News @ M-Media

Tag: MU

  • မိုယက်စ် အထုတ်ခံရခြင်း အတွက် စာနာမိသည်ဟု အန်ဆယ်လော့တီဆို

    ဧပြီ ၂၂၊ ၂၀၁၄
    M-Media

    – အသင်းအား ရလဒ်ကောင်းများရရှိအောင် စွမ်းဆောင် မပေးနိုင်သောကြောင့် အထုတ်ခံခဲ့ရသည့် မန်ယူနည်းပြ မိုယက်စ်အတွက် စာနာမိသည်ဟု ရီးယဲလ်နည်းပြ အန်ဆယ်လော့တီက ပြောကြားလိုက်သည်။

    391684_heroa

    ဂန္တ၀င်နည်းပြ ဖာဂူဆန်နေရာကို ၀င်ရောက်လာခဲ့သည့် မိုယက်စ်လက်ထက်တွင် အသင်း၏ ရလဒ်များမှာ ဆိုးရွားနေသောကြောင့် တနင်္ဂနွေနေ့က အဲဗာတန်အသင်းအား ၂ ဂိုး ဂိုးမရှိဖြင့် ရှုံးနိမ့်ခဲ့သော ပွဲအပြီးတွင် မိုယက်စ်အား တစ်နှစ်စာလုပ်ခ လျော်ကြေးပေးကာ တာဝန်ရှိသူများက အသင်းမှ ထုတ်ပယ်ခဲ့ခြင်းဖြစ်သည်။

    သို့သော်လည်း အန်ဆယ်လော့တီကမူ ယခုကဲ့သို့ မြန်မြန်ဆန်ဆန် ထုတ်ပယ်ခဲ့မှုကို အံသြမိကြောင်း ပြောကြားခဲ့သည်။

    “မန်ယူအသင်းဟာ နည်းပြတွေကို ထုတ်ပယ်တဲ့ အကျင့်မျိုးမရှိတဲ့အတွက် ကျွန်တော် နည်းနည်းတော့ အံ့သြမိပါတယ်။ အခြားအသင်းတွေမှာဆိုရင်တော့ ဒါဟာ ပုံမှန်ပါပဲ။ မိုယက်စ်အတွက် ကျွန်တော်ခံစားခဲ့ရပေမယ့် ဒါဟာ နည်းပြတစ်ယောက်ရဲ့ ဘ၀ပါပဲ။ အခြေနေတွေဟာ လျောလျာလျူလျူမဖြစ်ဘူးဆိုရင်တော့ အထုတ်ခံရမှာပဲ” ဟု အန်ဆယ်လော့တီက သတင်းထောက်များအား ပြောကြားခဲ့သည်။

    မန်ယူအသင်း၏ ကျန်ရှိသည့် ပရီးမီးယားလိဂ်ပွဲစဉ်များအတွက် ၀ါရင့်ကစားသမား ရိုင်ယန်ဂစ်က နည်းပြအဖြစ် ဆောင်ရွက်သွားမည်ဖြစ်ပြီး၊ လာမည့်နှစ်အတွက် ယခုလက်ရှိ ဟော်လန်အသင်းအား ကိုင်တွယ်နေသည့် လူးဝစ်ဗန်ဂေါလ်အား ခေါ်ယူရန်ရှိနေသည်။ ဗန်ဂေါလ်ကလည်း မန်ယူအသင်းတွင် နည်ပြလုပ်ရန် စိတ်အားထက်သန်နေကြောင်း ပြောကြားထားသည်။

    Goal

  • မန်ယူနည်းပြ မိုရက်စ် အား ရာထူးမှ ထုတ်ပယ် လက်ကျန်ပွဲများ ရိုင်ယံဂစ် ကိုင်တွယ်ဖွယ်ရှိနေ

