News @ M-Media

Tag: Italy

  • ဗိုက်ဆာ၍ ခိုးပါက ရာဇ၀တ်မှုမမြောက်ဟု အီတလီ တရားရုံး ဆုံးဖြတ်

    ဗိုက်ဆာ၍ ခိုးပါက ရာဇ၀တ်မှုမမြောက်ဟု အီတလီ တရားရုံး ဆုံးဖြတ်

    မေ ၅၊ ၂၀၁၆
    M-Media

    italy

    – ဗိုက်ဆာလွန်းတာကြောင့် အစားအသောက်နည်းနည်းပါးပါး ခိုးယူစားသောက်ခြင်းဟာ ပြစ်မှုမမြောက်ဘူးလို့ အီတလီနိုင်ငံရဲ့ အဆင့်မြင့်ဆုံး အယူခံတရားရုံးတော်ကနေ သတ်မှတ်လိုက်ပါတယ်။

    စူပါမားကတ်တစ်ခုကနေ ၄.၀၇ ယူရိုတန်တဲ့ ဒိန်ခဲနဲ့ အသားချောင်းတွေ ခိုးယူခဲ့တဲ့ ရိုမန် အိုစထရီယာကော့ဗ်ဆိုသူရဲ့ ခိုးမှုကနေ ဒီလို ဆုံးဖြတ်ချက် ထွက်ပေါ်လာတာဖြစ်ပြီး အိုထရီယာကော့ဗ်ကိုလည်း အပြစ်မရှိဘူးလို့တရားသူကြီးများက ဆုံးဖြတ်ခဲ့ကြပါတယ်။

    ယူကရိန်းဇာတိဖြစ်ပြီး အိမ်ယာမဲ့တစ်ဦးဖြစ်သူ မစ္စတာ အိုစထရီယာကော့ဗ်ဟာ “အသက်ဆက်ဖို့ အစားအသောက် မရှိမဖြစ်လိုအပ်မှုကို ရင်ဆိုင်ရတဲ့အတွက်” ခိုးယူတာကြောင့် အကြောင်းအရင်းခိုင်မာကာ ရာဇ၀တ်မှုမမြောက်ဘူးလို့ အယူခံတရားရုံးရဲ့ ထုတ်ပြန်ချက်မှာ ဖော်ပြထားပါတယ်။

    ၂၀၁၁ ခုနှစ်က ဖြစ်ခဲ့တဲ့ အိုစထရီယာကော့ဗ်ရဲ့ ခိုးယူမှုအတွက် ၂၀၁၆ ခုနှစ်မှာ ထောင်ဒဏ် ၆ လနဲ့ ဒဏ်ငွေ ယူရို ၁၀၀ ချမှတ်ခံခဲ့ရပါတယ်။

    ဒါပေမယ့် အယူခံခုံရုံးက တရားသူကြီးတွေကကတော့ အသက်ရှင်ရပ်တည်ခွင့်က ပိုင်ဆိုင်မှုပစ္စည်းတွေအပေါ်မှာ လွှမ်းမိုးရမယ်လို့ပြောကြားခဲ့ပြီး၊ ယဉ်ကျေးတဲ့တိုင်းပြည်တစ်ခုမှာ အဆိုးရွားဆုံး လူတွေတောင်မှ ငတ်မွတ်မှု မရှိစေရဘူးလို့ ဆိုပါတယ်။

    အီတလီနိုင်ငံမှာ နေ့စဉ် လူ ၆၁၅ ရောက်လောက်ဟာ ဆင်းရဲမှုသတ်မှတ်ချက်ကို ရောက်ရှိတာကြောင့် ဒီလို ဆုံးဖြတ်ချက်မျိုးဟာ လက်တွေ့မကျဘူးလို့ ဝေဖန်မှုတွေလည်း ရှိနေပါတယ်။

    Ref: BBC

  • အီရန်နှင့် အီတလီတို့ စီးပွားရေးသဘောတူညီချက် အမြောက်အများ ရရှိ

    အီရန်နှင့် အီတလီတို့ စီးပွားရေးသဘောတူညီချက် အမြောက်အများ ရရှိ

    ဧပြီ ၁၄၊ ၂၀၁၆
    M-Media

    iran 8

    – အင်အားကြီး ၆ နိုင်ငံနဲ့ နျူသဘောတူညီချက်ကို လက်မှတ်ရေးထိုးနိုင်ခဲ့ပြီးတဲ့နောက် ကမ္ဘာတစ်ဝှမ်း စီးပွားရေး ချဲ့ထွင်ဖို့ လုပ်ဆောင်နေတဲ့ အီရန်နိုင်ငံဟာ အီတလီနဲ့ စီးပွားရေးဆိုင်ရာ သဘောတူညီချက်စာချုပ် ၁၂ ခုကို ချုပ်ဆိုနိုင်ခဲ့တယ်လို့ သိရပါတယ်။

    တီဟီရန်ကိုရောက်ရှိနေတဲ့ အီတလီဝန်ကြီးချုပ် မတ်တီယို ရန်ဇီနဲ့ အီရန် စက်မှု၊ သတ္ထုတွင်းနဲ့ ကုန်သွယ်ရေးဝန်ကြီး မိုဟာမက် ရီဇာ နီမတ်ဇာဒဟ်တို့ ယမန်နေ့က တွေ့ဆုံစဉ်အတွင်း အခုလို သဘောတူညီချက်ရရှိခဲ့တာ ဖြစ်ပါတယ်။

