News @ M-Media

Tag: malaysia

  • နိုင်ငံသားများ အပျင်းထူနေ၍ ဗီယက်နမ်က မကြာမီကျော်တက်မည်ဟု မလေးဝန်ကြီးချုပ် သတိပေး

    နိုင်ငံသားများ အပျင်းထူနေ၍ ဗီယက်နမ်က မကြာမီကျော်တက်မည်ဟု မလေးဝန်ကြီးချုပ် သတိပေး

    နိုဝင်ဘာ ၂၅၊ ၂၀၁၈
    M-Media

    – မလေးရှားနိုင်ငံသားအများစုဟာ အစိုးရထောက်ပံ့ကြေးကိုသာ မျှော်ကိုးနေကြသောကြောင့် ဒေသတွင်းနိုင်ငံတစ်ခုဖြစ်တဲ့ ဗီယက်နမ်က ကျော်တက်သွားတော့မယ်လို့ မလေးရှားဝန်ကြီးချုပ် မဟာသီယာ မိုဟာမက်က သတိပေးလိုက်ပါတယ်။

    မလေးလူမျိုးအပါအ၀င် ဌာနေလူမျိုးတွေကို အစိုးရက သီးခြားထောက်ပံ့ပေးဖို့အတွက် မလေးရှားအခြေခံဥပဒေမှာ ထည့်သွင်း ပြဌာန်းထားပြီး ၀န်ကြီးချုပ်ဟောင်း နာဂျစ်အစိုးရကလည်း 1Malaysia People’s Aid (BR1M) လို အဖွဲ့တွေထောင်ကာ ချို့တဲ့တဲ့ နိုင်ငံသားတွေကို ကူညီထောက်ပံ့မှု ပိုမိုပြုလုပ်ခဲ့ပါတယ်။

    ဒီကနေ့ လန်ကာဝီမှာပြုလုပ်တဲ့ Dash Resort အပန်းဖြေစခန်း ဖွင့်ပွဲအခမ်းအနားမှာ မဟာသီက မလေးရှားနိုင်ငံသား တော်တော်များများဟာ အပြင်းထူတာကြောင့် နိုင်ငံအတွင်းက အလုပ်တွေကို နိုင်ငံခြားသားတွေ ခေါ်ပြီး ခိုင်းနေရတယ်လို့ ဆိုပါတယ်။

    “အစိုးရဟာ အဲဒီနိုင်ငံခြားသားတွေဆီက အခွန်တွေ၊ ပါမစ်ကြေးတွေ ကောက်ခံပြီး သူတို့ကိုယ်သူတို့ မသန်စွမ်းတွေလို့ ထင်နေကြတဲ့ မလေးနိုင်ငံသားတွေကို ထောက်ပံ့နေရပါတယ်”

    အလုပ်ကြိုးစားလုပ်တဲ့သူတွေရှိနေတဲ့ ဗီယက်နမ်နိုင်ငံဟာ စီးပွားရေးမှာ မလေးရှားကို ကျော်တက်တော့မယ်လို့လည်း မဟာသီက ထည့်သွင်းပြောဆိုခဲ့ပါတယ်။

    “ဗီယက်နမ်ပြည်သူတွေဟာ လုံ့လ၀ိရိယရှိပြီး မကြာခင် မလေးရှားရဲ့ရှေ့ကိုရောက်တော့မယ်။ မလေးရှားမှာ အစိုးရက ထောက်ပံ့နေတာကြောင့် လူတွေက အလုပ်မလုပ်ချင်ကြဘူး”

    မဟာသီက အစိုးရဆိုတာ စီးပွားရေးလုပ်ဖို့မဟုတ်ဘဲ ဥပဒေပြဌာန်းကာ ဒါတွေကို အသက်ဝင်အောင် လုပ်ဖို့ဖြစ်တယ်လို့လည်း ထည့်သွင်းပြောဆိုခဲ့ပါတယ်။

    “အစိုးရဆိုတာမျိုးက စီးပွားရေးမှာ ကျွမ်းကျင်ကြတာမဟုတ်ဘူး။ လုပ်ရင် အရှုံးဘဲပေါ်မှာ။ ငွေဘယ်လိုရှာရတယ်ဆိုတာ ပုဂ္ဂိလိက လုပ်ငန်းတွေက ကောင်းကောင်းသိတယ်။ သူတို့မှာ အိုက်ဒီယာတွေလည်း ရှိတယ်လေ”

    Ref: The Star

  • လက်ရှိ ကမ္ဘာ့ဒီမိုကရေစီရေစီးကြောင်းကို ဆန်တက်နေတဲ့ အာဆီယံက မွတ်စလင်နိုင်ငံ ၂ ခု

    လက်ရှိ ကမ္ဘာ့ဒီမိုကရေစီရေစီးကြောင်းကို ဆန်တက်နေတဲ့ အာဆီယံက မွတ်စလင်နိုင်ငံ ၂ ခု

    နိုဝင်ဘာ ၁၉၊ ၂၀၁၈
    M-Media

    – လက်တင်အမေရိကရဲ့ လူဦးရေအများဆုံး ဘရာဇီးလ်နိုင်ငံမှာ အောက်တိုဘာလတုန်းက စစ်ခေါင်းဆောင်ဟောင်း ဂျာအီရန် ဘိုလ်ဆိုနာရို သမ္မတအဖြစ် ရွေးကောက်တင်မြှောက်ခံလိုက်ရပါတယ်။ သူဟာ သေနတ်ကိုင်ခွင့်နဲ့ ညှင်းပမ်းတဲ့နည်းလမ်းကို သဘောကြတဲ့ လက်ယာစွန်း လွှတ်တော်အမတ်တစ်ဦး ဖြစ်ပါတယ်။ ၁၉၉၉ ခုနှစ်က ဘရာဇီးလ်ရုပ်သံတစ်ခုနဲ့ အင်တာဗျူးမှာ သူက “ရွေးကောက်ပွဲတွေက ဒီတိုင်းပြည်ကို နည်းနည်းလေးမှ ပြောင်းလဲနိုင်မှာ မဟုတ်ဘူး။ ပြည်တွင်းစစ်က ရုန်းထွက်ပြီး စစ်အစိုးရကမလုပ်တဲ့ လူ ၃ သောင်းလောက်ကို သတ်ပစ်လိုက်မှ တိုင်းပြည်းပြောင်းလဲမှာ။ အပြစ်မဲ့သူတွေသေလည်း မတတ်နိုင်ဘူးလေ။ စစ်ပွဲတိုင်းမှာ အပြစ်မဲ့သူတွေ သေကြတာပဲ” လို့ ပြောကြားခဲ့ဖူးပါတယ်။

