သြဂုတ် ၁၆ ၊ ၂၀၁၄
M-Media
– ဂါဇာဒေသအား ကျူးကျော်တိုက်ခိုက်ကာ ပါလက်စတိုင်းပြည်သူများအား အစ္စရေးက သတ်ဖြတ်မှုကို ဆန့်ကျင်သည့်အနေဖြင့် အစ္စရေးက ပေးအပ်ထေားသော အမြင့်ဆုံး ဆုတံဆိပ်တစ်ခုကို နယ်သာလန်နိုင်ငံသားတစ်ဦးက ပြန်လည်ပေးအပ်ခဲ့သည်ဟု သိရသည်။
အသက် ၉၁ နှစ်အရွယ် ဟန့်က် ဇာနိုလီဆိုသူဖြစ်ပြီး ဂျူးကလေးငယ်တစ်ဦးကို နာဇီတို့၏ အကျဉ်းစခန်းသို့ မရောက်စေရန် ကယ်ဆယ်ခဲ့သည့်အတွက်ကြောင့် အစ္စရေး၏ အဆိုပါ ဆုတံဆိပ်ကို ရရှိခဲ့ခြင်းဖြစ်သည်။
နယ်သာလန်ဆိုင်ရာ အစ္စရေးသံအမတ်ကြီးသို့ ဇာနိုလီက ရေးသားပေးပို့သော စာတွင် မိမိ၏ မိသားစုဝင် ၄ ဦးမှာ နာဇီတို့၏လက်တွင် အသတ်ခံခဲ့ရပြီး၊ ယခုလက်ရှိ မိမိ၏ မိသားစုဝင်များမှာလည်း ဂါဇာတွင် အလားတူ ကံကြမ္မာမျိုးနှင့် ရင်ဆိုင်နေရသည်ဟု ရေးသားဖော်ပြထားသည်။
ဇာနိုလီ၏ တူမတစ်ဦးမှာ ပါလက်စတိုင်းအမျိုးသားနှင့် အိမ်ထောင်ကြခဲ့ပြီး အစ္စရေး၏ ကျူးကျော်တိုက်ခိုက်မှုများအတွင်း အဘွားအိုတစ်ဦးနှင့် ကလေးငယ်တစ်ဦးအပါအ၀င် ဇာနိုလီနှင့် ဆွေးမျိုးမကင်းသူ အနည်းဆုံး ၆ ဦးသေဆုံးခဲ့ရသည်။ ထို့ကြောင့် အစ္စရေးက ပေးအပ်ထားသည့် အဆိုပါဆုကို လက်ခံထားရခြင်းမှာ မိသားစုအား စော်ကားခြင်းဖြစ်သည်ဟု ယူဆသောကြောင့် ယခုကဲ့သို့ ပြန်လည်အပ်နှံခဲ့ခြင်းဖြစ်သည်ဟု ဇာနိုလီက ပြောကြားခဲ့သည်။
ဟားမက်စ်တို့၏ ဒုံးကျည်ပစ်ခတ်မှုကို တုံ့ပြန်သည်ဟုဆိုကာ ဇွန်လ ၈ ရက်နေ့မှ စတင်၍ အစ္စရေးတို့က ဂါဇာကမ်းမြှောင်ဒေသအား ကျူးကျော်တိုက်ခိုက်ခဲ့ပြီး ထိုတိုက်ခိုက်မှုအတွင်း ပါလက်စတိုင်းပြည်သူ ၂ ထောင်နီးပါး သေဆုံးခဲ့သည်။
Press TV