News @ M-Media

Tag: interview

  • “ရခိုင်ပြည်နယ် တည်ငြိမ်ဖို့ နောက်ကွယ် ပယောဂ ရှာဖို့လိုတယ်”

    “ရခိုင်ပြည်နယ် တည်ငြိမ်ဖို့ နောက်ကွယ် ပယောဂ ရှာဖို့လိုတယ်”

     

    ရခိုင်ပြည်နယ်တွင် ဇွန်လ ၈ ရက်နေ့က မောင်တော၊ ဘူးသီးတာင် မြို့နယ်များက စတင် ဖြစ်ပွားခဲ့သော အဓိကရုဏ်း အကြမ်းဖက်မှု ဖြစ်စဉ်များနှင့် ပတ်သက်ပြီး နောက်ကွယ်တွင် အကြမ်းဖက်လိုသော လူတစု၏ ပယောဂများ ပါဝင်ကြောင်း ရန်ကုန် အခြေစိုက် မြန်မာ နိုင်ငံလုံး ဆိုင်ရာ အစ္စလမ် ဘာသာရေး အဖွဲ့ကြီးက ပြောဆို လိုက်သည်။

    တည်ငြိမ် အေးချမ်းမှု ရရှိစေရန် အစိုးရက ဦးဆောင် လုပ်ကိုင်နေ သော်လည်း သာမန် မဟုတ်သော နောက်ကွယ်မှ အဖျက်ပယောဂ  ရှိနေခြင်းကြောင့် ထိရောက်မှု အားနည်း နေကြောင်း၊ တည်ငြိမ် အေးချမ်းမှု ရရှိရန် အစိုးရ အနေဖြင့် ဆူပူမှုများ ဖြစ်စေရန် လုပ်ဆောင် နေသော အဖွဲ့ကို ဖော်ထုတ် အရေးယူရန် လိုအပ်ကြောင်း အစ္စလမ် ဘာသာရေး အဖွဲ့ကြီးက ဆိုသည်။

    ထို အဖွဲ့သည် ရခိုင်ပြည်နယ် အတွင်း အကြမ်းဖက်မှု များနှင့် ပတ်သက်၍ အစိုးရ သတင်းစာက အရေးအသား အသုံးအနှုန်း အပေါ် အဖွဲ့တာဝန်ရှိသူများ ကိုယ်တိုင် အစိုးရနှင့် တရားဥပဒေ ဘောင်အတွင်းမှ ဖြေရှင်းလျက်ရှိပြီး လမ်းပေါ်ထွက် ဆန္ဒဖော်ထုတ်ခြင်းများ မပြုလုပ်ကြရန် မေတ္တာရပ်ခံ တားမြစ်ခဲ့သေးသည်။

    ထို့ကြောင့် ရခိုင်ပြည်နယ်အတွင်း ဖြစ်ပွားမှု အခြေအနေများ၊ နောက်ဆုံးအခြေအနေများနှင့် သဘောထားအမြင်များကို ဧရာဝတီ သတင်းထောက် ကျော်ခ က အမှတ်-၂၁၄၊ ဗိုလ်ဆွန်ပက် လမ်း၊ ပန်းဘဲတန်းမြို့နယ်ရှိ မြန်မာနိုင်ငံလုံးဆိုင်ရာ အစ္စလမ် ဘာသာရေး အဖွဲ့ကြီး၏ အတွင်းရေးမှူးချုပ် ဦးကျော်ခင် နှင့် ဆက်သွယ် မေးမြန်းထားသည်။

    မေး ။    ။ ရခိုင်ပြည်နယ်ထဲမှာဖြစ်ခဲ့တဲ့ အကြမ်းဖက်မှုအခြေအနေနဲ့ ပတ်သက်ပြီး အစိုးရကတော့ တည်ငြိမ်နေပြီလို့ ပြောတယ်။ ဘယ်လောက် အတိုင်းတာထိ တည်ငြိမ်နေပြီလဲ ခင်ဗျ။

    ဖြေ ။    ။ ဖြစ်ခဲ့တဲ့နေရာတွေအားလုံးမှာ ဒီနေ့ထိတော့ အေးသွားပြီလို့ပြောလို့ရတယ်။ ဒါပေမယ့် Stable (တည်ငြိမ်မှု) မဖြစ်သေး ဘူး။ တချို့နေရာတွေမှာ တဘက်နဲ့ တဘက် သူကပဲ ငါတို့ကို လာရိုက်မလား၊ ငါကပဲ သူ့ကို ရိုက်မလားဆိုတဲ့ အမြင်စောင်းပြီး ရန်ဆောင်နေတဲ့ အုပ်စုတွေရှိတယ်။ သံသယတွေရှိနေကြတုန်း အများအားဖြင့်တော့ Stable မဖြစ်သေးဘူး။

    မေး ။    ။ WFP တို့ UNHCR တို့အပြောအရတော့ ဒုက္ခသည်တွေက ၉ သောင်းကျော်တောင် ရှိနေတယ်လို့ ဆိုတယ်။ ဒီ ဒုက္ခသည် တွေကိုရော ဆရာတို့အဖွဲ့အနေနဲ့ အကူအညီတွေ သွားပေးဖို့ ရှိလား။

