အောက်တိုဘာ ၂၇၊ ၂၀၁၃
M-Media
အာဖဂန်စစ်ဆင်ရေးများအတွင်း တာလီဘန် ၃၆ ဦးသေဆုံး
ယမန်နေ့နံနက်ပိုင်းက အာဖဂန် နစ္စတန်နိုင်ငံရှိ ပြည်နယ်များတွင် ပြုလုပ်ခဲ့သည့် စစ်ဆင်ရေးများအတွင်း တာလီဘန်စစ်သွေးကြွ ၃၆ ဦးသေဆုံးခဲ့သည်ဟု သ်ိရသည်။
ထိုစစ်ဆင်ရေးအား အာဖဂန်ရဲတပ်ဖွဲ့၊ စစ်တပ်၊ အမျိုးသားလုံခြုံရေးအဖွဲ့၊ နေတိုး ဦးဆောင်သော နိုင်ငံတကာတပ်ဖွဲ့များက ပူးပေါင်းကာ နန်ဂါဟာ၊ ပါဝန်၊ ဇာဘူလ်၊ အူရုဇ်ဂန်၊ ၀ါရ်ဒက်နှင့် ဂါဇ်နီပြည်နယ်များတွင် လွန်ခဲ့သည့် ၂၄ နာရီမှ စ၍ပြုလုပ်ခဲ့ခြင်းဖြစ်သည်။ ၃၆-ဦးသေဆုံးပြီး ၅-ဦးဒဏ်ရာရရှိခဲ့ကာ အချို့ပြည်နယ်များတွင် လက်လုပ်ဗုံးများအား စနက်တံဖြုတ်ခဲ့ရသည်ဟု ပြည်ထဲရေးဝန်ကြီးဌာနမှ သတင်းထုတ်ပြန်ခဲ့သည်။
အောက်တိုဘာလအတွင်း ပြုလုပ်ခဲ့သည့် စစ်ဆင်ရေးများအတွင်း စစ်သွေးကြွ ၃၃၀အားသုတ်သင်နိုင်ခဲ့ပြီး၊ ၁၁၃-ဦးဒဏ်ရာရကာ ၁၄၀ နီးပါးဖမ်းဆီးထိန်းသိမ်း နိုင်ခဲ့သည်ဟု ပြည်ထဲရေး၏ ကြေညာချက်တွင်ဖော်ပြထားသည်။ တာလီဘန်အဖွဲ့ကမူ ထိုကိစ္စနှင့် ပက်သက်ပြီးယခုအချိန်အထိ မည်သည့် မှတ်ချက်မှမပေးသေးပေ။
Ref : xinhua
____________________
ဒုက္ခသည်အရေအတွက်မှာ ၁၉ နှစ်အတွင်း အမြင့်ဆုံးသို့ ရောက်ရှိခဲ့သည်ဟု ကုလဆို
နိုင်ငံရပ်ခြားသို့ထွက်ပြေးခိုလှုံရသည့် ဒုက္ခသည်အရေအတွက်မှာ ၁၉၉၄ ခုနှစ်မှစ၍ ၁၉ နှစ်အတွင်း အမြင့်ဆုံးသို့ရောက်ရှိနေသည်ဟု ကုလမဂ္ဂက ပြောဆိုလိုက်သည်။
ဒုက္ခသည်အများစုမှာ အာဖဂန်နစ္စတန်နှင့် အရှေ့အလယ်ပိုင်းဒေသများမှဖြစ်ပြီး ပထမ အင်ဒိုနီးရှားသို့သွားရောက်ကာ အင်ဒိုနီးရှားမှတစ်ဆင့် အန္တရာယ်များသော ရေလမ်းခရီးဖြင့် အိန္ဒိယသမုဒ္ဒရာကိုဖြတ်၍ သြစတေးလျသို့ နှစ်စဉ်နှစ်တိုင်း သွားရောက်ကြသည်ဟု ကုလမှထုတ်ပြန်သော အစီရင်ခံစာတွင်ဖော်ပြထားသည်။
ထို့ကဲ့သို့အစုလိုက်အပြုံလိုက်ရောက်ရှိလာခြင်းမှာ အင်ဒိုနီးရှားနှင့် သြစတေးလျ နိုင်ငံတို့အတွက်အဓိက နိုင်ငံရေးပြဿနာဖြစ်ပြီး အထူးသဖြင့် ၁၉၅၁ ခုနှစ် ကုလသမဂ္ဂဒုက္ခသည်များ ညီလာခံတွင် လက်မှတ်ထိုးထားခြင်းမရှိသည့် အင်ဒိုနီးရှားအနေဖြင့် ထိုဒုက္ခသည်များအား လက်ခံရန်တာဝန်မရှိသော်လည်း ညီလာခံတွင် လက်မှတ်ထိုးသားသည့် သြစတေးလျအနေဖြင့် လက်ခံရန် တာဝန်ရှိနေသည်။
