မေ ၂၅၊ ၂၀၁၇
– အစ္စလာမ်ဘာသာဝင်တို့ရဲ့ ရမ်ဇာန်ဥပုသ်လဟာ လာမယ့် ရက်အနည်းငယ်အတွင်းမှာ ကျရောက်တော့မှာဖြစ်ပါတယ်။
ရမ်ဇာန်ဥပုသ်လဆိုတာ ဘာလဲ၊ ဒီလမှာ ဘာတွေလုပ်ရလဲ၊ ဘယ်လို နေထိုင်၊ ကျင့်ကြံရလဲဆိုတာ M-Media စာဖတ်ပရိတ်သတ်တွေ လေ့လာသိရှိနိုင်ဖို့ ဖော်ပြလိုက်ပါတယ်။
ရမ်ဇာန်ဆိုတာဘာလဲ
ရမ်ဇာန်ဥပုသ်လဟာ လကိုအခြေခံပြီး တွက်ချက်တဲ့ အစ္စလာမ့်ပြက္ခဒိန်ရဲ့ န၀မမြောက်လ ဖြစ်ပါတယ်။ အရွယ်ရောက်ပြီးသား ကျန်းမာသန်စွမ်းတဲ့ မွတ်စလင်တွေအနေနဲ့ ဒီလမှာ ဥပုသ်သီလ ဆောက်တည်ရပါတယ်။ ဒီလိုဆောက်တည်မှုမှာ မနက်အာရုဏ်တက်ချိန်ကစလို့ ညနေ နေ၀င်ချိန်အထိ စားခြင်း၊ သောက်ခြင်း၊
ဒေါသထွက်တာမျိုး၊ ဖရုသာဝါစာ ယုတ်ရင့်ကြမ်းတမ်းတဲ့ စကားလုံးမျိုး ပြောဆိုတာ၊ အတင်းပြောတာ၊ ကုန်းချောတာ စတဲ့ လုပ်ရပ်တွေဟာ သာမန်အချိန်မှာ အပြစ်ဖြစ်ပြီး ဒီလို ရမ်ဇာန်ဥပုသ်လမှာတော့ သီလဆောက်တည်ခြင်းကို ထိခိုက်စေတဲ့ မကောင်းမှုတွေလည်း ဖြစ်ပါတယ်။
ဒီလမြတ်မှာ ၀တ်ပြုဆုတောင်းတာ၊ ကုရ်အာန်ကျမ်းတော်မြတ် ရွတ်ဖတ်တာ၊ အလှူဒါနပြုတာ စတဲ့ ကောင်းမွန်တဲ့ အလုပ်တွေကိုလည်း ဆထက်ထမ်းပိုး လုပ်ဆောင်ရပါတယ်။
ကုရ်အာန်ကျမ်းတော်မြတ်ဟာ ဒီ ရမ်ဇာန်ဥပုသ်လမှာ စတင် ကျရောက်ခဲ့တယ်လို့ မွတ်စလင်တွေက ယုံကြည်ကြပါတယ်။
မွတ်စလင်တွေဟာ ဒီလမှာ အာရုဏ်မတက်ခင် အိပ်ယာကထကာ ‘ဆဲဟ်ရီ’ လို့ခေါ်တဲ့ ၀ါထမင်း စားကြပါတယ်။ ညနေနေ၀င်လို့ ၀ါထွက်ချိန် စားသောက်မှုကိုတော့ ‘အစ်ဖ်သာရ်’ လို့ ခေါ်ပါတယ်။
အစ်ဖ်တာရ် ၀ါဖြေပွဲတွေကို ဗလီဝတ်ကျောင်းတော်တွေမှာ စုပေါင်းပြုလုပ်လေ့ရှိပြီး အထူးသဖြင့် ဆင်းရဲချို့တဲ့သူတွေအတွက် စီစဉ်ပြုလုပ်ပေးတာ ဖြစ်ပါတယ်။ ဉဥ့်ဦးယံမှာတော့ ‘သာရာဝီ’ လို့ခေါ်တဲ့ အထူး စုပေါင်း ၀တ်ပြုတဲ့အစီအစဉ်ရှိပြီး တစ်ချို့တွေက ဗလီဝတ်ကျောင်းတော်တွေမှာ သာရာဝီ သွားရောက်ဝတ်ပြုကြသလို
