Tag: MuslimScholars

ကမ္ဘာကျော် မွတ်စလင်မ် ပညာရှင်များ ပါရီမြို့ အကြမ်းဖက်မှု အား ရှုတ်ချ၊ ပါရီမြို့သူမြို့သားများနှင့် အတူရပ်တည်

နိုဝင်ဘာ ၁၄ ၊ ၂၀၁၅
M-Media
ခေတ်လူ စုဆောင်းတင်ပြသည်။

ပြင်သစ်နိုင်ငံ မြို့တော်ပါရီတွင် လူတစ်ရာကျော်သေဆုံးခဲ့ရသည့် လတ်တလောဖြစ်ပွားခဲ့သော အကြမ်းဖက်မှုများကို ကမ္ဘာကျော် အစ္စလာမ့်ပညာရှင်နှင့် လူမှုရေး တက်ကြွလှုပ်ရှားသူများမှ မိမိတို့ တရားဝင် ဆိုရှယ်မီဒီယာ စာမျက်နှာများမှ ချက်ချင်း တုန့်ပြန် ရှုတ်ချခဲ့ပြီး ဝမ်းနည်းကြေကွဲရကြောင်းနှင့် ပါရီမြို့သူမြို့သားများနှင့်အတူ ရပ်တည်လျက်ရှိကြောင်း ရေးသားခဲ့ကြပါတယ်။

အမေရိကန်မှ ကမ္ဘာကျော် နာမ်ပိုင်းရေးရာနှင့် အစ္စလာမ့်ပညာရှင် ဟမ်ဇာယူစွဖ် (Hamza Yusuf) က စာဖတ်သူနောက်လိုက်ပေါင်း သိန်းချီရှိသော မိမိ၏ တရားဝင် Facebook စာမျက်နှာတွင် –

“ကျွန်တော့်တို့ရဲ့ ဆုတောင်းဝတ်ပြုခြင်းတွေဟာ ကမ္ဘာအနှံ့က အကြမ်းဖက်ခံနေရသူတွေနဲ့အတူ ရှိပါတယ်။”

ဟု ယနေ့ ရေးသားခဲ့ပါတယ်။

ဟမ်ဇာယူစွဖ်ဟာ အသက်ဆယ့်ခုနစ်နှစ်မှာ အစ္စလာမ်ကို သက်ဝင်ယုံကြည်လာပြီး ကမ္ဘာအနှံ့ခရီးထွက်ကာ အစ္စလာမ်ပညာရေး နယ်ပယ်မှာ ထင်ရှားလှတဲ့ ဝါကြီး ပညာရှင်ကြီး များစွာထံမှာ နှစ်များစွာ ပညာဆည်းပူးခဲ့သူ ဖြစ်ပါတယ်။ ယခုအခါ အမေရိကားတွင် ကောလိပ်တစ်ခု တည်ထောင်ထားပါတယ်။ အစ္စလာမ့်အနှစ်သာရနဲ့ သူရဲ့ အနောက်ကမ္ဘာရဲ့ အတွေ့အကြုံတွေ ပေါင်းစပ်ပြီး ဟောပြော တင်ပြမှုတွေဟာ ကမ္ဘာကျော်လှပါတယ်။

ကမ္ဘာ့မွတ်စလင်မ်လူငယ်များ အကြားတွင် နာမည်ကျော်လှသည့် ဇင်ဘာဘွေနိုင်ငံမှ အစ္စလာမ့်ဓမ္မသတ် ပညာရှင် အစ်မေးလ်မင့်ခ် (Mufti Ismail Menk) ကလည်း လူသန်းချီနောက်လိုက်ရှိနေသော သူ၏ တရားဝင် Facebook စာမျက်နှာမှာ ‪#‎ParisAttack‬ ဟုအစပြုပြီး

“အကြမ်းဖက်ခြင်းမှာ ဘာသာတရားမရှိပါ၊ ပြီးတော့ နယ်မြေကန့်သတ်ချက်တွေရှိမနေပါ။ ကျွန်တော်တို့ရဲ့ အတွေးတွေဟာ အကြမ်းဖက်ခံတွေနဲ့ (သူတို့ရဲ့) ချစ်တဲ့သူတွေနဲ့ အတူရှိပါတယ်”

ဟု အကြမ်းဖက်ခြင်းနဲ့ ဘာသာတရားဟာ လုံးဝ မဆိုင်ကြောင်းကို ထောက်ပြထားပြီး ပါရီမြို့အကြမ်းဖက်ခံရသူများနှင့် သူတို့ရဲ့ မိဘဆွေမျိုးချစ်ရသူအပေါင်းအသင်းများနဲ့ အတူရပ်တည်နေကြောင်းကို သူ့ရေးသားနေကြဟန်အတိုင်း တိုတိုရှင်းရှင်းနှင့် ထိထိရောက်ရောက် ရေးသားထားခဲ့ပါတယ်။

ယူအေအီးသို့ ခေတ္တရောက်ရှိနေသော အမေရိကန်လူမျိုး အစ္စလာမ့်အေးရိပ်ဆာယာသို့ ဖိတ်ခေါ်သူကြီး ယူစွဖ်အက်စ်တေ့စ် (Yusuf Estes) က
သူတို့လေယာဉ်လွတ်သွားကြောင်းနဲ့ မွတ်စလင်မ်များအနေဖြင့် အစ္စလာမ်က သင်ကြားသည်ကို နာယူရမည်ဖြစ်ကြောင်း မီဒီယာကပြောတာတွေကို နာယူရမှာမဟုတ်ကြောင်း သတိပေးထားပြီး

“လူငယ်အများစုဟာ လူလိမ်တွေရဲ့ လှည့်ဖြားမှုကို ခံကြရပြီး မကောင်းဆိုးဝါး (ရှိုက်တွာန်)တွေရဲ့ သိမ်းသွင်းမှုကို ခံနေကြရတယ်။ ပါရီတိုက်ခိုက်မှုဟာ ရှိုက်တွာန်ဘက်က လာတာပဲ။”

ဟု ပါရီမြို့အကြမ်းဖက်မှုဟာ မကောင်းဆိုးဝါးတို့ရဲ့ လုပ်ရပ်ဖြစ်ကြောင်း ပွင့်ပွင့်လင်းလင်း ဆိုရှယ်မီဒီယာတွင် ထောက်ပြရေးသား ထားပါတယ်။

ယူစွဖ်အက်စ်တေ့စ်သည် အသက် ၄၇နှစ်တွင် အစ္စလာမ့်အေးရိပ်ဆာယာသို့ ဝင်ရောက်ခဲ့ပြီး အစ္စလာမ့်သတင်းစကားဖြန့်ချီရေးလုပ်ငန်းတွင် တက်ကြွစွာ လှုပ်ရှားနေသူဖြစ် ပါတယ်။ သူ၏ ဖော်ရွေမှုနဲ့ အရွှန်းဖောက်ဟောပြောသည့်ဟန်ကြောင့် ကလေးငယ်များနှင့် မိသားစုများကြားတွင် နာမည်ရသည့် အစ္စလာမ့်တရားဟောဆရာတစ်ဦးလည်း ဖြစ်ပါတယ်။

ထို့ကဲ့သို့ပင် အမေရိကန်မှ ပါကစ္စတန်နွယ်ဖွား ကမ္ဘာကျော် အစ္စလာမ့်ပညာရှင်နှင့် သုတေသနပြုသူ ဒေါက်တာ ယာစီးရ်ကာဒီ (Yasir Qadhi)က

ပြင်သစ်မှာ လတ်တလောဖြစ်ပွားခဲ့တဲ့ တိုက်ခိုက်မှုတွေနဲ့ပတ်သက်ပြီး
ပါလက်စတိုင်းနဲ့ ဆီးရီးယားက ပြည်သူတွေရဲ့ အင်မတန်မှကို အခြေအနေဆိုးပြီး တုန်လှုပ်ဖွယ်ပုံတွေကို တလောကပဲ မြင်တွေ့ရခဲ့ပြီးဖြစ်ကြောင်း၊ အမေရိကန်နဲ့ ဗြိတိန်တို့ရဲ့ ကျူးကျော်စစ်ရဲ့ အလုံးစုံပျက်ဆီးခြင်းတွေကို အီရတ်မှ ကိုယ်တွေ့ကြုံနေကြရပြီဖြစ်ကြောင်း၊ အခြေအနေတွေကို ပိုဆိုးရွားစေလိုက်တဲ့အခါ အဲ့လိုတိုက်ခိုက်မှုတွေကနေ ထွက်ပေါ်လာတဲ့ ဒေါသတွေဟာ မလွဲမရှောင်သာကို ပြန်သက်ရောက်လာမှာဖြစ်ကြောင်းနဲ့ တိုက်ခိုက်မှု အကြမ်းဖက်မှုတွေဟာ တိုက်ခိုက်မှု အကြမ်းဖက်မှုတွေကိုပဲ မွေးဖွားပေးမှာ ဖြစ်ကြောင်း ရေးသားထားပါတယ်။

“…As the situation exacerbates, inevitably the rising anger from such attacks will circle back. Violence only begets violence.”

