News @ M-Media

Tag: Meikhtila

  • ” ဒါလားမျှတတဲ့ တရားစီရင်မှု” (Facebook ပေါ်မှ ပြည်သူ့အသံ)

    ဇူလိုင်- ၄ ၊ ၂၀၁၃
    ရေးသူ- AUNG MIN KHANT

    မတ်လ(၂၂)ရက်နေ့ သောကြာနေ့ နေလည်(၁၁း၃၀)မိနစ်လောက်မှာ မိတ္ထီလာ ပဋိပက္ခကြောင့်ကြောက်လန့် တကြားထွက်ပြေးလာတဲ့ နန်းတော်ကုန်းရပ်ကွက်က စက်ဘီးပြင် ဆိုင်ဖွင့်ပြီးလုပ်ကိုင်စားသောက်နေတဲ့ အပြစ်မဲ့တဲ့ မိသားစုတစုကို အကြမ်းဖက် သမားတွေက နန်းတော်ကုန်းသံလမ်းနားမှာတွေ.သွားပြီး လာဝှက်ပေးမယ်လို့ခေါ်ကာ ဓားနဲ့ခုတ်သတ်ပြီး အလောင်းတွေကိုမီးရှို. ဖျောက်ဖျက်ပြစ်ခဲ့ကြတယ်။

    Ma Khin Khin Htwe

    မီးလောင်ပြီးခါနီးကျမှ အလောင်းတွေပေါ်ကို သင်္ဃန်းအုပ်ကာ ဘုန်းကြီးတွေ အသတ်ခံရတယ်လို့ထင်အောင် ယုတ်မာခဲ့ကြတာဖြစ်ပါတယ်။

    ဓါတ်ပုံထဲက ကလေးချီထားတဲ့ အမျိုးသမီးကတော့ မခင်ခင်ထွေးဖြစ်ပြီးအသက်မသေပဲလွတ်မြောက်လာတဲ့သူဖြစ်ပါတယ်၊

    သူမကိုပါသတ်ဖြတ်ဖို့လုပ်တဲ့အခါ လက်ထဲကချီထားတဲ့ သူမရဲ.လသား အရွယ်ကလေးကို “မ” ပြပြီး မသတ်ဖို့တောင်းပန်တော့မှ “ဟေ့..ကုလားမ ဒါဆို နင်နောက်ကိုပြန်လှည့်မကြည့်နဲ့..ကြည့်ရင် နင့်ကိုပါသတ်မယ်လို့ပြောတဲ့အတွက် သူ့ရှေ.မှာတင် ရက်ရက်စက်စက် အသတ်ခံခဲ့ရတဲ့ မိသားစုဝင်တွေကို ထားခဲ့ပြီး ထွက်ပြေးလွတ်မြောက်လာတာဖြစ်ပါတယ်။

    အသတ်ခံခဲ့ကြရတဲ့သူတွေကတော့ သူမရဲ.ယောက္ခထီး ဦးမောင်မောင်မြင့်အသက်(၇၃)နှစ်၊ သူမရဲ.ခင်ပွန်း ဦးမိုးဇော်အသက်(၃၄)နှစ်၊ သူမရဲ.သားသမီး ကျောင်းသား၊ ကျောင်းသူလေးဖြစ်ကြတဲ့ မောင်ရန်ပိုင်စိုး(၁၁)နှစ်နဲ့ မနွယ်နွယ်စိုး(၉)နှစ် အရွယ်ကလေးတို့ကို ရက်ရက်စက်စက်ဓားနဲ့ ခုတ်သတ်ပြီးမီးရှိုးခဲ့တာဖြစ်ပါတယ်။

    အခုတော့အဲဒီလူမဆန်တဲ့ရာဇဝတ်မှုကို ကျုးလွန်ခဲ့တဲ့ မောင်တာတာစိုးကို ဇွန်လ (၂၈)ရက်နေ့က ပုဒ်မ ၃၀၂/၄၃၆/၁၁၄ အလုပ်ကြမ်းနှင့် ထောင်(၇)နှစ်ချခဲ့တယ်လို့ ဒီနေ့ ၄-၇-၂၀၁၃ ရက်နေ့ထုတ် ဆဲဗင်းဒေးနေ့စဉ် သတင်းစာမှာရေးသားထားပါတယ်။

