News @ M-Media

Tag: Law

  • မြန်မာ မွတ်စလင်မ် နှင့် နိုင်ငံသား အခွင့်အရေး

    မြန်မာ မွတ်စလင်မ် နှင့် နိုင်ငံသား အခွင့်အရေး

    ဧပြီ-၁၉-၂၀၁၃
    ဆောင်းပါးရှင်- ဇော်မင်းထွေး

    ဒီမိုကရေစီအကူးအပြောင်းကာလ မြန်မာပြည်၏ အပြောင်းအလဲများသည် မူလက လွန်စွါမှပင် ငြင်သာသည်ဟုထင်ရငြား လတ်တလော နိုင်ငံရေး ထွက်ပေါက်ရှာမှုများ နှင့် လူမျိုးရေး အဓိကရုဏ်းတို့က မြန်မာပြည်သည် စစ်မှန်သည့် အပြောင်းအလဲကို ဖော်ဆောင်နိုင်ပါ့မလား ဆိုသည်မှာ သံသယဖြစ်ဖွယ်ရှိလာသည်။ အပြောင်းအလဲဆိုသည်မှာ အတိတ်နှင့်လက်ရှိ အချိန်တို့တွင် ဖြစ်ပေါ်နေသောအနေအထားနှင့် စနစ်တို့ကို လက်မခံနိုင်သောကြောင့် ပိုကောင်းသည့် အနေအထား တစ်ရပ်ကို ဖန်တီးခြင်းဖြစ်သည်ဟု ကျွန်တော် ယုံကြည်သည်။ သို့လင့်ကစား လက်ရှိကျွန်တော်တို့ လူ့အသိုင်းအဝိုင်း၏ ပရမ်းပတာမျှော်လင့်ချက်နှင့် တလွဲအသုံးချလိုသည့် ကိုယ်ကျိုးရှာစိတ်ဓာတ်များအကြား ပေါက်ဖွားလာခါစ အပြောင်းအလဲမှာ မည်သို့ ဆိုးရွားစွာ ပုံသွင်းခံရမည်ကို မတွေးဝံစရာပင် ဖြစ်သည်။ မှန်ပါသည်။ စနစ်ဟောင်းအကြား အကျဉ်းချ ခံထားရသည့် ဦးနှောက်များနှင့် ကြီးပြင်းလာကြသော ကျွန်တော်တို့ သဘောထား မကြီးနိုင်ကြသေးသည်မှာ အတိုင်းအတာတစ်ခုအထိ လက်ခံနိုင်စရာသည်။ သို့ပေငြား ယခုလက်ရှိ ဖြစ်ပေါ်နေသော အနေအထားတို့ကို သုံးသပ်ချက်များအရ မြန်မာပြည်သူများသည် စစ်မှန်သည့်အပြောင်းအလဲကို အကယ်စင်စစ်လိုလားရဲ့လား ဟူသည့် အချက်မှာမေးခွန်းထုတ်စရာပင်ဖြစ်သည်။

    တိုင်းပြည်တည်ဆောက်ရေးတွင် အမျိုးသားစည်းလုံး ညီညွတ်ရေးနှင့် ရင်ကြားစေ့ရေး၊ ဖွံ့ဖြိုးတိုးတက်ရေးအတွက် အလွန်အရေးပါသော “Social Capital” ဟူသည့် လူမှုအရင်းကို အသုံးချရေးအတွက် လူတိုင်းပူးပေါင်း ဆောင်ရွက်ရေးတို့မှာ နိုင်ငံ စည်ပင်ဖွံ့ဖြိုးရေးအတွက် အသက်သွေးကြောများ သဖွယ်ဖြစ်သည်။ သို့ပေငြား အမျိုးသား စည်းလုံးညီညွတ်ရေးကို မျက်ကွယ်ပြုလိုသော မျိုးချစ်အမည်ခံ အဖျက်သမားများနှင့် အမျိုးသားရေး ခေါင်းစဉ်အောက်တွင် လူမျိုးရေးမုန်းတီးမှုကို အသက်သွင်းနေကြသော နောက်ပြန်ဆွဲ ဝါဒီတို့အကြား မြန်မာပြည်ဖွံ့ဖြိုး တိုးတက်ရေးမှာ ဝိုးတဝါးနှင့် အချိန်မရွေးပျောက်ပျက်သွားနိုင်သော အနေအထားတွင်ရှိနေသည်။

    ယခုလတ်တလော အွန်လိုင်းမီဒီယာများနှင့် လူမှုရေးဝက်ဘ်ဆိုဒ်များတွင် တွေ့နေရသော ပို့စ်အများစု၊ ကွန်းမန့်များနှင့် လုပ်ကြံဓာတ်ပုံအချို့တို့သည် လူမျိုးရေးမုန်းတီးမှုကို အရှိန်အဟုန်ပြင်းပြင်းဖြင့် ဖန်တီးနေကြလျက်ရှိပြီး ကနဦးတွင် ရိုဟင်ဂျာဆန့်ကျင်ရေးအသွင်ဖြင့် ပေါ်ပေါက်လာခဲ့ပြီး နောက်ပိုင်းတွင် အစ္စလာမ် ဆန့်ကျင်ရေးကို ပြောင်ပြောင်တင်းတင်း လုပ်ဆောင်လာကြကာ မြန်မာပြည်တွင်းရှိ လူနည်းစုမွတ်စလင်မ်များအား တိုက်ဖျက်ရေး ဟူသည့် ခေါင်းစဉ်သို့ အသွင်ပြောင်းသွားကြသည်။

    ထိုအချက်ကထူးပြီး မဆန်းလှ။ အသိဥာဏ်အမှောင်တိုက်ထဲ ပိတ်မိနေသော လူတစ်စု၏ လုပ်ရိုးလုပ်စဉ်မျှသာ ဖြစ်ပြီး၊ ယခင်ကလည်းရှိခဲ့သည်၊ ယခုလည်းလုပ်နေသည်၊နောင်လည်းဆက်လက် ရှိသွားမည်ဖြစ်သည်။ သို့သော် ကျွန်တော့်အတွက် ထူးဆန်းနေသည်ကား နိုင်ငံကိုချစ်လှပါသည် ဆိုသော နိုင်ငံရေးသမား ကြီးများက ရေငုံနှုတ်ပိတ် နေကြသည်။ နောက်ကိုပြန်မလှည့်ပါဆိုသော ပုဂ္ဂိုလ်များက မျက်ကွယ် ပြုထားကြသည်။ ပွင့်လင်းလာပါသည်ဆိုသော မီဒီယာက သတင်းထိန်ချန်ထားကြသည်။ ထို့ထက်ပိုပြီး ဆိုးသည်က တိုင်းပြည်ဖွံ့ဖြိုးတိုးတက်ရေးတွင် ယက်မသဖွယ် ပဲ့ကိုင်ထိန်းသိမ်းပေးရန်တာဝန်ရှိသော လူမှုဖွံ့ဖြိုးရေးအဖွဲ့အစည်း(NGO) များနှင့် အဆိုပါ NGO တို့၏ တာဝန်ရှိသည့်သူများကပါ ဝိုင်းဝန်းမြောက်ထိုးပင့်ကော် လုပ်ကြလေပြန်သည်။ အဆိုးရွားဆုံးအနေဖြင့်မူကား အတိုက်အခံ နိုင်ငံရေးပါတီတို့၏ ခေါင်းဆောင်ပိုင်းတစ်ချို့နှင့် ပါတီဝင် အများစုကပါ မွတ်စလင်မ် ဆန့်ကျင်ရေးကို ပေါ်ပေါ်တင်တင် ထောက်ခံအားပေးပြီး ကိုယ်ထိလက်ရောက် ပါဝင်ပတ်သတ် ကြလေသောအခါ … တိုင်းပြည်၏ အနာဂတ်အတွက် ကျွန်တော်လွန်စွာမှပင် တုန်လှုပ် ခြောက်ခြားမိပါသည်။

    ထိုမျှသာမကသေးအတန်ငယ် သဘောထားပျော့ပြောင်းသူများက အကြမ်းဖက်မှု ကို လက်မခံပေငြား ၎င်းတို့၏ နှုတ်ထွက် စကားတို့တွင် မြန်မာ မွတ်စလင်မ်များသည် ဧည့်သည်များ ဖြစ်သောကြောင့် အိမ်ရှင်ဖြစ်သူ ဗုဒ္ဓဘာသာဝင်များနှင့် သင့်မြတ်အောင် နေထိုင်ရမည်ဟူသော သြ၀ါဒများခြွေလာကြသော အခါ လွန်စွာမှပင် ခံပြင်းမိသည်။ ထိုစကားလုံးသည် အပေါ်ယံအားဖြင့် လူတစ်ချို့အတွက် နားထောင်ကောင်းပေငြား လူ့အခွင့်အရေးနှင့်နိုင်ငံသား အခွင့်အရေးကို ပြောင်ပြောင်တင်းတင်း လျစ်လျူရှု ချိုးဖေါက်ခြင်း(တနည်း) အနုနည်းဖြင့် အကြမ်းဖက်ခြင်းသာ ဖြစ်သည်။ ယခု ဆယ်စုနှစ်တွင်း ခိုးဝင်လာပါသည်ဟု စွပ်စွဲခံထားရသော သူများအား ထားရှိသော မြန်မာပြည်သူတို့၏ သဘောထားအပေါ်ကျွန်တော်မှတ်ချက်မပေးလိုပါ။ သို့ပေငြား ယခင့်ယခင်က ဖွဲ့စည်းပုံ အခြေခံဥပဒေများ အရရော ယခုလက်ရှိ 2008 ခုနှစ်ဖွဲ့စည်းပုံ အခြေခံဥပဒေအရပါ၊ နိုင်ငံသား ဖြစ်ပြီးသူ မြန်မာမွတ်စလင်မ်များအပေါ် ဧည့်သည်ဟူ၍ သတ်မှတ်ဆက်ဆံ နေခြင်းအား ပြင်းပြင်းထန်ထန် ဆန့်ကျင်ကန့်ကွက်ပါသည်။ ယခုဆောင်းပါးတွင် ကျွန်တော်သည် နိုင်ငံသားဖြစ်မှုအား သတ်မှတ်ခြင်း၊ နိုင်ငံသားဟူသည့် အနက်အဓိပ္ပါယ် ဖွင့်ဆိုချက်များနှင့် နိုင်ငံသား အခွင့်အရေးနှင့် ဆက်ဆိုင်သော မြန်မာပြည်၏ ဥပဒေပြဌာန်းချက်များအား ဆွေးနွေးမည် ဖြစ်ပါသည်။

