News @ M-Media

Tag: Minority In Myanmar

  • ရခိုင်ပြဿနာကို ကုလကဖြေရှင်းပေးရန် အီရန်က ကုလအတွင်းရေးမှူးထံ စာပို့တောင်းဆို

    ရခိုင်ပြဿနာကို ကုလကဖြေရှင်းပေးရန် အီရန်က ကုလအတွင်းရေးမှူးထံ စာပို့တောင်းဆို

    ဇန်န၀ါရီ ၇၊ ၂၀၁၇
    M-Media

    zarif

    – မြန်မာနိုင်ငံရှိ ရိုဟင်ဂျာမွတ်စလင်များအပေါ် လူ့အခွင့်အရေး ချိုးဖောက်မှုများ ရပ်တန့်ရေး နိုင်ငံတကာက ဆောင်ရွက်ပေးရန် တောင်းဆိုသော စာတစ်စောင်ကို အီရန်နိုင်ငံခြားရေးဝန်ကြီး မိုဟာမက် ဂျာဗဒ် ဇာရစ်ဖ်က ကုလအတွင်းရေးမှူးချုပ်သစ် အန်တိုနီယို ဂူတာရက်စ်ထံ ပေးပို့ခဲ့သည်ဟု သိရသည်။

    ယမန်နေ့က ပေးပို့ခဲ့ခြင်းဖြစ်ပြီး ရိုဟင်ဂျာများ ဒုက္ခသုက္ခခံစားနေရမှုများမှာ နိုင်ငံတကာ၌ စိုးရိမ်မှုများကို ဖြစ်စေသည်ဟုလည်း ဆိုသည်။

    ထို့ပြင် ၎င်းတို့မှာ နိုင်ငံသားဖြစ်ခွင့်၊ အစိုးရ၏ ကာကွယ်စောင့်ရှောက်မှု ရရှိခွင့်တို့ကဲ့သို့ အခြေခံအကျဆုံး အခွင့်အရေးများကို မခံစားရကြောင်း၊ သတ်ဖြတ်ခံရမှု၊ ကြမ်းတမ်းပြီး လူမဆန်သော ဆက်ဆံမှုမျာကို နေ့စဉ်လိုလို ခံစားနေရသည်ဟုလည်း အီရန်နိုင်ငံခြားရေးဝန်ကြီးက စာထဲတွင် ဖော်ပြခဲ့သည်။

    ဇန်န၀ါရီ ၁၉ ရက်နေ့တွင် မလေးရှားနိုင်ငံ ကွာလာလမ်ပူမြို့၌ ကျင်းပပြုလုပ်ရန်ရှိနေသည့် အိုအိုင်စီ နိုင်ငံခြားရေးဝန်ကြီးများ အစည်းအဝေးတွင် ရိုဟင်ဂျာမွတ်စလင်များ၏ အခြေအနေကို ဆွေးနွေးရန် ဇာရစ်ဖ်က ပြောကြားခဲ့ပြီး အဆိုပါအစည်းအဝေးက ရိုဟင်ဂျာများ၏ အခြေအနေနှင့်ပတ်သက်၍ အိုအိုင်စီအဖွဲ့ဝင်နိုင်ငံ အစိုးရများ၏ စိုးရိမ်မှု အတိမ်အနက်ကို တွေ့မြင်ရလိမ့်မည်ဟုလည်း ဆိုသည်။

    စစ်အာဏာရှင်လက်ထက်တစ်လျှောက် ဖိနှိပ်ချုပ်ချယ်ခံလာရသည့် ရိုဟင်ဂျာမွတ်စလင်များမှာ ၂၀၁၂ ခုနှစ်မှစ၍ ဗုဒ္ဓဘာသာ အမျိုးသားရေးအစွန်းရောက်များ၏ ပစ်မှတ်ထား တိုက်ခိုက်မှုကို ခံလာခဲ့ရသည်။

    အောက်တိုဘာလက ရခိုင်ပြည်နယ်မြောက်ပိုင်းရှိ နယ်ခြားစောင့်စခန်းများ တိုက်ခိုက်ခံရပြီးနောက်ပိုင်း အစိုးရစစ်တပ်က ပြုလုပ်သည့် စစ်ဆင်ရေးတွင် ရိုဟင်ဂျာ ပြည်သူများမှာ တရားလက်လွတ် သတ်ဖြတ်ခံရခြင်း၊ မီးရှို့ခံရခြင်း၊ အဓမ္မပြုကျင့်ခံရခြင်းတို့ရှိသည်ဟု စွပ်စွဲမှုများ ထွက်ပေါ်ခဲ့သည်။

    အစိုးရက နယ်ခြားစောင့်စခန်းများကို တိုက်ခိုက်သည့်အဖွဲ့မှာ နိုင်ငံခြားအကြမ်းဖက်အဖွဲ့များနှင့် ဆက်သွယ်မှုရှိသည် ရိုဟင်ဂျာအဖွဲ့ဖြစ်သည်ဟု သတင်းထုတ်ပြန်ခဲ့ပြီး အရပ်သားမျာအပေါ် ကျူးလွန်မှုရှိသည်ဆိုသည့် စွပ်စွဲချက်များကိုလည်း ငြင်းဆိုခဲ့သည်။

    သို့သော်လည်း ရိုဟင်ဂျာရွာတစ်ခု၌ ရွာသားများကို လုံခြုံရေးတပ်ဖွဲ့ဝင်များက ရိုက်နှက်ကန်ကျောက်သည့် ဗီဒီယိုတစ်ခုမှာ ပြီးခဲ့သည့်သီတင်းပတ်တွင် ထွက်ပေါ်လာခဲ့သည်။

    ဇာရစ်ဖ်ကမူ ‘ရိုဟင်ဂျာမွတ်စလင်များ၏ အခြေခံအခွင့်အရေးများကို စနစ်တကျ ချိုးဖောက်နေခြင်း၊ နိုင်ငံသားဖြစ်ခွင့် ငြင်းပယ်ခြင်း၊ ၎င်းတို့နေထိုင်ရာဒေသများမှ နှင်ထုတ်ခြင်း’ စသည်တို့မှာ မြန်မာနိုင်ငံ၊ အိမ်နီးချင်းနိုင်ငံများ၊ ဒေသတွင်းနိုင်ငံများရှိ တည်ငြိမ်အေးချမ်းရေးတွင် ဆိုးကျိုးများ ရှိလာမည်ဟုလည်း ပြောကြားခဲ့သည်။

    ထို့ပြင် မြန်မာအစိုးရအနေဖြင့် ရိုဟင်ဂျာများ၏ အခွင့်အရေးကို ကာကွယ်ရေး ထိရောက်သည့်ဆောင်ရွက်မှုများကို မြန်မာအစိုးရက အလျင်အမြန်ဆောင်ရွက်မည်ဟု မျှော်လင့်ကြောင်း၊ အစွန်းရောက်အုပ်စုများက ငြိမ်းချမ်းသော ဗုဒ္ဓသာသနာ၏ ပုံရိပ်အား ညစ်ညမ်းအောင်လုပ်မှုကို ခွင့်ပြုမည်မထင်ကြောင်းလည်း ၀န်ကြီးက ထည့်သွင်းပြောကြားခဲ့သည်။

