ဇန်န၀ါရီ ၁၃၊ ၂၀၁၇
ဆရာလေး ကေတုမာလာ – မြန်မာနိုင်ငံတွင် သီတင်းသုံးနေထိုင်ကြသည့် သီလရှင်အရေအတွက်မှာ ၆ သောင်းဝန်းကျင်ရှိသည်။ ဦးပြည်ခေါင်းတုံးတုံး၍ သာသနာ့ဘောင်ဝင်ကြသည့် အဆိုပါ ဘိက္ခုနီ (ရဟန်းမ) များက အမျိုးသားရဟန်းများနှင့် တန်းတူအဆင့်ရှိသည်ဟု သတ်မှတ်ခြင်းမခံရ။
ထေရ၀ါဒ ဗုဒ္ဓသာသနာထွန်းကားသော မြန်မာနိုင်ငံတွင် ပြည်သူများက ဘုန်းကြီးရဟန်းများကို ဘတ်စ်ကားပေါ်တွင် နေရာဖယ်ပေးခြင်း၊ လမ်းမများတွင် လက်စုံမိုး၍ ရှိခိုးကန်တော့ခြင်း၊ နေ့စဉ် ဆွမ်းကွမ်းနှင့် လှူဖွယ်ဝတ္ထုများ ဆက်ကပ်လှူဒါန်းခြင်းတို့ကို ပြုကြသည်။ သို့သော်လည်း ‘ရဟန်းမ’ ဟုခ်ါသည့် သီလရှင်များကတော့ တရားဓမ္မကို တရားဝင်သင်ယူခြင်း ပိတ်ပင်ခံထာရပြီး၊ အရာသွင်းခြင်းလည်း မခံရ။ နိုင်ငံအတွင်း ထင်ရှားသည့် ဆရာလေး ကေတုမာလာကတော့ အဆိုပါ အစွဲများကို ချေဖျက်နေသည်။
“ဆရာလေးတို့ ရင်ဆိုင်ကြတာပေါ့လေ။ မြန်မာနိုင်ငံမှာ မဟာဖိုဝါဒက ကြီးစိုးပြီး၊ ယောင်္ကျားတွေကသာ သြဇာရှိတော့ သသနာ့ဘောင်မှာလည်း အမျိုးသားတွေကသာ လွှမ်းမိုးပါတယ်။ မဟာဖိုဝါဒက ဒီမှာ တအားအမြစ်တွယ်နေပြီ” ဟု သက်တော် ၃၆ နှစ်ရှိပြီဖြစ်သည့် ဆရာလေး ကေတုမာလာက မိန့်ကြားခဲ့သည်။
ဓမ္မစကူးလ်ဖောင်ဒေးရှင်းကို တည်ထောင်သူဖြစ်သည့် ဆရာလေးမှာ မြန်မာနိုင်ငံ၏ ပညာရေးစနစ်တွင် ဗုဒ္ဓသာသနာ၏ အဆုံးအများကို ထည့်သွင်း သင်ကြားရာ၌ အောင်မြင်မှု သိသိသာသာ ရရှိခဲ့သည်။ ဆရာလေး၏ အဆိုပါ ဖောင်ဒေးရှင်းက နိုင်ငံတစ်ဝှမ်းရှိ စာသင်ကျောင်း ထောင်ပေါင်းများစွာနှင့် ကွန်ယက်ချိတ်ဆက်ထားပြီး၊ ကျောင်းသူကျောင်းသားပေါင်း သန်းဝက်ခန့်က အကျိုးခံစားနေရသည်။ ဆရာလေး ကေတုမာလာကို ကုလသမဂ္ဂ အတွင်းရေးမှူးချုပ်ဟောင်း ဘန်ကီမွန်ကပင် သတိထားမိခဲ့ပြီး မကြာသေးမီက ၎င်းတို့နှစ်ဦး တွေ့ဆုံခဲ့ကြသည်။ ဆရာလေးမှာ ကမ္ဘာတစ်ဝှမ်း ဗုဒ္ဓတရားတော်များကို ဟောပြောပို့ချလေ့ရှိပြီး လူကြိုက်များသည်။