    ဖြေ ။    ။ အတိအကျ စာရင်းကတော့ ကျနော်တို့အနေနဲ့ မြေပြင်သွားပြီးကောက်လို့ မရသေးဘူးဗျ။ အခက်အခဲတွေ ရှိနေသေး တယ်။ ကျနော်တို့အနေနဲ့ စားနပ်ရိက္ခာနဲ့ ဆေးဝါး၊ ပြန်လည်ထူထောင်ရေး ပံ့ပိုးဖို့ ကိစ္စတွေနဲ့ ပတ်သက်ပြီးတော့ ဆောင်ရွက်နိုင်ဖို့ ကော်မတီလည်း ဖွဲ့ထားပြီးပါပြီ။ အဲဒီအတွက် သက်ဆိုင်ရာ သမ္မတရုံးနဲ့ အခြား အစိုးရရုံးတွေကိုလည်း စာပို့ထားပါတယ်။ ခုတော့ ပထမအဆင့် ဆောင်ရွက်နေပါပြီ၊ လက်တွေ့ကျကျ ကွင်းဆင်းဆောင်ရွက်ဖို့ကတော့ အခြေအနေ မပေးသေးပါဘူး။

    လတ်တလောတော့ အရေးတကြီးလိုအပ်နေတဲ့ ဆေးဝါးကိစ္စကိုတော့ ဦးစားပေးအဖြစ်နဲ့ ဗုဒ္ဓဟူးနေ့လောက် သွားပြီးပို့ဖို့ အစီအစဉ် ရှိပါတယ်။ ကျန်တဲ့ စားနပ်ရိက္ခာတွေ ပို့ပေးဖို့တော့ စိုင်းပြင်းနေရတဲ့ အနေအထားမှာ ရှိနေပါတယ်။

    မေး ။    ။ ဒုက္ခသည်တွေရဲ့ လက်ရှိ ရင်ဆိုင်ကြုံတွေ့နေရတဲ့ အခြေအနေတွေနဲ့ ပတ်သက်ပြီး ရှင်းပြပေးပါဦး ဘယ်လို အခက် အခဲ တွေ ရှိလဲဆိုတာ။

    ဖြေ ။    ။ အခြေအနေတွေက တည်ငြိမ်မှုမရှိသေးသော်လည်း အခက်အခဲတွေက ရှိနေပါတယ်။ ရိက္ခာကတော့ မျှဝေ စားသောက် နေရတဲ့ အနေအထား ရှိနေပါတယ်။

    မေး ။    ။ အကြမ်းဖက်မှု ဖြစ်ပွားခဲ့တာတွေနဲ့ ပတ်သက်ပြီး အစိုးရက လိုက်လံဖမ်းဆီးမှုတွေ ပြုလုပ်နေတယ်လို့ သတင်းတွေ ထွက် နေတယ်။ ဒီ အခြေအနေနဲ့ပတ်သက်ပြီး ပြောပြလို့ရနိုင်မလား ခင်ဗျ။

    ဖြေ ။    ။ အကြမ်းဖက်မှု နှစ်ဘက်စလုံး ဖြစ်တဲ့လူတွေကို တာဝန်ရှိသူတွေက ဖမ်းဆီးအရေးယူနေပါတယ်။ အဲဒါ ကျနော်တို့လည်း တွေ့နေရပါတယ်။ အရေအတွက် အတိအကျတော့ ကျနော်တို့ ပြောလို့မရသေးဘူးဗျ။ ဘာဖြစ်လို့လည်း ဆိုတော့ အခုဟာက ဘာ မှ ထုတ်ပြန်ထားတာ မရှိသေးဘူးလေ။ ဥပမာ ရသေ့တောင် အကြမ်းဖက်မှုမှာ လူ ၂၂ ယောက်ကို ဖမ်းဆီးထားလိုက်ပြီ အဲဒါမျိုးကိုတော့ သတင်းတွေအရ ကြားသိနေရတာပေါ့နော်။

    မေး ။    ။ အခုဖြစ်ပွားခဲ့တဲ့ အကြမ်းဖက်မှုတွေမှာ တဘက်နိုင်ငံသားတွေ ပါဝင်တယ်ဆိုတဲ့ စွပ်စွဲပြောဆိုမှုတွေလည်း ကြားနေ တယ်။ ဒါနဲ့ပတ်သက်ပြီး ဆရာတို့ သိထားရသလောက် ရှင်းပြပေးပါဦးခင်ဗျ။

