် ၇၊ ၂၀၁၄
M-Media

– ပြီးခဲ့သည့်လက နိုက်ဂျီးရီးယားအရှေ့မြောက်ပိုင်းတွင် ဘိုကိုဟရမ်အဖွဲ့၏ ပြန်ပေးဆွဲခံခဲ့ရသည့် အမျိုးသမီး ၆၀ ကျော်မှာ ပြန်လည်လွတ်မြောက်လာခဲ့သည်ဟု သိရသည်။

စုစုပေါင်း ၆၃ ဦးရှိသည့် အဆိုပါ အမျိုးသမီးအုပ်စုမှာ ၎င်းတို့ကို ပြန်ပေးဆွဲသူများ အစိုးရတပ်များကို သွားရောက်တိုက်ခိုက်ချိန်တွင် ထွက်ပြေးလာခဲ့ကာ သောကြာနေ့ ညပိုင်းက ပြန်ရောက်ခဲ့ကြောင်း ဘိုနိုပြည်နယ် ပြည်သူ့ကင်းအဖွဲ့မှ အကြီးတန်းအရာရှိ အဘတ်စ် ဂါဗာက ဂျာနစ်လစ်များအား ပြောကြားခဲ့သည်။

ဘိုနိုပြည်နယ် မြို့တော် မိုင်ဒူဂူရီမှ အဆင့်မြင့်လုံခြုံရေးအရာရှိတစ်ဦးကလည်း ထိုသတင်းအား အတည်ပြုခဲ့ပြီး ၎င်းအနေဖြင့် ထိုကိစ္စနှင့်ပတ်သက်၍ ပြောရေးဆိုခွင့် မရှိသောကြောင့် အမည်ဖော်ပြခြင်းမပြုရန် မေတ္တာရပ်ခံခဲ့သည်။

ဘိုကိုဟရမ်လက်နက်ကိုင်များနှင့် နိုက်ဂျီးရီးယား အစိုးရတပ်များမှာ သောကြာနေ့ ညပိုင်းကတည်းက တိုက်ပွဲများဖြစ်ပွားနေခဲ့ပြီး၊ လုံခြုံရေးတပ်ဖွဲများ အနီးရှိ ကျေးရွာများသို့ ကင်းလှည့်နေစဉ် လက်နက်ကိုင်များက ရဲစခန်းများ၊ ကင်းစခန်းများကို တိုက်ခိုက်ခဲ့ကြသည်။

ဘိုကိုဟရမ်အဖွဲ့မှာ ပြီးခဲ့သည့်လက ချီဘွတ်မြို့ရှိ စာသင်ကျောင်းတစ်ခုမှ ကျောင်းသူ ၂၀၀ ကျော်ကိုပြန်ပေးဆွဲခဲ့ပြီး၊ ထိုကျောင်းသူများလွတ်မြောက်ရေးအတွက် Bring Back Our Girls ခေါင်းစဉ်ဖြင့် နိုင်ငံတစ်ဝှမ်း လှုပ်ရှားမှုများ ပြုလုပ်ခဲ့ကြသည်။ ယခုလွတ်မြောက်လာသည့် အမျိုးသမီးများတွင် အဆိုပါကျောင်းသူ အရေအတွက်မည်မျှ ပါဝင်သည်ကို သိရှိရခြင်းမရှိသေးပေ။

Ref : ChannelNewsAsia

ဇူလိုင် ၇၊ ၂၀၁၄
M-Media

– အစ္စလာမ်ဘာသာဝင်တို့၏ ရမ်ဇာန်ဥပုသ်လအတွက် ရည်ရွယ်ထုတ်လုပ်ထားသော ဖုန်းဆော့ဖ်ဝဲတစ်ခုမှာ ယခုနှစ် ရမ်ဇာန်လအတွင်း Google Play ၌ Download ရယူမှုအများဆုံး ဆော့ဖ်ဝဲအဖြစ် မှတ်တမ်းဝင်ခဲ့သည်ဟု သိရသည်။

RAMADAN PHONE 2014 အမည်ပေးထားသည့် အဆိုပါ ဆော့ဖ်ဝဲကို Carib Publishing မှ ပြီးခဲ့သည့် နှစ်ပတ်ကျော်က ထုတ်လုပ်ခဲ့ခြင်းဖြစ်ပြီး အစ္စလာမ် ဘာသာဝင်များအား ရမ်ဇာန်လမြတ်အတွင်း စိတ်ပိုင်းဆိုင်ရာ၊ ရုပ်ပိုင်းဆိုင်ရာ အထောက်အပံ့များရရှိရန် ရည်ရွယ် ဖန်တီးထားခြင်းဖြစ်သည်။

