အောက်တိုဘာ ၂၁၊ ၂၀၁၃
M-Media
အမေရိကန်၏ သူလျှိုလုပ်ငန်းအား မက္ကဆီကို ရှုတ်ချ
အမေရိကန်အမျိုးသားထောက်လှမ်းရေးအေဂျင်စီ(NSA) က မက္ကဆီကိုရှိအဖွဲ့အစည်းများနှင့် မက္ကဆီကိုနိုင်ငံသားများအား လျှို့ဝှက်ထောက်လှမ်းနေများကို ရှုတ်ချကြောင်း မက္ကဆီကိုနိုင်ငံက ယမန်နေ့တွင်ပြောကြားလိုက်သည်။
NSA မှာ ၂၀၁၀ ခုနှစ်က မက္ကဆီကိုသမ္မတ ဖီးလစ်ကယ်လ်ဒရွန်၏ အီးမေးလ်အကောင့်ကို ၀င်ရောက်ကြည့်ရှုခဲ့သည်ဟု NSA ၀န်ထမ်းဟောင်း အက်ဒ၀ပ်စနိုးဒင်၏ ဖွင့်ချမှုကို ကိုးကားကာ ဂျာမနီရှိ Spiegel မဂ္ဂဇင်းက ရေးသားဖော်ပြထားသည်။
ထိုပြင့် NSA မှာ “Flatliquid” ဟုအမည်ရသည့် စစ်ဆင်ရေးတွင် ကယ်လ်ဒရွန်၏ အီးမေးလ်အကောင့်အပါအ၀င် သံတမန်ရေးရာနှင့် စီးပွားရေးဆိုင်ရာ ဆက်သွယ်မှုများအတွက် မက္ကဆီကို ကတ်ဘိနတ်အဖွဲ့ဝင်များအသုံးပြုသည့် သမ္မတရုံးဒိုမိန်းကိုလည်း ဖောက်ထွင်းခဲ့သည်ဟု သိရသည်။
“ဒါမျိုးလုပ်ဆောင်ချက်တွေဟာ လက်မခံနိုင်စရာပါ။ တရားလည်းမ၀င်သလို မက္ကဆီကိုရဲ့ဥပေဒနဲ့ နိုင်ငံတကာ ဥပဒေကို ချိုးဖောက်တာလည်းဖြစ်ပါတယ်” ဟု မက္ကဆီကို နိုင်ငံခြားရေးဝန်ကြီးဌာနမှ ယမန်နေ့က ထုတ်ပြန်သည့် ကြေညာချက်တွင် ဖော်ပြထားသည်။
အမေရိကန်သမ္မတ ဘာရက်အိုဘားမားမှာ မကြာသေးမီက မက္ကဆီကိုသမ္မတ အာကွင်း ပီနာနှင့်တွေ့ဆုံခဲ့စဉ်အတွင်း အမေရိကန်ထောက်လှမ်းရေး အေဂျင်စီများကပြုလုပ်ခဲ့သော အဆိုပါသူလျှိုလုပ်ငန်များအား စုံစမ်းစစ်ဆေးမှုများကို ပြုလုပ်သွားမည်ဟု ကတိပေးခဲ့ကြောင်း အဆိုပါ ကြေညာချက်တွင် ထည့်သွင်းဖော်ပြထားသည်။
Ref : xinhua
___________________________
ပူးပေါင်းဆောင်ရွက်မှုများပြုလုပ်ရန်အတွက် ရုရှားနှင့် အီရန် လေတပ်အရာရှိများ တီဟီရန်တွင်တွေ့ဆုံ
အီရန်နှင့်ရုရှား နှစ်နိုင်ငံ စစ်ရေးနှင့်ကာကွယ်ရေးဆိုင်ရာကိစ္စရပ်များ ပူပေါင်းဆောင်ရွက်ရေးကိစ္စရပ်များအား ဆွေးနွေးရန်အတွက် နှစ်နိုင်ငံလေတပ်အရာရှိများသည် မြို့တော်တီဟီရန်၌ ယမန်နေ့က တွေ့ဆုံခဲ့ကြသည်ဟုသိရသည်။
အစ္စလာမ့်မစ်ပြည်သူ့သမ္မတနိုင်ငံ လေတပ်တပ်ဗိုလ်မှူးချုပ် ဟာဆန်ရှား စာဖီနှင့် ရုရှားလေတပ် စစ်ဦးစီးချုပ် ဗစ်တာ နီကိုလာဗစ်ခ်ျ ဘွန်ဒါရဗ်တို့တွေ့ဆုံခဲ့ကြခြင်း ဖြစ်သည်။
