Tag: MU

မတ် ၈ ၊ ၂၀၁၄
M-Media

– ယခုနှစ်ဘောလုံးရာသီတွင် အသင်း၏ရလဒ်များ ဆိုးရွားနေသောကြောင့် နည်းပြမိုယက်စ်မှာ မန်ယူကစားသမားများ၏ ယုံကြည်မှုကို ဆုံးရှုံးနေသည် ဟူသောသတင်းအား မိုယက်စ်က ငြင်းဆိုလိုက်ပြီး အသင်းရှိ ကစားသမားအားလုံးမှာ မိမိအား အားပေးထောက်ခံကြသည်ဟု ပြောကြားလိုက်သည်။

ဂန္တ၀င်နည်းပြ ဖာဂူဆန်၏နေရာကို ဆက်ခံခဲ့ပြီးနောက် ပထမဦးဆုံးရာသီတွင်ပင် မိုယက်စ်မှာ အခက်အခဲများနှင့် ရင်ဆိုင်နေရပြီး ဝေဖန်မှုများကိုလည်း ခံနေရသည်။ မိုယက်စ်ကိုင်တွယ်သည့် မန်ယူအသင်းမှာ ပရီးမီးယားလိဂ်တွင် အဆင့် ၇ နေရာ၌ရှိနေပြီး၊ နောက်ဆုံးမျှော်လင့်ချက်ဖြစ်သည့် ချန်ပီယံလိဂ်ဖလား ၁၆ သင်းအဆင့် ပထမအကျော့တွင် အိုလံပီယာကော့စ်အသင်းအား ၂ ဂိုး ဂိုးမရှိဖြင့် ရှုံးနိမ့်ထားသည်။

မိုယက်စ်၏ စွမ်းဆောင်ရည်များကြောင့် အသင်းရှိကစားသမားများကလည်း မိုယက်စ်အပေါ်ယုံကြည်မှုမရှိဘဲ အင်တိုက်အားတိုက်ကစားခြင်းမရှိဟု သတင်းများလည်းထွက်ပေါ်လာခဲ့ပြီး၊ မိုယက်စ်ကမူ ယင်းသတင်းအား ငြင်းဆိုခဲ့သည်။

“သူတို့(အသင်းသားများ) အားလုံးဟာ ကျွန်တော်ခိုင်းသလိုမကစားဘူးဆိုတဲ့ ပြောဆိုမှုတွေဟာ ဟုတ် မဟုတ်ဆိုတာတော့ ကျွန်တော်မသိပါဘူး။ သူတို့အားလုံး ကျွန်နော်ပြောသလို ကစားကြတယ်လို့တော့ ကျွန်တော်ထင်ပါတယ်။ ဒါ့ကြောင့် ဒီကောလဟာလတွေကို လက်မခံပါဘူး” ဟု မိုယက်စ်က ဆိုသည်။

ထို့ပြင် မိမိတို့အသင်းအနေဖြင့် ကစားပုံ ပိုကောင်းဖို့ လိုအပ်ကြောင်း၊ အိုလံပီယာကော့စ်နှင့်ပွဲတွင် မိမိတို့၏ ကစားပုံမှာ အဆိုးဝါးဆုံးဖြစ်ပြီး အလွန်စိတ်ပျက်စရာကောင်းကြောင်း၊ သို့ရာတွင် မိမိတို့အနေဖြင့် တိုးတက်လာပြီး ပိုကောင်းလာမည်ဖြစ်ကြောင်း ထည့်သွင်းပြောကြားခဲ့သည်။

Ref: Goal

ဇန်နဝါရီ ၂၄၊ ၂၀၁၄
M-Media

– ၁၉၈၉ ခုနှစ်နောက်ပိုင်း အဆိုးရွားဆုံးသော ရလဒ်များနှင့် ကြုံတွေ့နေရသော်လည်း နည်းပြမိုယက်စ်မှာ အသင်းအတွက် သင့်တော်သော နည်းပြဖြစ်သည်ဟု မန်ယူဘုတ်အဖွဲ့က ပြောကြားခဲ့သည်။

ပရီးမီးယားလိဂ် အဆင့် ၇ နေရာတွင်ရှိနေသည့် မန်ယူအသင်းမှာ FA ဖလားမှ စောစီးစွာထွက်ခဲ့ရပြီး၊ ကြာသာပတေးနေ့ကလည်း ဆန်းဒါလန်းအသင်းအား ပင်နယ်တီဖြင့်ရှုံးကာ လိဂ်ဖလား ဆီမီးဖိုင်နယ်မှ ထွက်ခဲ့ရကာ နောက်ဆုံးမျှော်လင့်ချက်အဖြစ် ချန်ပီယံလိဂ် ဖလားနှင့် ပရီးမီးယားလိဂ်တွင် အဆင့်လေးအတွင်း ၀င်ရေးသာ ကြိုးစားရတော့မည်ဖြစ်သည်။

