Tag: Iran

မေ ၉၊ ၂၀၁၉
M-Media

-၂၀၁၅ ခုနှစ် နျူကလီးယားသဘောတူညီချက်ပါ ကတိက၀တ်တွေကို ကမ္ဘာ့နိုင်ငံတွေက မလိုက်နာတော့ဘူးဆိုရင် မိမိတို့အနေနဲ့ ယူရေနီယံ သန့်စင်မှုလုပ်ငန်းကို ပြန်လည်လုပ်ဆောင်သွားမယ်လို့ အီရန်သမ္မတ ဟာဆန် ရူဟာနီက မနေ့မှာ ပြောကြားလိုက်ပါတယ်။

အီရန်အနေနဲ့ ယူရေနီယံသန့်စင်ရေးလုပ်ငန်းကို အတိုင်းအတာတစ်ခုအထိ ရပ်ဆိုင်းဖို့နဲ့ အပြန်အလှန်အားဖြင့် စီးပွားရေးပိတ်ဆို့မှုတွေ ဖယ်ရှားပေးမယ်ဆိုတဲ့ သဘောတူညီချက်နဲ့ အမေရိကန်အပါအ၀င် ကမ္ဘာ့အင်အားကြီး ၆ နိုင်ငံတို့ဟာ အီရန်နဲ့ စာချုပ် ချုပ်ဆိုခဲ့တာ ဖြစ်ပါတယ်။

နိုင်ငံတကာ အနုမြူစွမ်းအင်အေဂျင်စီ IAEA က အီရန်ဟာ သဘောတူညီချက်အတိုင်း လိုက်နာလုပ်ဆောင်နေတယ်လို့ ပြောပေမယ့် အမေရိကန်က ပြီးခဲ့တဲ့နှစ် မေလမှာ စာချုပ်ကနေ နှုတ်ထွက်ခဲ့ပြီး အီရန်အပေါ် ပိတ်ဆို့မှုတွေ ပြန်လည်လုပ်ဆောင်ခဲ့ပါတယ်။

မနေ့က ရုပ်သံကတစ်ဆင့်ပြောကြားတဲ့မိန့်ခွန်းမှာ အီရန်သမ္မတ ရူဟာ နီက အီရန် ရေနံနဲ့ ဘဏ်လုပ်ငန်းအပေါ် အမေရိကန်ရဲ့ ပိတ်ဆို့မှုတွေကို ကာကွယ်ပေးမယ်ဆိုတဲ့ ကတိက၀တ်တွေကို စာချုပ်မှာ ကျန်ရှိနေတဲ့ ယူကေ၊ ပြင်သစ်၊ ဂျာမနီ၊ တရုတ်၊ ရုရှားတို့က အကောင်အထည်ဖော်ဖို့ ရက်ပေါင်း ၆၀ အချိန်ရမယ်လို့ ပြောကြားခဲ့ပါတယ်။

ပြည့်ဝယူရေနီယံ ရရှိအောင် သန့်စင်မှုမလုပ်ဘူးဆိုတဲ့ ၂၀၁၅ ခုနှစ် သဘောတူညီချက်ပါ ကတိက၀တ်ကို အီရန်က လိုက်နာတော့မှာ မဟုတ်ဘူးလို့လည်း ရူဟာနီက ထည့်သွင်း ပြောဆိုခဲ့ပါတယ်။

“စာချုပ်ပါ နိုင်ငံတွေအနေနဲ့ နောက်ထပ် ရက်ပေါင်း ၆၀ အတွင်း ကတိက၀တ်တွေကို ဆက်လက်လိုက်နာပြီး အီရန်ရဲ့ အကျိုးစီးပွား အန္တရာယ်ကင်းအောင် မဆောင်ရွက်ပေးဘူးဆိုရင် အီရန်က နောက်ထပ် လုပ်ဆောင်စရာရှိတာတွေ ဆက်လုပ်သွားမှာပါ။ နှစ်ဖက်စလုံး အမြတ်ထွက်နိုင်မယ့် အခြေအနေမျိုးကို အီရန်က လက်ခံသွားမှာ ဖြစ်ပါတယ်”

