Tag: MiddleEast

ခရုဇ်ဒုံးကျည်သစ်နှင့် ဒရုန်းလေယာဉ်သစ်များကို အီရန်မိတ်ဆက်

သြဂုတ် ၂၅ ၊ ၂၀၁၄
M-Media

– ကာကွယ်ရေးကဏ္ဍ တိုးတက်မှုအဖြစ် အီရန်နိုင်ငံမှာ ပြည်တွင်း၌ ထုတ်လုပ်သည့် ခရုဇ်ဒုံးကျည်များနှင့် ဒရုန်းလေယာဉ်သစ်များကို ယနေ့တွင် ထုတ်ဖော်ပြသလိုက်သည်ဟု သိရသည်။

တီဟီရန်တွင်ပြုလုပ်ခဲ့သည့် အဆိုပါအခမ်အနားတွင် မရိန်းခရုဇ်ဒုံးကျည်များဖြစ်သည့် Ghadir၊ Nasr-e Basir ဒုံးကျည်များနှင့် ဒရုန်းလေယာဉ် Karrar-4၊ Mohajer-4 ကို ပါဝင်ခဲ့ပြီး အခမ်းအနားသို့ အီရန်သမ္မတ ဟာဆန် ရူဟာနီ၊ ကာကွယ်ရေးဝန်ကြီး ဗိုလ်ချုပ်ကြီး ဟိုစိန်ဒဟ်ကမ်တို့ တက်ရောက်ခဲ့သည်။

Ghadir မှာ အီရန်မှ ထုတ်လုပ်သည့် မျိုးဆက်သစ် ဒုံးကျည်ဖြစ်ပြီး တိကျမှုစွမ်းရည် ကောင်းမွန်၍ ကီလိုမီတာ ၃၀၀ အထိ ရောက်ရှိနိုင်ကာ ဖျက်ဆီးနိုင်စွမ်းလည်း မြင့်မားသည်။ Nasr-e Basir ဒုံးကျည်မှာလည်း လုပ်ဆောင်နိုင်စွမ်းမြင့်မားပြီး တည်ငြိမ်ကာ မြင့်မားသည့် နည်းစနစ်များကိုလည်း ထည့်သွင်းထားသည်။ အဆိုပါ ဒုံးကျည်များကို မြေပေါ်နှင့် ရေပြင် နှစ်မျိုးစလုံးမှ ပစ်ခတ်နိုင်သည်။

ယခုပြသခဲ့သည့် ဒရုန်းလေယာဉ်များမှာ စစ်ဘက်နှင့် အရပ်ဘက် နှစ်မျိုးစလုံးအတွက် ဝေဟင်မှ မြေပုံထောက်လှမ်းရေးလုပ်ငန်းများကို ဆောင်ရွက်နိုင်သည်။ အီရန်နိုင်ငံမှာ ၂၀၁၀ ခုနှစ်တွင် ပထမဆုံး ပြည်တွင်းဖြစ် တာဝေးဒုံးကျည် Karrar ကို စတင်မိတ်ဆက်ခဲ့ပြီး နောက်ပိုင်းတွင် ဒုံကျည်အများအပြားနှင့် ဒရုန်းလေယာဉ်များကို ထုတ်လုပ်လာနိုင်ခဲ့သည်။

August 25, 2014
ကုလ (သို့မဟုတ်) ပါလက်စတိုင်း အရေး ထိရောက်စွာ မဖြေရှင်းနိုင်သူ

သြဂုတ် ၂၄ ၊ ၂၀၁၄
M-Media
.လေးမောင် ဘာသာပြန်ဆိုသည်။

– အစ္စရေးက ဂါဇာကမ်းမြှောင်အား ကျူးကျော်တိုက်ခိုက်မှုကို ရပ်တန့်ရန် ပြီးခဲ့သည့် လအတွင်း ဘန်ကီမွန်က တိုက်တွန်းခဲ့သော်လည်း ၎င်း၏ တိုက်တွန်းမှုကို အစ္စရေးက မကြားချင်ယောင် ဆောင်နေသည်။ “ရူးသွပ်မှုများ ရပ်တန့်ပါ” ဟု ဘန်က တိုက်တွန်းပြန်သည်။ အစ္စရေးကမူ သန်းဝေလျက်ပင် ရှိနေ၏။ လူသားချင်း စာနာထောက်ထားမှုဆိုင်ရာ အကူအညီပေးရန် အပစ်ရပ်ရေးအတွက် လေချိုသွေးထားသည့် ကြေညာချက်ထုတ်မှသာ အစ္စရေးက လက်ခံလေသည်။

ထိုကြေညာချက်မှာ ပါလက်စတိုင်းများနှင့် အာရပ်များ၏ တောင်းဆိုမှုအနည်းငယ်ကို ရှားရှားပါးပါး လက်ခံခဲ့သည့် ကြေညာချက်ဖြစ်သည်။ သို့သော်လည်း အစ္စရေး ၀န်ကြီးချုပ် နေတန်ယာဟုကမူ ထိုကြေညာချက်မှာ ဟားမက်စ်တို့ကို အသာပေးထားသည်ဟုဆိုကာ ဆန့်ကျင်ရန် ကုလသမဂ္ဂ အထွေထွေအတွင်းရေးမှူး ဘန်ကီမွန်ကို တိုက်တွန်းခဲ့၏။ ထိုကြေညာချက်တွင် အစ္စရေး၊ ဟားမက်စ် မည်သူ့ကိုမှ အမည်တပ်၍ ဖော်ပြမထားသော်လည်း မည်သည့်အရာက မှန်သည်၊ မည်သည့်အရာက မှားသည်ဟု ဘန်ကီမွန်ကိုပင် နေတန်ယာဟုက လက်ချာပေးသည်။
ု
ပါလက်စတိုင်းသမ္မတ မဟ်မူးဒ်အဘတ်စ်ကမူ ဘန်အား ထိုကဲ့သို့ တောင်းဆိုမှုများမလုပ်ခဲ့။ သို့သော်လည်း ကမ္ဘာတစ်ဝှမ်းမှ ထင်ရှားသည့် ပညာရှင်များ၊ အန်ဂျီအိုအဖွဲ့များက ဘန်ကီမွန်ထံသို့ အိတ်ဖွင့်ပေးစာတစ်စောင်ပေးပိုခဲ့သည်။ ဥပဒေနှင့် တရားမျှတမှုဘက်မှ မရပ်တည်လျှင် ရာထူးမှ နှုတ်ထွက်ပါဟု ထိုစာ၌ ပြတ်ပြတ်သားသားပင် ရေးထားထားလေသည်။

အစ္စရေးအား အကြမ်းဖက်တိုက်ခိုက်မှုကို လုပ်ဆောင်သူအဖြစ် ဘန်ကီမွန်က အမည်တပ် မဖော်ပြခဲ့သော ကြေညာချက်များကို ထိုအိတ်ဖွင့်ပေးစာတွင် ဖော်ပြထားပြီး “ကျူးကျော်သိမ်းပိုက်သူ” နှင့် “ကျူးကျော်သိမ်းပိုက်ခံရသူ” တို့ကို ကုလ၏ ကြေညာချက်များတွင် ခွဲခွဲခြားခြား ဖော်မပြဟုလည်း ၎င်းတို့က ဆိုသည်။

