မတ် ၁၃၊ ၂၀၁၉
M-Media
– အစ္စရေးက မိမိတို့ရဲ့ ရေနံတင်သင်္ဘောတွေကို နှောက်ယှက်လာမယ်ဆိုရင် ပြင်းပြင်းထန်ထန် တုန့်ပြန်သွားမယ်လို့ အီရန်ကာကွယ်ရေးဝန်ကြီးက ပြောကြားလိုက်ပါတယ်။
အီရန်ဟာ အမေရိကန်ရဲ့ စီးပွားရေးပိတ်ဆို့မှုကို ရှောင်ကွင်းကာ ရေနံ မှောင်ခိုတင်ပို့မှုတွေ လုပ်ဆောင်နေပြီး အဲဒီအတွက် အရေးယူမှု လုပ်ဆောင်မယ်လို့ အစ္စရေးဝန်ကြီးချုပ် နေတန်ယာဟုက ပြီးခဲ့တဲ့တစ်ပတ် ရေတပ်တာဝန်ရှိသူတွေနဲ့ တွေ့ဆုံမှုမှာ ပြောကြားခဲ့ပါတယ်။
အစ္စရေးက ၀င်ရှုပ်လာရင် ရင်ဆိုင်နိုင်တဲ့ စစ်ရေးစွမ်းရည် အီရန်မှာ အပြည့်ရှိပြီး နိုင်ငံတကာအသိုင်းကလည်း ဒီလိုကိစ္စတွေကို လက်မခံသင့်ကြောင်း အီရန်ကာကွယ်ရေးဝန်ကြီး အမီရ် ဟာတာမီက ပြောကြားခဲ့တယ်လို့ နိုင်ငံပိုင်သတင်းဌာန IRNA က ဒီကနေ့မှာ ဖော်ပြခဲ့ပါတယ်။
ဟာတာမီက အစ္စရေးအနေနဲ့ ဒီလိုလုပ်ရပ်မျိုး လုပ်ဆောင်မယ်ဆိုရင် ပင်လယ်ဓားပြလုပ်ငန်းအဖြစ် သတ်မှတ်မှာဖြစ်ပြီး ပြင်းပြင်းထန်ထန် တုန့်ပြန်သွားမယ်လို့လည်း ထည့်သွင်းပြောဆိုခဲ့ပါတယ်။
“ရေနံတင်ပို့မှုမှာ ဖြစ်လာနိုင်တဲ့ ဘယ်လိုခြိမ်းခြောက်မှုမျိုးကိုမဆို ကာကွယ်ဖို့ စွမ်းဆောင်ရည်တွေ အီရန်စစ်တပ်မှာ အပြည့်အ၀ ရှိနေပါတယ်”
၂၀၁၅ ခုနှစ်က ရရှိခဲ့တဲ့ နျူသဘောတူညီချက်ပါ အချက်အလက်တွေကို အီရန်က လိုက်နာမှု မရှိဘူးလို့ စွပ်စွဲကာ အမေရိကန်က ပြီးခဲ့တဲ့နှစ်မှာ စာချုပ်ကနေ နှုတ်ထွက်ခဲ့ပြီး အီရန်အပေါ် ပိတ်ဆို့မှုတွေ ပြန်လုပ်ခဲ့ပါတယ်။ အီရန်ဟာ ဒီပိတ်ဆို့မှုတွေကို နည်းလမ်းပေါင်းစုံနဲ့ ရှောင်လွှဲပြီး ရေကြောင်းကနေ ရေနံတင်ပို့မှုတွေ လုပ်နေတယ်လို့ ကျွမ်းကျင်သူတွေက သုံးသပ်ပါတယ်။
လက်ရှိမှာ အီရန်ရေတပ်ဟာ အိန္ဒိယသမုဒ္ဒရာနဲ့ အေဒင်ပင်လယ်ကွေ့အထိ အင်အားဖြန့်ကျက်ကာ သူတို့ရဲ့ ရေနံတင်သင်္ဘောတွေကို ပင်လယ်ဓားပြရန်ကနေ ကာကွယ်နိုင်အောင် လုပ်ဆောင်ထားပါတယ်။ အီရန်ဟာ ကမ္ဘာ့အကြီးဆုံး ရေနံတင်သင်္ဘောတွေရှိတဲ့ နိုင်ငံလည်း ဖြစ်ပါတယ်။
Ref: Aljazeera