    ဖြေ ။    ။ ဒီကိစ္စနဲ့ ပတ်သက်ပြီးတော့ ဥပဒေကြောင်းအရ၊ သမိုင်းကြောင်းအရ၊ ပထဝီအနေအထားအရ၊ နိုင်ငံရေး သဘောတရား အရ ရိုးသားစွာဖြေရှင်းရမယ့် ကိစ္စဖြစ်တဲ့အတွက်ကြောင့် လတ်တလောတော့ ဒီကိစ္စနဲ့ ပတ်သက်ပြီးတော့တော့ ကျနော်တို့ ဘာမှ ပြောလို့ မရသေးပါဘူး။ ကျနော်တို့အနေနဲ့တော့ အကြမ်းဖက်မှုမှန်သမျှကို မလိုလားဘူး။ တည်ငြိမ်အေးချမ်းရေးအတွက် တတ်နိုင်တဲ့ ဘက်က အစွမ်းကုန်ကြိုးစားသွားမယ်။

    မေး ။    ။ အခုဖြစ်သွားခဲ့တဲ့ အကြမ်းဖက်မှုဖြစ်စဉ်အပေါ် မြန်မာနိုင်ငံလုံးဆိုင်ရာ အစ္စလမ် ဘာသာရေးအဖွဲ့ကြီးအနေနဲ့ ဘယ်လိုမြင် လဲ ခင်ဗျ။

    ဖြေ ။    ။ ဒါက လူတယောက် အုပ်စု တစုရဲ့ ဥပဒေမဲ့ ရမ်းကားမှုမှ ဖြစ်တဲ့ကိစ္စပဲလေ။ ဥပဒေမဲ့ ဖြစ်တဲ့ကိစ္စကို ပယောဂ ပေါင်းပြီး တော့ ဆူပူမှုဖြစ်အောင် လုပ်တာပဲ။ အဲဒီကိစ္စတွေနဲ့ ပတ်သက်ပြီး ကျနော်တို့ အနေနဲ့ ရှုတ်ချတယ်။ မဖြစ်သင့်ဘူး။ နိုင်ငံတော် တည်ငြိမ် အေးချမ်းရေးကို တိုက်ရိုက် ထိခိုက်တယ်။ ကျနော်တို့ အနေနဲ့ လုံးဝ မလိုလားဘူး။

    လုပ်ငန်းမှာ ပယောဂ ပါရင် ဒီပယောဂကို ရှာဖို့လိုတယ်လေ။ ဒီပယောဂကို အဆုံးသတ်လိုက်မှပဲ ငြိမ်းချမ်းရေးက ရမှာကိုး ကျနော် တို့လည်း သက်ဆိုင်ရာ အစိုးရတွေကို တင်ပြနေပါတယ်။ ဒီပယောဂကို ရှာပါ။ ရှာပြီး အဆုံးသတ်လိုက်ရင် အကုန်လုံး ငြိမ်းချမ်းသွားမှာပါ။

    မေး ။    ။ တည်ငြိမ်အေးချမ်းမှုတွေ ရရှိဖို့ အတွက် ဘာတွေလိုအပ်မလဲ။ ဆရာတို့ အဖွဲ့အနေနဲ့ ရော ဘာတွေလုပ်ပေးနိုင်မလဲ။ ဘာတွေ လုပ်ပေးနေတာရော ရှိလဲခင်ဗျ။

    ဖြေ ။    ။ ငြိမ်းချမ်းမှုကို တည်ဆောက်တဲ့ နေရာမှာ တဘက်နဲ့ တဘက် သံသယ ကင်းရှင်းဖို့ လိုတာပေါ့နော်။ သံသယ ကင်းရှင်းပြီး တော့ မေတ္တာပေါင်းစပ်ပြီးတော့မှ ငြိမ်းချမ်းရေးက တည်ဆောက်လို့ရမှာကိုး အဲဒီတော့ သံသယ ကင်းရှင်းရေး လုပ်ငန်းတွေ တဘာသာ နဲ့ တဘာသာ၊ လူမျိုးတမျိုးနဲ့ တမျိုး သဟဇာတဖြစ်အောင် နေထိုင် ပြုမူ ဆက်ဆံသွားပြီးတော့ ကိုယ့်အကြောင်းသူသိ၊ သူ့အကြောင်း ကိုယ်သိပြီးတော့ သံသယ ကင်းရှင်းရေးလုပ်ငန်းကို ပထမ ဦးစွာ ဆောင်ရွက်ရပါမယ်။ ဒုတိယကတော့ မေတ္တာတရား နဲ့ ပေါင်းစပ်ပြီး လုပ်ရပါမယ်။ ဒါမှ ဘယ်အရာမဆို ငြိမ်းချမ်းမှာပါ။