    အာဏာပိုင်တွေအနေနဲ. ဒီလိုလူလေးယောက်ကို ရက်စက်စွာသတ်ဖြတ်ခဲ့သူကို ထောင်(၇)နှစ်ပဲချခဲ့တာဟာ အာဏာပိုင်တွေ ကိုယ်တိုင်ရာဇဝတ်မှုကျုးလွန်လိုက်တာလို့ပြောရမှာဖြစ်ပါတယ်။

    ထွက်ပြေးနေတဲ့ တရားခံကတော့ အငယ်ကောင်(ခ)စိုးမိုးသူဖြစ်ပါတယ်။ သတင်းစာမှာ သူကျုးလွန်ခဲ့တဲ့ ပြစ်မှုတွေအတွက် ထောင်ဒဏ် ဘယ်လောက်ကျခံပြီးသလဲဆိုတာကို ရှင်းလင်းစွာဖော်ပြမထားပါဘူး။ ဒီလူမဆန်တဲ့အကြမ်းဖက်သတ်ဖြတ်မှုဟာ နိုင်ငံတကာက မတော်မတရား စွပ်စွဲနေတာပါလို့ မိုးကြိုးပစ်တာကို ထန်းလက်နဲ့ ကာနေတဲ့သူတွေအတွက်တော့ အကောင်းဆုံးသက်သေတခုပါပဲ။

    သင်ပြုသည့်ကံ ပဲ့တင်သံ သင့်ထံပြန်လာပါစေ။…….

    မူရင်းလင့်ခ် =>http://goo.gl/jZ2L6

  • မိတ္တီလာမှ ဒုက္ခသည်များမှ ၄င်းတို့ မူလပိုင်ဆိုင်တဲ့ မြေနေရာသာ ပြန်ပေးရန် သမ္မတထံ အသနားခံစာပို့

    ဇွန်လ ၁၀၊ ၂၀၁၃
    M-Media
    ဆူးထက်

    အကြမ်းဖက်ခံရသည့် မိတ္တီလာမှ ဒုက္ခသည်များမှ ၄င်းတို့ မူလပိုင်ဆိုင်တဲ့ မြေနေရာသာ ပြန်ပေးရန် သမ္မတထံ အသနားခံစာပို့

    မတ်လ နှောင်းပိုင်း တွင် အကြမ်းဖက်သမားများ မီးရှို့ တိုက်ခိုက်မှုများကြောင့် အိုးမဲ့ အိမ်မဲ့ ဖြစ်သွားရသော မိတ္ထီလာမြို့မှ ဒုက္ခသည်များမှ ၄င်း၏ ဆန္ဒမပါဘဲ နေအိမ် အဆောက်အဦး ဆောက်လုပ်မည့် ကိစ္စအား ဟန့်တား ကူညီဆောင်ရွက်ပေးပါရန် အသနားခံစာကို ဇွန်လ ၉ရက်နေ့က သမ္မတကြီးထံ တင်ပြခဲ့ကြောင်း သိရသည်။

    မိတ္ထီလာဒုက္ခသည်များမှ သမ္မတကြီးထံပေးစာ တွင်

    ” ကျွန်တော်များ၏ ဆုံးရှုံးသွားသော အိုးအိမ်များအတွက် တိုင်းဒေသကြီး လူမှုရေး ၀န်ကြီးမှ ကွန်ဒို အထပ်မြင့် အဆောက်အဦးများ ဆောက်လုပ်ပေးမည့် အကြောင်း ပြောကြားအပြီးတွင် (၂၉. ၄. ၂၀၁၃) ရက်စွဲဖြင့် အုပ်ချုပ်ရေးအဖွဲ့အစည်းများသို့ ၎င်းစီမံကိန်းအား လုံးဝ လက်မခံနိုင်ကြောင်း၊ မိမိပိုင် ၀ိုင်းမြေများတွင် (၆. ၂. ၂၀၁၃) ရက်နေ့ထုတ် ကြေးမုံသတင်းတွင် အတိအလင်း ဖော်ပြပါရှိသော ၀န်ထမ်း အိမ်ယာပုံစံ အဆောက်အဦးများသာ ဆောက်လုပ်ပေးပါရန် အသနားခံ လျှောက်ထားပြီး ဖြစ်ပါသည်။