ရမ်ဇာန်ဥပုသ်လကို ဖြတ်ကျော်ကုန်ဆုံးရာမှာ ကမ္ဘာ့နိုင်ငံဒေသအလိုက် ထူးခြားတဲ့ ဓလေ့ထုံးစံတွေလည်း ရှိကြပါတယ်။ လိုအပ်နေသူတွေကို အစားအသောက်လှူဒါန်းတာ၊ အစ်ဖ်သာရ်ဝါဖြေပွဲမှာ မိတ်ဆွေအပေါင်းအသင်းတွေကို ဖိတ်မန္တကပြုတာတွေလည်း ဒီလမှာ ပြုလုပ်ကြပါတယ်။ အစ္စလာမ့်ရဲ့ ‘ရက်ရောစွာ လှူဒါန်းပါ’
ယခုနှစ်ရမ်ဇာန်ဥပုသ်လအတွင်း ကမ္ဘာအနှံ့ ဥပုသ်သီလ ဆောက်တည်ရမည့် အချိန်များ
ရမ်ဇာန်ဘယ်တော့ ရောက်မလဲ
လအပေါ်မူတည်ပြီး တွက်ချက်တာကြောင့် ဂရီဂိုးရီးယန်း ပြက္ခဒိန်မှာ ရမ်ဇာန်ဥပုသ်လ ကျရောက်တဲ့ အချိန်အတိုင်းအတာဟာ တစ်နှစ်နဲ့တစ်နှစ် မတူညီပါဘူး။ ရမ်ဇာန်ဥပုလ်အဖြစ် သတ်မှတ်ဖို့အတွက် မွတ်စလင်တွေဟာ လကြည့်ကြရပြီး၊ ကြိုတင်တွက်ချက်ကာ ခန့်မှန်းထုတ်ပြန်တာမျိုးလည်း ရှိပါတယ်။ ဒီနှစ် ရမ်ဇာန်ဥပုသ်လကတော့ မေလ ၂၆၊ ၂၇၊ ၂၈ စသဖြင့် တစ်ရက်ရက်မှာ ကျရောက်မှာ ဖြစ်ပါတယ်။
ဘယ်လောက်ကြာလဲ
လနဲ့တွက်ချက်တာကြောင့် တစ်လတာအချိန်ဟာ ၂၉ ရက် ဒါမှမဟုတ် ရက် ၃၀ ရဲ့ အဆုံးသတ်လေ့ရှိပါတယ်။ ရမ်ဇာန်လအကုန်မှာတော့ အီဒွလ်ဖစ်သစ်ရ်လို့ခေါ်တဲ့ ‘၀ါကျွတ်အီးဒ်’ ပွဲတော်ကို မွတ်စလင်တွေက ဆင်နွှဲကြပါတယ်။
မွတ်စလင်တွေ ဘာ့ကြောင့် ရမ်ဇာန်လမှာ ဥပုသ်စောင့်တာလဲ
ရမ်ဇာန်ဥပုသ်လမှာ တစ်လတိတိ ဥပုသ်သီလ ဆောက်တည်ခြင်းဟာ အစ္စလာမ့် မဏ္ဍိုင်ကြီး ၅ ခုထဲက တစ်ခုဖြစ်ပါတယ်။ အရွယ်ရောက်ပြီးသားဖြစ်မယ်၊ ကျန်းမာရေးလည်းကောင်းမွန်မယ်ဆိုရင် အစ္စလာမ်ဘာသာဝင် အမျိုးသားတိုင်း၊ အမျိုးသမီးတိုင်း ဥပုသ်သီလဆောက်တည်ဖို့ ကုရ်အာန်ကျမ်းတော်မြတ်မှာ အတိအလင်း ပြဌာန်းထားပါတယ်။
ဒါ့ကြောင့် မွတ်စလင်တွေဟာ ဘာသာတရားရဲ့ အစိတ်အပိုင်းတစ်ခုအဖြစ် ဥပုသ်သီလဆောက်တည်ကြတာဖြစ်ပြီး၊ ဘုရားသခင်နဲ့ ပိုမိုနီးကပ်ဖို့၊ ဆင်းရဲချို့တဲ့သူတွေရဲ့ ဒုက္ခသုက္ခကို ကိုယ်တိုင်ခံစားနားလည် ကိုယ်ချင်းစာတတ်စေဖို့လည်း ရည်ရွယ်ပါတယ်။
ဥပုသ်သီလ ဆောက်တည်ခြင်းကြောင့် ခန္တီပါရမီ၊ မကောင်းမှုတွေကို ရှောင်ကျဉ်တဲ့ အလေ့အထတွေလည်း မြင့်တက်လာစေတယ်လို့ မွတ်စလင်တွေက ရှုမြင်ကြပါတယ်။
Ref: Aljazeera