ထို့ပြင် ကွင်းအတွင်းခြေစွမ်းကျဆင်းမှုကြောင့် မန်ယူအင်း၏ ရှယ်ယာဈေးနှုန်းမှာလည်း ယခုနှစ်တွင် ထိုးကျနေပြီး ကမ္ဘာ့ ၀င်ငွေအကောင်းဆုံး စာရင်းတွင်လည်း ၁၃ နှစ်အတွင်း ပထမဆုံး အကြိမ်အဖြစ် အဆင့် ၃ ပြင်ပသို့ ရောက်ရှိလာခဲ့သည်။ သို့သော်လည်း အသက် ၅၀ အရွယ်ရှိ မိုယက်စ်မှာ မန်ယူ ဘုတ်အဖွဲ့၏ အပြည့်အ၀ ထောက်ခံမှုကိုရရှိနေပြီး၊ အသင်း၏ ဒုဥက္ကဌ အက်ဒ် ၀ုဒ်ဝါ့ဒ်ကလည်း မိုယက်စ်အပေါ် ယုံကြည်မှုများရှိနေသည်ဟု ဆိုသည်။

Ref:mirror

ဇန်နဝါရီ ၁၄၊ ၂၀၁၄
M-Media

– အသင်း၏ ပွဲစဉ်များအား နည်းပြဟောင်း ဖာဂူဆန်လာရောက်ကြည့်ရှုခြင်းအတွက် မိမိတွင် မည်သည့်ပြဿနာမှမရှိဟု မန်ချက်ယူနိုက်တက်အသင်း၏ နည်းပြ မိုယက်စ်က ပြောကြားလိုက်သည်။

ဖာဂူဆန်လက်ထက်တွင် အောင်မြင်မှုသရဖူဆောင်းနိုင်ခဲ့သည့် မန်ယူအသင်းမှာ မိုယက်စ် လက်ထက်တွင် အခြေအနေ ဆိုးရွားနေပြီး တိုက်ရိုက်ထုတ်လွှင့်သည့် ကင်မရာမှ ပွဲလာရောက်ကြည့်ရှုသည့် နည်းပြဟောင်း ဖာဂူဆန်အား သေချာစွာ ရိုက်ပြလေ့ရှိသည်။ သို့သော်လည်း ထိုအခြေအနေက မိမိနှင့် အသင်းအတွက် မည်သည့် အနှောက်အယှက်မှ မဖြစ်ဟု မိုယက်စ်က ဆိုသည်။

“ဆာအဲလက်စ်(ဖာဂူဆန်)ဟာ အလွန်ပြောင်မြောက်တဲ့ နည်းပြတစ်ဦးပါ။ သူပွဲကြည့်စင်ပေါ်မှာရှိနေတာဟာ ကျွန်တော့်ကို ကူညီဖို့ပါ။ ကျွန်တော်လိုအပ်တဲ့ အချိန်တွေမှာ သူနဲ့ စကားပြောဖြစ်ပါတယ်။ ပွဲအပြီး ၁ မိနစ် ၂ မိနစ်လောက် ကျွန်တော် သူနဲ့ တွေ့ဖို့ ကျွန်တော် အဆန္ဒရှိပါတယ်” ဟု မိုယက်စ်က MUTV သို့ပြောကြားခဲ့သည်။

မန်ယူအသင်းအား နှစ်ပေါင်း ၂၀ ကျော်ကြာကိုင်တွယ်လာခဲ့ပြီး ယခုနှစ်မှ အနားယူသွားခဲ့သည့် ဖာဂူဆန်မှာ အသင်း၏ အနေအထားကို ယခုအချိန်အထိ စောင့်ကြည့်နေပြီး စနေနေ့က ကစားခဲ့သည့် ဆွမ်ဆီးနှင့် ပွဲမတိုင်မီတွင်လည်း အသင်း၏ နည်းဗျူဟာနှင့် ပတ်သက်၍ နည်းပြမိုယက်စ်အား အကြံဥာဏ်ပေးခဲ့သည်ဟု သတင်းများထွက်ပေါ်ခဲ့သည်။