Tag: Man City

အောက်တိုဘာ ၂၀၊ ၂၀၁၅
M-Media

– လီဗာပူးနည်းပြဟောင်း ဘရန်ဒန် ရော်ဂျာ်၏ နေရာတွင် ဂျာဂန်ကလော့ပ်အား အစားထိုးမည်ဟု သိရှိရပါက ရဟီးမ် စတာလင်မှာ လီဗာပူးတွင် ဆက်ရှိကောင်း ဆက်ရှိနိုင်သည်ဟု ၎င်း၏ အေးဂျင့်ဖြစ်သူ အေဒီ ၀ါ့ဒ်က ပြောကြားလိုက်ပြီး ကလော့ပ်မှာ စတာလင်နှင့် လုံးဝ လိုက်ဖက်မည်ဟု ဆိုသည်။

အသက် ၂၀ အရွယ် အင်္ဂလန်တိုက်စစ်မှူးမှာ ယခုနှစ်နွေရာသီတွင် မန်စီးတီးသို့ ပြောင်းရွှေ့ခဲ့ခြင်းဖြစ်ပြီး လီဗာပူးလ်မှ ထွက်ခွာရသည့် အဓိကအကြောင်းအရင်းမှာ ရော်ဂျာရှိနေခြင်းကြောင့်ဟု ဆိုသည်။

“လီဗာပူးလ်နည်းပြအသစ်က ရဟီးမ်နဲ့ လုံးဝ လိုက်ဖက်မှာပါ။ သူက ငြင်သာတယ်၊ စည်းကမ်းကြီးတယ်၊ အကြံသစ်ဥာဏ်သစ်ရှိတယ်၊ အသစ်အသစ်တွေကို စမ်းကြည့်ဖို့ မကြောက်ဘူး။ သူဟာ လီဗာပူးမှာ ကြီးကျယ်လာမှာပါ။ ကလော့လက်အောက်မှာ ရဟီးမ်ဟာ ကောင်းမွန်တဲ့ အခြေအနေ ရှိမလားဆိုလာရင်တော့ – ဟုတ်ပါတယ်။ ၁၀၀ ရာခိုင်နှုန်း ရှိမှာပါပဲ” ဟု အေးဂျင့် ၀ါ့ဒ်က ပြောခကြားခဲ့သည်။

Ref: Goal

အောက်တိုဘာ ၁၉၊ ၂၀၁၅
M-Media

– မိမိ၏ အောင်မြင်မှုများ၊ ၀င်ငွေများကိုကြည့်၍ လူများက မိမိမှာ ပျော်ရွှင်နေသည်ဟု ထင်မြင်နေကြသော်လည်း တကယ်တမ်းတွင် မိမိမှာ မပျော်ရွှင်ဟု မန်စီးတီး၏ ကွင်းလယ်ဗိုလ်ချုပ် ယာယာတိုးယေးက ပြောကြားလိုက်သည်။

ဘာစီလိုနာမှ ၂၀၁၀ ပြည့်နှစ်တွင် မန်စီးတီးတို့ ရောက်ရှိလာခဲ့သည့် တိုးယေးမှာ ပရီးမီးယားလိဂ်ဖလား ၂ လုံး၊ FA ဖလားတစ်လုံးနှင့် လိဂ်ဖလားတစ်လုံးတို့ကို မန်စီးတီးနှင့်အတူ ဆွတ်ခူး ရရှိထားသည်။ လက်ရှိတွင် တစ်ပတ်ပေါင် ၂၂၀၀၀၀ ဖြင့် စာချုပ် ၁၈ လ ကျန်နေသေးပြီး တိုးယေးကမူ မီဒီယာများမှာ မိမိအား ဦးတည်၍ ဝေဖန်နေသည်ဟုလည်း ထင်မြင်နေသည်။

“တစ်ခါတစ်ရံကျရင် ကျွန်တော် တော်တော်လေး မပျော်ရွှင်ဘူးလို့ ခံစားရပါတယ်။ ၂၀၁၀ ခုနှစ်မှာ မန်စီးတီးကို ရောက်လာတဲ့အခါ ကျွန်တော်က ဘောလုံးလောကကို သတ်ပစ်မယ်လို့ လူတွေပြောတာ ကျွန်တော်ကြားခဲ့ပါတယ်။ ဂျာနယ်လစ်တွေကလည်း ကျွန်တော့်လစာအကြောင်း ပြောကြတယ်။ ဒါပေမယ့် ကျွန်တော်ဒီကလပ်မှာရှိနေတာဟာ တိုးတက်ဖို့နဲ့ ဖလားတွေရအောင် ကူညီဖို့ပါ။ လူတော်တော်များများက ကျွန်တော်ဒါမျိုးပြောရင် ရယ်ကျဲ့ကျဲ့လုပ်ကြပါတယ်” ဟု ယာယာတိုးယေးက ပြောကြားခဲ့သည်။

