News @ M-Media

Tag: Man City

  • စတာလင် မန်စီးတီးပြောင်းရွှေ့မှုကို တယ်ရီထောက်ခံ

    စတာလင် မန်စီးတီးပြောင်းရွှေ့မှုကို တယ်ရီထောက်ခံ

    ဇူလိုင် ၂၇၊ ၂၀၁၅
    M-Media

    man

    – ရဟီးမ်စတာလင်အား ခေါ်ယူနိုင်ခဲ့ခြင်းမှာ မန်စီးတီးအသင်း၏ ပြောင်မြောက်သည့် ဆောင်ရွက်ချက်တစ်ခုဖြစ်ပြီး သုံးစွဲခဲ့ရသည့် ငွေကြေးကို မေ့ထားရမည်ဟု ချယ်ဆီးဝါရင့်နောက်ခံလူ တယ်ရီက ပြောကြားလိုက်သည်။

    လီဗာပူးလ်အသင်းတွင် ခြေစွမ်းပြခဲ့သော စတာလင်မှာ အသင်းနှင့် သက်တမ်းတိုးရန် အဆင်မပြေဖြစ်ပြီးနောက် မန်စီးတီးက ပေါင် ၄၉ သန်းဖြင့် ခေါ်ယူခဲ့ခြင်းဖြစ်သည်။ ထိုပြောင်းရွှေ့ကြေးအတွက် ဘောလုံးအသိုင်းအ၀ိုင်းတွင် ဝေဖန်မှုများ ရှိခဲ့သော်လည်း တယ်ရီကမူ ထိုက်တန်သည့် တန်ဖိုးဖြစ်သည်ဟု ဆိုသည်။

    “စတာလင်ဟာ အကောင်းဆုံးကစားသမားတွေထဲက တစ်ယောက်ပါ။ ပြီးခဲ့တဲ့နှစ်က သူနဲ့ ကျွန်တော် ဆုံဖူးပါတယ်။ သူက တော်တော်လေး ဒုက္ခပေးတဲ့သူပါ။ သူတို့ (မန်စီးတီး)အတွက်တော့ သူဟာ ထင်ရှားတဲ့ကစားသမားတစ်ယောက် ဖြစ်လာတော့မှာပါ။ ပိုက်ဆံကတော့ သိပ်များတာပေါ့။ ဒါပေမယ့် တစ်ခြား အင်္ဂလိပ်ကစားသမားတစ်ယောက်ကို ဘယ်လိုရှာပြီး ၀ယ်နိုင်မလဲ။ ကျွန်တော့်အတွက်တော့ သူဟာ ပရီးမီးယားလိဂ်က အကောင်းဆုံးကစားသမားတွေထဲက တစ်ယောက်ပါပဲ” ဟု တယ်ရီက မီဒီယာသို့ ပြောကြားခဲ့သည်။

    စတာလင် မန်စီးတီးသို့ ပြောင်းရွှေ့ခဲ့ခြင်းမှာ ချန်ပီယံလိဂ်တွင် ပါဝင်ကစားလိုခြင်းက အကြောင်းအရင်းတစ်ရပ် ဖြစ်နေပြီး တယ်ရီကလည်း လီဗာပူးလ်မှာ ထိုအဆင့်ကို မရောက်ခဲ့သောကြောင့် စတာလင်၏ဆန္ဒမှာ မမှားယွင်းဟုဆိုသည်။

    “သူဘယ်ကလာပြီး သူ့ဆန္ဒဘယ်လိုရှိလဲဆိုတာ ကျွန်တော်နားလည်ပါတယ်။ ဘာ့ကြောင့်လည်းဆိုတော့ သူဟာ ထိပ်တန်း အင်္ဂလိပ်ကစားသမားတစ်ယောက် ဖြစ်တယ်လို့ ကျွန်တော်ထင်လို့ပါပဲ။ ပိုက်ဆံအကြောင်း မေ့လိုက်စမ်းပါ”