Ref : Aljazeera

ဧပြီ ၂၈၊ ၂၀၁၉
M-Media

– ပင်လယ်ကွေ့မှာ တပ်ဖြန့်ချထားတဲ့ အမေရိကန် လေယာဉ်တင်သင်္ဘော USS Dwight D Eisenhower ကို အီရန်တော်လှန်ရေးအစောင့်တပ်ဖွဲ့က ဒရုန်းနဲ့ ထောက်လှမ်းစောင့်ကြည့်ခဲ့တဲ့ ဗီဒီယိုတစ်ခုကို အီရန်သတင်းမီဒီယာ Tasnim က မနေ့မှာ ထုတ်လွှင့် ပြသခဲ့ပါတယ်။

လေယာဉ်တင်င်္ဘောအပြင် အမေရိကန်ရေတပ်က အခြား စစ်သင်္ဘောတစ်စီးကိုပါ ထောက်လှမ်းစောင့်ကြည့်ခဲ့တာကို  သတင်းဌာနက ပြသခဲ့ပေမယ့် ဘယ်တုန်းက ဗီဒီယိုလည်းဆိုတာကိုတော့ ထည့်သွင်းပြောဆိုခဲ့ခြင်း မရှိပါဘူး။ ဒီလို ထောက်လှမ်းမှုကို အီရန်ရဲ့ ပြည်တွင်းဖြစ်ဒရုန်း Ababil-3 နဲ့ ပြုလုပ်ခဲ့တာ ဖြစ်ပါတယ်။ ဒီဒရုန်းဟာ အမြင့် ၃၆၅၈ မီတာမှာ ကီလိုမီတာ ၂၅၀ အကွာအဝေးထိ ပျံသန်းနိုင်တဲ့ ဘက်စုံသုံးဒရုန်း ဖြစ်ပါတယ်။

အမေရိကန်ရေတပ် အလယ်ပိုင်းစစ်ဌာနချုပ်ရဲ့ ပြောရေးဆိုခွင့်ရှိသူ အမျိုးသမီး ခိုလ်ဂျေမော်ဂန်က USS Dwight D Eisenhower လေယာဉ်တင်သင်္ဘောဟာ ၂၀၁၆ ခုနှစ်ကတည်းကစပြီး ပင်လယ်ကွေ့မှာ မရှိတော့ဘဲ အမေရိကန်နဲ့ မဟာမိတ်တွေဟာ ဟော်မုဇ်ရေလက်ကြား လွတ်လပ်စွာ ရေကြောင်းသွားလာမှု ကတိက၀တ်ကို လိုက်နာတယ်လို့ ပြောကြားခဲ့ပါတယ်။

အီရန်က ထိပ်တန်းတပ်ဖွဲ့ဖြစ်တဲ့ ‘တော်လှန်ရေးအစောင့်တပ်’ ကို အမေရိကန် အကြမ်းဖက်အဖွဲ့အစည်းအဖြစ် အခုလအစောပိုင်းမှာ ကြေငြာခဲ့ပြီး ဒါဟာ နိုင်ငံတစ်နိုင်ငံရဲ့ တရားဝင်စစ်တပ်တစ်ခုကို အကြမ်းဖက်အဖွဲ့အဖြစ် အမေရိကန်က ပထမဆုံး ကြေငြာတာလည်း ဖြစ်ပါတယ်။

ဒီလုပ်ရပ်ကို တုန့်ပြန်တဲ့အနေနဲ့ အီရန်ကလည်း အရှေ့အလယ်ပိုင်းက အမေရိကန်တပ်ဖွဲ့ကို ‘အကြမ်းဖက်အဖွဲ့’ အဖြစ် သတ်မှတ်ခဲ့ပြီး အမေရိကန်အစိုးရဟာ ‘အကြမ်းဖက်အားပေးတဲ့နိုင်ငံ’ ဖြစ်တယ်လို့ ကြေငြာခဲ့ပါတယ်။

