ဧပြီ-၂၈-၂၀၁၃
M-Media
“အီတလီနိုင်ငံ ရောမမြို့မှာ သေနတ်သမားတစ်ဦးက အစိုးရသစ် ကျမ်းသစ္စာကျိန်ဆိုနေချိန် အတွင်း နိုင်ငံရေးသမားများကို လုပ်ကြံရန် ကြိုးစားရာမှ မအောင်မမြင်ဖြစ်ကာ ရဲအရာရှိနှစ်ဦး အပြင်းအထန် ဒါဏ်ရာရရှိ”
အီတလီနိုင်ငံ ရောမမြို့မှာ သေနတ်သမားတစ်ဦးက အစိုးရသစ် ကျမ်းသစ္စာကျိန်ဆိုနေချိန်အတွင်း နိုင်ငံရေးသမားများကို လုပ်ကြံရန် ကြိုးစားရာမှ မအောင်မမြင်ဖြစ်ကာ ရဲအရာရှိနှစ်ဦး အပြင်းအထန် ဒါဏ်ရာရရှိသွားခဲ့ပါတယ်။လုပ်ကြံသူဟု သံသယ ရှိဖွယ် အသက် ၄၉ နှစ် အရွယ်ရှိ “Luigi Preiti” အမည်ရှိ အလုပ်လက်မဲ့ လူတစ်ဦးကို အခင်းဖြစ်ပွါးချိန် အတွင်းမှာပင် ရဲတပ်ဖွဲ့များမှ ဖမ်းဆီးရရှိခဲ့ပါတယ်။ သံသယရှိဖွယ် တရားခံဟာ နိုင်ငံရေးသမားများကို ပစ်မှတ်ထားဖို့ ကြံရွယ်ခဲ့သော်လည်း မအောင်မမြင်ဖြစ်ပြီးတဲ့နောက် ရဲတပ်ဖွဲ့ဝင်များကို ပစ်ခတ်ခဲ့ခြင်းဖြစ်ကြောင်း ထွက်ဆိုခဲ့တယ်လို့လဲ သိရပါတယ်။
သံသယ ရှိဖွယ် တရားခံဟု ယူဆရသူ “Luigi “ဟာ အလုပ်လက်မဲ့တစ်ဦးဖြစ်ကာ အိမ်ထောင်ကွာရှင်းပြတ်စဲထားပြီး ထိုအိမ်ထောင်မှ သားတစ်ယောက် ရရှိခဲ့တယ်လို့ ဆိုပါတယ်၊ ထို ပစ်ခတ်မှူမှ ရဲအရာရှိတစ်ယောက်ကတော့ ကျောရိုးမကြီးထိ ဒါဏ်ရာရရှိသွားခဲ့ကာ စိုးရိမ်ရတဲ့ အနေအထားမှာရှိပြီး နောက်ထက် ရဲအရာရှိတစ်ဦးလဲ အပြင်းအထန် ဒါဏ်ရာရခဲ့တယ်လို့ ဆိုပါတယ်။
အီတလီနိုင်ငံဟာ လွန်ခဲ့တဲ့ ဖေဖော်ဝါရီလ ရွေးကောက်ပွဲကာလ အတွင်း နိုင်ငံရေး အကြပ်အတည်းများကြုံတွေ့လျက်ရှိကာ မရေရာ တဲ့ရွေးကောက်ပွဲရလဒ်များ ရရှိခဲ့ပြီး နှစ်လအကြာ ညွန့်ပေါင်းအစိုးရ ဖွဲ့စည်းရန် အတွက် သဘောတူညီမှူ ရအပြီး အစိုးရသစ် ကျမ်းသစ္စာ ကျိန်ဆိုနေစဉ်အတွင်း ဤပစ်ခတ်မှူဖြစ်ပွါးခဲ့ခြင်းဖြစ်တယ်လို့လဲ သိရပါတယ်။ယခင် ဝန်ကြီးချုပ်ဟောင်း ဘာလူစကိုနီဟာ အစိုးရသစ် တွင် ပါဝင်မှာ မဟုတ်တော့ပဲ အရင် ဥရောပ သမဂ္ဂ ကော်မရှင်နာမင်းကြီး Emma Bonino ကတော့ နိုင်ငံခြားရေး ဝန်ကြီးအဖြစ် ကျမ်းသစ္စာကျိန်ဆိုခဲ့တယ်လို့ သိရပါတယ်။
BBC News
Leave a Reply
You must be logged in to post a comment.