    ကမ္ဘာ့အခြားနေရာတွေက ဒေါ်နယ်ထရမ့်၊ ရှီကျင့်ဖျင်၊ ဗလာဒီမီရ်ပူတင်၊ အာဒိုရန်၊ ဗစ်တာ အောရ်ဘန်နဲ့ ရော်ဒရီဂို ဒူတာတေးတို့လို ခေါင်းဆောင်မျိုးတွေဟာ အာဏာရှင်လမ်းကြောင်းကို ချီတက်နေသူတွေဖြစ်တယ်လို့ သတင်းခေါင်းကြီးပိုင်းတွေမှာ တွေ့မြင်နေရပါတယ်။ ဇန်န၀ါရီလက Economist Intelligence Unit ၀ဘ်ဆိုက်ရဲ့ ‘၂၀၁၈ ခုနှစ် ဒီမိုကရေစီ အညွှန်းကိန်း’ ဆောင်းပါးမှာ ကမ္ဘာကြီးမှာ ဒီမိုကရေစီဟာ စိုးရိမ်ဖွယ် နောက်ပြန်ရောက်နေတယ်လို့ ဖော်ပြထားပါတယ်။ TIME မဂ္ဂဇင်းကလည်း ‘ကမ္ဘာကြီးမှာ ခေါင်းဆောင်အမျိုးအစားတစ်ခု ပေါ်ထွက်လာပြီး အာဏာရှင်ခေတ်ကို ချဉ်းနင်းဝင်ရောက်ခဲ့ပြီ’ လို့ မကြာသေးခင်ကပဲ ရေးသားခဲ့ပါတယ်။

    ဒီရေးသားချက်တွေဟာ ဘရာဇီးလ်၊ အမေရိကန်၊ တရုတ်၊ ရုရှား၊ တူရကီနဲ့ ဖိလစ်ပိုင်လို နိုင်ငံတွေအတွက် မှန်ကောင်းမှန်နိုင်ပေမယ့် မလေးကျွန်းဆွယ်မှာတော့ ဒီအယူအဆဟာ မှားနေပါတယ်။

    မေလက မလေးရှားနိုင်ငံရေးမှာ မကြံစဖူးပြောင်းလဲမှုတစ်ခု ဖြစ်ခဲ့ပါတယ်။ လွတ်လပ်ရေးရပြီး နှစ်ပေါင်း ၆၀ အတွင်း ပထမဆုံးအကြိမ် အတိုက်အခံတွေက ရွေးကောက်ပွဲမှာ အနိုင်ရခဲ့ပါတယ်။ တာဝန်ယူမှု၊ တာဝန်ခံမှု၊ ပွင့်လင်းမှု၊ ဒီမိုကရေစီ ဖြစ်ပေါ်တိုးတက်မှုတွေဟာ နောက်ဆုံးမှာ လက်လှမ်းမီတဲ့ဆင့်အထိကို ရောက်လာပါတယ်။

    အနောက်နိုင်ငံက ဝေဖန်သူတွေက အစ္စလာမ်ဟာ ဒီမိုကရေစီနဲ့ လိုက်လျောညီထွေမှုမရှိဘူးလို့ စွပ်စွဲမြဲ စွပ်စွဲနေကြပေမယ့် အင်ဒိုနီးရှားနဲ့ မလေးရှားတို့က ဒီစွပ်စွဲချက်မှားယွင်းကြောင်းကို သက်သေပြနေပါတယ်။ အင်ဒိုဟာ အရှေ့တောင်အာရှမှာ ဒီမိုကရေစီစနစ် အခိုင်မာဆုံးတိုင်းပြည်ဖြစ်ပြီး၊ မလေးရှားဟာလည်း တစ်ဖြည်းဖြည်းနဲ့ ဒီလမ်းကြောင်းကို လိုက်လာပါတယ်။

    ရီဖော်မာစီ

    မလေးရှားနဲ့ အင်ဒိုနီးရှားတို့မှာ ‘ရီဖော်မာစီ’ ဆိုတဲ့ စကားလုံးဟာ ပြုပြင်ပြောင်းလဲရေးကိုရည်ညွှန်းပြီး အထူးသဖြင့် ဒီမိုကရေစီ ပြုပြင်ပြောင်းလဲရေး ဖြစ်ပါတယ်။ အင်ဒိုနီးရှားဟာ လွန်ခဲ့တဲ့ နှစ် ၂၀ ကတည်းက ရီဖော်မာစီလုပ်ခဲ့ပြီး၊ မလေးရှားရဲ့ မေလရွေးကောက်ပွဲဟာလည်း ရီဖော်မာစီ ဖြစ်ခဲ့ပါတယ်။ ၁၉၉၈ ခုနှစ်က အင်ဒိုနီးရှားနိုင်ငံမှာ ဖြစ်ပွားခဲ့တဲ့ လူထုအုံကြွမှုဟာ နှစ်စ်ပေါင်း ၃၀ လောက် တိုင်းပြည်ကို ချယ်လှယ်အုပ်စိုးခဲ့တဲ့ အာဏာရှင် ဆူဟာတိုကို ပြုတ်ကျသွားစေခဲ့ပါတယ်။ အဲဒီတော်လှန်ရေးမှာ ကျောင်းသားတွေ၊ မွတ်စလင်အဖွဲ့အစည်းတွေ၊ အမျိုးသမီးတွေ စသဖြင့် အလွှာစုံက လူတန်းစားတွေ ပါဝင်ခဲ့ကြတာ ဖြစ်ပါတယ်။

    အဲဒီနောက်ပိုင်း မီဒီယာတွေအားကောင်းလာသလို သမဂ္ဂအဖွဲ့အစည်းတွေ၊ လူ့အခွင့်အရေး တက်ကြွလှုပ်ရှားသူတွေ၊ အမျိုးသမီးအရေးလှုပ်ရှားသူတွေလို အရင်ကမရှိခဲ့ဖူးတဲ့ နိုင်ငံရေးအင်အားစုတွေ ပေါ်ပေါ်လာခဲ့ပါတယ်။ တစ်ပြိုင်နက်ထဲမှာပဲ သဘောထားတင်းမာတဲ့ အစ္စလာမ့်မစ်တွေ ပြန်ပေါ်လာခဲ့ပါတယ်။ ခြစားမှုတိုက်ဖျက်ရေးအဖွဲ့၊ လူ့အခွင့်အရေး ကာကွယ်စောင့်ရှောက်မှုအဖွဲ့တွေလို အဖွဲ့အစည်းတွေလည်း အလျှိုအလျှို ထွက်ပေါ်လာပါတယ်။

