နိုဝင်ဘာ ၁၁၊ ၂၀၁၃
M-Media
လက်ထိပ်ဖြင့် ရေနစ်သေဆုံးခဲ့သူ အမျိုးသမီးအတွက် ဖမ်းဆီးထားသည့် ရဲ ၄-ဦးအား ပြန်လွှတ်
၂၀၁၃-ခု ဇွန်လအတွင်းက ဧရာဝတီတိုင်း သပြေပင်ကျေးရွာမှ ရွှေ ၁၀-ကျပ်သား ပျောက်ဆုံးမှု သံသယတရားခံအဖြစ် ဖမ်းဆီးအမှုစစ်ဆေးနေစဉ် လက်ထိတ်ခတ် ခံထားရ မသန်းသန်းအေးသည် င၀န်မြစ်အတွင်း ခုန်ချ၍ မိမိကိုယ်ကို အဆုံးစီရင်ခဲ့သဖြင့် တာဝန်ရှိသည့် ရဲဝန်ထမ်း ၅-ဦးအား ဖမ်းဆီးထားရာမှ ယခုလ ၅-ရက်နေ့က ရဲတပ်ကြပ် ၄-ဦးအား ရာထူးတဆင့်ဆီ လျော့ချ၍ ပြန်လွှတ်ပေးခဲ့ပြီး မသန်းသန်းအေး သေဆုံးမှုတွင် အဓိကတာဝန်ရှိသူ အဖွဲ့ခေါင်းဆောင် အမှုစစ်ဖြစ်သူ ဒုရဲအုပ်ကို သီးသန့်အမိန့်ချမည်ဖြစ်ကြောင်း ဧရာဝတီသတင်းတွင် ဖော်ပြထားပါတယ်။
_______________________
မြန်မာအကျဉ်းသားများ လွတ်မြောက်ရန် ထိုင်းနိုင်ငံရှိ မြန်မာသံရုံးမှ ကြိုးပမ်းဆောင်ရွက်
ထိုင်းနိုင်ငံ၏ အစဉ်အလာအရ ထိုင်းဘုရင်နှင့် မိဖုရားတို့၏ မွေးနေ့အခါသမယမှာ ထိုင်းလူမျိုးများအပါအ၀င် ထိုင်းနိုင်ငံတ၀န်းရှိ ပြစ်ဒဏ်အသီးသီးကျခံနေရသူများကို ပြစ်ဒဏ်လျော့ပေါ့ခြင်းနှင့် လွတ်ငြိမ်းချမ်းသာခွင့်ပေးခြင်းများ ပြုလုပ်လျက်ရှိသည့်အတွက် လာမယ့် ဒီဇင်ဘာ ၅-ရက် မွေးနေ့တွင်လည်း မြန်မာနိုင်ငံသား အကျဉ်းသား များ လွတ်ငြိမ်းချမ်းသာခွင့် ရရှိရေးအတွက် ထိုင်းနိုင်ငံဌာနအသီးသီးသို့ ဘန်ကောက်ရှိ မြန်မာနိုင်ငံ သံရုံးမှ အကြောင်းကြား မေတ္တာရပ်ခံထားကြောင်း RFA သတင်း ဖော်ပြချက်မှ သိရှိရပါတယ်။
______________________
ကျပ် ခြောက်ဘီလျံဖိုး လက်နက်များ ၀ယ်ယူမည့် ပြည်ထဲရေးဌာန
မြန်မာ ကျပ် ခြောက်ဘီလျံ တန်ဖိုးရှိသည့် နည်းပညာမြင့် လက်နက်များကို ပြည်ထဲရေးဝန်ကြီးဌာနက ၀ယ်ယူနေပြီး နယ်စပ်တွင် တာဝန်ထမ်းဆောင်နေသည့် ရဲတပ်ဖွဲ့ဝင်များအား အဆိုပါ လက်နက်များကို တပ်ဆင် ပေးအပ်သွားမည်ဖြစ်ကြောင်း ဧရာဝတီသတင်းဖော်ပြချက်အရ သိရပါတယ်။
______________________
အီရန် ဒုဝန်ကြီးတစ်ဦး တီဟီရန်တွင် လုပ်ကြံခံရ
အီရန်နိုင်ငံ၏ စက်မှုလက်မှုဝန်ကြီးဌာနမှ ဒုဝန်ကြီးတစ်ဦးမှာ အမည်မသိ သေနတ်သမားတစ်ဦး၏ လုပ်ကြံခြင်းကို ခံခဲ့ရသည်ဟု အီရန်နိုင်ငံပိုင် သတင်းဌာန IRNA က ဖော်ပြခဲ့သည်။
