News @ M-Media

Tag: Man City

  • အသင်းမှာ အာရုံစူးစိုက်မှု ပိုရှိရမည်ဟု မန်စီးတီးနည်းပြ ပြော

    အသင်းမှာ အာရုံစူးစိုက်မှု ပိုရှိရမည်ဟု မန်စီးတီးနည်းပြ ပြော

    စက်တင်ဘာ ၂၀၊ ၂၀၁၅
    M-Media

    mancity

    – ၀က်စ်ဟမ်းအား ရှုံးနိမ့်ခဲ့မှုအတွက် မိမိအနေဖြင့် စိတ်ပျက်မိပြီး အသင်းမှာ အာရုံစူးစိုက်မှု ပိုရှိရတော့မည်ဟု မန်စီးတီးနည်းပြ မန်နျူယဲလ် ပယ်လီဂရီနီက ပြောကြားလိုက်သည်။

    ပရီးမီးယားလိဂ် ၅ ပွဲစလုံးကို ပေးဂိုးမရှိဘဲ ရာနှုန်းပြည့်နိုင်ပွဲရခဲ့သည့် မန်စီးတီးအသင်းမှာ ယမန်နေ့က အိမ်ကွင်း အီတီဟတ်တွင် ၀က်စ်ဟမ်းအသင်းအား ၂ ဂိုး ၁ ဂိုးဖြင့် ရှုံးနိမ့်ခဲ့သည်။ ချန်ပီယံလိဂ်တွင် ဂျူဗင်ပတ်စ်ကို ၂ ဂိုး ၁ ဂိုးဖြင့် ရှုံးနိမ့်ခဲ့သည့် မန်စီးတီးမှာ တစ်ပတ်အတွင်း ၂ ပွဲဆက် ရှုံးနိမ့်ခြင်းလည်း ဖြစ်သည်။

    ပွဲအပြီး သတင်းစာရှင်းလင်းပွဲတွင် ပယ်လီဂရီနီမှာ အလွန် စိတ်ပျက်လက်ပျက်ဖြစ်နေပြီး မေးခွန်းများကို တိုတိုတုတ်တုတ်သာ ဖြေသွားခဲ့သည်။ ပြီးခဲ့သည့်နှစ်က ခြေချော်မှုမျိုး ပြန်လည်ရောက်ရှိလာပြီလားဟု မေးမြန်းသည့်အခါတွင် ပယ်လီဂရီနီက

    “ရာသီတစ်ခုနဲ့တစ်ခုကို ကျွန်တော် မနှိုင်းယှဉ်ချင်ပါဘူး။ ပြီးခဲ့တဲ့နှစ်ပွဲက နောက်တန်းမှာ လိုအပ်နေတဲ့ အာရုံစူးစိုက်မှုမျိုး၊ တောင့်တင်းမှုမျိုး ကျွန်တော်တို့ မရှိခဲ့ပါဘူး။ ဂိုးစည်းထိပ်က ကန်သွင်းခွင့်ရတဲ့ တစ်လုံးနဲ့ ထောင့်ကန်ဘောတစ်ကြိမ်တို့ဟာ ၀က်စ်ဟမ်းရခဲ့တဲ့ တိုက်စစ်ဆင်မှု အားလုံးပါပဲ။ အဲဒီ ၂ လုံးက ရလဒ်အတွက် အဆုံးအဖြတ် ဖြစ်ခဲ့ပါတယ်။ ကျွန်တော်တို့ ပိုပြီး အာရုံစိုက်ရပါလိမ့်မယ်” ဟု ပြန်လည်ဖြေကြားခဲ့သည်။

    ထိုပွဲတွင် မန်စီးတီး၏ ကစားသမားသစ်ဖြစ်သော ဒီဘရူနီ ပထမဆုံး ၀င်ရောက်ကစားခဲ့ပြီး အသင်းအတွက် ချေပဂိုးတစ်ဂိုးကို အဝေးကန်ချက်ဖြင့် လှလှပပ သွင်းယူပေးခဲ့သည်။ သို့သော်လည်း ပွဲနိုင်ရန်သာ အရေးကြီးသည်ဟု ပယ်လီဂရီနီက ဆိုသည်။

