Tag: Iran

မတ် ၉၊ ၂၀၁၆
M-Media

– အီရန် အစ္စလာမ့်မစ်တော်လှန်ရေးအစောင့်တပ်ဖွဲ့ (IRGC) ရဲ့ လေကြောင်းဌာနက အကြီးစား ဒုံးကျည်စစ်ရေးလေ့ကျင့်မှု နောက်ဆုံးအဆင့်ကို ပြုလုပ်နေတယ်လို့ သိရပါတယ်။

Eqtedar-e-Velayat လို့ နာမည်ပေးထားတဲ့ အဲဒီ စစ်ရေးလေ့ကျင့်မှုကို ယမန်နေ့က စတင်ပြုလုပ်ခဲ့တာဖြစ်ပြီး နိုင်ငံတ၀ှမ်း သက်မှတ်ထားတဲ့ဒေသတွေကနေ တိုက်ချင်းပစ်ဒုံးကျည် ပစ်လွှတ်မှုတွေ ပါဝင်ကာ အီရန်ရဲ့ ကာကွယ်ရေးစွမ်းအားကို ပြသဖို့နဲ့ အစ္စလာမ့်မစ်တော်လှန်ရေး၊ နိုင်ငံတော်တည်ငြိမ်ရေးနဲ့ အချုပ်အခြာအာဏာကို ထိပါးလာမယ့် ခြိမ်းခြောက်မှုအားလုံးကို ရင်ဆိုင်နိုင်ရန် အသင့်အနေအထား ရှိနေစေဖို့ ဖြစ်တယ်လို့ IRGC က ထုတ်ပြန်ပြောဆိုထားပါတယ်။

အီရန်နိုင်ငံဟာ ပြီးခဲ့တဲ့အောက်တိုဘာလက တာဝေးပစ် ပဲ့ထိန်းဒုံးကျည် Emad ကို အောင်မြင်စွာ စမ်းသပ်ပစ်လွှတ်နိုင်ခဲ့ပြီး အမေရိကန်နိုင်ငံရေးသမားများအကြား ပွက်လောရိုက်သွားစေခဲ့ပါတယ်။ ဇန်န၀ါရီမှာတော့ အမေရိကန်ဘဏ္ဍာရေးဌာနက အဲဒီဒုံးကျည် အစီအစဉ်နဲ့ ပက်သက်တဲ့ ကုမ္ပဏီတွေ၊ အီရန်နိုင်ငံသားတွေကို ပိတ်ဆို့အရေးယူမှုအသစ်တွေ ပြုလုပ်ခဲ့ပါတယ်။

အီရန်ကာကွယ်ရေးဝန်ကြီး ဗိုလ်မှူးချုပ် ဟူစိန် ဒေကန်က Emad ဒုံးကျည်ဟာ ကမ္ဘာ့အင်အားကြီးနိုင်ငံတွေနဲ့ ချုပ်ဆိုထားတဲ့ စာချုပ်နဲ့ မဆန့်ကျင်တဲ့ လက်နက်တစ်ခုဖြစ်တယ်လို့ ပြောကြားခဲ့ပါတယ်။ အီရန်နိုင်ငံခြားရေးဝန်ကြီး မိုဟာမက် ဂျာဗဒ်ဇာရစ်ဖ်က မိမိတို့မှာ ဒုံးကျည်စမ်းသပ်ထုတ်လုပ်ပိုင်ခွင့် ရှိပြီး အီရန်ကပိုင်ဆိုင်တဲ့ ဘယ်ဒုံးကျည်မှ နျူထိပ်ဖူး မတပ်ဆင်နိုင်ဘူးလို့ ပြီးခဲ့တဲ့ဇန်န၀ါရီမှာ ပြောကြားခဲ့ပါတယ်။

မိမိတို့ရဲ့ စစ်ဘက်အင်အားဟာ တိုင်းပြည်လုံခြုံရေးနဲ့ ကာကွယ်ရေးအတွက်သာ ဖြစ်တယ်လို့ အီရန်နိုင်ငံက ထပ်တလဲလဲပြောကြားထားပြီး ဖြစ်ပါတယ်။

