သြဂုတ် ၃၀၊ ၂၀၁၅
M-Media
– အိပ်နေတဲ့သမီးငယ်လေးကို ကျောပိုးလို့ ဘေရွတ်မြို့လမ်းမတွေပေါ်မှာ တစ်ဝမ်းတစ်ခါးအတွက် ဘောပင်လိုက်ရောင်းနေရတဲ့ ပါလက်စတိုင်းဒုက္ခသည် သားအဖနှစ်ဦးရဲ့ ဂရုဏာသက်ဖွယ် ဓာတ်ပုံတစ်ခု အွန်လိုင်းစာမျက်နှာတွေမှာ ပြန့်နှံ့ခဲ့ပြီးတဲ့နောက် သူတို့ ဘ၀သစ်စတင်ဖို့အတွက် စေတနာရှင်တွေရဲ့ လှူဒါန်းငွေဟာ ၂ ရက်အတွင်း ကန်ဒေါ်လာ ၁ သိန်း ၃ သောင်းကျော် ရှိခဲ့ပါတယ်။
Help Abdul and Reem start a new life (အဘ်ဒူလ်နဲ့ ရီမ်တို့ ဘ၀အသစ်စဖို့အတွက် ကူညီပါ) ဆိုတဲ့ ခေါင်းစဉ်နဲ့ အလှူငွေရရှိရေး လှုပ်ရှားမှုကို အိုက်စလန် ဂျာနယ်လစ်နဲ့ တက်ကြွလှုပ်ရှားသူတစ်ဦးဖြစ်သူ ဂီဆော် ဆီမိုနာဆန်က ကြာသာပတေးနေ့မှာ ဆိုရှယ်မီဒီယာကနေတစ်ဆင့် စတင်ခဲ့တာဖြစ်ပါတယ်။
ဆီမိုနာဆန်ဟာ Conflict လို့ခေါ်တဲ့ သတင်းဝဘ်ဆိုက်ကို တည်ထောင်သူတစ်ဦးဖြစ်ပြီး အဘ်ဒူလ် ဟာလင်အတ္တာရ်တို့ သားအဖနှစ်ဦးကို လက်ဘနွန်မြို့တော် ဘေရွတ်မြို့ရဲ့ လမ်းတွေပေါ်မှာ ဘောပင်လိုက်ရောင်းနေတာကို တွေ့ခဲ့ပြီး ဂရုဏာသက်ခဲ့တာ ဖြစ်ပါတယ်။
အဘ်ဒူလ်ဟာ ကလေးနှစ်ယောက် ဖခင်ဖြစ်ပြီး ဆီးရီးယားနိုင်ငံ ဒမတ်စကတ်က ယာရ်မွတ် ဒုက္ခသည်စခန်းမှာ အရင်က နေခဲ့ရပေမယ့် အဲဒီနေရာမှာ မတည်မငြိမ် ဖြစ်လာတာကြောင့် လက်ဘနွန်ကို ပြောင်းရွှေ့ခဲ့ရသူပါ။
သူတို့သားအဖ ဘယ်မှာနေလဲဆိုတာကိုသိဖို့ ဆီမိုနာဆန်ဟာ ၂ ရက်လောက် လိုက်ရှာခဲ့ရပြီး အတ္တာရ်ရဲ့ တစ်လမ်းဝင်တစ်လမ်းထွက် ဘောပင်ရောင်းနေရတဲ့ ဓာတ်ပုံတွေကို ရိုက်ကူးပြီး Twitter စာမျက်နှာမှာ လွှင့်တင်ခဲ့တာဖြစ်ပါတယ်။
အဲဒီရန်ပုံငွေရရှိရေး လှုပ်ရှားမှုကို ကန်ဒေါ်လာ ၅၀၀၀ လောက်ရဖို့ စတင်ခဲ့တာဖြစ်ပေမယ့် သူတို့သားအဖရဲ့ ဓာတ်ပုံတွေကိုကြည့်ပြီး ကမ္ဘာတစ်ဝှမ်းက အလှူရှင်တွေက ဆက်သွယ်လှူဒါန်းခဲ့တာကြောင့် ၂ ရက်အတွင်းမှာပဲ ကန်ဒေါ်လာ ၁ သိန်း ၃ သောင်းလောက် ရခဲ့ပါတယ်။
မမျှော်လင့်ဘဲ ဘ၀သစ်စတင်ဖို့ အခွင့်အရေးရခဲ့တဲ့ အတ္တာရ်တစ်ယောက် ၀မ်းသာလုံးဆို့နေပြီး သူရရှိတဲ့ အလှူငွေတွေနဲ့ ဘ၀တူ ဒုက္ခသည်တွေအတွက် ကူညီချင်သလို ကလေးနှစ်ယောက်ကိုလည်း ကျောင်းပို့ချင်တယ်လို့ ပြောခဲ့ကြောင်း ဆီမိုနာဆန်က Twitter စာမျက်နှာမှာ ထပ်မံ ရေးသားဖော်ပြခဲ့ပါတယ်။
အတ္တာရ်တို့ သားအဖတွေဟာ ယာရ်မွတ်ဒုက္ခသည်စခန်းက ထောင်ပေါင်းများစွာသော ပါလက်စတိုင်း ဒုက္ခသည်တွေထဲက မိသားစုတစ်စုသာ ဖြစ်ပါတယ်။ ဆီးရီးယားမတည်ငြိမ်မှုကြောင့် လက်ဘနွန်ကို ပြောင်းရွှေ့လာရတဲ့ အဲဒီဒုက္ခသည်တွေဟာ လက်ဘနွန်အစိုးရရဲ့ ထောက်ပံ့မှုအနည်းငယ်သာ ရရှိပြီး အသက်ရှင်ရပ်တည်ရေးအတွက် ရုန်းကန်နေကြရပါတယ်။
Ref: Aljazeera