သတ္ထုတွင်းနှင့် ကုန်သွယ်ရေးဝန်ကြီးလည်းဖြစ်သူ ဆက်ဖ်ဒါရ် ရဟ်မတ်အာဘာဒီမှာ အီရန်မြို့အရှေ့ဘက်ပိုင်းတွင် ယမန်နေ့ ည ၇ နာရီခန့်က သေနတ်ဖြင့် ပစ်သတ်ခံခဲ့ ရခြင်းဖြစ်ပြီး ဦးခေါင်းနှင့် ရင်ဘတ်တို့တွင် ထိမှန်ခဲ့သည်ဟု သိရသည်။
ကျည်ဆံခွံအား ၎င်း၏ ကားအတွင်းတွင်တွေ့ရှိခဲ့ရပြီး ကား၏ မှန်များမှာလည်း အကောင်းပကတိအတိုင်းရှိနေသောကြောင့် လူသတ်သမားမှာ ၀န်ကြီး၏ကားနှင့် အတူ လိုက်ပါသွားသောသူဖြစ်နိုင်သည်ဟု ရဲတပ်ဖွဲ့က သတင်းထုတ်ပြန်ခဲ့သည်။ ထိုလူသတ်မှုအား ဆက်လက်စုံစမ်းနေပြီး မည်သည့်အဖွဲ့အစည်းကမှ ယခုအချိန်အထိ တာဝန်ယူမှုမရှိသေးဟု ရဲတပ်ဖွဲ့က ထပ်လောင်းပြောကြားခဲ့သည်။
ပြီးခဲ့သည့် ဗုဒ္ဓဟူးနေ့ကလည်း နိုင်ငံအနောက်တောင်ပိုင်း ပါကစ္စတန်နယ်စပ်ရှိ မြို့တစ်မြို့တွင် အီရန်တရားသူကြီးတစ်ဦး သေနတ်ဖြင့်ပစ်သတ်ခံခဲ့ရသေးသည်။
Ref : Aljazeera
___________________
ပြုပြင်ပြောင်းလဲလုပ်ငန်းများလုပ်ဆောင်ရန် တရုတ်ကွန်မြူနစ်ပါတီပြင်ဆင်
နိုင်ငံမှာ နှစ်ပေါင်း ၃၀ ကြာ လျင်မြန်စွာတိုးတက်လာခဲ့ပြီးနောက် ထိုတိုးတက်မှုအား ထိန်းထားနိုင်ရန် ကြိုးပမ်းရန်အတွက် ပြုပြင်ပြောင်းလဲရေး လုပ်ငန်းစဉ်များ လုပ်ဆောင်ရန်နှင့် ပြုပြင်ပြောင်းလဲရေးလုပ်ငန်းများကို မည်ကဲ့သို့အကောင်အထည်ဖော်မည်ကို ဆွေးနွေးရန် ၄ ရက်ကြာအစည်းအဝေး တစ်ရပ်ကို တရုတ် ခေါင်းဆောင် များက ပြုလုပ်ခဲ့ကြသည်ဟုသိရသည်။
ထိုအစည်းအဝေးအား ဘေဂျင်းမြို့အနောက်ဘက်ရှိ ဆိုဗီယက်ခေတ် အဆောက်အဦးတစ်ခုတွင် လုံခြုံရေးတင်းကျပ်စွာဖြင့် စနေနေ့ကတည်းက စတင်ကျင်းပခဲ့ခြင်း ဖြစ်ပြီး၊ ပြီးခဲ့သည့် မတ်လကမှ အာဏာလွှဲပြောင်းရယူ ထားသည့် တရုတ်ခေါင်းဆောင်သစ်အနေဖြင့် ပြုပြင်ပြောင်းလဲရေးလုပ်ငန်းများ လုပ်ဆောင်ရန် မည်မျှ စိတ် ထက်သန်မှုရှိသည်ကို ထိုအစည်းအဝေးမှ တွေ့မြင်ရမည်ဖြစ်သည်။
ကမ္ဘာ့ဒုတိယစီးပွားရေးအကြီးဆုံးနိုင်ငံဖြစ်သည့် တရုတ်နိုင်ငံ၏စီးပွားရေးမှာ လိုအပ်သည်ထက်ပိုထုတ်နိုင်စွမ်းများခြင်း၊ အကြွေးများထူပြောခြင်းနှင့် နေအိမ်ဈေးများ အဆမတန်မြင့်တက်ခြင်း စသည့် ၀န်ထုန်ဝန်ပိုးများကြောင့် အကြပ်အတည်းများတွေ့နေရေပြီး တရုတ်သမ္မတ ဇီဂျင်းပင်နှင့် ၀န်ကြီးချုပ် လီ ကက်ရှန် တို့အနေဖြင့် တိုးတက်မှုများအား ထိန်းကြောင်းနိုင်မည့် အစီအစဉ်တစ်ခုအား ပြုလုပ်ပေးရမည်ဖြစ်သည်။