    ရခိုင်ပြည်နယ်အတွင်းရှိ ပဋိပက္ခဖြစ်ပွားရာ ဒေသများတွင် လူသားချင်းစာနာထောက်ထာမှုဆိုင်ရာ အကူအညီပေးခွင့်အလျင်အမြန်ရရှိရေးအတွက် နိုင်ငံတာအသိုင်းအ၀ိုင်းနှင့် အစ္စလာမ်ကမ္ဘာတို့မှ တောင်းဆိုမှုများအတွက် ဂူတာရက်စ်အနေဖြင့် ကုလ၏ မြန်မာနိုင်ငံဆိုင်ရာ အထူးကိုယ်စားလှယ်မှတစ်ဆင့် မြန်မာအစိုးရနှင့် ဆက်သွယ်ဆောင်ရွက်သွားမည်ဟု မျှောင်လင့်ကြောင်း ဇာရစ်ဖ်က ထိုစာတွင် ထည့်သွင်း ရေသားခဲ့သည်။

    ဖြစ်နိုင်သမျှ နည်းလမ်းများမှတစ်ဆင့် မြန်မာနိုင်ငံရှိ ရိုဟင်ဂျာများ၏ ပြဿနာကို ဖြေရှင်းရေး လိုအပ်သော ဆောင်ရွက်မှုများကို ကုလအနေဖြင့် ဆောင်ရွက်မည်ဟု မျှော်လင့်ကြောင်းလည်း ၀န်ကြီးက ပြောကြားခဲ့သည်။

    ကုလကမူ မိမိတို့၏ အထူးကိုယ်စားလှယ်မှာ မြန်မာနိုင်ငံသို့ ၁၂ ရက်ကြာခရီးစဉ်အဖြစ် တနင်္လာနေ့တွင် လာရောက်မည်ဖြစ်ပြီး ရခိုင်ပြည်နယ်နှင့် ကချင်ပြည်နယ်သို့ သွားရောက်ကြည့်ရှုမည်ဟု ယမန်နေ့တွင် ပြောကြားခဲ့သည်။

    Ref: Press TV

  • မတရားပြုကျင့်မှုကို ကာကွယ်နိုင်ရေး မြန်မာတိုင်းရင်းသူများ ကရာတေးသင်ယူနေ

    မတရားပြုကျင့်မှုကို ကာကွယ်နိုင်ရေး မြန်မာတိုင်းရင်းသူများ ကရာတေးသင်ယူနေ

    ဇန်န၀ါရီ ၇၊ ၂၀၁၇
    M-Media

    girl
    အရှက်နှင့်သိက္ခာကို ကာကွယ်ရန် ကရာတေးသင်ယူနေသည့် တိုင်းရင်းသူလေးများ

    – ၂၀၁၀ ခုနှစ်ကတည်းကစ၍ မြန်မာစစ်တပ်မှ တိုင်းရင်းသူအမျိုးသမီးများအပေါ် မုဒိန်းကျင့်ခြင်းနှင့် လိင်စော်ကားခြင်း အမှုပေါင်း ၁၀၀ ကျော် မှတ်တမ်းပြုစုထားပြီဖြစ်ကြောင်း မြန်မာအမျိုးသမီးများအဖွဲ့ချုပ် Women’s League of Burma က ဆိုသည်။

    ရပ်ရွာစွန့်ကလေးသူငယ်များအတွက် ဖွင့်လှစ်ထားသောကျောင်း၌ ဆယ်ကျော်သက်မိန်းကလေး ဒါဇင်ပေါင်းများစွာတို့သည် အ၀ါရောင်၊ အပြာရောင်၊ အဖြူရောင် စသည့် ခါးပတ်အရောင်ပါ အဖြူရောင်တူညီဝတ်စုံများဆင်ယင်လျက် နေ့လည်ခင်းတိုင်း ကွင်းပြင်ပေါ် တန်းစီလိုက်ကြသည်။ ဂျပန်လိုဟစ်အော်ကာ လေထုထဲ လက်သီးထိုးခြင်း၊ ခုန်ပျံအမြင့်ကန်ခြင်း လေ့ကျင့်ခန်းတို့ကို အားရရွှင်မြူးစွာ ရပ်နားချိန်အထိ ပြုလုပ်နေကြသည်။

    ဤသင်တန်းမှ မိန်းကလေးများစွာ၏ ရည်ရွယ်ချက်မှာ အခိုင်အမာတစ်ခုတည်းဖြစ်၏။ သူတို့သည် အမိမြေမှ အစိုးရစစ်တပ်၏ စော်ကားမှုများမှ အကာအကွယ်ရရန် ဆန္ဒပြင်းပြနေခြင်းပင်။

    အများစုမှာ ကချင်ပြည်နယ်မှ အသက် ၁၃ နှစ်နှင့် ၁၆ နှစ်ကြားအရွယ်ဖြစ်သည်။ ကာလရှည်ပြည်တွင်းစစ်ကြောင့် သူတို့သည် အိုးအိမ်မဲ့သူများ၊ မိသားစု ဆုံးရှုံးရသူများဖြစ်ခဲ့ရသည်။ ယင်းပြည်တွင်းစစ်ပွဲကာလတစ်လျှောက် အစိုးရစစ်သားတို့က မိန်းမပျိုနှင့်အမျိုးသမီးများကို မုဒိန်းကျင့်လျက်ရှိကြောင်း ကျော်ကြားသည်။ သို့သော် ယင်းပြစ်မှုများအပေါ် တရားစီရင်ခြင်းကား မဆိုစလောက် နည်းပါးလွန်းနေသည်။ ဤကရာတေးသင်တန်းသည် အဆိုပါ ကယ်ရာမဲ့များအတွက် အတိုင်းအတာတစ်ရပ်အထိ နည်းပင်နည်းငြား ခွန်အားတစ်ရပ်ဖြစ်ထွန်းစေသည်။

    “မိမိအပေါ် လိင်အကြမ်းဖက်မှုပြုလုပ်လာလျှင် ကိုယ့်ကိုယ်ကို ခုခံကာကွယ်ရမယ့်ပုံ၊ ပြန်လည်ရင်ဆိုင်တိုက်ခိုက်ပုံတွေကို မိန်းကလေးများအားလုံးအတွက် ကျွန်တော်တို့ သင်ကြားပေးနေပါတယ်။ ပြည်တွင်းက အိုးအိမ်စွန့်ခွာ ကလေးငယ်အားလုံးတွေဆီ တစ်စုံတစ်ရာ အားရကျေနပ်မှုဖြစ်စေမယ့်အခွင့်အရေးနဲ့ မိမိကိုယ်ကိုယုံကြည်မှုကို ကျွန်တော်တို့ အခိုင်အမာ ပေးကမ်းချင်နေခဲ့တာ ကြာပါပြီ” ဟု နည်းပြဆရာ ခွန်နော်က ပြောကြားသည်။

    မြန်မာနိုင်ငံမြောက်ပိုင်း ကချင်ပြည်နယ်တွင် လူတစ်သိန်းကျော်မှာ အစိုးရစစ်တပ်နှင့် ကချင်တိုင်းရင်းသားလက်နက်ကိုင်များအကြား တိုက်ပွဲများကြောင့် နေရပ်စွန့်ခွာထွက်ပြေးနေကြရသည်။ ကချင်တပ်ဖွဲ့များသည် ပိုမိုလွတ်လပ်သော ကိုယ်ပိုင်အုပ်ချုပ်ခွင့်ရရှိရေးအတွက် ဆယ်စုနှစ်များစွာ ကြိုးပမ်းခဲ့သည်။ ၁၇ နှစ်တာ အပစ်အခတ်ရပ်စဲထားမှုက ၂၀၁၁ ခုနှစ်တွင် အဆုံးသတ်သွားပြီး တိုက်ပွဲများမှာ ပြန်လည်ဖြစ်ပွားလာသည်။

