News @ M-Media

Tag: Japan

  • တရုတ်နိုင်ငံမှ အမည်မသိကူးစက်ရောဂါကို တွေ့ရကြောင်း ဂျပန်အတည်ပြု

    တရုတ်နိုင်ငံမှ အမည်မသိကူးစက်ရောဂါကို တွေ့ရကြောင်း ဂျပန်အတည်ပြု

    ဇန်နဝါရီ ၁၆၊ ၂၀၂၀
    M-Media

    ဟောင်ကောင်လေဆိပ်တွင် တရုတ်ခရီးသွားများကို စောင့်ကြည့်မှု

    -တရုတ်နိုင်အလယ်ပိုင်း ဝူဟန်မြို့မှာ ဖြစ်ပွားနေတဲ့ အမည်မသိ အဆုတ်ရောင်ရောဂါ ကူးစက်သူတစ်ဦး တွေ့ရှိခဲ့ရတယ်လို့ ဂျပန် ကျန်းမာရေးဝန်ကြီးဌာကန ဒီကနေ့မှာ ထုတ်ပြန်လိက်ပါတယ်။

    နိုင်ငံတောင်ပိုင်း ကာနာဂါဝါပြည်နယ်က အသက် ၃၀ ကျော်အရွယ် အမျိုးသားမှာ ကူးစက်နေတာဖြစ်ပြီး သူဟာ ရောဂါပြန့်နှံ့နေတဲ့ တရုတ်နိုင်ငံ ဝူဟန်မြို့ကို သွားရောက်ခဲ့ဖူးသူလည်း ဖြစ်ပါတယ်။ တရုတ်နိုင်ငံက ပြန်အလာမှာ အဖျားပါလာတဲ့အတွက် ဆေးရုံတင်ခဲ့ရပြီး မနေ့မှာတော့ ရောဂါလက္ခဏာသက်သာကာ ဆေးရုံကနေ ဆင်းသွားခဲ့ပါတယ်။

    တရုတ်နိုင်ငံမှာ ဒီရောဂါ ကူးစက်ပြန့်နှံ့မှုအရေအတွက် ၄၁ ခုအထိ ရှိလာပြီး အသက် ၆၁ နှစ်အရွယ် အဖွားအိုတစ်ဦး သေဆုံးခဲ့ပါတယ်။

    ကမ္ဘာ့ကျန်းမာရေးအဖွဲ့ WHO က ဗိုင်းရပ်စ်အသစ်ဟာ ကမ္ဘာတစ်ဝှမ်း ပြန့်နှံ့လာနိုင်တယ်လို့ သတိပေးထားပါတယ်။ ဒီရောဂါကူးစက်နေတဲ့ တရုတ်အမျိုးသမီးတစ်ဦးကို တွေ့ရှိခဲ့ပြီး သီးသန့်စောင့်ကြည့်မှုတွေ ပြုလုပ်နေတယ်လို့ ထိုင်းအာဏာပိုင်တွေက တနင်္လာနေ့မှာ ထုတ်ပြန်ခဲ့ပါတယ်။

    လာမယ့်တစ်ပတ် တရုတ်နှစ်သစ်ကူးကာလမှာ သိန်းသန်းချီတဲ့တရုတ်လူမျိုးတွေဟာ ပြည်တွင်း၊ ပြည်ပ ခရီးသွားလာမှုတွေ ပြုလုပ်မှာကြောင့် အာရှနိုင်ငံတွေဟာ တရုတ်ခရီးသွားတွေကို စောင့်ကြည့်စစ်ဆေးမှုတွေ တိုးမြှင့်လုပ်ဆောင်လာပါတယ်။

    တရုတ်နိုင်ငံမှာ စတင်တဲ့ အသက်ရှုလမ်းကြောင်းဆိုင်ရာ ကူးစက်ရောဂါ SARS ဟာ ၂၀၀၂ ခုနှစ်က ကမ္ဘာတစ်ဝှမ်း နိုင်ငံပေါင်း ၃၇ နိုင်ငံက လူပေါင်း ၈၀၀၀ လောက်မှာ ကူးစက်ဖြစ်ပွားခဲ့ပြီး လူ ၈၀၀ နီးပါး သေဆုံးခဲ့ပါတယ်။

