ဧပြီ ၂၄၊ ၂၀၁၇
M-Media
– နှစ်နိုင်ငံ သံတမန်ဆက်ဆံရေးနှင့် ကာကွယ်ရေးဆိုင်ရာ ပူးပေါင်းဆောင်ရွက်မှု တိုးမြှင့်နိုင်ရန်အတွက် မလေးရှားနှင့် တရုတ်နိုင်ငံတို့မှာ အဆင့်မြင့် ကော်မတီတစ်ခုကို ဖွဲ့စည်းတော့မည်ဟု သိရသည်။
မလေးရှား ကာကွယ်ရေးဝန်ကြီး ဟီရှာမူဒင် ဟူစိန်၏ တရုတ်နိုင်ငံသို့ ၃ ရက်ကြာ သွားရောက်စဉ် တရုတ် ကာကွယ်ရေးဝန်ကြီး ဗိုလ်ချုပ် ချန်း ၀မ်ကျွင်းနှင့် တွေ့ဆုံမှုအတွင်း ကော်မတီဖွဲ့စည်းရန် သဘောတူညီခဲ့ကြခြင်းဖြစ်သည်။
ဟီရှာမူဒင် ဟူစိန်၏ ကြေငြာချက်တွင် ဖွဲ့စည်းမည့် အဆိုပါကော်မတီမှာ ပိုမိုလက်တွေ့ကြပြီး၊ စနစ်ကျသည့် ကာကွယ်ရေး ပူးပေါင်းဆောင်ရွက်မှုပုံစံကို ဖော်ဆောင်ရန်ဖြစ်သည်ဟု ဆိုသည်။
ထို့ပြင် ကာကွယ်ရေးနှင့် စစ်ရေးဆိုင်ရာ ပိုမို ပူးပေါင်းဆောင်ရွက်ရေးအတွက် ဆွေးနွေးရန် မလေးရှားကြည်းတပ် အကြီးအကဲ ဗိုလ်ချုပ် ဇွလ်ကစ်ပ်လီ ကာဆင်နှင့် လေတပ်အကြီးအကဲ ဗိုလ်ချုပ် အာဖန်ဒီ ဘူအန်တို့ကို ညွှန်ကြားထားသည်ဟုလည်း ဟီရှာမူဒင်က ပြောကြားခဲ့သည်။
“ဆက်ဆံရေးနဲ့ နားလည်မှု တိုးတက်စေဖို့၊ ယုံကြည်မှု ပိုမိုခိုင်မာစေဖို့အတွက် မလေးရှားနဲ့ တရုတ်ဟာ အနာဂတ်မှာ အပြန်အလှန်လည်ပတ်မှုတွေကို မကြာခဏ လုပ်ဆောင်သွားမှာပါ”
အာဆီယံ ကာကွယ်ရေးဆိုင်ရာ ၀န်ကြီးများအစည်းအဝေး (ADMM) တွင် လာမည့် အာဆီ-တရုတ် ရေတပ် စစ်ရေးလေ့ကျင်မှုကို အာဆီယံ ရေပိုင်နက်များအတွင်း ပြုလုပ်သွားရန် သဘောတူခဲ့သည်ဟု လည်း ၀န်ကြီးက ထည့်သွင်းပြောဆိုခဲ့သည်။
တရုတ်နိုင်ငံသို့ ၎င်း၏ခရီးစဉ်တွင် ဟီရှာမူဒင်မှာ တရုတ် ဗဟိုစစ်ကော်မရှင်၏ ဒုတိယဥက္ကဌ ဗိုလ်ချုပ် ဇီကျီလျန်၊ နိုင်ငံတော်ကောင်စီမှ အတိုင်ပင်ခံပုဂ္ဂိုလ် ယန် ဂျီအဲ၊ ပြည်သူ့လုံခြုံရေးဝန်ကြီး ဂိုရှန်ခွင်းတို့နှင့် တွေ့ဆုံခဲ့သည်။
Ref: CNA