    “သူဂိုးသွင်လား၊ မသွင်းဘူးလားဆိုတာကို ကျွန်တော် ဂရုမစိုက်ပါဘူး။ အရေးကြီးတာက နိုင်ဖို့ပါ။ ကျွန်တော်တို့ မနိုင်ခဲ့ပါဘူး”

    ၀က်စ်ဟမ်းနည်းပြ ဆလာဗန် ဘီလစ်ကမူ အာဆင်နယ်၊ လီဗာပူးလ်တို့အား အဝေးကွင်း၌ အနိုင်ကစားခဲ့ပြီးနောက် မန်စီးတီးကိုပါ အနိုင်ရခဲ့သည့်အတွက် ကျေနပ်နေသည်။

    “အံ့သြစရာပါပဲ။ ကျွန်တော်တို့ရဲ့ ကြီးကျယ်တဲ့ကလပ်အသင်း၊ ပရိတ်သတ်တွေ၊ ၀န်ထမ်းတွေနဲ့ ဘုတ်အဖွဲ့တွေလို အသင်းနဲ့ ဆက်နွယ်ပတ်သက်နေသူ လူတိုင်းအတွက် ကျွန်တော် ဂုဏ်ယူပါတယ်။ အထူးသဖြင့် ကစားသမားတွေအတွက်ပေါ့ဗျာ” ဟု ဘီလစ်က ပြောကြားခဲ့သည်။

    Ref: Goal

  • မန်စီးတီးမှာ ချန်ပီယံလိဂ်အရှုံးနှင့် မထိုက်တန်ဟု ပယ်လီဂရီနီပြော

    မန်စီးတီးမှာ ချန်ပီယံလိဂ်အရှုံးနှင့် မထိုက်တန်ဟု ပယ်လီဂရီနီပြော

    စက်တင်ဘာ ၁၆၊ ၂၀၁၅
    M-Media

    mancity

    – ချန်ပီယံလိဂ် အုပ်စုအဖွင့်ပွဲစဉ်တွင် ဂျူဗင်တပ်စ်အား မိမိတို့အသင်းက ရှုံးနိမ့်ခဲ့မှုမှာ မထိုက်တန်ဟု မန်စီးတီးနည်းပြ မန်နျူယဲလ် ပယ်လီဂရီနီက ပြောကြားလိုက်သည်။

    ယနေ့မနက်က အီတီဟတ်ကွင်းတွင် ကစားခဲ့သည့် အဆိုပါပွဲတွင် ပရီးမီးယားလိဂ်၌ ပေးဂိုးမရှိဘဲ ရာနှုန်းပြည့် အနိုင်ရရှိထားသည့် မန်စီးတီးမှာ ၅၇ မိနစ်တွင် ချီလီနီ၏ ကိုယ့်ဂိုးကိုယ်သွင်းမှုဖြင့် ဦးဆောင်ခဲ့သော်လည်း ပေါ့ဘာ၏ ဖန်တီးပေးမှုမှတစ်ဆင့် မန်ဇူကစ်က မိနစ် ၇၀ တွင် ချေပဂိုး သွင်းယူပေးခဲ့သည်။

    ထို့နောက် ၈၁ မိနစ်တွင် မိုရာတာက အနိုင်ဂိုးကို လှလှပပ သွင်းယူပေးခဲ့ကာ ဂျူဗင်တပ်စ်အသင်းအား အနိုင် ၃ မှတ် ရရှိစေခဲ့သည်။

    “စိတ်ပျက်စရာပါပဲ။ အရှုံးနဲ့ ထိုက်တန်တယ်လို့တော့ ကျွန်တော် မထင်ပါဘူး။ ကျွန်တော်တို့ ပိုကောင်းတဲ့အခွင့်အရေး ရခဲ့ပြီး၊ ဂျူဗင်တပ်စ်အသင်းထက်လည်း ကစားပုံ ပိုကောင်းခဲ့ပါတယ်။ ဒီပွဲဟာ သာမန် ချန်ပီယံလိဂ် ပွဲတစ်ပွဲပါ။ နှစ်သင်းစလုံးဟာ အခွင့်အရေး အများကြီး မဖန်တီးနိုင်ခဲ့ပါဘူး။ ဒါပေမယ့် ကျွန်တော်တို့က ဘောလုံးပိုင်ဆိုင်မှု ပိုရခဲ့ပါတယ်” ဟု ပယ်လီဂရီနီက ပွဲအပြီးတွင် BT Sport သို့ ပြောကြားခဲ့သည်။