    တဖန် မိတ္ထီလာအုပ်ချုပ်ရေးမှူးရုံးတွင် (    )ရက်နေ့၌ မန္တလေးတိုင်းဒေသကြီး နယ်စပ်လုံခြုံရေးဝန်ကြီး၊ လမ်းပန်းဆက်သွယ်ရေး ၀န်ကြီး တို့နှင့် ဒုက္ခသည်များ၏ တာဝန်ခံ ကိုယ်စားလှယ် (နာယက) လူကြီးများ တွေ့ဆုံပွဲတွင်လည်း ကျွန်တော်များ၏ လူနေမှုစရိုက်နှင့် ကိုက်ညီမှု မရှိခြင်းကြောင့် အထပ်မြင့် ကွန်ဒိုများအစား လုံးခြင်း အိမ်ယာများသာ ဆောက်လုပ်ပေးပါရန် ဆန္ဒပြုလျှောက်ထား တင်ပြခဲ့ကြပါသည်။

    ယခုအချိန်တွင် အိမ်ထောင်စု (၆၀၀)ကျော်၊ လူဦးရေ (၂၀၀၀)ကျော်၏ ဆန္ဒ၊ ငြင်းဆိုချက်၊ တင်ပြချက်များကို အလေးမထားဘဲ လူနေမှုစရိုက်နှင့် ကိုက်ညီမှုမရှိသော ( မိတ္ထီလာမြို့၏ မည်သည့်နေရာတွင်မျှ မရှိသေးသော) အထပ်မြင့်ကွန်ဒိုများသာ ဆောက်လုပ်ပေးမည်ဟု သတင်းစာ၊ ဂျာနယ် အသီးသီးတွင် တွေ့ရှိနေရပါသည်။

    နိုင်ငံတော် သမ္မတကြီး ဦးသိန်းစိန်၊ ပြည်သူ့လွှတ်တော် ဥက္ကဌ သူရဦးရွှေမန်း နှင့် ပြည်သူ့လွှတ်တော် တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီ ဥက္ကဌ ဒေါ်အောင်ဆန်းကြည်တို့ (၃)ဦး အထူး တွေ့ဆုံညှိနှိုင်းပွဲမှ မူဝါဒ (၆)ရက် ထုတ်ပြန်ကြေငြာရာတွင် မိတ္ထီလာမီးဘေးသင့် ပြည်သူများအား မူလပိုင်ဆိုင်သော မြေနေရာများတွင် ပြန်လည်နေရာချထားပေးပါရန် ဟူသော အချက်(၁)ချက် ပါဝင်ခဲ့သည် ” ဟု ယင်းစာတွင် ထည့်သွင်းဖော်ပြထားကြောင်း တွေ့ရသည်။

    IMG

    IMG_0001

    YinDaw Refugee camp 444family (1)
    ယင်းတော် ဒုက္ခသည် စခန်း အိမ်ထောင်စု (၄၄၄)စု နေထိုင်ရာနေရာပုံ
    YinDaw Refugee camp 444family (2)
    ယင်းတော် ဒုက္ခသည် စခန်း အိမ်ထောင်စု (၄၄၄)စု နေထိုင်ရာနေရာပုံ

  • မိတ္ထီလာမြို့မှ အကြမ်းဖက်ခံရသည့် အားကိုးရာမဲ့ ဒုက္ခသည်များ၏ ဆန္ဒများ

    ဇွန် ၁၀၊ ၂၀၁၃
    M-Media
    KK

    A man walks in Meikhtila,
    ဓါတ်ပုံအညွှန်း- မိတ္ထီလာမြို့မှ မီးရှို့အကြမ်းဖက်ခံရသည့် မွတ်စလင်မ်ရပ်ကွက်တခု
    Photo Credit- AFP

    မိတ္ထီလာ  ။          ။        မန္တလေးတိုင်းဒေသကြီး မိတ္ထီလာမြို့တွင် ၂၀၁၃-ခု မတ်လနှောင်းပိုင်းက ဖြစ်ပွားခဲ့သော အကြမ်းဖက်မှုများကြောင့် ဒုက္ခသည်အဖြစ်သို့ ရောက်ရှိသွားခဲ့သော ချမ်းအေးသာယာရပ်ကွက်မှ ဒုက္ခသည်များ၏ ဆန္ဒများကို M-Media သို့ ဆက်သွယ်ပြောပြလာတာဖြစ်ပါတယ်။