    ရှေးဦးစွာဆွေးနွေးလိုသည်မှာ ကုလသမဂ္ဂ အပါအ၀င် ကမ္ဘာ့နိုင်ငံအသီးသီးတို့က သဘောတူညီသတ်မှတ်မှုပြုပြီးသော နိုင်ငံသားဖြစ်ခွင့်ဆိုင်ရာ အဓိပ္ပာယ်သတ်မှတ်ချက်များကို တင်ပြဆွေးနွေးလိုပါသည်။ နိုင်ငံသား ဖြစ်ပြီးသော ပြည်သူတို့အပေါ် မည်သည့်အုပ်ချုပ်သူအစိုးရကမျှ ဧည့်သည်ဟူ၍ သတ်မှတ်လို့မရပါ။ ရှေးဦးစွာ အခြေချမှုနှင့် ကာလရှည်ကြာအတည်တကျ နေထိုင်မှုတို့အပေါ် မူတည်၍ သတ်မှတ်ချက်များ ကွဲပြားနိုင်သော်လည်း ဥပဒေ၏ရှေ့မှောက်တွင် မည်သည့် နိုင်ငံသားမဆို ရပိုင်ခွင့်မှာ ထပ်တူကျသည်သာဖြစ်၏။

    သို့ဖြစ်ပေရာ အောက်တွင်ဖေါ်ပြမည်ဖြစ်သော နိုင်ငံသားဖြစ်မှုအပေါ်တွင် ကွဲပြားသောသတ်မှတ်ချက်များကို ဆွေးနွေးသွားမည်ဖြစ်သည်။

    Ethnicity (လူမျိုးစု ဖြစ်ခြင်း)

    လူမျိုးစုဖြစ်ခြင်းသည် အစုအဖွဲ့အပေါ်အခြေခံသည်။ ယေဘုယျအားဖြင့် တူညီသော မျိုးဗီဇနှင့် ၀ိသေသလက္ခဏာများ (ဥပမာ – ဘာသာစကားတူခြင်း၊ သမိုင်းအမွေအနှစ် တူညီခြင်း၊ ယဉ်ကျေးမှုတူညီခြင်း) စသည်တို့ဖြစ်ကြသည်။ အများအားဖြင့်လူမျိုးစု ဖြစ်ခြင်းသည် ပထ၀ီအနေအထားအရ နေရာဒေသ တစ်ခုတည်းတွင် အတူတကွ ယှဉ်တွဲနေထိုင်ခြင်း၊တူညီသော စားသောက်နေထိုင်မှု ပုံစံရှိခြင်း၊ ကိုးကွယ်ရာ အယူအဆတူညီခြင်းတို့သည် လူမျိုးစုဟုခေါ်တွင် သတ်မှတ်ရာ၌ အရေးပါလှသည်။

    Race (လူမျိုးနွယ်ဆက်)

    လူမျိုးနွယ်ဆက်ဟူသည် Ethnicity (လူမျိုးစု) နှင့် ဆင်တူပေငြား လူပုဂ္ဂိုလ်တစ်ဦးတစ်ယောက်၏ အသွင်သဏ္ဍာန်၊ အသားအရောင်၊စသည်တို့နှင့် ပိုမိုပတ်သက် ဆက်စပ်သည်။ လူမျိုးနွယ်ဆက်ဟူသည် ဇီဝသဘောတရားအရ သတ်မှတ်ထားမှုဖြစ်ပြီး ဆင်းသက်ရာ မျိုးဗီဇတူညီခြင်း (ဥပမာ – ဆံပင်အရောင်၊ မျက်လုံးအရောင်၊ အရိုးအဆစ် တည်ဆောက်မှု၊မေးရိုး အသွင်သဏ္ဍာန်) အစရှိသည့် တူညီမှုများအပေါ်တွင် အခြေခံ၍ သတ်မှတ်ခြင်းဖြစ်သည်။

    Nationality (အမျိုးသား/နိုင်ငံသားဖြစ်မှု)

    (အမျိုးသား/နိုင်ငံသားဖြစ်မှု) သတ်မှတ်ရာတွင် အဓိကအားဖြင့် လူပုဂ္ဂိုလ်၏ မွေးဖွားရာ နိုင်ငံပေါ် အခြေခံခြင်း (သို့) Citizen နိုင်ငံသား သတ်မှတ်ချက် နှင့် ဘောင်ဝင်မှုတို့အပေါ် မူတည်သည်။ သို့သော် ရံဖန်ရံခါတွင် နိုင်ငံသား ဖြစ်မှုကို ထိုပုဂ္ဂိုလ်၏ လက်ရှိ အခြေတကျ နေထိုင်ရာဒေသ (သို့) အမျိုးသားရေး လက္ခဏာများ ထပ်တူကျခြင်း စသည်အားဖြင့်လည်း သတ်မှတ်လေ့ရှိသည်။ ဥပမာ လူတစ်ဦးသည် နိုင်ငံ A တွင်မွေးဖွားခဲ့ငြား နိုင်ငံ B သို့ ထာဝရ ရွှေ့ပြောင်း နေထိုင်မည်ဆိုပါက ယင်းပုဂ္ဂိုလ်အားနိုင်ငံ B အနေဖြင့် သတ်မှတ်ချက်များနှင့် ကိုက်ညီပါက နိုင်ငံသားဖြစ်မှုကို ခွင့်ပြုပေးရမည်ဖြစ်သည်။ နိုင်ငံသားဖြစ်မှု သတ်မှတ်ရာတွင် အရေးပါသော အခြားအချက်တစ်ချက်မှာ အချို့မျိုးနွယ်စုများသည်ပြည်နယ် အတည်တကျ သတ်မှတ် ထားပေးမှု မရှိငြား (သို့) နိုင်ငံတကာက အသိအမှတ်ပြုမှု နည်းပါးငြား ယင်းမျိုးနွယ်စုများ အနေဖြင့် နိုင်ငံသားဖြစ်မှုတွင် ရပိုင်ခွင့် အပြည့်အ၀ရှိသည် ဟူ၍ သတ်မှတ်ထားသည်။ (ဥပမာ – ပါလက်စတိုင်းများ၊ ကာ့ဒ်လူမျိုးများနှင့် တမီလ်လူမျိုးများ)

    Citizen(နိုင်ငံသားဖြစ်ခြင်း)

    နိုင်ငံသား ဖြစ်ခြင်းသည် သတ်မှတ် နိုင်ငံတစ်ခုတွင် မွေးဖွားခြင်း (သို့) အခြားနိုင်ငံတစ်ခုသို့ ရောက်ရှိစဉ်မွေးဖွါးမှုပြုခြင်း (သို့) အခြားနိုင်ငံသား/သူ တစ်ဦးနှင့် လက်ထက်မှု ပြုခြင်း (သို့)စရိုက်လက္ခဏာနှင့် ၀ိသေသ တူညီခြင်းတို့ အပေါ်မှုတည်၍ အသိအမှတ်ပြုခြင်း စသည်အားဖြင့် ပုံစံအမျိုးမျိုးနှင့်သတ်မှတ် လက်ခံထားကြသည်။ နိုင်ငံသား ဖြစ်ခြင်း သတ်မှတ်ချက်များနှင့် ကိုက်ညီပါက အဆိုပါပုဂိုလ်သည် တင်းပြည့် နိုင်ငံသား ဖြစ်၍ နိုင်ငံသား အခွင့်အရေး အပြည့်အ၀ရရှိရမည်ဖြစ်သည်။ (ဥပမာ မဲပေးခွင့်၊ ရွေးကောက်ပွဲဝင်ခွင့်)

    သို့ဖြစ်ပေရာမည်သည့် လူမျိုးစု၊ မျိုးနွယ်ဆက်၊ တိုင်းရင်းသားတို့မှ ဆင်းသက်လာသည်ဖြစ်စေ၊ သို့တည်းမဟုတ် ကာလရှည်ကြာရွှေ့ပြောင်းနေထိုင်မှု မှနိုင်ငံသားဖြစ်ခွင့်နှင့် ကိုက်ညီမှုရှိသောကြောင့် နိုင်ငံသားဖြစ်လာသည်ဖြစ်စေ မည်သည့်နိုင်ငံသားမဆို အဆိုပါတိုင်းပြည်အပေါ် သစ္စာစောင့်သိမှု ပြုရမည် ဖြစ်ပြီး အပြန်အလှန်အားဖြင့်လည်း နိုင်ငံတော်မှ နိုင်ငံသားအခွင့်အရေးအပြည့်အ၀ ပေးရန်လိုအပ်သည်။

    ဆက်လက်၍ မြန်မာပြည်၏ ယခင့်ယခင် ဖွဲ့စည်းပုံ အခြေခံဥပဒေများအရသော်လည်းကောင်း၊ တည်ဆဲဥပဒေများအရသော် လည်းကောင်း၊ နိုင်ငံသားဖြစ်ခွင့်နှင့် နိုင်ငံသားတို့၏ အခွင့်အရေးသတ်မှတ်ချက်များကို ဆက်လက်ဆွေးနွေးသွားပါမည်။ လက်ရှိဖွဲ့စည်းပုံ အခြေခံ ဥပဒေအရ နိုင်ငံသားဖြစ်ခွင့်ဟူသည်ကို –

    – Personborn of parents both of whom are nationals of the Republic of the Union of Myanmar
    (က)  ပြည်ထောင်စုသမ္မတ မြန်မာနိုင်ငံတော်၏ တိုင်းရင်းသား မိဘနှစ်ပါးမှမွေးဖွားသူ