    အီရန်အစိုးရသတင်းဌာန IRNA ကတော့ အဲဒီ သဘောတူညီချက်တွေမှာ စွမ်းအင်၊ ဆောက်လုပ်ရေး၊ လျှပ်စစ်၊ သတင်းနဲ့ ဆက်သွယ်ရေးနည်းပညာ၊ သံမဏိနဲ့ အထည်အလိပ်လုပ်ငန်းများ အပါအ၀င် အမျိုးအမျိုးသော ကုန်သွယ်မှု ကဏ္ဍတွေမှာ အီတလီကုမ္ပဏီတွေနဲ့ ပူးပေါင်းလုပ်ကိုင်ဖို့ သဘောတူညီခဲ့တာဖြစ်တယ်လို့ ဖော်ပြခဲ့ပါတယ်။

    အီတလီရဲ့ နာမည်ကြီးစီးပွားရေးလုပ်ငန်းအုပ်စု Finmeccanica နဲ့ အီရန်ရဲ့ Foulad Boutia လုပ်ငန်းစု နှစ်ခုကြား အီရန်တောင်ပိုင်း ကာမန်မှာရှိတဲ့ ဓာတ်အာပေးစက်ရုံတည်ဆောက်ဖို့အတွက် ပစ္စည်းကိရိယာနဲ့ ၀န်ဆောင်မှုလုပ်ငန်းတွေ ပေးပို့ရေး ဒေါ်လာ ၂၃၇ သန်းတန် စာချုပ်တစ်ခုကိုလည်း နှစ်ဖက် လက်မှတ်ရေးထိုးနိုင်ခဲ့ပါတယ်။

    နောက်ပြီး အီရန်မှာ စတီးလ်ကုမ္ပဏီတစ်ခုတည်ဆောက်ရေး လိုအပ်တဲ့ ပစ္စည်းကိရိယာနဲ့ ၀န်ဆောင်မှုတွေပေးပို့ဖို့ အီတလီရဲ့ Danieli Group နဲ့ ယူရို သန်း ၃၅၀ တန် စာချုပ်တစ်ခုလည်း အဲဒီသဘောတူညီချက်တွေမှာ ပါဝင်ပါတယ်။

    အခမ်းအနားမှာ အီတလီဝန်ကြီးချုပ်က စီမံကိန်းတွေမှာ ထိထိရောက်ရောက်လုပ်ကိုင်ဖုိ့ ပြောဆိုခဲ့ပြီး နှစ်နိုင်ငံ ဆက်ဆံရေးအားကောင်းစေဖို့ကိုလည်း တိုက်တွန်းခဲ့ပါတယ်။

    နိုင်ငံတကာက အရေးယူပိတ်ဆို့မှုတွေ မပြုလုပ်ခင်ကတည်းက အီတလီနိုင်ငံဟာ အီရန်ရဲ့ ထိပ်တန်း စီးပွားရေး ကုန်သွယ်ဖက်နိုင်ငံတွေထဲက တစ်နိုင်ငံဖြစ်ပြီး အဲဒီအချိန်တုန်းက နှစ်နိုင်ငံကြား နှစ်စဉ်ကုန်သွယ်ရေး တန်ဖိုးဟာ ယူရို ၇ ဘီလီယံအထိ ရှိခဲ့ပါတယ်။

    Ref: Presstv

  • “ရှင်တို့ပေါ့ Deash (IS) ကို ဖန်တီးခဲ့တာ”

    “ရှင်တို့ပေါ့ Deash (IS) ကို ဖန်တီးခဲ့တာ”

    ဖေဖော်ဝါရီ ၅၊ ၂၀၁၆
    M-Media

    kerry

    – “ရှင်တို့ပေါ့ Deash (IS) ကို ဖန်တီးခဲ့တာ”

    အမေရိကန်နိုင်ငံခြားရေးဝန်ကြီး ဂျွန်ကယ်ရီနဲ့ အီတလီနိုင်ငံခြားရေးဝန်ကြီး ပါအိုလို ဂျန်တီလိုနီတို့ ဒီတစ်ပတ်အတွင်း ရောမမှာ ပြုလုပ်ခဲ့တဲ့ သတင်းစာရှင်းလင်းပွဲမှာ ပရိတ်သတ်ထဲက အီတလီအမျိုးသမီးတစ်ဦး ဟစ်အော် ပြောကြားခဲ့တဲ့ စကားဖြစ်ပါတယ်။ အဲဒီသတင်းစာရှင်းလင်းပွဲဟာ ဆီးရီးယားနဲ့ အီရတ်တို့မှာ IS အဖွဲ့ကို တိုက်ခိုက်နေတဲ့ မဟာမိတ်တွေရဲ့ ဆွေးနွေးပွဲအပြီးမှာ ပြုလုပ်ခဲ့တာပါ။

    သတင်းစာရှင်းလင်းပွဲ ပြီးဆုံးကာနီးအချိန်မှာ ပရိတ်သတ်ထဲက မျက်နှာကို အ၀တ်နက်နဲ့ စည်းထားတဲ့ အမျိုးသမီးတစ်ဦးက ဒီလို ထအော်ခဲ့တာဖြစ်ပြီး၊ လုံခြုံရေးတွေကတော့ သူ့ကို ဆွဲထုတ်သွားခဲ့ပါတယ်။