ဒေါက်တာ ယာစီးရ်ကာဒီက ဆက်လက်ပြီး

ပါရီအကြမ်းဖက်မှုကို အသိဥာဏ်မဲ့လုပ်ရပ်လို့ သုံးနှုန်းထားပြီး ဒီလိုတိုက်ခိုက်မှုတွေကနေ ဘာကောင်းတာများ ရနိုင်ပါ့မလဲဟု ဝေဖန်ထားပါတယ်။

“So what possible good will come of these senseless attacks?

ဒီအကြမ်းဖက်အုပ်စုတွေရဲ့ လုပ်ရပ်နည်းသေသျတွေမှာ အကောင်းဆိုလို့ တစ်ခုလေးတောင် မတွေ့မြင်နိုင်ကြောင်းနဲ့ ဒီတိုက်ခိုက်မှုတွေရဲ့ ဆိုးကျိုးကတော့ နောက်ဆက်တွဲအနေနဲ့ အကြမ်းဖက်မှုကို တိုက်ရမယ်ဆိုတဲ့ ခေါင်းစဉ်နဲ့ စစ်ပွဲတွေ ထပ်ပေါ်ပေါက်လာမှာသာဖြစ်ကြောင်းရေးသားထားပြီး သုတေသန ပညာရှင်ပီသစွာ ထိုစစ်ပွဲတွေကနေ တိုက်ခိုက်ခြင်းနဲ့ အကြမ်းဖက်မှု သံသရာသာ ဆက်လည်နေပြီး ကမ္ဘာကြီး အေးချမ်းဖို့ မရှိကြောင်းကို ခွဲခြမ်းသုံးသပ်ပြက မွတ်စလင်မ်များ ထိုသို့ အကြမ်းဖက်မှုများတွင် လုံးဝမပါရမည်ဖြစ်ကြောင်း ပညာပေးထားပါတယ်။

“…The fact of that matter is that I cannot see a single tangible positive that the tactics of such groups bring (again, with the caveat that this attack in France is coming from such groups). Yet, the harms from such attacks only increases as a result, and the consequences are that the ‘War Against Terror’ is bolstered, leading to a war of terror.”

အွစ်ဖို့(Oxford)တက္ကသိုလ်မှ ပါမောက္ခဖြစ်သူ ကမ္ဘာကျော် အစ္စလာမ့်ပညာရှင် ဒေါက်တာ သွာရစ်က်ရမဒွန် (Tariq Ramadan)ကလည်း

“ပါရီ တိုက်ခိုက်မှုများ…
ဒီထိတ်လန့်ဖွယ် မျက် ကန်းအကြမ်းဖက်မှု သတ်ဖြတ်မှုတွေနဲ့ လူအမြောက်အများသေဆုံးမှုတွေကို ပြင်သစ်နိုင်ငံမြို့တော် လမ်းတွေပေါ်မှ မြင့်လိုက်ရတဲ့အခါ ကျွန်တော်တို့ရဲ့ ပထမဆုံးတွေးမိတာက အကြမ်းဖက်ခံတွေ၊ ဒဏ်ရာရတဲ့သူတွေ၊ သူတို့ မိသားစုတွေနဲ့ မိတ်ဆွေသူငယ်ချင်းတွေကိုပါ။ ကျွန်တော်တို့ သူတို့နဲ့အတူ အားလုံးနဲ့အတူ ထပ်တူဝမ်းနည်းကြေကွဲရပါတယ်။”

ဟု fanပေါင်း သန်းချီရှိ မိမိ၏ တရားဝင် Facebook စာမျက်နှာမှ အစချီရေးသားထားပြီး

ဒီအကြမ်းဖက် လုပ်ရပ်ကို လုံးဝနဲ့ ချက်ချင်းရှုတ်ချကြောင်းနဲ့ အစ္စလာမ်နဲ့ ဒီလိုအစွန်းရောက်အကြမ်းဖက်ခြင်းတွေနဲ့ လူမဆန်တဲ့ ရူးနှမ်းတဲ့ သတ်ဖြတ်ခြင်းတွေနဲ့ လုံးလုံး မဆီဆိုင်ကြောင်း ပြတ်ပြတ်သားသားပြောကြားထားပြီး ဒီဖြစ်ရပ်ကို ပြင်သစ်နိုင်ငံအနေနဲ့ ညီညွတ်ကြဖို့အကြံပြုထားပါတယ်။ အစိုးရ၊ အဖွဲ့အစည်းအားလုံးနဲ့ ပြင်သစ် မွတ်စလင်မ်တွေပါ တစည်းတလုံးတည်း ပါဝင်ရင်ဆိုင်ကြဖို့လည်း ဆော်သြထားပါတယ်။

သွာရစ်က်ရမဒွန်မှာ အီဂျစ်နိုင်ငံရဲ့ ပထမဆုံးဒီမိုကရေစီနည်းကျ အာဏာရ ပါတီ ညီအစ်ကိုတော်များ အဖွဲ့ရဲ့ တည်ထောင်သူ ကျောင်းဆရာ ဟာစန်အလ်ဘန်နာရဲ့ မြေးအရင်းဖြစ်ကာ ဥရောပတွင် နာမည်ကြီး အစ္စလာမ့်ပညာရှင်တစ်ဦးဖြစ်ပြီး သူ၏ စာအုပ်များမှာ ကမ္ဘာကျော်လှပါတယ်။

ယူစွဖ်အက်စ်တေ့စ်မှလွဲ၍ ကျန်ပညာရှင်များမှာ ဂျော်ဒန်နိုင်ငံ RSSC သုတေသနစင်တာမှ နှစ်စဉ်ပြုစုသော ကမ္ဘာသြဇာအကြီးဆုံး မွတ်စလင်မ်၅၀၀တွင် ထိပ်ဆုံးစာရင်းတွင် ဖော်ပြခံရသူများဖြစ်ကြပါတယ်။

November 14, 2015
ကမ္ဘာ့ပထမဆုံးလေယာဉ်မှူး အဘ္ဘာ့စ် အိဗ်နု ဖိရ်နာ့စ်

ဧပြီ ၁၆ ၊ ၂၀၁၅
M-Media

သွားလာလမ်းလျှောက်တတ်တဲ့ လူသားမှန်သမျှ ပျံသန်းမှုကို အိပ်မက်မက်ဖူးကြပါတယ်။

ပျံသန်းနိုင်ဖို့ကြိုးစားခဲ့ကြသူများရဲ့ ဒဏ္ဍာရီတွေ၊ ဇာတ်လမ်းလေးတွေ ရာဇ၀င်ထဲမှာ အပြည့်ပါ။ သူရိယနေမင်းနဲ့အနီးဆုံးရောက်အောင် ပျံသန်းရင်း ဖယောင်းတောင်ပံတွေ အရည်ပျော်ပြီး ပင်လယ်ထဲ ထိုးချနစ်မြုပ်ခဲ့တဲ့ Icarus အကြောင်းကတော့ အကျော်ကြားဆုံးပါပဲ။ လေပေါ်ပျံဝဲနိုင်တဲ့အရာ စွန်/လေတံခွန်ကို ဘီစီ ၅ ရာစုနှစ်ဝန်းကျင်မှာ ပထမဦးဆုံးအောင်မြင်စွာ ပြုနိုင်ခဲ့တာ ကတော့ တရုတ်လူမျိုးတွေ ဖြစ်ပါတယ်။ သို့ပေမယ့် လူလိုက်ပါစီးနင်းနိုင်တဲ့ ပျံသန်းမှုကို ပထမဆုံးအောင်မြင်စွာ အုတ်မြစ်ချနိုင်ခဲ့တာက အဘ္ဘာ့စ် အိဗ်နု ဖိရ်နာ့စ် အမည်ရှိ မွတ်စ်လင်မ်တစ်ဦးဖြစ်ပါတယ်။ အေဒီ ၈၇၅ ခုနှစ် စပိန်နိုင်ငံ၊ ကော်ဒိုဗာမြို့မှာ ဖြစ်ပါတယ်။

