Tag: LaLiga

မေ ၃၊ ၂၀၁၅
M-Media

– စနေနေ့က ကော်ဒိုဘာအသင်းအား ၈ ဂိုးပြတ်ဖြင့် အနိုင်ရခဲ့သည့် ဘာစီလိုနာအသင်းမှာ လက်ဖျားခါလောက်သည်ဟု ပြိုင်ဘက် ရီးယဲလ်မက်ဒရစ်နည်းပြ အန်ဆယ်လော့တီက ပြောကြားလိုက်သည်။

ဘာစီလိုနာမှာ ဆွာရက်ဇ်၊ မက်ဆီနှင့် နေးမာတို့၏ ဂိုးများဖြင့် အနိုင်ရရှိချိန်တွင် ရီးယဲလ်မှာ ဆီးဗီးလားအသင်းအား ခက်ခက်ခဲခဲကစားခဲ့ရပြီး ရော်နယ်ဒို၏ ဟက်ထရစ်ကြောင့် ၃ ဂိုး ၂ ဂိုးဖြင့် အနိုင်ရခဲ့သည်။

“ဘာစီလိုနာဟာ လက်ဖျားခါလောက်တဲ့အသင်းပါ။ သူတို့ရဲ့ တိုက်စစ်မှူးတွေက သိပ်ပြီး ထိရောက်ပါတယ်။ သူတို့အားလုံး ကောင်းကြတယ်။ သူတို့ ဒီလို ဂိုးအများကြီးသွင်းနိုင်တာ မထူးဆန်းပါဘူး” ဟု အန်ဆယ်လော့တီက ဆီးဗီးလားနှင့်ပွဲအပြီးတွင် ပြောကြားခဲ့သည်။

ဘာစီလိုနာ၏ ထိုနိုင်ပွဲကြောင့် ကော်ဒိုဘာမှာ တန်းဆင်းသွားပြီဖြစ်ပြီး၊ ဇယားထိပ်တွင်မူ ဘာစီလိုနာက ရီးယဲလ်အား ၂ မှတ်ဖြတ်ကာ ဦးဆောင်နေသည်။ အန်ဆယ်လော့တီကမူ ဆီးဗီးလားအသင်းအား အနိုင်ရရှိသည့်အတွက် ကျေနပ်မိသည်ဟုဆိုကာ ချန်ပီယံလိဂ်နှင့်ပတ်သက်၍လည်း ပြောကြားခဲ့သည်။

“သိပ်အရေးပါတဲ့နိုင်ပွဲပါ။ ဒီနိုင်ပွဲဟာ လာလီဂါကို ဆွတ်ခူးနိုင်နေတုန်းပဲဆိုတဲ့ အဓိပ္ပါယ်ပါပဲ။ ပြီးတော့ အင်္ဂါနေ့ တူရင်မှာကစားမယ့် ဂျူဗင်တပ်စ်နဲ့ ချန်ပီယံလိဂ် ဆီးမီးဖိုင်နယ်အတွက်လည်း ယုံကြည်မှုရှိစေပါတယ်။ အခုအချိန်က ကျွန်တော်တို့ အမှတ်ဆုံးရှုံးသွားတဲ့အချိန်ကို ပြန်ကြည့်တဲ့အချိန် မဟုတ်ပါဘူး။ ရာသီကုန်သွားရင် ကျွန်တော်တို့ ဆန်းစစ်သွားမှာပါ”

Ref: Goal

မေ ၁၊ ၂၀၁၅
M-Media

– ရီးယဲလ်နည်းပြ အန်ဆယ်လော့တီနှင့် မန်ယူနည်းပြဟောင်း ဖာဂူဆန်တို့မှာ လစ်ဘရယ်ကျသည့် နည်းပြများဖြစ်ပြီး ဗန်းဂါးလ်ကမူ ထိုကဲ့သို့မဟုတ်ဘဲ အချိန်ဇယားများနှင့်တူသည်ဟု တိုက်စစ်မှူး ဟာနန်ဒက်ဇ်က ပြောကြားလိုက်သည်။

