News @ M-Media

Tag: Meikhtila

  • ကုလသမဂ္ဂအကြံပေး မစ္စတာ နမ်ဘီယား မိတ္ထီလာမြို့သို့ ရောက်ရှိပြီး ဘာသာပေါင်းစုံနှင့် တွေ့ဆုံ

    သြဂုတ် ၂၉၊ ၂၀၁၃
    M-Media
    သုတ

    1234905_582756241766850_432073801_n

    မိတ္ထီလာ ။ ။ ကုလသမဂ္ဂအတွင်းရေးမှူးချုပ် မစ္စတာ ဘန်ကီမွန်း၏ မြန်မာနိုင်ငံဆိုင်ရာ အထူးအကြံပေးအရာရှိ မစ္စတာ နမ်ဘီးယားဟာ မြန်မာနိုင်ငံကိုရောက်ရှိနေရာ ယနေ့ သြဂုတ်လ ၂၉-ရက်နေ့တွင် မိတ္ထီလာမြို့သို့ ရောက်ရှိပြီး ညနေ ၄း၀၀-နာရီက အကြမ်းဖက်ခံများ၊ ထို့နောက် ၄း၃၀-နာရီခန့်က ဘာသာပေါင်းစုံနှင့် တွေ့ဆုံဆွေးနွေးခဲ့ကြာင်း သိရသည်။

    အဆိုပါ တွေ့ဆုံမှုတွင် သံဃာတော် ဆရာတော်များ၊ ဘာသာရေး ခေါင်းဆောင်များ၊ အကြမ်းဖက်ခံများ အပါအ၀င် မိတ္ထီလာမြို့ခံများနှင့် တွေ့ဆုံ ဆွေးနွေးခဲ့ကြောင်းသိရသည်။

    မစ္စတာနမ်ဘီးယားသည် ၄-နာရီခန့်က ဘင်္ဂါလီဗလီနှင့် မင်္ဂလာဇေယုံရပ်ကွက်များသို့ သွားရောက်တွေ့ဆုံမေးမြန်းပြီး ချမ်းအေးသာယာဗလီသို့လည်းသွားရောက်ခဲ့သည်။ ချမ်းအေးသာယာ အကြမ်းဖက်ခံများနှင့် တွေ့ဆုံမေးမြန်းမှုတွင် အကြမ်းဖက်ခံများမှ CAMP များအတွင်း နေထိုင်လိုမှု မရှိတော့ဘဲ မိမိတို့ နေရာများသို့သာ ပြန်လိုကြောင်းပြောကြားခဲ့သည်။  မစ္စတာနမ်ဘီးယားမှ နိုင်ငံတော်မှ စီစဉ်ပေးခြင်းမရှိဘူးလားဟုမေးမြန်းရာတွင် အကြမ်းဖက်ခံများမှ နိုင်ငံတော်မှ စီစဉ်ပေးသည်။ သို့သော် မိမိတို့ မြေကွက်များကို သိမ်းယူပြီး တိုက်ခန်းများ ဆောက်လုပ်မည်ဆိုခြင်းကို လက်မခံလိုကြောင်း၊ မိမိမြေနေရာများသာ လိုချင်ကြောင်း၊ နိုင်ငံတော်မှ တိုက်ခန်းများ ဆောက်လုပ်ပေးခြင်းကို မလိုလားကြောင်း ပြန်လည်ဆွေးနွေးပြောဆိုခဲ့ကြသည်။

    ထို့နောက် ချမ်းအေးသာယာရပ်ကွက်အတွင်းမှ ဗုဒ္ဓဘာသာဝင်များ၏ CAMP များသို့လည်း သွားရောက်ရာ ထို CAMP အတွင်းမှ ဗုဒ္ဓဘာသာဝင်များမှလည်း မွတ်စလင်မ်များနှင့် မည်သည့်ပြဿနာမျှမရှိဘဲ အတူယှဉ်တွဲ နေထိုင်လို့ရကြောင်း၊ မွတ်စလင်မ်တွေနဲ့အတူ နေထိုင်နိုင်သည့်အတွက် မိမိတို့အနေနှင့်လည်း တိုက်ခန်းများတွင် မနေလိုကြောင်း ပြောဆိုခဲ့သည့်အတွက် မစ္စတာနမ်ဘီးယားမှ တာဝန်ရှိသူများအား ပြန်လည်တင်ပြမည်ဟု ဆွေးနွေးပြောဆိုခဲ့သည်။