    အသက် ၁၆ နှစ်အရွယ် ခေါင်ရာ သည် လူဦးရေ ၈၀၀၀ ကျော်ရှိသော ဒုက္ခသည်ဦးရေအများဆုံး ဂျီယန်းစခန်းမှ မိန်းမငယ်လေးဖြစ်သည်။ သူမသည် လွန်ခဲ့သည့် ၅ နှစ် အသက် ၁၁ နှစ်အရွယ် ကျောင်းတက်နေစဉ် တိုက်ပွဲဖြစ်ပွားသဖြင့် သူမ၏ရွာ မန်ဒန်းမှ အသက်လုပြေးထွက်လာရသည်။ ထိုအချိန်ကစပြီး သူမ၏မိဘများကို ပြန်မတွေ့ရတော့ပေ။

    သူနာပြုတစ်ဦးဖြစ်ရန် တစ်ချိန်က စိတ်ကူးယဉ်ခဲ့သော်လည်း ယခုတွင်မူ အလျဉ်းပြောင်းလဲသွားပြီဖြစ်သည်။ “နိုင်ငံရေးအခြေအနေနဲ့ ပြည်တွင်းစစ်ကြောင့် ကျွန်မဖြစ်လိုတာ မဖြစ်နိုင်တော့ဘူး။ အဲ့ဒီအတွက်လည်း လုံးဝ စိတ်မပျက်ပါဘူး” ဟု သူမက ဆိုသည်။

    သို့သော် ဒေသတွင်း အမျိုးသမီးများပေါ် မုဒိန်းကျင့်ခြင်း၊ လိင်ပိုင်းဆိုင်ရာစော်ကားခြင်းအကြောင်း ကြားသိပြီးနောက် ခေါင်ရာသည် ကရာတေးပညာကို လေ့လာသင်ကြားလျက်ရှိသည်။ အပစ်အခတ်ရပ်စဲမှု ကျိုးပေါက်သွားချိန်မှစပြီး KIA လက်အောက်မှ လူထုအခြေပြုအဖွဲ့အစည်းတစ်ခုသည် ကချင်တို့၏ထိန်းချုပ်နယ်မြေများတွင် ကရာတေးသင်တန်းများကို ဖွင့်လှစ်ဆောင်ရွက်နေသည်။ ဆယ်ကျော်သက် မိန်းကလေးနှင့်ယောက်ျားလေးများအတွက် မိမိကိုယ်ကိုကာကွယ်နိုင်ရန်၊ မိမိကိုယ်ကိုယုံကြည်စိတ်ရှိရန် ထိုသို့ သင်ကြားပေးခြင်းဖြစ်သည်။

    “သူတို့(တပ်မတော်)က အမျိုးသမီးတွေကို မုဒိန်းကျင့်ကြတယ်။ ဒါကြောင့် ကျွန်မ ကရာတေးပညာကို သင်ကြားဖို့ စိတ်ဝင်စားပြီး ဆုံးဖြတ်ခဲ့တယ်။ အနိမ့်ဆုံးအားဖြင့် မိမိကိုယ်ကို ကာကွယ်နိုင်ဖို့ပါ” ဟု ခေါင်ရာက ဆိုသည်။

    စစ်တပ်သည် မုဒိန်းကျင့်ခြင်းကို စစ်လက်နက်သဖွယ် အသုံးချနေသည်မှာ အချိန်ကာလကြာရှည်နေပြီဟု အမျိုးသမီးများဆိုင်ရာ အဖွဲ့အစည်းများက ပြောကြသည်။ ၂၀၁၀ ခုနှစ်ကတည်းကစ၍ မြန်မာစစ်တပ်မှ တိုင်းရင်းအမျိုးသမီးများအပေါ် မုဒိန်းကျင့်ခြင်းနှင့် လိင်စော်ကားခြင်း အမှုပေါင်း ၁၀၀ ကျော် မှတ်တမ်းပြုစုထားပြီဖြစ်ကြောင်း မြန်မာအမျိုးသမီးများအဖွဲ့ချုပ် Women’s League of Burma က ဆိုသည်။ မြန်မာအစိုးရနှင့် တပ်မတော်ကမူ ဤအရေးကိစ္စနှင့်စပ်လျဉ်း၍ စိုးစဉ်းမျှ အသံမထွက်ဘဲ ရေငုံနှုတ်ပိတ်နေလျက်ရှိသည်။

    ယခုနှစ်ဆောင်းဦးကာလအတွင်း ရခိုင်ပြည်နယ် အနောက်မြောက်ပိုင်းရှိ လူနည်းစုဝင်များအား တပ်မတော်သားနှင့် ရဲတပ်ဖွဲ့ဝင်များက ထပ်ဖန်တလဲ မုဒိန်းမှု ကျူးလွန်နေကြောင်း ရိုဟင်ဂျာမွတ်စ်လင်မ်များနှင့် လူ့အခွင့်အရေးအုပ်စုများက ဆိုသည်။ အမျိုးအမည်မသိ တိုက်ခိုက်ရေးသမားများမှ နယ်စပ်စောင့်ရဲတပ်ဖွဲ့ဝင် ကိုးဦးအား သတ်ဖြတ်ခဲ့သော အောက်တိုဘာလကတည်းက အာဏာပိုင်တို့သည် အဆိုပါဒေသတစ်ခွင်၌ နယ်မြေရှင်းလင်းရေးကို ပြုလုပ်ခဲ့ကြသည်။ ဒေသတွင်းသို့ နိုင်ငံခြားမီဒီယာများ မ၀င်ရောက်နိုင်အောင် အစိုးရက ပိတ်ဆို့ထားသည်။ သို့သော် ဘင်္ဂလားဒေ့ရ်ှဖက် အလွတ်ရုန်းထွက်ပြေးသွားနိုင်ခဲ့ကြသည့် ရိုဟင်ဂျာတို့က လုံခြုံရေးတပ်ဖွဲ့ဝင်တို့၏ မုဒိန်းကျင့်ခြင်း၊ သတ်ဖြတ်ခြင်းအကြောင်း သတင်းပေးဖော်ပြကြသည်သာမက ဂြိုဟ်တုပုံရိပ်များက ဖော်ပြနေသည့် ရွာလုံးကျွတ်မီးလောင်တိုက်သွင်းမှုများကလည်း ထိုသူတို့၏စကားကို ခိုင်မာသွားစေသည်။ မကြာသေးမီက ပြုလုပ်ခဲ့သည့် သတင်းစာရှင်းလင်းပွဲတစ်ခုတွင် စစ်တပ်၏ပြောရေးဆိုခွင့်ရှိသူ စိုးနိုင်ဦးက ရခိုင်ပြည်နယ်အတွင်း တပ်မတော်သားများက လူ့အခွင့်အရေးချိုးဖောက်မှုသော်လည်းကောင်း၊ လိင်အကြမ်းဖက်မှုသော်လည်း အလျဉ်း မကျူးလွန်ခဲ့ကြောင်း ငြင်းဆိုထားသည်။