ဆရာလေးကေတုမာလာက အသက် ၁၃ နှစ်အရွယ်တွင် ကြုံတွေ့ခဲ့ရသည့် ကျား၊ မ ခွဲခြားမှုကို ပြန်ပြောင်းပြောပြခဲ့သည်။ သူမ၏ မွေးရပ်မြေ မော်လမြိုင်တွင် ဦးလေးနှင့် ၀မ်းကွဲအစ်ကိုတို့က ပဉ္စင်းတက်သည့်အချိန် သူမအပါအ၀င် မိသားစုအတွင်းရှိ အမျိုးသမီးများမှာ ဘုန်းကြီးကျောင်းရှိ ပဉ္စင်းခံသည့် နေရာသို့ ၀င်ရောက်ခွင့်မရခဲ့။
“ဆရာလေးတို့ဟာ အမျိုးသားတွေနဲ့ မတူညီပါလားဆိုပြီး ပထမဆုံး ခံစားခဲ့ရပါတယ်။ နောက် ‘ယောက်ျားတွေက ဒါမျိုးလုပ်နိုင်ပြီး ငါတို့ကတာ့ ဘာဖြစ်လို့ မလုပ်နိုင်တာလဲ’ ဆိုပြီး ဆရာလေး တွေးခဲ့ပါတယ်”
ဖားအောက်တောရတရားစခန်းတွင် သီတင်းသုံးခဲ့သည့် ဆရာလေးမှာ ထိုအဖြစ်အပျက်နောက်ပိုင်း နှစ်အတော်ကြာသည်အထိ သာသနာ့ဘောင်အတွင်း ကျား၊ မခွဲခြားမှုကို မကြုံရတော့။ အမြင်ကျယ်သည့် ကျောင်းထိုင်းဘုန်းတော်ကြီးကြောင့် အဆိုပါတရားစခန်း၌ အမျိုးသမီးများ အလိုရှိရာနေရာသို့ သွားလာနိုင်ကြသည်။ ယခုအချိန်တွင်တော့ ဖားအောက်တောရ တရားစခန်းမှာ ဆရာလေး ကေတုမာလာအတွက် သီတင်းသုံးရာနေရာ ဖြစ်နေပြီဖြစ်သည်။ ဆရာလေးမှာ ယောဂီဝတ်စုံဝတ်သည်။ မြန်မာနိုင်ငံရှိ နာမည်ကျော် ရဟန်းသံဃာများက အဆိုပါ ယောဂီဝတ်စုံကို လက်ခံသော်လည်း ခြိမ်းခြောက်မှုတစ်ခုအဖြစ် မှတ်ယူကြသည်။
“သံဃာတွေကို လျှောက်တင်တဲ့အခါမှာ အလိမ္မာလေးသုံးပြီး ချက်ကျလက်ကျ လျှောက်တင်ရတယ်။ တစ်ချို့ သံဃာတွေက ကျား၊ မ ခွဲခြားမှုအကြောင်းပြောရင် သူတို့ကို ပြိုင်ချင်တယ်လို့ ထင်ကြပါတယ်။ အဲဒီအခါကျရင် ဆရာလေးက ‘ဒါ ဘုန်းဘုန်းတို့ကို ပြိုင်တာမဟုတ်ပါဘူး။ အမျိုးသမီးတွေ ကိုယ့်ကိုယ်ကို ယုံကြည်မှုရှိလာအောင်ပါ ဘုရား’ လို့ ပြန်လျှောက်ရပါတယ်” ဟု ဆရာလေးက ဆိုပြီး ဘုန်းကြီးများနှင့် တွေ့ဆုံသည့်အခါတွင် မိမိတို့က ဦးချရကာ ၎င်းတို့ထက် နိမ့်သည့်နေရာတွင် ထိုင်ရသည်ဟုလည်း ဖွင့်ဟခဲ့သည်။