    10026_582756175100190_123279992_n

    ညနေ ၄း၃၀-နာရီတွင် ဘာသာပေါင်းစုံနှင့် တွေ့ဆုံရာတွင် ဘာသာပေါင်းစုံမှ သံဃာတော်များ၊ မွတ်စလင်မ်ခေါင်းဆောင်များ၊ ခရစ်ယာန်ခေါင်းဆောင်များ၊ ဟိန္ဒူဘာသာမှခေါင်းဆောင်များလည်း ပါဝင်ဆွေးနွေးခဲ့ကြသည်။ အစ္စလာမ်မှ မုဖ်သီနူးမုဟမ္မဒ်မှလည်း  ဘာသာပေါင်းစုံ အတူယှဉ်တွဲရေးနှင့် ဘာသာတရားတိုင်းသည် အကြမ်းဖက်သည့် သာသနာမဟုတ်ဘဲ တရားရေအေး တိုက်ကျွေးသည့် သာသနာဖြစ်ကြောင်းလည်း ပြောကြားခဲ့သည်။

    အင်တာနက်စာမျက်နှာများ အထူးသဖြင့် ဖေ့ဘွတ်စာမျက်နှာတွင် မုန်းတီးရေးများရေးသားနေမှု၊ ဦးရဲထွဋ်ကိုယ်တိုင်ရေးသားသည်မှာ ယခုဖြစ်ခဲ့သော ကိစ္စရပ်များသည် ဘာသာရေးအသွင် မဟုတ်၊ လူတစ်စု၏လုပ်ဆောင်မှုသည်ဆိုသည့်အတွက် အကြမ်းဖက်မှုလုပ်ဆောင်နေသည့် လူစုအား အရေးယူသင့်ကြောင်း၊ အရေးယူမှုအား နိုင်ငံတော်အနေနှင့် မလုံလောက်ပါက နိုင်ငံခြား၏ အကူအညီလည်း ယူသင့်ကြောင်း ဆွေးနွေးပြောဆိုခဲ့ကြသည်။

    အချုပ်အနေနှင့် မစ္စတာ နမ်ဘီးယားမှ ဘာသာပေါင်းစုံ အေးချမ်းစွာနှင့် သင့်မြတ်စွာနေထိုင်ကြရန် ဆွေးနွေးပြောဆိုခဲ့ပါသည်။

    ဗုဒ္ဓဘာသာမှ ဆရာတော် အရှင်ဆေကိန္ဒနှင့် ဘုန်းတော်ကြီးများ၊ ခရစ်ယာန်သာသနာမှ မန္တလေးတိုင်း သင်းအုပ်ဆရာတော်၊ ဟိန္ဒူဘာသာမှ ဆရာတော် ဦးဘော်ဘီ၊ အစ္စလာမ် သာသနာမှ မုဖ်သီနူး မုဟမ္မဒ်၊ ခလီဖွှဟ်ဦးသိန်းဝင်းအောင်၊ ဦးအောင်ဇော်ဝင်း တို့လည်း အဆိုပါ တွေ့ဆုံမှုတွင် တက်ရောက်ပါဝင်ခဲ့ကြသည်။

    ဓါတ်ပုံများကြည့်ရန်။ http://goo.gl/A8877Y

  • မိတ္ထီလာမြို့တွင် လူစုလူဝေးပြုနေကြသဖြင့် မွတ်စလင်မ်များ စိုးရိမ်နေ

    သြဂုတ် ၂၃၊ ၂၀၁၃
    M-Media
    ဇာဏီ

    Quintana
    ဓါတ်ပုံ ရှင်းလင်းချက်- သြဂုတ်လ ၁၉ ရက်နေ့ ကုလ လူအခွင့်အရေးကိုယ်စားလှယ် ကင်တားနား မိထ္ထိလာမြို့သို့ရောက်ရှိစဉ် တွေ့ရသော ဆန္ဒပြလူအုပ်ကို တွေ့ရစဉ်
    Photo Credit- (VOA Burmese Service)

    မိတ္ထီလာ ။          ။         မန္တလေးတိုင်းဒေသကြီး၊ မိတ္ထီလာမြို့တွင် လူစုလူဝေးပြုလုပ်နေသဖြင့် အကြမ်းဖက်မှုများ ထပ်မံ ပြုလုပ်လာမည်ကို မိတ္ထီလာမြို့ရှိ မွတ်စလင်မ်များမှ စိုးရိမ်နေကြောင်း သတင်းရရှိသည်။