    “မိတ္ထီလာမြို့ ချမ်းအေးသာယာရပ်ကွက်မှာ မွတ်စလင်မ် အိမ်တွေရှိပါတယ်။ မတ်လက အကြမ်းဖက်ခံရလို့ မွတ်စလင်မ်အိမ်တွေဟာ မီးလောင်သွားခဲ့ရပါတယ်။ မွတ်စလင်မ်အိမ်တွေက တစ်ရပ်ကွက်လုံး နီးပါးပါပဲ။ အဲ့ဒီ မီးလောင်သွားခဲ့တဲ့ အိမ်တွေအားလုံးကို အခုကျ တိုက်ခန်းကိုပဲ ပြန်ပေးတော့မယ်။ ကိုယ့်မြေနေရာတွေ ပြန်မပေးတော့ဘူး။ ဒါကြောင့် ဒုက္ခသည်တွေက စိတ်မချမ်းမမြေ့ဖြစ်နေရပါပြီ။ အရင်မြေကွက်တွေက တချို့က ပေ ၃၀ – ၅၀ပိုင်ကြတယ်။ တချို့က ပေ ၁၀၀ လောက်ပိုင်ကြတယ်။ အခုကျတော့ ပေ ၂၀ – ပေ ၄၀ တစ်ခန်းပဲ ရတော့မယ်။ နောက်ပြီးတော့ ရပ်ကွက်မှာ ပြန်ဆောက်ပေးရမယ့် မွတ်စလင်မ်အိမ်ခြေက ၆၀၀ လောက်ရှိတာ။ အခုတော့ ၁၂၀၀ လောက်ဆောက်ပြီး ၆၀၀ ကို ဒုက္ခသည်တွေကိုပေးပြီး ၆၀၀ လောက်ကို ကန်ထရိုက်ကို ရောင်းစားတယ်။ ဒါကြောင့် ကျွန်တော်တို့ ဒုက္ခသည်တွေအနေနဲ့ တော်တော်စိတ်ညစ်နေရပါတယ်။

    အဲဒါနဲ့ပတ်သက်လို့ ကျွန်တော်တို့ကို ဘယ်သူကမှ ဘာမှ အကူအညီ မပေးကြပါဘူး။ နိုင်ငံတော် အစိုးရကရော၊ ဘာသာရေးအဖွဲ့တွေကရောပေါ့။ ရန်ကုန်က အိုလမာသာသနာ့ပညာရှင်များရုံးကို ဖုန်းဆက်ပြီး ဒီကိစ္စကို စီစဉ်ပေးဖိုိ့ တောင်းဆိုတဲ့အခါ၊ ဒုက္ခသည်တွေအတွက်ကို လောလောဆယ် မစီစဉ်ပေးနိုင်သေးပဲ ဟာဂ်ျကိစ္စအတွက် လုံးပမ်းနေရတယ်လို့ ဆိုလာပါတယ်။ ဟာဂ်ျကိစ္စလုပ်တာကိုလည်း ကျွန်တော်တို့လက်ခံပါတယ်။ အဲဒါက ပိုက်ဆံရှိတဲ့သူတွေအတွက်ပါ။ အခုလို ဒီအချိန်မှာ ဒီဘက်ကို အာရုံစိုက်ပြီး လုပ်ပေးစေချင်ပါတယ်။ ဒီက ဒုက္ခသည်တွေကလည်း သမ္မတဆီ စာရေးပြီးတင်ချင်ကြပါတယ်။ ကျွန်တော်တို့ ဆက်သွယ်ပြီးပြောတဲ့အခါမှာ အဲ့ဒီဘာသာရေးအဖွဲ့ ဥက္ကဋ္ဌက ဝေ့လည်လည်စကားပြောပါတယ်။ ဒုက္ခသည်တွေရဲ့အဖြစ်ကို မကြည့်ပဲပစ်ထားကြပါတယ်။

    အခု တိုက်ခန်းတွေ ဆောက်မယ်ဆိုတာ စီစဉ်မှုသက်သက်မဟုတ်ပါဘူး။ မြေထိုးစက်တွေ မြေကော်စက်တွေနဲ့ သူတို့ စလုပ်နေကြပါပြီ။ ဒါကြောင့် ကျွန်တော်တို့မှာ တဘက်က ဒုက္ခတွေကြောင့် စိတ်ဒုက္ခရောက်ရတာကတစ်မျိုး ဘာသာရေးအဖွဲ့တွေက ဒုက္ခသည်တွေအတွက် ဆက်ပြီး အကူအညီမပေးတာကြောင့် ကျွန်တော်တို့ တော်တော်သောက ဖြစ်ရပါတယ်။ မိတ္ထီလာက ဒုက္ခသည်တွေအတွက်လည်း ၀ိုင်းဝန်းစဉ်းစားပေးကြပါဦးလို့ M-Media ကနေ တဆင့် ကျွန်တော်ပြောပြချင်ပါတယ်။”လို့ ဒုက္ခသည်များ၏ ခံစားချက်များကို ဒုက္ခသည်တစ်ဦးမှ M-Media ကို ဆက်သွယ်ပြောပြလာပါတယ်။