‘ဘိက္ခုနီသံဃာ’ စနစ် ပြန်လည် ပေါ်ပေါက်လာမည်ကို သံဃာများက ကြောက်ရွံ့ကြသည်ဟုလည်း ဆရာလေးက ဆိုသည်။ အမျိုးသမီးများအား ရဟန်းပြုခွင့်ပေးသည့်အဆိုပါ ‘ဘိက္ခုနီသံဃာ’ စနစ်မှာ မြန်မာနှင့် အခြားသော ထေရ၀ါဒနိုင်ငံများတွင် လွန်ခဲ့သည့် နှစ်ပေါင်း တစ်ထောင်အရင်ကပင် ပျောက်ကွယ်ခဲ့ပြီးဖြစ်သည်။ ပညတ်များအရ ဘိက္ခုနီဖြစ်ချင်သော အမျိုးသမီးမှာ ဘိက္ခု (အမျိုးသားရဟန်း)၊ ဘိက္ခုနီ (အမျိုးသမီးရဟန်း) နှစ်ဦးလုံးတွင် ရဟန်းခံရမည်ဖြစ်သောကြာင့် ဘိက္ခုနီသံဃာစနစ် ကွယ်ပျောက်ခဲ့ပြီးနောက်ပိုင်း ထေရ၀ါဒဗုဒ္ဓဘာသာတွင် အမျိုးသမီးများမှာ ရဟန်းဖြစ်ခွင့် မရတော့။
တရုတ်၊ ကိုရီးယားနှင့် ထိုင်ဝမ်တို့ကဲ့သို့ မဟာယန ဗုဒ္ဓဘာသာနိုင်ငံများတွင် ဘိက္ခုနီသံဃာစနစ်က တစ်ဖန် ပြန်လည်ရှင်သန်လာခဲ့သည်။ ထေရ၀ါဒနိုင်ငံဖြစ်သော သီရိလင်္ကာနိုင်ငံတွင်လည်း ဘိက္ခုနီ သံဃာစနစ်မှာ ပြန်လည်စတင်နေသည်။ သို့သော်လည်း ဘိက္ခုနီသံဃာစနစ်ကို မြန်မာနိုင်ငံတွင် ဟ,လို့မရဟု ဆရာလေးက ပြောကြားခဲ့သည်။
ဆရာလေးက အသိ၊ သတိပြတ်သူမဟုတ်။ ယခင် အာဏာရှင်စနစ်တွင် နိုင်ငံရပ်ခြား၌ ဘိက္ခုနီအဖြစ်ခံယူသော အမျိုးသမီးများ မြန်မာနိုင်ငံပြန်လာသည့်အခါ ထောင်ချခံရသည်ကိုလည်း ဆရာလေးက သိနေသည်။
“ဒါ့ကြောင့် မြန်မာနိုင်ငံမှာ လိင်ခွဲခြားမှုအကြောင်း ပြောတာဟာ သိပ်တော့မလွယ်ဘူးပေါ့။ ဗုဒ္ဓမြတ်စွာဘုရားရဲ့ အချိန်ကာလ တရားဒေသနာ ဟောကြားတဲ့အခါမှာ တစ်ဖက်မှာ အမျိုးသားရဟန်းတွေရှိပြီး၊ တစ်ဖက်မှာ အမျိုးသမီးရဟန်းတွေ ရှိပါတယ်။ ဘုရားက တန်းတူညီမျှထားခဲ့တယ်”ဟု ဆရာလေးက ပြောကြားခဲ့သည်။
ဆရာလေး ကေတုမာလာအတွက် ထိုကဲ့သို့ တန်းတူညီမျှရှိမှုက အလွန်ဝေးကွာနေသေးသည်ဟု အထင်ရောက်စေသည့် အဖြစ်အပျက်တစ်ခုရှိပြီး၊ တရားဒေသနာဟောကြားမှုတစ်ခုတွင် ဘုန်ကြီးတစ်ပါးနှင့် အခြေအတင်ပြောဆိုရခြင်းဖြစ်သည်။ အဆိုပါ ဘုန်းကြီးက ကုသိုလ် ရသည့်ဖြစ်စေ မရသည်ဖြစ်စေ လူသားအားလုံးအပေါ် မေတ္တာထားရမည်ဆိုသည့် ဗုဒ္ဓ၏ အယူအဆကို မယုံကြည်ဟု ပြောကြားခဲ့သည်။
“ဒါက မှားတယ်လေ။ ရဟန်းတစ်ပါးအနေနဲ့ ဒီလို မပြောရဘူး။ ဘုရားကလည်း ဒီလိုမျိုး ဘယ်တုန်းကမှ မဟောခဲ့ဘူး။ လူသားအားလုံးအပါ် မေတ္တာထားဖို့ပဲ ပြောခဲ့တာပါ”