    အဆိုပါဖြစ်စဉ်နှင့်စပ်လျဉ်း၍ မိတ္ထီလာမြို့သို့ ဆက်သွယ်မေးမြန်းရာ “ဘယ်ရပ်ကွက်မှာ မွတ်စလင်မ်လူဦးရေများလဲဆိုတာ ရဲတွေက လိုက်လံ checking လုပ်နေတာရှိတယ်။ မနက်ဖြန် ၂၄-ရက်နေ့ကစပြီး အခုလာမယ့် ၂၅-၂၆ ရက်နေ့တွေမှာ အရင်က ကျန်ခဲ့တဲ့အိမ်တွေကို အကြမ်းဖက်တာ လုပ်မယ်လို့ ကြားနေရတယ်။ အခုလို ဖြစ်နေတာတွေအပေါ်မှာ နိုင်ငံတော်က ကြေညာချက်ထုတ်ပြန်ပြီး တားဆီးပေးတာမျိုးမရှိဘူး။ တကယ်တမ်းဆိုရင် ခရိုင်အုပ်ချုပ်ရေးမှူးရုံးကပဲဖြစ်ဖြစ် လိုက်ပြီး လော်စပီကာနဲ့ လိုက်အော်ပြီး ထိန်းသိမ်းပေးတာမျိုး၊ သူတို့ ပုဒ်မ ၁၄၄ ထုတ်တုန်းက လိုက်အော်သလိုပေါ့ဗျာ၊ အဲ့လိုမျိုး ထိန်းသိမ်းပေးတာမျိုးဖြစ်စေချင်ပါတယ်။ ပဋိပက္ခဖြစ်အောင် လုပ်တဲ့သူကို ဘယ်လိုအရေးယူမှုမျိုးလုပ်မယ်၊ ဒီလို ပြဿနာတွေမဖြစ်အောင် ဟန့်တားတဲ့ ကြေညာချက်တွေ ကို မြို့နယ်အုပ်ချုပ်ရေးမှူးအမိန့်နဲ့ပဲဖြစ်ဖြစ် ထုတ်ပေးစေချင်တာ။ အခုဖြစ်နေတဲ့ ကောလဟလနဲ့ပတ်သက်ပြီးတော့လည်း ဘာမှ မပြောကြဘူး။ ရဲတွေကတော့ ရပ်ကွက်တွေထဲ ပတ်ကြည့်နေတာမျိုးရှိတယ်။

    လူစုလူဝေးနဲ့လုပ်နေကြတာကလည်း နိုင်ငံတော် ဘာသာနေ့အတွက် လှုပ်ရှားနေကြတယ်ပြောတယ်။ စာရွက်စာတမ်းတွေလဲ ဈေးထဲမှာတော့ ဝေတယ်။

    ခုနက ၁၀-နာရီဝန်းကျင်လောက်ကပဲ သာယာကုန်းရပ်ကွက်ထဲကို ဆိုင်ကယ်နဲ့ လူနှစ်ယောက်ဝင်လာပြီး ကုလားတွေ ဘာညာနဲ့ အော်ဟစ် ဆဲဆို သွားတယ်။

    အခုဆို ကျွန်တော်တို့တွေ ညမအိပ်နိုင်ကြတော့ဘူး။ ကင်းစောင့်သလိုမျိုး လုပ်နေရပြီ။ ဒါတွေကို နိုင်ငံတော် တာဝန်ရှိသူတွေက ထိန်းသိမ်းပေးစေချင်ပါတယ်။