Ref: Presstv

မတ် ၂၊ ၂၀၁၆
M-Media

– အရှေ့အာရှကနေ အနောက်အာဖရိကထိ ရေနံထွက်ပစ္စည်းတွေနဲ့ ထုတ်ကုန်တွေ သယ်ယူပို့ဆောင်ရေးလုပ်ငန်း ဖွံ့ဖြိုးရေးအစီအစဉ်အတွက် စင်ကာပူနဲ့ အဓိကပူးပေါင်းဆောင်ရွက်ရေး သဘောတူညီချက်တစ်ခုကို လက်မှတ်ရေးထိုးခဲ့တယ်လို့ အီရန်သတင်းဌာနတစ်ခုက ယမန်နေ့မှာ ကြေငြာလိုက်ပါတယ်။

အီရန်အစ္စလာမ့်သမ္မတနိုင်ငံ ကုန်စည်ပို့ဆောင်ရေးလုပ်ငန်း (IRISL) နဲ့ စင်ကာပူ ပစီဖိတ်နိုင်ငံတကာသင်္ဘောလိုင်း (PIL) တို့အကြား သဘောတူ လက်မှတ်ရေးထိုးခဲ့တာဖြစ်ပြီး၊ ယခုသဘောတူညီချက်ဟာ အီရန်နိုင်ငံရဲ့ ဘဏ္ဍာငွေကို မြင့်တက်စေရုံသာမက အရှေ့အာရှနိုင်ငံတွေအထိ ကုန်စည်ပို့ဆောင်ရေးလုပ်ငန်းကိုပါ တိုးချဲ့နိုင်မှာဖြစ်တယ်လို့ IRIS ဥက္ကဌ မိုဟာမက် ဆအီဒီက ဆိုပါတယ်။

စင်ကာပူနဲ့ သဘောတူညီခဲ့တဲ့ ပို့ဆောင်ရေးလုပ်ငန်းမှာ ပါဝင်မယ့် ကုန်စည်တွေကတော့ ရေနံထွက်ဓာတုပစ္စည်းတွေနဲ့ ရေနံထုတ်ကုန်တွေပဲ ဖြစ်ပါတယ်။ IRISL နဲ့ PIL တို့အကြား လက်မှတ်ရေးထိုးခဲ့တဲ့ သဘောတူညီချက်ထဲမှာ အရှေ့တောင်အာရှ၊ တောင်အာရှ၊ အရှေ့အလယ်ပိုင်း၊ ပင်လယ်နက်စတဲ့ ဒေသတွေမှာ သယ်ယူပို့ဆောင်ရေးလမ်းကြောင်းတွေ ဖော်ဆောင်ဖို့လည်း ပါဝင်ပါတယ်။

စင်ကာပူ ကုန်သွယ်ရေးနဲ့စက်မှုဝန်ကြီး အက် အစ်ဝါရန်က အီရန်ကို သွားရောက်ခဲ့တဲ့ သုံးရက်တာ လည်ပတ်မှုအတွင်းမှာ လက်မှတ်ရေးထိုးခဲ့တဲ့ အဲဒီ သဘောတူညီချက်ထဲမှာ ကွန်တိန်နာသင်္ဘောတွေနဲ့ သယ်ယူပို့ဆောင်မှုပေးဖို့၊ လက်ကားရောင်းဝယ်နိုင်ရေး လမ်းကြောင်းတစ်ခုဖော်ဆောင်ဖို့ တိုက်တွန်းဆော်သြမှုတွေ ပါဝင်ခဲ့ပြီး အခြား အဓိကအကြောင်းအရာတွေထဲမှာ သင်္ဘောတည်ဆောက်ရေး ပူးပေါင်းဆောင်ရွက်ဖို့လည်း ပါဝင်ခဲ့ပါတယ်။