    ဧပြီ ၂၁၊ ၂၀၁၃
    M-Media

    David-Moyes-Man-United1

    ပြီးခဲ့သည့် တနင်္ဂနွေနေ့ က အီဗာတန်ကို ရှုံးပြိးနောက် မန်ယူအသင်း နည်းပြ ဒေးဗစ် မိုယက်စ်အား ရာထူးမှ ဖယ်ရှားဖို့ မန်ချက်စတာ ယူနိုက်တက်အသင်း ဘုတ်အဖွဲ့မှ ဆုံးဖြတ်လိုက်ကြောင်း သိရှိရသည်။ ။ ပရီမီးယားလိဂ်တွင် အအောင်မြင်ဆုံး စံချိန်တင်ထားသည့် မန်ယူအသင်းရဲ့ ဂန္တဝင်နည်းပြ ဖာဂူဆန် အနားယူပြီး ယခုနှစ် ရာသီတွင် အီဗာတန်နည်းပြ မိုရက်စ်အား နည်းပြအဖြစ် ခန့်အပ်ခဲ့ခြင်းဖြစ်သည်။

    မိုရက်စ်လက်ထက် လက်ရှိ ၃၄ ပွဲ ကစားပြီး အိမ်ကွင်း (၆)ပွဲ ၊ အဝေးကွင်း(၅) ပွဲရှုံးနိမ့်ပြီး စုစုပေါင်း (၁၁) ပွဲရှုံးနိမ့်ကာ အဆင့် ၇ တွင် ရှိနေသည်။ ဖာဂူဆန်လက်ထက် နှစ်စဉ်နီးပါး ချန်ပီယံလိဂ် ဝင်ခွင့်ရရှိခဲ့သည့် မန်ယူအသင်းမှာ နောက်နှစ် ချန်ပီယံလိဂ်တွင် မြင်တွေ့ရတော့မည် မဟုတ်ပေ။

    မန်ယူရဲ့ လက်ကျန် (၄) ပွဲ ကို အသင်းရဲ့ သက်တော်ရှည် ဂန္တဝင်းကစားသမားကြီး ရိုင်ယံဂစ်မှ ကစာသမားနည်းပြအဖြစ် ကိုင်တွယ်ဖွယ်ရှိကြောင်းကို The Sun သတင်းစာမှ ရေးသားထားသည်။

  • အသင်းလူစာရင်းမှာ ဇရာထောင်းနေ၍ ဖာဂူဆန်ကိုင်လည်း ရုန်းကန်ရမည်ဟု မိုယက်ဆို

    မတ် ၃၀ ၊ ၂၀၁၄
    M-Media

    – အသင်း၏ ဇရာထောင်းနေသော လူစာရင်းကြောင့် ဖာဂူဆန် ကိုင်တွယ်ပါကလည်း ယခုကဲ့သို့ ရုန်းကန်ရမှုများ ရှိလိမ့်မည်ဟု မန်ယူအသင်းနည်းပြ မိုယက်စ်ကပြောကြားခဲ့သည်။

    380722_heroa

    ဂန္တ၀င်နည်းပြ ဖာဂူဆန်၏နေရာကို ဆက်ခံခဲ့သည့် မိုယက်စ်လက်ထက်တွင် မန်ယူအသင်းမှာ အခြေအနေဆိုးရွားနေပြီး ပြည်တွင်းရှုံးထွက် ဖလားများတွင်လည်း ထွက်ခဲ့ရကာ၊ အသင်းသမိုင်းတွင် ပထမဆုံးအကြိမ် အဖြစ် ရှုံးပွဲ ၁၀ ပွဲတွေ့ခဲ့ရသည်။ ထို့ပြင် အသင်းမှာလည်း အဆင့် ၇ နေရာတွင်ရောက်နေသည်။

    အသင်းပရိတ်သတ်များက အဓိကပြိုင်ဘက်များဖြစ်သည့် လီဗာပူးလ်၊ မန်စီးတီးတို့ကို ရှုံးနိမ့်ခဲ့သောကြောင့် မကျေမနပ်ဖြစ်နေကြပြီး မိုယက်စ်အား ဝေဖန်သည့် နဖူးစီးတစ်ခုကိုပါ လေယာဉ်ဖြင့်ချိတ်၍ အိုးထရက်ဖိုဒ့်ကွင်းပေါ်သို့ ပျံသန်းရန် စီစဉ်ခဲ့ကြသည်။