    မန်စီးတီးအသင်း၏ အဓိက ကွင်းလယ်လူ ယာယာတိုးယေးကလည်း ဂျူဗင်တပ်စ်အသင်းမှာ ကံကောင်းခဲ့သည်ဟု ဆိုသည်။

    “အီတလီအသင်းဟာ တော်တော်ကောင်းတယ်လို့ ကျွန်တော် ထင်ပါတယ်။ သူတို့ ခံစစ်ကောင်းတယ်။ ပြီးတော့ သူတို့ ကံလည်းကောင်းသွားပါတယ်။ ကျွန်တော်တို့ကစားပုံ အဲလောက်မဆိုးပါဘူး။ အခွင့်အရေးတွေကို ကျွန်တော်တို့ လွဲချော်ခဲ့တယ်။ တောင့်တင်းအောင်လုပ်ပြီး နောက်တစ်ပွဲမှာ ပြန်လာရပါမယ်။ ကျွန်တော်တို့ ရဲရင့်ခဲ့ပြီး ဥရောပအတွေ့အကြုံကနေ သင်ယူကာ ပိုကောင်းအောင် ကြိုးစားရပါမယ်” ဟု ယာယာတိုးယေးက ပြောကြားခဲ့သည်။

    Ref: Goal

  • မိမိမှာ ဖိုက်တာတစ်ယောက်ဖြစ်သည်ဟု မန်စီးတီး နောက်ခံလူသစ်ပြော

    မိမိမှာ ဖိုက်တာတစ်ယောက်ဖြစ်သည်ဟု မန်စီးတီး နောက်ခံလူသစ်ပြော

    သြဂုတ် ၂၁၊ ၂၀၁၅
    M-Media

    ota

    – အသင်း၏ ပရိတ်သတ်များအနေဖြင့် မိမိအား ဖိုက်တာတစ်ယောက်အဖြစ် မျှော်လင့်ရမည်ဖြစ်ပြီး မိမိအနေဖြင့်လည်း အသင်းအတွက် အရာရာကို ပေးဆပ်သွားမည်ဟု မန်စီးတီးအသင်း၏ ကစားသမားသစ် အိုတာမန်ဒီက ပြောကြားလိုက်သည်။

    အာဂျင်တိုင်းခံစစ်မှူး နီကိုလက်စ် အိုတာမန်ဒီမှာ ဗလင်စီယာအသင်းမှ ယူရို ၄၅ သန်းဖြင့် ယမန်နေ့က ပြောင်းရွှေ့လာခဲ့ခြင်းဖြစ်ပြီး နွေရာသီအပြောင်းအရွှေ့တွင် မန်စီးတီးအသင်း ဖြည့်တင်းသည့် စတုတ္ထမြောက် ကစားသမားလည်း ဖြစ်လာခဲ့သည်။

    “ကွင်းအတွင်းမှာတော့ ကျွန်တော်ဟာ ကိုယ်ရည်ကိုယ်သွေးများစွာနဲ့ ကစားသမားတစ်ဦးပါ။ အလယ်တန်းနဲ့ တိုက်စစ်မှူးတွေ ပူပင်သောကမရှိ တိုက်စစ်ဆင်နိုင်ဖို့ ကျွန်တော်ဟာ ခံစစ်လိုင်းကို စုစုစည်းစည်း ရှိစေချင်ပါတယ်။ အသင်းက ခံစစ်စီအစဉ်ကို ကျွန်တော် ဆက်လက်ထိန်းသိမ်းချင်ပါတယ်” ဟု မန်စီးတီးအသင်း၏ ၀ဘ်ဆိုက်သို့ အိုတာမန်ဒီက ပြောကြားခဲ့ပြီး မိမိမှာ ဘောလုံးတိုင်းအတွက်
    တိုက်ပွဲဝင်သွားမည့် ဖိုက်တာတစ်ယောက်ဖြစ်သည်ဟုလည်း ဆိုသည်။

    သို့သော်လည်း ပထမနေရာရရန်အတွက် အသင်းရှိ အမာခံ ခံစစ်မှူးများဖြစ်သော ကွန်ပနီ၊ မန်ဂါလာ၊ ဒီမစ်ချယ်လီတို့နှင့် ယှဉ်ပြိုင်ရမည်ဖြစ်ပြီး၊ အိုတာမန်ဒီကမူ ထိုသို့ယှဉ်ပြိုင်ရခြင်းမှာ ဘောလုံး၏ အလှတရားဟု ထည့်သွင်းပြောကြားခဲ့သည်။

