သြဂုတ် ၅၊ ၂၀၁၇
M-Media
– အရှေ့အလယ်ပိုင်းက IS အကြမ်းဖက်အဖွဲ့တွေဆီ သွားရောက်တဲ့ လူငယ်တွေဟာ များသောအားဖြင့် မပြည့်စုံတဲ့ မိသားစုအသိုင်းအ၀ိုင်းကဖြစ်ပြီး ‘ဂျီဟတ်၊ အစ္စလာမ်သာသနာနဲ့ပတ်သက်တဲ့ စစ်မှန်တဲ့ သဘောတရားတွေကို အခြေခံလောက်တောင် နားလည်မှုမရှိဘူး’ လို့ ကုလရဲ့ စစ်တမ်းတစ်ရပ်အရ တွေ့ရပါတယ်။
ကုလ အကြမ်းဖက်ဝါဒတိုက်ဖျက်ရေးရုံးက ဒီလေ့လာမှုကို ပြုလုပ်ခဲ့တာဖြစ်ပြီး မွတ်စလင်တွေကို ကာကွယ်ဖို့လို့ ပြောပေမယ့် IS အကြမ်းဖက်အဖွဲ့က ပြန်လာတဲ့ တိုက်ခိုက်ရေးသမားတွေဟာ အစ္စလာမ်ဘာသာအကြောင်း ပြည့်ပြည့်စုံစုံ နားလည်ခြင်းမရှိဘဲ တစ်ချို့ဆိုရင် ကောင်းကောင်းတောင် ၀တ်မပြုတတ်ဘူးလို့ တွေ့ခဲ့ရတာပါ။
“ဘာသာရေးကိုင်းရှိုင်းမှု၊ နာမ်ပိုင်းဆိုရာ ဖြူစင်မှုဆိုတာထက် သူတို့အများစုဟာ အစ္စလာမ်ကို တရားမျှတမှု၊ မတရားမှုလောက်သာ မြင်ကြပါတယ်” လို့ နိုင်ငံပေါင်း ၁၂ နိုင်ငံက လူ ၄၃ ဦးကို တွေ့ဆုံမေးမြန်းမှုကို အခြေခံပြီး ရေးသားထားတဲ့ အစီရင်ခံစာမှာ ဖော်ပြထားပါတယ်။
IS တိုက်ခိုက်ရေးသမားတွေဟာ များသောအားဖြင့် စီးပွားရေး၊ ပညာရေးမှာ ချို့တဲ့ပြီး လုပ်အားကိုအမှီပြုကာ ရပ်တည်နေရတဲ့ လူငယ်အမျိုးသားတွေ ဖြစ်ကြောင်း လေ့လာသူတွေက တွေ့ခဲ့ရပါတယ်။
“နိုင်ငံရေးအရ၊ လူမှုရေးအရ ခွဲခြားဆက်ဆံခံရတဲ့ မိသားစုမျိုးက လာတာမျိုး ဆိုတာထက် အများစုဟာ အလုပ်မရှိကြဘူး ဒါမှမဟုတ် ခွန်အားသုံး အလုပ်လုပ်ရတာမျိုးဖြစ်ပြီး သူတို့ရဲ့ဘ၀ဟာ အဓိပ္ပါယ်မရှိဘူးလို့ ပြောကြပါတယ်” လို့ အစီရင်ခံစာမှာ ဖော်ပြထားပါတယ်။
တွေ့ဆုံမေးမြန်းသူတွေထဲက ၄ ပုံ ၃ ပုံလောက် ဆီးရီးယားကို သွားခဲ့ပေမယ့် နောက်ပိုင်းမှာ ပြန်လာဖို့ ဆုံးဖြတ်ခဲ့ကြပြီး ကျန်သူတွေက သူ့တို့နိုင်ငံရဲ့ အာဏာပိုင်တွေရဲ့ ဖမ်းဆီးမှုကို ခံရသူတွေ၊ လမ်းတစ်ဝက်မှာ တားဆီးခံရသူတွေ ဖြစ်ပါတယ်။