    သို့သော်လည်း မန်ယူအသင်းရှိလူစာရင်းမှာ ဇရာထောင်းလားပြီဖြစ်သည့်အတွက် မည်သူကိုင်တွယ်သည်ဖြစ်စေ ခက်ခဲမည်ဟု မိုယက်စ်က ပြောကြားခဲ့သည်။

    “ဒီနှစ် ဆာအဲလက်စ် ဒီနေရာမှာ ရှိမယ်ဆိုရင်လည်း သူ့အတွက် ခက်ခဲမှာပါပဲ။ သူလည်းဒါကို သတိပြုမိမှာပါ။ အသင်းရဲ့ လူစာရင်းဟာ အိုမင်းနေတယ်ဆိုတာကို လူတွေကလည်း သိကြပါတယ်။ ဒါ့ကြောင့် ဒီရာသီမှာ ဘယ်သူပဲပဲ ကိုင်ကိုင် ခက်ခဲမှာပါပဲ” ဟု သတင်းထောက်များအား ပြောကြားခဲ့သည်။

    ထို့ပြင် လေယာဉ်ပျံသန်းမည့်အစီအစဉ်နှင့်ပတ်သက်၍ မိုယက်စ်က ပရိတ်သတ်များမှာ ၎င်းတို့၏ ခံစားချက်များကို ထုတ်ဖော်ခွင့်ရှိပြီး မိမိအနေဖြင့် တည်တည်ငြိမ်ငြိမ်ရှိကြောင်း၊ မိမိအား ကောင်း၊ မကောင်းဆုံးဖြတ်ရမည်မှာ မိမိကို ခန့်ထားသူသာ ဖြစ်ကြောင်း ထည့်သွင်းပြောကြားခဲ့သည်။

  • မန်ယူအသင်းမှာ ချန်ပီယံလိဂ်ဖလားအား ရယူနိုင်သည်ဟု မိုယက်စ်ဆို

    မတ် ၂၁ ၊ ၂၀၁၄
    M-Media

    – အိုလံပီယာကော့စ်အသင်းအား အနိုင်ကစားနိုင်ပြီး ကွာတားဖိုင်နယ်တက်ရောက်အောင် စွမ်းဆောင်ပေးနိုင်ခဲ့သည့် နည်းပြမိုယက်စ်က မန်ယူအသင်းမှာ ချန်ပီယံလိဂ်တွင် ဗိုလ်စွဲနိုင်သည်ဟု ပြောကြားလိုက်သည်။

    380581hp2

    ပထမအကျော့ ဂရိမြေတွင် ၂ ဂိုးပြတ်ဖြင့် ရှုံးနိမ့်ခဲ့သော်လည်း ယနေ့နံနက်က ကစားခဲ့သည့် အိမ်ကွင်းပွဲစဉ်တွင် မန်ယူအသင်းမှာ ဗန်ပါစီ၏ ဟက်ထရစ်ဖြင့် ၃ ဂိုးပြတ်အနိုင်ရခဲ့ပြီး နှစ်ကျော့ပေါင်း ရလဒ် ၃ ဂိုး ၂ ဂိုးဖြင့် ကွာတားဖိုင်နယ်သို့ တက်ရောက်နိုင်ခဲ့သည်။

    ပရီးမီးယားလိဂ်တွင် ကြုံတွေ့နေရသော ခြေအနေအရ ချန်ပီယံလိဂ်မဲခွဲမှုတွင် အောက်အသင်းအဖြစ်သာ ရှိနေမည်ဟု မိုယက်စ်က ၀န်ခံခဲ့သော်လည်၊ အသင်းမှာ စတုတ္ထမြောက် ချန်ပီယံလိဂ်ဖလားကို ရယူနိုင်စွမ်းရှိနေသည်ဟု မိုယက်စ်ကဆိုသည်။

    “မဲခွဲမှုအပေါ်မှာ မူတည်ပေမယ့်၊ ပွဲတော်တော်များများ ကျွန်တော်တို့က အောက်အသင်းအဖြစ်နဲ့ သွားရမှာပါ။ ဒါပေမယ့် ကျွန်တော်တို့အသင်းဟာ စွမ်းဆောင်နိုင်မယ်လို့ ကျွန်တော် ယုံကြည်ပါတယ်။ ဒီရာသီမှာ အပြည်အ၀မရသေးတဲ့ ကျွန်တော်တို့ရဲ့ စွမ်းဆောင်ရည်အတိုင်း ကစားမယ်ဆိုရင်တော့ ဘယ်အသင်းနဲ့မဆို ကျွန်တော်တို့ ယှဉ်နိုင်ပါတယ်” ဟု မိုယက်စ်ကဆိုသည်။

