News @ M-Media

Tag: Law

  • အကြမ်းဘက် ပဋိပက္ခများအား ဥပဒေ စိုးမိုးရေး အခြေခံမှ သုံးသပ်ခြင်း အပိုင်း-၁ ( ဦးအောင်ထူး- ရှေ့နေ)

    မေလ-၂၀၁၃
    ရေးသူ- ဦးအောင်ထူး (ရှေ့နေ)

    မြန်မာနိုင်ငံတွင် လက်ရှိဖြစ်ပေါ်နေသော အကြမ်းဘက် ပဋိပက္ခများအား ဥပဒေ စိုးမိုးရေးအခြေခံမှ သုံးသပ်ခြင်း အပိုင်း (၁)

    Riot policemen form up near a fire during riots in Meikhtila

    နိဒါန်း

    ဒီမိုကရေစီကို အသွင်ကူးပြောင်းနေသည်ဟု ကြွေးကြော်ဖေါ်ဆောင်နေသောဦးသိန်းစိန်အစိုးရလက်ထက်တွင်တိုင်းရင်း သားပြည်နယ်များ၌ စစ်မှန်သည့် ပြည်တွင်းငြိမ်းချမ်းရေးရရန် အလားအလာမတွေ့ရသေး။ လက်နက်ကိုင်တိုက်ပွဲ မဖြစ် ပွားသည့် မြေပြန့်ဒေသများမှာပင် အကြမ်းဘက်ပဋိပက္ခများတိုးများလာ၊ နိုင်ငံပြင်ပမှလည်း ဟိုကသည်က ခြိမ်းခြောက် မှု များပေါ်လာလျှက်ရှိနေကြောင်းတွေ့ရသည်။ တိုင်းပြည်လုံခြုံရေးတပ်ဖွဲ့များကိုထိတ်လန့်ရ၊ ဘာသာရေး အစွန်း ရောက်များကို ကြောက်ရ၊ အကြမ်းဘက်သမားများ၏ အန္တရာယ်ကို သတိထားနေရနှင့် တိုင်းပြည်၏ ဒေသ အမြောက်အများ၌ သာမန် လူထုပေါင်းမြောက်များစွာမှာ ယုန်သူငယ်များ ဘ၀ သို့ကျဆင်းနေရသည်။ ဥပဒေစိုးမိုးရေးသည် ပြိုကျ တော့ မည်လားဟု စိုးရိမ်ရ သည် အထိပင် ယိုင်လဲ ချိနဲ့လာခဲ့သည်။ တိုင်းပြည် ငြိမ်းချမ်း၊ တည်ငြိမ်ကာ အခြေခံလူထု စီးပွား ရေး တိုးတက်မှုရနိုင်ရေးအတွက် “စစ်မှန် သည့် ဥပဒေ စိုးမိုးရေး အခြေခံများ” ကို တည်ဆောက်ရန်မှာ အရေး တကြီး လိုအပ်ချက် ဖြစ်လာသည်။

    “စစ်မှန်သည့် ဥပဒေ စိုးမိုးရေး အခြေခံများ”[1] ဟူသော စကားလုံးကို သုံးစွဲရခြင်းမှာ ဥပဒေစိုးမိုးရေး အတု လွှမ်းမိုး သောကြောင့် ဖြစ်သည်။ စစ်အစိုးရ အဆက်ဆက်သည် ဥပဒေစိုးမိုးရေး ကို စကားလုံးအရ သုံးစွဲခဲ့သော်လည်း ယင်းမှာ မည်သို့ အဓိပ္ပါယ်ရှိ ကြောင်းကို မည်သည့်အခါကမျှ လူထုကိုရှင်းပြခဲ့ခြင်းမရှိ။ ၂၀၀၈ ဖွဲ့စည်းပုံအခြေခံဥပဒေ၏ နိုင်ငံတော် အခြေခံမူများ ဟူသော ကဏ္ဍတွင်မူ ဥပဒေစိုးမိုးရေး ကို စကားလုံးအရ ပင် ထည့်သွင်းမထားတော့။ အကြောင်း မှာ ယင်း၏ အနှစ် သာရများကို တိုင်းပြည်၏ အချုပ်အခြာဖြစ်သည့် ဖွဲ့စည်းပုံအခြေခံဥပဒေနှင့် အညီကျင့်သုံး လိုခြင်း မရှိသောကြောင့်သာ ဖြစ်ကြောင်း မှတ်ယူ ရပါတော့မည်။

    ချုပ်ပြောရလျှင် မြန်မာနိုင်ငံ၌ “စစ်မှန်သည့် ဥပဒေစိုးမိုးရေး အခြေခံများ” အား လူထုတရပ်လုံး စနစ်တကျ လေ့လာ ခွင့် မရသေးပါ။ စစ်အစိုးရအဆက်ဆက်က ယနေ့အချိန်အထိ ကျင့်သုံးနေသော ဥပဒေစိုးမိုးရေးဟူသည်မှာ နိုင်ငံတကာ စံထားချက်များနှင့် ကိုက်ညီသည့် ဥပဒေစိုးမိုးရေး Rule of Law မဟုတ်။ အာဏာပိုင်များက ပြဌာန်းထားသည့် ပြည်တွင်း ဥပဒေ များအတိုင်း စိုးမိုးအုပ်ချုပ်ခြင်း Rule by Law အဆင့်တွင်သာ ရှိနေသေးကြောင်းတွေ့ရသည်။

    ၁၉၈၂ ခုနှစ်တွင် ပြဌာန်း၍ ၂၀၀၄ ခုနှစ်တွင် ပြင်ဆင်ကာ ယနေ့တိုင်အတည်ပြုကျင့်သုံးလျှက်ရှိသော တရုတ်ပြည်သူ့  သမ္မတ နိုင်ငံ၏ ဖွဲ့စည်းပုံအခြေခံဥပဒေ ပုဒ်မ (၅) တွင်အောက်ပါအတိုင်းတွေ့ရှိရသည်။

    “တရုတ်ပြည်သူ့သမ္မတ နိုင်ငံသည် အခွင့်အာဏာများအား ဥပဒေနှင့် အညီကျင့်သုံးသည်။ ဥပဒေစိုးမိုးရေးအောက်တွင် ဆိုရှယ်လစ်နိုင်ငံကို တည်ဆောက်သည်။”  [2] ယင်းပြဌာန်းချက်ကို လေ့လာလျှင် တရုတ်နိုင်ငံသည် ဥပဒေစိုးမိုးရေးကို ဖွဲ့စည်းပုံအခြေခံဥပဒေနှင့်အညီ ကျင့်သုံး နေပြီ ဖြစ်ကြောင်း ထင်ရှားသည်။ သို့ရာတွင် ယင်းမှာ မည်ကဲ့သို့သော ဥပဒေစိုးမိုးရေး ဖြစ်ပါသနည်း။

    “တရုတ်နိုင်ငံသည် Rule by Law နှင့် Rule of Law ကို ပေါင်းစပ်ကျင့်သုံးနေခြင်းဖြစ်ကြောင်း၊” ဆွီဒင်နိုင်ငံ စတော့ ဟုမ်းမြို့၊ စတော့ ဟုမ်းတက္ကသိုလ် ဥပဒေပညာဌာနတွင် ၂၀၁၃ ခုနှစ်မေလ (၈) ရက်နေ့က ကျင်းပ ခဲ့သည့်  နီးနှော ဖလှယ်ပွဲ၌ တရုတ်နိုင်ငံ ပီကင်း တက္ကသိုလ် ဥပဒေ ပညာဌာနမှ   ပါမောက္ခ Dr. Gong Renren က  ပြောကြားသွား ခဲ့ သည်။ ၄င်း၏ အဆိုအရ တရုတ်နိုင်ငံသည် နိုင်ငံတကာ စံထားချက်များနှင့်  ကိုက်ညီသည့် ဥပဒေစိုးမိုးရေး  အဆင့်ကို မသွားနိုင်သေးကြောင်း သုံးသပ်နိုင်သည်။ သို့ရာတွင် ဤမျှပေါင်းစပ် ကျင့်သုံးခြင်းသည်ပင် တရုတ်နိုင်ငံအတွက် များစွာ အကျိုးရှိကြောင်း ထင်ရှား သည်။ ဥပဒေစိုးမိုးရေး အခြေခံတွင် ယနေ့ တရုတ်နိုင်ငံ သည် စည်းလုံးညီညွတ်မှုတည်ဆောက်နိုင်ရုံသာမက နိုးနေ သောနဂါးကြီးအဖြစ် စီးပွားရေးအရ တိုးတက်ဖွံ့ဖြိုးလာ လျှက် ရှိသည်။

    Rule of Law နှင့် Rule by Law  စကားလုံးနှစ်လုံး၏ ဆက်စပ်မှုနှင့် ကွာခြားမှုကို လေ့လာမိပါက “ဥပဒေစိုးမိုးရေး” ဟူသောစကားလုံးကို လွယ်လင့်တကူ သုံးစွဲ၍ မရနိုင်ကြောင်း ထင်ရှားပါသည်။ ဖြစ်နိုင်လျှင် နိုင်ငံတကာ စံထားချက် များနှင့် ကိုက်ညီသည့် ဥပဒေစိုးမိုးရေး ဟူသည်ကို လူထုကြီးတရပ်လုံး လေ့လာကာ တတ်နိုင်သမျှ လက်တွေ့ ဖေါ် ဆောင်သင့် သော အချိန်ရောက်ပါပြီ။ စစ်အာဏာရှင်များတည်ဆောက်ထားသည့် ဥပဒေဘောင် [3]  နှင့် ၄င်းတို့ စိတ် ကြိုက်ပြဌာန်းထားသည့် ဥပဒေများအတိုင်း စိုးမိုးအုပ်ချုပ်ခြင်း Rule by Law တို့အား တိုက်ဖျက်သင့်သော အချိန်သို့ ရောက်ပါပြီ။

    ဤစာတမ်းငယ်တွင် ဥပဒေစိုးမိုးရေးကို အကျယ်တ၀င့်ရှင်းလင်းပြ မည်တော့ မဟုတ်ပါ။ သို့ရာတွင် မျက်မှောက်ဖြစ်ပွား နေသော အကြမ်းဘက် ပဋိပက္ခများအား ဥပဒေစိုးမိုးရေး ရှုဒေါင့်မှ ထောက်ပြ သုံးသပ်ပါမည်။ ထို့နောက် ယင်းတို့အား စနစ်တကျဖြေရှင်းကာ တိုင်းရင်းသားပေါင်းစုံလူထုကြီးတရပ်လုံး ငြိမ်းချမ်းမှု၊ တရားမျှတမှုနှင့် တိုးတက်ဖွံ့ ဖြိုးမှုတို့ ရနိုင် ရေး အတွက် နိုင်ငံတကာ စံထားချက် လမ်းကြောင်းတွင် မြန်မာနိုင်ငံအနေဖြင့် ကျင့်သုံးနိုင်ရေးအတွက် ဥပဒေ စိုးမိုးရေး ဆိုင်ရာ အခြေခံ အကျဆုံးအဆိုပြုချက် အချို့  ကို တင်သွင်းဆွေးနွေးသွားပါမည်။

    ၂၀၀၈ ခုနှစ် ဖွဲ့စည်းပုံအခြေခံဥပဒေသည် ဥပဒေစိုးမိုးရေး အခြေခံကို မတည်ဆောက်နိုင်ခြင်း။

    မည်သည့်နိုင်ငံတွင် မဆို ဖွဲ့စည်းပုံအခြေခံဥပဒေသည် ဥပဒေအားလုံး၏ အချုပ်အခြာ[4]  ဖြစ်သည်။ ယင်း၏ သဘောမှာ ဖွဲ့စည်းပုံအခြေခံဥပဒေနှင့် မညီသော တည်ဆဲဥပဒေမှန်သမျှကို ဖျက်သိမ်းပစ်ရသည်။ နောင်ပြဌာန်းမည့် ဥပဒေများ သည်လည်း ဖွဲ့စည်းပုံအခြေခံဥပဒေ နှင့် ကိုက်ညီရသည်။ သို့ဖြစ်၍ ဥပဒေစိုးမိုးရေး အခြေခံကို တည်ဆောက်လိုပါက ဥပဒေအားလုံး၏ အချုပ်အခြာဖြစ်သည့် ဖွဲ့စည်းပုံ အခြေခံဥပဒေတွင် ယင်း၏အုတ်မြစ်ကို ချမှတ်ရပါမည်။

    ဥပဒေစိုးမိုးရေး၏ အခြေခံအကျဆုံးမူမှာ ပြစ်မှုကျူး လွန်သူကိုအပြစ်ပေးရမည်ဖြစ်ပြီး လူတိုင်းဥပဒေရှေ့မှောက် တွင် တန်းတူခံစားခွင့်ရှိရမည် ဖြစ်သည်။ ဤမူကို အခြေခံအားဖြင့် ဥပဒေနှင့် နီးစပ်သူတိုင်း သိကြပါသည်။ အသစ်အဆန်း မဟုတ်ပါ။ ၂၀၀၄ ခုနှစ်တွင် ဗိုလ်ချုပ်ကြီးခင်ညွှန့်ကို ဖမ်းဆီးအရေးယူခဲ့စဉ်က ဗိုလ်ချုပ်ကြီးသူရရွှေမန်း (ယခုဦးရွှေမန်း) ကိုယ်တိုင်ပင်တိုင်းသိ ပြည်သိ ကြွေးကြော်ခဲ့သည်။