    ထိုင်းနိုင်ငံရှိ ကချင်အမျိုးသမီးများအဖွဲ့အစည်းနှင့် ဥပဒေရေးရာကူညီရေးကွန်ရက်သည် ယမန်နှစ်က အစီရင်ခံစာတစ်စောင် ထုတ်ပြန်ခဲ့သည်။ ၎င်း၌ ၂၀၁၅ ခုနှစ် ကချင်လူမျိုး ပရဟိတဆရာမနှစ်ဦးကို ရက်စက်စွာ မုဒိန်းကျင့်ပြီး သတ်ဖြတ်ခဲ့သည့်ဖြစ်စဉ်အပေါ် စုံစမ်းစစ်ဆေးမှုပျက်ကွက်ကြောင်း ဖော်ပြထားသည်။ အဆိုပါ မုဒိန်းမြင်ကွင်းအနီးတွင် ဒါဇင်နှင့်ချီသော တပ်မတော်သားများစွာ ရှိနေကြပြီး အလောင်းရှာမတွေ့မီ အသီးသီးထွက်ခွာသွားကြသဖြင့် မည်သည့် မသင်္ကာသူကိုမျှ မဖော်ထုတ်နိုင်ခဲ့ကြချေ။

    ယင်းသို့ကိစ္စများနှင့်ပတ်သက်ပြီး အရေးယူဆောင်ရွက်မှု မရှိသလောက်သာ ဖြစ်နေသည်။ ၂၀၁၄ ခုနှစ်တွင် ရှမ်းပြည်နယ်မြောက်ပိုင်းရှိ ကချင်မိန်းကလေးငယ်တစ်ဦးကို မုဒိန်းကျင့်သည့်အမှုဖြင့် တပ်မတော်သားတစ်ဦးအား ထောင် ၇ နှစ်ပြစ်ဒဏ် စီရင်ချမှတ်ခဲ့သည်။ မြန်မာစစ်သားတို့ကို စစ်ခုံရုံးတွင်သာ စစ်ဆေးစီရင်လေ့ရှိသော်လည်း အဆိုပါအမှုတွင် ဥပဒေဘက်တော်သားရှေ့နေများက ပြည်သူ့တရားခုံရုံးတင်နိုင်အောင် ဖိအားပေးကြိုးပမ်းနိုင်ခဲ့ကြသည်။

    ယမန်နှစ်က ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ်အား လူနည်းစုဝင်တိုင်းရင်းသားတို့မှ ရွေးချယ်ခံအစိုးရသစ်တစ်ရပ် ဖြစ်ထွန်းလာရေးအတွက် သောင်ပြိုကမ်းပြို မဲပေးခဲ့ကြသည်။ သို့သော် စစ်တပ်လွှမ်းမိုးသည့် အစိုးရသာ ဖြစ်နေခဲ့ပြီး၊ ယခုအခါ အစိုးရ၏ တိုင်းရင်းသားပဋိပက္ခဖြေရှင်းမှုဆောင်ရွက်ချက်များအပေါ် အများအပြားက စိတ်ပျက်လာကြသည့်အပြင် စစ်တပ်ကို ဘေးမဲ့ပေးထားသည်ဟု အမြင်ရှိနေကြပေသည်။

    “လူ့အခွင့်အရေးချိုးဖောက်မှုတွေအပေါ် မပြောဆိုရင်၊ မတရားခံရသူတွေအတွက် အမှန်တရားနဲ့ တရားမျှတကို လျစ်လျူရှုထားရင် ကျွန်မတို့နိုင်ငံမှာ စစ်မှန်တဲ့ငြိမ်းချမ်းရေးနဲ့ အမျိုးသားရင်ကြားစေ့ရေး ဖြစ်ထွန်းလာမှာ မဟုတ်ဘူး” ဟု Women’s League of Burma ၏ အတွင်းရေးမှူး ဂျူလီယာမာရစ်ပ် က ပြောကြားလိုက်သည်။

    တပ်မတော်သားတို့၏ အကျင့်ဆိုးများကို ကိုင်တွယ်ထိန်းချုပ်ရန် မျှော်လင့်ချက် နည်းပါးလှသည်ဖြစ်၍ ကရာတေးသင်တန်းသူ မိန်းကလေးငယ်တို့က အနိမ့်ဆုံးအားဖြင့် မိမိတို့အပေါ် ၎င်းတို့၏ကျူးလွန်စော်ကားခြင်းမှ ဟန့်တားနိုင်ရေးကိုသာ မျှော်လင့်နေကြရပေသည်။ သူတို့သည် အချင်းချင်း ယှဉ်ပြိုင်နေကြရင်း အချို့ကမူ တိုက်ခိုက်ရေးပညာကို သက်မွေးဝမ်းကြောင်းအဆင့်အထိ မျှော်မှန်းထားကြ၏။

    “ကျွန်မတို့ နိုင်ငံရပ်ခြားထိသွားပြီး ပိုမိုအဆင့်မြင့်အောင် သင်ယူနိုင်တယ်လို့ ကျွန်မတို့ရဲ့ နည်းပြဆရာကပြောတယ်။ ကျွန်မလည်း ပြည်ပထွက်သွားချင်တယ်၊ ပြီးတော့ ပရော်ဖက်ရှင်နယ် တိုက်ခိုက်ရေးသမား ဖြစ်ချင်ပါတယ်” ဟု နုဂျာ က ပြောကြားသည်။

    “မိမိကိုယ်ကို ဘယ်လိုခုခံကာကွယ်ရမယ်လို့ သူတို့ သိလာချိန်မှာ သူတို့ရဲ့မိသားစုဝင်တွေ၊ သူတို့လူမျိုးတွေနဲ့ နိုင်ငံကို သူတို့တစ်တွေ ကာကွယ်စောင့်ရှောက်နိုင်စွမ်း ရှိလာပါလိမ့်မယ်” ဟူ၍ နည်းပြဆရာ ခွန်နော်က ပြောကြားလိုက်ပါသည်။

    Ref : Associated Press

  • ကမ္ဘာ့ မတည်ငြိမ်မှုဖြစ်လွယ်ဆုံး ၁၀ နိုင်ငံစာရင်းတွင် မြန်မာပါဝင်

    ကမ္ဘာ့ မတည်ငြိမ်မှုဖြစ်လွယ်ဆုံး ၁၀ နိုင်ငံစာရင်းတွင် မြန်မာပါဝင်

    ဇန်န၀ါရီ ၇၊ ၂၀၁၇
    M-Media

    mayan

    – လန်ဒန်အခြေစုိုက် တတ်သိပညာရှင်များအဖွဲ့ International Crisis Group မှ ထုတ်ပြန်သော ပဋိပက္ခများဖြစ်နိုင်ချေအတွက် စောင့်ကြည့်ရမည့် ၁၀ နိုင်ငံ စာရင်းတွင် မြန်မာနိုင်ငံ ပါဝင်လာသည်ဟု သိရသည်။

    “ကမ္ဘာ့ မတည်မငြိမ်ဖြစ်လွယ်ဆုံး နိုင်ငံများ” (world’s most volatile flashpoints) ခေါင်းစဉ်နှင့်အတူ အဖွဲ့၏ ဥက္ကနှင့် အမှုဆောင် အကြီးအကဲဖြစ်သူ မစ္စတာ ဂျီယန် မာရီ ဂီဟန်နို၏ မှတ်ချက်များဖြင့် ဇန်န၀ါရီလ ၅ ရက်နေ့တွင် Foreign Policy ၌ ဖော်ပြခဲ့ခြင်းဖြစ်သည်။

    စာရင်းတွင် ဆီးရီးယား၊ အီရတ်၊ တူရကီ၊ ယီမင်တို့က ထိပ်ဆုံးတွင် အစဉ်လိုက်ရှိနေကြသည်။ မြန်မာနိုင်ငံကမူ အာဖဂန်နှင့် ယူကရိန်းတို့ကြား အဆင့် ၈ နေရာတွင် ရှိနေသည်။