ထိုဆောဖ့်ဝဲတွင် ရမ်ဇာန်ဆိုင်ရာ သိမှတ်ဖွယ်ရာများကို ထည့်သွင်းထားပြီး၊ ဆဲဟ်ရီနှင့် အစ်ဖ်သာရ်အချိန်များကိုလည်း ကြည့်ရှုနိုင်မည်ဖြစ်သည်။ ထို့ပြင် ရမ်ဇာန်လ အတွက် ကျန်းမာရေးဆိုင်ရာ အကြံပြုချက်များလည်းပါဝင်ကာ ကစ်ဗ်လာကိုရှာဖွေနိုင်သော သံလိုက်အိမ်မြှောင်ကိုလည်း ထည့်သွင်းထားသည်။

ရက်ပေါင်း ၆၀ အတွင်း ဖန်တီးခဲ့သည့် အဆိုပါ ဆော့ဖ်ဝဲကို အခမဲ့ဖြန့်ချီခြင်းဖြစ်သည်။ Google Play သို့ လွှင့်တင်ပြီးနောက်ပိုင်း တစ်နှစ်တာအတွက် Download ရယူမှုအများဆုံအဖြစ် စံချိန်တင်ခဲ့ပြီး ရမ်ဇာန်နှင့် ပတ်သက်သည့် ဆော့ဖ်ဝဲများတွင်လည်း လူကြိုက်အများဆုံး ဆော့ဖ်ဝဲအဖြစ် သတ်မှတ်ခြင်းခံခဲ့ရသည်။

ထိုဆော့ဖ်ဝဲဖြင့် မိမိတို့၏ ဖုန်းအတွင်း ရမ်ဇာန်နှင့် ပတ်သက်သည့် Theme များ၊ ဂရပ်ဖစ်ကောင်းမွန်သည့် Wallpaperများကို ပြောင်းလဲနိုင်မည်ဖြစ်သည်။ ရမ်ဇာန်နှင့် သက်ဆိုင်သည့် အကြောင်းအရာများအပြင် ဆွလာသ်ဝတ်ပြုချိန်များနှင့် ဟစ်ဂျရီပြက္ခဒိန်တို့လည်း ပါဝင်သည်။ ထို့ပြင် ထိုဆော့ဖ်ဝဲဖြင့် ကုရ်အာန် ကျမ်းတော်မြတ်ကို ရွတ်ဖတ် နားထောင်နိုင်မည်ဖြစ်ကာ ဘာသာပြန်ကိုလည်း ဖတ်ရှုနိုင်မည်ဖြစ်သည်။

ရမ်ဇာန်ဥပုသ်လတွင် အစ္စလာမ်ဘာသာဝင်များမှာ နံနက်အာရုဏ်တက်ချိန်မှ နေ၀င်ချိန်အထိ စားခြင်း၊ သောက်ခြင်း၊ မေထုန်မှီဝဲခြင်းတို့ကို ရှောင်ကျဉ်ရပြီး အစ္စလာမ်က သတ်မှတ်ထားသည့် သီလများကို ဆောက်တည်ကာ ကုန်အာန်ကျမ်းတော်မြတ် ရွတ်ဖတ်သရဇ္ဈာယ်ခြင်း၊ ဆွလာသ် ၀တ်ပြုခြင်း စသည့် အိဗာဒဟ် ခ၀ပ်ကိုးကွယ်မှုများကို ဆောင်ရွက်ကြရသည်။

အစားအသောက်ရှောင်ကျဉ်ခြင်းအတွက် နာမကျန်းဖြစ်သူများနှင့် ခရီးသွားလာနေသူများကို ခြွင်းချက်အဖြစ် ပလပ်ခွင့်ပေးထားသည်။

ဤလမြတ်အတွင်း မွတ်စလင်များမှာ မိသားစု စုပေါင်းဝါဖြေခြင်း၊ ဓမ္မသင်တန်းများ သင်ကြားပို့ချခြင်း၊ ချို့တဲ့သူများအား ကူညီခြင်းနှင့် အထူးဝတ်ပြုမှုများ ဆောက်တည်ခြင်း စသည့် ကိစ္စရပ်များကိုလည်း ပြုလုပ်ကြသည်။

