News @ M-Media

Tag: Law

  • ” ဒါလားမျှတတဲ့ တရားစီရင်မှု” (Facebook ပေါ်မှ ပြည်သူ့အသံ)

    ဇူလိုင်- ၄ ၊ ၂၀၁၃
    ရေးသူ- AUNG MIN KHANT

    မတ်လ(၂၂)ရက်နေ့ သောကြာနေ့ နေလည်(၁၁း၃၀)မိနစ်လောက်မှာ မိတ္ထီလာ ပဋိပက္ခကြောင့်ကြောက်လန့် တကြားထွက်ပြေးလာတဲ့ နန်းတော်ကုန်းရပ်ကွက်က စက်ဘီးပြင် ဆိုင်ဖွင့်ပြီးလုပ်ကိုင်စားသောက်နေတဲ့ အပြစ်မဲ့တဲ့ မိသားစုတစုကို အကြမ်းဖက် သမားတွေက နန်းတော်ကုန်းသံလမ်းနားမှာတွေ.သွားပြီး လာဝှက်ပေးမယ်လို့ခေါ်ကာ ဓားနဲ့ခုတ်သတ်ပြီး အလောင်းတွေကိုမီးရှို. ဖျောက်ဖျက်ပြစ်ခဲ့ကြတယ်။

    Ma Khin Khin Htwe

    မီးလောင်ပြီးခါနီးကျမှ အလောင်းတွေပေါ်ကို သင်္ဃန်းအုပ်ကာ ဘုန်းကြီးတွေ အသတ်ခံရတယ်လို့ထင်အောင် ယုတ်မာခဲ့ကြတာဖြစ်ပါတယ်။

    ဓါတ်ပုံထဲက ကလေးချီထားတဲ့ အမျိုးသမီးကတော့ မခင်ခင်ထွေးဖြစ်ပြီးအသက်မသေပဲလွတ်မြောက်လာတဲ့သူဖြစ်ပါတယ်၊

    သူမကိုပါသတ်ဖြတ်ဖို့လုပ်တဲ့အခါ လက်ထဲကချီထားတဲ့ သူမရဲ.လသား အရွယ်ကလေးကို “မ” ပြပြီး မသတ်ဖို့တောင်းပန်တော့မှ “ဟေ့..ကုလားမ ဒါဆို နင်နောက်ကိုပြန်လှည့်မကြည့်နဲ့..ကြည့်ရင် နင့်ကိုပါသတ်မယ်လို့ပြောတဲ့အတွက် သူ့ရှေ.မှာတင် ရက်ရက်စက်စက် အသတ်ခံခဲ့ရတဲ့ မိသားစုဝင်တွေကို ထားခဲ့ပြီး ထွက်ပြေးလွတ်မြောက်လာတာဖြစ်ပါတယ်။

    အသတ်ခံခဲ့ကြရတဲ့သူတွေကတော့ သူမရဲ.ယောက္ခထီး ဦးမောင်မောင်မြင့်အသက်(၇၃)နှစ်၊ သူမရဲ.ခင်ပွန်း ဦးမိုးဇော်အသက်(၃၄)နှစ်၊ သူမရဲ.သားသမီး ကျောင်းသား၊ ကျောင်းသူလေးဖြစ်ကြတဲ့ မောင်ရန်ပိုင်စိုး(၁၁)နှစ်နဲ့ မနွယ်နွယ်စိုး(၉)နှစ် အရွယ်ကလေးတို့ကို ရက်ရက်စက်စက်ဓားနဲ့ ခုတ်သတ်ပြီးမီးရှိုးခဲ့တာဖြစ်ပါတယ်။

    အခုတော့အဲဒီလူမဆန်တဲ့ရာဇဝတ်မှုကို ကျုးလွန်ခဲ့တဲ့ မောင်တာတာစိုးကို ဇွန်လ (၂၈)ရက်နေ့က ပုဒ်မ ၃၀၂/၄၃၆/၁၁၄ အလုပ်ကြမ်းနှင့် ထောင်(၇)နှစ်ချခဲ့တယ်လို့ ဒီနေ့ ၄-၇-၂၀၁၃ ရက်နေ့ထုတ် ဆဲဗင်းဒေးနေ့စဉ် သတင်းစာမှာရေးသားထားပါတယ်။

