ဖေဖော်ဝါရီ ၁၊ ၂၀၁၅
M-Media
– ယူကရိန်းအရှေ့ပိုင်းဒေသများ ငြိမ်းချမ်းရေးအတွက် ယူကရိန်းအစိုးရနှင့် ရုရှားလိုလားသူ ခွဲထွက်ရေးသမားများအကြား ဆွေးနွေးပွဲတွင် မည်သည့်သဘောတူညီချက်မှမရရှိဘဲ ယမန်နေ့တွင် ပြီးဆုံးသွားခဲ့ပြီး ထိုကဲ့သို့ သဘောတူညီချက် မရခြင်းအတွက် အစိုးရနှင့် သူပုန်တို့ အပြန်အလှန်ပြစ်တင် ပြောဆိုခဲ့ကြသည်။
– ဒေသအတွင်း ဒီမိုကရေစီနည်းကျသည့် အုပ်ချုပ်ရေးဖြစ်လာရန်အတွက် တောင်းဆိုသည့် ဆန္ဒပြမှုများကို ဟောင်ကောင်ပြည်သူများက ယနေ့တွင် ပြန်လည်ပြုလုပ်မည်ဟုကြေညာခဲ့ပြီး အစိုးရကလည်း ဆန္ဒပြသူများအနေဖြင့် အဓိကလမ်းမကြီးများနှင့် မြို့လည်ကောင်တို့အား သိမ်းပိုက်ပါက ယခင်ကဲ့သို့ပင် ရှင်းလင်းဖယ်ရှားသွားမည်ဟု ပြောကြားခဲ့သည်။
– အစ္စရေးက ကျူးကျော်သိမ်းပိုက်ထားသည့် ပါလက်စတိုင်းပိုင် အနောက်ဘက်ကမ်းခြေတွင် ပါလက်စတိုင်းလူငယ်တစ်ဦးအား အစ္စရေးစစ်တပ်က ယမန်နေ့တွင် ပစ်သတ်ခဲ့ပြီး ၎င်းတို့အား မီးဗုံးဖြင့် ပစ်ခတ်မှုကြောင့် ပြန်လည်ပစ်ခဲ့ရခြင်းဖြစ်သည်ဟု အစ္စရေးစစ်တပ်ကမူ ကာကွယ်ပြောကြားခဲ့သည်။
– ဇန်န၀ါရီလအတွင်း အီရတ်နိုင်ငံတစ်ဝှမ်းဖြစ်ပွားခဲ့သော တိုက်ခိုက်မှုများကြောင့် ၁၃၇၅ ဦး သေဆုံးခဲ့ပြီး ၂၂၄၀ ဦး ဒဏ်ရာရရှိခဲ့သည်ဟု ကုလသမဂ္ဂမှ ယနေ့ထုတ်ပြန်ခဲ့သော အစီရင်ခံစာတွင် ဖော်ပြထားပြီး ၎င်းတို့အထဲမှ ထက်ဝက်ကျော်မှာ အရပ်သားများဖြစ်ကြသည်။ ထိုပမာဏနမှာ ၂၀၁၄ ခုနှစ်မှစ၍ တစ်လအတွင်း အမြင့်ဆုံး သေဆုံးဒဏ်ရာရမှုဖြစ်ပြီး အီရတ်စစ်သား ၅၈၅ ဦး သေဆုံးခဲ့သည်။
– နိုက်ဂျီးရီးယားအရှေ့မြောက်ပိုင်း ဒမ်ဘိုအာမြို့အား ဘိုကိုဟရမ်အဖွဲ့က တိုက်ခိုက်မှုကြောင့် အနည်းဆုံး ပြည်သူ ၁၅၀၀၀ ကျော် အိုးအိမ်စွန့်ခွာ ထွက်ပြေးခဲ့ရသည်။ အဆိုပါမြို့အား ပြီးခဲ့သည့် ကြာသာပတေးနေ့ ညကတည်းက ၀င်ရောက်တိုက်ခိုက်ခဲ့ခြင်းဖြစ်ပြီး နိုက်ဂျီးရီးယားလုံခြုံရေးတပ်ဖွဲ့မှာ ဇန်န၀ါရီလအစောပိုင်းကတည်းက ဆုတ်ခွာသွားသောကြောင့် ပြည်သူများမှာ အကာအကွယ်မဲ့ဖြစ်နေသည်။
– ဂျပန်ဓားစာခံတစ်ဦးအား IS က ယမန်နေ့တွင် သတ်ဖြတ်ခဲ့ပြီးနောက် ၎င်းတို့လက်ထဲတွင် ကျန်ရှိသည့် မိမိတို့လေယာဉ်မှူးကို ကယ်တင်ရန် လုပ်နိုင်သမျှအားလုံးကို လုပ်ဆောင်သွားမည်ဟု ဂျော်ဒန်ဘုရင် အဘ်ဒူလာက ယနေ့တွင်ထုတ်ပြန်ခဲ့သည့် ကြေညာချက်တွင် ပြောကြားလိုက်သည်။
Ref: channelnewasia,alarabiya