    – Personwho is already a citizen according to law on the day this Constitution comesinto operation.(ခ) ဖွဲ့စည်းပုံ အခြေခံဥပဒေ အတည်ပြုပြဌာန်းသည့် နေ့တွင် ဥပဒေအရ နိုင်ငံသားဖြစ်ပြီးသူ

    –  Sect: 345, 2008 constitution
    အဆိုပါအတိုင်းဖွင့်ဆိုထားသည်ကိုတွေ့ရသည်။ သို့ဖြစ်သောကြောင့်၊ လူတစ်ဦးအနေဖြင့် ၄င်းကိုယ်တိုင်ကော၊ ၄င်း၏မိဘနှစ်ပါးကပါ မြန်မာပြည်တွင် မွေးဖွါးသည်ဆိုပါက၊ မြန်မာနိုင်ငံသားဖြစ်ခွင့်ကို အလိုအလျောက်ရရှိပြီး ဖြစ်သည်။ ၄င်းအပြင် အခြေခံဥပဒေကြီးက နိုင်ငံသားတို့၏ အခွင့်အရေးနှင့်ပတ်သက်၍ပြဆိုရာတွင်

    – Equalrights before the law  and  legal protection
    နိုင်ငံတော်သည်မည်သူ့ကိုမဆို ဥပဒေအရာတွင်တန်းတူညီမျှ အခွင့်အရေး ရရှိစေရမည်။ ထို့ပြင် ဥပဒေ၏ အကာအကွယ်ကိုလည်း တန်းတူညီမျှစွာရယူပိုင်ခွင့်ပေးရမည်။

    –  Non-discrimination based on race,birth, religion, official position, status, culture, sex andwealth
    နိုင်ငံတော်သည် ပြည်ထောင်စုသမ္မတမြန်မာနိုင်ငံတော်၏ မည်သည့်နိုင်ငံသားကိုမျှ လူမျိုး၊ ဇာတိ၊ ကိုးကွယ်ရာဘာသာ၊ရာထူးဌာနန္တရ၊ အဆင့်အတန်း၊ ယဉ်ကျေးမှု၊ အမျိုးသား၊ အမျိုးသမီး၊ ဆင်းရဲချမ်းသာတို့ကိုအကြောင်းပြု၍ ခွဲခြားမှု မရှိစေရ။ ယင်းအပြင် တန်းတူအခွင့်အရေး အနေဖြင့် –

    –  Equalopportunity
    (a) Publicemployment
    (b) Occupation
    (c) Trade
    (d) Business
    (e) Technical know-how and vocation
    (f) Exploration of art, science and technology.

    sect:347, sect:348, Sect:349
    ဖေါ်ပြပါမူရင်းအတိုင်း တရားဥပဒေရှေ့မှောက်တွင် လူတိုင်းအခွင့်အရေး တန်းတူရှိရမည်ဟူ၍ လည်းကောင်း၊ မျိုးနွယ်၊ ကိုးကွယ်ယုံကြည်မှု၊ရာထူးရာခံ၊ ယဉ်ကျေးမှု၊ ဥစ္စာဓန၊ လိင်သဘာဝ စသည်အားတို့ဖြင့် ခွဲခြားဆက်ဆံမှုမပြုရ ဟူ၍လည်းကောင်း ဖေါ်ပြပါရှိပြီးဖြစ်သည်။ ဖွဲ့စည်းပုံ အခြေခံ ဥပဒေ၏ မည်သည့်နေရာတွင်မျှ မည်သည့်နိုင်ငံသားတို့ကအိမ်ရှင်ဖြစ်၍ မည်သို့သော နိုင်ငံသားတို့က ဧည့်သည် ဖြစ်သည်ဟူ၍ ဖွင့်ဆိုထားခြင်းအလျဉ်းမရှိငြား၊ လူပုဂိုလ် အချို့တို့၏ အိမ်ရှင်၊ဧည့်သည်ဟူသည့် အယူအဆကိုတွင်တွင်ပြောဆိုနေခြင်းမှာ လွန်စွာမှပင် ရယ်ဖွယ်ကောင်းလှသည်။

    အထက်ဖေါ်ပြပါအချက်များကို ထောက်ရှုခြင်းအားဖြင့် တရားဥပဒေစိုးမိုးရေး၊ ဒီမိုကရေစီနှင့် တိုင်းပြည်တည်ဆောက်ရေးကိုအမှန်တကယ် လိုလားသည် ဆိုပါက လူတစ်ဦးခြင်းစီ၏ ဖြစ်တည်မှု၊ နိုင်ငံသားတို့၏ ရပိုင်ခွင့်နှင့် ၄င်းတို့၏ တန်ဖိုးတို့ကို လက်ခံလေးစားပေးမှု ပြုရမည်ဖြစ်ပြီး ၄င်းတို့၏ အသက်ရှင်သန် ရပ်တည်မှုနှင့် ဂုဏ်သိက္ခာရှိမှု တို့ကိုအသက်နှင့်လဲ၍ ကာကွယ်စောင့်ရှောက်ပေးမှု ပြုရမည်ဖြစ်သည်။

    ထို့အပြင် နိုင်ငံသားတို့၏ နောက်ဆက်တွဲအခွင့်အရေးများ အဖြစ်အခြေခံဥပဒေမှ ပြဌာန်းထားသေးသည်တို့မှာ –

    –  TheRight to life, dignity and personal freedom  (sect:44,353, 354, 355)
    –  Freedomof opinion and expression
    –  Peacefulassembly
    –  Freedomof association and organization
    –  Theright to language, culture ,  literature, education and health ( sect:22,28,366)
    –  Forcelabor, enslaving and anti-trafficking in person are prohibited. (sect:358, 359)
    –  Religiousfreedom ( sect:34)

    စသည်ဖြင့်အသက်ရှင်ခွင့်၊ ဂုဏ်သိက္ခာရှိရှိ ရပ်တည်ခွင့်၊ လွပ်လပ်စွာနေထိုင်ခွင့်၊ လွပ်လပ်စွာဖေါ်ပြ ပြောဆိုခွင့်၊ ငြိမ်းချမ်းစွာစုဝေးခွင့်၊ အကျိုးပြု အသင်းအဖွဲ့များ ဖွဲ့စည်းခွင့်၊ ဘာသာစကား၊ ယဉ်ကျေးမှု၊ စာပေ၊ ပညာရေး ကျန်းမာရေးတို့တွင် တန်းတူညီမျှရပိုင်ခွင့်နှင့် စောင့်ထိန်းခွင့်၊ အတင်းအကျပ် အလုပ်စေခိုင်းခြင်း နှိပ်စက်ကလူပြုခြင်းတို့မှ အကာအကွယ်ရရှိခွင့်၊ လွပ်လပ်စွာ ကိုးကွယ်ခွင့် တို့ကိုသတ်မှတ် ပြဌာန်းပေးထားပြီး ဖြစ်ပေရာ၊ မြန်မာပြည်တွင် ပေါက်ဖွါးသော မိဘကမွေးဖွါးသည့်၊မြန်မာပြည်သား ကျွန်တော်တို့ မြန်မာမွတ်စလင်မ် အားလုံး၏ ရပိုင်ခွင့်တို့နှင့် အကျုံးဝင်နေသည်မှာ အထင်အရှားပင်ဖြစ်သည်။

    ယင်းအပြင်အရေးအကြီးဆုံး အချက်အနေဖြင့် အပိုဒ် ၃၆၄ တွင် ပြဌာန်းထားသည်မှာ “နိုင်ငံရေးကိစ္စအလုိ့ငှာ ဘာသာသာသနာကို အလွဲသုံးစားမပြုရ။ ထို့ပြင် လူမျိုးရေးကြောင့်သော် လည်းကောင်း၊ ဘာသာရေးကြောင့်သော်လည်းကောင်း တစ်ဖက်နှင့်တစ်ဖက်၊ တစ်ဂိုဏ်းနှင့်တစ်ဂိုဏ်း မုန်းတီးခြင်း၊ ရန်မူခြင်း၊ စိတ်ဝမ်းကွဲခြင်း တစ်မျိုးမျိုးပေါ်ပေါက်လာစေရန် ရည်ရွယ်သော သို့မဟုတ် ပေါ်ပေါက်လာစေရန် အကြောင်းရှိသော အပြုအမူသည် “ဖွဲ့စည်းပုံ အခြေခံဥပဒေနှင့် ဆန့်ကျင်သည်။ ထိုအပြုအမူမျိုး အတွက်ပြစ်ဒဏ်ပေးနိုင်ရန် ဥပဒေ ပြဌာန်းနိုင်သည်။” ဟူ၍ အတိအလင်း ဖေါ်ပြထားသည်။

    ထို့အတွက်ကြောင့် လူမျိုးရေးမုန်းတီးမှုကို အသက်သွင်းသူများ၊ ဘာသာရေး အမြင်ကျဉ်းမြောင်းသူများ၊ ဘာသာရေးအကြောင်းပြ အမုန်းတရား သွတ်သွင်းသူများသည်မည်သည့်လူမျိုး၊ မည်သည့်ဘာသာဝင်၊ မည်သို့သော ပုဂ္ဂိုလ်ဖြစ်နေသည် ဖြစ်စေ၊ ဥပဒေကို ချိုးဖေါက်သူများဖြစ်ကြသည်။ လူ့အခွင့်အရေးကို မျက်ကွယ်ပြု ချိုးဖောက်သူများ ဖြစ်ကြသည်။ ယင်းအပြင် ထိုကဲ့သို့ အပြုအမူမျိုးကို မြင်တွေ့ကြားသိရပါလျက် မျက်ကွယ်ပြုနေသူများ၊ နှုတ်ဆိတ်နေကြသူများ၊ အားပေးအားမြောက်ပြုနေကြသူများသည်လည်း တိုင်းပြည်အား အဖျက်အမှောင့်လမ်းကြောင်းသို့ ပို့ဆောင်ပေးနေသောတရားခံများ ဖြစ်မှန်းမသိ ဖြစ်နေကြသည်ကို သတိပြုသင့်သည်။