  • မိတ္တီလာမြို့ရှိ မွတ်စလင်မ် သုဿန်ဟောင်းကို ယနေ့မနက်မှ စတင်ပြီး ဖျက်သိမ်းလျက်ရှိ

    မိတ္တီလာမြို့ရှိ မွတ်စလင်မ် သုဿန်ဟောင်းကို ယနေ့မနက်မှ စတင်ပြီး ဖျက်သိမ်းလျက်ရှိ

    မေ-၂၇၊၂၀၁၃
    M-Media
    KK

    မိတ္ထီလာမြို့ဦး ဗလီနား အောင်ဇေယျာ နယ်မြေရှိ မွတ်စလင် သုဿန်ဟောင်းအား ယနေ့ မနက် ၁၀ နာရီ အချိန်ခန့်က မြေထိုးစက်များ အသုံးပြုပြီး ဖျက်သိမ်းနေကြောင်း သတင်းရရှိပါသည်။

    မွတ်စလင်မ် သုဿန်ကို ဖျက်သိမ်းနေချိန်တွင် လုံခြုံရေးအပြည့်ယူထားကြောင်း၊ စစ်သားများ၊ရဲများ၊လုံခြုံရေး လက်ပတ်များ ပတ်ထားသော အရပ်သားများပါ စောင့်ကြပ်နေကြကြောင်း မြို့ခံတဦးက အတည်ပြုပြောကြား လာပါသည်။

    မိတ္ထီလာမြို့ ပုံမှန် မရောက်သေးချိန်တွင် အာဏာပိုင်များမှ ယခုလိုပြုလုပ်ခြင်းကြောင့် မြို့ခံများ ပဋိပက္ခများ ထပ်မံဖြစ်ပွားမည်ကို စိုးရိမ်နေကြသည်။ အဆိုပါ မွတ်စလင်မ်သုဿန်ကို ဖျက်သိမ်းရှင်းလင်းပြီး အဝေးပြေးကားဝင်း တည်ဆောက်မည်ဖြစ်ကြောင်း သိရသည်။

    အဆိုပါ မွတ်စလင်မ်သုဿန်ဟောင်းမှာ သဂြိင်္ုလ်မှု့ကို ပိတ်ပင်ထားသည်မှာ နှစ်အတန်ငယ်ကြာပြီဖြစ်ကြောင်းနှင့် အဆိုပါမြေနေရာကို မနှစ်က ဦးပိုင် ကုမ္ပဏီကို ရောင်းချခဲ့ကြောင်း သတင်းများ ထွက်ပေါ်ခဲ့ပြီး မြို့ခံ အစ္စလာမ် ဘာသာဝင်များမှ နိုင်ငံတော် သမ္မတထံ အသနားခံစာ ပို့ခဲ့ကြောင်း၊ နောက်ပိုင်းတွင် ဦးပိုင်ကို ရောင်းချသည့် အစီအစဉ်ပျက်သွားပြီး ယခု အဝေးပြေးကားဝင်း တည်ဆောက်မည့် စီမံကိန်းကို ဖြစ်လာကြောင်းသိရသည်။

    အစ္စလာမ်ဘာသာဝင်များ မှာ ၄င်းတို့ ကွယ်လွန်သွားသော ဆွေးမျိုး မိဘများကို ကောင်းရာသုဂတိလားစေရန် မကြာခဏသွားရောက်ပြီး သုဿန်များသို့သွားရောက်ပြီး ဆုတောင်း မေတ္တာများ ပို့သလေ့ရှိကြောင်းနှင့် သုဿန် ဥယျာဉ်တော်များကို တန်ဖိုးထားကြကြောင်း သိရှိရပါသည်။