    အာဏာပိုင်တွေအနေနဲ. ဒီလိုလူလေးယောက်ကို ရက်စက်စွာသတ်ဖြတ်ခဲ့သူကို ထောင်(၇)နှစ်ပဲချခဲ့တာဟာ အာဏာပိုင်တွေ ကိုယ်တိုင်ရာဇဝတ်မှုကျုးလွန်လိုက်တာလို့ပြောရမှာဖြစ်ပါတယ်။

    ထွက်ပြေးနေတဲ့ တရားခံကတော့ အငယ်ကောင်(ခ)စိုးမိုးသူဖြစ်ပါတယ်။ သတင်းစာမှာ သူကျုးလွန်ခဲ့တဲ့ ပြစ်မှုတွေအတွက် ထောင်ဒဏ် ဘယ်လောက်ကျခံပြီးသလဲဆိုတာကို ရှင်းလင်းစွာဖော်ပြမထားပါဘူး။ ဒီလူမဆန်တဲ့အကြမ်းဖက်သတ်ဖြတ်မှုဟာ နိုင်ငံတကာက မတော်မတရား စွပ်စွဲနေတာပါလို့ မိုးကြိုးပစ်တာကို ထန်းလက်နဲ့ ကာနေတဲ့သူတွေအတွက်တော့ အကောင်းဆုံးသက်သေတခုပါပဲ။

    သင်ပြုသည့်ကံ ပဲ့တင်သံ သင့်ထံပြန်လာပါစေ။…….

    မူရင်းလင့်ခ် =>http://goo.gl/jZ2L6

  • ၁၉၈၂-ခုနှစ် မြန်မာနိုင်ငံသား ဥပဒေဆိုင်ရာ ဟောပြောပွဲ ပြုလုပ်

    ၁၉၈၂-ခုနှစ် မြန်မာနိုင်ငံသား ဥပဒေဆိုင်ရာ ဟောပြောပွဲ ပြုလုပ်

    ဇွန် ၃၀၊ ၂၀၁၃
    M-Media
    အမ်တူးအေ

    ရန်ကုန် ။ ။ ၁၉၈၂-ခုနှစ် မြန်မာနိုင်ငံသား ဥပဒေဆိုင်ရာ ဟောပြောပွဲ တစ်ရပ်ကို ပြည်ထောင်စု သမ္မတမြန်မာနိုင်ငံတော် မြန်မာနိုင်ငံလုံးဆိုင်ရာ မြန်မာမွတ်စလင်မ် လူငယ်များ (ဘာသာရေး)အဖွဲ့မှ ယနေ့ နေ့လည် (၁း၃၀)တွင် ၎င်းတို့  ဌာနချုပ်ခန်းမ၌ ကျင်းပပြုလုပ်ခဲ့ပါသည်။

    အဆိုပါ ဟောပြောပွဲအား ဦးခင်မောင်ချို(တရားလွှတ်တော်ရှေ့နေ)မှ ဦးဆောင်ဟောပြောတင်ပြခဲ့ပြီး ၁၉၈၂-ခုနှစ် ဥပဒေနှင့်ပတ်သက်၍ သိသင့်သည်များကို အဓိက ဆွေးနွေးခဲ့ပြီး။ ၁၉၆၇-ခုနှစ်ဥပဒေ၊ ၂၀၀၈-ခုနှစ် ဖွဲ့စည်းပုံ ဥပဒေတို့ကိုလည်း ထည့်သွင်း ဟောပြောခဲ့ပါသည်။ ဦးခင်မောင်ချို၏ ဟောပြောမှုအပြီးတွင် တက်ရောက်လာသူများမှ မရှင်းလင်းသည်များ၊ သိလိုသည်များကို မေးမြန်းခဲ့ကြပြီး ဟောပြောသူမှ ပြန်လည် ဆွေးနွေးပေးခဲ့ပါသည်။