ရေကြောင်းကနေ ရေနံတင်ပို့မှုရဲ့ ၃ ပုံ ၁ ပုံလောက် ဖြတ်သန်းသွားလာနေတဲ့ ဟော်မုဇ်ရေလက်ကြားဟာ အမေရိကန်နဲ့ အီရန်တို့အကြား ထိပ်တိုက်တွေ့ဆုံမှုတွေ ဖြစ်တတ်တဲ့ နေရာတစ်ခုဖြစ်ပြီး ၁၉၈၈ ခုနှစ်က ဒီရေလက်ကြားမှာ နှစ်နိုင်ငံ တစ်ရက်ကြာစစ်ပွဲ ဖြစ်ပွားခဲ့ပါတယ်။

၂၀၁၆ ခုနှစ်ကလည်း အီရန်ရေတပ်ဟာ ပင်လယ်ကွေ့ကိုရောက်လာတဲ့ အမေရိကန်ရဲ့ နျူစွမ်းအင်သုံး လေယာဉ်တင်သင်္ဘော USS Harry Truman ကို ဝေဟင်ကနေ ထောက်လှမ်းစောင့်ကြည့်နိုင်ခဲ့ပါတယ်။

Ref: Aljazeera

ဧပြီ ၁၉၊ ၂၀၁၉
M-Media

– ပြီးခဲ့တဲ့သီတင်းပတ်တွေအတွင်း အီရန်နိုင်ငံမှာ အကြီးအကျယ် ရေကြီးရေလျှံမှုကြောင့် အတိဒုက္ခရောက်နေတဲ့ ပြည်သူတွေအတွက် ဆော်ဒီနဲ့ ယူအေအီးနိုင်ငံတွေက အကူအညီတွေ ပေးပို့တယ်လို့ သိရပါတယ်။

ဆော်ဒီကပို့တဲ့ အကူအညီ ၉၅ တန်မှာ အစားအသောက်နဲ့ နေထိုင်စရာ ပစ္စည်းတွေ ပါဝင်ပြီး ဆော်ဒီဘုရင် ဆလ်မန်၊ အိမ်ရှေ့မင်းသား မိုဟာမက် ဘင် ဆလ်မန်တို့ရဲ့ ညွှန်ကြားချက်နဲ့ ဆော်ဒီလခြမ်းနီအဖွဲ့က ပေးပို့ခဲ့တာဖြစ်ပါတယ်။

ယူအေအီး အာဏာပိုင်တွေကလည်း အီရန်က ရေကြီးရေလျှံတဲ့ဒေသတွေက ကူညီကယ်ဆယ်ရေးလုပ်ငန်းမှာ ယူအေအီး လခြမ်းနီအဖွဲ့ ပါဝင်ဆောင်ရွက်နေတယ်လို့ သတင်းထုတ်ပြန်ထားပါတယ်။ အီရန်ကတော့ ဒီသတင်းတွေအတွက် ထုတ်ပြန်ပြောကြားခြင်း မရှိသေးပါဘူး။

အီရန်နိုင်ငံတစ်ဝှမ်းမှာ မတ်လ ၁၉ ရက်နေ့ကစလို့ မိုးသည်းထန်စွာရွာသွန်းပြီး ရေကြီးရေလျှံမှုတွေ ဖြစ်ပေါ်ခဲ့တာကြောင့် အနည်းဆုံး ၇၆ ဦးသေဆုံးကာ ထောင်သောင်းချီ အိုးမဲ့အိမ်မဲ့ ဖြစ်ခဲ့ရပါတယ်။ လက်ရှိအချိန်အထိ ရေကြီးမှုကြောင့် ဆုံးရှုံးမှုတန်ဖိုးဟာ ကန်ဒေါ်လာ ၂.၅ ဘီလီယံ ရှိလာခဲ့ပြီဖြစ်ပါတယ်။