    ဒါနဲ့ပတ်သက်ပြီး ကျနော်တို့ အစ္စလမ် ဘာသာရေး အဖွဲ့အစည်းအနေနဲ့ ကတော့ မေတ္တာရပ်ခံ ပန်ကြားလွှာတွေ၊ သဘောထား ကြေ ညာချက်တွေ ထုတ်ပြန်တယ်။ တဘက်ကလည်း ဗုဒ္ဓဘာသာဝင် အများစုရှိတဲ့ နိုင်ငံဖြစ်တဲ့အတွက်ကြောင့်မို့လို့ နိုင်ငံတော် သံဃ မဟာနာယက ကို လျှောက်တင်ပါတယ်။ သြဝါဒ ခံယူပါတယ်။ ဖြစ်ပွားရာဒေသက တိုင်းရင်းသား ရခိုင်လူမျိုးများနဲ့ တွေ့ဆုံ ပြီးတော့ ဒီကိစ္စ ငြိမ်းချမ်းရေးဖော်ဆောင်ဖို့အတွက် ဆောင်ရွက်ပါတယ်။ ရှေ့ဆက်ပြီးလည်း တိုးမြှင့်ဆောင်ရွက်သွားမှာပါ။ ကျနော်တို့ ဘာသာ ဝင်တွေကိုလည်း နိုင်ငံ့သားကောင်း ပီသအောင်လည်း သာသနာရဲ့အဆုံးအမအတိုင်း နေထိုင်ဖို့လည်း ကျနော်တို့ ဆော်သြ နေပါတယ်။

    မေး ။    ။ ရခိုင်ပြည်နယ်ထဲမှာဖြစ်နေတဲ့ အခြေအနေတွေ အမြန်ဆုံး တည်ငြိမ်အေးချမ်းသွားဖို့အတွက် ဘယ်အချက်က အရေးအကြီး ဆုံးဖြစ်မလဲဗျ။

    ဖြေ ။    ။ သံသယကင်းပြီးတော့ တယောက်နဲ့ တယောက် မေတ္တာနဲ့ ပေါင်းစပ်မှပဲပြီးမှာ၊ ပယောဂဆိုလည်း ဒီပယောဂကြီးကို အားလုံး တာဝန်သိသိနဲ့ တွန်းလှန် တိုက်ခိုက်ဖို့ လိုတာပေါ့။ ဒီလိုအဖျက်အမှောင့်လုပ်ငန်းတွေ လုပ်မယ့် ပယောဂ ကဘာလဲ။ အားလုံး နှစ်ဘက်နှစ်လမ်းက သိပြီးတော့ ချေမှုန်းလိုက်မယ်ဆိုရင် ငြိမ်းချမ်းရေးက အမြန်ဆုံး ရရှိသွားမှာပါ။

    မေး ။    ။ အခု အကြမ်းဖက်မှုတွေနဲ့ ပတ်သက်ပြီး အစိုးရရဲ့ ကိုင်တွယ်ပုံနဲ့ပတ်သက်ပြီးတော့ ဆရာတို့အနေနဲ့ရော ကျေနပ်၊ အားရ မှုရှိရဲ့လား။

    ဖြေ ။    ။ ပူးပေါင်းဆောင်ရွက်နေတဲ့အပေါ်မှာ ကျနော်တို့ တင်ပြချက်တွေကိုတော့ အစိုးရက လုပ်ပေးပါတယ်။ သို့သော်လည်း ပယောဂ ပါနေတဲ့အတွက်ကြောင့် လုပ်သလောက်တော့ အကျိုးသက်ရောက်မှု အားနည်းနေတယ်ပေါ့နော်။ သို့သော်လည်း နိုင်ငံတော် အစိုးရအနေနဲ့ အတတ်နိုင်ဆုံး အကောင်းဆုံး နည်းလမ်းတွေနဲ့ လုပ်နေပါတယ်။   ။

     

     ဧရာဝတီမီဒီယာမှ ကူယူဖော်ပြသည်။

  • ၈၈ မျိုးဆက်ကျောင်းသား ကိုမြအေးနှင့် တွေ့ဆုံခြင်း

    မြို့တော်ခန်းမရှေ့ မြန်မာမွတ်စလင်မ်များ ဆန္ဒထုတ်ဖော်မှုအား ကိုမြအေးမှ လာရောက်ဖြောင်းဖျပေးစဉ်

    Messenger Journal က ၈၈ မျိုးဆက်ကျောင်းသား ကိုမြအေးနဲ့ တွေ့ဆုံမေးမြန်းခန်းကို ဖော်ပြလိုက်ပါတယ်။

    မေး။ ။ ခုရက်ပိုင်းအတွင်းဖြစ်ခဲ့တဲ့ ကိစ္စရပ်တွေအပေါ် မြန်မာနိုင်ငံသားတစ်ယောက်အနေ နဲ့ရော အစ္စလာမ်ဘာသာဝင်တစ်ဦးအနေနဲ့ရော ၈၈ မျိုး ဆက်ကျောင်းသားတစ်ယောက်အနေနဲ့ရော ဘယ်လိုရှုမြင် ပါသလဲ။