    ယခုကဲ့သို့ ဟောပြောပွဲပြုလုပ်ရခြင်းနှင့်ပတ်သက်ပြီး “ယခုလို ၈၂-ခုနှစ် ဥပဒေဆိုင်ရာ ဟောပြောပွဲမှာ အဓိကတင်ပြသွားတာတွေက ဥပဒေတစ်ခုရဲ့ အားနည်းချက် အားသာချက်တွေ၊ ဥပဒေတစ်ခုနဲ့ တစ်ခု ချိတ်ဆက်တဲ့ အကြောင်းအရာတွေကို လေးလေးနက်နက် တင်ပြသွားတာ တွေ့ရကြောင်း၊ ဥပဒေတစ်ခုနဲ့ တစ်ခု ချိတ်ဆက်မှုတွေကို အဓိကထားရမှာဖြစ်ကြောင်း၊ ဥပဒေကို အခြေပြုပြီးဖြစ်ပေါ်လာတဲ့ အကြောင်းအရာတွေ များစွာရှိကြောင်း၊ ဥပဒေကို အသုံးမပြုပဲဖြစ်နေတဲ့ကိစ္စရပ်များစွား ရှိခဲ့ကြောင်း၊ ရှိပြီးသားဥပဒေကို ဟန့်တားခွင့်များ ဆုတ်ယုတ်နေသည်များလည်းရှိကြောင်း၊ ယခု ဟောပြောပွဲသည် ဥပဒေ၏ ရေသောက်မြစ်ကို အဓိက ရှာဖွေခြင်းဖြစ်ကြောင်း၊ ယနေ့အချိန်အခါသည် ဘာသာကိုအကြောင်းပြုပြီး လူမျိုးသတ်မှတ်လေ့ရှိပြီး ကိုးကွယ်သည့် ဘာသာကိုကြည့်၍ ဥပဒေကို သတ်မှတ်သည့် အခြေအနေများ ရှိနေသည့် အတွက် ယခုလို ဟောပြောပွဲပြုလုပ်ရသည်ကို နားလည်စေလိုကြောင်း၊ ယခုလို ဟောပြောဆွေးနွေးပွဲများတွင် လိုအပ်၍ ဆွေးနွေးပါက ခိုင်ခိုင်လုံလုံဆွေးနွေးတတ်ရန် လိုအပ်ကြောင်း၊ အင်တာနက်နှင့် ဖေ့ဘွတ် စာမျက်နှာများတွင် ပြောကြားနေကြသလို မပြောမိကြစေရန် အထူးမေတ္တာရပ်ခံကြောင်း”ကို မ.မ.လ ဌာနချုပ် ဥက္ကဋ္ဌ ဦးမြင့်ထွန်းမှ ဟောပြောပွဲနိဂုံးချုပ်စကားတွင် ထည့်သွင်းပြောကြားသွားခဲ့ပါတယ်။

  • ဥက္ကံ အကြမ်းဖက်ခံရမှုအား စတင်သူဟု စွပ်စွဲခံရသူ အမျိုးသမီးအား ထောင်ဒဏ်ချမှတ်

    ဇွန် ၁၇၊ ၂၀၁၃
    M-Media
    ဇာဏီ

    ဥက္ကံ ။         ။        လွန်ခဲ့သည့် ဧပြီလနှောင်းပိုင်းက ဆွမ်းခံကြွလာသော ကိုရင်အားမတော်တဆ တိုက်မိခဲ့၍ သပိတ်ကျကွဲရာမှ အကြမ်းဖက်မှုများ စတင်ဖြစ်ပေါ်လာစေသည်ဟု စွပ်စွဲခံရသည့် အမျိုးသမီးအား ထောင်ဒဏ် (၂)နှစ် ချမှတ်လိုက်ကြောင်းသိရသည်။

    8
    ဥက္ကံမြို့မှအကြမ်းဖက်သမားကြောင့် အပျက်အဆီးများ မြင်ကွင်း (ဓါတ်ပုံ ဧရာဝတီ)