Ref: Dailymail

အောက်တိုဘာ ၁၇၊ ၂၀၁၅
M-Media

– မိမိ၏ ဆန္ဒမပါဘဲ ၎င်း၏ သဘောဖြင့် ဘယ်လ်ဂျီယံလက်ရွေးစင်အသင်းတွင် သွားရောက်ကစားခဲ့သည့်အတွက် အဓိက နောက်ခံလူ ကွန်ပနီအပေါ် စိတ်ခုနေပြီး ယနေ့တွင်ကစားမည့် ဘုန်းမောက်နှင့်ပွဲစဉ်တွင် ချန်လှပ်ကောင်း ချန်လှပ်မည်ဟု မန်စီးတီးနည်းပြ မန်နျူယဲလ် ပယ်လီဂရီနီက ပြောကြားလိုက်သည်။

ခြေသလုံးကြွက်သားဒဏ်ရာမှ ပြန်လည်သက်သာလာသည့် ကွန်ပနီအား ဒဏ်ရာအရှင်း ပျောက်ကင်းရေးအတွက် အင်္ဂါနေ့က ကစားခဲ့သည့် ယူရို ၂၀၁၆ ခြေစစ်ပွဲ အစ္စရေးနှင့်ပွဲတွင် ဘယ်လ်ဂျီယံအသင်းသို့ သွားရောက်ကစားခြင်းမပြုရန် မန်စီးတီးက တားမြစ်ခဲ့သည်။

“ကျွန်တော် မကျေနပ်ပါဘူး။ ဘာ့ကြောင့်လည်းဆိုတော့ ကျွန်တော်တို့ ဗင်းဆင့် (ကွန်ပနီ) ကို ဆေးစာနဲ့အတူ မကစားနိုင်ဘူးလို့ ပြောခဲ့ပါတယ်။ ဒါပေမယ့် ဘယ်လ်ဂျီယံမန်နေဂျာက နိုင်ငံတကာပွဲ သီတင်းပတ်မှာ သူ ကြိုက်တာသူလုပ်နိုင်တယ်လို့ ပြောပါတယ်။ ကစားသမားကို သူ သုံးချင်ပြီး သုံးလည်းသုံးခဲ့ပါတယ်။ ကျွန်တော့်အတွက်တော့ ကစားသမားတစ်ယောက် ကလပ်အသင်းအတွက် နောက်ဆုံး ၃ ပွဲကို မကစားခဲ့ရင် နိုင်ငံအသင်းမှာလည်း ကစားလို့ မရပါဘူး။ ဒါက ဥပဒေပါ။ ဒါကို လုပ်ဖို့တော့ ကျွန်တော့်တာဝန် မဟုတ်ပါဘူး။ တစ်ချိန်ချိန်ကျရင်တော့ ဒါနဲ့ပတ်သက်ပြီး ကလပ်အတွင်းတွေက ဆန္ဒပြပါလိမ့်မယ်” ဟု ပယ်လီဂရီနီက ပြောကြားခဲ့သည်။

Ref: Goal

အောက်တိုဘာ ၅၊ ၂၀၁၅
M-Media

– မိမိအသင်း၏ အားထားရသည့် တိုက်စစ်မှူး ဆာဂျီယိုအဂူရိုထက် ပိုကောင်းသူမှာ မက်ဆီနှင့် ရော်နယ်ဒိုသာ ရှိတော့သည်ဟု မန်စီးတီးနည်းပြ ပယ်လီဂရီနီက ပြောကြားလိုက်သည်။

ပြီးခဲ့သည့်ရာသီက ဂိုးအများဆုံးသွင်း၍ ပရီးမီးယားလိဂ်ရွှေဖိနပ်ဆု ရခဲ့သည့် အဂူရိုမှာ စနေနေ့က နယူးကာဆယ်အား ၆ ဂိုး ၁ ဂိုးဖြင့် အနိုင်ရခဲ့သည့်ပွဲတွင် ၅ ဂိုး သွင်းယူပေးခဲ့ပြီး ယခုနှစ် ဂိုးအများဆုံးသွင်းသူများ စာရင်းတွင် ၆ ဂိုးဖြင့် ဒုတိယနေရာတွင်ရှိနေသည်။

“အဂူရိုဟာ တကယ့်ကို အဲဒီအဆင့်မှာရှိတယ်ဆိုတာ (နယူးကာဆယ်နဲ့ပွဲမှာ) ကျွန်တော့်တို့ တွေ့မြင်ခဲ့ရပြီးပါပြီ။ ရော်နယ်ဒိုနဲ့ မက်ဆီတို့ ပြီးတဲ့နောက်မှာတော့ သူဟာ ကမ္ဘာ့အကောင်းဆုံး ဘောလုံးသမားပါပဲ။ သူ့တစ်ယောက်တည်း အတွက်သာမက အသင်းအတွက် အရေးကြီးတာက ကျွန်တော်တို့ မဖြစ်မနေ ဆက်လက်တိုးတက်သွားရမယ် ဆိုတာပါပဲ။ ကျွန်တော်တို့ ပရီးမီးယားလိဂ်နဲ့ ချန်ပီယံလိဂ်တွေကို ဗိုလ်စွဲဖို့လိုအပ်တယ်။ ဘာ့ကြောင့်လည်းဆိုတော့ မက်ဆီနဲ့ ရော်နယ်ဒိုတို့ဟာ အဲဒီပြိုင်ပွဲမှာ အမြဲလိုလိုပါနေပြီး
ကစားသမားတစ်ယောက်အတွက်လည်း အရမ်းအရေးကြီးပါတယ်” ဟု ပယ်လီဂရီနီက ပြောကြားခဲ့သည်။

Ref: Goal