    ဂီဟန်နိုကမူ မြန်မာနိုင်ငံ၌ လတ်တလော ဖြစ်ပွားနေသည့် တိုက်ခိုက်မှုများမှာ နှစ်ပေါင်း ၇၀ နီးပါးကြာမြင့်ခဲ့သည့် လက်နက်ကိုင်ပဋိပက္ခ အဆုံးသတ်ရန် ကြိုးစားမှုများကို ထိခိုက်ပျက်စီးစေခဲ့သည်ဟု မှတ်ချက်ပြုခဲ့ပြီး နိုဝင်ဘာလက မြန်မာနိုင်ငံမြောက်ပိုင်းတွင် တိုင်းရင်းသားလက်နက်ကိုင် အဖွဲ့ ၄ ခုက စုပေါင်း၍ တိုက်ခိုက်မှုများကြောင့် တိုက်ပွဲများ ပြင်းထန်လာခြင်းကို ရည်ညွှန်းပြောကြားခဲ့သည်။

    “ဒါဟာ ဖေဖော်ဝါရီမှာ ပြုလုပ်ဖို့ရှိနေတဲ့ ၂၁ ရာစု ပင်လုံညီလာခံ နောက်တစ်ဆင့်မှာ တိုးတက်မှုတွေ မြင်ရဖို့အတွက် နိမိတ်ကောင်းတော့ မဟုတ်ပါဘူး။ နောက်ပြီး ရိုဟင်ဂျာမွတ်စလင် လူနည်းစုတွေရဲ့ ကံကြမ္မာကလည်း နိုင်ငံတကာရဲ့ စိုးရိမ်မှုတွေကို အသစ်ပြန်ဖြစ်စေပါတယ်။ လုံခြုံရေးတပ်ဖွဲ့တွေက စစ်သွေးကြွလား၊ အရပ်သားလား ခွဲခြားမှုသိပ်မရှိဘဲ ကြမ်းကြမ်းရမ်းရမ်း တုန့်ပြန်တယ်။ တရားလက်လွတ်သတ်ဖြတ်မှု၊ အဓမ္မပြုကျင့်မှု၊ မီးရှို့မှုတွေ ရှိနေတယ်လို့ စွပ်စွဲမှုတွေလည်း ရှိနေပါတယ်”

    ထို့ပြင် ရိုဟင်ဂျာများမှာ အစွန်းရောက်လူ့အဖွဲ့အစည်းတစ်ခု မည်သည့်အချိန်ကမှ မဖြစ်ခဲ့သော်လည်း မြန်မာအစိုးရစစ်တပ်၏ ကြမ်းတမ်းစွာ တုန့်ပြန်မှုများက အကြမ်းဖက်မှု ပြန့်နှံ့ဖြစ်ပွားနိုင်သည့် အန္တရာယ်ကို မြင့်တက်စေကြောင်း၊ ရိုဟင်ဂျာများ၏ နစ်နာဆုံးရှုံးမှုများကို နိုင်ငံဖြတ်ကျော် အကြမ်းဖက်သမားများက ၎င်းတို့၏ ရည်ရွယ်ချက်အတွက် အသုံးချနိုင်ပြီး မြန်မာနိုင်ငံတစ်ဝှမ်း ဘာသာရေးတင်းမာမှုများကို မီးထိုးပေးသကဲ့သို့ ဖြစ်လာမည်ဖြစ်ကြောင်း ဂီဟန်နိုက ထည့်သွင်း ပြောကြားခဲ့သည်။

    မတည်ငြိမ်မှုဖြစ်လွယ်ဆုံး နိုင်ငံ ၁၀ နိုင်ငံစာရင်းတွင် ကွန်ဂိုနှင့် တောင်ဆူဒန်နိုင်ငံများလည်း ပါဝင်သည်။

    Ref: Frontiermyanmar

  • ဒေါ်အောင်ဆန်းစုကြည်နဲ့တွေ့ဆုံမှုမှာ အာဆီယံနိုင်ငံခြားရေးဝန်ကြီးတွေ ဘာပြောခဲ့သလဲ

    ဒေါ်အောင်ဆန်းစုကြည်နဲ့တွေ့ဆုံမှုမှာ အာဆီယံနိုင်ငံခြားရေးဝန်ကြီးတွေ ဘာပြောခဲ့သလဲ

    ဒီဇင်ဘာ ၁၉၊ ၂၀၁၆
    M-Media

    asean

    – ရခိုင်ပြည်နယ်ရေးနဲ့ပတ်သက်ပြီး အာဆီယံနိုင်ငံခြားရေးဝန်ကြီးတွေထံ ရှင်းလင်းတင်ပြမှုကို နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဦးဆောင်ကာ ဒီကနေ့ ရန်ကုန်မြို့က ဆီဒိုးနားဟိုတယ်မှာ ကျင်းပပြုလုပ်ခဲ့ပါတယ်။

    မလေးရှား

    တက်ရောက်လာကြတဲ့ အာဆီယံနိုင်ငံခြားရေးဝန်ကြီးတွေဟာ ရခိုင်အရေးနဲ့ပတ်သက်ပြီး သူတို့ရဲ့ အမြင်တွေကို တင်ပြခဲ့ကြကာ မလေးရှားနိုင်ငံခြားရေးဝန်ကြီး အန်နီဖာဟ် အေမန်ကတော့ မြန်မာနိုင်ငံက ရိုဟင်ဂျာမွတ်စလင်ပြဿနာဟာ ဒေသတွင်း တည်ငြိမ်အေးချမ်းရေး ပြဿနာတစ်ခုဖြစ်တယ်လို့ ပြောကြားခဲ့ပါတယ်။

    မြန်မာအစိုးရက ရခိုင်ပြည်နယ်ကိစ္စဟာ ပြည်တွင်းရေးသာဖြစ်တယ်လို့ စောစောပိုင်းကပြောကြားမှုကို တုန့်ပြန်လိုက်တာဖြစ်ပြီး၊ အေမန်က ရခိုင်ပြည်နယ်မှာ ဖိနှိပ်မှုတွေကြောင့် မလေးရှားကို ရောက်ရှိလာတဲ့ ရိုဟင်ဂျာအရေအတွက်ာ ၅၆၀၀၀ လောက်ရှိနေပြီလို့ ဆိုပါတယ်။

    နောက်ပြီး ဒီပြဿနာကို အာဆီယံနိုင်ငံတွေနဲ့ ဘင်္ဂလားဒေ့ရ်ှတို့က ခါးစီးခံလာခဲ့ရတာ အချိန်အတော်ကြာခဲ့ပြီလို့လည်း ပြောကြားခဲ့ပါတယ်။

    “အခြေအနေက အခုအချိန်မှာ ဒေသတွင်းပြဿနာ ဖြစ်လာတယ်လို့ ကျွန်တော်တို့ယုံကြည်ပြီး၊ အတူတကွ ဖြေရှင်းရမှာပါ”

    ရိုဟင်ဂျာတွေရဲ့ လူ့အခွင့်အရေးဆိုင်ရာ အခြေအနေ တိုးတက်မှုတွေက ‘တော်တော်လေး နှေးနေတယ်’ လို့ အန်နီဖာဟ်ကဆိုပြီး ရခိုင်ပြည်နယ်အတွင်းမှာ စစ်တပ်က ကျူးလွန်မှုတွေရှိတယ်ဆိုတဲ့ သတင်းတွေ ထွက်ပေါ်မှုကိုလည်း ထောက်ပြခဲ့သလို မလေးရှားအနေနဲ့ ဒီသတင်းတွေအတွက် အလွန်အမင်း စိုးရိမ်မိတယ်လို့လည်း ပြာကြားခဲ့ပါတယ်။