    ဖြေ။ ။ အခု အဖြစ်အပျက်က ကျောက်နီမော် လူသတ်မှုပေါ့။ ဒါက လုံးဝမဖြစ်သင့်ပါဘူး။ ဒီ ရခိုင်အမျိုးသမီးလေး မသီတာထွေးကို မတရားအဓမ္မပြုကျင့်တာ အင်မတန် ရက်စက်ကြမ်းကြုတ်တဲ့ အပြုအမူပါ။ ဒီကိစ္စနဲ့ပတ်သက် ပြီး ကျူးလွန်တဲ့ တရားခံသုံးယောက်ကို ဥပဒေအရ ပြင်းပြင်းထန်ထန် အရေးယူသင့်ပါတယ်။ တဆက်ထဲ မှာပဲ တောင်ကုတ်မြို့ကို ဖြတ်သွားတဲ့ ခရီးသည်တင် ကားပေါ်က လူ ၁ဝ ယောက်ကို သတ်ဖြတ်တာကလည်း ကျွန်တော်တို့ မြန်မာ့ယဉ်ကျေးမှုအစဉ်အလာ မရှိပါ ဘူး။ ဒီလိုကိစ္စတွေကိုလည်း ရာဇဝတ်မှုလို့ မြင်တယ်။ ဒါကိုလည်း ဥပဒေအကြောင်းအရပဲ အရေးယူစေချင်ပါ တယ်။ နောက်တစ်ခုပြောချင်တာက ကျွန်တော် ဒီနေ့ ဒီအချိန်မှာ အသွင်ကူးပြောင်းရေးကာလပေါ့။ လူမျိုးရေး ဘာသာရေးကို အခြေခံတဲ့ အဓိကရုဏ်းမျိုးကို ဘယ်အုပ် စုက ဖန်တီးဖန်တီး ကျွန်တော်တို့ လုံးဝလက်မခံပါဘူး။

    မေး။ ။ သမိုင်းမှာလည်း ဒီလိုပဋိပက္ခတွေ ရှိခဲ့တယ်။ အခု အချိန်မှာလည်း လူတချို့ရဲ့ စိတ်ထဲ တစ်ခုခုလုပ်မယ် စိတ်မျိုးဝင်နေရင် ဦးမြအေးတို့အနေနဲ့ ဘယ်လို ဖြေရှင်းပေးချင်သလဲ။

    ဖြေ။ ။ ပွင့်ပွင့်လင်းလင်းပြောရင် ဒါက ရိုဟင်ဂျာအရေးပေါ့နော်။ တကယ့်ရိုဟင်ဂျာအရေးကို အကြောင်း ပြပြီး အစ္စလာမ်ဘာသာနဲ့ သက်ဆိုင်တဲ့ အရေး လိုဖန် တီးနေတဲ့ လူတွေရှိတယ်။ ရိုဟင်ဂျာအများစုက အစ္စလာမ် တွေလေ။ ဒါကို အကြောင်းပြုပြီး အစ္စလာမ်ဘာသာဝင်တွေ အရေးဆိုပြီး လုပ်နေတဲ့အစွန်းရောက်တဲ့ သူများရှိပါတယ်။ ကျွန်တော်တို့ လုံးဝလက်မခံနိုင်ပါဘူး။ ကျွန်တော်တို့က မြန်မာမွတ်စလင်ပါ။ ကျွန်တော်တို့က ရိုဟင်ဂျာ မဟုတ်ဘူး။ နောက်တစ်ခုကို ရခိုင်လူမျိုးတွေကို ပြောချင်တယ်။ မှန်ပါတယ်။ ရခိုင်ပြည်နယ်ဟာ ဘင်္ဂလား ဒေ့ရ်ှနဲ့ ကပ်နေလို့ ကိုယ့်အမျိုးသားရေး ခံကတုတ်ကိုတော့ ပြင်ရမှာပဲ။ ဒါ ကျွန်တော်လုံးဝ နားလည် တယ်။ ဒီလိုမဟုတ်ရင် သန်းရာ ကျော် နိုင်ငံကနေ ပြိုလာမယ့် လူမျိုးတွေအနေနဲ့ ရခိုင် အမျိုးသားတွေ စိုးရိမ်မယ်ဆိုတာကို ကောင်းကောင်း နားလည်ထားတယ်။ ဒါက ဘင်္ဂါလီတွေ၊ ဘင်္ဂလားဒေ့ရှ် ကလာ တဲ့ ပြဿနာတွေကို ရင်ဆိုင်တဲ့အခါမျာ ပြည်တွင်းမှာရှိတဲ့ အေးချမ်းစွာ နေထိုင်စားသောက်နေတဲ့ အစ္စလာမ် ဘာသာဝင်တွေနဲ့ မသက်ဆိုင်ဘူးလိုိ့ ရှင်းရှင်းပြောချင်တယ်။ ဘင်္ဂလားဒေ့ရ်ှက စိမ့်ပြိုလာမယ့်ကိစ္စကို ကျွန်တော်တို့လည်း မလိုလားဘူး။ အိန္ဒိယနဲ့လည်း ကပ်နေတယ်။ အလားတူပဲ တရုတ်ပြည်နဲ့လည်း ကပ်နေတာ။ ဒါ လူမျိုးရေး ကို ရှေ့တန်းတင်တာမဟုတ်ဘူး၊ သို့သော်လည်း ကျွန်တော်တို့ အမျိုးသားရေးကိုတော့ ရှေ့တန်း တင်ရမှာပဲ။