    ဂျန်တီလိုနီနဲ့ ဆွေးနွေးပွဲအပြီးမှာ ဂျွန်ကယ်ရီက အမေရိကန်ဦးဆောင်တဲ့ နိုင်ငံတကာ မဟာမိတ်အဖွဲ့တွေဟာ IS အဖွဲ့ကို ချေမှုန်းသွားနိုင်လိမ့်မယ်လို့ ယုံကြည်ကြောင်း ပြောကြားခဲ့ပြီး အီတလီနိုင်ငံခြားရေးဝန်ကြီးကလည်း ပိုမိုသတိ ထားရမယ့်အကြောင်း ပြောကြားခဲ့တယ်လို့ ဆိုပါတယ်။

    နောက်ပြီး IS ကို ချေမှုန်းရာမှာ အရေးပါတဲ့ တိုးတက်မှုတွေ လုပ်နိုင်နေပေမယ့် မိမိတို့ဟာ အင်မတန် ခုခံနိုင်စွမ်းရှိတဲ့ အဖွဲ့အစည်းကို ရင်ဆိုင်နေရတာဖြစ်တဲ့အတွက် လျှော့တွက်လို့မရဘူးလို့လည်း ထည့်သွင်းပြောကြားခဲ့ပါတယ်။

    IS ဟာ အမေရိကန်ရဲ့စနက်နဲ့ မကင်းဘူးလို့ အီတလီမှာ ဒီလိုပြောဆိုတာဟာ ဒါ ပထမဆုံးအကြိမ်တော့ မဟုတ်ပါဘူး။ အမေရိကန် မရိန်းတပ်သားဟောင်းတစ်ဦးကလည်း IS ပေါ်ထွက်လာမှုဟာ အမေရိကန်ရဲ့ အီရတ်ကို ၂၀၀၃ ခုနှစ် ကျူးကျော်တိုက်ခိုက်မှုကြောင့် ဖြစ်တယ်လို့ ဒီဇင်ဘာလမှာ ပြစ်တင်ပြောဆိုခဲ့ဖူးပါတယ်။

    IS ထွက်ပေါ်လာမှုကို အမေရိကန်နဲ့ မဟာမိတ်တွေရဲ့ အီရတ် ကျူးကျော်တိုက်ခိုက်မှုနဲ့ ချိတ်ဆက်ပြောဆိုတာမျိုး ကျယ်ကျယ်ပြန့်ပြန့် ရှိနေပါတယ်။

    အီရတ်စစ်ပွဲမှာ အဓိကအခန်းကဏ္ဍက ပါဝင်ခဲ့ပြီး အမေရိကန်ရဲ့ လက်ရုံးမဟာမိတ် ဗြိတိန်ဝန်ကြီးချုပ်ဟောင်း တိုနီဘလဲက မိမိတို့ အီရတ်ကို ကျူးကျော်တိုက်ခိုက်တာဟာ ထောက်လှမ်းရေးသတင်းမှားကြောင့်ဖြစ်ပြီး IS ပေါ်ထွက်လာမှုကလည်း ဒီစစ်ပွဲနဲ့ တစ်စိတ်တစ်ပိုင်း သက်ဆိုင်တယ်လို့ ပြီးခဲ့တဲ့နှစ်အတွင်းမှာ ၀န်ခံပြောကြားခဲ့ပါတယ်။

    Ref: RT

  • အီတလီအငယ်တန်းဘောလုံးလိဂ်များ အရှုပ်တော်ပုံအတွက် လူ ၅၀ ကျော်ကို ရဲတပ်ဖွဲ့ဖမ်းဆီး

    အီတလီအငယ်တန်းဘောလုံးလိဂ်များ အရှုပ်တော်ပုံအတွက် လူ ၅၀ ကျော်ကို ရဲတပ်ဖွဲ့ဖမ်းဆီး

    မေ ၂၀၊ ၂၀၁၅
    M-Media

    italy
    – အီတလီအငယ်တန်းလိဂ်ပွဲများတွင် လုပ်ပွဲအရှုပ်တော်ပုံနှင့်ပတ်သက်၍ မာဖီးယား စုံစမ်းစစ်ဆေးရေးအဖွဲ့က လူပေါင်း ၅၀ ကျော်ကို ဖမ်းဆီးလိုက်ပြီး လူအမြောက်အများကိုလည်း စုံစမ်းစစ်ဆေးမှုများ ဆက်လက်ပြုလုပ်နေသည်ဟု သိရသည်။

    ယမန်နေ့ နံနက်ပိုင်းက အီတလီတောင်ပိုင်း ကာတန်ဇာရိုမြို့တွင် စီးနင်းဖမ်းဆီးခဲ့ခြင်းဖြစ်ပြီး ကစာသမား ၁၅ ဦး၊ ကလပ်အသင်းဥက္ကဌ ၆ ဦး၊ အားကစားဆိုင်ရာ စီမံခန့်ခွဲရေးမှူး ၈ ဦး၊ နည်းပြများ၊ အထွေထွေမန်နေဂျာများနှင့် ကမ္ဘာတစ်ဝှမ်း လောင်းကစားအသင်းအဖွဲ့များမှ ခေါင်းဆောင် ၁၀ ဦးတို့ ပါဝင်သည်ဟု La Repubblia သတင်းစာက ဖော်ပြခဲ့သည်။