    ရခိုင်ပြည်နယ်အတွင်းမှာ လူသားချင်းစာနာထောက်ထားမှုဆိုင်ရာ ကူညီထောက်ပံ့မှုတွေပြုလုပ်ရာမှာ၊ စစ်တပ်က ကျူးလွန်တယ်ဆိုတဲ့ ကိစ္စတွေအတွက် စုံစမ်းစစ်ဆေးရာမှာ ပူးပေါင်းပါဝင်ဖို့အတွက်လည်း အန်နီဖာဟ်က အာဆီယံနိုင်ငံတွေကို တိုက်တွန်းခဲ့ပါတယ်။

    မလေးရှားနိုင်ငံခြားရေးဝန်ကြီးရဲ့ တင်ပြမှုထဲမှာ ထိခိုက်ခံစားနေရတဲ့ ဒေသတွေအတွက် လူသားချင်း စာနာထောက်ထားမှုဆိုင်ရာ အကူအညီတွေကို အဟန့်အတားမရှိ ၀င်ရောက်ခွင့်ပေးဖို့လည်း ပါဝင်ခဲ့ပါတယ်။

    ရခိုင်ပြည်နယ်က အခြေအနေတွေကို စုံစမ်းဖော်ထုတ်ဖို့ ကျွမ်းကျင်သူတွေ ဒါမှမဟုတ် ထင်ရှားသူတွေပါဝင်တဲ့ လွတ်လပ်တဲ့အဖွဲ့တစ်ခု ဖွဲ့စည်းဖို့လည်း အန်နီဖာက အဆိုပြုခဲ့ပါတယ်။

    “‘လူမျိုးစုလိုက် သုတ်သင်နေတယ်’ ဒါမှမဟုတ် ‘လူမျိုးတုန်းသတ်ဖြတ်နေတယ်’ ဆိုတဲ့ စွပ်စွဲချက်တွေ ပပျောက်သွားအောင် ပွင့်လင်းမြင်သာမှုရှိဖို့၊ တိကျတဲ့သတင်းအချက်အလက်တွေကို အချိန်နဲ့တပြေးညီပေးဖို့၊ ထိခိုက်ခံစားရတဲ့ဒေသတွေကို ၀င်ရောက်ခွင့်ပြုဖို့ အစိုးရအပေါ်မှာ လုံးလုံး တာဝန်ရှိပါတယ်။

    အင်ဒိုနီးရှား

    အင်ဒိုနီးရှားနိုင်ငံခြားရေးဝန်ကြီး ရက်တနို မာဆူဒီကတော့ မြန်မာဟာ ရခိုင်ပြည်နယ်က အဖြစ်အပျက်တွေကို အာဆီယံနိုင်ငံတွေဆီ ပုံမှန် သတင်းပို့ပေးဖို့ သဘောတူခဲ့သလို လူသားချင်းစာနာထောက်ထားမှုဆိုင်ရာ အကူအညီတွေပေးအပ်နိုင်ရေး ၀င်ရောက်ခွင့်ပေးမယ်ဆိုပြီး ကတိပေးခဲ့တယ်လို့ ပြောကြားခဲ့ပါတယ်။ ဒါပေမယ့် ရက်အတိအကျတော့ မပေးသေးဘူးလို့ ဆိုပါတယ်။

    နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ရခိုင်ပြည်နယ်အရေး အကျဉ်းချုံးတင်ပြမှုအတွက် ကျေနပ်မိပြီး အမြင်တွေကို ပွင့်လင်းမြင်သာစွာ၊ ရိုးသားစွာ ဖလှယ်ခဲ့ကြတယ်လို့လည်း မာဆူဒီက ဖွင့်ဟခဲ့ပါတယ်။

    စင်ကာပူ

    စင်ကာပူနိုင်ငံခြားရေးဝန်ကြီး ဒေါက်တာ ဗီဗီယန် ဘာလက်ခရစ်ရ်ှနန်က ရခိုင်ကိစ္စဟာ ပြည်တွင်းရေးဖြစ်ပေမယ့်၊ အဲဒီဒေသမှာ မတည်ငြိမ်မှုတွေကြောင့် ဒေသတွင်းမှာ ရှုပ်ထွေးမှုတွေ ဖြစ်စေတယ်လို့ CNA ကို ပြောကြားခဲ့ပါတယ်။

    “(ရခိုင်ကိစ္စက) အကြမ်းဖက်အုပ်စုတွေ ဆွယ်တရားဟောဖို့ ဒါမှမဟုတ် အခြေစိုက်ဖို့ ရေခံမြေခံဖြစ်နေတယ်။ ဒါက ကျွန်တော်တို့ အားလုံးအတွက် ကောင်းတဲ့ကိစ္စ မဟုတ်ပါဘူး။ ဒုတိယတစ်ခုက ဒုက္ခသည် တွေရှိလာမယ်ဆိုရင် နယ်စပ်ဖြတ်ကျော် ရိုက်ခတ်မှုတွေ ရှိလာမယ်။ ဒါဆိုရင် ဒါဟာ ဒေသတွင်း ပြဿနာ ဖြစ်လာတာပါပဲ” လို့ ၀န်ကြီးက ဆိုပါတယ်။

    ဒါပေမယ့် ဒီပြဿနာကို ဖြေရှင်းဖို့ အဓိကတာဝန်ရှိသူကတော့ မြန်မာအစိုးရဖြစ်ပြီး၊ မြန်မာနိုင်ငံကို ပံ့ပိုးပေးဖို့က အာဆီယံနိုင်ငံတွေရဲ့ တာဝန်ဖြစ်ကြောင်း၊ ငါ့လူမျိုး၊ ငါ့ဘာသာစကားနဲ့ ငါ့ဘာသာတရားဆိုတာတွေဟာ အရှေ့တောင်အာရှရဲ့ ပြဿနာဖြစ်ပြီး အမြဲတမ်း အမြတ်ထုတ်ခံရမယ့် အန္တရာယ်ရှိနေကြောင်း၊ အခြေအနေတွေ မဆိုးရွားသွားအောင် သတိထားရမှာဖြစ်ကြောင်း ထည့်သွင်းပြောကြားခဲ့ပါတ
    ယ်။

    Ref: CNA, Washintong Post

  • စစ်အာဏာရှင်အောက် ပြန်ရောက်လိုသူတွေ မြန်မာနိုင်ငံမှာ ရှိနေလား

    စစ်အာဏာရှင်အောက် ပြန်ရောက်လိုသူတွေ မြန်မာနိုင်ငံမှာ ရှိနေလား

    ဒီဇင်ဘာ ၁၉၊ ၂၀၁၆
    M-Media

    army
    သူရဦးရွှေမန်း၊ ဦးသိန်းစိန် အပါအ၀င် စစ်အစိုးရဟောင်း၏ ထိပ်တန်းစစ်ဗိုလ်ချုပ်များကို ၂၀၁၀ ခုနှစ် မတ်လ ၂၇ ရက် နေပြည်တော် တပ်မတော်နေ့အခမ်းအနား၌ တွေ့မြင်ရစဉ်

    – ဖွဲ့စည်းပုံဥပဒေအရ အရေးပေါ်အခြေအနေကို ကိုင်တွယ်စီမံနိုင်ခွင့်ရှိသည့် စစ်တပ်အသိုင်းအ၀ိုင်းကြီးနှင့် တွေ့ဆုံစည်းဝေးနိုင်ရန် အာဏာရပါတီဟောင်းနှင့် မိတ်ဖက်ပါတီ ၁၂ ခုမှ ကြိုးပမ်းနေမှုမှာ အငြင်းပွားစရာ ဖြစ်လျက်ရှိသည်။