    အချုပ်အားဖြင့် ဆိုရသော် ယနေ့လက်ရှိ မြန်မာနိုင်ငံတွင် လူ့အခွင့်အရေးချိုးဖောက်ခံနေရသူများမှာ မြန်မာမွတ်စလင်မ် တစ်မျိုးတည်းသာမဟုတ်။ ကျန်တိုင်းရင်းသား လူမျိုးစုများ အပါအ၀င် ဗုဒ္ဓဘာသာဝင် ဗမာလူမျိုးများသည်လည်း ဆိုးဆိုးရွားရွားလူ့အခွင့်အရေး ချိုးဖေါက်ခံနေရသည်သာ ဖြစ်သည်။ သို့ပေငြား လူ့အခွင့်အရေးအတွက်၊ ဒီမိုကရေစီရေးအတွက် တိုက်ပွဲဝင်ရာတွင် မိမိလူမျိုးတစ်မျိုးတည်း အခွင့်အရေးရပြီးရော၊ တစ်ခြားလူမျိုးများက ဆက်လက်ပြီး အခွင့်အရေးများ မရပါစေနှင့် ဟူသည့် စိတ်ဓာတ်မျိုးက လူပီသသော စိတ်ထားမျိုးမဟုတ်ချေ။ ထို့ပြင် မြန်မာမွတ်ဆလင်မ် များအနေနှင့်လည်း မိမိတို့အရေးကိုသာလျှင် ကွက်ကွက်လေး မတွေးပဲနိုင်ငံသားပီသသော စိတ်ဓာတ်ဖြင့် တိုင်းပြည်၏ အရေးကိစ္စ အားလုံးတို့တွင် အနစ်နာခံ အပင်ပန်းခံဆောင်ရွက်ခြင်းဖြင့် မြန်မာပြည်သားအားလုံး၏ ကောင်းကျိုးကို ဖေါ်ဆောင်ရာတွင် တာဝန်ယူစိတ်များပြသရန်လိုအပ်သည်။ ကျန်တိုင်းရင်းသား ပြည်သူများအားလုံးအနေဖြင့် လည်း မိမိတို့အရေးကိုသာရှေ့တန်းတင် ဆောင်ရွက်ခြင်းမပြုပဲ တစ်တိုင်းပြည်လုံးအရေးကို ပြည်ထောင်စုသား စစ်စစ်စိတ်ဓာတ်မျိုးဖြင့် ဖန်တီးပုံဖေါ်သွားရမည်ဖြစ်သည်။ ပြိုင်တူတွန်းမှ ရွေ့နိုင်မည့် အပြုသဘောဆောင်သည့်အပြောင်းအလဲ များကိုမြင်တွေ့လိုပါက ကျွန်တော်တို့ သဘောထားကြီးရန်၊ စည်းလုံးညီညွတ်ရန်လိုအပ်သည်။သို့မဟုတ်ပါက မည်သည့် ပြုပြင်ပြောင်းလဲမှုမျိုးကို ဖေါ်ဆောင်သည်ဖြစ်ပါစေ သမင်မွေးရင်းကျားစားရင်း အဖြစ်မျိုးဖြင့် အဟောသိကံ ဖြစ်နေဦးမည်မှာ မုချမလွဲပင်ဖြစ်သည်။

    ========================

  • မန္တလေးတိုင်း ဝန်ကြီးချူပ်၏ ပြောဆို ဆောင်ရွက်မှုကို ဝါရင့် ရှေ့နေကြီး ဦးသန်းတင်ရဲ့ အမြင်

    မန္တလေးတိုင်း ဝန်ကြီးချူပ်၏ ပြောဆို ဆောင်ရွက်မှုကို ဝါရင့် ရှေ့နေကြီး ဦးသန်းတင်ရဲ့ အမြင်

    ဧပြီလ ၁၉၊၂၀၁၃
    M-Media
    ဆက်သွယ်မေးမြန်းသူ – ဆူးထက်

    မန္တလေးတိုင်း ဝန်ကြီးချူပ်၏ အစ္စလာမ်ဘာသာရေး ခေါင်းဆောင်များအား ကျိန်းမောင်း ပြောဆိုမှု့အပေါ် ဝါရင့် ရှေ့နေကြီး ဦးသန်းတင်ရဲ့ ပြောကြားချက်

    မန္တလေးတိုင်းဒေသကြီး ၀န်ကြီးချုပ် ဦးရဲမြင့်မှ မန္တလေးမြို့မှ အစ္စလာမ် ဘာသာရေးအဖွဲ့ ခေါင်းဆောင်များကို ၂၀၁၃ ခုနှစ်၊ ဧပြီ ၁၂ ရက်တွင်  တွေ့ဆုံစဉ် တဖက်သတ်ကျိန်းမောင်း ပြစ်တင်ပြောဆို မှုနှင့် ပတ်သက်ပြီး ဝါရင့် ရှေ့နေကြီး ဦးသန်းတင်၏ အမြင်ကို သိလိုသဖြင့် M-Media မှ သွားရောက်တွေ့ဆုံ မေးမြန်းခဲ့ပါသည်။
    ထိုသို့ တွေ့ဆုံရာတွင် ရှေ့နေ့ကြီး ဦးသန်းတင်မှ……

    ” မန္တလေးတိုင်း ၀န်ကြီးချုပ် တစ်ယောက် အနေနဲ့ ဘာသာပေါင်းစုံ ချစ်ကြည်ရေးအတွက် ရန်ကုန်ကနေ သွားတဲ့ သူတွေကိုရော၊ မန်းလေးက ဘာသာရေး ခေါင်းဆောင်တွေကိုပါ ရင်ဘတ်ကို ဖနောင့်နဲ့ ဆောင့်ကန်လိုက် သလို ကျိန်းဝါးသလို ကျိန်းဝါ၊ ချိန်းခြောက် သလို ချိန်းခြောက်တဲ့ သဘောမျိုး ဖြစ်နေတယ်။

    အဲဒီ ၀န်ကြီးချုပ် ခေါ်လို့ သွားတဲ့ သူတွေက အညတရတွေ မဟုတ်ပါဘူး၊ သက်ဆိုင်ရာ အဖွဲ့အစည်း အသီးသီးရဲ့ တာဝန်ရှိသူတွေ၊ စေတနာ့ ၀န်ထမ်း အဖြစ် ဆောင်ရွက်နေတဲ့သူတွေကို ဒီလို စော်ကားတာဟာ လူသတ်ဝါဒကို အားပေးတဲ့ သဘောဖြစ်သွားတယ်၊ ဒါဟာ အပြည်ပြည်ဆိုင်ရာ ဥပဒေကို ဆန့်ကျင်ရာ ရောက်တယ်၊ ဒုက္ခသည်တွေ အားလုံးကို လုံခြုံမူ အပြည့်အ၀ ပေးပြီး ကိုယ့်အိမ် ကိုယ့်ယာကို ပြန်သွားခွင့်၊ နေခွင့် ပေးသင့်ပါတယ်။

    အစ္စလာမ်ဘာသာဝင် လူမျိုးတွေနဲ့ အစ္စလာမ်ဘာသာဝင်တို့ ပိုင်ဆိုင်တဲ့ ပစ္စည်းတွေကို ပျက်ဆီးအောင် လုပ်တဲ့ ကိစ္စမှာ ဖြစ်သွားတာက သူတို့တိုင်းပြည် သူတို့လူမျိုးတွေက မတရား လုပ်တာတွေပဲ ကမ္ဘာမှာ ပေါ်သွားတယ်။

    ၉၆၉ အမည်ခံပြီး အစ္စလာမ်ဘာသာကို မတရားသဖြင့် ဟောကြားနေသူတွေဟာ ဥပဒေကြောင်းအရ ၄၉၀၊၄၉၉ နဲ့ငြိတယ်၊ ဘာသာ သာသနာကို စိတ်ငြိုငြင်အောင် လုပ်တယ်ဆိုတဲ့ ဥပဒေနဲ့ ဟောတဲ့သူ၊ ပြောတဲ့သူ ဘယ်ပုဂ္ဂိုလ်မဆို အရေးယူရမှာ ဖြစ်တယ်။

    ဒါပေမယ့် ဒီကနေ့ ဖြစ်နေတာတွေက အဲလိုလူမျိုးတွေကိုတော့ အရေးမယူဘဲ၊ မပြောဘဲ နိုင်ငံတော်အတွက်၊ စည်းလုံးညီညွှတ်ရေး အတွက်၊ ချစ်ကြည်ရေး အတွက် အလုပ်လုပ်နေတဲ့ သူတွေကြတော့ ၀န်ကြီးက စော်ကားတယ်။

    ရခိုင်ပြည်က ရိုဟင်ဂျာ တိုင်ရင်းသားတွေနဲ့ ပတ်သပ်ပြီး ကျွန်တော် ဖြတ်သန်းခဲ့တဲ့ သမိုင်းနဲ့ချီပြီး ပြောရရင် ဦးနေ၀င်းပြီးရင် ဗိုလ်ချုပ်အောင်ကြီးပဲ ရှိတော့တဲ့ အချိန်တုန်းက ဗိုလ်ချုပ် အောင်ကြီးက ဘာပြောခဲ့ သလဲဆိုရင် “ရိုဟင်ဂျာတွေက တိုင်းရင်းသားတွေပဲ” တဲ့။ ရိုဟင်ဂျာ တိုင်းရင်းသားတွေဟာ ဘိုးစဉ် ဘောင်ဆက် အကြာကြီး တိုင်းရင်းသားတွေ အဖြစ်နဲ့နေခဲ့တယ်၊ မဲတွေရွေးခဲ့တယ်၊ အခုကြမှ ရိုဟင်ဂျာ တိုင်းရင်းသားတွေကို စီမံကိန်းချပြီး မျိုးပြုတ်အောင် လုပ်နေတယ်၊ ဗုဒ္ဓဘာသာဝင်တွေက မွတ်စလင်ဘာသာဝင်တွေအပေါ် မုန်းတီးအောင် ပြုလုပ်နေတယ်။