အီရန်အစိုးရက အမေရိကန်ရဲ့ ပိတ်ဆို့မှုတွေကြောင့် ကူညီကယ်ဆယ်ရေးလုပ်ငန်းမှာ အခက်အခဲတွေ ရှိနေတယ်လို့ ပြောကြားထားပြီး အီရန်အဓိပတိ ရူဟာနီက နိုင်ငံပြင်ပက အလှူငွေတွေကို လက်ခံနိုင်ရေး အမေရိကန်အနေနဲ့ ဘဏ်လုပ်ငန်းဆိုင်ရာ ပိတ်ဆို့မှုတွေကို တစ်နှစ်လောက် ရပ်ဆိုင်းပေးသင့်တယ်လို့ ဗုဒ္ဓဟူးနေ့မှာ ပြောကြားခဲ့ပါတယ်။

လက်ရှိမှာ အီရန်ဟာ ပါကစ္စတန်၊ ကူဝိတ်၊ ဂျာမနီ၊ ပြင်သစ်နဲ့ ဂျပန်တို့အပါအ၀င် နိုင်ငံတော်တော်များများက အကူအညီတွေကို လက်ခံရရှိထားပါတယ်။ ဆော်ဒီနဲ့ ယူအေအီးတို့ဟာ အီရန်ရဲ့ အဓိက ရန်ဖက်တွေဖြစ်ပြီး အရှေ့အလယ်ပိုင်း ဒေသတွင်း ပဋိပက္ခတွေမှာလည်း ဆန့်ကျင်ဖက်အုပ်စုတွေဖက်ကနေ ပါဝင်နေကြတာ ဖြစ်ပါတယ်။

ဆော်ဒီမှာ ထိပ်တန်း ရှီအာဘာသာရေးခေါင်းဆောင်တစ်ဦးကို ကွပ်မျက်ခဲ့တာကို မကျေနပ်တဲ့အတွက် အီရန်ပြည်သူတွေ ဆန္ဒပြခဲ့ပြီး ဆော်ဒီသံရုံးကို မီးရှို့ခဲ့တာကြောင့် ၂၀၁၆ ခုနှစ်မှာ ဆော်ဒီဟာ အီရန်နဲ့ သံအဆက်အသွယ် ဖြတ်တောက်ခဲ့ပါတယ်။

Ref: Aljazeera

 

ဧပြီ ၆၊ ၂၀၁၉
M-Media

– အီရန်နိုင်ငံရဲ့ ထိပ်တန်းတပ်ဖွဲ့ဖြစ်တဲ့ တော်လှန်ရေးအစောင့်တပ် IRGC ကို အမေရိကန်က အကြမ်းဖက်အဖွဲ့အဖြစ် သတ်မှတ်ဖို့ ရှိနေတယ်လို့ အမည်မဖော်လိုတဲ့ အမေရိကန်တာဝန်ရှိသူတွေကို ကိုးကားပြီး Wall Street Journal က ဒီကနေ့မှာ ဖော်ပြလိုက်ပါတယ်။

ထရမ့်အစိုးရဟာ အစောဆုံးအနေနဲ့ တနင်္လာနေ့မှာ ဒီဆုံးဖြတ်ချက်ကို ကြေငြာဖို့ ရှိနေပြီး အချုပ်အခြာအာဏာပိုင် နိုင်ငံတစ်ခုရဲ့ စစ်တပ်ကို အမေရိကန်က အကြမ်းဖက်အဖွဲ့အဖြစ် သတ်မှတ်တာဟာ ပထမဆုံး ဖြစ်လာမှာလည်း ဖြစ်ပါတယ်။