    သို့ရာတွင် ဥပဒေစိုးမိုးရေး၏ အသစ်အဆန်းမဟုတ်သည့် ဤမူ နှင့် စပ်လျှဉ်း၍ မည်သို့လက်တွေ့ကျင့်သုံးအကောင် အထည်ဖေါ်သင့်သည်၊ မည်သည်တို့မှာ အဟန့်အတားဖြစ်နေသည်၊ ဤမူကို ဖေါ်ဆောင်နိုင်ရေးအတွက် မည်သည့် ဥပဒေများကို ဖျက်သိမ်း၊ ပြင်ဆင်၊ အသစ်ပြဌာန်းသင့်သည်၊ ဟူသည် တို့နှင့် စပ်လျှဉ်း၍အလေးထားကာ ယခု လွှတ် တော် ဥက္ကဌနေရာတွင် ယူထားသော ဦးရွှေမန်းသည် လွှတ်တော်အတွင်း၌ မည်သည့်အခါကမျှ ဦးဆောင်ဆွေးနွေးခဲ့ သည်ကို မကြားသိရပါ။ ဦးသိန်းစိန် အစိုးရက ဦးဆောင်ရန် ဆိုသည်မှာ ဝေလာဝေးပင်။

    ၂၀၀၈ ဖွဲ့စည်းပုံ ပုဒ်မ ၄၄၅ အပေါ် သုံးသပ်ချက်

    ပြစ်မှုကျူး လွန်သူကိုအပြစ်ပေးရမည်ဖြစ်ပြီး လူတိုင်းဥပဒေရှေ့မှောက်တွင် တန်းတူခံစားခွင့်ရှိရမည်ဟူသည့် မူကို ဖွဲ့စည်းပုံအခြေခံဥပဒေက အာမခံရပါ မည်။ မဆန့်ကျင်စေရပါ။ သို့ရာတွင် ၁၉၈၈ ခုနှစ် မှစ၍ အာဏာသိမ်း အုပ်ချုပ် ခဲ့သည့် သက်တမ်းကာလအတွင်း ဖြစ်ပွားကျူးလွန်ခဲ့သည့် ပြစ်မှုများနှင့် စပ်လျှဉ်း၍ စစ်အာဏာရှင်တို့၏ တာဝန်ရှိမှုကို ဖုံးကွယ်ကာ “မည်သည့် တရားရုံး တွင်မျှ တရားစွဲဆိုခွင့် မရှိစေရ” ဟူသည်ကို ၂၀၀၈ ဖွဲ့စည်းပုံ အခြေခံဥပဒေ ပုဒ်မ ၄၄၅ တွင် ပြဌာန်းထား သည်။ ယင်းမှာ ကိုယ့်ကိုယ်ကို အကြွင်းမဲ့ လွတ်ငြိမ်းချမ်းသာခွင့် ပေးထားခြင်းဖြစ်သည်။ အဆို ပါပြဌာန်းချက်မျိုးကို ကမ္ဘာပေါ် တွင် တည်ဆဲဖွဲ့စည်းပုံအခြေခံ ဥပဒေများ၌ မည် သည့် နိုင်ငံတွင်မျှ မတွေ့ ရပါ။ ယင်း အပေါ် ဥပဒေအထောက်အကူပြု ကွန်ယက်မှဆွေးနွေးမှုအား ၂၀၁၃ မေလ (၇) ရက်နေ့တွင် ဘီဘီစီမှအသံ လွှင့်သွား သည်ကို ဤလင့်ခ် တွင် နားဆင်ပါ။ https://docs.google.com/file/d/0BzC8VZhwp11AbTdrNlVyQ1FUb0k/edit?usp=sharing

    ပုဒ်မ ၄၄၅ ပြဌာန်းချက်သည် လူတိုင်း ဥပဒေရှေ့မှောက်တွင် တန်းတူရေး ဟူသည့် အခြေခံမူကို အဆင့်နှစ်ဆင့်အရ ဆန့်ကျင်လျှက်ရှိသည်။ ပထမ အဆင့်မှာ စစ်အစိုးရ အာဏာပိုင်ဟောင်းများသည်သာ အကြွင်းမဲ့ လွတ်ငြိမ်း ချမ်းသာခွင့် ရနေကြသည်။ အခြား သာမန် ပြည်သူများ မခံ စားရပါ။ ဒုတိယအဆင့် မှာ ပြစ်မှုကျူးလွန်သူခြင်းတူပါက န၀တ၊ နအဖ စစ်အစိုးရအဖွဲ့ဝင်များသာ လွတ်ငြိမ်းခွင့်ကို ခံစားကြရသည်။ ၄င်းတို့၏ အမိန့်ပေးမှုအရ သက်ဆိုင်ရာမှုခင်းများ ၌ မြေပြင်တွင် ကြီးကြပ်ကွပ်ကဲ ဖေါ် ဆောင်ခဲ့ ကြသည့် အခြားစစ် ခေါင်းဆောင်များ၊ အုပ်ချုပ်ရေး အာဏာပိုင်များ မှာ အဆိုပါ အခွင့်အရေးကို ခံစားခွင့် မရကြပါ။ အချိန်မရွေး တရားစွဲခံရ နိုင်သည်။ ၂၀၀၈ ဖွဲ့စည်းပုံ သည် ခွဲခြားမှု [5] ကို အခြေခံဥပဒေနှင့် အညီကျင့်သုံးထား ခြင်းဖြစ်သည်။

    ပြစ်မှုကျူးလွန်သူအား လွတ်ငြိမ်းခွင့် ပေးခြင်းမှာ ၂၀၀၈ ဖွဲ့စည်းပုံ၏ အုတ်မြစ်တချပ် ဖြစ်နေ သည်။ သို့ဖြစ်၍ ပြစ်မှုကျူး လွန်သူ မည်သူ့ကို မဆို တိတိကျကျ စုံစမ်းရှာဖွေ ဖေါ်ထုတ်ကာ အရေးယူ အပြစ်ပေးခြင်း ဖြင့် ဥပဒေ စိုးမိုးရေးတည် ဆောက်ရမည်ဟူသောအသံကို လူ့အဖွဲ့အစည်း၌ ကျယ်လောင်စွာ မကြားရတော့ပါ။ အကျိုး ဆက် အနေဖြင့် ဥပဒေ စိုးမိုးရေးပျက်သည့် အခြေအနေကို တပြည်လုံး၌ ကြုံတွေ့နေကြရသည်။ ၂၀၀၈ ဖွဲ့စည်းပုံသည် တိုင်းပြည်တွင် ဥပဒေ စိုးမိုးရေးအတွက် ပန်းခင်းသော လမ်းကို မတည်ဆောက်နိုင်ပါ။ ပြောင်းပြန်ပင် ၄င်းသည် ဥပဒေစိုးမိုးရေး ဆက် လက် ပျက်သုဉ်းစေ၇န် ငရဲမီးခင်းသောလမ်းကို ဖေါက်ပေးထားကြောင်းတွေ့ရှိရသည်။

    ရခိုင်ပြည်နယ်တွင် ဥပဒေစိုးမိုးရေးပျက်စီးစေခဲ့ရာ၌ မည်သူ့တွင် အမြင့်ဆုံးတာဝန်ရှိသလဲ။

    ရခိုင်ပဋိပက္ခများ စုံစမ်းစစ်ဆေးရေး ကော်မရှင် ၏အစီရင်ခံစာ စာမျက်နှာ ၈၇ တွင် “နစက သည် ကက (ကြည်း) ၏ တိုက်ရိုက်ကွပ်ကဲမှုအောက်တွင် ရှိနေ ကြောင်းနှင့် လုံခြုံရေး အဖွဲ့အစည်းများသည် သက်ဆိုင်ရာ ၀န်ကြီးဌာနများ၏ အမိန့်ကိုသာနာခံရပြီး ဒေသ ဆိုင်ရာ အုပ်ချုပ်ရေး ဆောင်ရွက်သူများ၏ အမိန့်ကို နာခံနိုင်ခြင်း မရှိသည်ကို တွေ့ရှိရ ကြောင်း” အတိအလင်း ဖေါ်ပြထား သည်။ ကက (ကြည်း) သည် (ကာ/လုံ) ၏ အဖွဲ့ ၀င်များဖြစ်သော ကာကွယ်ရေး ဦးစီးချုပ် နှင့် ဒုတိယ ကာကွယ်ရေး ဦးစီးချုပ်တို့ ၏ တိုက်ရိုက်အမိန့် ပေးညွှန်ကြားမှုအောက်တွင် ရှိသည်။

    ရခိုင်ပဋိပက္ခများအတွင်း (ကာ/လုံ) က ဥပဒေစိုးမိုးရေးအခြေခံကိုရိုက်ချိုး ခဲ့သည့် အဓိက ဖြစ်ရပ်ကြီးနှစ်ခုရှိခဲ့ကြောင်း ကော်မရှင်၏ အစီရင်ခံစာအရ ပေါ်လွင်သည်။ ၄င်းတို့မှာ ၂၀၁၂ ဇွန်လ (၃) ရက်နေ့တွင် တောင်ကုတ်၌ အစ္စလာမ် ဘာသာဝင် ဆယ်ဦး အသတ်ခံရခြင်းနှင့် ဇွန်လ (၈) ရက်နေ့ တွင် မောင်းတော၌ အစ္စလာမ်ဘာသာဝင်များက ရခိုင် လူထုများအပေါ် ပြန်လည်၍ အကြမ်းဘက်မှုများ ပြုကြခြင်း ဖြစ်သည်။

    အစ္စလာမ်ဘာသာဝင် ဆယ်ဦး အသတ်ခံရခြင်း နှင့် စပ်လျှဉ်း၍ ပြစ်မှုကျူးလွန်သူများကို ယခုအချိန်အထိ ဖေါ် ထုတ် အရေးယူခြင်းမပြုပါ။ ထိုနည်းတူ မောင်းတောတွင် အစ္စလာမ်ဘာသာဝင်များ၏ ပြန်လည် အကြမ်းဘက်မှုကို တားဆီး နိုင်ပါ လျှက် အာဏာပိုင်များက ကာကွယ်တားဆီးမှု မပြုခဲ့ပါ။ ယင်းနှင့် စပ်လျှဉ်း၍ ကော်မရှင်၏ အစီရင်ခံစာ စာမျက်နှာ ၈၂ တွင် အောက်ပါအတိုင်း ဖေါ်ပြထားသည်။

    “မောင်းတောဖြစ်စဉ်တွင် ထိုစဉ်က နစက အကြီးအကဲလုပ်သူက ပြတ်သားစွာ ကိုင်တွယ်အရေးယူဆောင်ရွက်ခဲ့မည် ဆိုပါက ယခု ရခိုင်ပြည်နယ်တွင် ဖြစ်ပွားခဲ့သည့် ပဋိပက္ခများစွာ ဖြစ်ပေါ်လာမည်မဟုတ်ကြောင်း ရခိုင်ရပ်မိ၊ ရပ်ဖ များမှ ဝေဘန် သုံးသပ်ခဲ့ကြပါသည်။”

    ပထမ ဖြစ်ရပ်တွင် ပြစ်မှုကျူးလွန်သူကို အရေးမယူသဖြင့် ရိုဟင်ဂျာများနှင့် အစ္စလာမ်ဘာသာ ၀င် အမြောက်အများယခုအချိန် အထိ အကြိတ်အခဲဖြစ်နေဆဲဖြစ်သည်။ ဒုတိယ ဖြစ်ရပ်တွင် ကာကွယ်တားဆီးနိုင်ပါလျှက် မကာကွယ်ခဲ့ သဖြင့် ထိခိုက်ဆုံးရှုံးမှုများ ဖြစ်ပွားခဲ့ရသည့်အပြင် ရခိုင်ပြည်နယ် အခြားဒေသများသို့ ပျံ့သွားခဲ့ သောကြောင့် ရခိ်ုင် လူထုများက မကြေမနပ် ဖြစ်နေဆဲဖြစ်သည်။ ၄င်းအကြိတ်အခဲများ၊ မကြေနပ်မှုများသည် ဥပဒေ စိုးမိုးရေးပျက်သုဉ်း ခြင်းကြောင့် ပေါ်ပေါက်လာခဲ့ခြင်းဖြစ်သည်။ ယင်း၏ အကျိုးဆက် အနေဖြင့် ပဋိပက္ခများ ဆက်လက် ကြီးထွားသွားခဲ့ ခြင်းဖြစ်သည်။

    ကော်မရှင်၏ အစီရင်ခံစာအရ ပေါ်လွင်သော ဖြစ်ရပ်နှစ် ခုလုံး တွင်သာမက ပထမဆုံး စတင်ဖြစ်ပွားခဲ့ သည့် ကျောက်နီမော် လူသတ်မုဒိန်းမှုတွင် အမှန်တရားကို ဖုံးကွယ်ခဲ့သည့် အတွက် ဥပဒေစိုးမိုးရေး ပျက်သုဉ်းရာတွင် အဓိက တာဝန်ရှိသူမှာ (ကာ/လုံ) နှင့် ဦးသိန်းစိန်ဦးဆောင်သည့် ဗဟိုအစိုးရဖြစ်သည်။ အဘယ်ကြောင့်ဆို သော် လုံခြုံရေးတပ်ဖွဲ့များသည် ၄င်းတို့၏တိုက်ရိုက်အမိန့်ပေး ညွှန်ကြားမှုအောက်တွင် တာဝန်ထမ်းဆောင်ခဲ့ရ သောကြောင့် ဖြစ်သည်။ (ကာ/လုံ) နှင့် ဦးသိန်းစိန်အစိုးရက ဥပဒေစိုးမိုးရေးကို မတည်ဆောက်ခဲ့သဖြင့် အကြမ်းဘက်ပဋိပက္ခများ သည် မြန်မာနိုင်ငံ အခြားနေရာ အတော်များများသို့ ပျံ့နှံ့သွားခဲ့ခြင်းဖြစ်သည်။