    မိထ္တီလာမှာ စတင်ဖြစ်ပွားခဲ့တဲ့ ရွှေဆိုင် ပိုင်ရှင်တွေဟာ ဥပဒေကြောင်းအရ ဘာမှ အရေးယူ စရာမလိုတဲ့ သူတွေပါ၊ အမှန်တကယ် အရေးယူ ရမယ့်သူတွေ ဖြစ်တဲ့ အကြမ်းဖက်သူတွေကို အမြန်ဆုံး ဖော်ထုတ်ပြီး ဥပဒေ အရအရေးယူရမှာ ဖြစ်ပါတယ်။

    ကျွန်တော် အမျိုးသားရေး ကိစ္စများကို လွတ်လပ်ရေး ကြိုးပမ်းစဉ် ကာလ တစ်လျှောက် သရက်မြို့မှာ ဗိုလ်ချုပ်အောင်ဆန်းနဲ့ လုပ်ဖော်ကိုင်ဖက် အဖြစ် ပါဝင်ဆောင်ရွက်ခဲ့တဲ့ တော်လှန်ရေး သမားတစ်ယောက် ဖြစ်သည့် အားလျော်စွာ တိုင်းပြည်အတွက်  မြန်မာမွတ်စလင်ရေး အတွက် ဆောင်ရွက်စရာ ရှိသည့် ကိစ္စများကို ယခင်ကလည်း ဆောင်ရွက်ခဲ့သလို ယခု အသက်၉၀ ကျော်သည့်တိုင်အောင်လည်း ဆက်လက် လုပ်ဆောင်သွားမည်ဟု သန္နိဌါန်ချထားပါတယ် ခင်ဗျား ” ဟု M-Media သို့ ပြောသည်။

    ဆက်စပ်သတင်းဖတ်ရန်။

     

  • ယနေ့ မြန်မာနိုင်ငံ တရားစီရင်ရေး မဏ္ဍိုင် စစ်စစ်ကြီး အခြေနေ

    ဧပြီ-၁၉-၂၀၁၃
    M-Media
    ရေးသူ-အလိမ္မာရဲ့ ချိန်ဘာ

    no justice
    မိတ္ထီလာမြို့နယ် ရွှေဆိုင် အမှူ့မှာ ရွှေဆိုင်ပိုင်ရှင်တွေဖြစ်တဲ့ ဦးထွန်းထွန်းဦး ကို ပုဒ်မ ၃၈၂ အရထောင်ဒဏ် ၇ နှစ် ၊ပုဒ်မ ၃၂၅ အရ ထောင်ဒဏ် ၅ နှစ် ၊ပုဒ်မ ၃၂၄ အရ ထောင်ဒဏ် ၂ နှစ် စုစုပေါင်းအလုပ်နဲ့ ထောင်ဒဏ် ၁၄ နှစ် ၊ အလုပ်သမား ညီညီ ကိုလဲ ပုဒ်မ ၃၈၂ အရ ထောင်ဒဏ် ၇ နှစ် ၊ပုဒ်မ ၃၂၅ အရ ထောင်ဒဏ် ၅ နှစ် ၊ပုဒ်မ ၃၂၄ အရ ထောင်ဒဏ် ၂ နှစ် စုစုပေါင်း အလုပ်နဲ့ ထောင်ဒဏ် ၁၄ နှစ် ၊ ရွှေဆိုင်ပိုင်ရှင် ဒေါ်မြင့်မြင့်အေး ကို ပုဒ်မ ၃၈၂ အရ ထောင်ဒဏ် ၇ နှစ် ၊ပုဒ်မ ၃၂၅ /၁၁၄ အရ ထောင်ဒဏ် ၅ နှစ် ၊ပုဒ်မ ၃၂၄ /၁၁၄ အရ ထောင်ဒဏ် ၂ နှစ် စုစုပေါင်း အလုပ်နဲ့ ထောင်ဒဏ် ၁၄ နှစ် အရအမိန့်ချခဲ့တယ်လို့ နိုင်ငံပိုင် သတင်းစာတွေမှာဖော်ပြခဲ့ကြပါတယ် ။

    အဲဒီမှာကျနော် ဘဝင် မကျတာက မည်သည့် ဥပဒေအရ ဆိုပြီး တိတိပပ ဖော်ပြထားခြင်း မရှိတာပါ ။ ပုဒ်မ ၃၂၅ ၊ ပုဒ်မ ၃၂၄ ၊ပုဒ်မ ၃၂၅ /၁၁၄ ၊ ပုဒ်မ ၃၂၄ /၁၁၄ ဆိုတာကတော့ အဖြစ်ပျက် နဲ့ ( ဖြည့်တွေးကြည့်တဲ့အခါ) ဖြည့်တွေးကြည့်တဲ့အခါ ပြစ်မှူ့ဆိုင်ရာဥပဒေ ဆိုပြီး ဆက်စပ် တွေးလို့ရနိုင်ပေမယ့် ပုဒ်မ ၃၈၂ ကတော့ လုံးဝ လုံးဝကိုတွေးလို့မရတာပါ။ ဆိုင်မှမဆိုင်တာကိုးဗျ။ ဥပဒေ ဆိုတာ အမျိုးအမည် ပေါင်း တစ်သောင်းခြောက်ထောင် မက ထွေပြားများပြလှတဲ့ အချိန်ခါမှာ ဘယ် ဥပဒေရဲ့ ပုဒ်မ ပါဆိုပြီး မဖော်ပြတာဟာ အများပြည်သူကို နားမလည် စေချင် လို့များပေလားဗျာ။

    ပြစ်မှူ့ဆိုင်ရာဥပဒေ ပုဒ်မ ပုဒ်မ ၃၂၄ က ဘေးဖြစ်စေတက်သော လက်နက်ဖြင့် တပါးသူကိုနာကျင်စေမှူ့ဖြစ်ပါတယ်။ အမြင့်ဆုံး ပြစ်ဒဏ်က ၃ နှစ်ထိ ထောင်ဒဏ် တမျိုးမျိုး ကိုဖြစ်စေ၊ ငွေဒဏ် ဖြစ်စေ ၊ဒဏ် နှစ် ရပ်လုံး ဖြစ်စေ ချမှတ်ရပါ မည်  ။ဒီပုဒ်မက ထောင်ဒဏ်ပဲချချ၊ ငွေဒဏ်ပဲချချ ၊၂ ခုစလုံးဘဲချချ တရားသူကြီးရဲ့ option ပါ ။ထောင်ဒဏ်ကို လျှော့ချလဲရပါတယ်။ ပုဒ်မ ၃၂၅ ကတော့ အပြင်းထန်နာကျင် စေမှူ့ ဖြစ်ပါတယ်။ အမြင့်ဆုံး ပြစ်ဒဏ်က ၇ နှစ်ထိ ထောင်ဒဏ်တမျိုးမျိုး ကို ချမှတ်ရမည့်အပြင် ငွေဒဏ်လဲ ချမှတ်နိုင်ပါသည်။ ထောင်ဒဏ်တော့ချကိုချရမည် ။ ပြစ်ဒဏ်ချမယ့်နှစ် ကတော့ တရားသူကြီးရဲ့ option ပါ ။ထောင်ဒဏ်ကို လျှော့ ချလဲရပါတယ် ။ ငွေဒဏ်ကိုပါတွဲ၍ ချမှတ်နိုင်ပါတယ်။ ပုဒ်မ ၁၁၄ ကတော့သူတပါး ပြစ်မှူ့ကျူးလွန်ရာတွင် ပြစ်မူ့ကျူးလွန်သူအား အစအဆုံး အားပေးကူညီခြင်းဖြစ်ပါတယ် ။ ပုဒ်မ ၁၁၄ ကတော့ ရှေ့ကပုဒ်မ ဖြစ်လာအောင် အစအဆုံး အားပေးကူညီခြင်း ဖြစ်ပါတယ် ။ ရှေ့ကပုဒ်မ အတိုင်းပြစ်ဒဏ်ချခံရပါမယ်။

    ဒါပေမဲ့ ပုဒ်မ ၃၈၂ က ပြစ်မှူ့ဆိုင်ရာဥပဒေ အရဆိုရင် နာကျင်စေရန်ပြင်ဆင်ပြီး ခိုးမှု့ ဖြစ်ပါတယ် ။ အမြင့်ဆုံး ပြစ်ဒဏ်က အလုပ်ကြမ်းနဲ့ထောင်ဒဏ် ၁၀ နှစ် ထိ ချမှတ်ရ မည့် အပြင် ငွေဒဏ်လဲ ချမှတ်နိုင်ပါတယ်။ ။ ထောင်ဒဏ်တော့ချကိုချရမည် ။ချမဲ့ နှစ် ကတော့ တရားသူကြီးရဲ့ option ပါ ။ထောင်ဒဏ် နှစ် ကို လျှော့ ချလဲရပါတယ် ။ ငွေဒဏ်ကိုပါတွဲ၍ ချမှတ်နိုင်ပါတယ်။

    ပုဒ်မ ၃ မျိုး စလုံးကို တဆက်ထဲရေးသားထားတာဆိုတော့ ယေဘူယျ အားဖြင့် အမျိုးတူ ဥပဒေ ထဲကလို့ယူဆရမှာပါ ။ ဒါကြောင့် ပြစ်မှူ့ဆိုင်ရာဥပဒေ ရဲ့ ပုဒ်မ ၃၈၂ လို့ သတ်မှတ်ရမှာပါ ။ ဒါဆိုရင် ရွှေဆိုင်ပိုင်ရှင်တွေဟာ ခိုးတဲ့ အဆင့်ကိုရောက် လို့သွားပါပြီ ။ ရွှေဆိုင်ပိုင်ရှင်တောင် သူခိုးဆိုပြီးလုပ်လိုက်ကြပါပြီ ။ မြန်မာနိုင်ငံတရားစီရင်ရေး စစ်စစ်ကြီးပါ။