အဆင့်မြင့်အရာရှိကြီးများပါဝင်သည့် သံတမန်အဖွဲ့ကိုဦးဆောင်ကာ အီရန်နိုင်ငံသို့ လေးရက်ကြာခရီးစဉ်အဖြစ် ရောက်ရှိနေသည့် နီကိုလာဗစ်ခ်ျမှာ ယမန်နေ့ နံနက်ပိုင်း ကလည်း Khatam al-Anbiya လေတပ်စခန်းတွင် ဗိုလ်မှူးချုပ် ဖာဇက် အစ္စမာအီလီနှင့်လည်း တွေ့ဆုံခဲ့သည်။
ထိုတွေ့ဆုံဆွေးနွေးမှုများအတွင်း လေယာဉ်မှူးများအား လေ့ကျင့်ပေးရေးနှင့် ပက်သက်ပြီး အဓိကဆွေးနွေးခဲ့ကြောင်း၊ အီရန်နိုင်ငံကလည်း ၎င်းတို့၏ လေယာဉ်မှူးများ အား နိုင်ငံခြားသို့စေလွှတ်လေ့ကျင့်ပေးရန် စိတ်အားထက်သန်လျက်ရှိကြောင်း အီရန်လေတပ် ဒုတိယဗိုလ်ချုပ်ကြီး အလီရီဇာ ဘာခိုရ်ကပြေကြားခဲ့သည်။
ယခုနှစ်ဇန်န၀ါရီလက ရုရှား ပြည်ထဲရေးဝန်ကြီး ဗလာဒီမာ အလက်ဇန်ဒရိုဗစ်ခ်ျ အီရန်နိုင်ငံသို့ လာရောက်စဉ်အတွင်း အီရန်-ရုရှား နှစ်နိုင်ငံစစ်ဘက်ဆိုင်ရာ ပူးပေါင်း ဆောင်ရွက်ရေးကိစ္စအတွက် နားလည်မှုစာချွန်လွှာကိုလက်မှတ်ရေးထိုးခဲ့သည်။
Ref : presstv
___________________________
မိမိကိုယ်ကို မတော်တဆပစ်ခတ်ခဲ့မှုကြောင့် မြောက်ကယ်ရိုလိုင်းနားတွင် ၂ နှစ်အရွယ် ကလေးငယ်တစ်ဦးသေဆုံး
အမေရိကန်ပြည်ထောင်စု မြောက်ကယ်ရိုလိုင်းနာပြည်နယ်တွင် ၂ နှစ်အရွယ် ကလေးငယ်တစ်ဦးမှာ မိမိကိုယ်ကို သေနတ်ဖြင့် မတော်တဆ ပစ်ခတ်မိသောကြောင့် သေဆုံးခဲ့သည်ဟုသိရသည်။
စနေနေ့ နေ့လည်ပိုင်းက ဖြစ်ပွားခဲ့ခြင်းဖြစ်ပြီ သမီးငယ်လေးမှာ သူမ၏ အဒေါ်နှင့်အဖွားတို့ဖြစ်သူတို့နှင့် အိမ်၌ရှိနေခိုက် ကျည်ဖြည့်ထားသော သေနတ်အား တွေ့ရှိခဲ့ပြီးနောက် ယခုကဲ့သို့ မတော်တဆဖြစ်ပွားခဲ့ရခြင်းဖြစ်ပြီး အခင်းဖြစ်ပွားပြီးနောက် ကလေးငယ်အား ဆေးရုံသို့ ခေါ်ဆောင်သွားခဲ့သော်လည်း လမ်း၌ပင် သေဆုံးခဲ့သည်ဟု သိရသည်။
အမေရိကန်နိုင်ငံတ၀ှမ်းတွင် သေနတ်ဖြင့်ပစ်ခတ်မှုများကြောင့် ပြီးခဲ့ဒီဇင်ဘာလကစ၍ ယခုအချိန်အထိ လူပေါင်း ၂၈၀၀၀ ခန့် အသက်ဆုံးရှုံးခဲ့ရသည်ဟု The Slate မဂ္ဂဇင်းက ဖော်ပြခဲ့သည်။
Ref : presstv
___________________________
ခဲယမ်းမီးကျောက်များတွေ့ရှိမှုကြောင့် ဆယ်ကျော်သက်များအား ကန်ရဲတပ်ဖွဲ့ဖမ်းဆီး
လက်နက်ခဲယမ်း သေတ္တာ ၇၀ တွေ့ရှိရသောကြောင့် အမေရိကန်ပြည်ထောင်စု မေရီလန်းပြည်နယ်တွင် ဆယ်ကျော်သက်သုံးဦးအား ယမန်နေ့က ဖမ်းဆီးခဲ့သည်ဟုသိရ သည်။