Ref : aljazeera
____________________
ယူကေ၏ ဂက်စ်ဈေးနှုန်းမှာ အခြားသောဥရောပနိုင်ငံများထက် ပိုမိုမြင့်တက်
ဗြိတိန်ရှိ ဂက်စ်ဈေးနှုန်းမှာ ပြီးခဲ့သည့် ၁၀ နှစ်အတွင်း အခြားသော ဥရောပနိုင်ငံများထက် အဆ ၂၀၀ ပိုမိုမြင့်တက်ခဲ့သည်ဟုသိရသည်။
ဗြိတိန်၏ ဂက်စ်ဈေးနှုန်းနှင့် လျှပ်စစ်ဓာတ်အားဈေးနှုန်းမှာ ၂၀၀ ရာခိုင်နှုန်းအထိမြင့်တက်ခဲ့ပြီး အထူးသဖြင့် ဒိန်းမတ်နိုင်ငံမှာ ၄၀ ရာခိုင်နှုန်းသာ မြင့်တက်ခဲ့သည်။
ပြီးခဲ့သည့် သီတင်းပါတ်အစောပိုင်းက ဗြိတိန်ရှိ RWE Npower စွမ်းအင်ကုမ္ပဏီမှ ယခုနှစ်ဒီဇင်ဘာလမှစတင်ကာ ဂက်စ်ဈေးနှုန်းအား ၁၁.၁ ရာခိုင်နှုန်းနှင့် လျှပ်စစ် ဓာတ်အားဈေးနှုန်းကို ၉.၃ ရာခိုင်နှုန်း အသီးသီး ဈေနှုန်းများတက်မည်ဟု ကြေညာခဲ့သည်။
အခြားစွမ်းအင်ကုမ္ပဏီတစ်ခုဖြစ်သည့် SSE ကုမ္ပဏီကလည်း လာမည့်လမှစတင်ကာ လျှပ်စစ်ဓာတ်အားခနှင့် ဂက်စ်ဈေးနှုန်းများကို ၈.၂ ရာခိုင်နှုန်းအထိတက်မည်ဟု ကြေညာခဲ့ပြီး ပျမ်းမျှနှစ်စဉ်ကြေးမှာ တစ်နှစ်လျှင် ၁၀၆ ပေါင်မှ ပေါင် ၁၃၈၀ အထိဖြစ်လာမည်ဖြစ်သည်။
ထိုကဲ့သို့ဈေနှုန်းများတက်ခြင်းက ဗြိတိန်နိုင်ငံသား ၅ သန်းဝန်းကျင်ကို ထိခိုက်မည်ဖြစ်ပြီး ဥရောပနိုင်ငံများတွင် အက်စတိုးနီးယားပြီးနောက် အိမ်တွင်းအသုံးစားရိတ် များနှင့်ပက်သက်ပြီး ရုန်းကန်ရမည့် ဒုတိယမြောက် နိုင်ငံဖြစ်လာခဲ့သည်။
Ref : presstv
____________________
ဘရွတ်ကလင်းမြို့တွင် ဓားထိုးမှုဖြစ်ပွား လူငါးဦးသေဆုံး
အမေရိကန်ပြည်ထောင်စု နယူးယောက်ပြည်နယ် ဘရွတ်ကလင်းမြို့တွင် ယမန်နေ့က ဓားထိုးမှုတစ်ခုဖြစ်ပွားခဲ့ပြီး ကလေးငယ် လေးဦးအပါအ၀င် စုစုပေါင်း လူငါးဦးသေဆုံးခဲ့သည်ဟုသိရသည်။
သေဆုံးသွားသူများမှာ အသက် ၁နှစ်နှင့် ၅ နှစ်အရွယ်ယောက်ျားလေးနှစ်ဦး အသက် ၇နှစ်နှင့် ၉နှစ်အရွယ်ရှိ မိန်းကလေးနှစ်ဦးနှင့် ၃၇ နှစ်အရွယ်ရှိ အမျိုးသမီးတစ်ဦးတို့ဖြစ်ကြပြီး ခန္ဓာကိုယ်အပေါ်ပိုင်းဒဏ်ရာများဖြင့် သေဆုံးနေခြင်းဖြစ်သည်ဟု နယူးယောက်ရဲတပ်ဖွဲ့က သတင်းထုတ်ပြန်ခဲ့သည်။