ဟာနန်ဒက်ဇ်မှာ မန်ယူမှ ရီးယဲလ်သို့ အငှားဖြင့် လာရောက်ကစားနေသူဖြစ်ပြီး ဗန်းဂါးလ်၏ အစီအစဉ်တွင် ပါဝင်နိုင်ဖွယ် မရှိဘဲ ၎င်း၏ အိုးထရက်ဖို့ဒ် အနာဂတ်မှာ မရေမရာ ဖြစ်နေသည်။ ရီးယဲလ်တွင် ပုံမှန်နေရာမရသည့် ဟာနန်ဒက်ဇ်မှာ ဘေးလ်နှင့် ဘန်ဇီမာတို့ ဒဏ်ရာရရှိခဲ့ပြီးနောက် ဧပြီလအတွင်း ကစားခဲ့သည့် ပွဲများ၌ ပါဝင်ခွင့်ရခဲ့ပြီး အက်သလက်တီကိုနှင့် ချန်ပီယံလိဂ် ဒုတိယအကျော့၌ နောက်တစ်ဆင့်တက်စေမည့် တစ်လုံးတည်းသော အနိုင်ဂိုးကို သွင်းယူပေးခဲ့ကာ တနင်္ဂနွေနေ့က ကစားခဲ့သည့် ဆဲလ်တာနှင့်ပွဲတွင်လည်း ၂ ဂိုး သွင်းပေးခဲ့သည်။

သို့သော်လည်း ဗန်ဂါးလ်ကမူ ဟာနန်ဒက်ဇ်၏ အဆိုပါ ဂိုးများက မန်ယူတွင် ပါဝင်ခွင့်အတွက် မည်သည့်ထူးခြားမှုမှ ရှိမည်မဟုတ်ဟု ပြောကြားခဲ့သည်။

“သူဒီလိုပြောခဲ့သလား မပြောခဲ့ဘူးလားဆိုတာကို ကျွန်တော် မသိပါဘူး။ အင်္ဂလိပ်သတင်းစာတစ်စောင်က ကျွန်တော့်မှတ်ချက်တစ်ချို့ကို ဒါဘီပွဲမတိုင်ခင် ဖော်ပြခဲ့ဖူးပါတယ်။ ကျွန်တော်မပြောခဲ့တဲ့ မှတ်ချက်ပေါ့ဗျာ” ဟု ဟာနန်ဒက်ဇက်က AS သတင်းစာသို့ ပြောကြားခဲ့သည်။

ထို့ပြင် အန်ဆယ်လော့တီ၊ ဖာဂူဆန်နှင့် ဗန်ဂါးလ်တို့ကိုလည်း ၎င်းက နှိုင်းယှဉ်ခဲ့သည်။

“ဟုတ်ပါတယ်။ သူတို့ဟာ မတူကြပါဘူး။ အန်ဆယ်လော့တီက ကျွန်တော်တို့နဲ့ ပိုပြီး နီးနီးကပ်ကပ်ရှိတယ်။ ပြီးတော့ သူက ပိုပြီးစိတ်ရှည်တယ်။ ဗန်ဂါးလ်ကတော့ သမရိုးကျသမားဖြစ်တယ်။ အချိန်ဇယားကြီးလိုပဲ တစ်သမတ်တည်းဖြစ်တယ်။ စည်းကမ်းလည်းကြီးပါတယ်။ အန်ဆယ်လော့တီကတော့ ဖာဂူဆန်လိုပဲ ပိုပြီး လစ်ဘရယ်ကျပါတယ်” ဟု ဟာနန်ဒက်ဇ်က ပြောကြားခဲ့သည်။

လတ်တလောပြသခဲ့သည့် ခြေစွမ်းများကြောင့် အသိအမှတ်ပြုမှုအချို့ကို ရရှိခဲ့သည့်အတွက် ပျော်ရွှင်မိသော်လည်း မိမိ၏စိတ်မှာ ယခုရာသီတွင် ထိခိုက်ခဲ့ရပြီး ထိုအခြေအနေက စိတ်ဓာတ်ကျမှုထက်ကို ပိုခဲ့သည်ဟု ၎င်းက ထည့်သွင်း ပြောကြားခဲ့သည်။