    နိုင်ငံတကာက လူ့အခွင့်အရေးရှုဒေါင့်မှ စွပ်စွဲလာမှုကို ကော်မရှင်က ပယ်ချသည် ဟူသည့်အပေါ် သုံးသပ်ချက်

    နိုင်ငံတကာက လူ့အခွင့်အရေးရှုဒေါင့်မှ စွပ်စွဲလာမှုကို ပယ်ချကြောင်း ကော်မရှင်အဖွဲ့ ဝင် ဒေါက်တာ ဒေါ် ရင်ရင်နွယ် က ပြောခဲ့သည်။ ပယ်ချရသည့် အဓိကအကြောင်းမှာ နိုင်ငံတကာ သည် ဘင်္ဂါလီ တဘက်တည်းကိုသာမေးခဲ့ပြီး ရခိုင် လူမျိုးများဘက်ကို မမေးခဲ့သောကြောင့် ဟူ၍ ဖြစ်သည်။ ကော်မရှင် အဖွဲ့ဝင် အခြားသူတချို့ကလည်း အလားတူ တုန့်ပြန်ခဲ့ဘူးသည်။ စင်စစ်အားဖြင့်မူ နိုင်ငံတကာသည် ရခိုင်တိုင်းရင်းသားများဘက်ကိုလည်း မေးသင့်သလောက် မေးမြန်းခဲ့သည်။ အရင်းခံအားဖြင့်မူ ဘက်နှစ်ဘက် ရှုဒေါင့်မှ အဓိက ချဉ်းကပ်ရန် မဟုတ်ပါ။ နိုင်ငံတနိုင်ငံ အတွင်း၌ မည်သို့သော အခြေအနေများဖြစ်ပွားသောအခါ နိုင်ငံတကာက လူ့အခွင့်အရေးချိုးဖေါက်မှု ရှုဒေါင့်မှ ချဉ်းကပ် ကိုင် တွယ်သည်ကို ကော်မရှင်အနေဖြင့် လေ့လာသင့်သည်။ ရိုးရိုးပြစ်မှု နှင့် လူ့အခွင့် အရေး ချိုးဖေါက်မှု တို့၏ ဆက်စပ်မှု နှင့် ကွာခြားမှုအပေါ်လည်း ရှင်းလင်းစွာ နားလည်ရန်လိုပါသည်။

    သာဓက ဆိုပါမည်။ နိုင်ငံတနိုင်ငံ အတွင်း၌ ဘာသာရေးအရဖြစ်စေ၊ လူမျိုးရေးအရဖြစ်စေ၊ အခြားအကြောင်းတခုခု အရဖြစ်စေ လူတဦးက အခြားတဦးကို၊ လူအုပ်စုတခုက အခြားအုပ်စုတခုကို၊ သတ်ဖြတ်မှုကျူးလွန်သည် ဆိုကြပါစို့။

    လူ့အခွင့်အရေးရှုဒေါင့်မှကြည့်လျှင် သတ်ဖြတ်ခံရသူ၏ အသက်ရှင်ရပ်တည်ပိုင် ခွင့် ရုပ်သိမ်းခံလိုက်ရခြင်းဖြစ်သည်။ သို့ရာတွင် သာမန်အားဖြင့် နိုင်ငံတကာက ၀င်ရောက်စွက်ဘက် ပြောဆိုမည် မဟုတ်ပါ။ သက်ဆိုင်ရာ နိုင်ငံ၏ အချုပ် အခြာအာဏာ အတွင်း ကျရောက်နေသောကြောင့် ဖြစ်သည်။ ၄င်းနိုင်ငံ၏ အစိုးရကသာလျှင် အဆိုပါနိုင်ငံ၏ တည်ဆဲဥပဒေများနှင့်အညီ ပြစ်မှုကျူးလွန်သူ သို့မဟုတ် ကျူးလွန်သူများကို အရေးယူ အပြစ်ပေးရမည်ဖြစ်သည်။

    ၂၀၁၂ ခုနှစ် ဇူလိုင်လအတွင်း အိန္ဒိယနိုင်ငံ အာသံပြည်နယ် အနောက်ခြမ်းတွင် လူမျိုးရေး ပဋိပက္ခဖြစ်ပွားခဲ့ပြီး အတော် များများ သေဆုံးကာ လူဦးရေ နှစ်သိန်းခန့် အိုးမဲ့အိမ်မဲ့ဖြစ်ခဲ့သည်။ သို့ရာတွင် ကုလသမဂ္ဂသည်လည်းကောင်း၊ နိုင်ငံ တကာ လူ့အခွင့်အရေး အဖွဲ့ အစည်းကြီးများသည်လည်းကောင်း ၀င်ရောက်စွက်ဘက်ပြောဆိုကြခြင်းမရှိပါ။ အိန္ဒိယ နိုင်ငံ၏ အချုပ်အခြာအာဏာ [6] အတွင်းတွင် သက်ဆိုင်ရာအစိုးရများက ဖြေရှင်းဆောင်ရွက်ခဲ့ကြသည်။

    သို့ရာတွင် အစိုးရကိုယ်တိုင်က လူထုအပေါ် လူ့အခွင့်အရေးချိုးဖေါက်မှုကို ကျူးလွန်ခြင်း၊ သို့မဟုတ် အင်အားစု တရပ်ရပ်က ကျူး လွန်မှုကို အစိုးရက အားပေးကူညီခြင်း၊ တနည်းနည်းဖြင့် ပူးပေါင်းဆောင်ရွက်ခြင်း၊ သို့မဟုတ် လူ့အခွင့်အရေးချိုး ဖေါက်ကျူးလွန်မှုကြီးများ ဖြစ်ပွားနေပါလျှက် ကျူးလွန်သူများကို အစိုးရက ထိထိရောက်ရောက် အရေးယူမှုမပြုခြင်း တို့ဖြစ်လျှင်မူ ကုလသမဂ္ဂ အနေဖြင့် ဖြစ်စေ၊ နိုင်ငံတကာ လူ့အခွင့်အရေးအဖွဲ့အစည်းကြီးများ အနေဖြင့် ဖြစ်စေ ၀င်ရောက်အရေးယူဆောင်ရွက်ရန် ကြိုးပမ်းကြရသည်။ ဤသည်မှာ နိုင်ငံတကာ လူ့အခွင့် အရေး ဥပဒေအခြေခံများပေါ်၌ နိုင်ငံတကာက ကျင့်သုံးသည့်အစဉ်အလာ လည်းဖြစ်သည်။ မြန်မာနိုင်ငံအတွင်း ရခိုင်ပြည် နယ်၌အလားတူ  အခြေအနေများ ဖြစ်ပွားနေသည့်  အထောက်အထားများအား နိုင်ငံတကာတွေ့ရှိသဖြင့်သာ ကုလ သမဂ္ဂ နှင့် နိုင်ငံတကာက ၀င်ရောက်ပြောဆိုလာကြခြင်းဖြစ်သည်။ အရေးယူဆောင်ရွက်မှုများလည်း ရှိလာနိုင်သည်။

    ဒေါက်တာဒေါ်ရင်ရင်နွယ် နှင့် ကော်မရှင်အဖွဲ့ ဝင်အချို့ ပြောသလို နိုင်ငံတကာ အနေဖြင့် ရခိုင်တိုင်းရင်းသားများအား စစ်ဆေးမေးမြန်းမှု နည်းကောင်းနည်းပါမည်။ ဤသည်မှာ အကြောင်းနှစ်ချက်ကြောင့် ဖြစ်နိုင်သည်။ တချက်မှာ ဦးသိန်း စိန်အစိုးရ၏ စစ်တပ်နှင့် အခြားလုံခြုံရေးတပ်ဖွဲ့များသည် ရိုဟင်ဂျာများနှင့် ပေါင်းကာ ရခိုင်တိုင်းရင်းသားများ အပေါ် လူ့အခွင့်အရေး ချိုးဖေါက်မှုများ ကျူးလွန်နေကြောင်း သတင်းမရခဲ့သောကြောင့်ဖြစ်နိုင်သည်။ နောက်တချက်မှာ   ရခိုင် တိုင်းရင်းသားများ ကိုယ်တိုင်ကလည်း ဦးသိန်း စိန်အစိုးရ၏ စစ်တပ်နှင့် အခြားလုံခြုံရေးတပ်ဖွဲ့များသည် မိမိတို့အပေါ် လူ့အခွင့်အရေး ချိုးဖေါက်မှုများ ကျူးလွန်နေကြသည်၊ ရွာများမီးရှို့၊ လူသတ်၊ မုဒိန်းကျင့် စသဖြင့် ကျူးလွန်နေပါသည် ဟု တိုင်တန်းခြင်း မပြုခဲ့သောကြောင့်လည်း ဖြစ်နိုင်သည်။

    ယင်းသို့ကျူးလွန်မှု သက်သေအထောက်အထားများ ရှိပါက ကော်မရှင်အနေဖြင့် ဖြစ်စေ၊ ဒေါက်တာ ဒေါ်ရင်ရင်နွယ် အနေဖြင့်ဖြစ်စေ နိုင်ငံတကာသို့တိုင်တန်းမည်ဆိုပါက ရခိုင်တိုင်းရင်းသားများအား အဓိကထား၍ လာေ၇ာက် စစ်ဆေး မေးမြန်းရန်မှာ ရာခိုင်နုန်းပြည့်သေချာသည်။

    အကြမ်းဖက်ပဋိပက္ခများ ဖြစ်ပွားရခြင်း၏ လတ်တလောအကြောင်းရင်း နှင့် နောက်ဆက်တွဲအကြောင်းရင်းများ

    ရခိုင်ပြည်နယ် မှ စတင်ခဲ့ပြီး တနိုင်ငံလုံးသို့ တဖြေးဖြေး ပျံ့နှံ့နေပြီဖြစ်သော အကြမ်းဘက် ပဋိပက္ခကြီး၏ လတ်တလော အကြောင်းရင်းမှာ လူမျိုးရေးကွဲပြားမှုနှင့် ဘာသာရေးယုံကြည်ချက်ခြားနားမှုတို့အပေါ်အခြေခံပြီး တဘက်နှင့် တဘက် အပြန်အလှန်ပုတ်ခတ် စွပ်စွဲကြရာမှ စတင်ပေါ်ပေါက်လာခဲ့သည့် ပြသနာ မဟုတ်ပါ။ ဥပဒေစိုးမိုးရေးအခြေခံအရ ပြစ်မှု ကျူး လွန်သူမှန်သမျှကို ကျောသား ရင်သားမခွဲခြားဘဲ တန်းတူထား၍ ပြတ်ပြတ်သားသား ထိထိေ၇ာက်ရောက် အရေး မယူခဲ့ ခြင်းမှာ ပထမ လတ်တလော အကြောင်းရင်းဖြစ်သည်။ ဦးသိန်းစိန်အစိုးရ၏ စစ်တပ်နှင့် အခြားလုံခြုံရေးတပ်ဖွဲ့ များကိုယ်တိုင်က ဘက်တဘက်တွင် ရပ်၍ ပြစ်မှု ကြီးများအား ပါဝင်ကျူးလွန်ခဲ့ကြသည် ဟု နိုင်ငံတကာက ထောက်ပြ စွပ်စွဲလာသည်က ပို၍ အရေးကြီးသော ဒုတိယ လတ်တလော အကြောင်းရင်း ဖြစ်သည်။

    ဤလတ်တလော အကြောင်းရင်းနှစ်ရပ်ဖြစ်တည်လာခဲ့ပြီးနောက် နောက်ဆက်တွဲအကြောင်းရင်း တို့လည်း ပေါ်ပေါက် လာပြန်သည်။ ယင်းတို့မှာ ဘာသာရေးအုပ်စုကြီး နှစ်ခုမှ အချို့သော အစွန်း ရောက်ဘာသာရေးခေါင်းဆောင်များ၊ ဘာသာဝင်များ နှင့် အစွန်းရောက် အမျိုးသားရေးဝါဒီများက နည်းလမ်းပေါင်းစုံသုံး၍ လှုံ့ဆော်လာခဲ့ကြခြင်းဖြစ်သည်။ အကျိုးဆက်အနေဖြင့် အကြမ်းဘက် ပဋိပက္ခကြီးများသည် တိုင်းပြည်၏ နေရာဒေသ အတော်များများသို့ပျံ့နှံ့သွားခဲ့ရ ခြင်းဖြစ်သည်။

    လတ်တလော အကြောင်းရင်း နှင့် နောက်ဆက်တွဲ အကြောင်းရင်းတို့ကို နိုင်းယှဉ်လေ့လာရန်လိုပါမည်။ လတ်တလော အကြောင်းရင်းသည် ဥပဒေစိုးမိုးရေးနှင့် တိုက်ရိုက်သက်ဆိုင်သည်။ နောက်ဆက်တွဲအကြောင်းရင်းသည် သာသာရေး အရ မတူကွဲပြားသည့် ဘာသာများ အတူငြိမ်းချမ်းစွာရပ်တည်နိုင်ရေး၊ အပြန်အလှန်လေးစားမှု တည်ဆောက်ရေးတို့ နှင့် လည်းကောင်း၊ နိုင်ငံရေးအရ အစွန်းရောက် အမျိုးသားရေးဝါဒကို စွန့်လွှတ်ပြီး လူမျိုးပေါင်းစုံ အတူယှဉ်တွဲ နေ ထိုင် ရေး အခြေခံတွင် မိမိအမျိုးသား အကျိုးစီးပွားကို သမာသမတ်ကျစွာ ဖေါ်ဆောင်နိုင်ရေး အတွေးအခေါ် စိုက်ထူမှု နှင့် လည်းကောင်း သက်ဆိုင်သည်။