    Ref: Aljazeera

  • လူသေအလောင်းများနှင့် သင်္ဘောပျက်တစ်စီး ဂျပန်ကမ်းရိုးတမ်းကို ရောက်လာ

    လူသေအလောင်းများနှင့် သင်္ဘောပျက်တစ်စီး ဂျပန်ကမ်းရိုးတမ်းကို ရောက်လာ

    ဒီဇင်ဘာ ၃၀၊ ၂၀၁၉
    M-Media

    -လူသေအလောင်း ၇ လောင်းပါဝင်ပြီး ပျက်ဆီးနေတဲ့ သစ်သားစက်လှေတစ်စီး ဂျပန်နိုင်ငံ ဆာဒိုကျွန်းတစ်ခုက ကမ်းရိုးတန်းတစ်ခုကို ပြီးခဲ့တဲ့တစ်ပတ် နှောင်းပိုင်းမှာ ရောက်ရှိလာခဲ့ပါတယ်။

    သင်္ဘောပျက်ကို ရဲတပ်ဖွဲ့ဝင်တွေနဲ့ ကမ်းရိုးတန်းအစောင့်တပ်ဖွဲ့ဝင်တွေ တက်ရောက်ရှာဖွေရာမှာ ဦးခေါင်းပြတ် ၂ ခုနဲ့ အလောင်း ၇ လောင်းကို တွေ့ခဲ့ရပြီး၊ အလောင်းတစ်ချို့ဟာ အရိုးကျနေပြီလို့ အာဏာပိုင်တွေက ထုတ်ပြန်ခဲ့ပါတယ်။

    ကိုယ်ထည်က နံပါတ်ပြား၊ ကိုရီးယားဘာသာနဲ့ရေးထားတဲ့ စာတွေကို ကြည့်ပြီး သင်္ဘောဟာ မြောက်ကိုရီးယားနိုင်ငံက မျောလာတာဖြစ်မယ်လို့ ကောက်ချက်ချခဲ့ပါတယ်။ အရင်က ဂျပန်ကမ်းရိုးတန်းကို မြောက်ကိုရီးယားက သင်္ဘောပျက်တွေ ကမ်းလာတင်ဖူးပြီး ghost ship (တစ္ဆေသင်္ဘော) လို့ လူသိများပါတယ်။

    မြောက်ကိုရီးယားက စက်လှေတော်တော်များများဟာ ပင်လယ်ပြင်ခရီးဝေးသွားဖို့ လုံလောက်တဲ့ ပစ္စည်းကိရိယာတွေမရှိဘဲ ဂျပန်ပင်လယ်က ပြင်းထန်တဲ့ ရာသီဥတု‌ကြောင့် ပျက်ဆီးတာဖြစ်တယ်လို့ ယူဆထားကြပါတယ်။

    Ref: CNN

  • ဒုံးကျည်စာမိမည်ဟု ဂျပန်ကို မြောက်ကိုရီးယားခြိမ်းခြောက်

    ဒုံးကျည်စာမိမည်ဟု ဂျပန်ကို မြောက်ကိုရီးယားခြိမ်းခြောက်

    နို၀င်ဘာ ၃၀၊ ၂၀၁၉
    M-Media

    -ဂျပန်ဝန်ကြီးချုပ် ရှင်ဇိုအားဘေးဟာ လူနုံလူအ၊ နိုင်ငံရေး သူငယ်နှပ်စား တစ်ယောက်ဖြစ်ပြီး မကြာခင် ဒုံးကျည်းစာမိမယ်လို့ မြောက်ကိုရီးယား နိုင်ငံပိုင်သတင်းဌာနက ဒီကနေ့မှာ ခြိမ်းခြောက်လိုက်ပါတယ်။