ဒီသတင်းနဲ့ပတ်သက်လို့ အိမ်ဖြူတော်နဲ့ အမေရိကန်အစိုးရတို့ကို မေးမြန်းခဲ့ပေမယ့် မှတ်ချက်ပေးဖို့ ငြင်းဆိုတယ်လို့ Wall Street Journal က ဖော်ပြပါတယ်။ ကုလဆိုင်ရာ အီရန်သံအမတ်ကလည်း ဒီကိစ္စကို မှတ်ချက်မပေးလိုဘူးလို့ ပြောကြားခဲ့ပါတယ်။

IRGC ကို အကြမ်းဖက်အဖွဲ့ဖြစ် သတ်မှတ်မယ်ဆိုတဲ့သတင်းဟာ နှစ်တော်တော်ကြာကတည်းက ထွက်ခဲ့တာဖြစ်ပါတယ်။ လက်ရှိမှာ တပ်ဖွဲ့က ဒါဇင်နဲ့ချီတဲ့ တာဝန်ရှိသူတွေ၊ တပ်ဖွဲ့နဲ့ ဆက်နွယ်သူ တော်တော်များများကို အမေရိကန်က နာမည်ပျက်စာရင်း သွင်းထားတာပါ။ နောက်ဆုံးအမည်ပျက်စာရင်းသွင်းဟာ ပြီးခဲ့တဲ့လမှာဖြစ်ပြီး IRGC ကို ဘဏ္ဍာငွေ ဒေါ်လာ ဘီလီယံချီ ထောက်ပံ့ပေးတယ်လို့ စွပ်စွဲခံရတဲ့ လူတွေ၊ ကုမ္ပဏီတွေကို ပစ်မှတ်ထားတာ ဖြစ်ပါတယ်။

IRGC လက်အောက်မှာရှိပြီး နိုင်ငံရပ်ခြား စစ်ဆင်ရေးတွေကို တာဝန်ယူထားတဲ့ Quds Force ကို အကြမ်းဖက်ဝါဒ အားပေးတဲ့အဖွဲ့အဖြစ် အမေရိကန်က ၂၀၀၇ ခုနှစ်မှာ သတ်မှတ်ခဲ့ပါတယ်။

တော်လှန်ရေးအစောင့်တပ်ဖွဲ့ကို အကြမ်းဖက်အဖွဲ့အဖြစ် စာရင်းသွင်းမယ်ဆိုရင် ဆိုးရွားတဲ့ တုန့်ပြန်မှုတွေနဲ့ ရင်ဆိုင်ရမယ်လို့ အီရန်အာဏာပိုင်တွေက သတိပေးဖူးပါတယ်။

IRGC ရဲ့တပ်မှူး မိုဟာမက် အလီ ဂျာဖာရီက သူတို့တပ်ဖွဲ့ကို ဒီလိုသတ်မှတ်မယ်ဆိုရင် အမေရိကန်စစ်တပ်ကိုလည်း IS အကြမ်းဖက်အဖွဲ့လို အဖွဲ့အမျိုးအဖြစ် သတ်မှတ်သွားမယ်လို့ ၂၀၁၇ ခုနှစ်မှာ ပြောကြားခဲ့ပါတယ်။

၁၉၇၉ ခုနှစ် အစ္စလာမ့်မစ်တော်လှန်ရေးပြီးတဲ့နောက် ဖွဲ့စည်းခဲ့တဲ့ IRGC ဟာ အီရန်နိုင်ငံက အင်အားအကောင်းဆုံး တပ်ဖွဲ့ဖြစ်ပြီး စီးပွားရေးနဲ့ နိုင်ငံရေးနယ်ပယ်တွေအထိ လွှမ်းမိုးမှုတွေ ရှိနေပါတယ်။ နိုင်ငံရဲ့ ဒုံးလက်နက်နဲ့ နျူစီမံကိန်းတွေကို IRGC က ကိုင်တွယ်ဆောင်ရွက်တာ ဖြစ်ပါတယ်။

Ref: Aljazeera