    ‘ဂျိုကိုဝီ’ လို့ ချစ်စနိုးခေါ်ဝေါ်ကြပြီး လူထုထောက်ခံမှုလည်း ရထားတဲ့ သမ္မတ ဂျိုကိုဝီဒိုဒိုဟာ အာဏာရှင်လမ်းကြောင်းကို သွားနေတယ်လို့ စွပ်စွဲမှုတွေ ရှိပါတယ်။ အထူးသဖြင့် အင်ဒိုနီးရှားမှာ အစ္စလာမ့်ဥပဒေပြန်ဌာန်းဖို့ လှုံ့ဆော်နေတဲ့ Hizbut Tahir အဖွဲ့ကို ၂၀၁၇ ခုနှစ်ဇူလိုင်လမှာ ဥပဒေကဲ့သို့ အာဏာတည်သော သမ္မတအမိန့်နဲ့ တရားမ၀င်အဖွဲ့အဖြစ် ကြေငြာပြီးနောက်ပိုင်း ဒီလို စွပ်စွဲချက် ထွက်ပေါ်လာတာပါ။

    ဒါပေမယ့် ဒေသတွင်းက အခြားခေါင်းဆောင်တွေနဲ့ယှဉ်ကြည့်ရင် ၀ီဒိုဒိုဟာ မီဒီယာကို နှိပ်ကွပ်တာ၊ အကူအညီပေးရေးအဖွဲ့တွေကို ခြိမ်းခြောက်တာမျိုး သိပ်မရှိဘဲ၊ ကျေးလက်ဒေသတွေမှာ အခြေခံအဆောက်အဦးတွေ ပိုမိုဆောက်လုပ်ပေးတာ၊ ဌာနေတိုင်းရင်းသားတွေကို လယ်မြေပိုင်ဆိုင်ခွင့်ပေးတာတွေနဲ့ လူထုထောက်ခံမှုကို ခိုင်မာအောင် ဆောင်ရွက်ထားပါတယ်။ ၀ီဒိုဒိုဟာ ခပ်မိုက်မိုက်ဂျာကင်တွေကို ကြိုက်သလို၊ ကလေးတွေကို စက်ဘီးဝယ်ပေးရတာကိုလည်း နှစ်သက်ပါတယ်။

    အင်ဒိုနီးရှားထက်ပိုသေးပြီး ပိုချမ်းသာတဲ့ မလေးရှားနိုင်ငံက ပြုပြင်ပြောင်းလဲရေးကို ဖြည်းဖြည်းချင်းသွားနေတာပါ။ ဒါပေမယ့် ၂၀၁၈ ခုနှစ် မေလမှာ ၀န်ကြီးချုပ် နာဂျစ်ရာဇတ်တစ်ယောက် ရွေးကောက်ပွဲ ရှုံးနိမ့်သွားခဲ့ပါတယ်။ မဲဆန္ဒနယ်တွေကို အပြောင်းအလဲလုပ်ပြီး မလှိမ့်တစ်ပတ်နဲ့ မဲပိုရအောင် ဆောင်ရွက်ခဲ့တဲ့ နာဂျစ်ရဲ့ ကျရှုံးမှုဟာ နိုင်ငံပိုင်လုပ်ငန်း 1MDB က ဒေါ်လာသန်းချီ ခိုးယူတယ်လို့ စွပ်စွဲခံရတာတွေကြောင့် ဖြစ်ပြီး ၀န်ကြီးချုပ်ဟောင်း မဟာသီယာမိုဟာမက်ကို နေရာဖယ်ပေးလိုက်ရပါတယ်။

    ၁၉၈၁ ခုနှစ်ကနေ ၂၀၀၃ ခုနှစ်အထိ အုပ်စိုးမှုအတွင်း မဟာသီဟာ သူ့ကိုဝေဖန်သူတွေအပေါ် သည်းမခံခဲ့ဘဲ အာဏာရှင်တစ်ယောက်လို ပြုမူခဲ့တယ်ဆိုတာကိုလည်း သူက ၀န်ခံခဲ့ပါတယ်။ သူနဲ့ အစ္စလာမ်ကိုဝေဖန်တဲ့ အမျိုးသားတစ်ဦးကို အာဏာပိုင်တွေက ဖမ်းဆီးမှုအပေါ် အာဏာရပြီးပြီးချင်းမှာပဲ သူက Facebook ပေါ်တက်ပြီး ဝေဖန်ခဲ့ပါတယ်။

    “ကျွန်တော့်ကိုဝေဖန်တဲ့သူတွေအပေါ် အရေးယူတာမျိုးကို ကျွန်တော် မကြိုက်ပါဘူး” လို့ ရေးသားခဲ့တာပါ။

    လူ့အခွင့်အရေး စိုးရိမ်မှုများ

    ဒီမိုကရေစီစနစ်ဟာ လိုတရစနစ်မျိုး မဟုတ်ပါဘူး။ ဒီမိုကရေစီဟာ အာဏာကို မျှမျှတတခွဲဝေမှု၊ လူ့အခွင့်အရေးကို ကာကွယ်မှုလို့ ပုံမှန်အားဖြင့် နားလည်ထားကြပါတယ်။ အရှေ့တောင်အာရှက အခြားနိုင်ငံတွေလိုဘဲ မလေးရှားနဲ့ အင်ဒိုနီးရှားတို့ရဲ့ လူ့အခွင့်အရေးမှတ်တမ်းဟာ အကောင်းအဆိုး ရောပြွမ်းနေပါတယ်။ ဒီနှစ်နိုင်ငံစလုံးက ဥပဒေစနစ်တွေနဲ့ ဥပဒေစိုးမိုးရေးအဖွဲ့တွေဟာလည်း ခြစားမှုနဲ့ မကင်းသလို၊ လုံးဝလွတ်လပ်တဲ့အဖွဲ့အစည်းမျိုး မဟုတ်ပါဘူး။