Ref: Goal

ဧပြီ ၁၉၊ ၂၀၁၅
M-Media

– ယခုတစ်ပတ်တွင် ဘာကာအတွက် ဂိုးပေါင်း ၄၀၀ ပြည့်ခဲ့သည့် တိုက်စစ်မှူးမက်ဆီက ၎င်းအနေဖြင့် ဂိုးများ ထပ်သွင်းရန် မျှော်လင့်ထားသည်ဟု ပြောကြားခဲ့သည်။

ယမန်နေ့က ကစားခဲ့သည့် ဗလင်စီယာအား ၂ ဂိုး ဂိုးမရှိဖြင့် အနိုင်ရခဲ့သော လာလီဂါပွဲတွင် မက်ဆီမှာ ၁ ဂိုးသွင်းယူပေးခဲ့ပြီး ဘာစီလိုနာအတွက် ကစားပေးခဲ့သည့် ပွဲပေါင်း ၄၇၁ ပွဲတွင် သွင်းယူခဲ့သည့် ဂိုးအရေအတွက်မှာ ၄၀၀ ပြည့်ခဲ့ပြီဖြစ်သည်။ အသက် ၂၇ နှစ်အရွယ်သာရှိသေးသည့် မက်ဆီမှာ ၂၀၀၅ ခုနှစ်က ဘာစီလိုနာအတွက် ဂိုးစသွင်းပေးခဲ့ပြီး ထိုအချိန်မှစ၍ ဂိုးသွင်စံချိန်အများအပြားကို ကျော်ဖြတ်နိုင်ခဲ့သည်။ သို့သော်လည်း ၎င်းက လာမည့်အနာဂတ်တွင်လည်း ဂိုးသွင်းမှု လျော့သွားမည်မဟုတ်ဟု ပြောကြားခဲ့သည်။

“ဘာစီလိုနာအတွက် ဂိုးပေါင်း ၄၀၀ ပါ။ နောက်ထပ် ဂိုးတွေသွင်းဖို့လည်း ကျွန်တော် မျှော်လင့်ထားပါတယ်။ ဒါပေမယ့် အရေးကြီးဆုံးအစိတ်အပိုင်းက တကယ့်ကိုခက်ခဲတဲ့ပွဲကနေ ကျွန်တော်တို့ ၃ မှတ်ရခဲ့တာပါပဲ” ဟု မက်ဆီက ၎င်း၏ Facebook စာမျက်နှာတွင် ရေးသားခဲ့သည်။

ဘာစီလိုနာ၏ ငယ်မွေးခြံပေါက်ဖြစ်ပြီး အသင်းသမိုင်းတစ်လျှောက် ဂိုးသွင်းအများဆုံးဖြစ်သည့် မက်ဆီမှာ ချန်ပီယံလိဂ်နှင့် လာလီဂါ ဂိုးသွင်းမှတ်တမ်းများတွင်လည်း ထိပ်ဆုံး၌ရှိနေပြီး အာဂျင်တီးနားအသင်းအတွက် ဂိုးအများဆုံးသွင်းယူပေးထားသော ဘာတစ္စတူတာ၏ ၅၆ ဂိုးစံချိန်ကိုလည်း လိုက်မီရန် နီးစပ်နေသည်။

ဗလင်စီယာနှင့်ပွဲ ၎င်းသွင်းယူသည့်ဂိုးမှာ ယခုနှစ် အသင်းအတွက် ပြိုင်ပွဲအားလုံးတွင် ကစားပေးခဲ့သည့် ၄၆ ပွဲတွင် ၄၆ ဂိုးမြောက်ဖြစ်ပြီး လာလီဂါ ဂိုးသွင်းအများဆုံးစာရင်းတွင် ၃၄ ဂိုးဖြင့် ရော်နယ်ဒိုထက် ၄ ဂိုးအကွာ ဒုတိယနေရာတွင် ရှိနေသည်။