    ဥက္ကံမြို့ ပနီပင်ရွာသူ မ၀င်းဝင်းစိန်နှင့် အဖော်ပါလာသူ အမျိုးသမီး တို့ကို ဥက္ကံမြို့ ရဲစခန်းက ပုဒ်မ ၂၉၅/၂၉၅(က)ဖြင့် အမှုဖွင့်ထားခဲ့ရာမှ တိုက်ကြီးမြို့နယ် တရားရုံးက ဇွန်လ(၅)ရက်နေ့တွင် ပုဒ်မ ၂၉၅(က)ဖြင့် အလုပ်ကြမ်းဖြင့် ထောင်ဒဏ်(၂)နှစ် အမိန့်ချမှတ်လိုက်ကြောင်းသိရသည်။

    ဥက္ကံမြို့ အကြမ်းဖက်ခံရမှုမှာ ဆွမ်းခံကြွလာသော အသက်(၁၁)အရွယ် ကိုရင်အား အမျိုးသမီးတစ်ဦးက မတော်တဆ ၀င်တိုက်မိပြီး သပိတ်ကျကွဲခဲ့ရာမှ မကျေမနပ်ဖြစ်ပြီး လူအုပ်ကြီးတစ်စုက ဗလီ၊ အာရဗီစာသင်ကျောင်း၊ မွတ်စလင်မ်ပိုင်ဆိုင်များ၊ အိမ်များကို စတင်အကြမ်းဖက်ခဲ့ကြခြင်းဖြစ်သည်။

    အဆိုပါ မတော်တဆ ၀င်တိုက်မိခဲ့သူအား ထောင်ဒဏ်ချမှတ်ခဲ့သော်လည်း လူအစုအဝေးကြီးဖြင့် အကြမ်းဖက်ခဲ့သော်လည်း အကြမ်းဖက်သမားများအား ယခုအချိန် အရေးယူ ထိန်းသိမ်းနိုင်စွမ်း မရှိသေးပေ။

    လွန်ခဲ့သော ၂၀၁၂-ခု ဇွန်လက စတင်ဖြစ်ပွားခဲ့သော ရခိုင်ပြည်နယ် တောင်ကုတ် ၁၀-လောင်းပြိုင်အသတ်ခံရမှု၊ ၂၀၁၂-ခု အောက်တိုဘာတွင် တကျော့ပြန်ဖြစ်ပွားခဲ့မှု၊ ၂၀၁၃-ခု မတ်လက စတင် အကြမ်းဖက်ခံရသော မိတ္ထီလာမြို့၊ ပဲခူးတိုင်းအနောက်ခြမ်းရှိ မြို့များ၊ ဧပြီလအတွင်း အကြမ်းဖက်ခံရသော ဥက္ကံမြို့၊ မေလအတွင်း အကြမ်းဖက်ခံရသော လားရှိုးမြို့များ၏ အကြမ်းဖက်သမားများ၊ ယခုအချိန်ထိ အကြမ်းဖက်ရန် ဆူပူလှုံ့ဆော်နေသော လူအစုအဝေးကြီးအား မြင်သာထင်သာရှိသော်လည်း ဖမ်းဆီးအရေးယူမှု မရှိသေးဘဲ တဘက်သတ်အရေးယူ ထောင်ဒဏ်ချမှတ်ခံနေရမှုများအား ကြည့်ရှုခြင်းအားဖြင့် တရားဥပဒေစိုးမိုးမှုလုံးဝ မရှိကြောင်းကို ဖော်ထုတ်ပြသနေသည်ကို သုံးသပ်တွေ့ရှိရပါသည်။

