မတ် ၂၃၊ ၂၀၁၇
M-Media
– ကမ္ဘာတစ်ဝှမ်း နယ်ပယ်အသီးသီးမှာ အောင်မြင်ကျော်ကြားတဲ့သူတွေကို သူတို့ရဲ့ ပင်မစာမျက်နှာ လိုဂိုမှာ ထည့်သွင်းဂုဏ်ပြုလေ့ရှိတဲ့ Google ဟာ မတ်လ ၂၂ ရက်နေ့မှာတော့ မလေးရှားက နာမည်ကျော် အနုပညာရှင် ပီ ရမ်လီကို ဂုဏ်ပြုခဲ့ပါတယ်။
၁၉၂၉ ခုနှစ် ပီနန်မှာ မွေးဖွားခဲ့တဲ့ ပီ ရမ်လီဟာ မင်းသား၊ ဒါရိုက်တာ၊ ထုတ်လုပ်သူ၊ ဂီတပညာရှင်၊ သီချင်းရေးဆရာ စသဖြင့် နယ်ပယ်စုံမှာ ကျွမ်းကျင်တဲ့ အနုပညာရှင်တစ်ယောက်ဖြစ်ပြီး အရှေ့တောင်အာရှမှာသာမက ဟောင်ကောင်နဲ့ ဂျပန်တို့အထိတောင် ကျော်ကြားခဲ့သူပါ။
အရွယ်ကောင်း အသက် ၄၄ နှစ်မှာ နှလုံးရောဂါကြောင့် သေဆုံးခဲ့ရပြီး မလေးရှားတစ်နိုင်ငံလုံးက ဒီသတင်းကြောင့် တုန်လှုပ်ကာ ကြေကွဲဝမ်းနည်းခဲ့ရပါတယ်။
“သူ့ရဲ့ အနုပညာအောင်မြင်မှုတွေဟာ မလေးရှားရဲ့ အနုပညာသမိုင်းမှာ အမြဲတမ်း မပျောက်မပျက် တည်ရှိနေမှာ ဖြစ်ပါတယ်” လို့ Google ရဲ့ ၀ဘ်ဆိုက်မှာ ဖော်ပြထားပါတယ်။
မတ်လ ၂၂ ရက်နေ့ဟာ ရမ်လီရဲ့ ၈၈ နှစ်မြောက် မွေးနေ့ဖြစ်ပြီး Google က သူ့ကို ဂုဏ်ပြုတဲ့အနေနဲ့ မလေးရှားက Google ရဲ့ ပင်မစာမျက်နှာလိုဂိုမှာ ရမ်လီပုံ ကာတွန်းရုပ်ကို ထည့်သွင်းပေးခဲ့ပါတယ်။
ရမ်လီဟာ ဇာတ်ကားပေါင်း ၆၀ ကျော်လောက် ရိုက်ကူးခဲ့ပြီး သီးချင်းအပုဒ်ရေ ၂၅၀ လောက်ကို ရေးစပ်ခဲ့သူပါ။ သူ့ရဲ့အကျော်ကြားဆုံး ရုပ်ရှင်ကတော့ မလေးလူမျိုးတွေရဲ့ တောဓလေ့ကို အခြေခံရိုက်ကူးထားတဲ့ Nujum Pak Belalang ဖြစ်ပါတယ်။
Google ကတော့ ဒီလိုဂုဏ်ပြုတာဟာ “မလေးရှား ဂန္တ၀င်အနုပညာရှင်တစ်ဦး အနုပညာမှာ စွယ်စုံပေါက်မြောက်မှုကို မီးမောင်းထိုးပြဖို့နဲ့ ပြည်သူတွေ မမေ့နိုင်တဲ့သူတစ်ဦး ဖြစ်တယ်ဆိုတာ ပြသဖို့” ဖြစ်တယ်လို့ ပြောကြားခဲ့ပါတယ်။
Ref: BBC