    နောက်ဆက်တွဲအကြောင်းရင်းများသည် အရေးမကြီးမဟုတ်ကြီးပါသည်။ သို့ရာတွင် ယနေ့တပြည်လုံးသို့ ပျံ့နှံ့နေ ပြီ ဖြစ်သော အကြမ်းဘက်ပဋိပက္ခကြီးများနှင့်စပ်လျှဉ်း၍ လူ့အဖွဲ့အစည်းတခုလုံးနီးပါးသည် နောက်ဆက်တွဲ အကြောင်း ရင်းများအပေါ်တွင်သာ ကုစားအဖြေရှာကြရန်ကြိုးပမ်းနေကြသည်ကို တွေ့ရသည်။ ထိရောက်မှု အားနည်း နိုင်သည်။

    လတ်တလောအကြောင်းရင်းများနှင့်စပ်လျှဉ်း၍ အမှန်တရားပေါ်အောင် အဓိကထားဖေါ်ထုတ်ပြီး အရေးယူဆောင်ရွက် နိုင်မှ သာလျှင် ဥပဒေစိုးမိုးရေးကို အခြေခံအားဖြင့် တည်ဆောက်နိုင်ပါမည်။ ထို့နောက် နောက်ဆက်တွဲအကြောင်းရင်း များကို တဖြေးဖြေး အချိန်ယူကုစားသွားရန် ဖြစ်ပါသည်။

    ရခိုင်ပဋိပက္ခများ စုံစမ်းစစ်ဆေးရေးကော်မရှင်သည် ဥပဒေစိုးမိုးရေးနှင့် တိုက်ရိုက်သက်ဆိုင်သည့် လတ်တလော အကြောင်းရင်းကို မီးမောင်းထိုးကာ အမှန်တရားပေါ်အောင်ဖေါ်ထုတ်ခဲ့ခြင်း မရှိ။ လတ်တလောအကြောင်းရင်းနှစ်ရပ် အနက် ပထမ တရပ်ကို ကော်မရှင်ကိုယ်တိုင်ဝန်ခံရသည်။ ထို့ အပြင် လုံခြုံရေးတပ်ဖွဲ့များကိုယ်တိုင်က ဘက်တဘက် နှင့်ပူးပေါင်းကာ ပြစ်မှုကြီးများအား ပါဝင်ကျူးလွန်ခဲ့ကြသည်ဟု နိုင်ငံတကာက ထောက်ပြစွပ်စွဲသည့် ဒုတိယအကြောင်း ရင်းကိုလည်း ကော်မရှင်ကမျက်စိမှိတ်
    ပယ်ချခြင်းမှလွဲ၍ အချက်အလက်နှင့် မငြင်းနိုင်။ သို့ရာတွင် အစီရင်ခံစာ၌ လတ် တလောအကြောင်းရင်းကို ရှင်းရှင်းလင်းလင်း ပြည့်ပြည့်စုံစုံ မဖေါ်ထုတ်ဘဲ နောက်ခံအကြောင်းရင်း နှင့်နောက်ဆက်တွဲ အကြောင်းရင်းများကိုသာ ဋီကာချဲ့ပြီးဖေါ်ပြခဲ့သည်။ ထို့ကြောင့် ဥပဒေစိုးမိုး ရေး အခြေခံကို ဖျက်ဆီးခဲ့သည့် ကာလုံ နှင့် သမ္မတ ဦးသိန်းစိန်၏ တာဝန်ရှိမှုကို ဖုံးကွယ် သွားစေခဲ့ သည်။ ယင်းအတွက် ကော်မရှင်အား ဦးသိန်းစိန်က များစွာ သဘောကျ သွားပုံရ သည်။ ၂၀၁၃ ခုနှစ် မေလ (၆) ရက်နေ့တွင် တိုင်းပြည်သို့ မိန့် ခွန်းပြော၍ပင် ချီးမွမ်းခဲ့သည်။

    (ကာ/လုံ) နှင့် ဦးသိန်းစိန်အစိုးရသည် ဥပဒေစိုးမိုးရေးပျက်အောင် ရည်ရွယ်ချက်ရှိရှိလုပ်သလား။

    ရခိုင်မှ တရုတ်ပြည်သို့ အမေရိကန် ဒေါ်လာ ဘီလျံပေါင်းများစွာ ချီကာ တန်ဘိုးရှိသည့် သဘာဝ ဓါတ်ငွေ့  ပိုက်လိုင်း သွယ်တန်း တည်ဆောက်နေပါသည်။ ယင်းအပေါ် ရခိုင်ပြည်နယ် အတွင်းရှိလူထုများက အားကောင်း ကောင်း နှင့် ကန့်ကွက်နိုင်ခြင်း မရှိစေရန်အာရုံလွှဲလိုက်ခြင်းဖြစ်နိုင်သည်ဟု လူထုအတော်များများက ယူဆလာကြသည်။ ထို့ပြင် တည်ဆောက်ပြီးသည့်အချိန်တွင် လက်ရှိနှင့်နောင်တက်လာဦးမည့် စစ်အစိုးရ အဆက်ဆက်က နှစ်ပေါင်းမြောက်များစွာ ဆက်လက် အမြတ်ထုတ်အကျိုးခံစားနေဦးမည့်အပေါ် မကန့်ကွက်နိုင်တော့စေရေးအတွက် ရခိုင်ပြည်နယ်အတွင်းရှိ လူထု များနှင့် ၄င်းတို့ ၏ နိုင်ငံရေးပါတီများအားနည်းချိနဲ့ သွားစေရန်၊ လုံခြုံရေးအရ ဦးသိန်းစိန်အစိုးရ၏ စစ်တပ်နှင့် အခြား လုံခြုံရေး အဖွဲ့များကိုသာ ထာဝရအားကိုးသွားစေရန် မဟာဗြူဟာချမှတ်လုပ်ဆောင်ခြင်းလည်း ဖြစ်နိုင်သည်။

    အထက်ပါသုံးသပ်ချက် မမှန်ဟူ၍ (ကာ/လုံ) နှင့် ဦးသ်ိန်းစိန် အစိုးရက သက်သေပြလိုပါက ပိုက်လိုင်းနှင့် ဆက်စပ် သော သတင်း အချက်အလက်မှန်သမျှကို ရှင်းလင်းစွာ တပြည်လုံးသို့ထုတ်ပြန်ကြေငြာရန်လိုသည်။  ပို၍အရေးကြီး သည်မှာ အကြမ်းဘက် ပဋိပက္ခများကြောင့် ရခိုင်ပြည်နယ် လူထု၏ စီးပွားရေးမှာ ချွတ်ခြုံကျ ပျက်စီးသွားခဲ့ပြီဖြစ် သဖြင့် ပြန်လည်ကုစားနိုင်ရန် ပိုက်လိုင်း မှရသော ၀င်ငွေအားလုံးကို ရခိုင်ပြည်နယ် အကျိုးစီးပွားအတွက်သာ သုံးစွဲသွားနိုင်စေ ရန် ဥပဒေတရပ် ပြဌာန်းကာ လွှဲအပ် ဖေါ်ဆောင်သွားရန်လိုအပ်သည်။

    မည်သို့ ပင်နောက်ဆက်တွဲကုစားမှုများပြုစေဦး၊ ရခိုင်ပြည်နယ်အတွင်း ဥပဒေစိုးမိုးရေးပျက်စီးစေခဲ့သည့်အတွက်ယင်းမှ စတင်ကာ တပြည်လုံးသို့ပျံ့ နှံ့ စေခဲ့ရာ၌တာဝန်ရှိမှုမှနေ၍  (ကာ/လုံ)  နှင့် ဦးသိန်းစ်ိန်အစိုးရသည် ရှောင်လွှဲ၍ မရနိုင်။

    အဖွဲ့အစည်း သဘော အရ တာဝန်ရှိမှု[7] နှင့် အမိန့်ပေးခြင်းအရ တာဝန်ရှိမှု[8]

    ၁၉၈၂ ခုနှစ်တွင် ဂွါတီမာလာနိုင်ငံ၌ အာဏာသိမ်းပြီး တိုင်းပြည်ကို အုပ်ချုပ်ခဲ့သော ဗိုလ်ချုပ်ကြီး အက်ဖရိန် ရိုင်ယို မွန့် [9] သည် အစ်ဇီးလ်မာယာ အမည်ရှိ တိုင်းရင်းသား လူမျိုးစုဝင်ဦးရေ ၁၇၇၁ ဦးအပေါ် လူမျိုးတုံး သတ်ဖြတ်မှု ကျူးလွန်ခဲ့သည် ဟု စွဲချက်တင်ကာ တရားရုံး၌ သက်သေပေါင်း တရာကျော်ကို စစ်ဆေးခဲ့ပြီးနောက် ၂၀၁၃ ခုနှစ် မေလ ၁၀ ရက်နေ့  တွင် ၄င်းအပေါ် ထောင် နှစ်ရှစ်ဆယ်ချခဲ့သည်။ လူမျိုးတုံး သတ်ဖြတ်မှုအတွက် နှစ်ငါးဆယ်၊ လူသားဖြစ်မှုကို ဆန့်ကျင် သည့် ပြစ်မှုအတွက် နှစ်သုံးဆယ် နှစ်ခုပေါင်း ထောင်နှစ် ရှစ်ဆယ်ဖြစ်သည်။ “သမ္မတ တာဝန်ယူထားစဉ် အတွင်း သတ် ဖြတ်မှုကြီးများ ကျူးလွန်နေတာကိုသိရက်နဲ့ ရပ်ဆိုင်းသွားအောင် ကာကွယ်တားဆီးခြင်း မလုပ်ခဲ့တာကြောင့် ပြစ်မှု ကျူး လွန်ရာရောက်တယ်” ဟု တရားသူကြီး ဂျက်စ်မင် ဘာရီရော့[10] က စီရင်ချက်တွင်ထည့်သွင်းဖတ်ကြားသွားခဲ့သည်။

    အာဂျင်တီးနား၊ ချီလီ၊ ဂွါတီမာလာ အစရှိသော နိုင်ငံများတွင် အမျိုးသားပြန်လည်သင့်မြတ်ရေးဟူသည်ကို အကြောင်း ပြ၍ ပြစ်မှု ကျူးလွန်မှုကြီးများအားမေ့ မထားဘဲ ပြန်လည်ဖေါ်ထုတ်ပြီး အရေးယူနေကြခြင်းမှာ စစ်မှန်သည့် ဥပဒေစိုးမိုး ရေး အခြေခံများ တည်ဆောက်ပြီး တိုင်းပြည် တည်ငြိမ်၊ ငြိမ်းချမ်းကာ၊ လူထုတရားမျှတမှု ရစေရန်ဖြစ်သည်။

    ၂၀၁၃ ခုနှစ် မတ်လ ၂၇ ရက် တပ်မတော်နေ့တွင် ကာကွယ်ရေးဦးစီးချုပ် ဗိုလ်ချုပ်မှုးကြီး မင်းအောင်လှိုင်က ၄င်း၏ တပ်မတော်သည် မည်သည့်အခါကမျှ လူမျိုးတုံးသတ်ဖြတ်မှု နှင့် စစ်ရာဇ၀တ်မှုများ မကျူးလွန်ခဲ့ကြောင်းထည့်သွင်း ပြောကြားသွားခဲ့သည်။ လူမျိုးတုံးသတ်ဖြတ်မှု၊[11]  စစ်ရာဇ၀တ်မှု[12]  နှင့် လူသားဖြစ်မှုကို ဆန့်ကျင်သည့် ပြစ်မှု [13] များအား မြန်မာနိုင်ငံ အတွင်းတွင် ဥပဒေ အဖြစ်ပြဌာန်း ထားမှု မရှိသေးပါ။ နိုင်ငံတကာ ဥပဒေ၏ အစိပ်အပိုင်းများဖြစ်ကြပါသည်။ ယင်းတို့ကို ချိုးဖေါက် ကျူးလွန်ခြင်းမှာ ပြစ်မှုမြောက်သည်ဟူ၍ ကာချုပ်မင်းအောင်လှိုင် ကိုယ်တိုင်က ၀န်ခံလိုက် သည့် သဘောဖြစ်သည်။ ယင်းမိန့်ခွန်းကိုးကားကာ အာဏာပိုင်များက ပြဌာန်းထားသည့် ပြည်တွင်းဥပဒေများအတိုင်း သာ စိုးမိုးအုပ်ချုပ်ခြင်း Rule by Law မှနေ၍ နိုင်ငံတကာ စံထားချက်များနှင့် ကိုက်ညီသည့် ဥပဒေစိုးမိုးရေး Rule of Law သို့ ပြောင်းလဲဖေါ်ဆောင်နိုင်ရေးအတွက် စတင်လှုပ်ရှား လုပ်ဆောင်သင့်ပြီဖြစ်ပါသည်။