    ဖမ်ဆီးခံရသူများမျာ လီဂါပရိုနှင့် စီးရီးဒီ အမှတ်ပေးပြိုင်ပွဲများမှ ရလဒ်များနှင့်ပတ်သက်၍ သံသယရှိသောကြောင့် ဖြစ်ပြီး အဆင့် ၃၊ အဆင့် ၄ နှင့်အဆင့် ၅ လိဂ်ပြိုင်ပွဲများရှိ ပွဲအများအပြားကိုလည်း လုပ်ပွဲပြဿနာများကြောင့် ရဲတပ်ဖွဲ့နှင့် တာဝန်ရှိသူများက စုံစမ်းစစ်ဆေးမှုများ ပြုလုပ်နေသည်။

    အဆိုပါ လုပ်ပွဲပြဿနာတွင် နည်းဆုံး ကလပ်အသင်းပေါင်း ၃၀ ခန့် ပါဝင်သည်ဟု ယူဆရပြီး ဖမ်းဆီးထားသူများကို မားဖီးယားအဖွဲ့များနှင့် ပူးပေါင်းကာ လိမ်လည်မှု အပါအ၀င် စွဲချက်များစွာဖြင့် တရားစွဲဆိုထားသည်။

    ပြီးခဲ့သည့်နှစ်များတွင်း အီတလီဘောလုံးလောကတွင် လုပ်ပွဲပြဿနာအတွက် စုံစမ်းစစ်ဆေးမှုများ အများအပြားရှိခဲ့ပြီး ၂၀၁၁ ခုနှစ် လုပ်ပွဲအရှုပ်တော်ပုံတွင် အီတလီလက်ရွေးစင်ဟောင်များဖြစ်သည့် ဂူဆက်ပီ ဆစ်ဂ်နိုရီနှင့် ခရစ္စတီယာနို ဒိုနီကဲ့သို့ ကစားသမားများပင် ပါဝင်ခဲ့သည်။

    ၂၀၀၆ ခုနှစ်ကလည်း လုပ်ပွဲအရှုပ်တော်ပုံကြောင့် စီးရီးအေထိပ်သီး ဂျူဗင်တပ်စ်အသင်းမှာ တန်းဆင်းခဲ့ပြီး အေစီမီလန်အပါအ၀င် အခြားနာမည်ကြီးအသင်းများမှာလည်း အမှတ်လျော့ခံခဲ့ရသည်။

    Ref: Goal

  • ရေးပန်းစားခြင်း မရှိသည့် ခေတ်သစ်၏ ပါဝါအရှိဆုံး မာဖီးယား

    ရေးပန်းစားခြင်း မရှိသည့် ခေတ်သစ်၏ ပါဝါအရှိဆုံး မာဖီးယား

    မတ် ၇ ၊ ၂၀၁၅
    M-Media
    4ba1d5b0a31a46e6a9aa1a6551c52d53_18
    – အီတလီတောင်ပိုင်း ကာလာဘရီယာ ဒေသတွင် အခြေစိုက်သည့် ‘Ndrangheta ရာဇ၀တ်ဂိုဏ်းမှာစစ္စလီကျွန်းတွင်း အခြေစိုက်သည့် Cosa Nostra ကဲ့သို့ နာမည်မကြီး။ သို့သော်လည်း Ndrangheta က ပို၍ ကြွယ်ဝပြီး ပိုအားကောင်းသည်။ ၎င်းတို့၏ လက်တံက ကာလာဘရီယာမှ ကိုလံဘီယာအထိ၊ ထိုမျှမကကမ္ဘာ့အရှေ့ခြမ်း သြစေတေးလျအထိ တစ်ကမ္ဘာလုံးကို ဖြန့်ကျက်ထားသည်။

    အီတလီတတ်သိပညာရှင်များအဖွဲ့ Demoskopika ၏ အဆိုအရ Ndrangheta ၏ လှုပ်ရှားမှုများမှ ရရှိသည့် အကျိုးအမြတ်မှာ ၂၀၁၃ ခုနှစ်တွင်ပင် ကန်ဒေါ်လာ ၆၀ ဘီလီယံရှိသည်ဟုဆိုပြီး ထိုပမာဏက McDonald’s နှင့် Deutsche Bank တို့ နှစ်ခုပေါင်း၏ အကျိုးအမြတ်ထက်ပင် ပိုများကာ အီတလီ GDP ၏ ၃ ရာခိုင်နှုန်းနီးပါး ရှိလေသည်။

    Ndrangheta အဖွဲ့က ဥရောပ ကိုကင်းဈေးကွက်လမ်းကြောင်း၏ ၈၀ ရာခိုင်နှုန်းခန့်ကို ထိန်းချုပ်ထားပြီး အီတလီ၊ ဘယ်လ်ဂျီယံ၊ အမေရိကန်နှင့် ဂျာမနီတို့ရှိ ဆောက်လုပ်ရေး လုပ်ငန်းများတွင်လည်း ရင်းနှီးမြှုပ်နှံထားသည်ဟု ယုံကြည်ရသည်။