    “ကွန်ပနီဟာ ကမ္ဘာပေါ်က အကောင်းဆုံး နောက်ခံအလယ်လူတွေထဲက တစ်ဦးပါ။ ဒီမစ်ချယ်လီကလည်း ကြီးကျယ်တဲ့ကစားသမားမို့လို ဒီမှာ ရှိနေတာပါ။ မန်ဂါလာလည်း ဒီအတိုင်းပါပဲ။ ကမ္ဘာပေါ်က အသင်းတိုင်း လိုချင်ကြတဲ့ ကစားသမားတွေ ဒီမှာရှိပါတယ်။ ပွဲထွက် ၁၁ ယောက်မှာ ပြင်းထန်တဲ့ယှဉ်ပြိုင်မှုမျိုး ရှိမှာပါ။ ဒါပေမယ့် အသင်းဖော်တွေနဲ့ ပြင်းပြင်းထန်ထန် ယှဉ်ပြိုင်ခြင်းဆိုတာ ဘောလုံးရဲ့ အလှတရားပါပဲ”

    Ref: Goal

  • မော်ရင်ဟိုအား လက်ဆွဲနှုတ်ဆက်မည်ဟု ပယ်လီဂရီနီပြော

    မော်ရင်ဟိုအား လက်ဆွဲနှုတ်ဆက်မည်ဟု ပယ်လီဂရီနီပြော

    သြဂုတ် ၁၅၊ ၂၀၁၅
    M-Media

    man

    – မော်ရင်ဟိုနှင့်ပတ်သက်၍ မိမိတွင် မည်သည့် အာဃာတမှမရှိဘဲ တနင်္ဂနွေနေ့တွင် ကစားမည့် ပရီးမီးယားလိဂ်ပွဲတွင်လည်း မော်ရင်ဟိုအား လက်ဆွဲနှုတ်ဆက်သွားမည်ဟု မန်စီးတီးနည်းပြ ပယ်လီဂရီနီက ပြောကြားလိုက်သည်။

    ၂၀၁၃ ခုနှစ် အောက်တိုဘာလတွင် မန်စီးတီးအသင်းအား ချယ်ဆီးက ၂ ဂိုး ၁ ဂိုးဖြင့် အနိုင်ရရှိခဲ့သည့်ပွဲတွင် ပယ်လီဂရီနီမှာ မော်ရင်ဟိုကို လက်ဆွဲနှုတ်ဆက်ရန် ငြင်းဆိုခဲ့ပြီးနောက် ၎င်းတို့နှစ်ဦး၏ ကြားထဲတွင် တင်းမာမှုများ မြင့်တက်လာခဲ့သည်။

    သို့သော်လည်း ပယ်လီဂရီနီကမူ အီတီဟတ်တွင်ကစားမည့် ယခုတစ်ပတ်ပွဲတွင် ထိုကဲ့သို့ ပြုလုပ်မည်မဟုတ်ဟု ဆိုသည်။

    “သူနဲ့ ကျွန်တော်ဟာ သဘောထားခြင်း တော်တော်လေးခြားနားပါတယ်။ ဒါပေမယ့် အမြဲတမ်း ကျွန်တော် သူ့ကို လက်ဆွဲနှုတ်ဆက်ပါတယ်” ဟု ၎င်းက သတင်းထောက်များအား ပြောကြားခဲ့သည်။

    မန်စီးတီးတွင် အားထားရသည့် တိုက်စစ်မှူး ဆာဂျီယိုအဂူရိုမှာ ထိုပွဲတွင် ပြန်ပါဝင်နိုင်ဖွယ်ရှိနေပြီး ပယ်လီဂရီနီကမူ အဂူရိုမှာ တစ်ပတ်လုံး မည်သည့်ပြဿနာမှမရှိဘဲ အလုပ်လုပ်ခဲ့သည်ဟု ပြောကြားခဲ့သည်။