အဘ္ဘာ့စ် အိဗ်နု ဖိရ်နာ့စ်ကို Izn-Rand Onda Al-Andalus ယခု Ronda Spain မှာ မွေးဖွားခဲ့ပြီး၊ မွတ်စ်လင်မ်ကမ္ဘာက အဓိက ပညာစင်တာတစ်ခုဖြစ်တဲ့ ကော်ဒိုဗာမှာ နေထိုင်ခဲ့တယ်။ သူဟာ တီထွင်သူ၊ အင်ဂျင်နီယာ၊ လေယာဉ်မှူး၊ ရူပဗေဒပညာရှင်၊ အရဗီစာဆို၊ အန်ဒလူစီယာဂီတပညာရှင် ဆိုတဲ့ စွယ်စုံရပညာရှင်တစ်ဦးပါ။

အိဗ်နု ဖိရ်နာ့စ်အပေါ် လွှမ်းမိုးခဲ့သူဟာ အေဒီ ၈၅၂ ခုနှစ်က အာမီးန် ဖိရ်မာန်း အမည်ရှိသူ ဖြစ်တယ်လို့ အဆိုရှိပါတယ်။ အဲ့ဒီလူဟာ စွန့်စားခန်းပြုလုပ်ချက်များနဲ့ ရပ်တည်နေထိုင်သူ ဖြစ်တယ်။ သူက သိပ္ပံပညာရှင် မဟုတ်ပေမဲ့ သူ့ဝန်းကျင်က သဘာဝတွေကို စူးစမ်းလေ့လာသူနေသူတစ်ဦး ဖြစ်တယ်။ ပျံသန်းမှုနည်းပညာအခြေခံသဘောကိုမူတည်လို့ သစ်ထည်ကိုင်းတပ် ပိုးစ၀တ်စုံကြီးတစ်ခုကို တည်ဆောက်တယ်။ အာမီးန် ဖိရ်မန်းဟာ အဲ့ဒါကို သယ်ဆောင်ဆင်ယင်လို့ ကော်ဒိုဗာဂျာမေ့ဗလီကြီးရဲ့ ၀တ်ပြုဖိတ်ခေါ်မျှော်စင်ထိပ်ပေါ်တက်ပြီး ခုန်ချလိုက်ပါတယ်။ ပျံသန်းမှု မဖြစ်ခဲ့ပါဘူး။ အရှိန်အဟုန်နဲ့ ရုပ်ပျက်ဆင်းပျက် ကျသွားပါတယ်။ သို့သော်လည်း ကံကောင်းထောက်မစွာနဲ့ သူ့ရဲ့ပုံကြမ်းယာဉ်လေးက ဆင်းသက်မှုကို နှေးကွေးသွားစေခဲ့တဲ့အတွက် တဟုန်ထိုးအရှိန်ပြည့် မပြုတ်ကျတာကြောင့် မြေပြင်ကိုရောက်တဲ့အခါ သေလုမျောပါးဒဏ်ရာရာတာတို့၊ သေဆုံးတာတို့ မဖြစ်ခဲ့ပါဘူး။ မဆိုစလောက်မျှသာ ထိခိုက်သွားခဲ့ပါတယ်။ ဒါကို ကမ္ဘာ့ပထမဆုံး လေထီးခုန်ခြင်းလို့ ပြောမယ်ဆိုရင်ပြောလို့ရပါလိမ့်မယ်။

အိဗ်နုဖိရ်နာ့စ်က စောင့်ကြည့်နေတဲ့ပရိသတ်အကြား ရှိနေခဲ့တယ်။ အဲ့ဒီရလဒ်တွေကို အလွန် နှစ်ထောင်းအားရသွားခဲ့တယ်။ အဲ့ဒီကြိုးပမ်းချက်က သိပ္ပံနည်းမကျလှတဲ့ ပုံကြမ်းသဘောသာ ဖြစ်သော်လည်း ဆင့်ပွားလေ့လာတိုးချဲ့လိုတဲ့ “ပိုး” သူ့ဆီမှာ ကပ်သွားပါတော့တယ်။

အာမီးန်ဖိရ်မန်းအလွန် နောက်ထပ် ၂၃ နှစ်အကြာ ၈၇၅ ခုနှစ်မှာ အသက် ၇၀ အရွယ်ရှိနေပြီဖြစ်တဲ့ အိဗ်နု ဖိရ်နာ့စ်ဟာ သူ့ရဲ့ပျံသန်းယာဉ်ကို တည်ဆောက်ခဲ့ပါတယ်။ အခြားသောလေ့လာမှုတွေထဲ နှစ်ပေါင်းများစွာမြှုပ်နှံခဲ့ရတာဖြစ်ပါတယ်။ ပိုးသားသက်သက် တောင်ပံတစ်စုံနဲ့အတူ သစ်သားသုံး တည်ဆောက်ခဲ့တယ်။ တကယ့်တောင်ပံခတ်နေတဲ့အတိုင်း သူ ပျံသန်းနိုင်ခဲ့ပါတယ်။ အလ် အရုစ် ဆိုတဲ့ တောင်ကမ်းပါးယံထိပ်ကနေ ခုန်ချလိုက်တယ်။ အချိန်အတိုင်းအတာတစ်ရပ်အထိ ထိန်းချုပ်ပျံဝဲနိုင်ခဲ့ပါတယ်။ အဲ့ဒီပျံသန်းမှု ၁၀ မိနစ်လောက် ကြာမြင့်တယ်လို့ မျက်မြင်သက်သေများက ဆိုခဲ့ကြပါတယ်။

အဆုံးသတ်ဆင်းသက်တဲ့အခါမှာ သူ့ဒီဇိုင်းမှာ ပြဿနာတစ်ခုရှိနေကြောင်း သိရှိသွားခဲ့တယ်။ ကိရိယာများကို လေ့လာဆင်ယင်ခြင်းမှာ အစွမ်းကုန်စူးစိုက်အားထုတ်ခဲ့ပေမယ့် ဆင်းသက်မှုနည်းစနစ်ကို လျစ်လျူရှုခဲ့မိတာပါ။ ပြန်လည်ဆင်းသက်ချိန်မှာကျတော့ လျင်မြန်နှုန်းကို မထိန်းနိုင်တော့ဘဲ အရှိန်ပြင်းပြင်းနဲ့ မြေပြင်ကိုဆောင့်မိလို့ အကြီးအကျယ်ဒဏ်ရာရသွားခဲ့ပါတယ်။

ဒီဖြစ်စဉ်ရဲ့နောက် အိဗ်နု ဖိရ်နာ့စ်ဟာ နောက်ထပ် ၁၂ နှစ် နေထိုင်သွားခဲ့ပါတယ်။ သူ့ရဲ့နောက်ဆုံးနှစ်များမှာ သူ့အမှားပေါ်သင်ခန်းစာယူပြီး ဆင်းသက်မှုနှေးကွေးအောင်မထည့်နုင်ခဲ့တဲ့ ယာဉ်ပုံစံရဲ့အဖြေကို ရရှိသွားပါတယ်။ ငှက်များဟာ သူတို့ရဲ့ တောင်ပံနဲ့အမြီးကို အချိုးတကျဟန်ချက်ညီညီအသုံးပြုပြီး အရှိန်ကိုလျှော့ချတယ်၊ မြေပြင်နဲ့မထိမီ ဆင်းသက်နေရာအတွက် ပြင်ဆင်ထားတတ်တယ်။ ဒီအပေါ်မှာ မိမိရဲ့ယာဉ်ပုံစံထဲ အမြီး မတပ်မိကြောင်း အီဗ်နု ဖိရ်နာ့စ် နားလည်သွားခဲ့တယ်။

အဘ္ဘာ့စ် အိဗ်နု ဖိရ်နာ့စ်ဟာ သူ့ဘ၀မှာ နောက်ထပ်တစ်ကြိမ် ပျံသန်းဖို့ မကြိုးစားခဲ့ပါဘူး။ သူလွန်ပြီး ရာစုနှစ်များစွာကြာတဲ့နောက် သက္ကရာဇ် ၁၆၃၀-၁၆၃၂ ခုနှစ်လောက်မှာ အော်တိုမန်တူရကီလူမျိုး အဟ်မဒ် စလဘီ Ahmed Celebi က Bosporus ဖြတ်ပျံဖို့ ကြိုးပမ်းချက်တစ်ရပ် ပြုလုပ်ခဲ့ပါတယ်။ ၁၇၈၃ ခုနှစ်၊ ပဲရစ်မှာ မောင့်ဂိုလ်ဖီယာညီနောင်က လေပူဖြည့်ပူဖောင်းနဲ့ လူလိုက်ပါပျံသန်းတယ်။ ၁၈၅၃ ခုနှစ်ရောက်တဲ့အခါမှာတော့ ပထမဆုံးလူစီးပျံသန်းယာဉ်ကို လေကြောင်းပျံသန်းမှုနည်းပညာပေါ်အခြေခံပြီး တည်ဆောက်နိုင်ခဲ့ပါတယ်။ အင်္ဂလန်က ယော့ခ်ရှိုင်းယားမြို့ထဲ လှည့်ပတ်ပျံသန်းပြခဲ့ပါတယ်။ ဒါက ၈၇၅ ခုနှစ် အဘ္ဘာ့စ် အိဗ်နု ဖိရ်နာ့စ်ရဲ့ ချဉ်းကပ်ကြိုးပမ်းမှုရဲ့နောက် နှစ်ပေါင်း ၁၀၀၀ နီးပါးကြာမှ ပေါ်ထွက်လာခဲ့တာပါ။