  • မိတ္ထီလာမြို့ရှိ မွတ်စလင်မ် သုသာန်အား ဖျက်၍ ကားကွင်းပြုလုပ်ရန် စီစဉ်နေ

    မေလ-၂၇၊ ၂၀၁၃
    M-Media
    ဇာဏီ

    မိတ္ထီလာ ။           ။      မိတ္ထီလာမြို့ရှိ မွတ်စလင်မ် သုဿာန်အား ဖျက်၍ ကားကွင်းပြုလုပ်ရန် စီစဉ်နေသည်ဟု ကြားသိရသည့်အတွက် ဆက်သွယ်မေးမြန်းထားတာဖြစ်ပါတယ်။

    A mosque burns during a riot in Meikhtila March 21, 2013
    မတ်လ ၂၁ ရက်နေ့က အကြမ်းဖက်သမားများ မီးရှို့ ဖျက်ဆီးခြင်းခံခဲ့ရသော မွတ်စလင်မ် လူနေရပ်ကွက်နှင့် ဗလီ ဝတ်ကျောင်းတော် ဓါတ်ပုံ-AP

    “ကျွန်တော်တို့ မွတ်စလင်မ်သုသာန်အဟောင်းပေါ့။ အဲဒါကို မြေကော်စက်နဲ့ ထိုးဖို့လုပ်တော့မယ်။ မိတ္ထီလာမှာ လက်ရှိတာဝန်ထမ်းဆောင်နေတဲ့ လုံခြုံရေးနဲ့နယ်စပ်ရေးရာဌာန တိုင်းဝန်ကြီး ဗိုလ်မှူးကြီး အောင်ကျော်မိုးက ပြီးခဲ့တဲ့တစ်ပတ် တနင်္ဂနွေနေ့က ခေါ်ပြောတယ်။ လာမယ့်အပတ် – လာမယ့်အပတ်လို့ပြောတာ မနက်ဖြန်ပေါ့။ အဲဒီနေ့မှာ ကားကွင်းအဖြစ် ပြုလုပ်မှာဖြစ်တယ်လို့ ခေါ်ပြောတယ်။ ကားကွင်းဆိုတာ မိတ္ထီလာကားကွင်းကို နေရာပြောင်းမယ်လို့ ပြောတယ်။  ဒီသုသာန် အခုလိုပဲ ဖျက်မယ်ဆိုတာ ဦးသိန်းစိန် သမ္မတဖြစ်စအချိန်က သတင်းထွက်ပေါ်လာတယ်။ အဲဒါကို မွတ်စလင်မ်တွေက ၀ိုင်းပြီး ပြောလိုက်ကြတော့ ခဏနားထားဦးဆိုပြီးဖြစ်သွားတယ်။ အခုတော့ ဖျက်ပစ်ဖို့ ပြန်လုပ်နေတယ်။ ကျွန်တော်တို့မှာ လူတွေသတ်ခံရ၊ အိမ်တွေ မီးရှို့ခံရ၊ ဖျက်ဆီးခံရ၊ မိသားစုတကွဲတပြားစီဖြစ်လို့ စိတ်သောကတွေရောက်နေတဲ့အချိန်မှာ အခုတစ်ခါထပ်ပြီး သုဿာန်ကို ဖျက်ဦးမယ်ဆိုတော့ စိတ်ထိခိုက်တယ်ဗျာ။ မနက်ဖြန်ကို လုပ်လိမ့်မယ်ဆိုတာလည်း ကျွန်တော် တစ်ထစ်ချ ခံစားမိနေတယ်။ ဟုတ်ကဲ့ အခုထိတော့ အစောင့်ချထားတာ၊ မြေထိုးစက်တွေ ရပ်ထားတာမရှိပေမယ့် မနက်ဖြန်ကို သူတို့လုပ်မယ်လို့ ကြေညာထားပြီးသားဖြစ်လုိ့ လုပ်မှာပါ။ သူတို့ဘက်က တရားဝင် စာပို့တာတော့ မဟုတ်ဘူး၊ ပါးစပ်ကပဲ ပြောနေတာ။” လို့ M-Media ကိုပြောပြရင်း ဆက်လက်ပြောပြလာပါတယ်။