    မေး။ ။ အခု ဖြစ်ခဲ့တဲ့ကိစ္စမှာ နိုင်ငံရေးပါတီတွေ ပါဝင်ဖြန်ဖြေတာမျိုး မတွေ့ရသေးဘူး။ အဲဒီအပေါ်မှာရော ဘာပြောချင်ပါသလဲ။

    ကျွန်တော် ထင်ပါတယ်။ နိုင်ငံရေးပါတီတွေပဲ လုပ်ကြပြောကြမှာပါ။ ကျွန်တော်တို့အနေနဲ့ ကတော့ ဒီနေ့ ပြုပြင် ပြောင်းလဲတဲ့အချိန်ဆိုတော့ စိတ်ပူတယ်။ အခြေခံ ဖွဲ့စည်းပုံဥပဒေအရ ဆူပူမှုဖြစ်ရင် တပ်မတော် ရဲ့အခန်း ကဏ္ဍ၀င်လာပြီးတော့ ထိန်းသိမ်းမယ်လို့ ပြဌာန်းထားတာရှိတယ်။ အားလုံးပဲသိပါတယ်။ အဲဒီ အခြေအနေကို ပြန်မရောက်စေချင်ဘူး။ အမုန်းတရားပေါ်မှာ အခြေခံတဲ့ သွေးချောင်းစီး လူသတ်မှုတွေ မဖြစ်စေချင်ဘူး။ ကျွန်တော်တို့အားလုံး ချစ်ချစ်ကြည်ကြည် ရင်းရင်းနှီးနှီး၊ ပြဿနာဖြစ်ရင်လည်း ညှိနှိုင်း တိုင်ပင်စေချင်တယ်။ အဲဒါ ရင်ထဲက ဆန္ဒပါ။

    မေး။ ။မေလ ၂၈ ရက်နေ့က ရခိုင်အမျိုးသမီးလေး သတ်ခံရတဲ့ကိစ္စ၊ ပြီးတော့ ရိုးမသစ္စာယာဉ် ဖျက်စီးခံရပြီး လူ ၁၀ ယောက် အသက်ဆုံးရှုံးသွားရတဲ့ ကိစ္စတွေနဲ့ ပတ်သတ်ပြီး ခု ရန်ကုန်အထိ ဆန္ဒထုတ်ဖော်တာတွေရှိလာတယ်။ အဲဒီရဲ့ အကျိုးဆက်အဖြစ်ဘာတွေရှိလာနိုင်လဲ။

    ဖြေ။ ။ ဒီနေရာကနေ တစ်ဆက်ထဲ ကျွန်တော် အကူအညီ တောင်းချင်တာက ဆရာတော်ကြီးတွေ၊ အစ္စလာမ် ဘာသာရေး ခေါင်းဆောင်တွေက သက်ဆိုင်ရာ အာဏာပိုင်တွေရော အကုန်လုံး ကျွန်တော်တို့ ဝိုင်းဝန်း ထိန်းသိမ်း သင့်တယ်။ မဟုတ်ရင် အလားလာကောင်းတော့ မတွေ့ဘူး။ ကျွန်တော် အရမ်းစိတ်ပူနေတယ်။ အရမ်းလဲ စိုးရိမ်ပါတယ်။ နောက်တစ်ခုပြောချင်တာက ကျူးလွန်တဲ့သူတွေကို ထိထိရောက် ရောက် အရေး ယူပေးပါ။ အလားတူ ၁ဝ ယောက် အသတ် ခံရတာကိုလည်း စုံစမ်းရေးကော်မတီဖွဲ့ပြီး ဥပဒေအကြောင်း အရ ထိထိရောက်ရောက် အရေးယူပေးပါ။ ရာဇ၀တ်မှုကို ရာဇဝတ်မှုလို့ မြင်ပေးပါဗျာ။ အဲဒီထဲမှာ လူမျိုးရေး ဘာသာရေးတွေ အဆိပ်မခပ်စေချင်ဘူး။ ကျွန်တော် အစိုးရ သတင်းစာထဲမှာပါတဲ့ စကားလုံးတွေ ကို ပြောချင်တယ်။ ကျွန်တော်တို့ ခင်ဗျားတို့လည်း မှုခင်းဂျာနယ်တွေ ဖတ်ဖူးတယ်။ ဖတ်တဲ့အခါ မုဒိမ်းမှု ကျူးလွန်တာ လူသတ်မှုကျူးလွန် တာ ဖတ်ရတဲ့အခါတိုင်းမှာ ဘာသာလူမျိုးရေးထားတာ မတွေ့ဖူးဘူး။ ဒီပြဿနာဖြစ်တဲ့ အခါမှဘာသာ လူမျိုးကို ခွဲခြားဖော်ပြထားတာ ရိုးသားမှုရှိသလား၊ မရှိဘူးလားဆိုတော့ ကျွန်တော်တို့ စဉ်းစားစရာရှိတယ်။ မွတ်စလင်ကုလားလို့ သုံးတဲ့ အသုံးအနှုန်းက ကျွန်တော့်အသက် ၄၆ နှစ်ရှိ ပါပြီ။ တစ်လျှောက်လုံးမှာ အစိုးရက ခုလို တရားဝင် သုံးတာ မတွေ့ဘူးပါဘူး။ သုံးနှုန်းတဲ့ အသုံးအနှုန်း ပုံစံကို ကျွန်တော် လုံးဝမကြိုက်ဖူး။ ဒါက Yellow Journalism ပဲ။ နိုင်ငံသတင်းစာကြီးအနေနဲ့ ဒီလိုမျိုးမရေး သင့်ဘူး။ ကျူးလွန်တဲ့လူကိုလည်း အရေးယူသင့်တယ်။ ကျွန်တော့်ခံစားချက်ကိုပြောရင် ဥပဒေအကြောင်း အရ ဖြေရှင်းပါ။ မသက်ဆိုင်တဲ့သူတွေကို မလုပ်ပါနဲ့။ အလားတူ လူမျိုးရေးဘာသာရေးကို ဖြေရှင်းတာ ပြဿနာတစ်ရပ်အနေနဲ့ ဘယ်လိုမှ မရနိုင်ဘူး။ ကျွန်တော် မေတ္တာရပ်ခံပါတယ်။ ဒီပြဿနာတွေ မဖြစ်အောင် အရေးယူပါ။ ကျွန်တော့် အနေနဲ့ ဘယ်ဘက်မှ မလိုက်ပါဘူး။ ကျွန်တော် အစ္စလာမ်ဘာသာဝင် မှန်တယ်၊ ကျွန်တော် မြန်မာနိုင်ငံမှာရှိတဲ့ သန်း ( ၆၀ ) အတွက် ပဲ အလုပ်လုပ်မှာပါ။ လူမျိုးရေးအပေါ် ကျွန်တော့် ဘာသာရေးအပေါ် မလိုက်ပါဘူး။ ရိုဟင်ဂျာ ကိစ္စကို ထပ်ပြောပါမယ်။ ရိုဟင်ဂျာ အရေးကို အစ္စလာမ်အရေးလို့ လုပ်နေတဲ့သူတွေရဲ့ အန္တရယ်ကို လည်း ကျွန်တော်တို့ကာ ကွယ်တာဆီး၇မှာဖြစ်သလို ရိုဟင်ဂျာအရေးကိုဗန်းပြပြီး အခြားသော အစ္စလာမ် ဘာသာဝင်တွေကို စည်းခြား ဆက်ဆံဖို့ကြိုးစား နေသူတွေကိုလည်းသတိပြုရမှာဖြစ်ပါတယ်။