အဘ္ဘာ့စ် အိဗ်နု ဖိရ်နာ့စ်ဟာ လူစီးပျံသန်းယာဉ်ကြိုးစားမှုအတွက် ကျော်ကြားလှပါတယ်။ ဒါပေမယ့် သူ့ကို ကျော်စောစေတဲ့ အခြားသော လုပ်ဆောင်ချက်များလည်း ရှိပါသေးတယ်။ သူဟာ လည်ပတ်နေတဲ့ဂြိုလ်တာရာတွေကိုကြည့်ရှုလေ့လာဖို့ စက်ကိရိယာတပ် အာကာသမျှော်စင် တည်ဆောက်ခဲ့သူ နက္ခတ္တဗေဒ(အာကာသလေ့လာရေး)ပညာရှင်လည်းဖြစ်ပါတယ်။ ပြီးတော့ စက်မှုဆိုင်ရာကိရိယာ၊ အချိန်(နာရီ)တိုင်းထွာရေးကိရိယာများစွာကိုလည်း လေ့လာခဲ့တယ်။ သူဟာ ပုံဆောင်ခဲ၊ စိန်ဖြူ၊ သဲများအကြောင်းကို စိတ်ဝင်စားရာက သဲကိုအရည်ဖျော်ပြီး ဖန်သားအဖြစ် အသွင်ပြောင်းတီထွင်နိုင်ခဲ့ပါတယ်။ အန်ဒလူစီယာ ရေသောက်ဖန်ခွက်များဟာ သူ့တီထွင်မှုရဲ့အကျိုးဆက်ပါ။ အဲ့ဒီအပြင် မှန်ဘီလူး၊ မှန်ဘီလူးချဲ့အား၊ ဖန်/မှန်ကထွက်လာတဲ့ အရာမှန်သမျှကိုလည်း သုတေသနပြုစမ်းသပ်ခဲ့ပါသေးတယ်။

အဘ္ဘာ့စ် အိဗ်နု ဖိရ်နာ့စ်ရဲ့ စွမ်းဆောင်ချက်များကို အသိအမှတ်ပြုတဲ့အနေနဲ့ နက္ခတ်တာရာ အာကာသသိပ္ပံအသင်း(IAU/WGPSN)က လပတ်လမ်းတစ်ခုကို ၁၉၇၆ ခုနှစ်မှာ အိဗ်နုဖိရ်နာ့စ် လို့ ဂုဏ်ပြုကင်ပွန်းတပ်ခဲ့ကြပါတယ်။

xxxxxxxxxxxxx

Ref : Forgotten Islamic History
ပြန်ဆိုသူ – မင်းထွဋ်ခေါင်

April 16, 2015
နေ၊ လ ကြတ်မှုကို ပထမဆုံး ရေးဆွဲဖော်ပြခဲ့သူ မူတီဖာရီကာ

ဧပြီ ၄ ၊ ၂၀၁၅
M-Media
လေးမောင် ရှာဖွေတင်ဆက်သည်။

– ကမ္ဘာ့နက္ခတဗေဒပညာရပ်မှာ မွတ်စလင်တွေရဲ့ လက်ဖျားခါလောက်တဲ့ ကူညီမှုတွေကို လူတိုင်းသိကြပါတယ်။ အဲဒီအထဲကမှ အချက်အလက်အပြည့်အစုံပါဝင်တဲ့ နက္ခတဗေဒဆိုင်ရာ ဇယားတစ်ခုကို ပထမဆုံး ရေးသားဖော်ထုတ်ခဲ့တာကတော့ အာရပ် နက္ခတဗေဒပညာရှင်တစ်ဦးဖြစ်တဲ့ အစ်ဗနေ့ အလ်-ရှာတီရ်ဖြစ်ပြီး လွန်ခဲ့တဲ့ နှစ်ပေါင်း ၇၀၀ လောက်က ဖြစ်ပါတယ်။ ဟန်ဂေရီ ခရစ်ယာန် ဘုန်းတော်ကြီးအဖြစ်ကနေ အစ္စလာမ်ကို ပြောင်းလဲသက်ဝင်ခဲ့တဲ့ အီဗရာဟင်(မ်) မူတီဖာရီကာ ဆိုသူကတော့ အော်တိုမန် အင်ပါယာထဲကို ပုံနှိပ်စက် ပထမဆုံး တင်သွင်းလာသူဖြစ်ပြီး နေကြတ်ပုံအသေးစိတ်ကို ပထမဆုံး ရေးဆွဲခဲ့တဲ့သူလည်း ဖြစ်ပါတယ်။

လွန်ခဲ့တဲ့ နှစ်ပေါင်း ၃၀၀ လောက်က အီဗရာဟင် မူတီဖာရီကာဆိုတဲ့ ပုဂ္ဂိုလ်တစ်ဦးဟာ တူရကီနဲ့ အော်တိုမန်ကမ္ဘာကို ပုံနှိပ်စက်တစ်လုံး ယူဆောင်လာခဲ့ပြီး ၀ိဇ္ဖာ၊ သိပ္ပံစာအုပ်တွေကို ရိုက်နှိပ်ထုတ်ဝေဖို့ အော်တိုမန်ခလီဖာရဲ့ ခွင့်ပြုချက်ကို ရခဲ့ပါတယ်။ ၁၇၂၀ ခုနှစ်မှာတော့ သူဟာ အစ္စလာမ်ကမ္ဘာရဲ့ ပထမဆုံး စာပုံနှိပ်တိုက်တစ်ခုကို အစ္စတန်ဘူလ်မြို့မှာ ဖွင့်လှစ်ခဲ့ပါတယ်။

မူတီဖာရီကာဟာ ယခင်က ဟန်ဂေရီ ခရစ်ယာန် ဘုန်းတော်ကြီးတစ်ပါးဖြစ်ပြီး အစ္စလာမ်ကို ပြောင်းလဲသက်ဝင်လာတာပါ။ သူ့ရဲ့နောက်ကြောင်းကို Risaleyi Islamiyye လို့ခေါ်တဲ့ စာအုပ်ထဲမှာ ရေးသားဖော်ပြထားပါတယ်။ သူဟာ အော်တိုမန်အင်ပါယာရဲ့ နည်းပညာနဲ့ အုပ်ချုပ်ရေးပိုင်း ခေတ်နောက်ကျမှုကို အလွန် စိုးရိမ်တဲ့သူလည်း ဖြစ်ပါတယ်။ ဒါ့ကြောင့် Usul alHikam fi Nizam alUmam လို့ခေါ်တဲ့ ကျမ်းတစ်စောင်ကို ရေးသားခဲ့ပြီး ၁၇၃၁ ခုနှစ်မှာ သူကိုယ်တိုင်ပဲ ထုတ်ဝေခဲ့ပါတယ်။

အဲဒီစာအုပ်ထဲမှာ မူတီဖာရီကာဟာ ဥရောပမှာ ပြန့်နှံ့ကျင့်သုံးနေကြတဲ့ အစိုးရစနစ်နဲ့ စစ်တပ်စနစ်တွေကို ဖော်ပြထားပြီး ဥရောပရဲ့ စစ်ရေးနည်းပညာ၊ အုပ်ချုပ်ရေးပုံစံနဲ့ သိပ္ပံဆိုင်ရာ အသိပညာတွေကို မွေးစားအသုံးပြုမှသာ လွတ်လပ်တဲ့ မွတ်စလင်တိုင်းပြည်ကြီးဟာ ဆက်လက်သက်ဆိုးရှည်မယ်လို့ အော်တိုမန် ပြည့်ရှင်ကို တိုက်တွန်းခဲ့ပါတယ်။

ဥရောပလူ့အဖွဲ့အစည်းနဲ့ပတ်သက်လို့ အီဗရာဟင် မူတီဖာရီကာရဲ့ သတိပေးပြောဆိုမှုတွေဟာ အနည်းငယ်သာ ထိရောက်ခဲ့ပါတယ်။ အော်တိုမန်အင်ပါယာကြီးဟာ တစ်ဖက်မှာ အရေးပါတဲ့ အစ္စလာမ့် အမှတ်သညာကို ထိန်းသိမ်းဖို့ကြိုးစားရင်း တစ်ဖက်မှာလည်း စီးပွားရေး ဆန်းသစ်မှုဆိုတဲ့ အငြင်းပွားဖွယ် ကိစ္စရပ်နဲ့ ပတ်သက်လို့လည်း လုပ်ဆောင်ခဲ့ပါတယ်။