    ပြီးခဲ့သည့် သီတင်းပတ်က ၎င်းအငြင်းပွားဖွယ်ရာဖြစ်စဉ်တစ်ခု ပေါ်ပေါက်လာခြင်းမှာ အလားအလာမကောင်းလှ။ အာဏာရပါတီဟောင်း ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီနှင့် အခြား ပါတီ ၁၂ ခုမှ ရခိုင်ပြည်နယ်နှင့် ရှမ်းပြည်မြောက်ပိုင်း အကျဉ်းအကြပ်များကို ဆွေးနွေးနိုင်ရေးအတွက် အမျိုးသားကာကွယ်ရေးနှင့်လုံခြုံရေးကောင်စီ – NDSC နှင့် တွေ့ဆုံ၍ အစည်းအဝေးတစ်ရပ်ကျင်းပနိုင်ရန် တောင်းဆိုခဲ့ကြသည်။

    နိုဝင်ဘာ ၂၈ ရက်နေ့တွင် ထုတ်ပြန်သော အဆိုပါတောင်းဆိုချက်တွင် အကျဉ်းအကြပ်ပြဿနာများက အချုပ်အခြာအာဏာကို ထိပါးလာနေပြီဖြစ်သဖြင့် NDSC ကို လိုအပ်နေပြီဟု ဆိုထားသည်။

    အာဏာရ အမျိုးသားဒီမိုကရေစီအဖွဲ့ချုပ်နှင့် တိုင်းသူပြည်သားအများစုက၂၀၀၈ ဖွဲ့စည်းပုံဥပဒေကို မနှစ်မြို့ကြ။ ယင်းဖွဲ့စည်းပုံမှာ စစ်တပ်အား လွှတ်တော်အမတ်နေရာ ၂၅ ရာခိုင်နှုန်းအထိ နေရာပေးထားခြင်းနှင့် အဖွဲ့ဝင် ၁၁ ဦးပါဝင်သည့် NDSC ၌ အဓိကနေရာယူထားစေခြင်းတို့ကြောင့်ဖြစ်သည်။

    ဖွဲ့စည်းအုပ်ချု့ပ်ပုံအခြေခံဥပဒေ၏ပုဒ်မ ၄၁၇ အရ တိုင်းပြည်ပြိုကွဲနိုင်သည့်အရေးကို ရင်ဆိုင်ကြုံတွေ့ရလျှင် သို့တည်းမဟုတ် အကြမ်းဖက်မှုကြောင့် အချုပ်အခြာအာဏာထိပါးသည့် အန္တရာယ်ရှိလာလျှင် နိုင်ငံတော်သမ္မတသည် NDSC အား ဆင့်ဆိုခေါ်ယူ၍ နိုင်ငံတော်၏အရေးပေါ်အခြေအနေအတွက် တာဝန်ပေးအပ်နိုင်ကြောင်း ဖော်ပြထားသည်။ NDSC တွင် ထိပ်တန်းစစ်တပ်အရာရှိ ငါးဦး၊ သမ္မတ ဦးထင်ကျော်နှင့် နိုင်ငံခြားရေးဝန်ကြီးအဖြစ် တာဝန်ယူထားသော ဒေါ်အောင်ဆန်းစုကြည် အပါအ၀င် အရပ်သားပြည်သူ ခြောက်ဦးကို ထည့်သွင်းဖွဲ့စည်းထား၏။

    အရပ်သားအစုအဖွဲ့အတွင်း ဒုတိယသမ္မတများလည်း ပါဝင်သော်လည်း ဒုသမ္မတတစ်ဦးမှာ စစ်တပ်မှ တင်သွင်းထောက်ခံသူဖြစ်နေရသည်။ ၎င်းက လက်နက်ကိုင်အင်အားစုများကို ထိပ်တန်းတင်ထားရာရောက်နေပါသည်။ နိုင်ငံတော်၏အရေးပေါ်ကာလအတွင်း NDSC အား တရားဝင် လုပ်ပိုင်ခွင့်ရ အာဏာပိုင်အဖွဲ့အစည်းအဖြစ် သတ်မှတ်ထားသည်။

    ပါတီ ၁၃ ခုက NDSC အစည်းအဝေးခေါ်ယူရန်အတွက် အဘယ်ကြောင့် ထုတ်ပြန်ကြေငြာရပါသနည်း ? NLD အစိုးရမှ ပြဿနာများကို မကျော်လွှားနိုင်တော့ဟု အဆိုပါထုတ်ပြန်ချက်တွင် ပါဝင်နေပါသလော ? တပ်မတော်က နိုင်ငံရေးစင်မြင့်ပေါ် တဖန် ဦးလှည့်ြ့ပန်တက်လာမည်ဟု ဆိုလိုခြင်းလော ? ဤသည်မှာ ယခုရက်သတ္တပတ်အတွက် အဓိကဆွေးနွေးလိုသည့် မေးခွန်းများဖြစ်ပါသည်။

    ရခိုင်ပြည်နယ်ရှိ လုံခြုံရေးအခြေအနေနှင့် ရှမ်းပြည်အရှေ့မြောက်ပိုင်း တိုက်ပွဲများကြောင့် တိုင်းပြည်သည် အကြပ်အတည်းဆိုက်ရောက်နေရသဖြင့် NDSC အစည်းအဝေးပြုလုပ်ရန် လိုအပ်နေပြီဟု ၁၃ ပါတီက ဆို၏။ ရခိုင်ပြည်နယ်အခြေအနေကြောင့် နိုင်ငံ၏ ပိုင်နက်နယ်မြေဆိုင်ရာအနေအထား၌ အန္တရာယ်ရှိနေကြောင်း အဆိုပါ ထုတ်ပြန်ချက်က ဆိုထားသည်။ ကချင်လွတ်မြောက်ရေးတပ်၊ တအာင်းအမျိုးသားလွတ်မြောက်ရေးတပ်၊ မြန်မာအမျိုးသားဒီမိုကရက်တစ်မဟာမိတ်တပ်ပေါင်းစု၊ ရခိုင်တပ်မတော်တို့နှင့် မြန်မာတပ်မတော်အကြား ဖြစ်ပွားသော ရှမ်းပြည်တိုက်ပွဲမှာ သေကြေပျက်စီးခြင်း များစွာ ဖြစ်ပေါ်စေပြီး၊ တရုတ်ပြည်နှင့်ကုန်သွယ်ရေးကဏ္ဍကို အဟန့်အတားဖြစ် ပြိုကွဲစေသည်။

    အောက်တိုဘာလဆန်းပိုင်းတွင် မွတ်စ်လင်မ်စစ်သွေးကြွများက နယ်စပ်တပ်ဖွဲ့နှင့် ရဲစခန်းများကို တိုက်ခိုက်ခဲ့ရာ အရာရှိကိုးဦးသေဆုံးပြီး ခဲယမ်းမီးကျောက်နှင့် လက်နက်များကို ရယူသွားကြသည်။ ၎င်းနောက် ရခိုင်ပြည်နယ်မြောက်ပိုင်း လုံခြုံရေးဆိုင်ရာ စစ်ဆင်ရေး စတင်လာခဲ့သည်။ သို့သော် တိုက်ခိုက်သူများမှာ ဓားရှည်၊ တုတ်ချောင်းများသာ စွဲကိုင်ထားကြပြီး ခေတ်မီလက်နက်များ တပ်ဆင်ထားသည်ကို မတွေ့ရချေ။