    “Ndrangheta က တစ်ကမ္ဘာလုံးဖြန့်ကျက်ထားတဲ့ ရာဇ၀တ်မှုကွန်ယက်ရဲ့ အကောင်းဆုံး ဥပမာပါပဲ။ သူတို့ဟာ ဒုတိယကမ္ဘာစစ်ပြီးတဲ့နောက် ဂျာမနီ၊ အမေရိကန်၊ သြစေတးလျ၊ ဘယ်လ်ဂျီယံ၊ ကိုလံဘီယာနဲ့ ပြင်သစ်နိုင်ငံတွေကို ဦးတည်ထွက်ခွာမယ့် ကာလာဘရီယန် ပြောင်းရွှေ့အခြေချသူတွေကို အောင်မြင်စွာ အသုံးချနိုင်ခဲ့ပါတယ်။ ပြီးတော့ အဆက်အသွယ်အသစ်တွေကို ဖန်တီးဖို့ သူတို့ဟာ မိသားစု ဆက်ဆံရေးကို အသုံးပြုပြီး သူတို့ရဲ့ လွှမ်းမိုးမှုကို ကမ္ဘာတစ်ဝှမ်းမှာ ဖြန့်ကျက်ပါတယ်” ဟု အဆိုပါ ရာဇ၀တ်အဖွဲ့ဆိုင်ရာ ကျွမ်းကျင်သူ အန်တိုနီယို နီကာဆိုက ပြောသည်။

    ပြန်ပေးမှသည့် ကိုကင်းအထိ
    ———————————-
    Ndrangheta အဖွဲ့၏ လှုပ်ရှားမှုများကို ၁၉၆၀ ပြည့်နှစ်များနှင့် ၁၉၇၀ ပြည့်နှစ်များက စတင်ခဲ့ပြီး ပြန်ပေးငွေရရေး အတွက် ပြန်ပေးဆွဲမှုများကို အဓိကထားလုပ်သည်။

    “ဒါက ဒီရာဇ၀တ်အဖွဲ့အတွက် အရင်းအနှီးရစေပြီး ၁၉၈၀ ပြည့်နှစ် နှောင်းပိုင်းလောက်မှာ ကိုကင်းရောင်းဝယ်ရေးမှာ ရင်းနှီးမြှုပ်နှံနိုင်ခဲ့ပါတယ်။ ဒီဆုံးဖြတ်ချက်က Ndrangheta အတွက် ပထမဆုံး အလှည်အပြောင်းဖြစ်စေပြီး မူးယစ်ဈေးကွက်ရဲ့ အရေးပါတဲ့ အပြောင်းအလဲမှာ နားလည်မှုနဲ့ အသုံးချမှုတွေမှာ Cosa Nostra ထက် ပိုပြီး ခြေလှမ်းသွက်ခဲ့တယ်ဆိုတဲ့ သက်သေလည်းဖြစ်ပါတယ်” ဟု မီလန်မြို့ Statale တက္ကသိုလ် အုပ်စုဖွဲ့ရာဇ၀တ်မှုဆိုင်ရာ စူးစမ်းလေ့လာရေးဌာနမှ သုတေသနပညာရှင် အီလာရီယာ မေလီက ဆိုသည်။

    ထိုနည်းဗျူဟာကြောင့် Ndrangheta အဖွဲ့၏ ဘဏ္ဍာတိုက်ထဲသို့ ဒေါ်လာ ဘီလီယံနှင့်ချီ၍ ရောက်ရှိလာခဲ့လေသည်။

    “ဒီအချိန်မှာ ပြဿနာက သူတို့သုံးနိုင်တာထက်ပိုပြီး သူတို့မှာ ငွေသားတွေရှိနေတာပါ” ဟု စုံစမ်းစစ်ဆးမှုဆိုင်ရာ သတင်းထောက်ဖြစ်ပြီး ရာဇ၀တ်မှုအဖွဲ့များနှင့် ပတ်သက်၍ စာအုပ်ပေါင်းမြောက်များစွာကို ရေးသားခဲ့သူ ဂူဆက်ပီ ကာတိုဇဲလာက ပြောကြားခဲ့သည်။

    Ndrangheta အဖွဲ့အကြောင်း ရေးသားထားပြီး ပြီးခဲ့သည့်နှစ်က ထုတ်ဝေခဲ့သော ကာတိုဇဲလာ၏ Alveare စာအုပ်တွင် ထိုအဖွဲ့ဝင်နှစ်ဦး၏ ဖုန်းပြောဆိုမှုကို ကြားဖြတ်ဖမ်းယူထားမှုအား ထည့်သွင်းဖော်ပြခဲ့သည်။ တောတစ်ခုအတွင်းရှိ ပိုက်ဆံဝှက်ထားသောနေရာ၌ တူးနေသူတစ်ယောက်က အစိုပြန်မှုကြောင့် ငွေ သန်းနှင့်ချီ၍ ပျက်ဆီးသွားသည်ဟု အခြားတစ်ဦးအား အသိပေးနေသော ပြောဆိုမှုဖြစ်သည်။