  • အာဖဂန်အရပ်သား ၁၆ ဦးအားသတ်ဖြတ်ခဲ့သူ အမေရိကန် စစ်သား သေဒဏ် ကင်းလွတ်ဖွယ်ရှိနေ

    ဇွန် ၇ ၊၂၀၁၃
    M-Media

    ညပိုင်းစီးနင်းတိုက်ခိုက်မှုများအတွင်း အာဖဂန်နစ္စတန်ကျေးရွာသား ၁၆ ဦးကို သတ်ဖြတ်ခဲ့သော အမေရိကန်စစ်သားတစ်ဦးသည် အမေရိကန်စစ်ခုံရုံးမှ သူ၏ အသနားခံလွှာအား လက်ခံပြီးသည့်နောက် သေစားသေစေ ပြစ်ဒဏ်မှ ကင်းလွတ် ခွင့်ရဖွယ်ရှိနေသည်။ အီရတ်နှင့်အာဖဂန်၌ တိုက်ပွဲ ၄ ကြိမ်အတွေ့အကြုံရှိခဲ့သည့် ဆာဂျင် ရောဘတ် ဘာလက်စ် (၃၉ နှစ်)သည် လျှော့ရက်မရှိ အကျဉ်းကျနေပြီး သေဒဏ် စွဲချက်နှင့် ရင်ဆိုင်နေရကာ သြဂုတ်လ ၁၉ ရက် ထပ်မံစစ်ဆေးမှုအပြီးတွင် စစ်ဖက်ဆိုင်ရာဂျူရီတစ်ဦးမှ စီရင်ချက်ချမည်ဖြစ်သည်။
    bales_2188839b
    မိမိ၏ သတ်ဖြတ်မှုမှာ ဗီယက်နန်စစ်ပွဲ၌ အမေရိကန်တပ်သားတစ်ဦး၏ ရက်စက်မှုထက်စာလျှင် မပြောပလောက်ပါဟု ဘာလက်စ်က ကနဦးပိုင်းက ထွက်ဆိုခဲ့သည်။

    ကျေးရွာများအနီး ယာယီစစ်စခန်းမှထွက်ခွာ၍ ရွာခံများအား သတ်ဖြစ်သွားစေသည့်အကြောင်းကို အသေးစိတ်ဖော်ပြစေခြင်း၌ ၄င်းက ယင်းလုပ်ဆောင်ချက်သည် တရားဝင်ရှင်းပြ၍ မဖြစ်ပါ၊ ထိုလုပ်ရပ်ဆိုးအား အဘယ်ကြောင့် ပြုလုပ်ခဲ့မိသည်ကိုလည်း မရှင်းပြတတ်ပါ၊ ထိုမေးခွန်းကိုလည်း ယခင်ကတည်းက အဖန်တလဲလဲ မိမိကိုယ်ကိုမေးမြန်းမိ ပါသည်ဟု တရားသူကြီး ကာနယ် ဂျက်ဖရီ နန့်စ်အား ၄င်းက လျှောက်ထားပြောဆိုခဲ့သည်။

    ယင်းသတ်ဖြတ်မှုမှာ အာဖဂန်နစ္စတန် တောင်ပိုင်း ကန်ဒါဟာ၌ ယမန်နှစ် မတ်လ ၁၁ ရက်က ဖြစ်ပွားခဲ့သည်။ သတ်ဖြတ်ခံရသူ အများစုမှာ အမျိုးသမီးများနှင့် ကလေးငယ်များ ဖြစ်သည်။ ၄င်းတို့အား မီးလောင်ကျွမ်းနေသော အဖြစ်နှင့်တွေ့ခဲ့ကြသည်။ ရွှံ့နံရံကပ် အဆောက်အဦများ အနီးတွင်တွေ့ခဲ့ရသော ဆီမီးခွက်ကို အသုံးပြုလိုက်ရာ အာရုံတစ်မျိုး ၀င်ရောက်လာပြီးနောက် ဘာဆိုဘာမျှ မမှတ်မိတော့ပါဟု ဘာလက်စ်က ပြောပြသည်။