သို့သော်လည်း ထိုကိစ္စက သာမန် အမြင်မတူခြင်းဆိုသည်ထက် ပို၍ နက်ရှိုင်းခဲ့ပုံရသည်။
“သီလရှင်တစ်ပါးက အပေါ်ရောက်နေပြီး၊ သူက ပရိတ်သတ်ထဲမှာ ရှိနေတဲ့အတွက် ဒီကိုယ်တော် သဘောသိပ်မကျဘူးလို့ ဆရာလေးထင်တယ်လေ။ မြန်မာနိုင်ငံက မဟာဖိုဝါဒ ကြီးစိုးတဲ့ နိုင်ငံပါ။ ဘုန်းကြီးတွေက အမြဲတမ်း နေရာပိုရပါတယ်”
ထိုအဖြစ်အပျက်မှာ သတင်းစာများနှင့် ဆိုရှယ်မီဒီယာများတွင် ပြန့်နှံ့သွားသည်။
သီလရှင်ဆိုသည်က သိက္ခာပုဒ်များကို ပိုင်ဆိုင်သူ၊ စောင့်ထိန်းသူဟု အဓိပ္ပါယ်ရသည်။ ပရိသတ်ထဲမှ ဘုန်းကြီးတစ်ပါးကို ဆရာလေးကေတုမာလာ၏ တည်တည်ငြိမ်ငြိမ်ဖြင့် မေတ္တာရှေ့ထား တုန့်ပြန်မှုမှာ ‘သီလရှင်’ ဆိုသည့်ဂုဏ်ပုဒ်နှင့် ကိုက်ညီနေသည်။ သို့သော်လည်း သီလရှင်များကတော့ အရေးပေးခြင်းမခံရ။
“သီလရှင်တွေလို့ အခေါ်ခံရပေမယ့် လူ့အဖွဲ့အစည်းမှာ သူတို့ဟာ လေးစားမှု မရကြပါဘူး။ ပိုက်ဆံမရှိတာ၊ ဒါမမှဟုတ် မိသားစုမရှိတာလို ဒုက္ခတွေကြောင့် မိန်းကလေးတွေက သီလရှင် ၀တ်ကြတယ်လို့ လူတော်တော်များများက ထင်နေကြပါတယ်” ဟု ဆရာလေးက ထည့်သွင်းပြောဆိုခဲ့သည်။
ထိုသို့သောအမြင်များကို ပြောင်းလဲရခြင်းမှာ လွယ်ကူသည့်အလုပ်မျိုးမဟုတ်၊ ဆရာလေးကေတုမာလကတော့ ထိုအခြေအနေမျိုးအတွက် တိုက်ပွဲဝင်သွားရန် သန္ဓိဌာန်ချထားလေသည်။
“မြန်မာပြည်သူတွေက အခုအချိန်မှာ အမျိုးသမီးအခွင့်အရေးအပေါ် ပိုပြီး စိတ်ဝင်စားလာပါပြီ။ သီလရှင်တွေဟာလည်း အမျိုးသမီးတွေပါပဲ။ သူတို့ဟာ ရုန်းကန်နေရတယ်။ ဘာသာရေးကဏ္ဍမှာလည်း ခွဲခြားခံနေရပါတယ်။ လူ့အဖွဲ့အစည်းက သီလရှင်တွေကို မေ့နေကြပါတယ်။ ဒ့ါကြောင့် အခြားအမျိုးသမီးတွေအနေနဲ့ သီလရှင်တွေကို သတိရစေချင်ပါတယ်။ ကိုယ့်အခွင့်အရေးအတွက် ကိုယ်တိုင်က ကြံ့ကြံ့ခံနိုင်တယ်ဆိုတာ ဆရာလေးတို့ ပြရမယ်။ လူတွေက ဒါကို လက်ခံလာရင် ဆရာလေးတို့ နောက်ထပ်တော်တော်များများကိုလည်း လုပ်နိုင်လာပါလိမ့်မယ်”
Ref : Tricycle
(Tricycle တွင် ဖော်ပြထားသည့် Meet Burma’s Feminist Buddhist Nun ဆောင်းပါးကို လေးမောင်မှ ဆီလျော်အောင် ဘာသာပြန်ဆိုသည်)