    ၁၉၆၅ ခုနှစ်က အင်ဒိုနီးရှားမှာ လက်ဝဲ၀ါဒီ ၁ သန်းလောက် အသတ်ခံရပြီး ၂၀ ရာစုက အဆိုးဝါးဆုံး အစုလိုက်အပြုံလိုက် သတ်ဖြတ်မှုတွေထဲက တစ်ခုဖြစ်ခဲ့ပါတယ်။ ကျူးလွန်ခဲ့သူတွေကို အခုထက်ထိ အရေးမယူနိုင်သေးပါဘူး။ မလေးရှားကတော့ သူ့နိုင်ငံက လူမျိုးစုတွေကို အခြေတည်ကာ နိုင်ငံကိုဖွဲ့စည်းထားပါတယ်။ မလေးလူမျိုးတွေကို အခွင့်အရေးပိုပေးထားပြီး ကမ္ဘာ့တစ်ခြားနေရာတွေမှာ ဒါကို လူမျိုးရေးခွဲခြားဆက်ဆံမှုလို့ ပြောကြမှာပါ။ LGBT ကို ဆန့်ကျင်တဲ့သဘောထားတွေကလည်း ပြီးခဲ့တဲ့နှစ်တွေအတွင်း နှစ်နိုင်ငံစလုံးမှာ မြင့်တက်လာခဲ့ပါတယ်။

    ပြီးခဲ့တဲ့နှစ် သြဂုတ်လကစတင်ပြီး ကျူးလွန်တဲ့ ရက်စက်ကြမ်းကြုတ်မှုတွေကြောင့် မြန်မာနိုင်ငံက ရိုဟင်ဂျာ ၇ သိန်းကျော်လောက် ဘင်္ဂလားဒေ့ရ်ှနိုင်ငံဖက် ထွက်ပြေးရတဲ့ကိစ္စမှာတော့ ဒီနှစ်နိုင်ငံစလုံးဟာ အချိန်နဲ့တစ်ပြေးညီ ဝေဖန်မှုတွေ လုပ်ခဲ့ကြပါတယ်။

    အင်ဒိုနီးရှားက အရပ်ဖက်အဖွဲ့အစည်းတွေဟာ လူ့အခွင့်အရေးဆိုင်ရာ ကိစ္စတော်တော်များများမှာ အစိုးရကို ဝေဖန်တာ၊ ဆန္ဒပြတာတွေကို မပြတ်တမ်း လုပ်လာကြပါတယ်။ မလေးရှားမှာလည်း နိုင်ငံအတွင်း ပြုပြင်ပြောင်းလဲရေးတွေ လျင်လျင်မြန်မြန်ပဲ ဖြစ်လာခဲ့ပါတယ်။ ပြီးခဲ့တဲ့လမှာ အစိုးရက သူတို့အနေနဲ့ သေဒဏ်ပြစ်ဒဏ်ကို ပြန်လည်သုံးသပ်နေပြီး အချိန်တစ်ခုရောက်ရင် ပယ်ဖျက်သွားမယ်လို့ ကြေငြာခဲ့ပါတယ်။ အမျိုးသမီးသုံးပစ္စည်းတွေအပေါ် ကောက်ခံနေတဲ့ ‘pink tax’ ကိုလည်း ပယ်ဖျက်ပေးတော့မယ်လို့ ဆိုပါတယ်။

    ပိုပြီးအရေးပါတာက မလေးရှား ခြစားမှုတိုက်ဖျက်ရေးကော်မရှင်ဟာ အနှောင်အဖွဲ့ကင်းကင်းနဲ့ အလုပ်လုပ်နိုင်လာတာ ဖြစ်ပါတယ်။ ကော်မရှင်အာဏာပိုင်တွေဟာ ၀န်ကြီးချုပ်ဟောင်း နာဂျစ်ရာဇတ်ရဲ့အိမ်တွေကို ၀င်ရောက်စီးနင်းပြီး ဒေါ်လာ သန်းပေါင်းများစွာတန်တဲ့ လက်ဝတ်ရတနာတွေ၊ ဇိမ်ခံလက်ကိုင်အိတ်တွေကို သိမ်းဆည်းခဲ့ပါတယ်။ စက်တင်ဘာလမှာတော့ နာဂျစ်တစ်ယောက် အာဏာအလွဲသုံးစားလုပ်မှုနဲ့ အဖမ်းခံရပြီး သူဇနီး ရိုစ်မာ မန်ဆူရ်လည်း ငွေကြေးခ၀ါချမှု စွဲချက်တွေနဲ့ ပြီးခဲ့တဲ့လမှာ ထိန်းသိမ်းခံခဲ့ရပါတယ်။

    နိုင်ငံရေးခြိမ်းခြောက်မှုတွေ ရှိပေမယ့် အင်ဒိုနီးရှား ခြစားမှုတိုက်ဖျက်ရေးကော်မရှင် KPK ဟာ ဒီမိုကရေစီသက်တမ်းတစ်လျှောက်လုံး လွတ်လပ်ပြီး၊ အရေးပါတဲ့ အဖွဲ့အစည်းတစ်ခုအဖြစ် ရပ်တည်ခဲ့ပါတယ်။ အခုနှစ် ဧပြီလမှာပဲ အင်ဒိုနီးရှားဟာ လွှတ်တော်ဥက္ကဌ ဆတ်ယာ နိုဗန်တိုကို ဖြုတ်ချကာ ခြစားမှုနဲ့ ထောင်ဒဏ် ၁၅ နှစ် အပြစ်ပေးလိုက်ပါတယ်။ ဒါဟာ နိုင်ငံရေးသမားတွေကို ပြင်းထန်တဲ့ သတင်းစကားတစ်ခု ပေးလိုက်တာလည်း ဖြစ်ပါတယ်။