    မေး။ ။ အခု ရခိုင်၊ မြန်မာနဲ့ အစ္စလာမ်ဘာသာ ၀င်တွေ ကြားမှာ ဒီကိစ္စကြောင့် သံသယတွေ ရှိလာကြမယ်၊ မလုံခြုံမှုတွေ ခံစားနေကြရမယ်ဆိုရင် သူတို့အနေနဲ့ ဘယ်လို ခံယူချက်မျိုး ထားသင့်တယ်လို့ ထင်ပါသလဲ။

    ဖြေ။ ။ ကျွန်တော်တို့ ဘာသာရေးကို တကယ်တမ်းကိုးကွယ်ရင် ဘာသာရေးက ဆုံးမတဲ့အရာတွေကို လေးစား လိုက်နာရမှာပါ။ ကျွန်တော်သိသလောက် ကျွန်တော် သိမ်ဖြူကျောင်းတိုက်ကြီးဘေးမှာ နေဖူးတယ်။ ကျွန်တော် နားလည်သလောက် ဗုဒ္ဓဘာသာရဲ့ အဆုံးအမက မေတ္တာတရားပါ။ မေတ္တာနဲ့ ကမ္ဘာကြီးကို ဖြန့်ကျက်တာပါ။ ဗုဒ္ဓဘာသာဝင်တွေက မေတ္တာတရားလက်ကိုင်ထားကြတာကို လက်ခံထားပါတယ်။ အလားတူပဲ အစ္စလာမ် ဘာသာဝင်တွေအနေနဲ့ သူများသားသမီးကို သတ်ဖြတ် ဖျက်စီးရမယ်လို့ မပြဌာန်းထားပါဘူး။ ကိုယ့်ထဲမှာရှိတဲ့ အကျင့်ဖောက်ဖျက်သူတွေကို ဘာသာရေး ခေါင်းဆောင်တွေက ထိန်းသိမ်းပါ။ ဒါမှ လူတွေက ကိုယ်ကျင့် တရားအတိုင်း စွမ်းဆောင်နိုင်မယ်။ ဘာသာရေး အသွင်သဏ္ဍာန်ဆောင်လို့ ဘာသာရေး အဆုံးအမ နာခံကြ မယ်ဆိုရင် ငြိမ်းချမ်းမှုကို ခံယူပါ။ ငြိမ်းချမ်းစွာ ဖြေရှင်းပါ။ ဘာသာတရားရဲ့ အဆုံးအမကို ခံယူပါလို့ ကျွန်တော် မေတ္တာရပ်ခံချင်ပါတယ်။