Ref: Presstv

မတ် ၁၊ ၂၀၁၆
M-Media

– အီရန်က အသစ်တီထွင် ထုတ်လုပ်ထားတဲ့ ပြည်တွင်းဖြစ် ကာကွယ်ရေးကိရိယာငါးမျိုးကို ထိပ်တန်းစစ်အရာရှိများ တက်ရောက်ခဲ့တဲ့ ယမန်နေ့ အခမ်းအနားတစ်ခုမှာ ထုတ်ဖော်ပြသလိုက်ပါတယ်။

အဲဒီ ပစ္စည်းတွေကတော့ ပုံရိပ်ဖမ်းကိရိယာတစ်ခု၊ ဖောက်ခွဲရေးပစ္စည်းနဲ့မူးယစ်ဆေးဝါးရှာဖွေရေးစက်၊ လျှပ်စစ်ဓာတ်မစီးသည့် ဗုံးဒဏ်ခံပလတ်စတစ်ကျည်ကာများ၊ (နျူးကလီးယား၊ ဇီဝပစ္စည်း၊ ဓာတုပစ္စည်း) ကာကွယ်နိုင်သည့် NBC ၀တ်စုံ၊ ဓာတုလက်နက်များကို တန်ပြန်နိုင်တဲ့ ဆေးဝါး Obidoxime Chloride ထုတ်လုပ်တဲ့ စက်တွေပဲ ဖြစ်ပါတယ်။

အခမ်းအနားမှာ အီရန်ကာကွယ်ရေးဝန်ကြီး ဗိုလ်မှူးချုပ် ဟူစိန် ဒေဟ်ကန်က မကြာသေးမီကာလအတွင်း အီရန်ရဲ့ ကာကွယ်ရေးကဏ္ဍမှာ ရရှိခဲ့တဲ့ အောင်မြင်မှုတွေနဲ့ပတ်သက်ပြီး ချီးကျူးခဲ့ပါတယ်။

“အီရန်ကာကွယ်ရေးကဏ္ဍအပေါ် အရေးယူပိတ်ဆို့ထားပေမယ့်လည်း အီရန်တပ်မတော်ဟာ ကိုယ်ပိုင်အရည်အချင်းနဲ့ ပစ္စည်းအသစ်တွေ ထုတ်လုပ်ထားပြီး ရန်သူတွေရဲ့ ရည်ရွယ်ချက်တွေကို ဖျက်ဆီးပစ်လိုက်နိုင်ပါတယ်၊ နောင်အနာဂတ်မှာလည်း ဒီလိုပဲ လုပ်နိုင်အုံးမှာပါ” လို့ ဒေဟ်ကန်က ပြောကြားခဲ့ပါတယ်။

အီရန်ကာကွယ်ရေးဝန်ကြီးဌာနဟာ ပိုမိုအစွမ်းထက်တဲ့ ကာကွယ်ရေးလက်နက်များ ထုတ်လုပ်နိုင်ဖို့ အထူးတာဝန်တစ်ရပ်အဖြစ် လုပ်ကိုင်ဆောင်ရွက်လျက်ရှိတယ်လို့လည်း ၀န်ကြီးက ထည့်သွင်းပြောကြားခဲ့ပါတယ်။ အီရန်နိုင်ငံဟာ မကြာခင်နှစ်အနည်းငယ်အတွင်းမှာ ကာကွယ်ရေးအခန်းကဏ္ဍကို တိုးတက်အောင်မြင်အောင် ဆောင်ရွက်နိုင်ခဲ့ပြီး မရှိမဖြစ်လိုအပ်တဲ့ စစ်ရေးလက်နက်တွေကိုလည်း ကိုယ်တိုင် ထုတ်လုပ်နိုင်ခဲ့ပါတယ်။

မိမိတို့ရဲ့ စစ်အင်အားဟာ အခြားတိုင်းပြည်တွေကို ခြိမ်းခြောက်ဖို့မဟုတ်ဘဲ မိမိကိုယ်ကို ခုခံကာကွယ်ဖို့သာဖြစ်တယ်လို့ အီရန်က အကြိမ်ကြိမ်ပြောကြားထားပြီးဖြစ်ပါတယ်။

Ref: Presstv