ဆူလ်တန် အဟ်မဒ် ၃ ရဲ့အုပ်ချုပ်မှုအောက် ကျူလစ်ခေတ်မှာ မူတီဖာရီကာရဲ့ ကျွမ်းကျင်မှုတွေဟာ တန်းဖိုးမြင့်လာပါတယ်။ သူဟာ စာအုပ်ထုတ်ဝေသူ၊ ဧည့်လမ်းညွှန်၊ သံတမန်၊ နက္ခတဗေဒပညာရှင်၊ သမိုင်းပညာရှင်၊ အစ္စလာမ့်ရေးရာ ပညာရှင်၊ လူမှုဗေဒပညာရှင် စသဖြင့် ဘွဲ့မျိုးစုံနဲ့ ကျော်ကြားလာပါတယ်။ အဲဒီလို ဘွဲ့ထူးဂုဏ်ထူးတွေအပြင် မူတီဖာရီကာဟာ ရွှေ့လျားစနစ် ပုံနှိပ်စက်ကို တည်ဆောက်ခဲ့တဲ့ ပထမဆုံး မွတ်စလင်လည်း ဖြစ်ပါတယ်။ တရုတ်နိုင်ငံမှာ စတင်အသုံးပြုခဲ့တဲ့ ရွှေ့လျားစနစ် ပုံနှိပ်စက်တွေကို ဥရောပမှာ အချိန်အတော်ကြာကတည်းက အသုံးပြုခဲ့ပေမယ့် မူတီဖာရီကာ ဖန်တီးခဲ့တဲ့ အဲဒီပုံနှိပ်စက်ကတော့ ပိုဆန်းသစ်ပြီး မွတ်စလင်ကမ္ဘာရဲ့ တီထွင်ဖန်တီးမှုတစ်ခုလည်း ဖြစ်ပါတယ်။ အဲဒီ ပုံနှပ်စက်ကို အသုံးပြုပြီး မူတီဖာရီကာတစ်ယောက် နေကြတ်၊ လကြတ်မှုကို ပြတဲ့ ပထမဆုံး မြေပုံကို ရေးဆွဲကာ ပုံနှိပ်ထုတ်ဝေခဲ့ပါတယ်။

ဒါတင်မကသေးဘဲ ဂျီအိုဂရပ်ဖီဆိုတဲ့ ကလောင်အမည်ကိုသုံးပြီး တော်လမီရဲ့ ကမ္ဘာဗဟိုပြုတဲ့ ပုံစံအရ အာကာသထဲက ဂြိုဟ်တွေရဲ့ အနေအထားကို ဖော်ပြတဲ့ ပုံတစ်ပုံကို ရေးဆွဲခဲ့ပါသေးတယ်။ တော်လမီရဲ့ အယူအဆကတော့ ကမ္ဘာကြီးဟာ စကြာဝဠာကြီးရဲ့အလယ်မှာ အသေရှိနေပြီး ဗဟိုတူ စက်ဝန်းတွေက ၀န်းရံထားကြတယ် ဆိုတာမျိုးပါ။ အဲဒီဗဟိုတူ စက်ဝန်းတွေထဲမှာ လ၊ မာကျူရီ၊ ဗီးနပ်စ်၊ နေ၊ မားစ်၊ ဂျူပီတာနဲ့ စေတန်ဂြိုဟ်တွေက အစဉ်အတိုင်းရှိနေကြပြီး ရွေ့ရှားမှုမရှိတဲ့ ကြယ်တွေကိုလည်း အဲဒီဂြိုဟ်တွေရဲ့ စက်ဝန်းအတွင်းမှာ တွေ့ရတယ်လို့ ဆိုပါတယ်။ အဲဒီဂြိုဟ်တွေရဲ့ အစွန်မှာတော့ စက်ဝန်းတွေသာရှိပြီး စကြာဝဠာကြီးလို့ မှတ်ယူပါတယ်။ အဲဒီပုံစံကို မူတီဖာရီကာက သူ့ရဲ့ စာအုပ်ထဲမှာ ရေးဆွဲဖော်ပြခဲ့တာပါ။

မူတီဖာရီကာ ပုံနှိပ်ထုတ်ဝေခဲ့တဲ့ စာအုပ်တွေထဲမှာ ကာတစ်ပ် ဂျာလစ်ဘ်ရဲ့ Jihannüma (ကမ္ဘာ့ကြေးမုံ) လို့ခေါ်တဲ့ ကမ္ဘာ့မြေပုံတစ်ခုလည်း ပါဝင်ပါတယ်။ ဒါနဲ့ပတ်သက်လို့ နောက်ထပ်ထုတ်ဝေတဲ့စာအုပ်မှာ မူတီဖာရီကာဟာ ကော်ပါးနီးကပ်စ်ရဲ့ နက္ခတဗေဒဆိုင်ရာ သီအိုရီနဲ့ ပတ်သက်လို့ ငြင်းခုံချက်တွေ၊ အဲဒီသီအိုရီကို ဆန့်ကျင်မှုတွေနဲ့အတူ သူ့ရဲ့ သီအိုရီ ပတ်သက်လို့ အသေးစိတ် ဆွေးနွေးထားပါတယ်။ ဒီအကြောင်းအရာတွေကြောင့် မူတီဖာရီကာကို အော်တိုမန် သိပ္ပံညာရပ်အတွင်းမှာ နေဗဟိုပြု နက္ခတဗေဒ သီအိုရီတွေ မိတ်ဆက်ပေးခဲ့တဲ့ သူတွေထဲက တစ်ဦးအဖြစ် မှတ်ယူကြပါတယ်။ သူဟာ ပထ၀ီပညာရှင်၊ နက္ခတပညာရှင်နဲ့ ဒဿနပညာရှင် တစ်ယောက်လည်း ဖြစ်ပါတယ်။ ဂျာမန်မြေပုံပညာရှင် အန်ဒရီယက်စ် ဆဲလ်လာရီယက် (၁၆၆၅ တွင်ကွယ်လွန်) ရဲ့ Atlas coelestis (ကြယ်မြေပုံ) အစာအုပ်ကို လက်တင်ဘာသာကနေ ပြန်ဆိုခဲ့ပြီး Majmua’tul Haiy’a Kadim walJadid ဆိုတဲ့ အမည်နဲ့ ၁၇၃၃ မှာ ပြန်လည်ထုတ်ဝေခဲ့ပါတယ်။

ref:World Bulletin

April 4, 2015
ပါရှန်း ပညာရှင်ကြီး အလ်-ဘီရူနီ (သို့) အလယ်ခေတ်ရဲ့ စွယ်စုံရ မွတ်စလင် သိပ္ပံ ပညာရှင်များမှ တဦး

ဒီဇင်ဘာ ၆၊ ၂၀၁၄
M-Media
ကိုလေး စုစည်းတင်ဆက်သည်။

– တမန်တော် မုဟမ္မဒ်သခင်ဟာ သူရဲ့နောက်လိုက်တွေကို အသိပညာကို ရှာဖွေဖို့ အမြဲတမ်းတိုက်တွန်းခဲ့ပါတယ်။ ကိုယ်တော့်ရဲ့ အဆိုအမိန့်တစ်ခုမှာ “ပုခက်အတွင်းမှ သင်္ချိုင်းအတွင်းအထိ ပညာရှာဖွေကြ” လို့ ပြောခဲ့တာကိုကြည့်ရင် ကိုယ်တော်ဟာ ပညာရေးကို ဘယ်လောက်ဦးစားပေးလဲဆိုတာ တွေ့နိုင်မှာပါ။

ဒီလိုသင်ကြားမှုက စောစောပိုင်း မွတ်စလင်လူ့အဖွဲ့အစည်းကို ထင်ထင်ရှားရှား အကျိုးသက်ရောက်မှုတွေရှိခဲ့ပါတယ်။ ပြန်ကျဲနေတဲ့အာရပ်လူ့အဖွဲ့အစည်းဟာ စုစည်းမှုရှိလာပြီး နယ်မြေတွေချဲ့ထွင်နိုင်ခဲ့သလို ၀ိဇ္ဇာသိပ္ပံ ပညာရပ်တွေကို စိတ်ဝင်စားမှု စူးစမ်းရှာဖွေမှုတွေ လုပ်ဆောင်ခဲ့ပြီး ထင်ရှားတဲ့ မွတ်စလင် တွေးခေါ်ပညာရှင်တွေ၊ ၀ိဇ္ဇာသိပ္ပံပညာရှင်တွေလည်း အများအပြား ပေါ်ထွက်လာခဲ့ပါတယ်။