    မြောက်ကိုရီးယားဟာ နိုင်ငံအရှေ့ပိုင်းမှာ ကြာသာပတေးနေ့က တာတိုဒုံးကျည် ၂ စင်း စမ်းသပ်ပစ်ခတ်ခဲ့ပါတယ်။ ဒါဟာ မြောက်ကိုရီယားရဲ့ ဧရာမဒုံးပစ်လောင်ချာသစ်နဲ့ စတုတ္ထမြောက် စမ်းသပ်မှုလည်း ဖြစ်ပါတယ်။ မြောက်ကိုရီးယားခေါင်းဆောင် ကင်ဂျုံအန်က စမ်းသပ်မှုကို အလွန်အမင်းအားရတယ်လို့ ပြောပါတယ်။

    ဂျပန်ဝန်ကြီးချုပ် ရှင်ဇိုအာဘေးက မြောက်ကိုရီးယားရဲ့ ဒီစမ်းသပ်မှုဟာ ဂျပန်နဲ့ နိုင်ငံတကာအသိုင်းအဝိုင်းအတွက် ခြိမ်းခြောက်မှုတစ်ခုဖြစ်ပြီး မဟာမိတ်တွေနဲ့အတူ အခြေအနေကို စောင့်ကြည့်နေတယ်လို့ ဝေဖန်ခဲ့ပါတယ်။

    မြောက်ကိုရီးယား နိုင်ငံခြားရေးဝန်ကြီးဌာနရဲ့ ဂျပန်ရေးရာဌာန ဒုတိယညွှနကြားရေးမှူးက အာဘေးဟာ ကမ္ဘာမှာ အသိဉာဏ်အနည်းဆုံးခေါင်းဆောင်ဖြစ်တယ်လို့ ဝေဖန်ခဲ့ကြောင်း နိုင်ငံပိုင် KNCA သတင်းဌာနက ဒီကနေ့မှာ ဖော်ပြခဲ့ပါတယ်။

    “အ‌ဘေးဟာ သိပ်မကြာခင်မှာ တကယ့်ဒုံးကျည်ကို မျက်ဝါးထင်ထင်မြင်ရတော့မှာပါ။ သူဟာ ကမ္ဘာ့ပြိုင်စံရှား လူနုံလူအတစ်ယောက်၊ နိုင်ငံရေး သူငယ်နှပ်စားတစ်ယောက်သာ ဖြစ်ပါတယ်”

    တိုက်ချင်းပစ်ဒုံးကျည် ပစ်လွှတ်တာ၊ ဒီနည်းပညာ အသုံးပြုတာတွေကို ကုလသမဂ္ဂက တားမြစ်ထားပေမယ့် မြောက်ကိုရီးယားကတော့ ဒီတားမြစ်ချက်ကို ချိုးဖောက်ပြီး စမ်းသပ်မှုတွေ ပြုလုပ်နေပါတယ်။

    Ref : Aljazeera

  • ဂျပန်တွင် မုန်တိုင်းအပြီး ကယ်ဆယ်ရေးလုပ်ငန်းကို လူအင်အား ၁ သိန်းကျော်ဖြင့် လုပ်ဆောင်

    ဂျပန်တွင် မုန်တိုင်းအပြီး ကယ်ဆယ်ရေးလုပ်ငန်းကို လူအင်အား ၁ သိန်းကျော်ဖြင့် လုပ်ဆောင်

    အောက်တိုဘာ ၁၄၊ ၂၀၁၉
    M-Media

    -နှစ်ပေါင်း ၆၀ အတွင်း အဆိုးဝါးဆုံး တိုင်ဖုန်းမုန်တိုင်းတွေထဲက တစ်ခုကို ကြုံတွေ့ခဲ့ရပြီးတဲ့နောက် ဂျပန်နိုင်ငံဟာ ရှာဖွေကယ်ဆယ်ရေး၊ ရှင်းလင်းရေးတွေကို လုပ်ဆောင်နေပြီဖြစ်ပါတယ်။