    သက်သေခံဗီဒီယိုတစ်ခုမှ တွေ့ရသည်မှာ တိုက်ခိုက်မှု၌ ရှင်သန်ကျန်ရစ်သော မိန်းကလေးငယ်တစ်ဦးသည် မသေမချင်း ပစ်သတ်ခံရသည့် ဖခင်ဖြစ်သူ၏နောက်ဖက်တွင် ပုန်းကွယ်နေခဲ့ရသည်။ သူမမှ “ ကျွန်မတို့က ကလေးတွေပါ ” ဟု လုံခြုံမှုအတွက် ကြောက်လန့်တကြား ဟစ်အော်နေခဲ့ကြောင်း အခြားသူတို့၏ အဆိုအရ သိရသည်။

    အိုဟိုင်းယိုးမှ ဘာလက်စ်၏ရှေ့နေများက ဘာလက်စ်သည် ကစဥ့်ကလျားစိတ်ကျ ရောဂါခံစားနေခဲ့ရသူဖြစ်ကြောင်း၊ အရက်ပုန်းများကို သောက်နေခဲ့သူဖြစ်ကြောင်း၊ အခင်းဖြစ်ပွားသည့်ညဥ့်က ဗေလီယမ် စိတ်ငြိမ်ဆေး ရှူသွင်းထားခဲ့ကြောင်း တင်ပြကြသည်။ ၄င်းအား သေဒဏ်မှ ကင်းလွတ်ခွင့်ပေးလျှင် မိမိတို့၏ဒေါသ မီးကို တောက်လောင်စေလိမ့်မည်ဟု သေဆုံးသူတို့၏သားချင်းများမှ သတင်းထောက်များအား ပြောကြားလိုက်သည်။

    စစ်အာဏာပိုင်များ၏ စုံစမ်းစစ်ဆေးရေးမှ သူ့အား ဖမ်းဆီးထိန်းသိမ်းလိုက်ပြီးနောက် သူ၏လက်ပ်တော့ကို ပစ်ခတ် ဖျက်ဆီးခြင်းဖြင့် ပြဿနာရှာခဲ့ပြီးဖြစ်ရာ မိမိထံအပြစ်မရှိတော့ဟုလည်း ဘာလက်စ်က အသနားခံခဲ့သည်။

  • မိတ္ထီလာအရေးအခင်း အစိုးရကိုင်တွယ်ပုံ ဒေါ်စု ဝေဖန် (VOA)

    မအေးသန္တာကျော်
    22.05.2013

    မြန်မာနိုင်ငံရဲ့ တရားရေးစနစ်ဟာ လွတ်လပ်မှု မရှိဘူး။ အုပ်ချုပ်ရေးပိုင်းရဲ့ ချုပ်ကိုင်မှု အောက်မှာ ရှိနေတယ်လို့ မြန်မာ့ အတိုက်အခံခေါင်းဆောင် ဒေါ်အောင်ဆန်းစုကြည် က ပြောသွားပါတယ်။ မိတ္ထီလာ ဘာသာရေး အဓိကရုဏ်းမှာ အစိုးရရဲ့ ကိုင်တွယ်မှုနဲ့ ပတ်သက်ပြီးတော့ ဒေါ်အောင်ဆန်းစုကြည် က တနင်္လာနေ့က လွှတ်တော်ဆွေးနွေးပွဲမှာ အခုလို ပြောခဲ့တာပါ။ အပြည့်အစုံကိုတော့ မအေးသန္တာကျော် က တင်ပြထားပါတယ်။
    Daw Su
    ဒေါ်အောင်ဆန်းစုကြည် ဟာ အင်္ဂါနေ့ကတော့ နေပြည်တော် လွှတ်တော် အစည်းအဝေးကို တက်ရောက်ခဲ့ပါတယ်။ မိတ္ထီလာမြို့မှာ မတ်လက ဖြစ်ပွားခဲ့တဲ့ ဗုဒ္ဓဘာသာဝင်တွေနဲ့ မူဆလင်တွေကြား ဂိုဏ်းဂဏကွဲ တိုက်ခိုက်မှုတွေကြောင့် အရေးပေါ် အခြေအနေ ကြေညာခဲ့ရတာကို အဲ့ဒီလွှတ်တော် အစည်းအဝေးပွဲမှာ တရားဝင် ခွင့်ပြုပေးခဲ့တာပါ။