ထို့ပြင် သေဆုံးသွားသူများမှာ မည်သူမည်ဝါဖြစ်သည်ဟု မသိရှိရသေးကြောင်း၊ အခင်းဖြစ်ပွားပြီးနောက် လူတစ်ဦးအား ဖမ်းဆီးထိန်းသိမ်းထားသော်လည်း တရားစွဲဆိုထားခြင်းမရှိကြောင်း၊ မည်သည့်အကြောင်းကြောင့် ထိုကဲ့သို့ဖြစ်ရသည်ကို ဆက်လက်စုံစမ်းနေကြောင်း ရဲတပ်ဖွဲ့က ပြောကြားခဲ့သည်။
Ref : cnn
____________________
ဂျာမနီဝန်ကြီးချုပ်၏ ဖုန်းခေါ်ဆိုမှုများအား ၂၀၀၂ ခုကတည်းက အမေရိကန်တို့ စောင့်ကြည့်ခဲ့
ဂျာမနီဝန်ကြီးချုပ် အိန်ဂျလာ မာကယ်လ်၏ ဖုန်းခေါ်ဆိုမှုများအား အမေရိကန်က ၂၀၀၂ ခုနှစ်ကတည်းက စောင့်ကြည့်နေခဲ့သည်ဟု ဂျာမနီမဂ္ဂဇင်းတစ်စောင် ဖြစ်သည့် Der Spiegel က ရေးသားဖော်ပြလိုက်သည်။
ယမန်နေ့က ဖော်ပြခဲ့ခြင်းဖြစ်ပြီး မာကယ်လ်၏ မိုဘိုင်းဖုန်းနံပါတ်အား အမေရိကန်ထောက်လှမ်းရေးအေဂျင်စီ NSA ၏ အထူးစုဆောင်းရေးအဖွဲ့ (SCS) ၏ စာရင်းတွင် ၂၀၀၂ ခုနှစ်ကတည်းက “GE Chancellor Merkel” အမည်ဖြင့် ထည့်သွင်းထားခဲ့ခြင်းဖြစ်ပြီး ပြီးခဲ့သည့်ဇွန်လက သမ္မတအိုဘာမား ဘာလင်သို့မသွားမီအထိ ထိုစာရင်းတွင်ရှိနေခဲ့ကြောင်း ရေးသားခဲ့သည်။
Ref : aljazeera
____________________
မက္ကဆီကိုအကျဉ်းထောင်တစ်ခုတွင် ဓားထိုးမှုဖြစ်ပွားသောကြောင့် လူ ၇-ဦးသေဆုံး
မက္ကဆီကိုနိုင်ငံ တမာအူလီပတ်ပြည်နယ်ရှိ အကျဉ်းထောင်တစ်ခုတွင် အကျဉ်းသားများအချင်းချင်း တိုက်ခိုက်မှုများဖြစ်ပွားခဲ့ပြီး အကျဉ်းသား ၇ ဦးသေဆုံးခဲ့သည်ဟု အာဏာပိုင်များက ပြောဆိုခဲ့သည်။
အမေရိကန်နယ်စပ်မှ မိုင် ၃၀၀ အကွာရှိ Altamira အကျဉ်းထောင်တွင် ယမန်နေ့ည ၆ နာရီကဖြစ်ပွားခဲ့ခြင်းဖြစ်ပြီး လက်လုပ်ဓားများကိုင်ဆောင်ကာ အကျဉ်းသားအချင်းချင်း တိုက်ခိုက်မှုများကြောင့် ၇ ဦးသေဆုံးခဲ့ကာ ၂ ဦးဒဏ်ရာရရှိခဲ့ပြီး အခြေအနေအား တစ်နာရီအတွင်းတွင် ထိန်းသိမ်းနိုင်ခဲ့သည်ဟု သိရသည်။
ထိုတိုက်ခိုက်မှုတွင်ပါဝင်သည်ဟု သံသယရှိသူ အခြား ၉ ဦးကိုလည်း ထိန်းသိမ်းထားပြီး ၎င်းတို့အားလုံးမှာ အသက် ၂၀ မှ ၅၉ နှစ်အတွင်းရှိကြသည်ဟု ထောင်အာဏာပိုင်များက ပြောကြားခဲ့သည်။
၂၀၁၂ ခုနှစ်ကလည်း အဆိုပါအကျဉ်းထောင်တွင် ထိုကဲ့သို့တိုက်ခိုက်မှုများ ဖြစ်ပွားခဲ့ပြီး ၃၁ ဦးသေဆုံးခဲ့ကာ ၁၃ ဦးဒဏ်ရာရရှိခဲ့သည်။