    မေး။ ။ နောက်ဆုံးအနေနဲ့ ရိုဟင်ဂျာအရေးကို မြန်မာနိုင်ငံထဲမှာ လက်ခံဖို့ ပြည်ပမီဒီယာတွေက အမျိုးမျိုး ဖိအားပေးတယ်။ ပြည်တွင်းမီဒီယာတွေက ပါးစပ်ပိတ်နေကြတယ်လို့ ပြောနေကြတယ်။ ဒီရိုဟင်ဂျာအရေးကို နိုင်ငံရေး တက်ကြွလှုပ်ရှားသူတစ်ယောက်အနေနဲ့ ဘယ်လိုရှုမြင်ပါသလဲ။

    ဖြေ။ ။ ကျွန်တော်တို့ နိုင်ငံရေးလုပ်မယ်ဆိုရင် အမျိုးသားရေး အစွန်းရောက်လို့မရသလို အမျိုးသားရေးကို စွန့်ပစ်လို့လည်း မရဘူး။ ရခိုင်ပြည်နယ်မှာ ရှိတဲ့ လူဦးရေကို တွက်ကြည့်ပါ။ သူတို့နဲ့ ထိစပ်နေတဲ့ ဘင်္ဂလားဒေ့ရ်ှရဲ့ လူဦးရေကို ကြည့်ပါ။ ရခိုင်အမျိုးသားတွေအနေနဲ့ ဘင်္ဂလားဒေ့ရ်ှကနေ ပြိုဆင်းလာမဲ့ အန္တရာယ်ကို စိုးရိမ်တယ် ဆိုတာ သဘာဝကျတယ်။ ကျွန်တော်တို့ လက်ခံရမဲ့ ကိစ္စလည်းဖြစ်တယ်။ ကျွန်တော်ပြောချင်တာက အဲဒီက ပြိုဆင်းလာမဲ့ ရိုဟင်ဂျာတွေရဲ့ အရေးကိစ္စကို ဗန်းပြပြီး မြန်မာနိုင်ငံတွင်းက အစ္စလာမ်ဘာသာဝင်တွေကို အရေး ကို ဆောင်ရွက်ခြင်းဟာ မှားပါတယ်။ လုံးဝမဟုတ်ပါဘူး။ လက်လည်း မခံနိုင်ပါဘူး။ အလားတူ ကျွန်တော် ပွင့်ပွင့်လင်းလင်းပဲ ပြောပါမယ်။ မြန်မာနိုင်ငံမှာရှိတဲ့ အစ္စလာမ်ဘာသာဝင်တွေ အနေနဲ့က မြန်မာပြည် မှာ နေပြီး၊ မြန်မာပြည်ကို ချစ်တယ်။ မြန်မာပြည်ရဲ့ ဆန်ကိုစားပြီး မြန်မာပြည်မှာ ကြီးတယ်။ အဲဒီအတွက် အမေကို ကျော်ပြီးဒွေးတော်လွမ်းနေစရာ အကြောင်းမရှိဘူး။ အဲဒီတော့ ရခိုင်အမျိုးသားတွေရဲ့ စိတ်ပူပန်မှုဟာ ကျွန်တော်တို့ရဲ့ စိတ်ပူပန်မှုပါ။ ကျွန်တော်တို့ကိုယ်တိုင် ရခိုင်အမျိုးသားတွေဘက်က ရပ်တည်ရမှာဖြစ်ပါတယ်။ ဒါက ရခိုင်ပြည်နယ်တစ်ခုတည်း မဟုတ်ပါဘူး။ ကျွန်တော်တို့ နိုင်ငံရဲ့ အရှေ့မြောက်ဘက်မှာလည်း တရုတ်နိုင်ငံ ရှိနေပါတယ်။ ကျွန်တော်တို့ နိုင်ငံရဲ့ သန်းပေါင်း ၆၀ သော ပြည်သူတွေရဲ့ အနာဂတ်အတွက် စဉ်းစားရမှာပါ။ ပထ၀ီဝင်နိုင်ငံရေးအရ ကျွန်တော်တို့ နိုင်ငံဟာ လူဦးရေ သန်း ၁၀၀၀ ကျော်ရှိတဲ့ အိန္ဒိယက တစ်ဘက်၊ တရုတ် က တစ်ဘက် ကြားမှာ ရှိနေတဲ့အတွက် ကျွန်တော်တို့ရဲ့အမျိုးသားရေး ခံကတုတ်၊ ယဉ်ကျေးမှုခံကတုတ်ကို မပြင်နိုင်ရင် ကျွန်တော်တို့ ကျွန်ဖြစ်လိမ့်မယ်။ ရေစုန်မြောလိမ့်မယ်။ အဲလိုကတော့ ကျွန်တော်တို့မှာ ရှင်းလင်း ပြတ်သားတဲ့ အတွေးအခေါ်ရှိပြီးသားပါ။ ဒါ လူမျိုးရေးနဲ့ မဆိုင်ဘူး။ တိုင်းပြည်အတွက် ထားရ မယ့် နိုင်ငံရေး သမားစိတ်ဓါတ်ပဲ။