    နောက်ပြီး ကျွန်တော်တို့ မွတ်စလင်မ်တွေ Facebook စာမျက်နှာမှာ တစ်ယောက်နဲ့တစ်ယောက် ရန်ဖြစ်နေကြတာ မြင်ရတာ တော်တော်ရှက်စရာကောင်းတယ်။ ပြဿနာတွေ ဖြစ်တော့ တကယ်ဆင်းလာတဲ့ ခေါင်းဆောင်တွေရှိတယ်ဗျာ။ တချို့တွေက ထိုင်ပြီး လက်မှတ်ထိုးနေတာတွေလည်းရှိတယ်။ ခုနကလို ဖေ့ဘွတ်မှာ အချင်းချင်း ရန်ဖြစ်နေကြတော့ တချို့ကော်မန့်တွေက ကုလားတွေ အချင်းချင်း သတ်ကုန်ပြီ ဘာညာနဲ့ဖြစ်နေတယ်။ ဒီအချိန်မှာ အဲဒါမျိုးတွေ မဖြစ်သင့်ဘူး။ အခု မိတ္ထီလာနဲ့ တခြားနေရာတွေမှာလည်း ဒုက္ခတွေရောက်ခဲ့ရပြီ။ အဲဒါတွေအတွက် ဆုတောင်း ဒုအာလုပ်ကြပါ။ ဒီအချိန်မှာ အစ္စလာမ် ခေါင်းဆောင်တွေ တစ်ယောက်နဲ့တစ်ယောက် ကြေညာချက်တွေထုတ်ပြီး ပြဿနာ မဖြစ်ကြပါနဲ့။ တကယ်ရန်ဖြစ်ကြရင်လည်း အပြင်မှာ ပါးစပ်နဲ့ ခေါ်ပြောကြပါလို့ ကျွန်တော် ပြောချင်တယ်ဗျာ”လို့ သူ့ခံစားချက်ကို M-Media ကို ရင်ဖွင့်လာပါတယ်။

  • အနာမကျက်သေးတဲ့မြို့ (သတင်းဆောင်းပါး)

    အနာမကျက်သေးတဲ့မြို့ (သတင်းဆောင်းပါး)

    ကမာရွတ် မီဒီယာ မှ ကူးယူဖော်ပြပါသည်။

    မီးခိုးလုံးကြီးတွေ၊ အော်ဟစ်သံတွေ၊ ငိုယိုသံတွေ၊ တောခြောက်သံတွေ၊ ဓါးတွေ၊ တုတ်တွေ ဓာတ်ဆီနံ့တွေနဲ့ ကမ္ဘာပျက်သလိုဖြစ်ခဲ့ရတဲ့ မိတ္ထီလာမြို့ဟာ ဒဏ်ရာဒဏ်ချက်တွေ ဗရပွနဲ့ ရုန်းထဖို့ ပြန်အားယူနေပါတယ်။

    http://youtu.be/Mj72vAB_l38

  • မိတ္ထီလာမှ မွတ်စလင် ဒုက္ခသည်များကို ဥပုသ်လအတွင်း ကူညီရန် စာရင်းကောက်ယူမှု အာဏာပိုင်များ တားမြစ်

    ဇူလိုင် ၃၀၊ ၂၀၁၃
    M-Media
    ထွန်းတောက်

    မွတ်စလင်မ် ဥပုသ်လအတွင်း ထောက်ပံ့မှုများပြုလုပ်ရန် မိတ္ထီလာမြို့တွင် စာရင်းကောက်ယူရာ ခရိုင် အုပ်ချုပ်ရေးမှူးအဖွဲ့မှ ခေါ်ယူတားမြစ်ခံရ

    IDP
    ဓါတ်ပုံအညွန်း- မတ်လအတွင်း ဖြစ်ပွားခဲ့သည့် အကြမ်းဖက်မှုများကြောင့် အသက်ဘေးလွတ်ရာသို့ ထွက်ပြေးတိမ်းရှောင်ခဲ့ရသည့် မွတ်စလင်မ် ဒုက္ခသည်များ

    မိတ္ထီလာ ။ ။ မတ်လအတွင်း ဖြစ်ပွားခဲ့သည့် အကြမ်းဖက်မှုများကြောင့် နေအိမ်နှင့် ပစ္စည်းဥစ္စာများ ဆုံးရှုံးကာ ဒုက္ခရောက်နေကြသည့် မိတ္ထီလာမြို့ရှိ မွတ်စလင်မ်များကို ဥပုသ်လတွင် ဒါနကြေးများ ပေးဆောင်ရန်အတွက် စာရင်းများ ကောက်ယူရာတွင် ခရိုင်အုပ်ချုပ်ရေးမှူးမှ ခေါ်ယူ တားမြစ်ပြီး ခြိမ်းခြောက်မှုများပြုလုပ်ခဲ့ကြောင်း သိရသည်။