Ref : cnn
____________________
အရီဇိုးနားပြည်နယ်တွင် သေနစ်ပစ်ခတ်မှုဖြစ်ပွား
အမေရိကန်ပြည်ထောင်စု အရီဇိုးနားပြည်နယ် ဖီးနစ်မြို့တွင် ယမန်နေ့နံနက်ပိုင်းက သေနတ်ဖြင့်ပစ်ခတ်မှုဖြစ်ပွားခဲ့ပြီး လူငါးဦးသေဆုံးခဲ့သည်ဟု ရဲတပ်ဖွဲ့က သတင်းထုတ်ပြန်ခဲ့သည်။
သေဆုံးသူများထဲတွင် သေနတ်ဖြင့်ပစ်ခဲ့သည်ဟု ယူဆရသူ အသက် ၅၀ ၀န်းကျင်ရှိ လူဖြူအမျိုးသားလည်းပါဝင်ပြီး ၎င်း၏အလောင်းအား သေဆုံးသွားသူများ၏ ဘေးတွင်တွေ့ရှိခဲ့ရကာ ကိုယ့်ကိုကိုယ် ပြန်လည်ပစ်သတ်ခဲ့ခြင်းဖြစ်မည်ဟု ဆာဂျင် တော်မီ သွမ်ဆန်က ပြောကြားခဲ့သည်။
သေဆုံးသွားခဲ့သူများနှင့် သေနတ်ဖြင့်ပစ်ခဲ့သည်ဟု သံသယရှိသူမှာ မည်ကဲ့သို့ ဆက်ဆံရေးရှိသည်ကို အတည်မပြုနိုင်သေးဘဲ အိမ်နီးချင်များဖြစ်မည်ဟု ယူဆရကြောင်း၊ အခင်းဖြစ်ပွားရာနေရာတွင် ခွေးနှစ်ကောင်သေဆုံးနေသည်ကို တွေ့ရှိရပြီး ၎င်းတို့မှာ ခွေးဟောင်မှုများနှင့်ပက်သက်ပြီး စကားများခဲ့ဘူးသည်ဟု အိမ်နီးချင်းများက ပြောကြားခဲ့ကြောင်း သွမ်ဆန်က ထည့်သွင်းပြောကြားခဲ့သည်။
အမေရိကန်နိုင်ငံတွင် အကြမ်းဖက်ရာဇ၀တ်မှုများမှာ ပြီးခဲသည့်နှစ်က ၁၅ ရာခိုင်နှုန်းမြင့်တက်ခဲ့သည်ဟု အစိုးရ၏ ထုတ်ပြန်ချက်အရ သိရှိရသည်။ ပြီးခဲ့သည့်နှစ်ဒီဇင်ဘာလက ကွန်နက်တီကတ်ပြည်နယ် နယူးတောင်းမြို့ရှိ မူလတန်းကျောင်းတွင် ဖြစ်ပွားခဲ့သည့်ပစ်ခတ်မှုကြောင့် ဆရာများနှင့်ကျောင်းသားစုစုပေါင်း ၂၆ ဦးသေဆုံးပြီးနောက်ပိုင်း ယခုအချိန်အထိ သေနတ်ဖြင့်ပစ်ခတ်အကြမ်းဖက်မှုကြောင့် လူပေါင်း ၂၈၄၀၀ သေဆုံးခဲ့ပြီးဖြစ်သည်။
Ref : presstv
____________________
_________________________
_________________________
_________________________
______________________
______________________
______________________
______________________
______________________
______________________
______________________
______________________
_______________________
_______________________
_______________________
______________
_______________________