    “သူ ရာနှုန်းပြည့်တော့ မကြံ့ခိုင်သေးပါဘူး။ ဘာ့ကြောင့်လည်းဆိုတော့ ရှည်လျားတဲ့ ရာသီကြိုမှာ ပိုကောင်းအောင် လုပ်ခဲ့တာကြောင့်ပါပဲ။ ဒါပေမယ့် ပရီးမီးယားလိဂ်မှာ ကျွန်တော်တို့ အဆင်သင့်ဖြစ်နေပြီး ဆာဂျီယိုကလည်း ဘာပြဿနာမှ မရှိပါဘူး”

    Ref: Goal

  • မန်စီးတီး၏ပရိတ်သတ် ဆက်ဖြစ်နေမည်ဟု ဇက်ကိုပြော

    မန်စီးတီး၏ပရိတ်သတ် ဆက်ဖြစ်နေမည်ဟု ဇက်ကိုပြော

    သြဂုတ် ၁၃၊ ၂၀၁၅
    M-Media

    roma

    – စီးရီးအေကလပ် ရိုးမားအသင်းသို့ တစ်နှစ်အငှားစာချုပ်ဖြင့် ပြောင်းရွှေ့ခဲ့သော်လည်း မိမိအနေဖြင့် အမြဲတမ်း မန်စီးတီးပရိတ်သတ်သာ ဖြစ်နေမည်ဟု တိုက်စစ်မှူး ဇက်ကိုက ပြောကြားလိုက်သည်။

    ပြီးခဲ့သည့်နှစ်က ပရီးမီးယားလိဂ်တွင် ၁၁ ပွဲသာ ပါဝင်ကစားခဲ့ရသည့် ဇက်ကိုမှာ ရိုးမားသို့ အငှားဖြင့် ပြောင်းရွှေ့မှုကို ယမန်နေ့က အပြီးသတ်နိုင်ခဲ့ပြီး ရာသီကုန်တွင် အပြီးသတ်ခေါ်ယူနိုင်ခွင့်ရှိမည့် ချွင်းချက်တစ်ခုလည်း ပါဝင်ခဲ့သည်။

    ဇက်ကိုကမူ ၂၀၁၁ ခုနှစ် ဇန်န၀ါရီ ၀ုလ်ဘာ့ဂ်မှ ရောက်ရှိခဲ့ပြီးကတည်းက မိမိအား အားပေးထောက်ခံခဲ့မှုအတွက် အသင်းအား ကျေးဇူးတင်မိသည်ဟု ပြောကြားခဲ့သည်။

    “ကျွန်တော့်အတွက် ခင်ဗျားတို့ရဲ့ ကျွေးကြော်သံတွေ၊ ခင်ဗျားတို့အတွက် ကျွန်တော့်ရဲ့ မေတ္တာတွေနဲ့ ပြည့်နှက်ခဲ့တဲ့ ၄ နှစ်ခွဲတာကာလ ပြီးတဲ့နောက် “နှုတ်ဆက်ပါတယ်” လို့ ပြောရမယ့်အချိန် ရောက်လို့လာခဲ့ပါပြီ။ မန်စီးတီးမှာ ကျွန်တော့်ရဲ့ အကောင်းဆုံးတွေထဲက အချိန်အတစ်ချို့ကို ကုန်ဆုံးခဲ့ပါတယ်။ ဘယ်တော့မှ မေ့လို့မရမယ့် အချိန်တွေပါပဲ” ဟု ဇက်ကိုက ပြောကြားခဲ့သည်။

    ထို့ပြင် နှုတ်ဆက်သည်ဟု ပြောရခြင်းမှာ အမြဲတမ်းခက်ခဲသည့် အရာများထဲမှ တစ်ခုဖြစ်ကြောင်း၊ မိမိမှာ မန်စီးတီး၏ ပရိတ်သတ် ဆက်ဖြစ်နေမည်ဖြစ်ကြောင်း ၎င်းက ထည့်သွင်းပြောကြားခဲ့သည်။

    “ကျွန်တော်ဟာ မန်စီးတီးရဲ့ အမာခံပရိတ်သတ်အဖြစ် ဆက်လက်ရှိသွားမှာပါ။ အသင်းအနေနဲ့ အနာဂတ်မှာ ဆုဖလားတွေ၊ ပျော်ရွှင်မှုတွေ ရရှိပါစေကြောင်း အကောင်းဆုံး ဆုမွန်ကောင်း တောင်းလိုက်ပါတယ်”

    Ref: Goal