    စနနေ့ညပိုင်းက အဓိကကျွန်းမကြီး ဟွန်ရှုကို ဝင်ရောက်ခဲ့တဲ့ Hagibis မုန်တိုင်း‌ကြောင့် အနည်းဆုံး ၃၅ ဦး သေဆုံးခဲ့ပြီး၊ ၁၁ ဦး ပျောက်ဆုံးနေတယ်လို့ ဂျပန်ပြည်တွင်းမီဒီယာတွေက ဖော်ပြခဲ့ကြပါတယ်။ မြို့တော်တိုကျိုဟာ မုန်တိုင်းဒဏ်ကို ဆိုးဆိုးဝါးဝါး ခံစားရခြင်း မရှိပေမယ့် ပတ်ဝန်းကျင် ဒေသတွေမှာတော့ ပျက်ဆီးဆုံးရှုံးမှု ကြီးကြီးမားမား ဖြစ်ပွားခဲ့ပါတယ်။

    ရှာဖွေကယ်ဆယ်ရေး၊ ရှင်းလင်းရေးလုပ်ငန်းတွေကို စစ်သား ၃၁၀၀၀ အပါအဝင် လူအင်အား ၁ သိန်းကျော်နဲ့ တနင်္ဂနွေနေ့ညပိုင်းကစတင်ကာ လုပ်ဆောင်နေပါတယ်။

    မုန်တိုင်းကြောင်း ပြည်နယ် ၁၂ ခုမှာ မြေပြိုမှု ၄၈ ခု ဖြစ်ပွားခဲ့ပြီး လူပေါင်း ၇ သန်းလောက်ကို ဘေးလွတ်ရာပြောင်းရွှေ့ဖို့ အမိန့်ထုတ်ပြန်ခဲ့ရပါတယ်။

    တိုင်ဖုန်း Hagibis ဟာ ၁၉၅၈ ခုနှစ်နောက်ပိုင်း ဂျပန်နိုင်ငံက ခံစားရတဲ့ အပြင်းထန်ဆုံးမြန်တိုင်းဖြစ်ပြီး နေရာ‌ဒသတော်တော်များများမှာလည်း စံချိန်တင် မိုးရွာသွန်းမှုတွေ ဖြစ်ပေါ်ခဲ့ပါတယ်။

    Ref: Aljazeera

  • တ႐ုတ္-႐ုရွား ပူးေပါင္းကင္းလွည့္မႈေၾကာင့္ အာရွပစိဖိတ္တြင္ တင္းမာမႈျမင့္တက္

    တ႐ုတ္-႐ုရွား ပူးေပါင္းကင္းလွည့္မႈေၾကာင့္ အာရွပစိဖိတ္တြင္ တင္းမာမႈျမင့္တက္

    ဇူလိုင္ ၂၄၊ ၂၀၁၉
    M-Media

    ႐ုရွားစစ္ေလယာဥ္မ်ား

    -အဂၤါေန႔က အာရွပစိဖိတ္ေဒသမွာ တ႐ုတ္နဲ႔ ႐ုရွားတို႔ ပူးေပါင္းေဆာင္လုပ္ေဆာင္တဲ့ ေလေၾကာင္း ကင္းလွည့္မႈမွာ ဂ်ပန္၊ ေတာင္ကိုရီးယားတို႔က ေလယာဥ္ေတြပ်ံတက္ကာ တုန္႔ျပန္မႈေတြ ရွိခဲ့ၿပီး၊ ေဒသတြင္း ေနာက္ထပ္ တင္းမာမႈတစ္ခု ျဖစ္လားမလားဆိုတဲ့ စိုးရိမ္မႈေတြလည္း ရွိလာပါတယ္။

    တ႐ုတ္နဲ႔ ႐ုရွားတို႔ဟာ ပူးေပါင္းစစ္ေရးေလ့က်င့္မႈေတြ ရွိေပမယ့္ အာရွ-ပစိဖိတ္ေဒသမွာ ေလေၾကာင္း ကင္းလွည့္မႈကေတာ့ ပထမဆံုးအႀကိမ္ ျဖစ္ပါတယ္။

    ႐ုရွား ကာကြယ္ေရး၀န္ႀကီးဌာနက ထုတ္ျပန္တဲ့ ေၾကျငာခ်က္မွာ ဒီကင္းလွည့္မႈဟာ ႏွစ္ႏိုင္ငံ ဆက္ဆံေရးကို ပိုမိုခိုင္မာေစဖို႔၊ ပူးေပါင္းေဆာင္ရြက္ေရး တိုးျမႇင့္ဖို႔နဲ႔ ကမ႓ၻာ့လံုျခံဳေရး အားေကာင္းေစဖို႔ ျဖစ္တယ္လို႔ ေဖာ္ျပထားပါတယ္။