ုယခင် တောင်ကိုရီးယား နိုင်ငံခြားရေးဝန်ကြီးဖြစ်ပြီး ကုလသမဂ္ဂ အထွေထွေ အတွင်းရေးမှူးအဖြစ် နှစ်ကြိမ်တိုင်တိုင် တာဝန်ပေခြင်းခံထားရသည့် ဘန်ကီမွန်မှာ အများပြည်သူရှေ့မှောက်တွင် အမျိုးမျိုးသရုပ်ဆောင်ခဲ့သည်။ “တိုက်ခိုက်မှုများ ရပ်တန့်ပါ။ ရပ်တန့်ကြပါ” “ဒီလို ရူးနှမ်းမှုမျိုးကို ရပ်တန့်ပစ်ပါမယ်” စသဖြင့် တောင်းဆိုကာ ဒေါသကြီးသော သံတမန်တစ်ဦးအဖြစ် တစ်ဖုံ၊ အမေရိကန် အစိုးရ၏ ဦးဆောင်မှုကို လိုက်ရသော လက်တွေ့ကြသည့် နိုင်ငံရေးသမား အဖြစ်တစ်မျိုး၊ ကုလသမဂ္ဂအား ဦးဆောင်နေသည့် လုပ်ပိုင်ခွင့်မရှိသော အတွင်းရေးမှူးအဖြစ်တစ်ခါ ပုံစံအမျိုးအမျိုး ဖြစ်လေ၏။

ကုလအတွင်းရေးမှူးဟောင်းများကဲ့သို့ပင် ၎င်းမှာလည်း ကုလသမဂ္ဂကြီး တစ်ညီတစ်ညွတ်တည်းဖြစ်မှသာ စွမ်းအားရှိလေသည်။ ၀မ်းနည်းစရာကောင်းသည်က ကမ္ဘာတစ်ဝှမ်းတွင် ဖြစ်ပွားသည့် ကိစ္စရပ်များအတွက် မရှိမဖြစ်အဖွဲ့ဖြစ်သည်ဟု သက်သေပြခဲ့သည့် ကုလမှာ ပါလက်စတိုင်းကိစ္စနှင့် ပတ်သက်လာလျှင် အသုံးမကျတော့။

အစ္စရေး၏ ဗိုလ်ကျမှုအတွက် တုံ့ပြန်သော ကုလ၏ သံတမန်ရေးရာ စကားရပ်များတွင် “တိုက်တွန်းပါသည်” ဆိုခြင်းက “မိမိတို့မကြိုက် သို့သော် နည်းနည်းမျှပင် အရေးမယူ” ဟု ဆိုလိုသည်။ “ကန့်ကွက်လိုက်သည်” ဟူသောစကားလုံးက “မိမိတို့ လက်မခံ သို့သော် သင်တို့ကြိုက်သလို့ လွတ်လွတ်လပ်လပ် လုပ်နိုင်သည်” ဟု အဓိပ္ပါယ်ရလေ၏။ “ရှုတ်ချလိုက်သည်” ဆိုသည့် စကားလုံးကမူ “မိမိတို့အနေဖြင့် အလွန် စိတ်မကောင်းဖြစ်မိသည်။ သို့သော် ၀င်မပါ” ဟူ၍ပင်။ “အပစ်ရပ်ပါ” ဟူသည့် စကားကတော့ “အသင်တို့ မရပ်ပါက မိမိတို့က သတိပေးမည်။ အခြားသူများက မိမိတို့အား သတိပေးပါက နောက်တစ်ကြိမ် ပြန်လာမည်” ဟူ၍ပင် ဖြစ်ပေသည်။

ပါလက်စတိုင်းအတွက် အရာမရောက်

လွန်ခဲ့သည့် ဆယ်စုနှစ်အနည်းငယ်အတွင်း ပါလက်စတိုင်း ပိုင်နက်၌ အစ္စရေး၏ တိုက်ခိုက်မှုများ၊ တရားမ၀င်အိမ်ရာဆောက်လုပ်မှု၊ ပါလက်စတိုင်း များကို မောင်းထုတ်မှု၊ ပါလက်စတိုင်း ပိုင်နက်အား သိမ်းပိုက်မှုတို့နှင့်ပတ်သက်၍ ကုလသမဂ္ဂက ရာနှင့်ချီသော ဆုံးဖြတ်ချက်များထုတ်ပြန်ခဲ့ကာ အစ္စရေး၏ လုပ်ရပ်များအား ပြစ်တင်ခဲ့သည်။ ကန့်ကွက်ခဲ့သည်။ ထိုကဲ့သို့ မလုပ်ရန် တိုက်တွန်းခဲ့သည်။ အကြံပေးခဲ့သည်။ ရှုတ်ချခဲ့သည်။ သိုသော်လည်း ထိုဆုံးဖြတ်ချက်အားလုံးက အစ္စရေးက လစ်လျူရှုခဲ့လေသည်။

ပါလက်စတိုင်းအား အစ္စရေး၏ ဗိုလ်ကျမှုအတွက် တုံ့ပြန်သော ကုလ၏ သံတမန်ရေးရာ စကားရပ်များတွင် “တိုက်တွန်းပါသည်” ဆိုခြင်းက “မိမိတို့မကြိုက် သို့သော် နည်းနည်းမျှပင် အရေးမယူ” ဟု ဆိုလိုသည်။ “ကန့်ကွက်လိုက်သည်” ဟူသောစကားလုံးက “မိမိတို့ လက်မခံ သို့သော် သင်တို့ကြိုက်သလို့ လွတ်လွတ်လပ်လပ် လုပ်နိုင်သည်” ဟု အဓိပ္ပါယ်ရလေ၏။ “ရှုတ်ချလိုက်သည်” ဆိုသည့် စကားလုံးကမူ “မိမိတို့အနေဖြင့် အလွန်စိတ်မကောင်းဖြစ်မိသည်။ သို့သော် ၀င်မပါ” ဟူ၍ပင်။ “အပစ်ရပ်ပါ” ဟူသည့် စကားကတော့ “အသင်တို့ မရပ်ပါက မိမိတို့က သတိပေးမည်။ အခြားသူများက မိမိတို့အား သတိပေးပါက နောက်တစ်ကြိမ် ပြန်လာမည်” ဟူ၍ပင် ဖြစ်ပေသည်။

ဝမ်းနည်းစရာကောင်းသည်က ကုလလုံခြုံရေးကောင်စီမှ နောက်ဆုံးထုတ်ပြန်သော ကြေညာချက်တွင်ပင် မည်သည့် ဝေဖန်ပိုင်းခြားမှုမျိုးမှ မပါခဲ့။ “ဂါဇာနှင့် ဆက်စပ်နေသည့် ပြဿနာတွင် အရပ်သားများ အသက်ဆုံးရှုံးကာ ထိခိုက်ဒဏ်ရာရရှိသူများ များပြားလာခြင်းကြောင့် အရှေ့အလယ်ပိုင်းဒေသ အခြေအနေ ယိုယွင်းလာမှုနှင့် စပ်လျဉ်း၍ မိမိတို့ လုံခြုံရေးကောင်စီမှ အလွန်အမင်း စိုးရိမ်မိပါသည်” ဟူ၍သာ ဖော်ပြခဲ့လေသည်။

၂၀၁၂ ခုနှစ်က ကုလတွင် အဖွဲ့ဝင်မဟုတ်သော စောင့်ကြည့်လေ့လာသူအဖြစ် သတ်မှတ်ခံခဲ့ရသည့် ပါလက်စတိုင်းပိုင်နက်များကို အစ္စရေးမှ ကျူးကျော်သိမ်းပိုက်နေခြင်းကိုပင် မရပ်တန့်နိုင်ခဲ့သည့် ကုလ၏ ယခုဆုံးဖြတ်ချက်ကလည်း လက်တွေ့တွင် ထိထိရောက်ရောက် ဖြစ်မလာခဲ့။

သံတမန်ရေးဘောလုံးကွင်းဖြစ်နေသော ပါလက်စတိုင်း

အိုးအိမ်စွန့်ခွာ ထွက်ပြေးရပြီး၊ မွေးရပ်မြေအား သိမ်းပိုက်ခြင်းခံထားရသူ ပါလက်စတိုင်းတို့၏ ဒုက္ခသုက္ခနှင့် စပ်လျဉ်း၍ စာရွက်ပေါ်တွင် ပြုလုပ်ခဲ့သည့် ကုလ၏ ဆောင်ရွက်ချက်များကဲ့သို့ အခြားကိစ္စရပ်များတွင် လုပ်ဆောင်ခဲ့ခြင်းမရှိ။ သို့သော်လည်း ပြီးခဲ့သည့် နှစ်ပေါင်း ၆၀ ကာလတစ်လျှောက် ထိုဆောင်ရွက်ချက်များမှ ထွက်ပေါ်လာသော ဆုံးဖြတ်ချက် ရာပေါင်းများစွာမှာ ကောင်အထည်ပေါ်မလာခဲ့။ ပိုဆိုးသည်က ဂရုပင် မစိုက်ခဲ့ကြချေ။