    “အစ္စလာမ်မှာ သွေးစွန်းတဲ့အနားသတ်တွေ ရှိနေတယ်” လို့ ၁၉၉၃ ခုနှစ်မှာ နိုင်ငံရေးသုတေသီ ဆင်မြူယဲလ် ဟန်တင်တန်က ပြောခဲ့ပေမယ့် ၁၉၆၀ ပြည့်နှစ်တွေက Bornean Confrontation တော်လှန်ရေးနောက်ပိုင်း မလေးရှားနဲ့ အင်ဒိုနီးရှားတို့ဟာ နိုင်ငံတကာစစ်ပွဲတွေမှာ ပါဝင်ခြင်း မရှိတော့ပါဘူး။ Bornean Confrontation တော်လှန်ရေးဟာ မလေးရှားနိုင်ငံဖွဲ့စည်းဖို့ ကိုလိုနီတွေရဲ့အကြံကို ဆန့်ကျင်တဲ့အနေနဲ့ အင်ဒိုနီးရှားက တိုက်ခိုက်ခဲ့တာ ဖြစ်ပါတယ်။ အဲဒီတုန်းက အင်ဒိုနီးရှားတွေကို နှိမ်နှင်းဖို့အတွက် စစ်တပ်တွေလွှတ်ခဲ့တဲ့ အိမ်နီးချင်း သြစတေးလျနိုင်ငံဟာ ဗီယက်နမ်စစ်ပွဲ၊ ပင်လယ်ကွေ့စစ်ပွဲ၊ အာဖဂန်စစ်ပွဲနဲ့
    အီရတ်စစ်ပွဲတွေမှာ ပါဝင်တိုက်ခိုက်ခဲ့သလို၊ အရှေ့အလယ်ပိုင်းက IS အကြမ်းဖက်အဖွဲ့တွေကို တိုက်ခိုက်မှုမှာလည်း ပါဝင်ခဲ့ပါတယ်။

    အင်ဒိုနီးရှားဦးဆောင်တဲ့ အာဆီယံမှာ ဆယ်စုနှစ်တွေနဲ့ချီ ငြိမ်းချမ်းခဲ့ပါတယ်။ ၁၉၈၀ ပြည့်နှစ်တွေကစလို့ အာဆီယံအဖွဲ့ဝင်နိုင်ငံတွေဟာ တစ်နိုင်ငံနဲ့တစ်နိုင်ငံ တိုက်တာခိုက်တာတွေ မရှိတော့ပါဘူး။ စင်ကာပူ Lee Kuan Yew School က ကထိကဖြစ်ပြီး သံတမန်ဟောင်းလည်းဖြစ်တဲ့ ကီရှိုး မဟ်ဘူဘာနီက အာဆီယံအဖွဲ့ဟာ နိုဘယ်ဆုနဲ့ ထိုက်တန်တယ်လို့ ပြောကြားခဲ့ပါတယ်။

    အာဆီယံက မွတ်စလင်ဒီမိုကရေစီများ

    အစ္စလာမ်သာသနာဟာ ဒီမိုကရေစီနဲ့ သဟဇာတမဖြစ်ဘူးလို့ အနောက်နိုင်ငံတွေရဲ့ ရှေးရိုးစွဲ ဝေဖန်ဆန်းစစ်သူတွေက ပြောကြားကြပါတယ်။ ဒါပေမယ့် ကျွမ်းကျင်သူတွေက လွတ်လပ်ပြီး မျှတမှုရှိတယ်လို့ သုံးသပ်ကြတဲ့ ရွေးကောက်ပွဲတွေကို အင်ဒိုနီးရှားဟာ ၂၀၀၄ ခုနှစ်ကနေစပြီး အကြိမ်ကြိမ်ကျင်းပလာနိုင်ခဲ့ပါတယ်။

    “၁၉၉၀ ပြည့်နှစ်တွေက အရှေ့တောင်အာရှမှာ ပြုပြင်ပြောင်းလဲရေး၊ နိုင်ငံရေးအသွင်ပြောင်းတဲ့ ဆယ်စုနှစ်တွေ ရှိခဲ့ရင် ၂၁ ရာစုရဲ့ ပထမဆယ်စုနှစ် ၂ ခုဖြစ်ပြီး စိတ်ပျက်ဖွယ် သဘောထားကွဲလွဲမှုတွေကို မြင်ရမှာ ဖြစ်ပါတယ်” လို့ Far Eastern Economic Review ရဲ့ အယ်ဒီတာဟောင်းဖြစ်သူ မီခေးလ် ဗာတီကီယိုတစ်က ၂၀၁၇ ခုနှစ်ကထွက်ရှိတဲ့ သူ့ရဲ့ Blood and Silk စာအုပ်မှာ ရေးသားထားပါတယ်။ မဲခေါင်ဒေသမှာ အာဆီယံအဖွဲ့ဝင်နိုင်ငံတော်တော်များများဟာ တရုတ်ရဲ့ အရင်းရှင် သက်ဦးဆံပိုင်ဝါဒကို မွေးစား ကျင့်သုံးလာကြပါတယ်။

    ဒါပေမယ့် အရှေ့တောင်အာရှရဲ့ မလေးကျွန်းဆွယ်မှာတော့ တစ်ခြားပုံစံတစ်မျိုးကို မြင်နေရပါတယ်။ တိုင်းပြည်ရဲ့ အချုပ်အခြာအာဏာကို ခြိမ်းခြောက်တယ်လို့ မှတ်ယူရတဲ့ တရုတ်စီမံကိန်း တော်တော်များများကို မလေးရှားအစိုးရက ဖျက်သိမ်းခဲ့ပြီး အင်ဒိုနီးရှား အတိုက်အခံတွေကလည်း ၂၀၁၉ ခုနှစ် သမ္မတရွေးကောက်ပွဲမှာ သူတို့သာနိုင်ရင် တရုတ်ရဲ့ Belt and Road အောက်က စီမံကိန်းတွေကို ပြန်သုံးသပ်သွားမယ်လို့ ပြောကြားခဲ့ပါတယ်။ ဒီနှစ်နိုင်ငံစလုံးဟာ အနောက်နိုင်ငံနဲ့ အိန္ဒိယ၊ အရှေ့အလယ်ပိုင်းက ကုန်သွယ်ရေးမိတ်ဖက်နိုင်ငံတွေနဲ့ ဆက်ဆံရေးကောင်းမွန်အောင် ဂရုစိုက်နေကြပါတယ်။