    အထက်ပါ နိုင်ငံတကာ ပြစ်မှုကြီးများအား တပ်မတော်က မကျူးလွန်ပါဟူ၍ ကာချုပ်မင်းအောင်လှိုင်၏ ငြင်းဆိုချက်ကို မူ လက်ခံနိုင် ဘွယ်မရှိပါ။ ၄င်းပြစ်မှုကြီးများမှာ မည်သည့်အရာများဖြစ်သည်ကို ဥပဒေသမားများပင်နားလည်အောင် မနည်းကြိုးပမ်းကြရသည်။ ယင်းတို့နှင့် စပ်လျှဉ်း၍ တပ်မတော်အတွင်း ကျယ်ကျယ်ပြန့်ပြန့် ပညာပေးရေးလုပ်ခဲ့ ကြောင်း လည်း တကြိမ်တခါမျှ မကြားသိခဲ့ရပါ။ သို့ဖြစ်၍ တပ်ဗိုလ်၊ တပ်သားတကယ့်အများစုကြီးမှာ မည်သည်တို့ကို ကျူးလွန်လျှင် မည်သည့်ပြစ်မှုမြောက်သည်ဟူ၍ နားလည်နိုင် ကြခြင်းမရှိသေးသည်မှာ ရာနုန်းပြည့်နီးပါး သေချာသည်။ လတ်တလောဖြစ်ရပ်များကို သုံးသပ်လျှင်ပင် ရခိုင်ပြည်နယ်အတွင်း လူမျိုးတုံးသတ်ဖြတ်မှု၊ ကချင်ပြည်နယ်အတွင်း စစ်ရာဇ၀တ်မှု နှင့် လက်ပံတောင်းတောင်ဒေသတွင် ဆန္ဒပြသံဃာများအပေါ် လူသားဖြစ်မှုကို ဆန့်ကျင့်သည့်ပြစ်မှု များ ကျူးလွန်ခဲ့ပြီးပြီဟု နိုင်ငံတကာ ဥပဒေ အခြေခံမှ သုံးသပ်နိုင်သည်။ အသေးစိပ်ကို ဤစာတမ်း၏ ဒုတိယပိုင်းတွင် ဆက်လက်ဆွေးနွေးပါမည်။

    အထက်ပါ ပြစ်မှုကြီးများနှင့် စပ်လျှဉ်း၍ တာဝန်ရှိမှုကို ရှာဖွေရာတွင် အဖွဲ့အစည်းသဘောအရ တာဝန်ရှိမှု နှင့် အမိန့် ပေးခြင်းအရ တာဝန်ရှိမှု နှစ်ခုတို့၏ ဆက်စပ်မှုနှင့်ကွာခြားမှု တို့ကို လေ့လာဘို့လိုပါမည်။ သမတ ဦးသိန်းစိန်သည် လည်းကောင်း၊ ကာချုပ်မင်းအောင်လှိုင်သည်လည်းကောင်း တိုင်းပြည်တွင် အမြင့်ဆုံးအာဏာပိုင်အဖွဲ့အစည်းဖြစ်သည့် (ကာ/လုံ) ၏ အဖွဲ့ဝင်များဖြစ်ကြသဖြင့် ယနေ့တိုင်းပြည်တွင် ဖြစ်ပွားနေသော အကြမ်းဘက် ပဋိပက္ခကြီးများနှင့် စပ် လျှဉ်း၍ ၄င်းတို့တွင် ယေဘုယျအားဖြင့် တာဝန်ရှိကြသည်။

    ရခိုင်ပဋိပက္ခတွင် လုံခြုံရေး တပ်ဖွဲ့များအား(ကက/ကြည်း) က တိုက်ရိုက်အမိန့်ပေးခဲ့ကြောင်း  ကော်မရှင်၏အစီရင်ခံစာအရ ပေါ်လွင်သဖြင့် ကာချုပ်မင်းအောင်လှိုင်တွင် တာဝန် ရှိသည်။ (ကာ/လုံ) အစည်းအဝေးခေါ်ပြီး ကာချုပ်မင်းအောင်လှိုင်ကို တာဝန်ပေးခဲ့ခြင်းဖြစ်ပါက (ကာ/လုံ) အဖွဲ့ဝင် အားလုံးတွင်တာဝန်ရှိသည်။ သို့မဟုတ်ဘဲ သမတ ဦးသိန်းစိန်က ကာချုပ်မင်းအောင်လှိုင်အား ရခိုင်ပဋိပက္ခများ ကိစ္စ ဆောင်ရွက်၇န်တာဝန်ပေးခဲ့ပါက ဦးသိန်းစိန်သည် အကြီးအကဲ[14] အနေဖြင့်လည်းကောင်း၊ ကာချုပ်မင်းအောင်လှိုင် သည် လက်အောက်ငယ်သား[15] အနေဖြင့်လည်းကောင်း တာဝန်ရှိသည်။

    ကချင်ပြည်နယ်အတွင်း ကေအိုင်အိုကို ထိုးစစ်ကြီးများဆင်နွှဲခဲ့စဉ် စစ်ရေး သဘောအရ ကာချုပ်မင်းအောင်လှို်င် မှာ အဓိကတာဝန် ရှိသည်။ စစ်ရာဇ၀တ်မှုများ ကျူးလွန်ခဲ့ခြင်းနှင့် စပ်လျှဉ်း၍မူ အကြီးအကဲ ကာချုပ်မင်းအောင်လှိုင်တွင် တာဝန်ရှိသလား၊

    စစ်မြေပြင်တခုလုံးကို အနီးကပ်ကွပ်ကဲရသည့် လက်အောက်ငယ်သား မြောက်ပိုင်းတိုင်း စစ်ဌာနချုပ် တိုင်းမှုးတွင် တာဝန်ရှိသလား ဟူသည်ကို သုံးသပ်ရပါမည်။ ဤတွင် နိုင်ငံတကာဓလေ့ ထုံးတမ်းဥပဒေ[16] အရသာ မက (ရ၀မ်ဒါ နိုင်ငံတကာ ပြစ်မှုဆိုင်ရာခုံရုံး[17] က ချမှတ်ခဲ့ပြီး ဆီအာရာလီယွန်းအထူး တရား ရုံး[18] ကပါ လိုက်နာကျင့်သုံး ခဲ့ သည့် လက်တွေ့အရ) သမားရိုးကျနိုင်ငံတကာဥပဒေ[19] အဖြစ်ပင်လိုက်နာကျင့် သုံးလာကြပြီဖြစ်သော သတ်မှတ် ပြဌာန်းချက်အရ အကြီးအကဲ နှင့် လက်အောက်ငယ်သား ဆက်ဆန်ရေး[20] အရတာဝန်ရှိမှု ကို လေ့လာရန်လိုပါသည်။ ဂွါတီမာလာနိုင်ငံက ဗိုလ်ချုပ်ကြီး အက်ဖရိန် ရိုင်ယိုမွန်၏ မှုခင်းနှင့် နိုင်းယှဉ်လေ့လာလျှင်အကျိုးရှိပါမည်။

    အပိုင်း (၂) ကို ဆက်လက်ဖတ်ရှုပါရန်
    ဦးအောင်ထူး (ရှေ့နေ) ဥပဒေအထောက်အကူပြုကွန်ယက် တည်ထောင်သူ
    ၂၀၁၃ ခုနှစ် မေလ

    1 Genuine Principles of the Rule of Law
    2 The People’s Republic of China exercises power in accordance with the law and establishes a socialist country under the rule of law.
    3 Legal framework
    4 Supreme law of the land
    5 Discrimination
    6 Sovereignty
    7 Organizational responsibility
    8 Command responsibility 9 General Efraín Ríos Mont 10 Judge Jazmin Barrios
    11 Genocide
    12 War crimes
    13 Crime against humanity
    14 Superior
    15 Subordinate
    16 Customary international law
    17 International Criminal Tribunal for Rawanda
    18 Special Court for Sierra Leone
    19 Conventional international law
    20 Relationship of superior-subordinate

  • မိထ္ထီလာ လူသတ်မှု့တရားစွဲခံ ရသူ သံသယ တရားခံများတွင် မပတ်သက်သူများ ပါဝင်နေ

    မေ-၇-၂၀၁၃
    M-Media
    KK

    1
    လူသတ်မှုဖြင့် တရားစွဲခံထားရသော သံသယရှိသူများအား တရားရုံးအထွက်တွေ့ရစဉ် (ဓါတ်ပုံ RFA)

    မိတ္ထီလာမြို့ရှိ မွတ်စလင်မ်များအား အကြမ်းဖက်ခံရမှုတွင် ဘုန်းတော်ကြီးတစ်ပါး သေမှုဖြင့် သံသယရှိသူ မွတ်စလင်မ် ၇-ဦးအား ဖမ်းဆီး၍ တရားစွဲဆိုခံခဲ့ရသည်။ ထိုတရားစွဲခံရသူများထဲတွင် ဘုန်းကြီးသေဆုံးမှုနှင့် မပတ်သက်သူ များလည်း ပါဝင်ကြောင်း သိရသည်။

    သံသယရှိသူ ၇ ယောက်တွင် အသက် ၁၈ နှစ်အောက် တယောက်ပါသောကြောင့် ၄င်း အားကလေးသူငယ်အက်ဥပဒေဖြင့် အသစ်ပြန်လည် တရားစွဲဆိုသွားမည်ဖြစ်ကြောင်း သိရသည်။ ကျန် ၆ ယောက်ကို ခရိုင် တရားရုံးတွင် တရားစွဲဆိုနေပြီ ဖြစ်ကြောင်း သိရသည်။

    စွပ်စွဲဖမ်းဆီး တရားစွဲဆိုခြင်း ခံထားရသည့်ထဲမှ ကိုဇော်ထက်နိုင်နှင့် ကိုမျိုးဝင်းတို့ မှာ ဘုန်းကြီး သတ်သော အမှုနှင့် ဘာမှ မပတ်သက်ကြောင်း၊ အခြားနေရာမှ ရဲများရိုက်ထားသည့် ဓာတ်ပုံတွင် ပါသဖြင့် ဖမ်း သွားခြင်းဖြစ်ပါ ယခုအခါ ၆ ယောက်လုံးကို အမှုတွဲ တခုထဲဖြင့် တရားစွဲထားခြင်းဖြစ်သည်။

    တရားစွဲဆိုခြင်းခံရသူများကို  ရှေ့ နေကွန်ရက်မှ  ၇ ဦး  မှတွေ့ဆုံရန် ကြိုးစားခဲ့သောလည်း စစ်ချက်ယူသည့်နေ့ တွင် ရှေ့ နေများအား ၀င်ခွင့်မပေးကြောင်း၊ စွပ်စွဲခံထားရသူများမှာလည်း ရှေ့ နေများနှင့် တိုင်ပင်ခွင့် မရကြောင်း မြို့ ခံတဦးကဆိုသည်။ ထို အပြင် အကျဉ်းခန်းထဲတွင် အဓမ္မ ဖိအားပေးပြီး အပြစ်ရှိကြောင်း ၀န်ခံလက်မှတ် ရေးထိုးခိုင်းကြောင်းလည်းသိရသည်။

    သံသယတရားခံ မွတ်စလင် ၆ ဦးသည် အပြစ်ရှိကြောင်း စစ်ဆေးတွေ့ရှိပါက သေဒဏ်ရင်ဆိုင်ရလိမ့်မည်ဟု မန္တလေးတိုင်း ဥပဒေရေးရာချုပ် ဦးရဲအောင်မြင့်က အေအက်ဖ်ပီသို့ ပြောကြားခဲ့ကြောင်း သိရသည်။

  • မိတ္ထီလာ အကြမ်းဖက်မှု၌ သေဆုံးခဲ့သည့် ရဟန်းတပါး အမှု၏ သံသယ တရားခံများ သေဒဏ် ရင်ဆိုင်ရဖွယ်၊

    M-Media
    မေလ ၈ ရက်၊ ၂၀၁၃

    မိတ္ထီလာ အကြမ်းဖက်မှု၌ သေဆုံးခဲ့သည့် ရဟန်းတပါး အမှု၏ သံသယ တရားခံများ သေဒဏ် ရင်ဆိုင်ရဖွယ်၊ အကြမ်းဖက်ခဲ့သည့် အခြားရဟန်းများ၊ ဗုဒ္ဓဘာသာဝင်များနှင့်စပ်လျဉ်း၍မူ နှုတ်ဆိတ်နေကြဆဲ

    27131_4783306302136_1685146913_n
    အကြမ်းဖက်သတ်ဖြတ် ခံလိုက်ရသော အစ္စလာမ်ဘာသာဝင် တစ်ဦးပုံဖြစ်ပါသည်။

    မိတ္ထီလာ မွတ်စလင်ဆန့်ကျင်အကြမ်းဖက်မှု၌ သေဆုံးခဲ့သော ဘုန်းကြီးတစ်ပါးအမှုတွင် ပါဝင်ပတ်သက်နေသည့် သံသယတရားခံ မွတ်စလင် ၆ ဦးသည် အပြစ်ရှိကြောင်း စစ်ဆေးတွေ့ရှိပါက သေဒဏ်ရင်ဆိုင်ရလိမ့်မည်ဟု မန္တလေးတိုင်း ဥပဒေရေးရာချုပ် ဦးရဲအောင်မြင့်က အေအက်ဖ်ပီသို့ ပြောကြားခဲ့ကြောင်း သိရသည်။

    ၄င်းမွတ်စလင်များ၏ ရုံးချိန်းကို လာမည့် သောကြာနေ့တွင် ကြားနာရန် စီစဉ်ထားသည်။ သံသယ တရားခံ ၆ ဦးတွင် အသက် ၂၀ အရွယ် (အသက်အငယ်ဆုံး သံသယတရားခံ) ဖြစ်သူမှာ ၄င်းအမှု၌ အဓိက သက်ဆိုင်သူဖြစ်ကြောင်း ဦးရဲအောင်မြင့်က ဆိုသည်။ ၇ ဦးမြောက် သံသယ တရားခံမှာ ကလေးသူငယ်ဆိုင်ရာ တရားရုံးတွင် အမှုရင်ဆိုင်ရမည်ဖြစ်ပြီး ၄င်းအမှု၌ ပါဝင်ပတ်သက်နေသည်ဟု ယူဆရသူ အခြား ၄ ဦးကိုလည်း လိုက်လံ ရှာဖွေလျက် ရှိနေသေးကြောင်း ဦးရဲအောင်မြင့်က ဖြည့်စွက်ပြောကြားခဲ့သည်။