ဒီလေ့လာမှုတွေပြုလုပ်ဖို့ အဖွဲ့ဝင်နိုင်ငံတွေအားလုံးကို ကုလက ပန်ကြားခဲ့ပေမယ့် ဥရောပက ၃ နိုင်ငံ၊ အရှေ့အလယ်ပိုင်းနဲ့ မြောက်အာဖရိက ၄ နိုင်ငံသာ ပါဝင်တဲ့အတွက် လေ့လာသူတွေက သဘောမတွေ့ပါဘူး။
Manchester Metropolitan တက္ကသိုလ်က ပရော်ဖက်ဆာ ဟာမဒ် အလ်-စအစ်နဲ့ အကြမ်းဖက်ဝါဒရေးရာ ကျွမ်းကျင်သူ ရစ်ချက် ဘာရက်တို့ဟာ IS အဖွဲ့ကနေ ပြန်လာသူအများစုကို ထောင်ထဲမှာ သွားရောက်တွေ့ဆုံတာ၊ လုံခြုံရေးအစောင့်အကြပ်နဲ့ တွေ့တာမျိုးတွေကို ပြုလုပ်ခဲ့ပါတယ်။
IS၊ အလ်ကိုင်းဒါးသစ္စာခံ ဂျဘ်ဟတ် အလ်-နူဆရာ၊ အဟ်ရာရ် အလ်-ရှမ်အဖွဲ့တွေနဲ့ ပူးပေါင်းဖို့ ကြိုးစားခဲ့တဲ့ မေးမြန်းခံရသူ အများစုရဲ့ မိသားစုဝင်တွေဟာ အဆင်မပြေကြဘဲ၊ သူတို့နေထိုင်တဲ့ နေရာတွေဟာ အဓိက လူမှုရေး၊ စီးပွားရေးနဲ့ နိုင်ငံရေးကိစ္စတွေမှာ ဖယ်ကျဉ်ခံထားရတဲ့ အစိတ်အပိုင်းတွေက ဖြစ်ပါတယ်။
“ဒီလို အကြမ်းဖက်အဖွဲ့တွေနဲ့ သွားရောက်ပူးပေါင်းဖို့ လှုံ့ဆော်မှုမှာ ဘာသာရေးယုံကြည်ချက်တွေဟာ အနည်းဆုံးအနေအထားလောက်မှာပဲ ရှိပုံရပါတယ်” လို့ လေ့လာမှုကဆိုပြီး အကြမ်းဖက်အဖွဲ့အစည်းတွေက၊ လုပ်ခလစာ၊ အိမ်တွေ၊ မိန်းမတွေ ပေးမယ်ဆိုတဲ့ ကမ်းလှမ်းချက်ကြောင့် စီးပွားရေးအကြောင်းတရားတွေက ပိုပြီးအရေးကြီးတယ်လို့ ဖော်ပြထားပါတယ်။
ပေါက်ထွက်လာတဲ့ IS မှတ်တမ်းတွေအရ သူတို့နဲ့သွားပေါင်းသူ အများစုဟာ ရှရီအာဥပဒေနဲ့ပတ်သက်ပြီး အခြေခံလောက်သာ သိထားတယ်ဆိုတဲ့ အချက်နဲ့လည်း အခုလေ့လာမှုက ကိုက်ညီနေပါတယ်။
၂၀၁၄ ခုနှစ် IS အဖွဲ့ ပေါ်ထွက်လာပြီးနောပိုင်းမှာ ဒီအုပ်စုဟာ ကမ္ဘာတစ်ဝှမ်းက မွတ်စလင်လူငယ်တွေကို ၀ါဒဖြန့်ချီသိမ်းသွင်းတာ၊ ကားအကောင်းစားတွေ၊ အိမ်ကြီးအိမ်ကောင်းတွေ၊ အစားအသောက်ကောင်းကောင်းတွေ ပေးမယ်ဆိုတဲ့ မက်လုံးတွေနဲ့ ဆွဲဆောင်တာမျိုးတွေ လုပ်ခဲ့ကြပါတယ်။
Ref: Independent