    ဒီလိုပုဒ်မတွေ တပ်ဖို့ အကြံပေးတဲ့ မိတ္ထီလာမြို့နယ် ဥပဒေရုံး တာဝန်ခံဥပဒေအရာရှိ (အစိုးရှေ့နေ ) ကို ချီးကျူးရမှာဖြစ်သလို ၊ မိတ္ထီလာမြို့နယ် ဥပဒေရုံး တာဝန်ခံဥပဒေအရာရှိ အကြံပေးတဲ့ အတိုင်း ပုဒ်မတွေ တပ် ပြီး တခါမှမချဖူးတဲ့ ပြစ်ဒဏ်တွေနဲ့ ချခဲ့တဲ့ မိတ္ထီလာ မြို့နယ်တရားသူကြီးကို လဲ ဩချရလောက်အောင်ချီးကျူးရမှာပါ ။ တရားစီရင်ရေးကို ဂိုဒ်လိုင်းပေးခဲ့တဲ့ တာဝန်ရှိလူကြီးမင်းများကို ဆို သာလို့ပင်ချီးကျူးရပေ အုံးမယ်ဗျာ ။

    ဆောင်းပါးရှင်၏ သုံးသပ်ချက်သာဖြစ်ပါသည်။

  • အဖြစ်မှန်နဲ့ ကင်းကွာပြီး ဥပဒေနဲ့ မညီညွှတ်တဲ့ တိုင်း သာသနာရေးမှူး ရဲ့ ပြောစကား

    ဧပြီ ၅၊ ၂၀၁၃
    M-Media
    သုတေသီ

    U aung kyi
    ရန်ကုန်တိုင်း သာသနာရေးမှူး၊ ဒုတိယညွှန်ကြားရေးမှူး၊ သာသနာရေးဝန်ကြီးဌာနမှ ဦးအောင်ကြည် Photo Credit-Eleven

    အစ္စလာမ် ဘာသာဝင်များအတွက် ဗလီများ ဆောက်လုပ်ခွင့်နှင့် ဗလီများအတွင်း စာသင်ကြားခွင့်များကို သာသနာရေးမှ တရားဝင် ခွင့်ပြုထားခြင်း မရှိကြောင်း ရန်ကုန်တိုင်း သာသနာရေးမှူး၊ ဒုတိယ ညွှန်ကြားရေးမှူး သာသနာရေး ၀န်ကြီးဌာနမှ ဦးအောင်ကြည်က ဧပြီလ ၂ ရက်နေ့တွင် ပြုလုပ်သည့် ရန်ကုန်တိုင်းဒေသကြီး ၀န်းကြီးချုပ်နှင့် မီဒီယာများ တွေ့ဆုံပွဲတွင် ပြောကြားခဲ့သည်။ ဟု ဒီနေ့ အလဲဗင်း သတင်းမှာ ဖတ်လိုက်ရပါတယ်။

    ဒီစကားဟာ ဥပဒေနဲ့ မညီညွတ်တဲ့ အပြင် အဖြစ်မှန်တွေနဲ့လဲ ကင်းကွာလို့ နေပါတယ်။ မြန်မာနိုင်ငံမှာ ရှိနေတဲ့ ဗလီများဟာ ဦးနေ၀င်းခေတ်နဲ့ န.၀.တ ခေတ်မှာ နေရာအသစ် ချထားပေးပြီး ဆောက်လုပ်တဲ့ ဗလီရယ်လို့ မရှိပါဘူး။ အချို့ ဗလီများဟာ ရှေး မြန်မာမင်းများ လက်ထက်ထဲက ဘုရင်တွေ ကိုယ်တိုင်က ဗလီမြေအဖြစ် ချထားပေးခဲ့တဲ့ သာသနာ့မြေ ဖြစ်ပါတယ်။

    အလောင်းမင်းတရား တည်ခဲ့တဲ့ ရန်ကုန်မြို့ (ယခင် မွန်အမည် ဒဂုံမြို့) ရဲ့ သစ်တပ် အတွင်းမှာလဲ ဗလီတွေ ရှိခဲ့တဲ့ သမိုင်း မှတ်တမ်းများရှိပါတယ်။

    မြေဒူးမြို့က မှန်စီ ရွှေချဗလီ ၄လုံးဟာလဲ ၊ ဆင်ဖြူရှင်မြေဒူးမင်း ကိုယ်တိုင် မွတ်စလင်တွေအတွက် ဗလီမြေနေရာ သတ်မှတ် ဆောက်လုပ်ပေးခဲ့တာပါ။

    ရန်ကုန်မြို့မှာ ရှိတဲ့ တခြမ်းပဲ့ ဗလီဆိုရင် ဘကြီးတော်မင်းက အင်္ဂလိပ်မြန်မာ ပထမစစ်အပြီး သူရဲ့ သစ္စာခံ မင်းမှုထမ်းများကို ဆုလာဘ်များ ပေးခဲ့ရာ အေဒီ ၁၈၂၆ခုနှစ်က် တပ်ဗိုလ်မှုးရာထူးဖြင့် ရွပ်ရွပ်ချွံချွံ တာဝန်ထမ်းဆောင် ခဲ့ကြသော အစ္စလာမ်ဘာသာဝင် ဦးရွှေသိုင်းနှင့် ဦးရွှေမှိုင်းတို့ ညီအစ်ကို ၂ဦးက ၄င်းတို့အတွက် ၀တ်တက်ရန်နေရာပေးပါလို့ တောင်းဆိုခဲ့လို့ ဘကြီးတော်မင်းက ရန်ကုန်မြို့ အခု အောင်ဆန်းကွင်းအနီးမှာ ၀တ်ပြုရန်မြေလှုဒါန်းခဲ့ပြီး ဗလီဆောက်လုပ်ခွင့် ပေးခဲ့ပါတယ်။ ၁၈၅၂ ခုနှစ် ဒုတိယမြန်မာအင်္ဂလိပ်စစ်ပွဲအပြီး၊ အင်္ဂလိပ်တို့ရန်ကုန်ကိုသိမ်းယူခဲ့ချိန် ရန်ကုန်ကို အုပ်စိုးသော စစ်ဗိုလ် ဆာဖယ်ရာက လမ်းဖောက်ခဲ့ရာ လမ်းနှင့်မလွတ်သောကြောင့် ဖဲ့ချခံရလို့ ထိုအချိန်ကတည်းက တခြမ်းပဲ့ ဗလီဟု တွင်ခဲ့တယ်လို့ လေ့လာသိရှိရပါတယ်။

    ဒီလိုဘဲ မန္တလေးမှာလည်း မင်းတုန်းဘုရင် ပေးသနားခဲ့တဲ့ ဗလီတွေ အမြောက်အမြား ရှိယုံမက မက္ကာမြို့  မှာတောင် မြန်မာ မွတ်စလင် ဟာဂ်ျ ဘုရားဖူးများအတွက် မင်းတုန်းမင်းကြီးရဲ့ ကုသိုလ်တော် ဒေါင်းဇရပ်ကြီး ရှိပါတယ်။

    ဗလီ အများစုနဲ့ စာသင်ကျောင်း အများစုကတော့ အင်္ဂလိပ် လက်ထက်မှာ မြန်မာပြည် အနယ်နယ်အရပ်ရပ်မှာ အင်္ဂလိပ်အစိုးရရဲ့ ဥပဒေနဲ့ အညီ ခွင့်ပြု လှူဒါန်း ဆောက်လုပ်ခဲ့တာပါ။ ဒီဥပဒေကလည်း လွတ်လပ်ရေးရပြီး နောက်ပိုင်း ဆက်လက် ကျင့်သုံးပြီး ဒီနေ့အထိ အတည်ဖြစ်နေတဲ့ ဥပဒေ ဖြစ်ပါတယ်။

    ဒီတော့ ဒါတွေဟာ ဥပဒေနဲ့အညီ တည်ရှိနေတာဖြစ်ပါတယ်။ အစိုးရတခု ပြောင်းသွားတိုင်း အသစ်ပြန် လျှောက်စရာ ပြန်အတည်ပြုစရာ မလိုပါဘူး။ အစိုးရတခုက ခွင့်ပြုပြီးရင် ဘယ်အစိုးရတက်တက် အတည်ပါဘဲ။ တရားဝင်ပါဘဲ။

    မြန်မာပြည်မှာ အဆောက်အဦး ဆောက်လုပ်တာဟာ စည်ပင်သာယာနဲ့၊ အိုးအိမ်ဦးစီးဌာနတို့နဲ့သာ သက်ဆိုင်ပြီး သာသနာရေးဦးစီးဌာနနဲ့ သက်ဆိုင်ခြင်းမရှိပါ။ ဥပဒေနဲ့ ညီညွတ်လို့သာ ဗလီ များကို ပြင်ဆင်ခွင့်၊ ပြုပြင်ခွင့် သက်ဆိုင်ရာက ခွင့်ပြုခဲ့ကြခြင်းသာ ဖြစ်ပါတယ်။

    ဒါ့အပြင် ၂၀၀၈ ခုနှစ် ဖွဲ့စည်းပုံ အခြေခံဥပဒေ

    ပုဒ်မ ၃၅၆ တွင်

    နိုင်ငံတော်သည် နိုင်ငံသားများ၏ တရားဝင် ရရှိပိုင်ဆိုင်ထားသော ရွှေ့ပြောင်းနိုင်သော ပစ္စည်း မရွှေ့ပြောင်းနိုင်သော ပစ္စည်းများနှင့် စပ်လျဉ်း၍ ဥပဒေအရ ကာကွယ်ပေးရမည်။..ဟု ၄င်း

    ပုဒ်မ ၃၆၂ တွင်

    နိုင်ငံတော်သည် ခရစ်ယာန်ဘာသာသာသနာ၊ အစ္စလာမ်ဘာသာသာသနာ၊ ဟိန္ဒူဘာသာ သာသနာနှင့် နတ်ကိုးကွယ်သော ဘာသာတို့ကို ဤဖွဲ့စည်းပုံ အခြေခံ အာဏာတည်သောနေ့၌ နိုင်ငံတော်တွင် ရှိနေကြသော ကိုးကွယ်ရာ ဘာသာများဟူ၍ အသိအမှတ်ပြုသည်။

    ပုဒ်မ ၃၆၃ တွင်

    နိုင်ငံတော်သည် အသိအမှတ်ပြုထားသော ဘာသာ သာသနာကို တတ်နိုင်သမျှကူညီစောင့်ရှောက်မည်။ လို့ ပြဌာန်းထားပါတယ်။