ကုလ၏ နိုင်ငံရေးစွမ်းအားများ နွံနစ်ခဲ့ရခြင်းမှာလည်း ပါလက်စတိုင်းကိစ္စထက် အခြားဘယ်ကိစ္စတွင်မှမရှိ။ ပါလက်စတိုင်း-အစ္စရေး ပြဿနာတွင် ကုလ၏ အရာမရောက်မှုမှာ စစ်အေးခေတ်ပြိုင်ဘက်နိုင်ငံများကြောင့်လည်း ပါဝင်သည်။ ဒါကပင် ၁၉၄၇ ခုနှစ်မှ ၁၉၉၀ ခုနှစ် ကုလသမဂ္ဂ အထွေထွေညီလာခံက အတည်ပြုခဲ့သည့် ဆုံးဖြတ်ချက် ၆၉၀ ၏ ထက်ဝက်ကျော်မှာ မည်သည့်အတွက်ကြောင့် ဖြစ်မလာခဲ့သည်ဆိုသည့် အဖြေပင် ဖြစ်လေသည်။

ပါလက်စတိုင်းပိုင်နက်များကို အစ္စရေးက သိမ်းပိုက်မှုအား ရပ်တန့်ရေး ကုလ၏ ကြားဝင်ဆောင်ရွက်မှုကို ပျက်ပြယ်စေရန်အတွက် အမေရိကန်က ဦးဆောင်ကာ ပြုလုပ်နေသည်။ အစ္စရေး၏ ပေါ်လစီများကို ဝေဖန်ထားသည့် ကုလ၏ ဆုံးဖြတ်ချက် ၄၀ ကျော်ကို အမေရိကန် တစ်ဦးတည်းက ဗီတိုသုံး၍ ပယ်ချခဲ့သည်။ ထိုဆုံးဖြတ်ချက်များတွင် အမေရိကန်၏ မဟာမိတ်များကိုယ်တိုင် တင်သွင်းခဲ့သော ဆုံးဖြတ်ချက်များလည်း ပါဝင်၏။

ထိုနှောက်ယှက်မှုများက သိမ်းပိုက်မှု အဆုံးသတ်ရေးနှင့် ပြဿနာဖြေရှင်းရေးတို့တွင် ကုလမှာ အဓိကအခန်းကဏ္ဍမှ ပါဝင်နိုင်သည် ဆိုသော မျှော်လင့်ချက်များကို လျော့ပါးစေပြီး ပျောက်ပျက် သွားနိုင်လေသည်။ ၀မ်းနည်းဖွယ်ကောင်းသည်က နောက်ဆုံးတွင် ရလဒ်မှာ မည်သည့် အဖွဲ့အတွက်မှ အကျိုးမရှိစေဘဲ၊ ဒေသအတွင်း တည်ငြိမ်ရေးကိုလည်း ကူညီနိုင်မည် မဟုတ်ချေ။

ဘော့စနီးယား၊ ကိုဆိုဗို၊ ဆိုမာလီယာ၊ ကူဝိတ်၊ အီရတ်၊ အာဖဂန်၊ ဆီးရီးယား-လက်ဘနွန် ယခုနောက်ဆုံး တောင်ဆူဒန်တို့အပါအ၀င် စစ်အေးခေတ်အလွန် ပြဿနာ အများစုအား ကုလမှ တိုက်ရိုက်ပါဝင် ဖြေရှင်းမှုများမှာ ထင်သာမြင်သာရှိခဲ့သည်။ သို့သော် အရှည်ကြာဆုံး ပြဿနာဖြစ်သည့် ပါလက်စတိုင်း ကိစ္စမှာ ထိုအထဲတွင် မပါဝင်ခဲ့။

ထိုနည်းတူစွာ လူသားချင်း စာနာထောက်ထားမှုဆိုင်ရာ ကိစ္စရပ်များနှင့် နိုင်ငံရေးဆိုင်ရာ ကြားဝင်ရေးအတွက် ကုလ၏ မေတ္တာရပ်ခံမှုများ၊ တောင်းဆိုမှုများအားလုံးမှာ မသိကျိုးနွံ ပြုခံခဲ့ရသည်။ ကုလမှ ပါဝင်ဆောင်ရွက်နိုင်ခဲ့သည့် တစ်ခုတည်းသော ကိစ္စမှာ ၁၉၉၇ ခုနှစ်တွင် အစ္စရေးက မတရားသိမ်းယူထားသည့် ပါလက်စတိုင်းပိုင် ဟီဘရွန်ဒေသသို့ ကုလမှ လက်နက်မဲ့ စစ်ဆေးရေးအရာရှိ အနည်းငယ်ကို စေလွှတ်ခြင်းပင်ဖြစ်သည်။ သို့သော်လည်း ထိုအချိန်က ဖြစ်ပွားနေသော ဥပဒေချိုးဖောက်များအတွက် လူသိရှင်ကြား ပြောဆိုရန် ၎င်းတို့တွင် အခွင့်အာဏာမရှိခဲ့။

ဝါရှင်တန်က ကြားဝင်သော ငြိမ်းချမ်းရေးလုပ်ငန်းစဉ် ပျက်ပြယ်ပြီးနောက် ကုလအား နိုင်ငံရေးဆိုင်ရာ အဓိကအခန်းကဏ္ဍမှ ပါဝင်ရန် ခွင့်ပြုခဲ့သည်။ အီးယူ၊ ရုရှားတို့နှင့်အတူ အမေရိကန်ပြုသမျှ နုရသည့် အဆင့်သာဖြစ်၏။

ရှက်စရာကောင်းသည်

ပြီးခဲ့သည့် နှစ်ပေါင်း ၄၀ တွင် ကုလသမဂ္ဂ လုံခြုံရေးကောင်စီ၏ ဆုံးဖြတ်ချက်များနှင့် ပတ်သက်သည့် အရာအားလုံးကို အစ္စရေးက ချိုးဖောက်ခဲ့၏။ ထိုဆုံးဖြတ်ချက်များတွင် ဂျေရုစလင် အပါအ၀င် ၁၉၆၇ ခုနှစ်မှစတင်က ကျူးကျော်သိမ်းပိုက်ထားသည့် အာရပ်နှင့် ပါလက်စတိုင်းတို့၏ နည်မြေတည်ဆောက်ပုံများ၊ ပထ၀ီ အနေအထားများနှင့် အမှတ်သညာများကို ပြောင်းပစ်ရန် အစ္စရေးတို့၏ လုပ်ဆောင်ချက်များကို ပြင်းပြင်းထန်ထန် ကန့်ကွက် ရှုတ်ချထားသည့် ၁၉၈၀ တွင် ထုတ်ပြန်သော ဆုံးဖြတ်ချက်အမှတ် ၄၆၅ လည်း ပါဝင်လေသည်။