    အဲ့ဒီအမိန့် ဥပဒေနဲ့ပတ်သက်လို့ ဒေါ်အောင်ဆန်းစုကြည်က လွှတ်တော်မှာ အခုလို ပြောသွားခဲ့ပါတယ်။

    “ဒီအချိန်မှာ ကျမတို့ နိုင်ငံဟာ ဒီမိုကရေစီ လမ်းကြောင်းပေါ်မှာ သွားနေပြီဆိုပြီးတော့ တကမ္ဘာလုံးကို အတွင်တွင် ကြေညာနေတဲ့အချိန် ဖြစ်တာမို့ ဒီမိုကရေစီ လုပ်ထုံးလုပ်နည်းတွေနဲ့ မကိုက်ညီတဲ့ ကိစ္စမှန်သမျှ ကျမတို့ ရှောင်နိုင်သလောက် ရှောင်ရမှာ ဖြစ်ပါတယ်။”

    ဒေါ်အောင်ဆန်းစုကြည်ဟာ မိတ္ထီလာမှာ ဖြစ်ပွားခဲ့တဲ့ အကြမ်းဖက် တိုက်ခိုက်မှုတွေအတွင်း ဗုဒ္ဓဘာသာ ဘုန်းကြီးတစ်ပါးကို သတ်ဖြတ်ခဲ့မှုနဲ့ မူဆလင်တွေကို အင်္ဂါနေ့မှာ ပြစ်ဒဏ်ချတဲ့ စီရင်ချက်တွေနဲ့ ပတ်သက်ပြီးတော့လည်း သတင်းထောက်တွေကို သူ့ရုံးခန်းမှာ အခုလို ပြောသွားခဲ့ပါတယ်။

    “ပွင့်လင်းမြင်သာမှု မရှိဘူး။ နောက်ပြီးတော့ အုပ်ချုပ်ရေးပိုင်းဆိုင်ရာက အရမ်း လွှမ်းမိုးမှု ရှိတယ်။ အုပ်ချုပ်ရေးပိုင်းဆိုင်ရာက လွှမ်းမိုးနေတဲ့ အခါကျတော့ တရားစီရင်ရေး မဏ္ဍိုင်က ဖြောင့်ရဲ့လားဆိုတာ လုံးဝ ပြောဖို့ရာ ခက်သွားပြီ။ တရားစီရင်ရေး မဏ္ဍိုင်က လွတ်လပ်မှသာလျှင် ဖြောင့်မတ်မှာ။ မလွတ်လပ်ဘဲနဲ့တော့ မဖြောင့်နိုင်ဘူး။”

    မိတ္ထီလာ ပဋိပက္ခအတွင်းမှာ ဗလီနဲ့ အစ္စလာမ် ဘာသာဝင်တွေရဲ့ နေအိမ်အများအပြား မီးရှို့ဖျက်ဆီး ခံခဲ့ရပြီးတော့ အစ္စလာမ် ဘာသာဝင် အများစုလည်း မီးရှို့သတ်ဖြတ်ခံခဲ့ရပါတယ်။ အဲ့ဒီ ပဋိပက္ခကြောင့် ဒေသခံ လူ သောင်းနဲ့ချီပြီးတော့လည်း အိုးမဲ့အိမ်မဲ့ ဖြစ်ပွားခဲ့ရတာပါ။

    ဒီဖြစ်ရပ်မှာ လှုံ့ဆော် သွေးထိုးမှု၊ မီးရှို့မှု၊ လူသတ်မှုတွေနဲ့ သံသယရှိသူ ဗုဒ္ဓဘာသာဝင် အပါအ၀င် လူပေါင်း ၇၄ ဦးကို အာဏာပိုင်တွေက ဖမ်းဆီးထားပါတယ်။ လောလောဆယ်ထိတော့ အစ္စလာမ် ဘာသာဝင် ၇ ဦးကိုပဲ ပြစ်ဒဏ်စီရင်ရသေးတာ ဖြစ်ပါတယ်ရှင်။

    http://burmese.voanews.com/content/daw-suu-meik-htila/1665780.html