    မိတ္ထီလာ၊ ဥက္ကံနှင့် အခြားမြို့နယ်များတွင် မွတ်စလင်ဆန့်ကျင်ရေး အကြမ်းဖက်ကြရာ၌ ဗုဒ္ဓဘာသာ ဘုန်းကြီးများ ကိုယ်တိုင်ဦးဆောင်ပြီး မွတ်စလင် ကလေးလူကြီးများ အားလုံးကို သတ်ဖြတ်ညှဉ်းစဲ ခဲ့ကြသော်လည်း ထိုတရားခံ ဘုန်းကြီးများနှင့် အကြမ်းဖက်သူ ဗုဒ္ဓဘာသာဝင်များနှင့် ပတ်သက်၍ သက်ဆိုင်သလို အကြီးမားဆုံး ပြစ်ဒဏ်များ ချမှတ်ရန် ကိစ္စတွင်မူ နိုင်ငံတော်အစိုးရတာဝန်ရှိသူများက နှုတ်ဆိတ်လျက်ပင် ရှိနေသေးသည်။

    သတင်း – AFP

  • လူမျိုး၊ဘာသာ မခွဲပါနဲ့ အပြစ်ရှိတဲ့သူ အပြစ်ပေးပါ၊ (ရှေ့နေဦးကိုနီ Part-2)

    မေလ ၇၊  ၂၀၁၃
    M-Media
    တွေ့ဆုံ မေးမြန်းသူ – ဆူးထက်

    လက်ရှိဖြစ်ပေါ်နေတဲ့ အကြမ်းဖက် မီးရှို့ သတ်ဖြတ်မှုများနှင့် ပတ်သတ်ပြီး တရားဥပေဒရှုထောင့်နှင့် လုံခြုံရေးတပ်ဖွဲ့ဝင်များ၏ ကိုင်တွယ် ဆောင်ရွက်နေမှုများအား ဥပေဒေပညာရှင်တဦးဖြစ်တဲ့ တရားလွှတ်တော် ရှေ့နေကြီး ဦးကိုနီနှင့် တွေ့ဆုံမေးမြန်းချက် အပိုင်း(၂) ဖြစ်ပါသည်။

    တရားလွှတ်တော် ရှေ့နေကြီး ဦးကိုနီနှင့် တွေ့ဆုံမေးမြန်းချက် အပိုင်း(၁) ဖတ်လိုလျင်

    dsc_0477-copy

    “ ဖြစ်ပြီးသွားပြီ အရေးယူဖို့ ပျက်ကွက်ခဲ့တယ် ဆိုရင်လည်း ထားလိုက်ပါ။ အခြေအနေအရ အမိန့်မရလို့ပဲ ဖြစ်ဖြစ် အမှန်တော့ ဥပဒေအရ ပြောရရင် အမိန့်မလိုဘူး၊ လူတစ်ယောက်က လူတစ်ယောက်ကို သတ်မလို လုပ်နေတာကို အထက်အရာရှိဆီ ကျွန်တော်ဒီမှာ ကာကွယ်ရမှာပါလားလို့ မေးနေတာနဲ့ ဟိုမှာ သေပြီ၊ အိမ်တစ်အိမ်ကို မီးရှို့တော့မယ် မီးကွင်းပစ်တော့မယ် မီးရှို့တော့မယ်၊ ဒီလူ့ကို ပစ်သတ်လိုက်ရမလား၊ ဖမ်းလိုက်ရမလား လို့ ကျွန်တော်ကို တစ်ခုခု အမိန့်ပေးပါလို့ ပြောနေစရာ မလိုဘူး၊ ဒါတွေက အမိန့်ခံစရာ မလိုဘူး၊ ဟေ့ မပစ်နဲ့ မင်းမီးကွင်း အောက်ချလိုက်၊ မဟုတ်ရင် ငါပစ်ချလိုက်မယ်၊ ဆက်ပြီး လုပ်မယ်ဆိုရင် ပစ်ချလိုက်ရမယ်၊ ခြေထောက်ပစ်၊ လက်ပစ် တစ်နေရာ ပစ်ပေါ့၊ ဥပဒေကတော့ သေသည်အထိ လုပ်လို့ရတယ် လို့ပြောတယ်၊ မလုပ်ပါနဲ့၊ သေစေချင်လို့ ပြောနေတာ မဟုတ်ပါဘူး၊ မဖြစ်အောင် တားဆီးစေချင်လို့ ပြောနေတာပါ။ အကြောင်းကြောင်း ကြောင့် တာဆီးကာကွယ်ဖို့ အပိုင်းမှာ ပျက်ကွက်ခဲ့တယ် ဆိုရင်လည်း ဖြစ်ပြီးတာနဲ့ အရေးအခင်းပြီးတာနဲ့ မြန်နိုင်သမျှ အမြန်ဆုံး အပြစ်ကျူးလွန်တဲ့ တရားခံတွေကို ဖမ်းဆီးပြီးတော့ ချုပ်နှောင်ထားမယ်၊ ချက်ချင်းအမြန်ဆုံး တရားရုံးကို တရားစွဲတင်မယ်၊ အမှုစစ်မယ်၊ ထိုက်သင့်တဲ့ ပြစ်ဒဏ်တွေ ပေးမယ်၊ သေဒဏ်တန်ရင် သေဒဏ်ပေးမယ်၊ ကျွန်းဒဏ် တန်ရင် ကျွန်းဒဏ်ပေးမယ်၊ ထောင်ဒဏ်ထိုက်သင့်တဲ့ သူကို ထောင်ဒဏ်ပေးမယ် စသဖြင့် အဲဒီလို ထိထိ ရောက်ရောက် အရေးယူတာ မရှိဘူး။

    ခုနက ကြိုတင် ကာကွယ်တဲ့ အပိုင်းမှာ ပျက်ကွက်ခဲ့သလို ပြဿနာဖြစ်ပြီးတဲ့ နောက်ပိုင်းမှာ ဖြစ်နိုင်တာနဲ့ တပြိုင်နက် ပြစ်မူကျူးလွန်တဲ့ သူတွေကို ဖမ်းရမယ်။ အချုပ်ထဲ ထည့်ရမယ်။ ပြီးတော့ လိုအပ်သလို စုံစမ်းစစ်ဆေး တရားစွဲဆိုတာတွေ လုပ်ရမယ်။ အဲလိုတွေ မလုပ်တဲ့ အတွက် ဒီကိစ္စတွေဟာ ရက်နဲ့ ချီပြီး နောက်တစ်ရက် နောက်တစ်နေရာ  နောက်တစ်ရက် နောက် တစ်နေရာ ဖြစ်လာတာ ပဲခူးတိုင်း အနောက်ပိုင်း တော်တော်နေရာ ဝေးဝေးထိ ပျံနှံသွားတယ်။ အဲဒါ ဘာကြောင့်တုန်းဆိုရင် မဖြစ်အောင် ကြိုတင်ကာကွယ်တဲ့ အပိုင်းလည်း ပျက်ကွက်တယ်။ ဖြစ်ပြီးတဲ့နောက် ပြစ်မူကျူးလွန်တဲ့ သူတွေကို ထိထိရောက်ရောက် အရေးယူတဲ့ အပိုင်းမှာလည်း ပျက်ကွက်တယ်။ အဲလို ပျက်ကွက်တဲ့ အတွက် အကြမ်းဖက်သမားတွေရဲ့စိတ်ထဲမှာ ဘယ်လို ထင်လာသလဲ ဆိုရင် ဒီကိစ္စက လုပ်လို့ရတယ်။ အရေးကြီးတာက ဗုဒ္ဓဘာသာကို မလုပ်နဲ့၊ ဘုန်းကြီးကျောင်းတွေကို မလုပ်နဲ့၊ မွတ်စလင် ဆိုရင်၊ မွတ်စလင် ပိုင်တဲ့ ဟာဆိုလုပ် အဲဒါဆိုရတယ်။ အရေးမယူဘူး။ အစိုးရက ခွင့်လွှတ်မယ်။ ဒီလိုမျိုး အဓိပ္ပါယ်ကောက်လွဲ သွားတယ်။

    အရေးမယူတဲ့ အခါကြတော့ လူတွေက မကြောက်တော့ဘူး၊ မကြောက်တော့တဲ့ အပြင် သူတို့လုပ်လို့ရတယ်။ လုပ်ခွင့် ရှိတယ်လို့ အယူမှား အမှတ်မှားပြီးတော့ ဆက်ပြီးတော့ ဒီပြစ်မူတွေကို ကျူးလွန်ဖို့ ၀န်မလေးဘူး။ အခုချိန်ထိလည်း ဟိုနားဆွလိုက် ဒီနားဆွလိုက် ပြဿနာ ဖြစ်အောင် ဖန်တီးချင်တဲ့ သူတွေရှိနေတာ တွေ့နေရသေးတယ်။ တကယ်လို့များ သက်ဆိုင်ရာ တရားစွဲ အဖွဲ့အစည်း အုပ်ချုပ်ရေးဌါနတို့က နေပြီးတော့ ဒီတရားခံတွေကို လိုအပ်သလို အရေးယူသွားမယ်ဆိုရင် မိထ္တီလာ ကိစ္စဆိုရင် အစအဆုံး ဗွီဒီယို အခွေတွေကို ရှိတယ်။ ရိုက်ထားတဲ့ သူတွေလည်း အများကြီးပဲ။ ဓါးနဲ့ခုတ်သတ်နေတဲ့ပုံတွေ အွန်လိုင်းမှာ တက်လာတယ် အဲဒါကို ပုံကြီးချဲ့ကြည့်လိုက် ဒါဘယ်သူ ဆိုတာ တန်းခနဲသိတယ်။ အိမ်မီးရှို့နေတဲ့ သူတွေ  ဗလီမီးရှို့နေတဲ့သူတွေ မြင်နေတာပဲ သေချာကို မြင်နေရတယ် ဓာတ်ပုံတွေ ရိုက်ထားကြတာ  ဆိုတော့ ဒီမှာ သက်သေအထောက်အထား ခိုင်ခိုင်လုံလုံကို ရှိနေတယ်၊ ငြင်းလို့ကို မရဘူး၊ ငြင်းချင်ရင် သူ့ပုံ သူပြန်ပြလိုက် ဒါမင်းပုံ မဟုတ်ဘူးလား၊ ဒါမင်းလုပ်နေတာ မဟုတ်ဘူးလားလို့ မေးလို့ရတယ်။ အဲဒီတော့ အရေးယူနိုင်တဲ့ အထောက်အထား ခိုင်ခိုင်လုံလုံ ရှိပါလျှက်နဲ့ အရေးမယူသေးဘူး။

    အဲဒီမှာ နောက်ထပ် ဘာထပ်လွဲလာလဲဆိုတော့ မိထ္တီလာရွှေဆိုင်မှာ ဖြစ်တဲ့ ကိစ္စမှာ ရွှေဆိုင်ပိုင်ရှင် မှားတယ် ဆိုရင်တောင် ရွှေဆိုင်ပိုင်ရှင်ကို ဖမ်းသွားပြီးပြီ ရဲက၊ ဒီနောက်မှာ သူ့ ဆိုင် အဖျက်ခံရတယ်၊ သူ့ပစ္စည်း အားလုံး အလုခံလိုက်ရတယ်၊ တစ်ဆိုင်လုံး ဘာမှ မရှိတော့ဘူး၊ အဲဒီ့လူတွေကို ဖမ်းတာ ဆီးတာ အရေးယူတာ ခုထိ မကြားရသေးဘူး၊ ဖမ်းထားတဲ့ လူ၅၀ကျော်လို့ ပြောတာပေါ့ ဒီထဲမှာ အဲဒီလူ ပါ မပါလည်း မသိသေးဘူး၊ အဲဒါဟာ ရဲတွေရှေ့မှာ ဖြစ်တဲ့ အတွက် အကောင်းဆုံး သက်သေရှိပြီးသား၊ အဲဒီ့ အမှုကို  မြန်မြန်တရားစွဲ တင်လိုက်လို့ရှိရင် ဘာဖြစ်မလဲ ဘယ်သူကို နစ်နာမှာလဲ ဒါပေမယ့် အဲဒီ့ ကိစ္စမလုပ်ဘဲနဲ့ ရွှေဆိုင်ပိုင်ရှင်ကို ထောင်(၁၄)နှစ် ချလိုက်တယ်၊ ပုဒ်မ (၃)ခုနဲ့၊ အဲဒီ့ ပုဒ်မ ၃ခုကို ဆရာတို့ စဉ်းစားတဲ့ အခါကြတော့ ၃၈၂ ဆိုတာ ခိုးမူ ပါ၊ ၃၈၂ နဲ့ ထောင် (၇)နှစ်ချထားတယ်၊ ပုဒ်မ ၃၈၂ ဆိုတာ ပုဒ်မ ၃၈၀ ကလာတာ၊ ပုဒ်မ ၃၈၀ ဆိုတာ ရိုးရိုး ခိုးမူပေါ့၊ အိမ်ထဲဝင်ခိုးရင် ပုဒ်မ ၃၈၀၊ ဒါပေမယ့်လို့ အဲလို အိမ်ထဲကို ၀င်ခိုးတဲ့ အခါမှာ သေနတ်တို့၊ ဓားတို့ သူခိုးက ဆောင်ထားတယ် သဘောက ခိုးမယ် အိမ်ရှင်မိသွားရင် ခုတ်ပစ်လိုက်မယ် ချပစ်လိုက်မယ်ပေါ့၊ အဲလိုလူကို သေလောက်အောင် (သို့မဟုတ်) အပြင်းအထန်နာလောက်အောင် ကြိုတင်ပြင်ဆင်မူ ပါတဲ့ ခိုးမူပေါ့ သဘောက အရပ်သား နားလည်အောင် ပြောရင် ဓားကိုင်ပြီး အိမ်ထဲကို ၀င်ခိုးတာ အဲဒါမျိုး ဆိုရင် ပုဒ်မ ၃၈၂ပါ၊

