Tag: Iran

ဇန်န၀ါရီ ၁၉၊ ၂၀၁၆
M-Media

– အီရန်ရဲ့ဒုံးကျည်ထုတ်လုပ်မှုနဲ့ပတ်သက်ပြီး အမေရိကန်ရဲ့ အရေးယူပိတ်ဆို့မှုအသစ်တွေဟာ တရားမ၀င်ဘဲ၊ အမေရိကန်က ရောင်းလိုက်တဲ့လက်နက်တွေကို ပါလက်စတိုင်းနဲ့ ယီမင်ပြည်သူတွေကိုအပေါ် အသုံးပြုနေတဲ့အတွက်အမေရိကန်ဟာ ကြောင်သူတော်သာဖြစ်တယ်လို့ အီရန်နိုင်ငံခြားရေးဝန်ကြီးဌာနက ပြောဆိုလိုက်ပါတယ်။

ဝန်ကြီးဌာနရဲ့ ပြောရေးဆိုခွင့်ရှိသူ ဟူစိန်ဂျာဘေရီ အန်ဆာရီက အမေရိကန်က ပိတ်ဆို့အရေးယူမှု အသစ်တွေ ပြုလုပ်ပေမယ့်လည်း အီရန်နိုင်ငံကတော့ စွမ်းရည်မြင့်ဒုံးကျည်အစီအစဉ်ကို ဆက်လက်လုပ်ဆောင်သွားမယ်လို့ ပြောဆိုခဲ့ပါတယ်။

“အီရန်ရဲ့ တိုက်ချင်းပစ်ဒုံးပျံတွေအပေါ် အမေရိကန်ရဲ့ ပိတ်ဆို့မှုတွေဟာ တရားမ၀င်ပါဘူး။ အမေရိကန်ဟာ ဒေသတွင်းနိုင်ငံတွေကို ၁၀ ဘီလီယံဒေါ်လာတန်ကြေးရှိတဲ့ လက်နက်တွေကို နှစ်စဉ် ရောင်းချနေပါတယ်။ အဲဒီလက်နက်တွေကို ပါလက်စတိုင်းပြည်သူတွေ၊ လက်ဘနွန်ပြည်သူတွေနဲ့ ယီမင်ပြည်သူတွေအပေါ် ကျူးလွန်နေတဲ့ စစ်ရာဇ၀တ်မှုတွေမှာ အသုံးပြုနေတာပါ” လို့ အန်ဆာရီက ပြောခဲ့ပါတယ်။

နောက်ပြီး အီရန်နိုင်ငံဟာ အခြားအရေးကိစ္စတွေကိုလည်း အမေရိကန်နဲ့ ညှိနှိုင်းဆွေးနွေးတော့မှာ မဟုတ်ဘူးလို့ ထည့်သွင်းပြောကြားခဲ့ပါတယ်။

“ကျွန်တော်တို့ကို ထိခိုက်ဖို့ ရည်ရွယ်တဲ့ ဒီလို ၀ါဒဖြန့်စတန့်ထွင်တာတွေ၊ ဆောင်ရွက်တာတွေကို ဥပဒေအတွင်းကဖြစ်တဲ့ ကျွန်တော်တို့ရဲ့ ဒုံးကျည်အစီအစဉ်ကို ထပ်တိုးလုပ်ဆောင်ရင်း၊ ကျွန်တော်တို့ရဲ့ ကာကွယ်ရေးစွမ်းအားနဲ့ အမျိုးသားလုံခြုံရေးကိုတိုးမြှင့်ရင်း တုံ့ပြန်သွားမှာပါ” လို့ နိုင်ငံခြားရေးဝန်ကြီးဌာနက ထုတ်ပြန်တဲ့ ကြေငြာချက်မှာ ဖော်ပြထားပါတယ်။

တနင်္ဂနွေနေ့က အမေရိကန်ဘဏ္ဍာရေးဌာနဟာ အီရန်ရဲ့ဒုံးကျည်စီမံကိန်းမှာ ထောက်ပံ့ကူညီခဲ့တဲ့ ကုမ္ပဏီ ၁၁ ခုနဲ့ လူပုဂ္ဂိုလ်တစ်ဦးချင်းစီကို အရေးယူပိတ်ဆို့ခဲ့ပါတယ်။