Ref : Onislam

ဇွန် ၂၊ ၂၀၁၄
M-Media

– နိုင်ငံတောင်ပိုင်းရှိ အန်ဒရာ ပရာဒရ်ှပြည်နယ်အား ခွဲထုတ်ကာ နိုင်ငံ၏ ၂၉ ခုမြောက်ပြည်နယ်အဖြစ် တီလန်ဂါနာပြည်နယ်ကို အိန္ဒိယအစိုးရက ဖွဲ့စည်းခဲ့သည်ဟု သိရသည်။

ချန်ဒရာဆီခါရာမှာ ပြည်နယ်၏ ပထမဆုံးဝန်ကြီးချုပ်အဖြစ် ယနေ့တွင် ကျမ်းသစ္စာကျိန်ဆိုခဲ့ပြီး ပြည်သူများကလည်း မီးရှူးမီးပန်းများပစ်ဖောက်ကာ ပျော်ပွဲရွှင်ပွဲများ ပြုလုပ်ခဲ့ကြသည်။ သမ္မတသစ် မိုဒီကလည်း အိန္ဒိယအနေဖြင့် ၂၉ ခုမြောက် ပြည်နယ်ကို ရရှိပြီဖြစ်ကြောင်း တီလန်ဂါနာပြည်နယ်၏ ၀န်ကြီးချုပ်ကိုလည်း ချီးကျူးကြောင်း ၎င်း၏ Twitter စာမှက်နှာတွင် ရေးသားခဲ့သည်။

အန်ဒရာ ပရာဒရ်ှပြည်နယ်မှ ခွဲထုတ်ကာ သီးခြားပြည်နယ်ဖန်တီးရန် အိန္ဒိယနိုင်ငံ လွတ်လပ်ရေးရပြီးကတည်းက တောင်းဆိုလာခဲ့ခြင်းဖြစ်သည်။ ပြည်နယ် ခွဲထွက်ရေးအတွက် ဖွဲ့စည်းထားသည့် Telangana Joint Action Committee (TJAC) ကော်မတီကို ဦးဆောင်သူ အမ် ခိုဒန်ဒရမ်က ဤကာလမှာ တီလန် ဂါနာပြည်သူများအတွက် သမိုင်းဝင်ကာလဖြစ်သည်ဟု ဆိုသည်။

ပြည်နယ်ထူထောင်ရေးကြိုးပမ်းရာတွင် လူပေါင်း ၁၂၀၀ နီးပါး အသက်ဆုံးရှုံးခဲ့ရပြီး သေဆုံးသွားသူများအတွက် အောက်မေ့ဖွယ်အခမ်းအနားကိုလည်း ပြည်သူများ က ယနေ့တွင် ပြုလုပ်ခဲ့ကြသည်။ တီလန်ဂါနာပြည်နယ်တွင် ခရိုင် ၁၀ ခုရှိပြီး လူဦးရေ ၃၅ သန်းရှိသည်။ မြိုတော်မှာ ဟိုင်ဒီရာဘဒ်ဖြစ်ပြီး ထိုမြို့တော်ကို နောက် ၁၀ နှစ် အထိ အန်ဒရာ ပရာဒရ်ှပြည်နယ်နှင့် ပူးတွဲ သုံးစွဲရမည်ဖြစ်သည်။

Ref : Aaljazeera

ဇွန် ၂၊ ၂၀၁၄
M-Media

– အိုကလာဟိုးမားပြည်နယ် တူလ်ဆာမြို့ရှိ ဗလီဝတ်ကျောင်းတော်တစ်လုံးတွင် ပြုလုပ်သော ဂုဏ်ပြုပွဲအခမ်းအနားကို တက်ရောက်ရန် ငြင်းဆန်ခဲ့သည့် ရဲအရာရှိ တစ်ဦးအား ဥပဒေမလိုက်နာမှုဖြင့် ခရိုင်တရားရုံးက အပြစ်ပေးခဲ့သည်ဟု သိရသည်။

ပေါလ်ဖီးလ်ဆိုသူ ဗိုလ်တစ်ဦးဖြစ်ပြီး ၎င်းအပေါ်တွင်ရှိနေသည့် လူ့အခွင့်အရေးကို ဖောက်ဖျက်မှုဖြင့် တူလ်ဆာမြို့နှင့် မြို့နယ်ရဲဌာနက တရားဆွဲဆိုခဲ့ခြင်းဖြစ်ကာ ပြစ်မှုထင်ရှားသောကြောင့် လုပ်ခ လစာ ၁၀ ရက် ဖြတ်တောက်ခြင်း၊ ခတ္တခဏ အနားပေးခြင်းနှင့် ဂျူတီရွှေ့ဆိုင်းခြင်း စသည့် ပြစ်ဒဏ်များကို ချမှတ်ခဲ့သည်။