    ရွှေဆိုင်ကိစ္စမှာ ရွှေဆိုင်ပိုင်ရှင်က သူ့အိမ်ထဲ သူနေတာ၊ ရွှေလာရောင်းတဲ့ သူနဲ့ တန်ဖိုး စကားများတယ်လို့ပဲ ကျွန်တော်တို့ ကြားတယ်၊ ပြီးတော့ ထိုးကြ ကြိတ်ကြတယ် ကြားတယ်၊ ဆဲတယ်ဆိုတယ် ကြားတယ်၊ အဲဒီတော့ စ စွဲတုန်းက ၂၉၄၊ ၃၂၅ ၊ ၂၉၄ဆိုတာ ဆဲလို့ စွဲတာ ၃၂၅ ကတော့ အပြင်းအထန် နာကျင်အောင် လုပ်တယ် ဆိုလို့ တရားစွဲတာ တကယ်လည်း အပြစ်ပေးတဲ့ အခါကြတော့ အခုနက ၃၈၂ ခိုးမူ ပုဒ်မ ပါလာတယ် အဲဒါ ကျွန်တော်နားကို မလည်ဘူး ဘယ်လိုကြောင့် အဲလိုဖြစ်သွားလဲဆိုတာ တရားစွဲတုန်းက အဲဒီ့ ပုဒ်မ မပါဘူး၊ တစ်ခါ နာကျင်စေမူနဲ့ အပြစ်ပေးတယ်၊ ၃၂၅ ဆိုတာ အပြင်းအထန် နာကျင်စေမူ၊ ၃၂၄က လက်နက်နဲ့ သာမာန်နာကျင်စေမူ၊ ဒုတ်တို့ ဘာတို့ လက်နက်ပါရင်ပေါ့၊ အဲဒီတော့ အပြင်းအထန် နာကျင်စေမူနဲ့ အပြစ်ပေးရင် သာမာန်နာကျင်စေမူနဲ့ အပြစ်ပေးလို့ မရဘူး၊ တစ်ခုပဲ ပေးရတယ်၊ အင်မတန် ပြစ်ဒဏ် ပြင်းထန်တဲ့ ထောင် (၇)နှစ်ထိ ချလို့ရတဲ့ ပုဒ်မ ၃၂၅ နဲ့ (၅)နှစ် ချပြီးရင် ဒီလူကိုပဲ ဒီကိစ္စတစ်ခု အတွက်ပဲ နောက်တစ်ခါ ပုဒ်မ ၃၂၄နဲ့ (၂)နှစ် ထပ်ချလို့ မရတော့ဘူး၊ ပြုလုပ်မူ တစ်ခုတည်းပဲ အဲဒီ့ပြုလုပ်မူ တစ်ခုတည်းက ဘာလဲ ရွှေလာရောင်းတဲ့ သူကို ရိုက်တယ် ဆိုတယ် ကိုယ့်ထိလက်ရောက် ၀ိုင်းရိုက်တယ်လို့ပြောတယ်၊ ပြုလုပ်မူ တစ်ခုထဲပဲ၊ အဲဒါကို ပုဒ်မ တစ်ခုထဲနဲ့ အရေးယူလေ့ရှိတယ်၊

    အခု ပုဒ်မ သုံးခုနဲ့ ထောင်ဒဏ် (၁၄)နှစ် ပေးလိုက်တယ်၊ ဒါကတော့ နောက် ဥပဒေအရ အယူခံဝင်ပြီးတော့ ဖြေရှင်းသွားလို့ရတယ်၊ ဒါပေမယ့် ဒီသတင်း သတင်းစာမှာ ပါလာတဲ့ အခါကြတော့ ဘာဖြစ်သွားလဲဆိုတော့ မွတ်စလင်တွေကြတော့ အဲလိုလုပ်ရင် အဲလို ရက်ရက်စက်စက် အပြစ်ပေးမယ် အဲဒါ မင်းတို့ကြည့် နမူနာပဲ ဆိုတာကို တရားရုံးက နေ ပြပေးလိုက်သလို ဖြစ်သွားတယ်၊ ဆိုတော့ ကျွန်တော်တို့ရဲ့ အမြင်မှာ ပြဿနာကို အေးချမ်းစေချင်တယ်၊ နှစ်ဖက်စလုံးကို အရေးယူ နှစ်ဖက်စလုံးကို တရားစွဲတင်၊ ဆူတဲ့ပူတဲ့သူတွေကိုလည်း ဘယ်လိုချတယ်၊ ရွှေဆိုင်ပိုင်ရှင်လည်း လာရောင်းတဲ့ သူကိုဆွဲရိုက်လို့ ဒီလိုချတယ်၊ ဒီလိုမျိုး ဟိုဘက်ကာ ဒီဘက်ဘက်ကော အရေးယူတယ်ဆိုရင် ပြည်သူလူထုရဲ့ စိတ်ထဲမှာ အော် အစိုးရက တရားရုံးတွေက တရားသဖြင့် စီမံ အုပ်ချုပ်နေတယ်၊ တရားမျှမျှတတ လုပ်တယ်၊ ငါတို့ လုပ်လို့မရဘူးလို့ တွေးကြမယ်၊ အဲဒီတော့ ဖြစ်သင့်တာက တရားရုံးက ကျွန်တော့် သဘောဆိုရင် ချက်ချင်း နှစ်ဖက်စလုံးစစ်၊ နှစ်ဖက်စလုံးတင်၊ နှစ်ဖက်စလုံး အမိန့်ချ၊ နှစ်ဖက်စလုံးကို သတင်းစာကနေ ကြေညာပေး အဲလိုမျိုး တကယ်လို့များ လုပ်ခဲ့မယ်ဆိုရင် ပြည်သူလူထု ဘက်က ဘယ်လိုမြင်သွားမလဲဆိုရင် ဟာ မတရားတာ ဘယ်သူမှ လုပ်လို့မရဘူး၊ မွတ်စလင်လည်း မတရားတာ မလုပ်နဲ့ တရားရုံးက ခွင့်မလွှတ်ဘူး၊ ဗုဒ္ဓဘာသာလည်း မတရားတာမလုပ်နဲ့ တရားရုံးက ခွင့်မလွှတ်ဘူး ဆိုတဲ့ အဓိပယ်ကို ဆောင်မယ်၊ ပြည်သူလူထုက အုပ်ချုပ်ရေဌါန၊၊ တရားရေး ဌါန အပေါ် သူတို့ အရမ်းလေးစားသွားမယ်၊ အခုကြတော့ အဲလိုမဖြစ်ပဲနဲ့ ခြုံပြီးပြောရရင် မိထ္တီလာတစ်မြို့လုံးမှာ ဗလီတွေ အကုန်လုံး ဖျက်ဆီးခံလိုက်ရတယ်၊ မွတ်စလင်အိမ် တစ်အိမ်ပျက်တာဟာ မိသားစု တစ်စု နစ်နာမယ်၊ မွတ်စလင်ရယ်၊ ဗုဒ္ဓဘာသာရယ် မခွဲနဲ့ အိမ်တစ်အိမ်ပျက်ရင် အိမ်ပိုင်ရှင် နစ်နာတယ် ဒီလောက်ပဲ တစ်ခြားသူ မနစ်နာဘူး၊ ဗလီတစ်လုံး မီးရှို့တယ်ဆိုတာ တော်တော်ကြီးကျယ်တယ်၊ ယုံကြည်ကိုးကွယ်သူ အားလုံးရဲ့အသည်းနှလုံးကို မီးရှို့တာပဲ၊ အိမ်တစ်လုံးကို မီးရှို့ရင် ပုဒ်မ ၄၃၆ ထောင်ဒဏ် တစ်သက် တစ်ကျွန်းချလို့ရတယ်၊ ဒါပေမယ့်လို့ ဗလီတစ်လုံး မီးရှို့ရင် မီးရှို့တာ တစ်ခုတည်း ပေမယ့် ၄၃၆ တစ်ခုတည်း မကတော့ဘူး၊  အမှုနှစ်ခု ဖြစ်သွားပြီ၊ အဆောက်အအုံကို ပျက်ဆီးစေတာ အပြင် လူတစ်စား ကိုးကွယ်တဲ့ ဘာသာ သာသနာကို ပျက်ဆီးရာ ပျက်ဆီးကြောင်း၊ ကိုးကွယ်သူရဲ့ စိတ်ထဲမှာ နားကြည်းသွားအောင် လုပ်တာဖြစ်တဲ့ အတွက် ပုဒ်မ ၂၉၅(က) ကို ထပ်ပြီးတော့ ကျူးလွန်တဲ့ သဘောဖြစ်သွားတယ်။

    အမှန်တော့ ဒီကိစ္စတွေဟာ သာမာန်ဟိုဘက်အိမ်နဲ့ ဒီဘက်အိမ် ဟိုဘက်ဆွေမျိုး ဒီဘက်ဆွေမျိုး ရန်ဖြစ်တာမျိုး မဟုတ်ဘဲနဲ့ ဘာသာရေးကို အခြေခံတဲ့ ကိစ္စဖြစ်တယ်၊ ကိုင်တွယ်ဖြေရှင်းတဲ့ အာဏာပိုင်တွေဟာ ပါးပါးနပ်နပ် လိလိမ္မာမ္မာ နဲ့ ကိုင်တွယ်ရမယ်၊ အခုလိုမျိုး တစ်ဖက်က အုပ်နဲ့ကျင်းနဲ့ အများကြီး ဆိုးတဲ့သူ၊ နောက် တစ်ဖက်က လူနည်းစုတွေ အများဆုံး ပျက်ဆီးတာက လူနည်းစုတွေ၊ အများဆုံး သေတာက လူနည်းစုတွေ အဲဒီ့ လူနည်းစုတွေရဲ့အကျိုးကို ကာကွယ်ပေးဖို့ လိုအပ်နေတဲ့ အခြေအနေမျိုးမှာ လူနည်းစုတွေကိုပဲ ပြစ်ဒဏ်ကြီးကြီးမားမား ပေးပြီးတော့ ပြစ်မှု ကျူးလွန်တဲ့ လူအများစုကိုတော့ အရေးယူထားပြီးပြီ ဘာပုဒ်မနဲ့ ဘယ်နှစ်ယောက် အရေးယူထားပြီးပြီ ဆိုတဲ့ဟာကိုတောင် ထုတ်ပြန်ကြေညာတာ မရှိသေးဘူး၊ ဒါဟာ တကယ့်ကို တည်ငြိမ်အေးချမ်းရေးဘက်ကို ဦးတည်စေတာမျိုး မဟုတ်ဘူး၊ ဒီလို လုပ်နေတဲ့ အတွက် ခုနက ပြစ်မှုကျူးလွန်သူတွေဟာ ငါတို့လုပ်လို့ရတယ်၊ သူတို့ တော့လုပ်လို့မရဘူး၊ ငါတို့ကတော့ လုပ်လို့ရတယ်ဆိုတဲ့ လွဲမှားတဲ့ အသိ သူတို့ခေါင်းထဲကို ၀င်သွားရင် သူတို့တွေဟာ ဆက်ပြီးတော့ ဒီပြစ်မှုတွေကို ကျူးလွန်ဖို့ ကြိုးစားနေအုန်းမှာပဲ၊ ဒါကြောင့်မို့လို့ နိဂုံးချုပ် အနေနဲ့ ကျွန်တော်ပြောချင်တာက တရားဥပဒေ စိုးမိုးမူ ရှိဖို့ အခုဖြစ်နေသည့် ကိစ္စတွေသည် ဗြုန်းခနဲ့ ဖြစ်တာ မဟုတ်ဘူး၊ လှုံဆော်မူတွေက ရှေ့ကသွားတယ်၊ ကောလဟာလတွေက ရှေ့က သွားတယ်၊ ပြီးတော့မှ နောက်ကနေ တကယ်လိုက်ပြီးတော့ တရည်တရွယ် အကွက်ကျကျ လုပ်နေတာ ဒါကြောင့် အာဏာပိုင်တွေဟာ ကြိုပြီးသိဖို့ အခွင့်အလမ်း ရှိပါတယ်၊ ဒါကြောင့်မို့လို့ ကြိုပြီးတော့ ကာကွယ်ဖို့ အခွင့်အရေးလည်း ရှိပါတယ်၊ ဒါကြောင့် သက်ဆိုင်ရာ အုပ်ချုပ်တဲ့ အာဏာပိုင်တွေဟာ သူတို့မှာ အင်းအာားရှိပါတယ်၊ အဲဒီ့ အင်အားကို သုံးပြီးတော့မှ ထိထိမိမိ ကာကွယ်ပေးမယ်ဆိုရင် တရားဥပဒေ စိုးမိုးရေး ရမှာပါ၊ တည်ငြိမ်အေးချမ်းမူ ရမှာပါ။