    အသိပေးခံရသူ ပြန်ပြောသည်က “အဲဒါတွေကို လွှင့်ပစ်လိုက်ပေါ့ကွာ” ဟူ၍သာ ဖြစ်သည်။

    Ndrangheta အဖွဲ့ ထောင်တက်သွားခြင်းတွင် စစ္စလီယန် မာဖီးယားအဖွဲ့ Cosa Nostra ၏ မဟာဗျူဟာအမှားတစ်ခုကလည်း အထောက်အကူဖြစ်စေခဲ့သည်။
    6bebdd67c4c847bb9a10b3bcd0d887dc_18
    ၁၉၈၀ ပြည့်နှစ်နှောင်းပိုင်းတွင် Cosa Nostra မှာ အစိုးရအား ဆန့်ကျင်သည့် ပေါ်လစီကို စတင်ခဲ့သည်။ ၁၉၉၂ ခုနှစ်တွင် မာဖီးယားဆန့်ကျင်သည့် တရားသူကြီးများဖြစ်သော ဂျီယိုဗာနီ ဖဲလ်ကိုနီနှင့် ပါအိုလို ဘောဆဲလ်လီနိုတို့ကို သတ်ပစ်လိုက်ပြီးနောက် အဆိုပါ ပေါ်လစီကို ထိပ်ဆုံးရောက်စေခဲ့သည်။

    ထို့နောက် အစိုးရက စစ္စလီကျွန်းတွင် စစ်တပ်ကိုချထားလိုက်ပြီး မာဖီးယားနှင့် ဆက်သွယ်သူများကို အကျဉ်းချထားနိုင်သည့် ဥပဒေသစ်တစ်ခုကိုလည်း ပြဌာန်းခဲ့သည်။

    “အဲဒီနှစ်တွေကတော့ စစ္စလီရဲ့ အပြင်ဘက်မှာ Cosa Nostra ရဲ့ အကျိုးစီးပွားတွေဟာ မရှုနိုင် မကယ်နိုင် ဖြစ်ခဲ့ရပါတယ်။ ပြီးတော့ လွန်ခဲ့တဲ့ နှစ်အနည်းငယ်လောက်ကမှ သူတို့ရဲ့အဖွဲ့ကို ပြန်လည်ဖွဲ့စည်းခဲ့တယ်လို့ မကြာသေးမီက DIA (အီတလီ ရာဇ၀တ်မှုဆန့်ကျင်ရေး အဖွဲ့) ရဲ့ အစီရင်ခံစာမှာ ဖော်ပြထားပါတယ်” ဟု မဲလီက ပြောကြားခဲ့သည်။

    အီတလီအာဏာပိုင်များနှင့် မီဒီယာများက စစ္စလီကျွန်းသားများပေါ်သို့ အာရုံရောက်နေသည့်အချိန်တွင် ကာလာဘရီယန်များက မြောက်ပိုင်းတွင် ၎င်းတို့၏ ကြွယ်ဝမှုကို ဖြည်းဖြည်းနှင့်မှန်မှန် ချဲ့ထွင်ခဲ့သည်။

    ၁၉၉၄ ခုနှစ်တွင် အဓိက မာဖီးယားဂိုဏ်းများမှ ခေါင်းဆောင် ၄ ဦးက Lake Como တွင်တွေ့ဆုံကာ မြောက်ပိုင်းရှိ ဈေးကွက်ကို ဖြိုခွဲရန် ဆွေးနွေးခဲ့ကြသည်ဟု ကာတော့ဇဲလာက ရှင်းပြခဲ့သည်။

    “Ndrangheta က ဒီဈေးကွက်ရဲ့ ၇၀ ရာခိုင်နှုန်းကို ရယူပိုင်ဆိုင်ထားပြီး ဆယ်စုနှစ် ၂ လောက်နဲ့ အာဏာ၊ လွှမ်းမိုးမှုတွေကို သူတို့ ရယူနိုင်ခဲ့တယ်ဆိုတဲ့ ရလဒ်ပါပဲ”

    အခွင့်အရေးများအား အမြတ်ထုတ်ပြီ
    —————————————–
    အီတလီမြောက်ပိုင်းတွင်ရှိသည့် မီလန်မြို့မှာ ဥရောပ၏ ကျန်ရှိဒေသများနှင့် ကီလိုမီတာ ရာချီအကွာတွင်သာ ရှိနေသည်။ ၂၀၀၀ ပြည့်နှစ်များတွင် ဖြစ်ပေါ်လာသည့် အခြေအနေများကို Ndrangheta က အသုံးချနိုင်ခဲ့သည်။

    စက်တင်ဘာ ၁၁ တိုက်ခိုက်မှုပြီးနောက် အီတလီအစိုးရက ၎င်ုးတို့၏ ရင်းမြစ်များကို အကြမ်းဖက်ဝါဒအား တိုက်ဖျက်ရေးအတွက် ပြောင်းလဲသုံးစွဲခဲ့ပြီး ထိုသို့ ဆောင်ရွက်ခြင်းက ကာလာဘရီယန်မှ ရာဇ၀တ်အဖွဲ့အစည်းကို ပိုမိုလွတ်မြောက်စေခဲ့သည်။