၁၉၆၇ ခုမှစ၍ အာရပ်တို့၏ နယ်မြေများအား အစ္စရေးက ကျူးကျော်သိမ်းပိုက်မှုများကို ရပ်တန့်ရန် လိုအပ်သည်ဟု ထပ်မံဖော်ပြထားသော ဆုံးဖြတ်ချက်အမှတ် ၄၇၆ မှာလည်း ပယ်ချခြင်း ခံခဲ့ရလေသည်။ အမေရိကန်နှင့် အစ္စရေးတို့ လက်ခံသည့် တစ်ခုတည်းသော ကုလ၏ ဆုံးဖြတ်ချက်မှာ ၁၉၆၇ ခုနှစ်က အတည်ပြုခဲ့သည့် ဆုံးဖြတ်ချက် အမှတ် ၂၄၂ ဖြစ်ဖြစ်ပြီး ထိုဆုံးဖြတ်ချက်မှာ အခြေခံ သံတမန်ရေး ဖြစ်စဉ်ဖြစ်၏။ ထိုဆုံးဖြတ်ချက်တွင် “အင်အားသုံး၍ ပိုက်နက်များအား သိမ်းပိုက်မှုကို လက်မခံနိုင်ပါ” ဟု ဖော်ပြထားသော်လည်း အစ္စရေးကမူ ထိုဆုံးဖြတ်ချက်ကို စနစ်တကျချိုးဖောက်ကာ ပါလက်စတိုင်း ပိုက်နက်အတွင်း တရားမ၀င်အိမ်ရာများကို ဆက်လက် ဆောက်လုပ်နေခဲ့လေသည်။

အစ္စရေးက အမြတ်ထွက်နေပြီး ပါလက်စတိုင်းက ဘေးဒုက္ခနှင့် ရင်ဆိုင်နေရသည့် ထိုကိစ္စတွင် နိုင်ငံတကာအသိုင်းအ၀ိုင်း ဆိုသည်က “နိုင်ငံတကာနှင့် ဆိုင်သော” သို့မဟုတ် “လူ့အသိုင်းအ၀ိုင်း” ကဲ့သို့သော ပြုမူဆောင်ရွက်ခြင်းမျိုး မရှိခဲ့။ ပို၍ ဆိုးဝါးသည်က အနောက်နိုင်ငံများကို ရည်ညွှန်းသည့် “နိုင်ငံတကာအသိုင်းအ၀ိုင်း” အတွက် ဆောင်ရွက်ကြသူများကသာ ပါလက်စတိုင်းတွင် ကုလ၏ ဆုံးဖြတ်ချက်များ အကောင်အထည်ဖော်မှုကို နှောက်ယှက်ကြသူများ ဖြစ်ခဲ့လေ၏။

ထိုအခြေအနေမှာပင် ကုလသမဂ္ဂ အထွေထွေညီလာခံက ပြဌာန်းခဲ့သည့် ဆုံးဖြတ်ချက် ၁၉၄ ကို အစ္စရေးက လက်ခံခဲ့သည်။ အဖွဲ့ဝင်နိုင်ငံများအနေဖြင့် ကုလ၏ ဆုံးဖြတ်ချက်များကို လေးစားရမည်ဆိုသည့် ကတိက၀တ်ကြောင့်ဖြစ်ပြီး ထိုဆုံးဖြတ်ချက်တွင်ပါဝင်သည့် ပါလက်စတိုင်းဒုက္ခသည်များအား အိမ်ပြန်ပို့ရေးကို အကောင်အထည်ဖော်ခဲ့လေသည်။ သို့သော်လည်း တစ်သန်းကျော်သော ထိုဒုက္ခသည်များက ဂါဇာကမ်းမြှောင်ဒေသ အစ္စရေး၏ ပိတ်ဆို့မှုအောက်တွင် ဒုက္ခများ ဆက်လက်ခံစားနေရစဲပင် ဖြစ်လေသည်။

မကြာသေးခင်က ဂါဇာဒေသအပေါ် အစ္စရေးက ကျူးကျော်တိုက်ခိုက်မှုများ ပြုလုပ်ခဲ့သည်။ ထိုပြဿနာအတွက် လုံခြုံရေးကောင်စီက တုံ့ပြန်မှုများ လုပ်ခဲ့၏။ သို့သော် မိတ်ဖက်များကြား ဖြန်ဖြေသကဲ့သို့သာဖြစ်ပြီး ပါလက်စတိုင်းဒုက္ခသည်များ ဆယ်စုနှစ်ပေါင်းများစွာ ဒုက္ခများကို ခါးခါးသီးသီး ခံစားနေရသည်ဆိုသည့်အချက်ကို ထည့်သွင်းမစဉ်းစားခဲ့ပေ။

ကုလအတွင်းရေးမှူးဟောင်း ကိုဖီအန်နန်ကမူ ပါလက်စတိုင်း-အစ္စရေး ပြဿနာအား ဖြေရှင်းရန်နှင့် ဆယ်စုနှစ်ပေါင်းများစွာကြာမြင့်နေသည့် ပါလက်စတိုင်း ပိုင်နက်များအား အစ္စရေးက သိမ်းပိုက်မှုကို အဆုံးသတ်ရန် မစွမ်းဆောင်နိုင်မှုက ကုလသမဂ္ဂ၏ ဂုဏ်သိက္ခာကို ထိခိုက်စေပြီး အဖွဲ့ကြီး၏ ဘက်မလိုက်ရေး မူဝါဒနှင့် ပတ်သက်၍ မေးခွန်းထုတ်စရာ ဖြစ်လာမည်ဟု သတိပေးခဲ့လေသည်။

ထိုထက်ပိုအရေးကြီးသည်က ပါလက်စတိုင်းဒေသ မတည်ငြိမ်ခြင်း၊ အစ္စရေးတို့၏ အနိုင်ကျင့်မှုများကို ပါလက်စတိုင်း ပြည်သူများ ခါးစည်းခံနေရခြင်းပင် ဖြစ်ပေတော့သည်။

အလ်ဂျဇီးယားသတင်းဌာနမှာ ဆောင်းပါးရှင် Marwan Bishara ၏ On the UN and war in Gaza ခေါင်းစဉ်ဖြင့် ဆောင်းပါးကို လေးမောင် ဆီလျော်အောင် မြန်မာမှုပြုပါသည်။

August 24, 2014
ဆီးရီးယား ပြည်တွင်းစစ် သေဆုံးသူ ၂ သိန်းနီးပါးရှိပြီဟု ကုလထုတ်ပြန်

သြဂုတ် ၂၄၊ ၂၀၁၄
M-Media

– ၃ နှစ်ခွဲနည်းပါး ရှိပြီဖြစ်သည့် ဆီးရီးယား ပြည်တွင်းစစ်အတွင်း သေဆုံးသူ အရေအတွက်မှာ ၂ သိန်းနီးပါး ရှိပြီဟု ကုလလူ့အခွင့်အရေး အကြီးအကဲ နဗီပီလေးက ပြောကြားခဲ့သည်။

ဘာရှာ အလ်အာဆတ်အစိုးရအား ဆန့်ကျင့်သည့် ဆန္ဒပြပွဲများကို အင်အား သုံးနှိမ်နှင်းရာမှ ဆီးရီးယားနိုင်ငံအတွင်း ၂၀၁၁ ခုနှစ် မတ်လ၌ မငြိမ်မသက်မှုများ ဖြစ်ပေါ်လာပြီးနောက် အနောက်နိုင်ငံများက အစိုးရ အတိုက်အခံများအား လက်နက် တပ်ဆင်ပေးမှုကြောင့် ပြည်တွင်းစစ် အသွင်သို့ ပြောင်းလဲသွားခဲ့ခြင်းဖြစ်သည်။

ထိုစစ်ပွဲတွင် သေဆုံးခဲ့ကြသူ အရေအတွက်မှာ ၁၉၁၃၆၉ ဦးရှိပြီး၊ ၉၀၀၀ ခန့်မှာ ကလေးငယ်များဖြစ်သည်ဟု ကုလ၏ မှတ်တမ်းများကို ကိုးကား၍ ပီလေးက ယမန်နေ့ လုံခြုံရေးကောင်စီ အစည်းအဝေးတွင် ပြောကြားခဲ့သည်။

ထို့ပြင် စစ်ပွဲအတွင်း စစ်ရာဇ၀တ်မှုကျူးလွန်မှုများ၊ လူသားထုပေါ် ကျူးလွန်သည့် ရာဇ၀တ်မှုများ ရှိနေသည်ဟု စွပ်စွဲမှုများလည်း ရှိနေကြောင်း၊ ထိုကိစ္စအား ဖြေရှင်းရန် လုံခြုံရေးကောင်စီတွင် လိပ်ခဲတည်းလည်းဖြစ်နေခြင်းက နိုင်ငံတကာ ရာဇ၀တ်ခုံရုံး ICC သို့ လွှဲပြောင်းပေးရေးတွင် နှောင့်နှေးမှုကိုဖြစ်စေကြောင်း ပီလေးက ထပ်လောင်းပြောကြားခဲ့သည်။