    အဆိုပါအကြောင်းအရာနှင့်ပတ်သက်၍ မိတ္ထီလာမြို့ခံမှာ ပြောပြခဲ့ပါသည်။

    “မိတ္ထီလာက ဒုက္ခသည်တွေအတွက် ဦးဆောင်လုပ်ပေးနေတဲ့ အိုလမာအပါအ၀င် အခြားအဖွဲ့တွေနဲ့ ဂေါပကတွေကို မိတ္ထီလာခရိုင်အုပ်ချုပ်ရေးအဖွဲ့က မနေ့က ခေါ်တယ်။ ဒီမှာက စာရင်းတွေ ကောက်နေတာရှိတယ်။ အရင်ကလည်း စာရင်းကောက်တယ်။ ဟိုးအရင်ကတော့ စာရွက်နဲ့လုပ်တယ်။ အခုက ကတ်ပြားနဲ့လုပ်တယ်။ စာရင်းကောက်တာက အိမ်ထောင်စုတစ်စုမှာ လူဘယ်နှစ်ယောက်ရှိတယ်။ ကျား-မ၊ အသက်၊ ကျောင်းသူ ကျောင်းသား၊ ဒုက္ခသည်စခန်းအတွင်းမှာရှိနေတာလား၊ အပြင်မှာလား၊ သက်ရှိ ရှိနေသေးလား၊ အဲဒါတွေကို မှတ်တမ်းလုပ်တယ်။အဲဒါတွေကို မြို့နယ်က သိမ်းပြီး၊ ခရိုင်က ခြိမ်းခြောက်တယ်။ မရိုးမသားလုပ်တယ်ဆိုပြီး ခြိမ်းခြောက်တယ်။ နောက် မလုပ်ပါဘူးဆိုပြီး ၀န်ခံလက်မှတ်ထိုးခိုင်းတယ်။

    ဟုတ်ကဲ့။ ကျွန်တော်တို့ စာရင်းတွေ ကောက်ယူတာက ဇကားသ်(ဒါနကြေး)၊ ပေးဖို့ပါ။ တချို့အလှူရှင်ကလည်း အိမ်ထောင်စု လူဦးရေအလိုက်ပေးချင်တာရှိတယ်။ တချို့က အရင်က အိမ်ထောင်စု စာရင်းထဲမှာ ရှိပေမယ့် အခု သက်ရှိ ထင်ရှားမရှိတော့လို့ စာရင်းက ထုတ်လိုက်ရမှာတွေ ရှိတယ်။ အဲလို မထုတ်ရင် အဲ့ဒီအိမ်ထောင်စုက လူစာရင်းပိုနေရင် ပေးတဲ့ငွေကြေး မမျှတတော့ဘူးဖြစ်မယ်။ တချို့ကျတော့လည်း Camp ထဲမှာ ရတယ်။ အပြင်မှာလည်း စာရင်းပါနေတာတွေရှိတယ်။ အဲဒါမျိုးတွေကို သေချာစိစစ်ဖို့၊ နောက်ပြီးတော့ ကျောင်းဝတ်စုံတွေ၊ အိုးခွက်ပန်းကန်တွေ ပေးဖို့ အတွက် စာရင်း သေချာပြန်ကောက်ယူတာ။

    နောက်ပြီး ၂၀၁၄-ခု သန်းခေါင်စာရင်းကောက်တဲ့အခါမှာလည်း အဆင်သင့်ဖြစ်နိုင်တယ် ဌာနဆိုင်ရာနဲ့ နိုင်ငံတော်ကိုတောင် ကူညီပေးရာ ရောက်ပါ တယ်။ အဲလို စေတနာနဲ့လုပ်တာကို သေဆုံးတွေ၊ ပျောက်ဆုံးစာရင်းတွေပါတယ်။ ဒါ ဘာလုပ်တာလဲ ဆိုပြီး ခြိမ်းခြောက်တယ်။ ဟုတ်တယ် ခရိုင်က ခြိမ်းခြောက်တာပါ။ ဒါဟာ တရားစွဲလို့ရတယ်၊ လှုံ့ဆော်ရေးလုပ်တာဆိုပြီး ခရိုင်အဆင့် တရားသူကြီး၊ ရဲမှူး အားလုံးခေါ်ထားပြီး ခြိမ်းခြောက်တယ်။ ဟုတ်တယ်။ အဲ့ဒီအစည်းအဝေးမှာပဲ ပြောတယ်။