ထိုမြို့ရှိ အစ္စလာမ့်အသိုင်းအ၀ိုင်းမှ ပြုလုပ်သော ဂုဏ်ပြုပွဲအခမ်းအနားသို့ တက်ရောက်ရန် သို့မဟုတ် ကိုယ်စားလွှတ်ပေးရန် ရဲတပ်ဖွဲ့က အမိန့်ပေးခဲ့သော်လည်း ပေါလ်ဖီးလ်မှာ ၎င်း၏ ဘာသာရေးယုံကြည်မှုကို ဖောက်ဖျက်သည်ဟုဆိုကာ မလိုက်နာသောကြောင့် ယခုကဲ့သို့ အပြစ်ပေးခံခဲ့ရခြင်းဖြစ်သည်။

ထိုကဲ့သို့ တက်ရောက်ခြင်းက ၎င်း၏ ဘာသာရေးယုံကြည်ချက်ကို ထိပါးစေသည်ဟုဆိုလျှင် အခြားတစ်ဦးအား စေလွှတ်နိုင်ကြောင်း၊ အစ္စလာမ်သာသနာကို အစိုးရက အသိအမှတ်ပြုလက်ခံခြင်းအဖြစ် ထိုပွဲသို့တက်ရန် အမိန့်ပေးခြင်းကို လက်ခံရမည်ဖြစ်ကြောင်း ဘာသာရေးအဖွဲ့အစည်းများမှ ပြုလုပ်သည့် လူ့အဖွဲ့အစည်းတည်ဆောက်ရေး အခမ်းအနားများကို ရဲတပ်ဖွဲ့မှ ပုံမှန်တက်ရောက်ကြောင်း၊ တရားရုံးက ပြောကြားခဲ့သည်။

Ref : IslamRU

မေ ၃၁၊ ၂၀၁၄
M-Media

– ယူကရိန်းစစ်တပ်က ရုရှားလိုလားသူ ခွဲထွက်ရေးသမားများအား ချေမှုန်းရန်အတွက် အကြီးစား စစ်ဆင်ရေးပြုလုပ်မည်ဟု သတင်းများ ထွက်ပေါ်နေသောကြောင့် နိုင်ငံအရှေ့ပိုင်း Slovyansk မြို့ရှိ ထောင်ပေါင်းများစွာသော ပြည်သူများမှာ နေအိမ်များကို စွန့်ခွာ ပြောင်းရွှေ့နေကြသည်ဟု သိရသည်။

လွန်ခဲ့သည့် ရက်အနည်းငယ်ကတည်းက ထိုဒေသမှပြည်သူများမှာ နေရပ်စွန်ခွာ ထွက်ခွာနေကြပြီး ဘတ်စ်ကားများတွင်လည်း အမျိုးသမီးများ ကလေးများဖြင့် ပြည့်နှက်နေသည်ဟု ကားအ၀င်အထွက်နှင့် အထောက်အထားများကို စစ်ဆေးသည့် စစ်ဆေးရေးဂိတ်မှ ယူကရိန်း စစ်သားတစ်ဦးက ဆိုသည်။ သွားလာရေးခက်ခဲစေရန် ထိုမြို့ရှိ လမ်းများတွင် အတားအဆီးများပြုလုပ်ထားပြီး ကာဖြူးအမိန့်လည်း ထုတ်ပြန်ထားသည်။

ပြီးခဲ့သည့် တစ်ပတ်က ယူကရိန်းရွေးကောက်ပွဲတွင် အနိုင်ရရှိခဲ့သည့် သမ္မတသစ် ပက်ထရို ပိုရိုရှန်ကိုမှာ ခွဲထွက်ရေးသမားများ သိမ်းပိုက်ထားသည့် ဒေသများကို ပြန်လည်ရယူပေးမည်ဟု ကတိပေးထားပြီး ခွဲထွက်ရေးသမားများကိုလည်း ထိုးစစ်ဆင်မှုများ ပြုလုပ်ခဲ့သည်။ ခွဲထွက်ရေးသမားများတွင် ရုရှားနိုင်ငံသားများလည်း ပါဝင်သည်ဟု သတင်းများ ထွက်ပေါ်နေသည်။

Ref : Aljazeera