အစည်းအဝေးပြုလုပ်နေစဉ်အတွင်း သတင်းအနည်းငယ်ကိုသာ ထုတ်ပြန်သွားမည်ဖြစ်မည်ဖြစ်ပြီး၊ ပြုပြင်ပြောင်းလဲရေးနှင့်ပက်သက်သည့် ဆွေးနွေးမှုများကို ထိုအစည်း အဝေးတွင် ဆွေးနွေးနေသည်ဟု ဇင်ဟွာ သတင်းဌာနက ယမန်နေ့တွင် ဖော်ပြခဲ့သည်။
Ref : Aljazeera
___________________
ငြိမ်းချမ်းရေးကိစ္စအတွက်ဆွေးနွေးရန် ဆီးရီးယားအတိုက်အခံများ သဘောတူ
ဂျီနီဗာတွင်ပြုလုပ်မည့် ကမ္ဘာ့နိုင်ငံများ ပါဝင်မည့် ငြိမ်းချမ်းရေးဆွေးနွေးပွဲသို့ အခြေအနေ တစ်ခုအား လက်ခံပါက ပါဝင်မည်ဟု ဆီးရီးယား အတိုက်အခံများက သဘောတူခဲ့ကြောင်း ဆီးရီးယား အမျိုးသား မဟာမိတ်အဖွဲ့ကထုတ်ပြန်သော ကြေညာချက်တွင် ဖော်ပြထားသည်။
၂ နှစ်ခွဲကြာဖြစ်ပွားနေသည့် ပြည်တွင်းစစ်အား ရပ်တန့်ရန်ရည်ရွယ်သည့် ငြိမ်းချမ်းရေးဆွေးနွေးပွဲမတိုင်မီ အကူးအပြောင်းကာလ အစိုးရဖွဲ့စည်းရေးနှင့် ဆွေးနွေးပွဲမတိုင်မီ ပြုလုပ်ရမည့်ကိစ္စရပ်များကိုလည်း ယနေ့ထုတ်ပြန်သည့် အဆိုပါ ကြေညာချက်တွင်ဖော်ပြထားသည်။
နိုင်ငံအတွင်း အဓိကလိုအပ်ချက်များကိုလည်း ရေးသားဖော်ပြခဲ့ပြီး ထိုလိုအပ်ချက်များတွင် စစ်တပ်များဝန်းရံထားသော ဒေသများအတွင်း ကယ်ဆယ်ရေးအသင်းအဖွဲ့များ ၀င်ရောက်ရန်အတွက် အာမခံချက်ပေးရန်၊ နိုင်ငံရေးအကျဉ်းသားများ လွှတ်ပေးရန်နှင့် နိုင်ငံရေး အပြောင်းလဲများကို ပြုလုပ်ပေးမည့် အစည်းအဝေး ကျင်းပရန်ကိုလည်း တောင်းဆိုခဲ့သည်။
ထို့ပြင် ကြေညာချက်၏ အဓိကအချက်မှာ တိုင်းပြည်၏ အနာဂတ်တွင် ယခုလက်ရှိ ဘာရှာ အလ်-အာဆတ် အစိုးရ အနေဖြင့် လုံဝ ပါဝင် ပတ်သက်ခြင်းမပြုရ ဆိုသည်ကိုလည်း ထည့်သွင်းရေးသားထားသည်။
Ref : Aljazeera
————————————————-
** M-Media ၏ မူပိုင် သတင်း/ဆောင်းပါးများကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။
စီးပွားဖြစ် ထုတ်ဝေသော Print Media များတွင် အသုံးပြုလိုသူများ M-Media သို့ ခွင့်ပြုချက်တောင်းရန် လိုအပ်ပါမည်။
ဆက်သွယ်ရန် [email protected]