    အဲဒါ နောက်တစ်ခုက ချမ်းအေးနဲ့ သီရိမာလာ ရပ်ကွက်တွေမှာ ကွန်ဒိုတွေ ဆောက်မှာကို လက်ခံအောင် ဖိအားပေးပါ။ ဖျောင်းဖြပေးပါဆိုပြီးပြောတယ်။ ခရိုင်အုပ်ချုပ်ရေးမှူး ဦးခင်မောင်စိုးက ပြောတာပါ။ အဲလို ပြောရင်းနဲ့ သူက ဘာပြောလဲဆိုတော့ အခုလို ကွန်ဒိုကို လက်မခံဘူး၊ လက်တွဲမလုပ်ဘူးဆိုရင် နောက်တစ်ကြိမ်ဖြစ်ရင် ဒီထက်ပိုနာမယ်ဆိုပြီး သူ့ပါးစပ်ကနေ ပြောတယ်။ ချော့တစ်ခါ ခြောက်တလှည့်နဲ့ ပြောတယ်။ ဟိုးအရင်တစ်ခါ အစည်းအဝေးလုပ်တုန်းက သူပဲပြောတယ် နောက်ဘယ်တော့ အဖြစ်မခံဘူးဆိုပြီး အခုကျတော့ နောက်တစ်ကြိမ်ထပ်ဖြစ်ရင် ဒီထက် ပိုနာမယ်လို့ ခြိမ်းခြောက်တယ်။

    ဗလီတွေကိစ္စကိုတော့ သူတို့လုံးဝ ဘာမှ အပြောမခံဘူး။ ကွန်ဒိုကိစ္စပဲ ပြောနေတယ်။ ကွန်ဒိုတွေလုပ်တာ ကျူးကျော်တွေ ၂၀၀ လောက်ရှိနေတဲ့အတွက် ကွန်ဒိုလုပ်မှ အဆင်ပြေမယ်ဆိုပြီး ပြောတယ်။ ကွန်ဒိုကိုပဲ လက်ခံအောင် ကျွန်တော်တို့တွေက နားချဖို့ဆိုပြီး ပြောတယ်။

    ကွန်ဒိုဆောက်မယ့်ကိစ္စက မွတ်စလင်မ်တွေက လက်မခံသလို ဗုဒ္ဓဘာသာတချို့လည်း လက်မခံပါဘူး။” လို့ M-Media ကို ပြောပြခဲ့ပါတယ်။

  • မိထ္ထီလာမှ မွတ်စလင် ဒုက္ခသည်များ ရမဿွာန်(ဥပုသ်)လ အဆင်ပြေဖို့ အလှူရှင်များ ကူညီလှူဒါန်း

    မိထ္ထီလာမှ မွတ်စလင် ဒုက္ခသည်များ ရမဿွာန်(ဥပုသ်)လ အဆင်ပြေဖို့ အလှူရှင်များ ကူညီလှူဒါန်း

    ဇူလိုင် ၂၆၊ ၂၀၁၃
    M-Media
    KK

    မိတ္ထီလာမြို့ အကြမ်းဖက်ခံရမှုမှ ဒုက္ခသည်စခန်း ၄-ခုရှိ မွတ်စလင်မ်များ ရမ္မဿွာန်(ဥပုသ်)လ အဆင်ပြေစေဖို့ ရန်ကုန်နှင့် မန္တလေးရှိ အလှူရှင်များ စုပေါင်းလှူဒါန်း

    မိတ္ထီလာ ။ ။ လွန်ခဲ့သော မတ်လအတွင်းကဖြစ်ပွားခဲ့သည့် မိတ္ထီလာမြို့ အကြမ်းဖက်ခံရမှုကြောင့် ဒုက္ခသည်စခန်းများ၌ ရောက်ရှိနေထိုင်နေကြရသော မွတ်စလင်မ်ဒုက္ခသည်များ ရမ္မဿွာန်(ဥပုသ်)လတွင် မနက် စယ်ရီ(ဥပုသ်စချိန်)နှင့် ညနေ အာဖ်သာရီ(ဥပုသ်လွှတ်ချိန်)တွင် အဆင်ပြေစေရန်အတွက် ရန်ကုန်နှင့် မန္တလေးရှိ အလှူရှင်များစုပေါင်း၍ ဒုက္ခသည်စခန်းများသို့ လှူဒါန်းခဲ့ကြကြောင်း သတင်းရရှိသည်။