အဲဒီပညာရှင်တွေထဲက စွယ်စုံရပညာရှင်ကြီးတစ်ပါးဖြစ်ပြီး အိန္ဒိယနိုင်ငံရဲ့ ထူးခြားတဲ့ ၀ိဇ္ဇာသိပ္ပံပညာရပ်တွေနဲ့ ဆေးပညာရပ်တွေကို ပထမဆုံး ကမ္ဘာသိအောင် ချပြခဲ့တဲ့ ပါရှန်း ပညာရှင်ကြီး အလ်-ဘီရူနီ ရဲ့ အကြောင်းကို ဖော်ပြလိုက်ပါတယ်။

ငယ်ဘ၀
———-
အမည်အရင်း အဘူရီဟန် မိုဟာမက် အစ်ဗနေ့ အလ်-ဘီရူနီကို ထိပ်ထိပ်ကြဲ မွတ်စလင် ပညာရှင်အချို့ မွေးဖွားခဲ့ရာ အလယ်အာရှက ခူရာဆန်ပြည်နယ် ခ၀ါရီဇမ်မြို့နားမှာ သက္ကရာဇ် ၉၇၃ ခုနှစ် စက်တင်ဘာလမှာ မွေးဖွားခဲ့ပါတယ်။ ခူရာဆန်ဟာ အဲဒီအချိန်အခါက ကြီးမားကျယ်ပြန်တဲ့ ပြည်နယ်တစ်ခုပါ။ ၀ိဇ္ဇာသိပ္ပံပညာရပ်တွေ ထွန်းကားတဲ့ အသိုင်းအ၀ိုင်းကမွေးလာတဲ့ ဘီရူနီဟာ စောစောပိုင်း ၂၅ နှစ်ကို ခ၀ါရီဇမ်မှာပဲ ကုန်ဆုံးခဲ့ပြီး အာရဗီနဲ့ ပါရှန်းဘာသာရပ်တွေ၊ အစ္စလာမ့်တရားဥပဒေ၊ ဘာသာသာရေး၊ သဒ္ဒါ၊ သင်္ချာ၊ နက္ခတဗေဒ၊ ဆေးပညာနဲ့ အခြားသိပ္ပံဘာသာရပ်တွေကို လေ့လာခဲ့ပါတယ်။ နောက်ပိုင်းမှာတော့ အစ္စလာမ့်သိပ္ပံ၊ ဂန္တ၀င်စာပေနဲ့ ရိုးရိုးသိပ္ပံ ပညာရပ်တွေကို ဆက်လက် သင်ယူခဲ့ပါတယ်။

ဘီရူနီဟာ သင်္ချာပညာရပ်ကို အဲဒီအချိန်က ထင်ရှားတဲ့ နက္ခတ္တဗေဒနဲ့ သင်္ချာပညာရှင် အဘူနာဆာရန် အလ်-မန်ဆူရ်ရဲ့ ကြီးကြပ်မှုအောက်မှာ နှစ်ပေါင်း များစွာကြာ လေ့လာခဲ့ပါတယ်။ နောက်ပြီး အလ်-မန်ဆူရ်ရဲ့ ဆရာဖြစ်တဲ့ အဘူ ၀ါဖာ အလ်-ဘူဂျာဇ်နီရဲ့ လက်အောက်မှာလည်း ပညာဆည်းပူးခဲ့တယ်လို့ အချို့သမိုင်းပညာရှင်တွေက ဆိုပါတယ်။ ဒီအဆိုကို ပညာရှင်အများစုကတော့ လက်ခံခြင်း မရှိပါဘူး။

ဘူခါရာမြို့သို့တစ်ခေါက်
—————————-
သက္ကရာဇ် ၉၉၅ ခုနှစ်လောက်မှာ ဘီရူနီဟာ ဘူခါရာမြို့ကို သွားရောက်ပညာဆည်းပူးခဲ့ပြီး အလယ်အာရှမှာ ထင်ရှားတဲ့ သင်ကြားရေးစင်တာတွေကိုလည်း ရောက်ခဲ့ပါတယ်။ ၉၉၈ ခုနှစ်မှာတော့ ဘီရူနီဟာ ပါရှန်း မြို့တစ်မြို့ဖြစ်တဲ့ ဂျာဂျန်မြို့မှာ အခြေချခဲ့ပြီး ဘုရင် ရှမ်စ် အလ်-မာအလီ ကွာဘက်စ် အစ်ဗနေ့ ၀က်စ်ဟမ်ဂီရန်ထံမှာ တာဝန်ထမ်းဆောင်ခဲ့ပါတယ်။ ဂျာဂျန်မှာ ဘီရူနီဟာ ၁၀ စုနှစ် တစ်ခုကျော်လောက် နေထိုင်ခဲ့ပြီး အဲဒီ့အချိန်က အဆင့်မြင့် သိပ္ပံပညာရပ်အားလုံးနဲ့ သင်္ချာပညာရပ်တွေကို လေ့လာခဲ့ပါတယ်။

ပထမဆုံးကျမ်း
—————–
အသက် ၂၇ နှစ်အရွယ်မှာတော့ ဘီရူနီဟာ သူရဲ့ ကျော်ကြားတဲ့ Kitab al-Athar al-Baqiyah an al-Quran al-Khaliyab (ရှေးခတ်နိုင်ငံများ၏ သမိုင်းစဉ်မှတ်တမ်း) စာအုပ်ကို ရေးသားပြုစုခဲ့ပါတယ်။ ဒီစာအုပ်မှာ သူဟာ သမိုင်းကြောင်းဆိုင်ရာ အဆင့်ဆင့် ပြောင်းလဲမှုတွေကြောင့် ဖြစ်ပေါ်လာတဲ့ သဘာဝနဲ့ ခေတ်ကာလအကြောင်းတွေကို ဖော်ပြခဲ့ပြီး၊ ရှေးခေတ် ပြည်သူတွေရဲ့ သဘာဝ၊ ကာလနဲ့ သူတို့ရဲ့ ကံကြမ္မာတို့ကိုလည်း အလေးထား ဖော်ပြခဲ့ပါတယ်။

သမိုင်းကြောင်းဆိုင်ရာ တိုးတက်မှုနဲ့ ပထ၀ီဗေဒဆိုင်ရာ ပြောင်းလဲမှုတွေကို စိတ်ဝင်တစား ရှင်းရှင်းလင်းလင်း ခွဲခြမ်းစိတ်ဖြာရာကနေ အဲဒီလိုပြောင်းလဲမှုတွေက ရှေးခေတ်လူသားတွေရဲ့ ဘ၀တွေမှာ ဘယ်လိုသက်ရောက်ခဲ့သလဲဆိုတာကို ဘီရူနီက ထုတ်ဖော်ပြသနိုင်ခဲ့ပါတယ်။ ဒီစာအုပ်မှာပဲ ဘီရူနီဟာ သူ့အရင်က ပညာရှင်တွေရဲ့ အချိန်နဲ့ ဖြစ်တည်မှုအပေါ် ထင်မြင်မှုတွေကိုလည်း ချေပရေးသားခဲ့ပါသေးတယ်။

မွေးရပ်မြေသို့တစ်ခေါက်
————————–
၁၀၁၂ ခုနှစ်မှာ ဘီရူနီဟာ မွေးရပ်မြေ ခ၀ါရီဇမ်ကို ပြန်လည်သွားရောက်ခဲ့ပြီး အဲဒီခေတ်ကာလက ကျော်ကြားတဲ့ ပညာရှင်တစ်ဦးဖြစ်တဲ့ အဘ်ဒူ အလ်-စမဒ် အလ်-အောင်ဝလ်ရဲ့ လက်အောက်မှာ အခြားသော ကဏ္ဍတွေကို ဆက်လက် လေ့လာခဲ့ပါတယ်။
အဲဒီအချိန်လောက်မှာပဲ အလယ်အာရှရဲ့ နိုင်ငံရေးစနစ်ဟာ ရုတ်ချည်း ပြောင်းလဲသွားခဲ့ပြီး ဒေသတော်တော်များများဟာလည်း ဘုရင်သစ် ဆူလ်တန် မဟ်မူးဒ်ရဲ့ လက်အောက်ကို ရောက်ရှိခဲ့ပါတယ်။ ဘီရူနီရဲ့မွေးရပ်မြေ ခ၀ါရီဇမ်ဒေသကို ဆူလ်တန် မဟ်မူးဒ်ရဲ့တပ်တွေက ၁၀၁၇ ခုနှစ်မှာ သိမ်းပိုက်ခဲ့ပြီး ဘီရူနီနဲ့ ဆရာဖြစ်သူ အလ်-အောင်ဝလ်တို့နှစ်ဦးကို သုံ့ပန်းတွေအဖြစ် ဂါဇနာကို ခေါ်ဆောင်သွားခဲ့ပါတယ်။ အဲဒီနောက်မှာတော့ အမြင်မတူမှုနဲ့ စွဲချက်တင်ခံခဲ့ရပြီး ဘီရူနီဟာ သေဒဏ်ပေးခြင်း ခံခဲ့ရပါတယ်။