    ကင္းလွည့္မႈမွာ ႐ုရွားရဲ႕ Tu-95 ဗံုးႀကဲေလယာဥ္ ၂ စီးနဲ႔ ေရွ႕ေျပး A-50 ေလယာဥ္တစ္စီး၊
    တ႐ုတ္က H-6 ဗံုးႀကဲေလယာဥ္ ၂ စီးနဲ႔ ေရွ႕ေျပး KJ-2000 ေလယာဥ္တစ္စီးတို႔ ပါ၀င္ခဲ့ပါတယ္။

    တုန္႔ျပန္မႈရွိ

    ဂ်ပန္နဲ႔ ေတာင္ကိုရီးယားဟာ တိုက္ေလယာဥ္ေတြပ်ံတက္ကာ ကင္းလွည့္မႈကို ဟန္႔တားခဲ့ၿပီး၊ ေလယာဥ္ေတြဟာ မိမိတို႔ရဲ႕ ပိုင္နက္ေတြကို ခ်ိဳးေဖာက္မႈရွိခဲ့တယ္လို႔ ေျပာဆိုခဲ့ပါတယ္။ တ႐ုတ္နဲ႔ ႐ုရွားက ဒီသတင္းကို ျငင္းဆိုပါတယ္။

    ေတာင္ကိုရီးယား ကာကြယ္ေရး၀န္ႀကီးဌာန တာ၀န္ရွိသူေတြက မိမိတို႔ တိုက္ေလယာဥ္ေတြဟာ ႐ု႐ွားရဲ႕ A-50 ေလယာဥ္ကို သတိေပးပစ္ခတ္မႈရာခ်ီျပဳလုပ္ခဲ့ေၾကာင္း၊ ႐ုုရွားေလယာဥ္ မိမိတို႔ပိုင္နက္ကို ေက်ာ္လာတာဟာ ဒါ ပထမဆံုးျဖစ္ေၾကာင္း ေျပာၾကားခဲ့ပါတယ္။

    အေမရိကန္ ကာကြယ္ေရး၀န္ႀကီးဌာနက တ႐ုတ္၊ ႐ုရွားတို႔ရဲ႕ ေလပိုင္နက္ ခ်ိဳးေဖာက္မႈကိုအတြက္ မိမိတို႔ မဟာမိတ္ ၂ ႏိုင္ငံက တုန္႔ျပန္တာကို အျပည့္အ၀ ေထာက္ခံေၾကာင္း၊ ဒီလုပ္ရပ္ေတြကို ဆက္လက္ေစာင့္ၾကည့္သြားမွာျဖစ္ၿပီး မိမိတို႔ကလည္း နီးနီးကပ္ကပ္ ပူးေပါင္းေဆာင္ရြက္မွာျဖစ္ေၾကာင္း ထုတ္ျပန္ခဲ့ပါတယ္။

    ဆက္လုပ္ဖို႔ရွိေန

    Carnegie Moscow စင္တာက ဒါ႐ုိုက္တာျဖစ္ၿပီး၊ ႐ုရွား စစ္တပ္အရာရွိေဟာင္းလည္းျဖစ္တဲ့
    ဒီမီထရီ ထရီနင္က ႐ုရွားနဲ႔ တ႐ုတ္တို႔အၾကား မၾကာခင္လက္မွတ္ထိုးမယ့္ သေဘာတူညီခ်က္အရ ဒီလို ပူးတြဲကင္းလွည့္မႈမ်ိဳးေတြကို ထပ္ျမင္လာရမယ္လို႔ ေျပာၾကားခဲ့ပါတယ္။