    ထို့ပြင် ထိုပွဲတွင် ကစားသွားခဲ့သည့် အသင်း၏စွမ်းဆောင်ရည်ကို ချီးကျူးခဲ့ပြီး၊ ထိုပွဲတွင် အကောင်းဆုံးခြေစွမ်းပြခဲ့သည့် ရွိုင်ယန်ဂစ်ကိုလည်း အရွယ်နှင့်မမျှအောင် စွမ်းဆောင်နိုင်သည့် ကစားသမားကောင်းအဖြစ် ချီးကျူးပြောဆိုခဲ့သည်။
    Goal

  • မန်ယူမှ ထွက်ခွါမည့် သတင်းငြင်းဆိုပြီး သက်တမ်းတိုးရန် အသင့်ဟု ဗန်ပါစီဆို

    မတ် ၁၄၊ ၂၀၁၄
    M-Media
    Manchester-United-Training-Session-3237365
    – မန်ချက်စတာယူနိုက်တက်အသင်း၏ ဟော်လန်တိုက်စစ်မှူး ဗန်ပါစီက မိမိမှာ အသင်းတွင်ပျော်ရွှင်နေပြီး သက်တမ်းတိုးစာချုပ် ချုပ်ဆိုရန်လည်း အသင့်ဖြစ်ကြောင်း ပြောဆိုလိုက်သည်။

    ဆိုးရွားသောရလဒ်များ၊ နည်းပြ မိုယက်စ်နှင့် အဆင်မပြေမှုများကြောင့် အသင်းမှ ထွက်ခွာတော့မည်ဟု သတင်းများထွက်ပေါ်နေပြီး၊ ထိုသတင်းများအား ဗန်ပါစီက ငြင်းဆိုလိုက်ပြီး မန်ယူအသင်းတွင် ဆက်နေရန် ဆန္ဒရှိသည်ဟု ဆိုသည်။

    “အမှန်ကတော့ ကျွန်တော် ဒီအသင်းမှာ ပျော်ပါတယ်။ အရင်က ကျွန်တော် လေးနှစ် စာချုပ် ချုပ်ထားပြီး၊ ကျန်ရှိနေတဲ့ သက်တမ်း ၂ နှစ်အပြီးမှာ ဒီထက်ပိုနေရမယ်ဆိုရင် ကျွန်တော် ပျော်ရွှင်မိမှာပါ။ ကောလဟာလတွေ ထွက်နေပေမယ့် ကျွန်တော်ကတော့ ဒီလိုခံစားရပါတယ်” ဟု ဗန်ပါစီက ပြောကြားခဲ့သည်။

    ဗန်ပါစီ မန်ယူမှထွက်ခွာမည်ဆိုသည့် သတင်းများမှာ ၎င်း၏ မိခင်နိုင်ငံ ဟော်လန်မှ ထွက်ပေါ်လာခဲ့ခြင်းဖြစ်သည်။ ဗန်ပါစီမှာ မန်ယူတွင် ကျင်လည်ရသည့်ဘ၀အား စိတ်ပျက်နေပြီး ယခုနှစ်နွေရာသီတွင် မန်ယူအသင်းက ထိုက်တန်သော စာချုပ်သက်တမ်းတိုးခြင်းမရှိပါက အသင်းမှထွက်ခွာတော့မည်ဟု ယခင် ဟော်လန်အသင်း လက်ရွေးစင်ဟောင်း ရော်နယ် ဒီ ဘိုးဝါးက ပြောကြားခဲ့သည်။

    ထို့ပြင် ဗန်ပါစီမှာ နည်းပြမိုယက်စ်၏ နည်းစနစ်များနှင့် အံဝင်ခွင်ကျဖြစ်ရန် ခက်ခဲနေသည်ဟူသော သတင်းများလည်း ထွက်ပေါ်ထားသည်။