ဒါပေမယ့် ဘီရူနီရဲ့ အစွမ်းအစကိုသိရှိပြီး သူ့ကိုလေးစားအားကျတဲ့ ဆူလ်တန်ရဲ့ ထိပ်တန်း အကြံပေးတစ်ဦးရဲ့ ကြားဝင်အသနားခံပေးမှုကြောင့် ဘီရူနီဟာ အသက်ဘေးက လွတ်မြောက်ခဲ့ပြီး အကြီးတန်း နက္ခတဗေဒနဲ့ သိပ္ပံဆိုင်ရာ အကြံပေးအဖြစ် ခန့်အပ်ခြင်း ခံခဲ့ရပါတယ်။

အဲဒီနောက်မှာတော့ ဘီရူနီဟာ ဆူလ်တန် မဟ်မူးဒ် ခရီးထွက်ရာနေရာတိုင်းနဲ့ တိုင်းပြည်ချဲ့ထွင်ရာ နေရာတွေကို လိုက်ခဲ့ရပါတော့တယ်။

ဘီရူနီဟာ ကျော်ကြားတဲ့ သိပ္ပံပညာရှင်တစ်ယောက် ဖြစ်ရုံသာမက မတူညီတဲ့ ဘာသာစကားတွေ၊ ယဉ်ကျေးမှုတွေ၊ ရိုးရာဓလေ့ ထုံးတမ်းတွေ ကိုလည်း နှစ်သက် မြတ်နိုးသူ တစ်ယောက်ပါ။ ဒါ့ကြောင့် ဆူလ်တန် မဟ်မူးဒ် အိန္ဒိယကို သိမ်းပိုက်ပြီး နောက်ပိုင်းမှာ ဘီရူနီဟာ အိန္ဒိယရဲ့ ရှေးဟောင်းသမိုင်းဝင် အမွေအနှစ်တွေကို ရှာဖွေဖော်ထုတ် ထိန်းသိမ်းဖို့ ကြိုစားခဲ့ပါတော့တယ်။

အိန္ဒိယဗေဒရဲ့ ဖခင်
————————–
ဘီရူနီဟာ အိန္ဒိယမှာ သက္ကရာဇ် ၁၀၂၁ ခုနှစ်နေ ၁၀၃၁ ခုနှစ်အထိ ဆယ်စုနှစ်တစ်ခုကြာ နေထိုင်ခဲ့ပြီး အဲဒီအချိန်အတောအတွင်းမှာ သူရဲ့ အားလပ်ချိန်တွေအားလုံးနဲ့ စွမ်းရည်တွေကို အိန္ဒိယရဲ့ ရှေးဟောင်း ယဉ်ကျေးမှုအမွေအနှစ်တွေကို ဖော်ထုတ်ဖို့ ကြိုးပမ်းခဲ့ပါတယ်။ အဲဒီအချိန်က အိန္ဒိယမှာအသုံးပြုတဲ့ သက္ကတ ဘာသာစကားကို ဘီရူနီဟာ ထဲထဲဝင်ဝင် လေ့လာခဲ့ပြီး အဲဒီလေ့လာမှုကပဲ အိန္ဒိယရဲ့ တန်းဖိုးမဖြတ်နိုင်တဲ့ ယဉ်ကျေးမှုအမွေအနှစ်တွေကို ဖော်ထုတ်ဖို့ အထောက်အကူဖြစ်ခဲ့ပါတယ်။

ဘီရူနီဟာ အိန္ဒိယကို ပထမဆုံးရောက်ရှိခဲ့တဲ့ မွတ်စလင်ပညာရှင်တစ်ဦးဖြစ်ပြီး သူရဲ့ ပတ်ဝန်းကျင်မှာရှိတဲ့ လက်လှမ်းမီရာ အသိပညာတွေကို အကုန်လုံး လေ့လာခဲ့ပါတယ်။ အိန္ဒိယမှာရှိတဲ့ ရှေးဟောင်းဘာသာစကားတွေ၊ ယဉ်ကျေးမှု၊ သမိုင်း၊ ဘာသာတရား၊ ပထ၀ီရေးရာ၊ အနုပညာနဲ့ ဒဿနိကဗေဒဆိုင်ရာ ကဏ္ဍစုံကို ဘီရူနီက လေ့လာရှာဖွေ ဖော်ထုတ်ခဲ့ပါတယ်။ နောက်ပိုင်းမှာ သူရဲ့ လေ့လာတွေ့ရှိချက်တွေ အားလုံးကို ဖော်ပြထားတဲ့ ကီသဗ် တာရစ်က် အလ်-ဟင်ဒ်(အိန္ဒိယသမိုင်း) ကို ဘီရူနီက ရေးသားပြုစုခဲ့ပါတယ်။ ဒီစာအုပ်ဟာ သူ့ရဲ့ ကျော်ကြားဆုံး စာအုပ်တွေထဲက တစ်အုပ်လည်း ဖြစ်ပါတယ်။

ဒီစာအုပ်ထဲမှာ ဘီရူနီဟာ သူတွေ့ရှိခဲ့တဲ့ အိန္ဒိယက ဘာသာတရား၊ သမိုင်း၊ ပထ၀ီအနေအထား၊ ဘူမိဗေဒ၊ သိပ္ပံနဲ့ သင်္ချာပညာရပ်တွေကို ဖော်ထုတ်တင်ပြထားပါတယ်။
ဒီစာအုပ်ဟာ ရှေးဟောင်းအိန္ဒိယနဲ့ ပတ်သက်တဲ့ စာအုပ်သမိုင်းမှာ ယနေ့အချိန်အထိ ပြိုင်ဘက်ကင်းတဲ့ စာအုပ်တစ်အုပ်ဖြစ်ပြီး၊ လူ့ယဉ်ကျေးမှုကို လေ့လာတဲ့နေရာမှာ ရှေ့ဆောင်ကျမ်းတစ်ဆူလို့လည်း ပညာရှင်တွေက သတ်မှတ်ကြပါတယ်။

ဘီရူနီဟာ အိန္ဒိယမှာရှိတဲ့ ရာသီဥတုအခြေအနေတွေ၊ လူတွေရဲ့ မွေးဖွားသေဆုံးမှု အခြေအနေတွေကို လေ့လာကောက်ယူခဲ့ပြီး အိန္ဒိယမှာရှိတဲ့ အဓိက မြို့ကြီးတွေ၊ မြို့ငယ်တွေ၊ မြစ်ချောင်းအင်းအိုင်တွေရဲ့ အကျယ်အ၀န်း အလျားအနံကို၊ တိုင်းတာခဲ့ပါတယ်။ ခေတ်မီပစ္စည်းကိရိယာတွေမရှိဘဲ လွန်ခဲ့တဲ့နှစ်ပေါင်း ၁၀၀၀ ကျော်က တိုင်းတာခဲ့မှုဟာ ဒီနေ့ခေတ် တိုင်းတာမှုတွေနဲ့ အံသြလောက်အောင် နီးစပ်နေပါတယ်။

နိုင်ငံခြားသားတွေကို မယုံကြည်ကြတဲ့ အိန္ဒိယတိုက်ငယ်ရဲ့ ဓလေ့ကြောင့် ဘီရူနီကို အစပိုင်းမှာ အနည်းငယ် သံသယ၀င်ခဲ့ကြပေမယ့် နောက်ပိုင်းမှာ ဟိန္ဒိူပညာရှင်တွေက ကြိုဆိုခဲ့ကြပါတယ်။ ဘီရူနီဟာ ဟိန္ဒိူပညာရှင်တွေဆီက စာအုပ်တွေကိုစုဆောင်းကာ လေ့လာခဲ့ပြီး နောက်ပိုင်းမှာတော့ ၁၁ ရာစု အိန္ဒိရဲ့ သိပ္ပံ၊ သင်္ချာ၊ ဆေးပညာ၊ နက္ခတဗေဒပညာနဲ့ အခြားသော ပညာရပ်တွေကို အာရဗီဘာသာသို့ ပြန်ဆိုခဲ့ပါတယ်။