အီရန်ကတော့ သူတို့နဲ့ အင်အားကြီးနိုင်ငံတွေရဲ့ သဘောတူညီချက်မှာ နျူထိပ်ဖူးတပ်ဆင်လို့ရတဲ့ ဒုံးကျည်တွေ မထုတ်လုပ်ဖို့သာ သဘောတူထားခဲ့တာဖြစ်ပြီး၊ အခုထုတ်လုပ်နေတဲ့ တိုက်ချင်းပစ်ဒုံးကျည်တွေဟာ နျူထိပ်ဖူး တပ်ဆင်လို့ မရတဲ့အတွက် သူတို့ရဲ့စီမံကိန်းဟာ တရားဝင်တယ်လို့ တုံ့ပြန်ပြောဆိုထားပါတယ်။

အီရန်သမ္မတ ဟာဆန်ရူဟာနီကလည်း အီရန်အနေနဲ့ အမေရိကန်ရဲ့ ပိတ်ဆို့မယ်ဆိုတဲ့ ခြိမ်းခြောက်မှုကို တုံ့ပြန်တဲ့အနေနဲ့ ဒုံးကျည်စီမံကိန်းကို ပိုကျယ်ပြန့်စွာ လုပ်ဆောင်သွားမယ်လို့ ဒီဇင်ဘာ ၃၁ ရက်နေ့က ပြောခဲ့ပါတယ်။

Ref: RT

ဇန်န၀ါရီ ၁၇၊ ၂၀၁၆
M-Media

– နိုင်ငံတကာအနုမြူအေဂျင်စီ IAEA က အီရန်နိုင်ငံမှာ ဇူလိုင်လက အင်အားကြီးနိုင်ငံများနှင့် ရရှိခဲ့သည့် နျူသဘောတူညီချက်တွင်ပါဝင်သော အချက်များကို လိုက်နာဆောက်ရွက်ခဲ့သည်ဟု ယမန်နေ့က အစီရင်ခံစာထုတ်ပြန်ခဲ့ပြီးနောက် နိုင်ငံတကာက အီရန်အပေါ် ပိတ်ဆို့ထားမှုများအားလုံးကို ဖယ်ရှားလိုက်သည်ဟု သိရသည်။

“(ဇူလိုင် သဘောတူညီချက်) အရ “အကောင်အထည်ဖော်ရေးနေ့” ဖြစ်လာစေဖို့ လိုအပ်တဲ့ ဆောင်ရွက်မှုတွေအားလုံးကို အီရန်က ဆောင်ရွက်ပြီးခဲ့ပါပြီ” ဟု ဗီယင်နာ အခြေစိုက် IAEA က ထုတ်ပြန်ခဲ့သည့် ကြေငြာချက်တွင် ဖော်ပြထားသည်။

အမေရိကန်ပြည်ထောင်စုနှင့် ဥရောပသမဂ္ဂက အီရန်အပေါ် နျူကလီးယားနှင့်ပတ်သက်၍ ချမှတ်ထားသော ပိတ်ဆို့မှုများအားလုံးကို ဖယ်ရှားလိုက်သည်ဟု ယမန်နေ့တွင် ကြေငြာခဲ့သည်။ ဥရောပနိုင်ငံခြားရေးပေါ်လစီအကြီးအကဲ ဖက်ဒရီကာ မော့ဂ်ဟာရီနီက ထိုရလဒ်ကြောင့် အီရန်၏ နျူကလီးယားအစီအစဉ်နှင့် ဆက်စပ်သည့် စီးပွားရေးနှင့် ဘဏ္ဍာရေး ပိတ်ဆို့မှုအားလုံးကို ဖယ်ရှားပေးလိုက်ပြီဟု ဆိုသည်။

အမေရိကန်နိုင်ငံခြားရေးဝန်ကြီး ဂျွန်ကယ်ရီကလည်း တီဟီရန်က ပြုလုပ်ခဲ့သည့် ဆောင်ရွက်ချက်များမှာ ၎င်း၏ နျူ ကလီးယားအစီအစဉ်ကို အခြေခံကျကျ ပြောင်းလဲလိုက်ခြင်းဖြစ်သည်ဟု ပြောကြားခဲ့သည်။

အီရန်သမ္မတ ဟာဆန်ရူဟာနီကမူ “ခန္တီတရားပြည့်ဝသော အီရန်နိုင်ငံ” အတွက် ဂုဏ်ယူစရာအောင်မြင်မှုဟု ပြောကြားခဲ့သည်။