    ကမ္ဘာ့နိုင်ငံတော်တော်များများက ဒီမိုကရေစီအပေါ် သံသယတွေ ရှိကောင်းရှိနေနိုင်ပါတယ်။ အာရှပိစိဖိတ်ရဲ့ ဒီမိုကရေစီဘိုးအေကြီး သြစတေးလျမှာတောင် မကြာသေးခင်က ကောက်ယူခဲ့တဲ့ စစ်တမ်းအရ ပြည်သူလူထုရဲ့ ၃ ပုံ ၁ ပုံဟာ အာဏာရှင်ဝါဒ၊ တစ်ဦးကောင်းအုပ်ချုပ်တဲ့ဝါဒကို ပိုကြိုက်လာတယ်ဆိုတာ တွေ့ရပါတယ်။ ဒါပေမယ့် မလေးမွတ်စလင်တွေရဲ့ကမ္ဘာမှာတော့ ဒီမိုကရေစီဟာ ဆက်လက်ရှင်သန်လျက် ရှိနေတုန်းပါ။

    Ref: Aljazeera

    (Aljazeera သတင်းဌာနတွင် ဖော်ပြထားသည့် Malaysia and Indonesia are bucking the global trend on democracy ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)

  • လွတ်လပ်ရေးရစဉ်ကရှိခဲ့သည့် နိုင်ငံခြားနွယ်ဖွားများကို နိုင်ငံသားအဖြစ် လက်ခံရမည်ဟု မလေးဝန်ကြီးချုပ်ပြော

    လွတ်လပ်ရေးရစဉ်ကရှိခဲ့သည့် နိုင်ငံခြားနွယ်ဖွားများကို နိုင်ငံသားအဖြစ် လက်ခံရမည်ဟု မလေးဝန်ကြီးချုပ်ပြော

    နိုဝင်ဘာ ၁၃၊ ၂၀၁၈
    M-Media

    – ဗြိတိန်ထံမှ လွတ်လပ်ရေးယူစဉ်က တိုင်းပြည်မှာရှိနေတဲ့ နိုင်ငံခြားနွယ်ဖွားတွေကို နိုင်ငံသားအဖြစ်လက်ခံရမယ်လို့ မလေးရှားဝန်ကြီးချုပ် မဟာသီယာ မိုဟာမက်က ဒီကနေ့မှာ ပြောကြားလိုက်ပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ ဖုံးဖိလို့မရတဲ့ကိစ္စကို ဖုံးဖိနေတယ်လို့လည်း ဝေဖန်ခဲ့ပါတယ်။

    အာဆီယံထိပ်သီးအစည်းအဝေး တက်ရောက်ဖို့ စင်ကာပူနိုင်ငံကိုရောက်နေတဲ့ အသက် ၉၃ နှစ်အရွယ် မဟာသီဟာ ဒီကနေ့ သတင်းထောက်တွေရဲ့ မေးမြန်းမှုမှာ ရခိုင်ပြည်နယ်က ရိုဟင်ဂျာတွေကို ကာကွယ်ပေးဖို့ ဒေါ်အောင်ဆန်းစုကြည်ရဲ့ ပျက်ကွက်မှုအပေါ် စိတ်ပျက်မိတယ်လို့ ပြောကြားခဲ့ပါတယ်။

    ပြီးခဲ့တဲ့နှစ် သြဂုတ်လ ရခိုင်ပြည်နယ်မြောက်ပိုင်းက ရဲကင်းစခန်းတွေကို ရိုဟင်ဂျာလက်နက်ကိုင်တွေ ၀င်ရောက်တိုက်ခိုက်မှုနောက်ပိုင်း မြန်မာစစ်တပ်က ပြုလုပ်တဲ့ စစ်ဆင်ရေးတွေမှာ အစုလိုက်အပြုံလိုက်သတ်ဖြတ်တာ၊ ရွာလုံးကျွတ်မီးရှို့တာ၊ အုပ်စုဖွဲ့ အဓမ္မကျင့်တာတွေ ရှိခဲ့တယ်လို့ နိုင်ငံတကာက စွပ်စွဲထားပါတယ်။

    မြန်မာအစိုးရနဲ့ စစ်တပ်တို့က ဒီစွပ်စွဲချက်တွေကို ငြင်းဆိုထားပါတယ်။

    ကုလစုံစမ်းစစ်ဆေးသူတွေက ရခိုင်ပြည်နယ်မှာ စစ်တပ်ရဲ့ ကျူးလွန်မှုတွေဟာ လူမျိုးတုန်းသတ်ဖြတ်မှု မြောက်နိုင်တယ်လို့ မှတ်ချက်ပြုထားပါတယ်။

    “အရင်က ဒီလူတွေရဲ့ ဖမ်းဆီးထိန်းသိမ်းမှုကို ခံထားရသူတစ်ဦးအနေနဲ့ ကိုယ်ဘယ်လိုခံစားခဲ့ရတာကို သတိရသင့်ပြီး၊ ဒီမကောင်းတဲ့ကိစ္စမှာ ကြံရာပါ မဖြစ်သင့်ပါဘူး။ ဒေါ်အောင်ဆန်းစုကြည်ဟာ ဖုံးဖိလို့မရတဲ့ကိစ္စကို ဖုံးဖိဖို့ ကြိုးစားနေသလိုပါပဲ ” လို့ မဟာသီက ပြောကြားခဲ့ပါတယ်။

    မြန်မာနိုင်ငံမှာ ရိုဟင်ဂျာတွေကို ဘင်္ဂါလီလို့ခေါ်ဝေါ်ပြီး ဘင်္ဂလားဒေ့ရ်ှက တရားမ၀င် ၀င်ရောက်လာသူတွေလို့သတ်မှတ်ထားပါတယ်။

    မဟာသီက မြန်မာနိုင်ငံအနေနဲ့ ရိုဟင်ဂျာတွေကို နိုင်ငံသားပေးသင့်ပြီး မလေးရှားအနေနဲ့လည်း လွတ်လပ်ရေးရစဉ် တိုင်းပြည်မှာ ရှိနေတဲ့ နိုင်ငံခြားနွယ်ဖွားတွေကို နိုင်ငံသားအဖြစ် အသိအမှတ်ပြုခဲ့တယ်လို့ ထည့်သွင်းပြောဆိုခဲ့ပါတယ်။