Ref: Goal.com

ဧပြီ ၁၄၊ ၂၀၁၅
M-Media

– ပြိုင်ဘက်ဂိုးသမားများမှာ မိမိ၏ ပင်နယ်တီကန်သွင်းသည့် နည်းစနစ်များနှင့်ပတ်သက်၍ ပါးနပ်နေကြသည်ဟု ဘာစီလိုနာတိုက်စစ်မှူး မက်ဆီက ပြောကြားလိုက်ပြီး လောလာဆယ် ပင်နယ်တီမှတ်တမ်းအတွက် စိတ်ပျက်မိသည်ဟု ဆိုသည်။

မက်ဆီမှာ ယခုနှစ်ဘောလုံးရာသီအတွင်း မန်စီးတီးနှင့် ချန်ပီယံလိဂ်ပွဲ၊ အက်သလက်တီကိုနှင့် စပိန်ဘုရင့်ဖလားပွဲ၊ ဘရာဇီလ်းနှင့် ခြေစမ်းပွဲတို့ အပါအ၀င် ကလပ်နှင့် နိုင်ငံအသင်းတို့အတွက် ပင်နယ်တီ ၄ လုံးအထိ လွဲချော်ထားသည်။ အသက် ၂၇ နှစ်အရွယ် မက်ဆီမှာ လက်ရှိအချိန်တွင် ကမ္ဘာ့နံပါတ် ၁ ပင်နယ်တီကန်သွင်းသူ ဖြစ်သော်လည်း ၎င်းကမူ မိမိ၏ ပင်နယ်တီကန်သွင်းမှု မှတ်တမ်း တိုးတက်ရန် လိုအပ်နေသည်ဟုဆိုပြီး ဂိုးသမားများကလည်း ၎င်း၏ နည်းစနစ်ကို ပို၍ လေ့လာနေကြသည်ဟု ပြောကြားခဲ့သည်။

“ဟုတ်ပါတယ်။ ကလပ်အသင်းနဲ့ နိုင်ငံအသင်းတွေရဲ့ ပင်နယ်တီတွေ လွဲချော်ခဲ့တဲ့အတွက် ကျွန်တော် တော်တော်လေး စိတ်ပျက်မိပါတယ်။ ကျွန်တော်ဟာ ပုံမှန် ပင်နယ်တီကန်သွင်းသူတစ်ယောက်ပါ။ ဒါပေမယ့် ဂိုးသမားတွေဟာ ကျွန်တော့်ကန်သွင်းမှုတွေကို လေ့လာပြီဆိုရင် ကျွန်တော့်ရဲ့ အယူအဆတွေကို ပိုသိလာပါလိမ့်မယ်။ အကန်ကောင်းတဲ့ ပင်နယ်တီကို ဖမ်းဖို့ တော်တော်ခက်တယ်ဆိုတာ မှန်ပါတယ်။ ဒါပေမယ့် အခုအချိန် ပယ်နယ်တီကန်ရတဲ့အခါမှာ ပိုပြီး ရှုပ်ထွေးလာပါပြီ” ဟု မက်ဆီက ဘာစီလိုနာ၏ မဂ္ဂဇင်းသို့ ပြောကြားခဲ့သည်။

ထို့ပြင် မက်ဆီက ပင်နယ်တီမ၀င်မှုအချို့တွင် မိမိ၏ဆုံးဖြတ်ချက်များ အားနည်းခဲ့သည်ဟု ၀န်ခံခဲ့သည်။

“ဒါဟာ ဘောလုံးလောကမှာ ဖြစ်ပျက်နေတဲ့ အရာတွေပါ။ ဒါပေမယ့် ကျွန်တော့်ရဲ့ ဆုံးဖြတ်ချက်တွေ အားနည်းခဲ့တယ်ဆိုတာတော့ မှန်ပါတယ် ဥပမာအားဖြင့် ဂိုးဟာ ကျွန်တော်တို့အတွက် အရမ်းအရေးပါတဲ့ အားသာချက်ကို ဖြစ်စေမယ့် စီးတီးနဲ့ပွဲမှာပါ”

Ref: Goal.com