ဆီးရီးယား ပြည်တွင်းစစ်အား ဖြေရှင်းရေး နိုင်ငံတကာအသိုင်းအ၀ိုင်း၏ တုံ့ဆိုင်းနေမှုကိုလည်း ပီလေးက ဝေဖန်ပြစ်တင်ခဲ့သည်။

“နိုင်ငံတကာအသိုင်းအ၀ိုင်းရဲ့ တုံ့ဆိုင်းနေမှုက ဆီးရီးယားမှာရှိတဲ့ လူသတ်သမားတွေ၊ ဖျက်ဆီးရေးသမားတွေနဲ့ နှိပ်စက်ငြှင်းပန်းသူတွေကို အားကောင်းစေပြီး သူတို့ကို ရဲဆေးတင်ပေးသလို ဖြစ်နေပါတယ်” ဟု ပီလေးကဆိုသည်။

သြဂုတ်လ ၃၀ ရက်နေ့တွင် ရာထူးသက်တမ်းပြည့်တော့မည့် ပီလေးမှာ အင်အားကြီးနိုင်ငံများအနေဖြင့် နိုင်ငံတကာတွင်ဖြစ်ပွားနေသည့် မတည်မငြိမ်မှုများကို ဖြေရှင်းရေးထက် ၎င်းတို့၏ အကျိုးစီးပွားများကိုသာ ဦးစားပေးနေသည်ဟု ပီလေးက ထိုအစည်းအဝေးတွင်ပင် ပြောကြားခဲ့သည်။

Al Jazeera and agencies

August 24, 2014
အစ္စရေး၏ စစ်ရာဇဝတ်မှု စုံစမ်းမည့် ကိစ္စ နိုင်ငံတကာ ရာဇ၀တ်ခုံရုံးကို အနောက်ကမ္ဘာက ဖိအားပေးနေပြီလား

သြဂုတ် ၂၂၊ ၂၀၁၄
M-Media
.လေးမောင် မြန်မာမှုပြုသည်။

– အမေရိကန်နှင့် အနောက်နိုင်ငံများမှ ဖိအားပေးမှုကြောင့် ဂါဇာ ကမ်းမြှောင်အတွင်း စစ်ရာဇ၀တ်မှုများ ဖြစ်ပွားခဲ့သည်ဟု စွပ်စွဲချက်နှင့် ပတ်သက်၍ စုံစမ်းစစ်ဆေးမှုပြုလုပ်ရန် နိုင်ငံတကာ ရာဇ၀တ်ခုံရုံး ICC က ရှောင်နေသည်ဟု ယခင် ICC ၀န်ထမ်းဟောင်းများနှင့် ရှေ့နေများက ဆိုသည်။

မကြာသေးမီနေ့များကပင် ဂါဇာအတွင်း အစ္စရေးစစ်တပ်နှင့် ဟားမက်စ်တို့၏ လုပ်ရပ်များအတွက် ICC မှ ပြုလုပ်ဖွယ်ရှိသည့် စုံစမ်းစစ်ဆေးမှုမှာ ဗျာများသော နိုင်ငံရေးတိုက်ပွဲ ဖြစ်လာခဲ့ပြီး ကိုင်ရိုတွင် ပြုလုပ်နေသည့် ငြိမ်းချမ်းရေးဆွေးနွေးပွဲ အတွက်မူ အဓိကအချက် ဖြစ်လာလေသည်။ သို့သော်လည်း စုံစမ်းစစ်ဆေးမှုကို ပြုလုပ်ရမည်လား၊ ပြုလုပ်သင့်လားဆိုသည်ကို ICC ကိုယ်တိုင်ကပင် ဝေခွဲ၍ မရသေး။

ICC ၏ စုံစမ်းစစ်ဆေးမှုက တာသွားနိုင်သည်။ ထိုကဲ့သို့ စုံစမ်းစစ်ဆေးမှုမှာ ဂါဇာကမ်းမြှောင် အတွင်း အမျိုးသမီးများ၊ ကလေးများအပါအ၀င် အရပ်သား ၂၀၀၀ ကျော်သေဆုံးခဲ့ရမှု၌ အစ္စရေးစစ်တပ်၊ ဟားမက်စ်နှင့် အခြားသောသူများ ကျူးလွန်ခဲ့ဖွယ်ရှိသော စစ်ရာဇ၀တ်မှုအား စစ်ဆေးရုံမျှသာ မဟုတ်။ အစ္စရေးခေါင်းဆောင်ပိုင်းက တာဝန်ယူရမည့် ပါလက်စတိုင်း ပိုင်နက်များအတွင်း တရားမ၀င် အိမ်ရာ ဆောက်လုပ်မှုများကိုလည်း ဖြေရှင်းနိုင်ပေလိမ့်မည်။

ICC ကို ဖန်တီးပေးခဲ့သည့် ၁၉၉၈ ရောမသဘောတူညီချက်တွင် စစ်ရာဇ၀တ်မှုအား ဤသို့ အဓိပ္ပါယ်ဖွင့်ဆိုထားသည်။

“ဒေသတစ်ခုကို သိမ်းပိုက်ထားသည့် အဖွဲ့က ၎င်းတို့ လူဦးရေမှ တစ်စိတ်တစ်ပိုင်းကို ၎င်းတို့ သိမ်းပိုက်ထားသည့် ပိုင်နက်အတွင်းသို့ တိုက်ရိုက်၊ သို့မဟုတ် သွယ်ဝိုက်၍ ပြောင်းရွှေ့စေခြင်း”

ထိုစုံစမ်းစစ်ဆေးမှုက နိုင်ငံတကာနှင့်ဆိုင်သည့် တရားမျှတမှုအတွက် အထိမခံသော စမ်းသပ်မှုတစ်ခုဖြစ်ပြီး ICC ၏ အနာဂတ်လည်းဖြစ်သည်။ ICC မှာ စူပါ ပါဝါနိုင်ငံများ၏ ထောက်ခံမှုကို မရခဲ့။ ရုရှား၊ တရုတ်နှင့် အိန္ဒိယတို့က ရောမ သဘောတူညီချက်ကို လက်မှတ်မထိုးခဲ့ကြ။ ၂၀၀၀ ခုနှစ်တွင် အမေရိကန်နှင့် အစ္စရေးတို့က လက်မှတ်ရေးထိုး ခဲ့သော်လည်း နောက်ပိုင်းတွင် ထွက်သွားခဲ့ကြလေသည်။

ဂါဇာကမ်းမြှောင် စစ်ရာဇ၀တ်မှုအတွက် စုံစမ်းစစ်ဆေးမှုကို ခေါင်းရှောင်ပါက ICC အနေဖြင့် “နိုင်ငံတကာ အသိုင်းအ၀ိုင်း တစ်ခုလုံးအတွက် စိုးရိမ်ဖွယ်ရာ အဆိုးရွားဆုံး ရာဇတ်မှုများကို အပြစ်မပေးဘဲ လစ်လျူရှု၍ မရ” ဆိုသည့် ရောမ သဘောတူညီချက်နှင့် ကိုက်ညီတော့မည် မဟုတ်ဟု နိုင်ငံတကာမှ ရှေ့နေ အချို့က စောဒကတက်ကြလေသည်။