    ရခိုင်ပြည်နယ် နယ်စပ်ဖြတ်ကျော်ဝင်ရောက်မှုအခြေအနေနှင့်ပတ်သက်၍ ဘင်္ဂလားဒေ့ရှ်၏တုန့်ပြန်မှုမှာ ချီးကျူးစရာ ကောင်းသည်။ ၎င်းက မြန်မာ့ပြည်တွင်းရေးကို ၀င်လျှိုစွက်ဖက်ခြင်း မပြုဘဲ အိမ်နီးချင်းကောင်း၏ကျင့်ဝတ်အရ ပူးပေါင်းဆောင်ရွက်ခဲ့သည်။ စစ်သွေးကြွများကို (ဖမ်းဆီး၍) လက်လွှဲအပ်နှံသည့်အပြင် မိမိပိုင်နက်အား မြန်မာနိုင်ငံကိုတိုက်ခိုက်သည့် အခြေစိုက်စခန်းအဖြစ် အလျဉ်းခွင့်ပြုလိမ့်မည်မဟုတ်ကြောင်း အခိုင်အမာ ကတိပြုပြောကြားခဲ့သည်။

    ရှမ်းပြည်အရှေ့မြောက်ပိုင်းရှိ KIA နှင့် ၎င်း၏ မြောက်ပိုင်းသွေးချင်းမဟာမိတ်များက မူဆယ်နှင့် ကွတ်ခိုင်မြို့နယ်များအတွင်း မိမိတို့၏တိုက်ခိုက်မှုများမှာ တပ်မတော်ဖက်မှ လက်ရှိဖိအားပေးနေမှုအပေါ် လူအများသိရှိလာအောင် ပြုလုပ်ခြင်းဖြစ်သည်ဟု ဆိုသည်။ တပ်မတော်ဖက်မှ အကျအဆုံးအထိအခိုက် များပြားနေလင့်ကစား မြောက်ပိုင်းသွေးချင်းညီနောင်များအဖွဲ့တို့မှ မြို့ သို့မဟုတ် ရွာများကို သိမ်းပိုက်ခြင်းမျိုး မတွေ့ရပါ။

    တိုက်ခိုက်မှုများ၏ အဓိကဦးတည်ချက်သည် နယ်စပ်ကုန်သွယ်ရေးနှင့် လူထု၏ရွှေ့ပြောင်းမှုတို့ကို ဟန့်တားထိခိုက်စေရန်ဖြစ်သည်။ တပ်မတော်အဖို့ အဆိုပါ ဘေးသင့်ဒေသများတွင် တရားဥပဒေစိုးမိုးရေးကို ပြန်လည်တာဝန်ယူသွားနိုင်ရန်သာ လိုအပ်ပေသည်။ မြန်မာနိုင်ငံသည် အန္တရာယ်တွင်းနက်ထဲသို့ ကျရောက်နေခြင်း မရှိ၊ ချောက်ကမ်းပါးစွန်း၌လည်း တွဲလွဲခိုနေခြင်းလည်း မရှိပေ။

    နိုင်ငံတော်အတိုင်ပင်ခံ ဒေါ်အောင်ဆန်းစုကြည် နှင့် တပ်မတော်စစ်ဦးစီးချုပ် ဗိုလ်ချုပ်မှူးကြီးမင်းအောင်လှိုင်တို့သည် အခါအားလျော်စွာ လိုအပ်သလို တွေ့ဆုံဆွေးနွေးနေလေ့ရှိပါသည်။ ကက်ဘိနက်အစည်းအဝေးတွင်လည်း စစ်တပ်အရာရှိများနှင့် NDSC အဖွဲ့ဝင်များဖြစ်နေကြသည့် ကာကွယ်ရေး၊ ပြည်ထဲရေး၊ နယ်စပ်ရေးရာဝန်ကြီးများအား ခေါ်ယူတိုင်ပင်လျက်သာဖြစ်သည်။

    ဖွဲ့စည်းအုပ်ချုပ်ပုံအခြေခံဥပဒေ ပုဒ်မ ၂၁၃(က)အရ မြန်မာနိုင်ငံသည် အေးချမ်းတည်ငြိမ်မှု ပျက်ပြားလာလျှင် သမ္မတသည် NDSC နှင့်ပူးပေါင်းလက်တွဲကာ စစ်အာဏာသိမ်းစေနိုင်သော အခွင့်အရေးရှိသည်။

    NDSC အား အစည်းအဝေးခေါ်ယူရန်မှာ သမ္မတ၏လုပ်ပိုင်ခွင့်ဘောင်အတွင်း၌သာ ရှိသည်။ မည်သို့ဆိုစေ လက်ရှိအခြေအနေအရ ယင်းသို့ပြုရန် မလိုအပ်ပါ။ မြန်မာနိုင်ငံသည် နယ်ချဲ့ကျူးကျော်ခံနေရခြင်း မဟုတ်၊ NDSC အဖွဲ့ဝင်များဖြစ်သည့် အစိုးရ၀န်ကြီးများသာမက တပ်မတော်အကြီးအကဲများမှာလည်း နိုင်ငံတော်အနေအထားကို အနီးကပ်စောင့်ကြည့်ဆွေးနွေးလျက်ရှိနေကြ၏။

    USDP ပါတီမှာ စစ်အာဏာရှင်များ၏ ဖန်တီးထုတ်လုပ်မှုတစ်ရပ်ဖြစ်သည်။ ၎င်းကို စစ်ဗိုလ်ချုပ်ဟောင်းများဖြင့် ဖွဲ့စည်းထားသည်၊ စစ်အာဏာရှင်ဟောင်း ဗိုလ်ချုပ်မှူးကြီးသန်းရွှေက တီထွင်၍ သမ္မတဟောင်းဦးသိန်းစိန်က ဦးဆောင်ခဲ့သည်။ စစ်တပ်အကြိုက်ရေးဆွဲခဲ့သော ၂၀၀၈ ဖွဲ့ခြေဥအရ ၂၀၁၁ ခုနှစ်တွင် USDP အာဏာရခဲ့သည်။

    ၂၀၁၅ ခုနှစ်တွင် NLD ၏ သောင်ပြိုကမ်းပြို အနိုင်ရရှိမှုက အဆိုပါထုတ်ပြန်ချက်၌ လက်မှတ်ထိုးထားကြသည့် USDP နှင့်တစ်ကွ အခြားပါတီ ၁၂ ခုအတွက် အရှက်တကွဲရှုံးနိမ့်မှု ဖြစ်စေခဲ့သည်။ ရခိုင်ပြည်နယ်နှင့် ရှမ်းပြည်အရှေ့မြောက်ပိုင်းရှိ ဘေးကြပ်နံကြပ်အခြေအနေများအပေါ် NLD အစိုးရ၏ ကိုင်တွယ်မှုအား ဝေဖန်ခံရယုံမျှနှင့် USDP ဦးဆောင်အုပ်စုက ဂငယ်ကွေ့စစ်အစိုးရတစ်ရပ်ကို မျှော်လင့်နေပြီလော၊ သူတို့သည် သမိုင်းကို နောက်ကြောင်းပြန်၍ မြန်မာနိုင်ငံအား အာဏာရှင်လက်အောက်သို့ ပြန်လည်တွန်းပို့ချင်ကြပြီလော ….

    (Ref : FRONTIER MYANMAR, Do they want a return to military dictatorship?)
    (Original Writer : SITHU AUNG MYINT)
    (Translated by MYINTMO MAUNG MAUNG)