ယခုပိတ်ဆို့မှုများ မဖယ်ရှားခင် အီရန်နှင့် အမေရိကန်တို့မှာ အကျဉ်းသားလဲလှယ်မှုတစ်ခုကိုလည်း ပြုလုပ်ခဲ့ပြီး ထောက်လှမ်းရေးအမှုဖြင့် အီရန်က ဖမ်းဆီးထားသည့် ၀ါရှန်တန်ပို့စ်သတင်းစာမှ သတင်းထောက် ဂျေဆန် ရီဇိုင်ယန်အား လွှတ်ပေးမှုလည်း ပါဝင်ခဲ့သည်။

ပိတ်ဆို့မှုများ ဖယ်ရှားလိုက်ခြင်းကြောင့် ရေနံဈေးကွက်အပါအ၀င် ကမ္ဘာ့စီးပွားရေး ဈေးကွက်များတွင် အီရန်က ပြန်လည်ပါဝင်နိုင်တော့မည်ဖြစ်သည်။

Ref: Aljazeera

ဇန်န၀ါရီ ၁၆၊ ၂၀၁၆
M-Media

– နိုင်ငံတကာအနုမြူအေဂျင်စီ IAEA က အီရန်၏ နျူကလီးယားအစီအစဉ်နှင့်ပတ်သက်၍ နောက်ဆုံး အစီရင်စာကို ယနေ့တွင် ထုတ်ပြန်မည်ဖြစ်ပြီး၊ ထိုကဲ့သို့ ထုတ်ပြန်ပြီးနောက် နာရီပိုင်းအကြာတွင်ပင် အီရန်ပေါ်ပြုလုပ်ထားသည့် နိုင်ငံတကာ ပိတ်ဆို့မှုများအားလုံးကို ပယ်ဖျက်ပြီးဖြစ်လိမ့်မည်ဟု အီရန်နိုင်ငံခြားရေးဝန်ကြီး ဂျာဗဒ်ဇာရစ်ဖ်က ပြောကြားလိုက်သည်။

ဗီယင်နာသို့ရောက်ရှိနေသည့် ဇာရစ်ဖ်က ယနေ့မနက်စောပိုင်းတွင် ယခုကဲ့သို့ ပြောကြားလိုက်ခြင်းဖြစ်ပြီး IAEA က ယနေ့ထုတ်ပြန်မည့် အစီရင်ခံစာမှာ ပြီးခဲ့သည့်နှစ်က အီရန်နှင့် အင်အားကြီးနိုင်ငံများအကြား ရရှိခဲ့သည့် နျူအရေး သဘောတူညီစာချုပ်ပါ ကတိက၀တ်များကို အီရန်က အပြည့်အ၀ အကောင်အထည်ဖော်ခဲ့သည်ဟု အတည်ပြုထားသည့် အစီရင်ခံစာဖြစ်မည်ဟု ထည့်သွင်းပြောကြားခဲ့သည်။

“ပိတ်ဆို့မှုတွေကို ဒီနေ့မှာ ဖယ်ရှားမှာဖြစ်တာကြောင့် ဒီနေ့ဟာ အီရန်ပြည်သူတွေအတွက် ကောင်းမွန်တဲ့နေ့တစ်နေ့ဖြစ်မှာပါ” ဟု ဇာရစ်ဖ်က ဆိုသည်။

၂၀၁၅ ခုနှစ် ဇူလိုင်လ ၁၄ ရက်နေ့တွင် အီရန်နှင့် အင်အားကြီးနိုင်ငံ ၆ နိုင်ငံတို့မှာ နျူအရေးသဘောတူညီချက်ကို လက်မှတ်ရေးထိုးခဲ့ပြီး အဆိုပါ သဘောတူညီချက်တွင် အီရန်က ၎င်းတို့၏ နျူလုပ်ငန်းစဉ်ကို လျော့ချရန်နှင့် အပြန်အလှန်အားဖြင့် အီးယူ၊ အမေရိကန်နှင့် ကုလတို့က ပိတ်ဆို့မှုများကို လျော့ချပေးရေး ပါဝင်သည်။ IAEA မှ အစီရင်ခံစာ ထွက်ပေါ်လာပါက ထိုသဘောတူညီချက် ပြည့်စုံအထမြောက်ကြောင်း အမှတ်အသားလည်း ဖြစ်မည်ဖြစ်သည်။