“ICC တရားသူကြီးက တရားစီရင်ရေးကို လွယ်လွယ်ကူကူပဲ ကျင့်သုံးနိုင်လိမ့်မယ်လို့ ကျွန်တော်ထင်ပါတယ်။ ဥပဒေဆိုတာ ရွေးချယ်မှုတစ်ခုပါပဲ။ ဥပဒေရေးရာ ဆွေးနွေးငြင်းခုံမှုတွေ အပြိုင်အဆိုင် ရှိလာမှာဖြစ်ပေမယ့် ဒီတရားရုံးရဲ့ ရည်ရွယ်ချက်ဖြစ်တဲ့ ရာဇ၀တ်မှုတွေအတွက် အရေးယူမခံရဘဲ လွတ်မြောက်နေတာတွေကို တာဆီးဖို့ဆိုတဲ့ ICC စာတမ်းရဲ့ နိဒါန်းကို သူမ(တရားသူကြီး) အနေနဲ့ ပြန်ကြည့်ရပါလိမ့်မယ်”

အစ္စရေး၏ လူ့အခွင့်အရေးဆိုင်ရာ မှတ်တမ်းများကို နှစ်ပေါင်းများစွာ စောကြောမှုများ ပြုလုပ်နေသည့် ဟော်လန်နိုင်ငံ လီဒန်တက္ကသိုလ် နိုင်ငံတကာဥပဒေရေးရာ ပါမောက္ခ ဂျွန် ဒူဂတ်က ပြောခြင်းဖြစ်သည်။

လွန်ခဲ့သည့် ရက်များအတွင်း အပြန်အလှန်ပေးပို့သောစာများတွင် ပါလက်စတိုင်းပြည်သူများ၏ ရှေ့နေများက စုံးစမ်းစစ်ဆေးမှုကို ပြုလုပ်ရန်အတွက် လိုအပ်သောအခွင့်အာဏာမှာ ၂၀၀၉ ခုနှစ် ပါလက်စတိုင်းတို့၏ မေတ္တာရပ်ခံမှုကို အခြေခံကာ ICC တရားသူကြီး ဖာတူ ဘန်ဆူဒါတွင် ရှိသည်ဟု ဖော်ပြ ထားလေသည်။ သို့သော်လည်း ဘန်ဆူဒါကမူ ဟားမက်စ်ကဲ့သို့သော နိုင်ငံရေး အဖွဲ့များအကြား တွေ့ရခဲသည့် အများသဘောတူမှုရှိသော ပါလက်စတိုင်းတို့၏ ကြေညချက်အသစ် ပေါ်ထွက်ရေးကိုပင် မလျှော့တမ်း ပြောနေလေ၏။ ပါလက်စတိုင်းပိုင်နက်များအတွင်း စစ်ရာဇ၀တ်မှုဆိုင်ရာ စုံစမ်းစစ်ဆေးမှု မပြုလုပ်ရန်အတွက် ပါလက်စတိုင်း သမ္မတ မဟ်မူဒ် အဘတ်စ်အပေါ် အမေရိကန်နှင့် အစ္စရေးတို့ကလည်း ဖိအားပေးထား၏။

ထိုကိစ္စအတွက် ဝေးဝေးမှနေရန် အနောက်နိုင်ငံများက ICC အပေါ် ဖိအားပေးထားမှုကြောင့် ICC ရှိ တရားသူကြီးများအကြား သိသာသည့် သဘောထား ကွဲလွဲမှုများ ဖြစ်ပေါ်ခဲ့သည်။ ပါလက်စတိုင်းတို့မှာ ဂါဇာကမ်းမြှောင်အား ကျူးကျော်တိုက်ခိုက်ခဲ့သည့် အစ္စရေးတို့၏ Cast Lead စစ်ဆင်ရေးအပြီး ၂၀၀၉ ခုနှစ်တွင် ဂါဇာဒေသအတွင်း စစ်ရာဇ၀တ်မှုအတွက် စုံစမ်းစစ်ရေးရန် ကြေညာချက်ထုတ်ကာ တောင်းဆိုခဲ့သည်။ ထိုတောင်းဆိုမှုကြောင့် ပါလက်စတိုင်းနိုင်ငံဖြစ်လာရေး ကုလ၏ အတည်ပြုချက်ကို နှောင့်နှေးစေခဲ့သည်။

ပါလက်စတိုင်းတို့မှာ လှည့်ဖျားခြင်းခံလိုက်ရသည်ဟု ICC တရားသူကြီးဟောင်းများက ဆိုကြသည်။

စစ်ရာဇ၀တ်မှုအတွက် စုံစမ်းရန် ပါလက်စတိုင်းတို့၏ တောင်းဆိုမှုကို အကြောင်းပြု၍ ပါလက်စတိုင်းနိုင်ငံဖြစ်လာရေး ကုလ၏တည်ပြုချက်မှာ ၂၀၁၂ ခုနှစ် နိုဝင်ဘာမှ ရရှိခဲ့သည်။ ကုလသမဂ္ဂ အထွေထွေညီလာခံ UNGA က ပါလက်စတိုင်းအား အဖွဲ့ဝင်မဟုတ်သော လေ့လာသူနိုင်ငံအဖြစ် မဲခွဲဆုံးဖြတ်ခဲ့ကြသည်။ သို့သော်လည်း စုံစမ်းစစ်ဆေးမှုကတော့ ဖြစ်မလာခဲ့ချေ။

ဘန်ဆူဒါမှာ စောစောပိုင်းတွင် ပါလက်စတိုင်းတို့၏ တောင်းဆိုမှုကို ပြန်လည် ဆန်းစစ်မည်ဟု ဆိုခဲ့သေးသည်။ သို့သော်လည်း နောက်တစ်နှစ်တွင် အငြင်းပွားဖွယ် ကြေညာချက် တစ်စောင်ကို ထုတ်ပြန်ခဲ့ကာ UNGA ၏ မဲပေးရွေးချယ်မှုမှာ ၂၀၀၉ ခုနှစ် ပါလက်စတိုင်းတို့၏ တောင်းဆိုအတွက် “ဥပဒေအရ မခိုင်လုံမှု” ကို မည်သို့မှ အထောက်အကူမပြုဟု ပြောကြားခဲ့လေသည်။

ပါလက်စတိုင်းတို့ ၂၀၀၉ ခုနှစ် ကြေညာချက် ထုတ်ပြန်စဉ်က တရားသူကြီးဖြစ်ခဲ့သည့် လူးဝစ် မိုရီနို အိုကမ်ပိုကလည်း ဘန်ဆူဒါကို ထောက်ခံ၏။ ဂါးဒီးယန်း သတင်းစာသို့ ပေးပို့သော အီးမေးလ်တွင် “ပါလက်စတိုင်အနေဖြင့် တရားစီရင်မှုကို လက်ခံလိုပါက၊ ကြေညာချက်အသစ် ထပ်မံထုတ်ပြန်ရမည်” ဟု ရေးသားထားသည်။

ICC တရားသူကြီးများရုံးမှ ပါလက်စတိုင်း၏ ကြေညာချက်နှင့် သက်ဆိုင်နေသည့် တရားသူကြီးတစ်ဦးကမူ အိုကမ်ပိုနှင့် သဘောထားခြင်း လုံးဝကွဲပြား၏။

“နိုင်ငံရေဒဆုံးဖြတ်ချက်တစ်ခုကို ရုပ်ဖျက်ဖို့၊ လုပ်ပိုင်ခွင့်အဏာကို ငြင်းပယ်ဖို့နဲ့ ပါဝင်ဆောင်ရွက်ခြင်း မပြုဖို့ သူတို့ဟာ ဥပဒေစကားရပ်ဆိုတာကို အသုံးချပြီး နောက်ကွယ်မှာ ဖုံးကွယ်ဖို့ ကြိုးစားနေကြတာပါ” ဟု ဆိုလေသည်။

ဘန်ဆူဒါမှာ အမေရိကန်နှင့် ဥရောပ မဟာမိတ်နိုင်ငံများ၏ ကြီးမားသော ဖိအားအောက်တွင် ရှိနေသည်ဟု ဒူဂတ်က ဆိုသည်။