    “၁၉၅၇ ခုနှစ် မလေးရှားနိုင်ငံ လွတ်လပ်ရေးရစဉ်တုန်းက ကျွန်တော်တို့ဆီမှာလည်း နိုင်ငံခြားနွယ်ဖွားတွေ အများကြီးရှိခဲ့တာပဲ။ သူတို့အားလုံးကို ကျွန်တော်တို့ အသိအမှတ်ပြုခဲ့တယ်။ အခုဆိုရင် သူတို့ဟာ နိုင်ငံသားတွေအဖြစ် နိုင်ငံရေးမှာတောင် အဓိကအခန်းကဏ္ဍကနေ ပါဝင်နေပြီ။ သူတို့လွတ်လွတ်လပ်လပ် နေထိုင်သွားလာနေကြတယ်။ လူမျိုး၊ ဘာသာကို အခြေပြုပြီး ပိတ်ထားတာ၊ လှောင်ထားတာမျိုး ကျွန်တော်တို့ မလုပ်ဘူး”

    အာဆီယံထိပ်သီးအစည်းအဝေးက ထုတ်ပြန်မယ့် ကြေငြာချက်မူကြမ်းမှာ ရခိုင်ပြည်နယ်က ကိစ္စတွေအတွက် တာဝန်ရှိသူတွေကို အရေးယူ အပြစ်ပေးဖို့ အဖွဲ့ဝင်နိုင်ငံအားလုံးက တောင်းဆိုထားပြီး ဒါဟာ အာဆီယံအဖွဲ့အတွင်း ပြင်းထန်တဲ့ ပြောဆိုမှုလည်း ဖြစ်ပါတယ်။ ကြေငြာချက်အပြည့်အစုံကို ဒီကနေ့နှောင်းပိုင်းမှာ ထုတ်ပြန်မှာ ဖြစ်ပါတယ်။

    Ref: CNA

  • နိုင်ငံသားဟိန္ဒူများအတွက် မလေးဝန်ကြီးချုပ်က ဒီပ၀ါလီဆုမွန်ကောင်းတောင်း

    နိုင်ငံသားဟိန္ဒူများအတွက် မလေးဝန်ကြီးချုပ်က ဒီပ၀ါလီဆုမွန်ကောင်းတောင်း

    နိုဝင်ဘာ ၆၊ ၂၀၁၈
    M-Media

    – မလေးရှားမှာ ဒီပ၀ါလီပွဲတော်ဟာ လူမျိုးစုံဘာသာစုံ ကြည်နူးပျော်ရွှင်ရတဲ့ ပွဲတော်ဖြစ်ပြီး နိုင်ငံရဲ့ ဘာသာစုံ၊ လူမျိုးစုံဝါဒကို ထင်ဟင်နေတယ်လို့ မလေးရှားဝန်ကြီးချုပ် မဟာသီယာ မိုဟာမက်က သူ့ရဲ့ မနေ့က ဒေပ၀ါလီ နှုတ်ခွန်းဆက်စကားမှာ ထည့်သွင်းပြောကြားခဲ့ပါတယ်။

    “မလေးရှာနိုင်ငံသားတွေ ဆင်နွှဲကြတဲ့ ပွဲတော်အားလုံးလိုပဲ ဒေပ၀ါလီပွဲတော်ဟာလည်း ဘာသာစုံ၊ လူမျိုးစုံ ပျော်ရွှင်မျှဝေ ခံစားကြမယ်ဆိုတဲ့ စိတ်ဓာတ်မျိုးနဲ့ အတူတကွ ဆင်နွှဲကြတဲ့ ပွဲတော်မျိုးပါ”

    ကမ္ဘာတစ်ဝှမ်းက ဟိန္ဒူဘာသာဝင်တွေဟာ နိုဝင်ဘာ ၆ ရက်နေ့မှာ ဒီပ၀ါလီပွဲတော်ကို ကျင်းပကြမှာ ဖြစ်ပါတယ်။

    မဟာသီက ဒီပ၀ါလီနေ့ဟာ ဟိန္ဒူတွေရဲ့ပွဲတော် ဖြစ်ပေမယ့် မလေးရှားနိုင်ငံသားအားလုံး ပျော်ရွှင်ရတဲ့ပွဲတော် ဖြစ်တယ်လို့လည်း ထည့်သွင်းပြောဆိုခဲ့ပါတယ်။

    “ဒီလိုခံစားမှုမျိုးက အပြန်အလှန်နားလည်မှု၊ မတူကွဲပြားစွာ ညီညွတ်မှုဆိုတဲ့ အဓိပ္ပါယ်ပါပဲ။ ဒီအချက်ကို အခြေခံပြီး ပျော်ရွှင်စရာ ဒီပ၀ါလီနေ့ဖြစ်ပါစေလို့ ဆုမွန်တောင်းလိုက်ပြီး၊ ဒီနှစ်ပွဲတော်ဟာ ပိုမိုအဓိပ္ပါယ်ရှိတဲ့ အနာဂတ်ကို ဆောင်ကျဉ်းပေးမယ်လို့လည်း မျှော်လင့်ပါတယ်”

    Ref : The Star

  • ဗုဒ္ဓဟူးနေ့မနက် နိုင်ငံတကာသတင်းများ

    ဗုဒ္ဓဟူးနေ့မနက် နိုင်ငံတကာသတင်းများ

    အောက်တိုဘာ ၃၁၊ ၂၀၁၈
    M-Media

    ယီမင်စစ်ပွဲ ပုံရိပ်

    ယီမင်စစ်ပွဲ ရက် ၃၀ အတွင်းရပ်တန့်ရန် အမေရိကန်တောင်းဆို
    ===========
    ယီမင်မှာဖြစ်နေတဲ့ စစ်ပွဲကို မိမိတို့ စောင့်ကြည့်နေတာ တော်လောက်ပြီဖြစ်ပြီး ရက်ပေါင်း ၃၀ အတွင်း ရပ်တန့်ကာ ဆွေးနွေးပွဲတွေ ပြုလုပ်ဖို့အတွက် အမေရိကန် ကာကွယ်ရေးဝန်ကြီး ဂျိမ်းစ်မာတစ်က မနေ့မှာ ပြောကြားလိုက်ပါတယ်။ နိုင်ငံတကာက အသိအမှတ်ပြုထားတဲ့ အစိုးရကို ဟူသီသူပုန်တွေက ဖြုတ်ချခဲ့တဲ့ ၂၀၁၄ ခုနှစ်ကစလို့ ယီမင်မှာ မတည်ငြိမ်မှုတွေ ဖြစ်လာကာ ဆော်ဒီဦးဆောင်တဲ့ မဟာမိတ်တပ်ဖွဲ့ရဲ့ ၀င်ရောက်တိုက်ခိုက်မှုကြောင့် အခြေအနေ ပိုဆိုးလာခဲ့ပါတယ်။ စစ်ပွဲကြောင့် ယီမင်မှာ အငတ်ဘေးဆိုက်မှု၊ ရောဂါဘယ ထူပြောမှုတွေလည်း ဖြစ်နေပါတယ်။ မာတစ်က ဆော်ဒီဦးဆောင်တဲ့ တပ်ဖွဲ့တွေဟာ အပစ်ရပ်ဖို့ အဆင်သင့်ရှိကြောင်း၊ စစ်ပွဲတွေ မရပ်ဘူးဆိုရင် အမေရိကန်က ဗုံးတွေကြဲကာ ရပ်တန့်အောင် ဆောင်ရွက်မှာဖြစ်ကြောင်း ထည့်သွင်းပြောဆိုခဲ့ပါတယ်။