    နံပါတ်(၁) အကြောင်းကြောင်း ကြောင့် ကြိုတင်ကာကွယ်ဖို့ မဖြစ်နိုင်လို့ ဒီလို ထိခိုက်နစ်နာမူတွေ၊ ဆုံးရှုံးမူတွေ ဖြစ်ခဲ့ရပြီ ဆိုရင်လည်း ပြီးလျှင်ပြီးချင်း စောလျှင်စွာ တာဝန်ရှိ အာဏာပိုင်တွေက ပြစ်မှုကျူးလွန်သူတွေကို ဖမ်းဆီး ရေးယူ တရားစွဲ၊ ရုံးတင်ပြီးတော့ စစ်ဆေးပြီး ထိုက်သင့်တဲ့ ပြစ်ဒဏ်တွေပေးမယ်ဆိုရင် နောက်လူတွေ အနေနဲ့ နောက်ဒါမျိုးလုပ်ရဲမှာ မဟုတ်တော့ဘူး၊ အဲဒီလိုသာ လုပ်မယ်ဆိုရင်တော့ ဧကန်မုချ ဒီပြဿနာက အေးဆေးသွားပါလိမ့်မယ်၊ တရားဥပဒေ စိုးမိုးမူလည်း အလျှင်အမြန် ပြန်ပြီးတော့ ရလာပါလိမ့်မယ်လို့ ကျွန်တော့် အနေနဲ့ ပြောချင်ပါတယ်၊ အမှန်တော့ ဥပဒေတွေက အရေးယူမယ်ဆိုရင် အများကြီး ရှိတယ်၊ ရှိပြီးသား ဥပဒေတွေကိုပဲ သုံးပြီးတော့ ထိထိရောက်ရောက် အရေးယူမယ်ဆိုရင် အခုနက မေးတဲ့မေးခွန်းလို  တရားဥပဒေစိုးမိုးရေးက သေချာပေါက် ဖြစ်လာမှာပါ။

     တချို့ ပညာသိပ်နားမလည်တဲ့ သူတွေက လုပ်လို့ရတယ်လို့ကို ထင်နေတာ၊ ငါတို့ လုပ်တာ မှားရင် ငါတို့ လုပ်တာမဟုတ်ရင် ငါတို့ကို အရေးယူမှာပေါ့၊ ငါတို့ အခု ဒီလောက်လုပ်တာတောင် ငါတို့ကို မဖမ်းတာဟာ ငါတို့မှာ လုပ်ခွင့်ရှိလို့ပေါ့၊ အဲလို ထင်တယ်၊ အဲဒီ့ အထင်က သိပ်ကြောက်ဖို့ကောင်းတယ်၊ နောက်ဆို ပေါ်တင်ကို စလာတော့မယ်၊ ရန်ကို ရှာတော့မယ်၊ ကိုယ်ထိ လက်ရောက် ပိုပိုပြီးတော့ လုပ်လာတော့မယ် ဒါကြောင့် ဒါတွေ မဖြစ်ဖို့ လိုအပ်ချက်က လွယ်ပါတယ်၊ လုပ်ဖို့ပဲ လိုတာပါ၊ အဲဒါ ဘာလဲဆိုရင် အရေးယူဖို့ပါ၊ ကုလား၊ ဗမာ၊ တရုတ်၊ ဗုဒ္ဓဘာသာ၊ အစ္စလာမ်ဘာသာ၊ ဟိန္ဒူဘာသာ၊ ခရစ်ယာန်ဘာသာ မခွဲပါနဲ့ အပြစ်ရှိတဲ့သူ အပြစ်ပေးပါ၊ အစ္စလာမ်ဘာသာဝင်တွေကို အပြစ်ရှိတယ်ဆိုပြီး အရေးယူ သလို အပြစ်ပေးသလို အလားတူ ကျန်တဲ့ လူသတ်တဲ့ သူတွေ၊ ဗလီတွေ၊ အိမ်တွေ မီးရှို့တဲ့ သူတွေကိုလည်း တတန်းတစားတည်း အပြစ်ပေးပါ၊ အားလုံးကို ညီတူညီမျှ အပြစ်ပေးပါ အဲဒါ တရားဥပဒေ စိုးမိုးရေး လို့ ခေါ်ပါတယ် ” ဟု M-Media သို့ပြောကြားခဲ့သည်။

  • နိုင်ငံတစ်နိုင်ငံ၏ အဆင့်

    မေ-၄၊၂၀၁၃
    M-Media
    ရေးသူ —– အလိမ္မာရဲ့ချိန်ဘာ

    181893_124526394375257_537052271_n

    နိုင်ငံတကာအသိုင်းအဝိုင်းတွင် နိုင်ငံတိုင်းနိုင်ငံတိုင်း၏အဆင့်အတန်းကို ပေတံ တခုဖြင့်တိုင်းတာ၍ အခြေခံပြီးသတ်မှတ်ထားပါသည် ။ ထိုအရာမှာ အခြားမဟုတ်ပါ လူ့အခွင့်ရေးဆိုသော ပေတံကြီးဖြစ်ပါသည်။ လူ့အခွင့်ရေးကို မည်မျှလေးစားသည် မည်မျှကာကွယ်ပေးသည် မည်မျှဖော်ဆောင်ပေးသည် ဆိုသော အချက်များသည် နိုင်ငံတကာအသိုင်းအဝိုင်း အလယ်တွင် နိုင်ငံတနိုင်ငံ၏ အဆင့်အတန်းပင်ဖြစ်ပေသည်။ လူသားတိုင်း၏လူ့အခွင့်ရေး ကိုတန်ဖိုးထားမြတ်နိုးပြီး ကာကွယ်ပေးရမည်မှာ လူသားတိုင်း၏ တာဝန်ဖြစ်သလို ၊ နိုင်ငံ၏ အစိုးရများကလဲ လေးစား ကာကွယ်ပေးရမည်မှာ မလွဲမသေ ဖြစ်ပါသည်။ လူ့အခွင့်အရေးကို တန်ဖိုးထားလေးစားခြင်းသည် လူသားထုတရပ်လုံးကို ဂုဏ်ပေးလေးစားခြင်းမည်ပေသည်။ လူ့အခွင့်အရေးကို တန်ဖိုးထား လေးစားမှု မရှိခြင်းသည် လူသားထု တရပ်လုံး၏ ဂုဏ်သိက္ခာကို အသိမှတ်မပြုခြင်းပင်ဖြစ်ပေသည် ။လူ့အခွင့်ရေးကို တန်ဖိုးထားလေးစားမှု မရှိသည့်နိုင်ငံသည် နိုင်ငံတကာတွေ့ဆုံပွဲများတွင် အလွန်တရာ ဂုဏ်သိက္ခာ ကျဆင်းသည့်အသွင်ဖြင့် ဆက်ဆံခံရသည်မှာ ရှက်ဖွယ်လိလိပင်ဖြစ်ပါသည်။

    အပြည်ပြည်ဆိုင်ရာလူ့အခွင့်အရေး ကြေငြာစာတမ်း ၏
    အပိုဒ် ၁ တွင် ”လူတိုင်းလွတ်လပ်မှု့ ရှိပြီး တန်းတူညီမှု ရှိသည်”ဟု ဖော်ပြထားသည် ။
    အပိုဒ် ၂ တွင် ”အသားအရောင်၊ လိင် ၊ကိုးကွယ်သည့်ဘာသာ ၊ဘာသာစကား တို့ကြောင့် ခွဲခြားမှူ့မရှိစေရ။”ဟုဖော်ပြထားပါသည်။
    အပိုဒ် ၃ တွင်”လူတိုင်းတွင် အသက်ရှင်ခွင့် ၊လွတ်လပ်ခွင့်၊ လုံခြုံခွင့်ရှိသည်။”ဟုပြဌာန်းထားပါသည်။
    အပိုဒ် ၉ တွင် ”မည်သူကိုမှ မတရားဖမ်းဆီးခြင်း တိုင်းပြည်မှနှင်ထုတ်ခြင်း မပြုရ ”ဟုဖော်ပြထားပါသည်။
    အပိုဒ် ၁၀ တွင်”လူတိုင်း တရားမျှတ၍ လူအများကြားနာနိုင်သော တရားစီရင်မှု ကိုခံစားပိုင်ခွင့်ရှိသည်”ဟုဖော်ပြထားပါသည်။
    အပိုဒ် ၁၃ တွင်လဲ ”’လူတိုင်း မိမိတိုင်းပြည်အတွင်း လွတ်လပ်စွာ လှုပ်ရှားသွားလာခွင့်ရှိသည်။”ဟု သတ်မှတ်ထားပြန်သည်။

    ကျနော်တို့မြန်မာနိုင်ငံရဲ့ ၂၀၀၈ ဖွဲ့စည်းပုံအခြေခံဥပဒေမှာလည်း အထက်ပါအချက်များပေါ် အခြေခံထားသည့် အချက်လက်များစွာရှိပါသည် ။ ၂၀၀၈ ဖွဲ့စည်းပုံအခြေခံဥပဒေ အခန်း ၈ တွင်ဖော်ပြထားပါသည်။

    မြန်မာနိုင်ငံရဲ့ ပြစ်မှူ့ဆိုင်ရာဥပဒေ ပုဒ်မ ၁၅၃ (က) တွင် ”မည်သူမဆို နှုတ်ဖြင့်ဖြစ်စေ စာဖြင့်ဖြစ်စေ အမှတ်သားဖြင့်ဖြစ်စေ ထင်ရှားသော ပုံသဏ္ဌာန်ဖြင့်ဖြစ်စေ အခြားနည်းဖြင့်ဖြစ်စေ ပြည်ထောင်စုမြန်မာနိုင်ငံတွင် နေထိုင်သူ အမျိုးစားတခုနှင့်တခု ရန်ငြိုး စိတ်ထားစေရန်သော် လည်းကောင်း မုန်းတီး စိတ်ထားအောင်သော် လည်းကောင်း အားပေးအားမြှောက် ပြုလျှင် သို့တည်းမဟုတ် ထိုသို့အားပေးအားမြှောက် ပြုရန်အားထုတ်လျှင်ထိုသူကို (၂) နှစ်ထိထောင်ဒဏ် တမျိုးဖြစ်စေ ငွေဒဏ်ဖြစ်စေ ဒဏ်၂ ရပ်လုံးဖြစ်စေ ချမှတ်နိုင်သည်ဟု ပြဌာန်း ထားပါသည်။ ထိုပုဒ်မအတိုင်း မြန်မာနိုင်ငံတွင် အရေးယူမှု လည်းရှိခဲ့ဖူးပါသည် ။ [ ကြည့် —- ဦးဓမ္မပါလနှင့် အစိုးရ အတွဲ ဘားမားလောတိုင်း ၈၄ အမှုတွင်]

    မြန်မာနိုင်ငံအနှံ့အပြားတွင် ယခုအခါ အစ္စလာမ်ဘာသာဝင်များနှင့် ပက်သက်ပြီး မဟုတ်တမ်းတရားဝါဒဖြန့်နေသော သင်္ဃန်းအရေခြုံ များ က အစ္စလာမ်ဘာသာဝင်များနှင့် ဗုဒ္ဓဘာသာဝင်တို့အချင်းချင်း ရန်ငြိုးစိတ်ထားစေရန်သော် လည်းကောင်း မုန်းတီး စိတ်ထားအောင်သော် လည်းကောင်း အားပေးအားမြှောက် ပြုနေကြသည်ကို မြန်မာအစိုးရမှ သိသိကြီးနှင့် အရေးမယူခြင်းမှာ လူ့အခွင့်ရေးချိုးဖောက်မှူ့ပင်ဖြစ်ပါသည်။ ထို့အပြင် ပြည်သူများကလဲ ထို သင်္ဃန်းအရေခြုံ များအား ဝေဖန်ပြစ်တင်မှု မပြုလုပ်ကြခြင်းသည်လည်း အစိုးရ၏ အစ္စလာမ်ဘာသာဝင်များနှင့် ပတ်သက်ပြီး လူ့အခွင့်ရေးချိုးဖောက်မှု့ကို အားပေးအားမြှောက်ပြုနေခြင်းပင်ဖြစ်ပါသည်။ ထိုကဲ့သို့ လူ့အခွင့်ရေးချိုးဖောက်မှူ့ကို မြန်မာနိုင်ငံမှာ ဆက်ရှိနေသမျှ မြန်မာအစိုးရအနေဖြင့် နိုင်ငံတကာတွင် အဆင့်အတန်း နှိမ့်ကျနေမည်မှာ မလွဲဧကန်ပါ။ လူ့အခွင့်ရေး ချိုးဖောက်မှုကို မြန်မာနိုင်ငံမှာ ဆက်ရှိနေသမျှ မြန်မာ လူမျိုးများသည် နိုင်ငံတကာရဲ့ ကျွန်ဘဝမှ လွတ်မြှောက်မှု မရနိုင်သလို မြန်မာခေါင်းဆောင်များသည်လည်း နိုင်ငံတကာမှာ လှည်ပတ် လက်ဖြန့်မှုမှ လွတ်ကင်းနိုင်မည်မဟုတ်ပေ။

    မိမိနိုင်ငံ၏ အဆင့်တန်းကို နိုင်ငံတကာမှာ မြင့်မားစေချင်တယ်ဆိုရင် နိုင်ငံတော် အစိုးရနှင့် နိုင်ငံသားအားလုံးက လူ့အခွင့်ရေး ကိုတန်ဖိုးထားမြတ်နိုးပြီး ကာကွယ်ပေးရပေမည် ။ ထိုကဲ့သို့မဟုတ်ပါလျှင် ကျနော်တို့မြန်မာနိုင်ငံကြီး သည် မျောက်ပြဆန်တောင်း ဘဝဖြင့်သာရှိနေပြီး နိုင်ငံတကာအသိုင်းဝိုင်းတွင် ရိုသေလေးစားစွာဖြင့် ဆက်ဆံခံရမှူ့ကို မည်သို့မှမျှော်လင့်၍ ရနိုင်တော့မည်မဟုတ်ဘဲ ဗိုလ်ချုပ်အောင်ဆန်း ပြောသွားတဲ့ နိုင်ငံမျိုးဖြင့်သာ နိုင်ငံတကာမှာ ဆက်၍ပင် ရပ်တည်မြဲရပ်တည်ကာ ခရီးရှည်ကြီးကို ပျော်ပျော်ပါးပါးကြီး ချီတက်ကြပေပါတော့ ခင်ဗျား။