“သူမအတွက်တော့ ရွေးရခက်နေမှာပါ။ ပြီးတော့ သူဟာ မပြင်ဆင်ထားပါဘူး။ ဒါပေမယ့် ဒါဟာ ICC ရဲ့ ယုံကြည်စိတ်ချရမှုကိုတော့ ထိခိုက်ပါတယ်။ သူမအနေနဲ့ အာဖရိကမှာဆိုရင်တော့ စုံစမ်းစစ်ဆေးမှုလုပ်ဖို့ ရှက်နေမှာမဟုတ်ဘူးလို့ အာဖရိကန်တွေက ပြောကြပါတယ်”

စစ်ရာဇ၀တ်မှုအတွက် စုံစမ်းစစ်ဆေးမှုပြုလုပ်ရန် ပါလက်စတိုင်းတို့၏ တောင်းဆိုမှုအတွက် ဆုံးဖြတ်ချက်ချရန် တရားသူကြီးဟောင်း အိုကမ်ပိုက သုံးနှစ် အချိန်ယူခဲ့သည်။ ထိုအချိန်အတွင်း အရေိကန်နှင့် အစ္စရေးတို့က ထိုကိစ္စဖြစ်မလာရန် လော်ဘီလုပ်လေသည်။ ယခုနှစ်အတွင်း ICC မှ ထုတ်ပြန်သော စာအုပ်၌ တရားရုံး၏ အနာဂတ်မှာ မသေမချာဖြစ်မည်ဟု အမေရိကန်အာဏာပိုင်များက တရားသူကြီးကို သတိပေးခဲ့သည်ဟု ဖော်ပြထားလေသည်။

ဒေးဗစ်ဘို့စ်ကို ရေးသားသည့် Rough Justice: the International Criminal Court in a World of Power Politics စာအုပ်ဖြစ်ပြီး ပါလက်စတိုင်းနှင့် ပတ်သက်သည့် စုံစမ်းစစ်ဆေးမှုက ICC ထမ်းရမည့် အလွန်ကြီးလေးသော နိုင်ငံရေး ၀န်ထုပ်ဝန်ပိုးကြီး ဖြစ်ကြောင်း၊ ထိုအမှုအတွက် အစီရင်ခံစာ ထုတ်ပြန်မှုကလည်း ICC အတွက် အဓိက ထိခိုက်မှုမျိုး ဖြစ်လာနိုင်မည်ဖြစ်ကြောင်း အမေရိကန် အာဏာပိုင်များက ICC အား ပြတ်ပြတ်သားသားပင် သတိပေးခဲ့သည်ဟု ဖော်ပြထားသည်။

ICC ကို အမေရိကန်တို့က ရန်ပုံငွေ ထောက်ပံ့ထားခြင်း မရှိသော်လည်း “ICC ၏ လုပ်ဆောင်မှုများကို ရံဖန်ရံခါ အမေရိကန်က ထောက်ခံသည့်အခါ ၀ါရှင်တန်၏ ကြီးမားသည့် သံတမန်ရေး၊ စီးပွားရေးနှင့် စစ်ရေးပါဝါများကြောင့် ICC အတွက် တန်ဖိုးရှိသည့် အကူအညီဖြစ်လာလေသည်။ ” ဟု အမေရိကန် တက္ကသိုလ်တစ်ခုမှ နိုင်ငံတကာ နိုင်ငံရေးဆိုင်ရာ လက်ထောက် ပါမောက္ခဖြစ်သူ ဘို့စ်ကိုက ရေးသားထားသည်။

ထို့ပြင် အစ္စရေး အာဏာပိုင်များအနေဖြင့် ICC တည်ရှိရာ ဟေ့ဂ်မြို့တွင် ထိုစဉ်က တရားသူကြီးဖြစ်ခဲ့သည် အိုကမ်ပိုနှင့် လျှို့ဝှက်တွေ့ဆုံမှုများစွာ ပြုလုပ်ခဲ့သည်ဟု ဘို့စ်ကိုက ၎င်း၏ စာအုပ်တွင် ဖော်ထုတ်ထား၏။ ထိုတွေ့ဆုံမှုများမှာ စုံစမ်းစစ်ဆေးရေးနှင့် ပတ်သက်၍ လော်ဘီလုပ်ရန်ဖြစ်ပြီး အစ္စရေးသံအမတ်၏ အိမ်တွင် ညစာစားပွဲ ပြုလုပ်သည်အထိ အနီးကပ်ဆွေးနွေးခဲ့သည်ဟု ဆိုလေသည်။

ပါလက်စတိုင်းတို့၏ အမှုတွဲအတွင်း ပါဝင်ဆောင်ရွက်ခဲ့သူ ICC တာဝန်ရှိသူဟောင်း တစ်ဦးကလည်း

“အစထဲက အိုကမ်ပိုဟာ ဒီကိစ္စမှာ မပါဝင်ချင်ဘူးဆိုတာ ရှင်းနေပါတယ်။ ပါလက်စတိုင်းတွေက စုံစမ်းစစ်ဆေးမှုကို အမှန်တကယ် မဆောင်ရွက်ချင်ဘူးလို့ သူကပြောပါတယ်။ ၂၀၁၀ သြဂုတ်လမှာ ပါလက်စတိုင်းတွေဟာ ၀န်ကြီးနှစ်ဦးနဲ့ ရှေ့နေတွေပါတဲ့ ကိုယ်စားလှယ်အဖွဲ့တစ်ဖွဲ့ဟာ ICC ကို ရောက်လာခဲ့ပါတယ်။ သူတို့ ၂ ရက်လောက်နေပြီး ဆွေးနွေးခဲ့ကြပေမယ့် ဒီကိစ္စမှာ ဘယ်လိုပါဝင်မှုမျိုးမဆို အမေရိကန်နဲ့ နီးနီးကပ်ကပ်ရှိနေတာကို ပျက်စီးစေလိမ့်မယ်ဆိုတာ အိုကမ်ပိုက သတိပြုမိပါတယ်” ဟု ပြေကြားခဲ့သည်။

သို့သော်လည်း အမေရိကန်၏ဖိအားက မိမိအားလွှမ်းမိုးနေသည်ဆိုသည့် သတင်းကို အိုကမ်ပိုက ငြင်းဆန်လေသည်။

“ဒီကိစ္စကို ဘက်လိုက်မှုမရှိဘဲ ကျွန်တော် ရပ်တည်ဆောင်ရွက်ခဲ့ပါတယ်။ ဒါပေမယ့် တစ်ချိန်တည်းမှာပဲ ဥပဒေအရ ကန့်သတ်မှုတွေကို လေးစားခဲ့ပါတယ်” ဟု တနင်္ဂနွေနေ့က ပေးပို့သော အီးမေးလ်တွင် ၎င်းက ရေးသားခဲ့သည်။

“ငြင်းခုံမှုတွေအားလုံးကို ကျွန်တော်ကြားပါတယ်။ မတူညီမှုတွေကို ရှင်းပြတဲ့ အောက်စဖို့ဒ်က ပါမောက္ခတွေနဲ့ ကျွန်တော်တွေ့ခဲ့ပြီး အချိန်တော်တော် များများ ဆွေးနွေး ငြင်းခုံ ခဲ့ကြရပြီး ဒီဖြစ်စဉ်ကို ကုလကို အရင်ပို့ရမယ်လို့ ကျွန်တော် နောက်ဆုံးပြောခဲ့ပါတယ်။ နိုင်ငံတစ်နိုင်ငံ သတ်မှတ်ရမယ်ဆိုတာနဲ့ ပတ်သက်ပြီး သူတို့က ဆုံးဖြတ်ရပါမယ်”

“အစ္စရေးနဲ့ဆွေးနွေးရာမှာ တရားစီရင်ရေးကို လက်ခံဖို့ ပါလက်စတိုင်းတို့က ခြိမ်းခြောက်နေပါတယ်။ ရန်သူ ၉ ယောက်က ၀ိုင်းနေပြီး ကျည်ဆံ တစ်တောင့်ပဲရှိရင် မပစ်ဘဲ ဒီကျည်ဆံကို ပိုကောင်းအောင် အသုံးချလိမ့်မယ်လို့ တစ်ယောက်က ပြောခဲ့ပါတယ်” ဟု အိုကမ်ပိုက ၎င်း၏ အီးမေးလ်တွင် ထည့်သွင်းရေးသားခဲ့လေသည်။

