ဖေဖော်ဝါရီ ၂၅၊ ၂၀၁၆
M-Media
– အစ္စလာမ့်သမ္မတနိုင်ငံ တည်ထောင်ခြင်းအပေါ် အီရန်ပြည်သူတွေရဲ့ သစ္စာစောင့်သိမှုကို ဖျက်ဆီးဖို့ လွန်ခဲ့တဲ့ ၃၇ နှစ်လုံးလုံး ကြိုးစားခဲ့တဲ့ ရန်သူတွေရဲ့ အကြံအစည်ဟာ မအောင်မြင်ခဲ့ဘူးလို့ အီရန်အဓိပတိ အယာတိုလာ ဆယဒ် အလီ ခါမေနီက ပြောကြားလိုက်ပါတယ်။
“(အစ္စလာမ့်မစ်တော်လှန်ရေး အောင်မြင်ကတည်းက) ၃၇ နှစ်လုံးလုံး အမျိုးမျိုးသောဖိအားတွေ၊ အင်မတန်ရက်စက်တဲ့ အရေးယူပိတ်ဆို့မှုတွေ၊ ၀ါဒဖြန့်သွေးထိုးမှုတွေ စသဖြင့် ဆောင်ရွက်ပြီး အစ္စလာမ့်သမ္မတနိုင်ငံအပေါ် အီရန်ပြည်သူတွေရဲ့ သစ္စာစောင့်သိမှုကို ရပ်တန့်ဖို့ ရန်သူတွေက ကြိုးစားခဲ့ပေမယ့် မအောင်မြင်ခဲ့ပါဘူး။ အီရန်ရဲ့ ကြံ့ကြံ့ခံနိုင်မှု၊ ကြီးကျယ်ခမ်းနားမှုကိုသာ သူတို့ နားလည်သဘောပေါက်လာကြပါတယ်” လို့ နိုင်ငံအလယ်ပိုင်း နာဂျာဖာဘဒ်မြို့မှာ ဗုဒ္ဓဟူးနေ့က ထောင်ပေါင်းများစွာသော ပြည်သူတွေကို ပြောကြားခဲ့တဲ့ မိန့်ခွန်းမှာ ခါမေနီက အခုလို ပြောကြားခဲ့ပါတယ်။
ဒါအပြင် အယာတိုလာခါမေနီက တိုင်းပြည်ထဲကို သူလျှိုအဖြစ် ၀င်ရောက်လာမယ့် ရန်သူတွေရဲ့ အစီအစဉ်နဲ့ တိုင်းပြည်ထဲမှာ မတည်ငြိမ်မှုတွေဖြစ်အောင် ဖန်တီးမယ့် ရန်သူတွေရဲ့ အကြံအစည်ကိုလည် အမြဲမပြတ် သတိရှိရှိစောင့်ကြည့်ဖို့ တောင်းဆိုခဲ့ပါတယ်။
ခါမေနီက ရန်သူတွေဟာ အစိုးရထောက်ခံတဲ့ ပါလီမန်နဲ့ အစိုးရဆန့် ကျင်တဲ့ပါလီမန် စသဖြင့် အစွန်းနှစ်ဖက်ဖြစ်အောင် ဖန်တီးဖို့ ကြိုးစားနေတယ်လို့လည်း ပြောပါတယ်။ အီရန်ပြည်သူတွေဟာ လာမယ့်ရွေးကောက်ပွဲမှာ မဲပေးခြင်းဖြင့် ရန်သူတွေရဲ့ အကြံအစည်ကို ရင်ဆိုင်ကြဖို့လည်း အထူးအလေးပေး တိုက်တွန်းခဲ့ပါတယ်။
အီရန်ပါလီမန် (မဂ်ျလီစ်) ရဲ့ ၁၀ ကြိမ်မြောက်ရွေးကောက်ပွဲနဲ့ ကျွမ်းကျင်ပညာရှင်များလွှတ်တော် ရွေးကောက်တင်မြှောက်မှုကို ဖေဖော်ဝါရီ ၂၆ မှာ တစ်ပြိုင်နက်တည်း ကျင်းပသွားမှာ ဖြစ်ပါတယ်။
“အီရန်နိုင်ငံဟာ ဘာသာရေးကိုင်းရှိုင်းပြီး၊ ရည်မှန်းချက်ကြီးတဲ့၊ ရဲရင့်တဲ့ပါလီမန်၊ ရန်သူတွေရဲ့ လှည့်စားမှုဒဏ်ကို မခံရဘဲ နိုင်ငံရဲ့ လွတ်လပ်ရေးနဲ့ ဂုဏ်သိက္ခာကိုကာကွယ်ပေးမယ့် ပါလီမန်၊ အီရန်နိုင်ငံကို အကျိုးယုတ်စေမယ့် အာဏာမက်မောသူတွေရဲ့ရန်ကို ကာကွယ်ပေးမယ့် ပါလီမန်တစ်ခုကို လိုချင်ပါတယ်” လို့ အဓိပတိ အယာတိုလာ အလီခါမေနီက ထည့်သွင်းပြောကြားခဲ့ပါတယ်။
Ref: Press TV