ဘလာတီမိုးမြို့တွင် ယမန်နေ့ နံနက်ပိုင်းက အတားအဆီးတစ်ခုအား တိုက်မိမလိုဖြစ်ခဲ့သည့် မီးမှိတ်ထားသော Chevy ကား အနက်ရောင် အားစစ်ဆေးခဲ့ရာမှ လက်နက် ခဲယမ်းများနှင့်တကွ ထိုလူငယ်သုံးဦးအား ဖမ်းဆီးရမိခဲ့ခြင်းဖြစ်သည်။
ထိုလက်နက်ခဲယမ်းများမှာ ဥပေဒစိုးမိုးရေးအတွက် အသုံးပြုသည့် လက်နက်ခဲယမ်းများဖြစ်ပြီး အမေရိကန်လေတပ်အရာရှိတစ်ဦးအတွက် ထုတ်ပေးထားသော ပစ္စည်းများ ဖြစ်သည်ဟု ရဲတပ်ဖွဲ့က သတင်းထုတ်ပြန်ခဲ့သည်။
ဖမ်းဆီးရမိခဲ့သည့် လူငယ်များမှာ ၁၅၊ ၁၆ နှင့် ၁၈ နှစ်အရွယ်ရှိဆယ်ကျော်သက်များဖြစ်ကြပြီး ပလာယာ၊ ဓာတ်မီး၊ လက်အိတ်များနှင့် အခြားသော ကားနှင့်ပက်သက် သည့် ပစ္စည်းများကိုလည်း ကားအတွင်း တွေ့ရှိခဲ့ရသည်ဟု သိရသည်။
Ref : cnn
___________________________
ကိုကာပင်စိုက်ပျိုးသူများနှင့် ရဲများထိပ်တိုက်တွေ့ဆုံခဲ့ပြီး ရဲနှစ်ဦးသေ
တောင်အမေရိကနိုင်ငံတစ်ခုဖြစ်သည့် ဘိုလီဗီးယားနိုင်ငံတွင် ကိုကာပင် စိုက်ပျိုးသူများနှင့် ရဲ့တပ်ဖွဲ့များအကြား ရုန်းရင်းဆန်ခတ်မှုများဖြစ်ပွားခဲ့ရာ ရဲတပ်ဖွဲ့ဝင်နှစ်ဦး သေဆုံးခဲ့သည်ဟုပြည်ထဲရေးဝန်ကြီးဌာနက သတင်းထုတ်ပြန်ခဲ့သည်။
၎င်းတို့စိုက်ပျိုးထားသည့်ကိုကာပင်များအား အစိုးရကဖျက်ဆီးမှုကို မကျေနပ်သည့် လယ်သမားများက ယမန်နေ့က ဆန္ဒပြစဉ်အတွင်း ရဲတပ်ဖွဲ့များနှင့်ထိပ်တိုက်တွေ့ဆုံမှုဖြစ်ပွားခဲ့ခြင်းဖြစ်သည်။ ထိုဆန္ဒပြပွဲတွင် လယ်သမား ၇၀၀ ကျော်ပါဝင်ခဲ့ပြီး အချို့မှာ လက်နက်များ ကိုင်ဆောင်ထားကြပြီး ထိုသူတို့၏ ပစ်ခတ်မှုကြောင့် ရဲတပ်ဖွဲ့ဝင် ၂ ဦး သေဆုံးခဲ့ပြီး အခြား ၁၆ ဦးမှာ ဒဏ်ရာရရှိခဲ့သည်ဟု သိရသည်။
အစိုးရက နိုင်ငံ၏အနောက်တောင်ဘက် အပိုလိုဒေသရှိ ကိုကာပင်စိုက်ခင်းများမှာ တရားဝင်စိုက်ပျိုးထားခြင်းမဟုတ်ဟု ကြေညာခဲ့ပြီး ဖျက်ဆီးခဲ့ခြင်းဖြစ်သည်။
Ref : xinhua
___________________________
ဒက်ထရွိုက်မြို့ သက်ကြီးရွယ်အိုများစောင့်ရှောက်မှု စင်တာအနီး အမျိုးသမီးနှစ်ဦး သေနတ်ဖြင့်ပစ်သတ်ခံခဲ့ရ
အမေရိကန်ပြည်ထောင်စု ဒက်ထရွိက်မြို့ရှိ သက်ကြီးရွယ်အိုများ စောင့်ရှောက်ရေးစင်တာအနီးတွင် ယမန်နေ့က သေနစ်ဖြင့်ပစ်မှုဖြစ်ပွားခဲ့ပြီး အမျိုးသမီးနှစ်ဦး သေဆုံးခဲ့သည်ဟုသိရသည်။