    ဖိလစ်ပိုင်တွင် တိုင်ဖုန်းယူတူကြောင့် ၅ ဦးသေဆုံးပြီး ၄၀ နီးပါး ပျောက်ဆုံးနေ
    =============
    ဖိလစ်ပိုင်နိုင်ငံ အရှေ့မြောက်ပိုင်းမှာ မနေ့က တိုင်ဖုန်းယူတူ ၀င်ရောက်မှုကြောင့် ကလေးငယ် ၄ ဦးနဲ့ အမျိုးသားတစ်ဦး သေဆုံးခဲ့ပြီး မြေပြိုမှုကြောင့် အနည်းဆုံးလူ ၄၀ လောက် ပျောက်ဆုံးနေတယ်လို့ အာဏာပိုင်တွေက ပြောကြားလိုက်ပါတယ်။ ဖိလစ်ပိုင်မြောက်ပိုင်းမှာ ပြီးခဲ့တဲ့လတုန်းကလည်း တိုင်ဖုန်း မန်ခွတ်ကြောင့် လူဒါဇင်နဲ့ချီ သေဆုံးခဲ့ပါတယ်။ မုန်တိုင်းမ၀င်ခင် လူပေါင်း တစ်သောင်းလောက်ကို ဘေးလွတ်ရာ ရွှေ့ပြောင်းပေးခဲ့ရပါတယ်။ မုန်တိုင်းကြောင့် နေအိမ်တွေ ပြိုတာ၊ မြေပြိုမှုကြောင့် လမ်းတွေ ပိတ်ဆို့တာ၊ ဓာတ်အား ပြတ်တောက်တာတွေလည်း ဖြစ်ပေါ်နေပါတယ်။ ဖိလစ်ပိုင်နိုင်ငံမှာ တစ်နှစ်ကို မုန်တိုင်း ၂၀ လောက် ၀င်လေ့ရှိပြီး လူ ရာနီချီ သေဆုံးလေ့ရှိပါတယ်။

    ဘိုးအင်း 737-MAX လေယာဉ်အားလုံးကို ပြန်လည်စစ်ဆေးရန် အင်ဒိုနီးရှား အမိန့်ထုတ်
    =====================
    Lion Air လေကြောင်းလိုင်းက ခရီးသည် ၁၈၉ ဦးတင်ဆောင်သွားတဲ့ လေယာဉ်တစ်စီး ပျက်ကျမှုပြီးတဲ့နောက် နိုင်ငံအတွင်းက Boeing 737-MAX လေယာဉ်အားလုံးကို စစ်ဆေးဖို့အတွက် အင်ဒိုနီးရှား ပို့ဆောင်ရေးဝန်ကြီးဌာနက မနေ့မှာ အမိန့်ပေးလိုက်ပါတယ်။ ပျက်ကျသွားတဲ့လေယာဉ်ဟာ ၂၀၁၇ ခုနှစ်ကမှ ဈေးကွက်ထဲဝင်လာတဲ့ Boeing 737-MAX လေယာဉ်အမျိုးအစားဖြစ်ပြီ အသုံးပြုမှုကာလ ၃ လသာ ရှိပါသေးတယ်။ ဒီအဖြစ်အပျက် ဖြစ်ကြောင့် အင်ဒိုနီးရှားရဲ့ လေကြောင်းအန္တရာယ်ကင်းရှင်းရေး ဆောင်ရွက်မှုတွေအပေါ် စိုးရိမ်မှုတွေလည်း ဖြစ်လာခဲ့ပါတယ်။ သေဆုံးသွားသူတွေရဲ့ ရုပ်အလောင်းတွေကို ရရှိရေး၊ လေယာဉ်ပျံသန်းမှုမှတ်တမ်း Black Box ကို ရရှိရေးတို့အတွက် ရှာဖွေ ကယ်ဆယ်ရေး လုပ်ငန်းတွေ ဆက်လက် ဆောင်ရွက်နေပါတယ်။

    ထွက်ပြေးနေသည့် စီးပွားရေးလုပ်ငန်းရှင် ဘယ်မှာရှိလဲ သိနေပြီဟု မလေးရှားပြော
    =================
    နိုင်ငံပိုင် 1MDB လုပ်ငန်းက ဒေါ်လာ သန်းရာချီ ပျောက်ဆုံးမှုမှာ ပါဝင်ပတ်သက်တယ်လို့ စွပ်စွဲခံထားရတဲ့ စီးပွားရေးလုပ်ငန်းရှင် Jho Low ဘယ်မှာရှိလဲဆိုတဲ့သတင်းကို ပြီးခဲ့တဲ့ရက်ပိုင်းကပဲ မိမိတို့ ရထားတယ်လို့ မလေးရှား ပြည်ထဲရေးဝန်ကြီး မူဟ်ယစ်ဒင် ယာဆင်က မနေ့မှာ ပြောကြားလိုက်ပါတယ်။ Jho Low ဟာ အဖမ်းခံရမှာ စိုးတဲ့အတွက် တိုင်းပြည်ကနေ ထွက်ပြေးနေတာ ဖြစ်ပါတယ်။ ၀န်ကြီးက Jho Low ဟာ နိုင်ငံတွေလျှောက်ကူးကာ ကိုယ်ယောင်ဖျောက်နေပြီး လက်ရှိနေထိုင်နေတဲ့ တိုင်းပြည်ကနေ ပြန်လည်လွှဲပြောင်းရယူဖို့ ကြိုးစားနေတယ်လို ထည့်သွင်းပြောဆိုခဲ့ပါတယ်။

    Ref: Aljazerea, CNA