Ref: Aljazeera

ဇန်န၀ါရီ ၁၃၊ ၂၀၁၆
M-Media

– ယမန်နေ့က အီရန်ရေပိုင်နက်အတွင်း ကျူးကျော်ဝင်ရောက်လာမှုအတွက် ထိန်းသိမ်းထားသည့် အမေရိကန် ရေတပ်သား ၁၀ ဦးစလုံးကို ပြန်လွှတ်ပေးလိုက်ပြီဟု အီရန်နိုင်ငံက ပြောကြားလိုက်သည်။

အမေရိကန်ရေတပ်ကလည်း ၎င်းတို့၏ တပ်သားများမှာ ဘေးအန္တရာယ်ကင်းစွာဖြင့် ပြန်ရောက်ခဲ့ပြီး ထိန်းသိမ်ထားစဉ်အတွင်း မည်သည့် ထိခိုက်မှုမှ မရှိခဲ့ဟု ပြောကြားခဲ့သည်။ အဆိုပါအဖွဲ့တွင် အမျိုးသား ၉ ဦးနှင့် အမျိုးသမီး ၁ ဦးတို့ ပါဝင်ပြီး ယမန်နေ့က သင်္ဘောငယ် ၂ စီးဖြင့် ပါရှန်ပင်လယ်ကွေ့သို့ ၀င်ရောက်လာစဉ် အီရန်က ဖမ်းဆီးထိန်းသိမ်းခဲ့ခြင်းဖြစ်သည်။

အီရန် တော်လှန်ရေးအစောင့်တပ်၏ တရားဝင်ဝဘ်ဆိုက်တွင် ထိန်းသိမ်းထားသည့် အမေရိကန်စစ်သားများ အီရန် ရေတပ်စခန်းရှိ အခန်းတစ်ခုတွင် ထိုင်နေသည့်ပုံကို လွှင့်တင်ခဲ့သည်။

“အီရန်ရဲ့ရေပိုင်နက်အတွင်းကို သူတို့ဝင်ရောက်လာတာဟာ တမင်ရည်ရွယ်တာမဟုတ်ဘူးလို့ ဆုံးဖြတ်ခဲ့ပြီး၊ သူတို့ကလည်း တောင်ပန်ခဲ့ပြီးတဲ့နောက်ပိုင်း ထိန်းသိမ်းထားတဲ့ အမေရိကန်သင်္ဘောသားတွေကို ပါရှန်ပင်လယ်ကွေ့က နိုင်ငံတကာ ရေပိုင်နက်အတွင်းကို ပြန်လွှတ်ပေးခဲ့ပါတယ်” ဟု အစောင့်တပ်မှ ယနေ့တွင် ထုတ်ပြန်ခဲ့သည့် ကြေငြာချက်တွင် ဖော်ပြထားသည်။

အမေရိကန်ရေတပ်ကမူ မိမိတို့ရေတပ်လေယာဉ်မှာ စစ်သားတစ်ချို့ကို ခေါ်ဆောင်သွားခဲ့ပြီး တစ်ချို့မှာ ၎င်းတို့၏ သင်္ဘောငယ်များကို မောင်းနှင်ကာ အမေရိကန်ရေတပ်စခန်း အခြေစိုက်ရာ ဘာရိန်းသို့ ပြန်သွားခဲ့သည်ဟု သတင်းထုတ်ပြန်ခဲ့သည်။ ထို့ပြင် ၎င်းတို့တပ်သားများ အီရန်တွင်ရောက်ရှိခြင်းအတွက် စုံစမ်းစစ်ဆေးမှုများကို ပြုလုပ်မည်ဟု ပြောကြားခဲ့သည်။

အီရန် တော်လှန်ရေးအစောင့်တပ်ဖွဲ့မှ ဗိုလ်ချုပ် အလီ ဖာဒါဗီကမူ အမေရိကန်များမှာ ၎င်းတို့၏ သေင်္ဘောငယ်များ လမ်းကြောင်းပြစနစ် ချို့ယွင်းခဲ့ခြင်းကြောင့် အီရန်ရေပိုင်နက်အတွင်းသို့ မျောပါရောက်ရှိလာခြင်းဖြစ်သည်ဟု ယနေ့မနက်ပိုင်းတွင် ပြောကြားခဲ့သည်။

Ref: Aljazeera