    ထိုဆယ်စုနှစ်နှောင်းပိုင်း ဥရောတောင်ပိုင်းတွင် ရိုက်ခတ်ခဲ့သည့် စီးပွားရေး အကြပ်အတည်းကလည်း ကာလာဘရီယန်အဖွဲ့ကို တရားမ၀င်အကျိုးအမြတ်လုပ်ငန်းများသို့ ပုံအော၍ ရင်းနှီးမြှုပ်နှံရန် အခွင့်အလမ်းဖြစ်စေခဲ့သည်။

    ဥရောပတောင်ပိုင်းတစ်ဝှမ်း ထောင်ပေါင်းများစွာသော ငွေသားများနှင့် ငွေပေါ်လွယ်သည့် လုပ်ငန်းများကို ရှာဖွေခြင်းနှင့်အတူ Ndrangheta အဖွဲ့၏ အဓိကပြဿနာက မည်သည့်နေရာတွင် ရင်းနှီးမြှုပ်နှံမှု ပြလုပ်ရမည်ဆိုခြင်းပင် ဖြစ်သည်။

    ထို့နောက်တွင်တော့ ကာလာဘရီယန် မာဖီးယားအနေဖြင့် နဒ်ရင်းတွင် အခြေစိုက်ရန် ဖြစ်လာခဲ့ပြီး အဖွဲ့ငယ်လေးများကို စတင်ဖွဲ့စည်းလေသည်။

    အဆိုပါ နဒ်ရင်းအဖွဲ့များက ကာလာဘရီယာမှသည် သြစတေးလျအထိ နေရာတိုင်းတွင် တည်ရှိကာ လှုပ်ရှားနေပြီး အဆိုပါ နဒ်ရင်းအဖွဲ့အားလုံးမှာ လိုကာလီ ဟုခေါ်သည့် အဖွဲ့တွင် ပါဝင်သည်ဟု ယုံကြည်ရသည်။ အဆိုပါ လိုကာလီအဖွဲ့မှာ ၎င်းတို့၏ ကာကွယ်စောင့်ရှောက်မှုအောက်တွင် မတူညီသော နဒ်ရင်းအဖွဲ့များအကြား ပူးပေါင်းဆေင်ရွက်စေမှုနှင့် ကြားဝင်ညှိနှိုင်းပေးမှုများကို ပြုလုပ်လေသည်။

    အဆိုပါ လိုကာလီအဖွဲ့၏ အထက်တွင်တော့ Il Crimine သို့မဟုတ် La Provincia အဖွဲ့ဟုခေါ်သည့် အဖွဲ့ရှိပြီး ထိုအဖွဲ့၏ ထိန်းချုပ်မှုအောက်တွင် လုပ်ငန်းများကို ဆောင်ရွက်သည်။ La Provincia အဖွဲ့မှာ ကာလာဘရီယာတွင် အခြေစိုက်ပြီး အဖွဲ့၏ ထိပ်တန်း ဆုံးဖြတ်ချက်များကို ချမှတ်ပေးလေသည်။

    La Provincia အဖွဲ့ဝင်များမှာ တစ်နှစ်လျှင်တစ်ကြိမ်  သြဂုတ်လနှောင်းပိုင်း၌ တောင်ပေါ်မြို့လေးတစ်မြို့ဖြစ်သည့် ပိုလ်စီတွင် တွေ့ဆုံသည်။ ထိုနေရာတွင် အခမ်အနားကျင်းပကြပြီး လာမည့်နှစ်အတွက် အရေးပါသည့် ဆုံးဖြတ်ချက်များကို ချမှတ်ကြသည်။

    ကာလာဘရီယာအပြင်ဘက်တွင် လှုပ်ရှားသော နဒ်ရင်းနှင့် လိုကာလီအဖွဲ့များမှာ ကာလာဘရီရှိ နဒ်ရင်းနှင့် လိုကာလီအဖွဲ့များဖြင့် ချိတ်ဆက်ဆောင်ရွက်နေသည်ဟု ယုံကြည်ရသည်။ ဥပမာအားဖြင့် သြစတေးလျအနောက်ပိုင်း စတာလင်ရှိ လိုကာလီအဖွဲ့မှာ ကာလာဘရီရှိ လိုကာလီအဖွဲ့မှလာသော အမိန့်အောက်တွင် လှုပ်ရှားရသည်ဟု စုံစမ်းစစ်ဆေးမှုများအရ သိရသည်။

    တည်ဆောက်ပုံမှာ အစဉ်လိုက်ရှိနေသော်လည်း စီးပွားရေးဆောင်ရွက်ရာတွင်တော့ လိုကာလီက ကိုယ်ပိုင်ဆုံးဖြတ်ခွင့် အာဏာကို ပိုရသည်။

    သို့သော်လည်း  Ndrangheta ၏ အဖွဲ့အဆင့်ဆင့် တည်ဆောက်မှုပုံစံကို ညှိနှိုင်းပြောင်းလဲ၍ မရ။

    လွန်ဘာဒီဒေသ  Ndrangheta အဖွဲ့ခေါင်းဆောင်ဖြစ်သူ ကာမယ်လို နိုဗဲလ်လာက လွတ်လွတ်လပ်လပ် လှုပ်ရှားရန် ကြိုးစားသည့်အခါ ၂၀၀၈ ခုနှစ်တွင် ကာလာဘရီယာမှ  Ndrangheta  ခေါင်းဆောင်တစ်ဦး၏ သတ်ဖြတ်ခြင်းကို ခံခဲ့ရသည်။