    ေတာင္ကိုရီးယားက သတိေပးပစ္ခတ္မႈေတြ လုပ္ေဆာင္ခဲ့တယ္ဆိုတဲ့သတင္းကို ႐ုရွားဖက္က ျငင္းဆိုခဲ့ေပမယ့္ ေတာင္ကိုရီးယား F-16 တိုက္ေလယာဥ္ႏွစ္စီး ႐ုုရွား ဗံုးႀကဲေလယာဥ္ေတြရဲ႕ လမ္းေၾကာင္းမွာ ေနာက္ယွက္ ပ်ံသန္းခဲ့ေၾကာင္း၊ ၿခိမ္းေျခာက္မႈပံုစံမ်ိဳးျဖစ္လာရင္ မိမိတို႔ရဲ႕ ေလယာဥ္မွဴးေတြက တုန္႔ျပန္သြားမွာျဖစ္ေၾကာင္း ထုတ္ျပန္ခဲ့ပါတယ္။

    ေလယာဥ္ေတြဟာ ေလေပၚမွာ ၁၁ နာရီၾကာ ပ်ံသန္းကာ၊ ခရီးအကြာအေ၀း ကီလိုမီတာ ၉ ေထာင္ေလာက္ ေရာက္ရွိခဲ့တယ္လို႔ ႐ုရွားက ဆိုပါတယ္။

    တ႐ုတ္က ကင္းလွည့္မႈဟာ လြတ္လပ္စြာ ပ်ံသန္းခြင့္ရွိတဲ့ ႏိုင္ငံတကာ ေလပိုင္နက္မွာ ျပဳလုပ္ခဲ့တာျဖစ္ၿပီး ဘယ္ႏိုင္ငံရဲ႕ ပိုင္နက္ကိုမွ မေက်ာ္ခဲ့ဘူးလို႔ ေျပာၾကားခဲ့ပါတယ္။

    ကန္႔ကြက္

    ေတာင္ကိုရီးယားဟာ ႐ုရွားသံ႐ံုးက ဒုတိယသံအမတ္ မက္ဇင္ ဗိုလ္ေကာ့ဗ္နဲ႔ တ႐ုတ္သံအမတ္ က်ဴဂိုဟုန္တို႔ကို ဆင့္ေခၚကာ ဒီကိစၥနဲ႔ပတ္သက္ၿပီး ကန္႔ကြက္ေၾကာင္း ေျပာၾကားခဲ့ပါတယ္။

    ဂ်ပန္က သူတို႔ပိုင္နက္မွာ ေတာင္ကိုရီးယားေလယာဥ္ေတြ ၀င္ေရာက္ၿပီး တ႐ုုတ္​-႐ုရွား ကင္းလွည့္အဖြဲ႕ကို ရင္ဆိုင္ခဲ့တာဟာ လက္မခံႏိုင္စရျဖစ္တယ္လို႔ ေ၀ဖန္ခဲ့ပါတယ္။

    ႐ုရွားက သူတို႔ ဗံုးႀကဲေလယာဥ္ကို ေတာင္ကိုရီးယား တိုက္ေလယာဥ္ေတြက ေႏွာက္ယွက္တယ္လို႔ဆိုကာ ေမာ္စကိုမွာရွိတဲ့ ေတာင္ကိုရီးယားေကာင္စစ္၀န္ကို ကန္႔ကြက္ခဲ့ပါတယ္။

    ေျမာက္ကိုရီးယားနဲ႔ အေမရိကန္တို႔အၾကား တင္းမာမႈေၾကာင့္ အာရွပစိဖိတ္ေဒသအတြင္း မတည္မၿငိမ္ျဖစ္မယ့္ အႏၲရာယ္ဟာ ဆယ္စုႏွစ္ခ်ီ ရွိခဲ့ၿပီး၊ အခု တ႐ုတ္-႐ုရွားတို႔ရဲ႕ စစ္ေရးပူးေပါင္းေဆာင္ရြက္မႈ အသစ္ေၾကာင့္ ေဒသတြင္း ေနာက္ထပ္တင္းမာမႈတစ္ခု ထပ္မံျဖစ္ေပၚလာႏိုင္တယ္ဆိုတဲ့ သံုးသပ္မႈေတြလည္း ရွိေနပါတယ္။

    Ref: Aljazeera