အိုကမ်ပို၏နေရာကို ဆက်ခံသည့် ဘန်ဆူဒါကလည်း စုံးစမ်းစစ်ဆေးမှုများအတွက် တရားသူကြီး၏ ရွေးချယ်မှုတွင် ဘက်လိုက်မှုရှိသည်ဟူသော စွပ်စွဲချက်ကို ငြင်းဆန်ခဲ့သည်။

“ICC ကို ရောမကြေညာစာတန်းက လမ်းညွှန်ပေးထားတာပါ။ တစ်ခြားဘာမှမရှိပါဘူး။ တရားစီရင်ရေးနဲ့ ပတ်သက်ပြီး ICC ဟာ ဘယ်လိုနေရာမျိုးတွေ၊ ဘယ်လိုအချိန်မျိုးတွေမှာ ကြားဝင်နိုင်တယ်ဆိုတာတွေနဲ့ ပတ်သက်ပြီး တင်းကျပ်တဲ့ ဥပဒေကို တမင်သက်သက် မှားယွင်းဖော်ပြထားတာမျိုးတော့ မဟုတ်ပါဘူး။ ပထ၀ီအနေအထားဆိုင်ရာနဲ့ နိုင်ငံရေးဆိုင်ရာ ထည့်သွင်းစဉ်းစားရတာတွေက တရားရုံး ဆုံးဖြတ်ချက်အပေါ် တစ်စိတ်တစ်ပိုင်းတောင် သက်ရောက်လို့မရပါဘူး”

ပါလက်စတိုင်းပြည်သူများကို ကိုယ်စားပြုသည့် ပြင်သစ်ရှေ့နေ ဂီလက်စ် ဒီဗာက ပါလက်စတိုင်း ပိုင်နက်များတွင် တရားရုံး၏ တရားစီရင်ခြင်းအပေါ် ဆုံးဖြတ်ရမည်မှာ ICC မှ တရားသူကြီးများမဟုတ်ဟု ဆုလေသည်။

စုံစမ်းစစ်ဆေးရေးအတွက် တောင်းဆိုမှုအသစ် ပြုလုပ်ရမည်လားဆိုသည့် အချက်အပေါ် ပါလက်စတိုင်းရှိ ပါတီများအကြား ညှိနှိုင်းဆွေးနွေးမှုများကို ဆက်လက်လုပ်ဆောင်နေသည် ဟု ဒီဗာက ထည့်သွင်းပြောကြားခဲ့သည်။

“စုံစမ်းစစ်ဆေးမှုကို မပြုလုပ်ဖို့ ဖိအား ကြီးကြီးမားမား ရှိနေပါတယ်။ ဒီဖိအားဟာ ဖာတာနဲ့ ဟားမက်စ်အဖွဲ့တွေမှာသာမက ICC က တရားသူကြီးမှာလည်း ရှိနေပါတယ်။ ဖြစ်စဉ် ဒီပြဿနာတွေမှာ ဘဏ္ဍာရေးထောက်ပံ့မှုတွေ၊ ပါလက်စတိုင်းနဲ့ ICC တို့အပေါ် ငြိမ်းခြောက်တဲ့ ပုံစံမျိုးတွေ ဖြစ်လာပါလိမ့်မယ်”

ICC အား အကြီးဆုံးထောက်ပံ့နေသူများတွင် ယူကေနှင့် ပြင်သစ်တို့ပါဝင်ပြီး ထိုနှစ်နိုင်ငံစလုံးကလည်း စစ်ရာဇ၀တ်မှုအတွက် စုံစမ်းစစ်ဆေးမှုကို စွန့်လွှတ်ရန် ပါလက်စတိုင်းအား ဖျောင်းဖြ ကြပေဦးမည်။

ref_ The Guardian

August 22, 2014
ဂါဇာ ကလေးငယ် ၄ သိန်းနီးပါးမှာ စိတ်ပိုင်းဆိုင်ရာ အကူအညီများ လိုအပ်နေ

သြဂုတ် ၂၂ ၊ ၂၀၁၄
M-Media

– အစ္စရေး၏ ကျူးကျော်တိုက်ခိုက်မှုကို ခံနေရသည့် ဂါဇာဒေသတွင် ပါလက်စတိုင်း ကလေးငယ် ၄ သိန်းနီးပါးမှာ ကနဦး စိတ်ပိုင်းဆိုင်ရာ အကူအညီများကို ချက်ခြင်း လိုအပ်နေသည်ဟု ယူနီဆက်ဖ်က ပြောကြားလိုက်သည်။

“(အစ္စရေးမှ ကျူးကျော်တိုက်ခိုက်မှု၏) ဆိုးကျိုးတွေက ရုပ်ပိုင်းဆိုင်ရာမှာ တော်တော်လေးကို များပြားပြီး သေဆုံးဒဏ်ရာရသူတွေ၊ အခြေခံအဆောက်အအုံတွေ ပျက်ဆီးတာတွေ ရှိနေပါတယ်။ ဒါပေမယ့် အရေးအကြီးဆုံးကတော့ ဘယ်သူမှမသိတဲ့ ခံစားမှုပိုင်းဆိုင်ရာနဲ့ စိတ်ပိုင်းဆိုင်ရာ မတည်မငြိမ်မှုတွေပါပဲ။ ဂါဇာမှာ ဘယ်နေရာမှ လုံခြုံမှုမရှိဘူးဆိုတဲ့ ခံစားမှုမျိုးက ကောင်းမွန်တဲ့ ဖီလင်မျိုးတော့ မဟုတ်ပါဘူး” ဟု
ဂါဇာဒေသ ဆိုင်ရာ ယူနီဆက်ဖ် အကြီးအကဲ ပါနီလာ အိုင်းရင်းဆိုက်က ကုလသမဂ္ဂ ရုံးချုပ်တည်ရှိရာ နယူးယောက်တွင် ယမန်နေ့ကပြုလုပ်ခဲ့သော သတင်းစာ ရှင်းလင်းပွဲ၌ ပြောကြားခဲ့သည်။

အစ္စရေးတို့၏ ကျူးကျော်တိုက်ခိုက်မှုကြောင့် ပြီးခဲ့သည့် ၄၈ နာရီအတွင်း ဂါဇာတွင် ကလေးငယ် ၉ ဦး သေဆုံးခဲ့ပြီး ကျူးကျော်တိုက်ခိုက်မှု စတင်ခဲ့သည့် ဇူလိုင်လအစောပိုင်းမှစ၍ သေဆုံးခဲ့သည့် ကလေးငယ် အရေအတွက် ၄၉၆ ဦး ရှိလာခဲ့ပြီဖြစ်သည်။

ယာယီအပစ်ရပ်ရေး ပျက်ပြယ်သွားခဲ့ပြီးနောက် အင်္ဂါနေ့မှ စတင်ကာ အစ္စရေးက ဂါဇာဒေသအား လေကြောင်းမှ ကျူးကျော်တိုက်ခိုက်မှုများ ပြန်လည်ပြုလုပ်ခဲ့ပြီး ယမန်နေ့ တိုက်ခိုက်မှုအတွင်းမှာပင် ကလေငယ်များအပါအ၀င် ပါလက်စတိုင်း ၂၀ ကျော် သေဆုံးခဲ့ည်။

ထို့ကြောင့် ၁ လကျော်ကြာ ကြာမြင့်ခဲ့သည့် တိုက်ခိုက်မှုများအတွင်း သေဆုံးသူ ပါလက်စတိုင်း အရေအတွက်မှာ ၂၀၉၀ ရှိလာပြီဖြစ်ပြီး၊ ဒဏ်ရာရသူ သောင်းနှင့်ချီ၍ ရှိနေကာ အိုးအိမ်စွန့်ခွာ ထွက်ပြေးရသူ သန်းချီရှိနေသည်။

August 22, 2014