    အီတလီ၏ ပြဿနာသာမဟုတ်
    ————————————–
    ယခင်က Ndrangheta အဖွဲ့မှာ အီတလီနှင့် ဥရောပ အာဏာပိုင်များ၏ စောင့်ကြည့်မှုအောက်တွင် လှုပ်ရှားနိုင်ခြင်းမှ အကျိုးအမြတ်များ ဖြစ်ထွန်းခဲ့သည်။ သို့သော်လည်း ၂၀၁၀ ခုနှစ် ရောက်သည့်အခါ ထိုအချိန်က မီလန်အုပ်ချုပ်ရေးမှူး လက်တီဇီယာ မိုရက်တီက နှစ်ပေါင်း ၃၀ ကြာ ရှိနေခဲ့သော ရာဇ၀တ်အဖွဲ့များအား မြို့အတွင်းလှုပ်ရှားခြင်းကို ငြင်းပယ်ခဲ့သည်။

    “အီတလီမြောက်ပိုင်းမှာ အစီအစဉ်တကျ ကျူးလွန်ကြတဲ့ ရာဇ၀တ်မှုဟာ တောင်ပိုင်းပြဿနာအဖြစ် ရှိနေပြီး ဥရောပမြောက်ပိုင်းမှာတော့ အီတလီပြဿနာအဖြစ် ရှိနေပါတယ်” ဟု မဲလီက ဆိုသည်။

    ၂၀၀၇ ခုနှစ်တွင် ဂျာမနီနိုင်ငံ ဒူစ်ဘာ့ဂ်မြို့တွင်ဖြစ်ပွားသည့် သေနတ်ဖြင့်ပစ်ခတ်မှုက  Ndrangheta အဖွဲ့နှင့် ဆက်စပ်နေပြီး ဂျာမနီနှင့် ဥရောပအာဏာပိုင်များက အီတလီအပြင်ဘက်တွင် ကာလာဘရီယန် ရာဇ၀တ်အဖွဲ့ တည်ရှိနေခြင်းနှင့်ပတ်သက်၍ စတင်စုံစမ်းခဲ့သည်။

    မာဖီယားအဖွဲ့များနှင့် ပတ်သက်၍ ဥရောပ၏ ဥပဒေစနစ်များအကြား ကွဲလွဲမှုများက  Ndrangheta ကဲ့သို့ အဖွဲ့များကို တွန်းလှန်ရာတွင် ကြုံတွေ့ရသော အဓိကအခက်အခဲများမှ တစ်ခုဖြစ်နေသည်။

    ၁၉၉၄ ခုနှစ်တွင် မာဖီးယားအဖွဲ့များနှင့် ဆက်ဆံမှုကို ရာဇ၀တ်မှုအဖြစ် အီတလီက သတ်မှတ်ထားသည်။ သို့သော်လည်း ထိုကဲ့သို့သော ဥပဒေအမျိုး အခြားဥရောပနိုင်ငံများတွင် မရှိ။

    အကယ်၍ ဥပမာအားဖြင့် မာဖီးယားသံသယရှိသူကို ဖမ်းဆီးရန်အတွက် အီတလီရဲတပ်ဖွဲ့က အိမ်နီးချင်းနိုင်ငံရှိ ရဲတပ်ဖွဲ့သို့ တောင်းဆိုမည်ဆိုလျှင် ထိုရဲတပ်ဖွဲ့က တရားဝင်ဖမ်းဆီးခွင့်မရှိ။

    “Ndrangheta အဖွဲ့ဟာ ဥရောပရဲ့ ပြဿနာလို့ လက်ခံဖို့ စိတ်ဆန္ဒ သိပ်မရှိကြပါဘူး” ဟု မဲလီက ဆိုသည်။

    Ndrangheta အဖွဲ့အနေဖြင့် အာဏာပိုင်များ၏ သတိထားမှုကို ကြာကြာရှောင်ရှားနိုင်မည်မဟုတ်။ သို့သော်လည်း အီတလီအပြင်ဘက် ထိုအဖွဲ့၏ ချဲ့ထွင်မှုကို ဟန့်တားရန်ဆိုလျှင် ဥရောပတစ်ဝှမ်းရှိ အာဏာပိုင်များက တစ်ဦးနှင်တစ်ဦး ပိုမိုနီးကပ်စွာ ပူးပေါင်းဆောင်ရွက်ရန် လိုအပ်သည်ဟု ကျွမ်းကျင်သူများက ဆိုကြလေသည်။

    “Ndrangheta ဟာ ကမ္ဘာလုံးဆိုင်ရာအဖွဲ့ ဖြစ်လာခဲ့ပါပြီ။ (ဒါပေမယ့်) ဒီအဖွဲ့ကို တွန်းလှန်ဖို့ နည်းလမ်းတွေကတော့ အမျိုးသားရေးအဖြစ် ဆက်ရှိနေပါတယ်။ ဒါဟာ အလျင်အမြန် ဖြေရှင်းဖို့ လိုအပ်တဲ့ ပြဿနာပါပဲ”

    နီကာဆိုက နိဂုံးချုပ်ခဲ့လေသည်။

    Source: Al Jazeera

    လေးမောင် ဘာသာပြန်သည်။