    အခုလို ဒုတိယညွှန်ကြားရေးမှုး ဦးအောင်ကြည်ရဲ့ ပြောကြားချက်များဟာ ဖွဲ့စည်းပုံ အခြေခံဥပဒေပါ ပြဌာန်းချက်များနဲ့ ဆန့်ကျင်နေတဲ့ အပြင် အခြားဥပဒေပါ အချက် အလက်များနဲ့လဲ ကွဲလွဲနေပါတယ်။ အစိုးရ အာဏာပိုင်အနေနဲ့ အခြေခံ ဥပဒေနဲ့အညီ ကာကွယ်ပေးရမဲ့အစား အခုလို ပြောကြားလိုက်ခြင်းဟာ  ပြသနာ အမျိုးမျိုး ရှုတ်ထွေးနေချိန်မှာ ပြသနာတစ်ရပ်ကို ထပ်မံ အသစ်ဖွင့်လိုက်သလို ဖြစ်နေပါတယ်။

     

  • Rule Of Law (တရားဥပဒေ စိုးမိုးရေး)

    မတ်လ၊ ၂၇ ၊ ၂၀၁၃
    M-Media
    ရေးသူ- ဥပဒေပညာရှင်တစ်ဥိး

    law-and-justice-image1

    ကမ္ဘာပေါ်တွင်မည်သည့်တိုင်းပြည်၊ မည်သည့်လူမျိ်ုး၊ မည်သည့်ဘာသာမဆို  အေးချမ်းစွာနေထိုင်  ပြီး ကောင်းမွန်သော စီးပွားရေးကို ရှာဖွေ စားသောက်ကာ နေထိုင်သော  လူကောင်းများရှိသကဲ့သို့  ပြစ်မှုများကို ကျူးလွန်သော လူဆိုးသူခိုးများလည်း ရှိပါသည်။ထိုလူဆိုး  သူခိုး ပြစ်မှုကျူးလွန်သူ  များကို သက်ဆိုင်ရာပြစ်မှုဆိုင်ရာဥပဒေများနှင့်အညီ  ပြစ်ဒဏ်ပေးခြင်းပြုလုပ်ရပါသည်။ ထိုပြစ်ဒဏ်  များထဲတွင် သေဒဏ်၊ ထောင်ဒဏ်၊ ငွေဒဏ် စသဖြင့် ကျူးလွန်သော   ပစ်မှုကိုလိုက်ပြီး အပြစ်ပေး  အရေးယူရပါသည်။ သို့မှသာ တရားဥပဒေစိုးမိုးမှု(Rule of Law) ကို ဖြစ်စေပါသည်။ မည်သည့်ဘာသာဝင် တစ်ဦးတစ်ယောက်(သို့)လူတစ်စုက  ပြစ်မှုများ (မုဒိန်းမှု၊ ခိုးမှု၊ ရိုက်နှက်မှု) စသည့်  တို့ကျူးလွန်သဖြင့် ထိုသူတို့နှင့်ဘာသာတူသည့် သူများ၏  အသက်၊အိုးအိမ်၊စည်းစိမ်၊ဘာသာသာသနာ အဆောက်အဦးတို့ကို ဖျက်ဆီးခြင်းမပြု  လုပ်ရပါ။ ထို သို့ ပြုလုပ်သူများသည်ပင်လျှင် ပြစ်မှုများကျူးလွန်သူများဖြစ်ပြီး  ဥပဒေပါအတိုင်း အရေယူဆောင်ရွက်မှသာ တိုင်းပြည်၏ တရားဥပဒေစိုးမိုးမှု (Rule  of Law) ဖြစ်ပေါ်လာမည်သာဖြစ်ပါသည်။

    မိမိတို့ နိုင်ငံသည်ဒီမိုကရေစီ ခေတ်သို့ ဦးတည်လျှောက်လှမ်းနေသော  နိုင်ငံဖြစ်ပါသည်။(ဒီမိုကရေစီဆိုသည်မှာ အခွင့်အရေးရှိသလို  တာဝန်များလည်းရှိသည်။)  မည်သည့် ဥပဒေတွင်ဖြစ်စေ အခွင့်အရေးနှင့်တာဝန် ၂ ရပ် ပူးတွဲ  တည်ရှိနေပါသည်။ နိုင်ငံသားတိုင်း    အခွင့်အရေးရှိသလို  လိုက်နာရမည့် တာဝန်ဝတ္တရားများလည်းရှိသည်။  ၂၀၀၈ ခုနှစ် ပြည်ထောင်စု မြန်မာနိုင်ငံတော်ဖွဲ့ စည်းပုံ အခြေခံဥပဒေ ပုဒ်မ  ၆ (င) တွင် “နိုင်ငံတော်သည် …. နိုင်ငံတော်၌ တရားမျှတခြင်း၊  လွတ်လပ်ခြင်း နှင့် ညီမျှခြင်းတည်းဟူသော လောကပါလတရားများ  ပိုမိုထွန်းကားရေး…..တို့ ကို အစဉ်တစိုက်ဦးတည်သည် ” ဟု ပြဌာန်း  ထားပါသည်။

    ၄င်း ပြင် ပုဒ်မ ၃၄ တွင် “ ငြိမ်ဝပ်ပိပြားရေးနှင့်သော်လည်းကောင်း၊  ပြည့်သူ့ ကိုယ်ကျင့်တရားနှင့်သော်လည်းကောင်း၊ ဤ ဖွဲ့စည်းပုံအခြေခံ ဥပဒေပါ အခြားပြဌာန်း ချက်တို့ နှင့်သော်လည်းကောင်း မဆန့်ကျင်လျှင် နိုင်ငံသားတိုင်းသည်ဘာသာ သာသနာရေးတွင်  လွတ်လပ်စွာကိုးကွယ်ဆောက်တည်နိုင်သော အခွင့်အရေးတို့ ကို  အညီအမျှရရှိစေရမည်။”

    ပုဒ်မ ၃၆ဝ (က) တွင် “ဘာသာသာသနာရေးဆိုင်ရာ ကိုးကွယ်ဆောက်တည်မှု သည်စီးပွားရေး၊ ဘဏ္ဍာရေး၊ နိုင်ငံရေး၊ အခြားလောကီရေးရာ ဆောင်ရွကမှုတစ်ခုခုနှင့်ဆက်စပ်နေပါက ပုဒ်မ ၃၄ ပါ ဘာသာ သာသနာရေးဆိုင်ရာ  လွတ်လပ်ခွင့်များတွင် မပါဝင်စေရ၊”

    ပုဒ်မ ၃၆ဝ (ခ)တွင် “ ထို့ သို့ ဘာသာသာသနာရေးနှင့် စပ်လျဉ်း၍ လွတ်လပ်သော  အခွင့်အရေးများကို ပေးထားသော်လည်း အများပြည်သူအကျိုးကိစ္စနှင့်  ပြုပြင်ရေးကိစ္စတို့ အတွက် နိုင်ငံတော်၏ ဥပဒေပြု ခြင်း ကို မတားမြစ်ရ။”

    ပုဒ်မ ၃၆၁ တွင် “ နိုင်ငံတော်သည် ဗုဒ္ဓဘာသာသာသနာတော်ကို နိုင်ငံတော်၏  ဂုဏ်ထူးဝိသေသနနှင့်ပြည့်စုံသည့်ဘာသာသာသနာဖြစ်သည်ဟု နိုင်ငံတော်က  အသိအမှတ်ပြုသည်။”

    ပုဒ်မ ၃၆၂ တွင် “ နိုင်ငံတော်သည် ခရစ်ယာန် ဘာသာသာသနာ၊ အစ္စလာမ်ဘာသာသာသနာ၊  ဟိန္ဒူဘာသာသာသနာနှင့် နတ်ကိုးကွယ်သောဘာသာတို့ ကို ဤဖွဲ့စည်းပုံအခြေခံဥပဒေအာဏာတည်သောနေ့ ဠ် နိုင်ငံတော်တွင်ရှိနေကြ သော  ကိုးကွယ်ရာဘာသာများဟူ၍ အသိအမှတ်ပြုသည်။”
    ပုဒ်မ ၃၆၃ တွင် “နိုင်ငံတော်သည် အသိအမှတ်ပြု ထားသော ဘာသာသာသနာများကို  တတ်နိုင်သမျှ ကူညီစောင့်ရှောက်မည်။”

    ပုဒ်မ ၃၆၄ “နိုင်ငံရေးကိစ္စ အလို့ ငှာ ဘာသာသာသနာကို အလွဲသုံးစားမပြုရ။ ထို့ပြင် လူမျိုးရေးကြောင့်သော်လည်းကောင်း၊ ဘာသာရေးကြောင့်သော်လည်းကောင်း  တစ်ဖက်နှင့်တစ်ဖက်၊ တစ် ဂိုဏ်း နှင့်တစ်ဂိုဏ်း မုန်းတီးခြင်း၊  ရန်မူခြင်း. စိတ်ဝမ်းကွဲခြင်းတစ်မျိုးမျိုး ပေါ်ပေါက်လာစေရန် ရည်ရွယ်သော  သို့ မဟုတ် ပေါ်ပေါက်လာရန်အကြောင်းရှိသော အပြုအမူသည် ဤ ဖွဲ့ စည်းပုံ  အခြေခံဥပဒေနှင့် ဆန့် ကျင် သည်။ထို အပြုအမူမျိုးအတွက် ပြစ်ဒဏ်ပေးနိုင်ရန်  ဥပဒေပြ ဋ္ဌာန်း နိုင်သည်။”  ထို့ ကြောင့် နိုင်ငံသားများ၏ လွတ်လပ်ခွင့်၊ လုပ်ပိုင်ခွင့်၊  ခံစားပိုင်ခွင့်၊ တာဝန်နှင့် တားမြစ်ချက်များ ထိရောက်ခိုင်မာပြည်စုံစေရန်  လိုအပ်သောဥပဒေ ပြ ဌာန်း ရမည်ဟု ၂၀၀၈ ခုနှစ်ဖွဲ့ စည်းပုံ အခြေခံဥပဒေ ပုဒ်မ  ၂၁(ဃ) တွင် ပြဌာန်းထားသည့်အပြင် ပုဒ်မ ၃၆၄ ပါ ပြဌာန်းချက်များအရ  လိုအပ်နေသော “ဘာသာသာသနာများကို ကာကွယ်စောင့်ရှောက်သော ဥပဒေ” အား  ပြည်ထောင်စုလွှတ် တော်မှ့ အမြန်ဆုံး  ပြဌာန်းပေးပါရန် လေးစားစွာ  တိုက်တွန်း အပ်ပါသည်။  မြန်မာနိုင်ငံ၏ ပြစ်မှု ဆိုင်ရာ ဥပဒေ ( ရာဇသတ်ကြီး Penal Code) အခန်း ၁၅  – ပုဒ်မ ၂၉၅ ၊ ၂၉၅ (က)၊ ပုဒ်မ ၂၉၆ ၊ ပုဒ်မ ၂၉၇၊ ပုဒ်မ ၂၉၈ တို့ တွင်  ဘာသာသာသနာနှင့် ဆိုင် သော ပြစ်မှုများကို ပြစ်ဒဏ်များနှင့်တကွ ပြ ဌာန်း  ထားပါ သည်။ ၄င်း ပုဒ်မ များ အပြည့်အစုံ မှာ အောက်ပါအတိုင်းဖြစ်သည်။