    အကြမ်းဖက်ခံရမှုကြောင့် ဒုက္ခသည်များ လက်ရှိနေထိုင်ရာ မိတ္ထီလာမြို့ရှိ ရေအရင်းအမြစ်ကယ်ဆယ်ရေးစခန်း၊ ဗဟိုပို့/ဆက် ကယ်ဆယ်ရေးစခန်း၊ ခရိုင် အားကစားကွင်း ကယ်ဆယ်ရေးစခန်း နှင့် ယင်းတော် အာရဗီတက္ကသိုလ်ရှိ ကယ်ဆယ်ရေးစခန်း၊ စုစုပေါင်း(၄)ခုရှိ မွတ်စလင်မ်များအတွက် ရမ္မဿွာန် တစ်လလုံးစာ မနက် စယ်ရီနှင့် အာဖ်သာရီ အတွက် ရန်ကုန်မြို့ ရောင်နသ်ဗလီအဖွဲ့နှင့် မန္တလေး အစ္စလာမ်ဘာသာရေးအဖွဲ့ တို့မှ လှူဒါန်း ခြင်းဖြစ်ကြောင်းသိရသည်။ ညနေ ၀ါဖြေချိန်တွင် ဟယ်လင်နှင့် အသုတ်၊ မနက် စယ်ရီချိန်တွင် ထမင်း၊ ဟင်းနှင့် လ္ဘက်ရည်တို့ စီစဉ်ပေးကြောင်း၊ မိမိနေအိမ်များသို့ ပြန်လည်ရောက်ရှိသူများကိုမူ ဇကားသ်(ဒါနကြေး)ထိုက်သူများအား ဇကားသ်ငွေပေးလှူခဲ့ကြသည်။

    လှူဒါန်းမှုနဲ့ပတ်သက်၍ “လှူကြတဲ့သူတွေက ကယ်ဆယ်ရေးစခန်းတွေကို တိုက်ရိုက်လှူဒါန်းတာပါ။ ရန်ကုန်-မန္တလေး အဖွဲ့တွေက စခန်းတွေကို တိုက်ရိုက်သွားပြီးလှူတာပါ။ ခရမ်းချဉ်သီးဆိုရင် ၁၀-ရက်စာလောက်ပဲ ၀ယ်လို့ရတဲ့အတွက် စခန်းထဲက လိုအပ်တာကို မိတ္ထီလာမှာပဲ ကျွန်တော်တို့ အိမ်ပြန်ရောက်ပြီးသူတွေက စီစဉ်ပြီး ၀ယ်ပေးတာပါ။ နို့ဆီဗူး ဆိုရင်လည်း ၁၀-ရက်စာလောက် ၀ယ်ပေးထားပါတယ်။ အကယ်၍ လိုအပ်ရင် ကယ်ဆယ်ရေးစခန်းကနေ ကျွန်တော်တို့ကို ဖုန်းဆက်မှာတဲ့အခါ ကျွန်တော်တို့က မန္တလေးကို လှမ်းပြောပေးပါတယ်။ ပြီးရင် မိတ္ထီလာမှာပဲ ၀ယ်ပြီး ကယ်ဆယ်ရေး စခန်းတွေကို ပြန်ပို့ပေးပါတယ်။

    ဟုတ်ကဲ့ အဲလို ၀ယ်ရတာအတွက်က အခက်အခဲမရှိပါဘူး။ လောလောဆယ် မိတ္ထီလာမြို့ထဲမှာတော့ မွတ်စလင်မ်တွေနဲ့ ဘာသာခြားတွေရဲ့ အခြေအနေ ကလည်း အေးအေးဆေးဆေး ပါပဲ။ အခြေအနေကောင်းတယ်လို့ ဆိုနိုင်ပါတယ်။ တစ်ခုက ဘယ်လိုဖြစ်နေလဲဆိုတော့ တချို့ ရပ်မိရပ်ဖဆိုသူတွေ၊ အုပ်ချုပ်ရေးမှူး တချို့တွေကို ကြောက်ရွံ့နေရတယ်။ ဗလီတွေပြန်ဖွင့်တာ ကလည်း သူတို့က ဖွင့်ဆိုတဲ့ ဗလီကိုပဲ ဖွင့်ခွင့်ရနေတာပါ။ ခရိုင်အုပ်ချုပ်ရေးမှူးတွေကအစ လန့်နေရတယ်။