    Ref: Goal

  • စတာလင်အတွက် မန်စီးတီး၏ ကမ်းလှမ်းမှု လီဗာပူးလ် သဘောတူ

    စတာလင်အတွက် မန်စီးတီး၏ ကမ်းလှမ်းမှု လီဗာပူးလ် သဘောတူ

    ဇူလိုင် ၁၃၊ ၂၀၁၅
    M-Media

    sterling

    – အသင်းရှိ ကွင်းလယ်လူ စတာလင်အား ကလပ်စံချိန်တင် ပြောင်းရွှေ့ကြေး ပေါင် ၄၉ သန်းဖြင့် မန်စီးတီအသင်းသို့ ရောင်းချရန် လီဗာပူးလ်က သဘောတူညီခဲ့သည်ဟု သိရသည်။

    စတာလင်မှာ ယခုနှစ်နွေရာသီတွင် အသင်းမှထွက်ခွာတော့မည်ဟု သတင်းများ ကျယ်ကျယ်ပြန့်ပြန့် ထွက်ပေါ်နေသူဖြစ်ပြီး ၎င်းကိုယ်တိုင်ကလည်း အသင်းမှ ထွက်ခွာချင်သည်ဟု နည်းပြ ဘရန်ဒန်ရော်ဂျာအား အသိပေးထားသူဖြစ်သည်။

    မိမိအနေဖြင့် ခရီးမသွားချင်သည့်အတွက် လီဗာပူလ်း၏ ရာသီအကြို ခြေစမ်းခရီးတွင် မပါဝင်ချင်ဟု စောစောပိုင်းက ပြောထားသော်လည်း စတာလင်မှာ နောက်ပိုင်းတွင် ပါဝင်ခဲ့ပြီး ယမန်နေ့တွင် နှုတ်ထွက်ခဲ့သည်။

    မန်စီးတီးမှာ စုစုပေါင်း ပြောင်းရွှေ့ကြေး ပေါင် ၄၉ သန်းဖြင့် ကမ်းလှမ်းခဲ့ပြီး တတိယအကြိမ်ကမ်းလှမ်းမှုလည်း ဖြစ်ခဲ့ကာ ကလပ်စံချိန်တွင် ပြောင်းရွှေ့ကြေးလည်းဖြစ်သည်။ စတာလင် ကျူပီအာရ်မှ လီဗာပူးလ်သို့ ပြောင်းရွှေ့စဉ် ချုပ်ဆိုထားသော စာချုပ်အရ ကျူပီအာရ်မှာ
    ပြောင်းရွှေ့ကြေး၏ ၂၀ ရာခိုင်နှုန်း ရရှိမည်ဖြစ်သည်။

    စတာလင်၏ အေးဂျင့်ဖြစ်သူကမူ ၎င်း၏ ကစားသမားနှင့် နည်းပြတို့အကြား ယုံကြည်မှု ပျက်သုံးသွားပြီဟု ပြောကြားခဲ့သော်လည်း နည်းပြ ရော်ဂျာက မည်သည့် အဖုအထစ်မှမရှိဟုဆိုပြီး အပြောင်းအရွှေ့အတွက်လည်း အတည်ပြုခဲ့သည်။

    “အခြေအနေက သိပ်ရှင်းပါတယ်။ အသင်းဟာ ရဟီးမ် (စတာလင်) အတွက် အခြားကလပ်အသင်းတစ်ခုနဲ့ သဘောတူခဲ့ပြီး ဆေးစစ်မှုတွေ ဆက်သွားတော့မှာပါ။ ရဟီးမ်နဲ့ ကျွန်တော်ဟာ အမြဲတမ်း ခိုင်မာတဲ့ဆက်ဆံရေးရှိပြီး ကျွန်တော်တို့ ခွဲခွာပြီးတဲ့အခါမှာလည်း ဒီအတိုင်းပဲ ဆက်ရှိသွားမှာပါ။ ဘာပြဿနာမှ မရှိပါဘူး” ဟု ရော်ဂျာက ဘန်ကောက်တွင် ပြုလုပ်ခဲ့သည့် သတင်းစာရှင်းလင်းပွဲတွင် သတင်းထောက်များအား ပြောကြားခဲ့သည်။

    Ref: Goal