    ရာဇသတ်ကြီး ပုဒ်မ ၂၉၅ အရ ။  ။- လူတစားကိုးကွယ်သည့်ဘာသာသာသနာကို  စော်ကားရန် အကြံဖြင့်ဖြစ်စေ၊ကိုးကွယ်ဝတ်ပြုသော နေရာကိုသော်၎င်း၊  အထွဋ်အမြတ်ထားသော အရာဝတ္ထုကိုသော်၎င်း၊ ဖျက်ဆီးခြင်းသည်၊ သို့ တည်းမဟုတ်  ပျက်စီးနစ်နာစေခြင်းသည်၊သို့ တည်းမဟုတ် ယုတ်ညံ့စေခြင်းသည်၊ ထို  ဘာသာသာသနာကို စော်ကားသည်ဟု လူတစားက ယူဆတန်ရာသည်ကို သိလျက်နှင့်ဖြစ်စေ  မည်သူမဆို၊ ထိုလူတစားက ဘာသာသာသနာရေးဆိုင်ရာ ကိုးကွယ်ဝတ်ပြု သော  နေရာကိုသော်၎င်း၊ အထွဋ်အမြတ်ထားသောအရာဝတ္ထု ကို သော်၎င်း၊ ဖျက်ဆီးလျှင်၊  သို့ တည်းမဟုတ် ပျက်စီးနစ်နာစေ လျှင်၊သို့ တည်းမဟုတ် ယုတ်ညံ့စေလျှင်၊   ထိုသူကို နှစ်နှစ်ထိ ထောင်ဒဏ်တမျိုးမျိုးဖြစ်စေ၊ ငွေဒဏ်ဖြစ်စေ၊  ဒဏ်နှစ်ရပ်လုံးဖြစ်စေ ချမှတ်ရမည်။

    ရာဇသတ်ကြီးပုဒ်မ ၂၉၅ (က) ။  ။ ပြည်ထောင်စု နိုင်ငံတော်တွင် နေထိုင်သော  လူတစား၏ဘာသာရေးစိတ် ကို နာကြည်းစေရန် တမင်မသမာသော အကြံဖြင့် မည်သူမဆို၊  စကားဖြင့်ဖြစ်စေ၊ စာဖြင့်ဖြစ်စေ၊ ထင်ရှားသောပုံသဏ္ဌာန်ဖြင့် ဖြစ်စေ၊ထို  လူတစားကိုးကွယ်သည့် ဘာသာသာသနာကို သော်၎င်း၊ ဘာသာသာသနာရေးယုံကြညမှုကိုသော်၎င်း၊ စော်ကားလျှင်၊သို့ တည်းမဟုတ် စော်ကားရန်အားထုတ်လျှင်၊  ထိုသုကို နှစ်နှစ်ထိ ထောင်ဒဏ်တမျိုးမျိုးဖြစ်စေ၊ ငွေဒဏ်ဖြစ်စေ၊  ဒဏ်နှစ်ရပ်လုံး ဖြစ်စေ ချမှတ်ရမည်။

    ရာဇသတ်ကြီး ပုဒ်မ ၂၉၆။  ။ ဥပဒေနှင့်အညီ ဘာသာသာသနာရေးဆိုင်၇ာ  ကိုးကွယ်ဝတ်ပြုခြင်းပြုနေသော၊ သို့ တည်းမဟုတ် ဘာသာသာသနာရေးဆိုင်ရာ  အခမ်းအနားကို ကျင်းပနေသော အစုအဝေး တခုခုအား မည်သူမဆို၊ မိမိအလိုအလျောက်  အနှောင့်အယှက်ဖြစ်စေလျှင်၊ ထိုသူကို တနှစ်ထိထောင်ဒဏ်တမျိုးမျိုးဖြစ်စေ၊  ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။

    ရာဇသတ်ကြီး ပုဒ်မ ၂၉၇။  ။ တဦးတယောက်သောသူ၏ စိတ်ကိုနာစေရန်  အကြံဖြင့်ဖြစ်စေ၊တဦးတယောက် ကိုးကွယ်သည့်ဘာသာသာသနာကို စော်ကားရန်  အကြံဖြင့်ဖြစ်စေ တဦး တယောက်သောသူ၏ စိတ်ကို နာစေတန်ရာသည်ကို၊ သို့တည်းမဟုတ် တဦးတယောက်သောသူ ကိုးကွယ်သည့် ဘာသာသာသနာကို  စော်ကားတန်ရာသည်ကို သိလျက်နှင့်ဖြစ်စေ မည်သူမဆို၊ ကိုးကွယ်ဝတ်ပြုသောနေရာ၌ သော်၎င်း၊ သင်္ချိုင်း၌ သော်၎င်း၊ မသာအခမ်းအနား ဆောင်ရွက်ရန်သီးသန့်ထားသည့် နေရာ၌သော်၎င်း၊ လူသေအလောင်းထားရန်သီးသန့် နေရာ၌သော်၎င်း  ကျူးကျော်စော်ကားလျှင်၊ သို့ တည်းမဟုတ် လူသေအလောင်းကို မဖွယ်မရာပြုလျှင်၊  သို့ တည်းမဟုတ် မသာအခမ်းအနားကျင်းပဆောင်ရွက်ရန် စုဝေနေသူတို့ ကို  အနှောင့်အယှက်ဖြစ်စေလျှင်၊ ထိုသူကို တနှစ်ထိထောင်ဒဏ်တမျိုးမျိုးဖြစ်စေ၊  ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။

    ရာဇသတ်ကြီး ပုဒ်မ ၂၉၈။  ။ တဦးတယောက်သောသူ၏ ဘာသာရေးစိတ်ကို နာစေရန်  တမင်ကြံ၍ ၊ မည်သူမဆို၊ ထိုသူကြားလောက်သောနေရာ၌ စကားပြောဆိုလျှင်၊သို့တည်းမဟုတ် အသံတခုခုကို ပြုလျှင်၊ သို့ တည်းမဟုတ်  ထိုသူမြင်လောက်သောနေရာ၌ ကိုယ်အမူအရာတခုခုကိုပြုလျှင်၊ သို့ တည်းမဟုတ်  အရာဝတ္ထုတခုခုကိုထားလျှင်၊ ထိုသူကို တနှစ်ထိထောင်ဒဏ်တမျိုးမျိုးဖြစ်စေ၊  ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။

    အခြေခံဥပဒေ ၂၁ (က)   ။နိုင်ငံသားတိုင်းသည် ဤဖွဲ့ စည်းပုံ  အခြေခံဥပဒေတွင် သတ်မှတ်ပြဌာန်းထားသည့် တန်းတူညီမျှ အခွင့်အရေး၊ လွတ်လပ်မှု အခွင့်အရေး၊ တရားမျှတမှုအခွင့်အရေး တို့ ခံစားခွင့်ရှိသည်။
    ၂၁(ဂ) ။  ပြည်သူတို့ ၏အေးချမ်းသာယာရေးနှင့် တရားဥပဒေစိုးမိုးရေးတို့ သည်  နိုင်ငံသားတိုင်း၏ တာဝန် ဖြစ်သည်။
    ဘာသာသာသနာတစ် ရပ်ရပ်အား ထိခိုက်ပုတ်ခတ်စော်ကားသော ဟောပြောမှု  ထိုဟောပြောသော တရားခွေ VCD / DVD ခွေများကို တရားမဝင် လွတ်လပ်စွာ  ရောင်းချဖြန့် ဖြူး နေမှု များသည် နိုင်ငံတော်အားဆူ ပူအုံကြွမှုဖြစ်ပေါ်စေရန် အဓိကလှုံ ဆော်ဆောင်ရွက်မှု အကြောင်းရင်းတစ်ရပ်ဖြစ်ပါသည်။  ထို ဆောင်ရွက်ဖြန့် ဖြူး ချက် များကို နိုင်ငံတော်အစိုးရ ( ပြည်ထဲရေး  နှင့် ဘာသာရေးဝန်ကြီး ဌာန ရဲ အရာရှိများ၊ တရားစီရင်ရေးဆိုင်ရာ  တရားရုံးများ)နှင့် တကွ တာဝန်သိ ပြည်သူတစ်ရပ်လုံးမှ ဝိုင်းဝန်းဖော်ထုတ်ဟန့် တား အရေးယူ  ဆောင်ရွက်ပေးမှသာလျှင်  နိုင်ငံသားတို့ ၏ အသက် အိုးအိမ်စည်းစိမ်၊  ဘာသာသာသနာ အ ဆောက်အဦးတို့ အား ကာကွယ်စောင့် ရှောက်နိုင်မည်ဖြစ်ကြောင်း  နှင့် ကမ္ဘာအလယ်တွင် လူ့ အခွင့်အရေး ကို လေးစားလိုက်နာသော  နိုင်ငံတစ်ခုအဖြစ် သိက္ခာရှိစွာ ရပ်တည်နိုင်မည်ဖြစ်ပါသည်။