ယမန်နေ့ ညနေပိုင်းက ဖြစ်ပွားခဲ့ခြင်းဖြစ်ပြီး အသက် ၆၅ နှစ်အရွယ်ရှိ အမျိုးသားတစ်ဦးမှာ သူ၏ရည်းစားဖြစ်သူနှင့် စကားများခဲ့ပြီးနောက် ဆက်ဆံရေးပြတ်သွားသောကြောင့် အိမ်သို့သွား၍ ရိုင်ဖယ်သေနတ်ယူလာကာ ၎င်းတို့နှစ်ဦး၏ဆံဆက်ရေးအား ပျက်ဆီးအောင်ပြုလုပ်ခဲ့သည်ဆိုသည့် အမျိုးသမီးနှစ်ဦးအား ပစ်သတ်ခဲ့ခြင်းဖြစ်ပြီး သေဆုံးသွားသူများမှာ အသက် ၅၀ အရွယ်နှင့် ၆၀ အရွယ်ရှိ အမျိုးသမီးများဖြစ်ကြသည်။
အသက် ၅၀ အရွယ်ရှိအမျိုးသမီးမှာ သူမ၏ နေအိမ်တိုက်ခန်းရှေ့ရှိ ခုံတန်းတွင်ထိုင်နေစဉ်ပစ်သတ်ခံရပြီး အသက် ၆၀ အရွယ်အမျိုးသမီးမှာ နေအိမ်အတွင်းပစ်သတ်ခံခဲ့ရခြင်းဖြစ်ကြောင်း၊ လူသတ်မှုအား ကျူးလွန်သည့် အမျိုးသားအား အခင်းဖြစ်ပွားပြီးချင်းပင် ဖမ်းဆီးရမိခဲ့ကြောင်း ရဲတပ်ဖွဲ့ကပြောကြားခဲ့သည်။
Ref : xinhua
___________________________
အပြာရုပ်ရှင်ကားများ ရိုက်ကူးသည့် ဂိုဏ်းသို့ သမီးများအား ရောင်းချခဲ့သော လင်မယားအား အမေရိကန်တွင်ဖမ်းဆီး
မိမိတို့၏ရင်သွေးငယ်များအား လိင်စိတ်နှိုးဆွသည့် ဇာတ်ကားများရိုက်ကူးသော ဂိုဏ်းတစ်ခုသို့ ရောင်းစားမှုဖြင့် အမေရိကန်ဇနီးမောင်နှံနှစ်ဦးအား အမေရိကန်ရဲတပ်ဖွဲ့ ဖမ်းဆီးခဲ့သည်ဟု သိရသည်။
ထိုဇနီးမောင်နှံနှစ်ဦးမှာ အသက် ၆၁နှစ်အရွယ်ရှိ ရွန်နီလီမက်ကောနှင့် အသက် ၄၀ အရွယ်ရှိသည့် ကွန်နီဆူးမက်ကောတို့ဖြစ်ကြပြီး အသက် ၁၂၊ ၁၅၊ ၁၇ နှစ်အရွယ်ရှိ ၎င်းတို့၏သမီးများအား ကာယကံရှင်ဆန္ဒမပါဘဲ လိင်ပိုင်းဆိုင်ရာအမူအရာများအား အတင်းအဓ္ဓမလုပ်ခိုင်းခဲ့ခြင်းဖြစ်သည်။
ထို့ပြင် အသက် ၅ နှစ်အရွယ်သမီးဖြစ်သူ၏ သွားများမှာလည်း ဆိုးရွားစွာပျက်ဆီးနေပြီး၊ ခန္ဓာကိုယ်တွင်လည်း ပိုးမွှားများ အကိုက်ခံထားရသည့်ဒဏ်ရာများ များပြားစွာရှိနေခြင်းကြောင့် သားသမီးများအား လစ်လျူရှုမှုအတွက် စုံစမ်းစစ်ဆေးမှုများ ဆက်လက်လုပ်ဆောင်နသည်ဟု သိရသည်။
Ref : huffingtonpost
___________________________
_______________________
________________________
________________________
________________________
________________________
______________________
______________________