    “ချမ်းအေးသာယာမှာလည်း ဒီနေ့ မြေကော်စက်နဲ့ထိုးတယ်လေ။ မနက်ဖြန်လည်း ထိုးဦးမှာ။ ချမ်းအေးသာယာဆိုတာ မိတ္ထီလာမှာ မီးရှို့ခံလိုက်ရတဲ့ မွတ်စလင်မ်ရပ်ကွက်ပါ။ မီးလောင်ခံလိုက်ရတဲ့အိမ်တွေကို တိုက်ခန်း အသစ်ပြန်ဆောက်မှာမို့ လို့ဆိုပြီး မြေကော်စက်တွေနဲ့ ထိုးနေတာ။ အဲဒါတွေက စိတ်တွေကို ပိုပြီးဒဏ်ရာရအောင် လုပ်တယ်လို့ သူတို့ပြောကြတယ်။ အဲဒီ ရပ်ကွက်က ဗုဒ္ဓဘာသာ အနည်းစုပဲရှိတာ။ မွတ်စလင်မ်အများစုရှိတယ်။

    စီးပွားရေးလုပ်ငန်းကိစ္စတွေအနေနဲ့က လုပ်ငန်းရှင်တွေရှိတယ်။ သူတို့တွေ ဆိုင်ပိုင်ရှင်တွေ ဂိုဒေါင်တွေရှိကြတယ်။ ဂိုဒေါင်တွေ ဖွင့်ဖို့ကို တချို့ရပ်ကွက်တွေက လက်မခံဘူး။ တချို့ရပ်ကွက်တွေကတော့ ကောင်းပါတယ်။ တချို့ရပ်ကွက်တွေက သူတို့ပြောတဲ့ ရပ်မိရပ်ဖဆိုသူတွေက ဂိုဒေါင်တွေ မဖွင့်ရဘူးလို့ပြောတယ်။ တချို့ကတော့ ကောင်းပါတယ်။

    နောက်တစ်ခုက ဗလီနဲ့ ပတ်သက်တာတွေပါ။ ဗလီတွေပိတ်ထားတာ တော်တော်ကြာပြီ။ ကောင်းတဲ့ ဗလီတွေရော၊ မကောင်းတော့တဲ့ ဗလီတွေရော ပိတ်ထားရတယ်။ ကောင်းတဲ့ ဗလီတွေကို ပြန်လည် သန့်ရှင်းရေးလုပ်ပြီး ဘုရားဝတ်ပြုရမယ်။  မကြာခင်မှာလည်း ကျွန်တော်တို့ရဲ့ ဥပုသ်လရောက်တော့မယ်။ ကျွန်တော်တို့အတွက် အများကြီး အခက်အခဲတွေ ရှိနိုင်တယ်။  ဒါကြောင့် ဗလီတွေပြန် ဖွင့်ခွင့်ရချင်တယ်။ အဲဒါလေးတွေကိုလည်း တာဝန်ရှိသူတွေအနေနဲ့ ကူညီပေးကြပါလို့ ကျွန်တော် တစ်ခါတည်း မေတ္တာရပ်ခံ တောင်းဆိုချင်ပါတယ်”လို့ M-Media ကို ပြောပြလာပါတယ်။

    DVB မှာ ဖော်ပြထားတဲ့ သတင်းတပုဒ်အရ မိတ္ထီလာမြို့ချမ်းအေးသာယာနဲ့ သီရိမင်္ဂလာ ရပ်ကွက်တွေက မီးလောင်ပျက်စီးသွားတဲ့ အိမ်နေရာတွေမှာ ၃ ထပ်နဲ့ ၄ ထပ်တိုက်တွေ ဆောက်ပေးမယ်၊ ရပ်ကွက်တခုမှာ တိုက်ခန်းပေါင်း ၁၅၀၀နဲ့ စုစုပေါင်း တိုက်ခန်း ၃၀၀၀ ကျော် ဆောက်ပေးဖို့ ရှိတယ်လို့ သက်ဆိုင်ရာက ကြေညာ ထားကြောင်းသိရပါတယ်။

    ဒါပေမယ့် နေအိမ်မီးလောင် ပျက်စီးဆုံးရှုံးသူတွေက သူတို့မြေနေရာ တွေမှာပဲ ပြန်လည်နေထိုင်လိုတဲ့အကြောင်း၊ သီရိမင်္ဂလာ ရပ်ကွက်မှာ လမ်းမတန်းမြေကွက်တွေက သိန်း ၇၀၀နဲ့ ၈၀၀ ကြား တန်ကြေး ရှိတဲ့အတွက် တန်ကြေးရှိတဲ့ မြေနေရာကိုပဲ ပြန် လိုချင်နေကြတာဖြစ်တယ်လို့လည်း ပြောပါတယ်။