    မဟုတ်ဘူးခင်ဗျ။ ခရိုင်အုပ်ချုပ်ရေးမှူးကို လန့်ရတာမဟုတ်ဘူး။ အုပ်ချုပ်ရေးမှူးတွေက သူတို့တွေကို လန့်ရတာပါ။ ရပ်ကွက်က လက်မခံဘူး ဘာညာဆိုတာမျိုးပေါ့။ အဲဒါကြောင့် ဗလီတွေအားလုံး ပြန်ဖွင့်ခွင့် မရတာပါ။ အခုက ဗလီ ၃-လုံးတော့ ပြန်ဖွင့်ခွင့်ရပြီ။ ဒါပေမယ့် ဗလီ ၂-လုံးက ကျွန်တော်တို့တွေ သွားလာဖို့ အဆင်မပြေဘူး။ ဒါကြောင့် ဗလီ ၁-လုံးပဲ အဆင်ပြေတယ်။”ဟု မိတ္ထီလာ မြို့ခံက ပြောပြခဲ့ပါတယ်။

    လက်ရှိ မိတ္ထီလာမြို့ရှိ ကလေးများ၏ ပညာရေးအခြေအနေနှင့်ပတ်သက်၍ ဆက်သွယ်မေးမြန်းရာ “ကယ်ဆယ်ရေးစခန်းထဲကနေ ကျောင်းတက်နေရတဲ့ ကလေးတွေအတွက် ဖယ်ရီ စီစဉ်ပေးထားတယ်။ ဖယ်ရီအတွက် ကားကတော့ ကျွန်တော်တို့တွေဘက်က စီစဉ်ပေးပြီး ကားအတွက် ဆီကို ခရိုင်အုပ်ချုပ်ရေးမှူးက စီစဉ်ပေးတယ်။ ခရိုင်အုပ်ချုပ်ရေးမှူးဆီက ကားတစ်စီးကို ဆီ ၄-ဂါလံ ရပါတယ်။ ကားကတော့ မိတ္ထီလာမြို့ပေါ်က မွတ်စလင်မ်ပိုင် light truck ကားလေးတွေပါ။ သူတို့ကားတွေကလည်း အခုက စီးပွားရေးလုပ်စားလို့ မရဘူးလေ။ ဒီအတိုင်း ရပ်ထားနေရတယ်။ အဲဒါနဲ့ သူတို့ကိုပြောပြီး စီစဉ်ပေးလိုက်တာ။ အိမ်တွေကို ပြန်ရောက်သွားတဲ့ ဒုက္ခသည်တွေရဲ့ ကလေးတွေကတော့ ကိုယ့်အစီအစဉ်နဲ့ ကိုယ် ကျောင်းတက်ရပါတယ်။ ကျွန်တော်တို့တွေက ကယ်ဆယ်ရေးစခန်းထဲက ကလေးတွေအတွက်ပဲ စီစဉ်ပေးထားတာပါ။

    ဟုတ်ကဲ့ မိတ္ထီလာကနေ အခုနှစ် တက္ကသိုလ်ဝင်တန်းစာမေးပွဲဖြေတာမှာ သာယာကုန်း ရပ်ကွက်က ၁၁-ယောက်ဖြေတာ ၄-ယောက် အောင်ပါတယ်။ သူတို့လေးတွေ စာမေးပွဲဖြေတဲ့ အချိန်က မိတ္ထီလာမှာ မီးရှို့ခံနေရတဲ့ရက်တွေပါ။ အဲဒီရက်တွေမှာပဲ ကျွန်တော်တို့တွေ မရ ရအောင် ဒီကလေးတွေကို လုံခြုံရေးနဲ့ စာမေးပွဲသွားဖြေနိုင်အောင် စီစဉ်ပေးခဲ့တာပါ။ အဲ့ထဲကမှ ၄-ယောက်အောင်ပါတယ်။ ဂုဏ်ထူးတွေတော့ မပါကြဘူးခင်ဗျ။ တစ်ခြား ရပ်ကွက်တွေမှာလည်း စာမေးပွဲဖြေတဲ့ကလေးတွေ ရှိပါတယ်။ တချို့တော့ အခု အဝေးရောက်နေကြပါတယ်။” လို့ မိတ္ထီလာမြို့ခံမှ M-Media ကို ဖြေကြားခဲ့ပါတယ်။