သြဂုတ်- ၁၃ရက်၊ ၂၀၁၃
M-Media
လန်ဒန်။ ။ ပြီးခဲ့သည့်တနင်္လာနေ့၊ အီတလီမြို့တော် ဂျီနိုအာတွင် အသက် ၄၆ နှစ်အရွယ်အမျိုးသမီး၏မျက်နှာကို အမျိုးသားတစ်ဦးမှ အက်ဆစ်ဖြင့် ပက်လောင်းခဲ့ကြောင်း၊ စုံစမ်းစစ်ဆေးသူတို့၏အဆိုအရ ၄င်းမှာ ခံစားချက်ကြောင့် ကျူးလွန်သည့်ပြစ်မှုဖြစ်ဖွယ်ရှိကြောင်း အီတာလျံမီဒီယာမှ ဖော်ပြခဲ့သည်။
ကလေးနှစ်ဦးမိခင် နှင့် တစ်ခုလပ်ဖြစ်သူ ထိုအမျိုးသမီးသည် ၄င်းမှ သန့်ရှင်းရေးအလုပ်သမအဖြစ် လုပ်ကိုင်နေသည့် ဂါလီယာရာ(Galliera) ဆေးရုံ၌ တိုက်ခိုက်ခံရခြင်းဖြစ်သည်။ သူမအား အခြားဆေးရုံ တစ်ခုသို့ အလျင်အမြန် ပို့ဆောင်ခဲ့ပြီး မျက်နှာ တစ်ပြင်လုံး၊ လက်များ နှင့် မျက်လုံးတစ်ဖက် ဆိုးဆိုးဝါးဝါးလောင်ကျွမ်းခံရမှုကို ကုသပေးနေသည်ဟု Il Secolo XiX သတင်းစာမှ ဖော်ပြသည်။
“ ငယ်သံပါအောင်အော်လိုက်တဲ့အသံကို ကျွန်မ ကြားလိုက်တယ်။ ပြေးသွားကြည့်တော့ ကျွန်မရဲ့ လုပ်ဖော်ကိုင်ဖက်ဟာ သူ့ယူနီဖောင်းနဲ့မျက်နှာမှာ လောင်ကျွမ်းနေတာ တွေ့လိုက် ရတယ် ” ဟု သူမ၏အလုပ်တွဲ လုပ်နေသူ တစ်ဦးမှ ပြောပြသည်။ ဆေးရုံ အရေးပေါ်ဌာနသို့ မပို့ဆောင်မှီ ဝေဒနာ သက်သာအောင် ရေလောင်းပေး ခဲ့သည်ဟုလည်း ဆိုသည်။
လက်သည်တရားခံမှာ မည်သူမှန်း စုံစမ်းမရသေး၊ ဒေသခံရဲများမှ တိုက်ခိုက်ခံရသူအား မေးမြန်းပြီးနောက် စုံစမ်းနေဆဲဖြစ်သည်။
ကနဦးထွက်ဆိုချက်များအရ ထိုအမျိုးသမီးသည် မိမိ၏လုပ်ငန်းခွင်သို့ဝင်ရောက်မည့်ဆဲဆဲ အ၀တ်လဲလှယ်ခန်းပြင်ပတွင် အမျိုးသားတစ်ဦးမှ တိုက်ခိုက်ခဲ့ခြင်းဖြစ်သည်ဟု သတင်း၌ ဖော်ပြထားသည်။ ဤဖြစ်ရပ်မှာ အီတလီတွင် ဤတစ်နှစ်အတွင်း ပဉ္စမအကြိမ်မြောက် အမျိုးသမီးတို့အားရုပ်ပျက်ဆင်းပျက်ဖြစ်အောင် အက်ဆစ်ဖြင့် ပက်လောင်းမှု ဖြစ်ကြောင်း၊ မီဒီယာသတင်များ အရ ခံစားချက်ဆိုင်ရာပြဿနာများဟု သုံးသပ်သူအချို့မှဆိုကြောင်း သိရသည်။
လက်ရှိကာလ အီတလီတွင် အမျိုးသမီးများအပေါ်အကြမ်းဖက်မှုသည် အကျယ်လောင်ဆုံး အချေအတင်ဆွေးနွေးရသည့် ကဏ္ဍတစ်ခုဖြစ်လာသည်။ အဘယ်ကြောင့်ဆိုသော် ပြည်တွင်းနှင့်နိုင်ငံတကာ မီဒီယာများ၌ ဤသို့သော တုန်လှုပ်ဖွယ် ရာဇ၀တ်မှုများအား ကျယ်ပြန့်စွာ တင်ပြလာ၍ဖြစ်၏။
အီတလီအစိုးရသည် ယင်းပြဿနာကို ထိရောက်စွာအရေးယူရန် မကြာသေးမီက အစီအစဉ်ရေးဆွဲလိုက်သည်ဟု ပြီးခဲ့သည့်ရက်သတ္တပတ်တွင် Guardian သတင်းစာမှ ဖော်ပြခဲ့သည်။ ယင်းသို့အကြမ်းဖက်မှု အမျိုးအစား အပေါ် ပြင်းထန်သောပြစ်ဒဏ် စီရင်မှုနှင့်တစ်ကွ အယူခံဝင်မှုကိုပါ ပယ်ချမည့် စည်းမျဉ်းများကိုလည်း ယင်းအရေးယူမှု၌ ထည့်သွင်းထားသည်ဟု ဆိုသည်။
“ ကျွန်တော်တို့နိုင်ငံမှာ ဒီပြဿနာနဲ့ပတ်သက်ပြီး အသွင်အပြင်သက်သက်မျှသာ မဟုတ်ဘဲ အရေးပေါ်အပြောင်းအလဲ တစ်ရပ်ကို ပြုလုပ်ဖို့ခိုင်မာတဲ့အင်္ဂါရပ် တစ်ခုလိုပြီလို့ ကျွန်တော်တို့ ယုံကြည်ပါတယ် ” ဟု ၀န်ကြီးချုပ် အဲန်ရီကို လက်တား (Enrico Letta) က ပြောကြားလိုက်သည်။
Source: Thomson Reuters Foundation