အိန္ဒိယနဲ့ ပတ်သက်ပြီး ပြောင်မြောက်တဲ့ စွမ်းဆောင်ချက်တွေကြောင့် ဘီရူနီကို အိန္ဒိယဗေဒဘာသာရပ်ကို တည်ထောင်သူလုိ့ သတ်မှတ်ကြပါတယ်။

တာဂျစ်ကစ္စတန်နိုင်ငံ အမျိုးသား စာကြည့်တိုက်တွင်ရုပ်တု ထုပြီး ဂုဏ်ပြုထားပုံ

အရေးသွက်သူ ဘီရူနီ
————————
ဗဟုသုတ နှံ့စပ်သူတစ်ဦးဖြစ်တဲ့ ဘီရူနီဟာ နက္ခတဗေဒ၊ သိပ္ပံ၊ သင်္ချာနဲ့ဆိုင်တဲ့ ကျမ်းပေါင်းများစွာနဲ့ စာအုပ်ပေါင်းများစွာကိုလည်း ရေးသားခဲ့ပါတယ်။ အချို့သော စာအုပ်တွေဟာ အခုအချိန်မှာ မရှိတော့တာကြောင့် ဘီရူနီရေးခဲ့တဲ့ စာအုပ်အရေအတွက်ကို အတိအကျ မပြောနိုင်ပေမယ့် အချို့သမိုင်းပညာရှင်တွေကတော့ ဘီရူနီဟာ သိပ္ပံဆိုင်ရာ ကျမ်းပေါင်း ၁၈၀ လောက်ကို ရေးသားခဲ့တယ်လို့ဆိုပြီး၊ အချို့ကတော့ ၂၀၀ လောက်ရှိတယ်လို့ ဆိုကြပါတယ်။

အဓိကအားဖြင့် နက္ခတဗေဒအကြောင်းကို ရေးသားခဲ့တာဖြစ်ပြီး ကမ္ဘာကြီး လည်ပတ်နေမှုအကြောင်းကိုလည်း ဘီရူနီက ခန့်မှန်းရှင်းလင်းခဲ့ပါတယ်။ နေကြတ်တာနဲ့ ပတ်သက်ပြီးတော့လည်း ဘီရူနီက လေ့လာမှုတွေပြုလုပ်ခဲ့ပြီး သူရဲ့မှတ်တမ်းတွေက ရူပဘူမိဗေဒနဲ့ နက္ခတ္တဗေဒတို့မှာ ယနေ့အချိန်အထိ အသုံးဝင်နေဆဲပါ။

An illustration from al-Biruni’s astronomical works, explains the different phases of the moon.

ရူပဗေဒ
———
ရူပဗေဒ နယ်ပယ်မှာတော့ ဘီရူနီဟာ မက်ကဲနစ်နဲ့ ပတ်သက်တဲ့ သိပ္ပံဆိုင်ရာ စမ်းသပ်လေ့လာမှုကို မိတ်ဆက်ပေးခဲ့ပြီး၊ တည်ငြိမ်မှုနဲ့ ရွေ့လျားမှုနိယာမကိုလည်း မက်ကဲနစ်ပညာရပ်ထဲကို ထည့်သွင်းပေးခဲ့ပါတယ်။ နောက်ပြီး တည်ငြိမ်ရေအားကို ရွေ့လျားမှုနဲ့ ပေါင်းစပ်ပေးခဲ့ပြီး ရေအားနဲ့ဆိုင်တဲ့ ရွေ့လျားမှုနိယာမတစ်ခုကိုလည်းဖန်တီးပေးခဲ့ပါတယ်။

ပထ၀ီ
——
ကမ္ဘာကြီးရဲ့ အချင်းကိုတိုင်းတာဖို့ ဘီရူနီဟာ တောင်တွေရဲ့ အမြင့်ကို တိုင်းတာခြင်း၊ လူများနေထိုင်မှု၊ ဖွားနှုန်းသေနှုန်းတို့ကိုတွက်ချက်ခြင်း စတဲ့ ကိုယ်ပိုင်နည်းလမ်းတစ်ခုကို တီထွင်ခဲ့ပါတယ်။

တွင်းထွက်သတ္ထုဗေဒ
———————-
သူကိုယ်တိုင်ဖန်တီးခဲ့တဲ့ ကိရိယာနဲ့ ဘီရူနီဟာ သတ္ထုအချို့နဲ့ တွင်းထွက်ကျောက်တွေရဲ့ အလေးချိန် သိပ်သည်းဆတွေကို အံသြဖွယ်ကောင်းလောက်အောင် တိကျစွာ တိုင်းတာနိုင်ခဲ့ပါတယ်။

ဘာသာတရားများ၏ သမိုင်း
——————————–
ဘီရူနီဟာ ဘာသာရေးသမိုင်းမှာ အရေးပါတဲ့ ပုဂ္ဂိုလ်တွေထဲက တစ်ဦးဖြစ်ပါတယ်။ ဘာသာရေးဆိုင်ရာ နှိုင်းယှဉ်လေ့လာမှုကို ဘီရူနီက စွန့်ဦးလုပ်ဆောင်ခဲ့တာပါ။ ဇိုရိုအက်စတာ၊ ဂျူး၊ ဟိန္ဒူ၊ ခရစ်ယာန်၊ ဗုဒ္ဓဘာသာ၊ အစ္စလာမ်နဲ့ အခြားသော ဘာသာတရားတွေကို ဘီရူနီက ဓမ္မဓိဌာန်ကျကျ လေ့လာခဲ့ပါတယ်။ အဲဒီဘာသာတရားတွေကို မှားနေတယ်လို့ သက်သေပြတာမျိုးမဟုတ်ဘဲ သူတို့ရဲ့ ကိုယ်ပိုင်ပုံစံကိုသာ သဘောပေါက်အောင် လေ့လာခဲ့တာပါ။

စာအုပ်များ
———–
ဘီရူနီရဲ့ ကျော်ကြားတဲ့ စာအုပ်တွေကတော့ အလ်-ကွာနန် အလ်-မတ်စ်အူဒီ (မတ်စ်အုဒ်နိယာမကျမ်း)၊ ကီသဗ် တာရစ်က် အလ်-ဟင်ဒ် (အိန္ဒိယသမိုင်းကျမ်း)၊ ကီသဗ် အလ်-ရှာမီလ် (အထွေထွေဗဟုသုတကျမ်း)၊ ကီသဗ် အလ်-သဖ်ဟင် (ပေါက်မြောက်မှုကျမ်း)၊ ကီသဗ် သဟ်ဒီဒ် နီဟာယသ် အလ်-အမာကင် (ကိုသြဒိနိတ်မျဉ်းများနှင့် မြို့များ၏ နယ်နမိတ် သတ်မှတ်ရေးကျမ်း)၊ ကီသဗ် အလ်-အသ်ဟာရ် အလ်-ဘာကွီယာ (ရှေးဟောင်းနိုင်ငံများ သမိုင်းကျမ်း) တွေဖြစ်ပါတယ်။

ဒီစာအုပ်တွေအားလုံးမှာ ဘာသာရပ်တစ်ခုချင်းစီအတွက် စနစ်ကျပြီး ကျယ်ပြန့်တဲ့ ဆန်းစစ်လေ့လာမှုတွေကနေ ရရှိခဲ့တဲ့ ရလဒ်တွေကို ဘီရူနီက ရှင်းရှင်းလင်းလင်း ဖော်ပြခဲ့ပါတယ်။ သူရဲ့ ထက်မြက်တဲ့ဥာဏ်၊ ရင့်သန်တဲ့တွေးခေါ်မှု၊ ထူးခြားတဲ့ ဘာသာစကားဆိုင်ရာကျွမ်းကျင်မှု စတာတွေက မတူညီတဲ့ ရင်းမြစ်တွေကနေ မတူညီတဲ့ အသိပညာတွေကို ရရှိစေခဲ့ပြီး သူ့ခေတ်သူ့အခါက သိပ္ပံပညာရပ်အားလုံးနဲ့ သက်ဆိုင်တဲ့ စာအုပ်စာတမ်းတွေကို ပြုစုရေးသားနိုင်ခဲ့ပါတယ်။

ဒါ့ကြောင့် ဘီရူနီကို ပညာရပ်တစ်ခုတည်း လေ့လာသူ၊ ပို့ချသူအဖြစ် သတ်မှတ်လို့မရပါဘူး။ တိုတောင်းလှတဲ့ သူရဲ့ဘ၀သက်တမ်းတစ်လျှောက်မှာ အသိပညာရပ်တွေအများကြီးကို ရှာဖွေဆည်းပူးနိုင်ခဲ့တာကိုက သူ့ရဲ့ ထူးခြားပြောက်မြောက်တဲ့ စွမ်းရည်တစ်ခုဖြစ်ပြီး အခုအချိန်အထိ သူ့လို ဘယ်သူမှ မအောင်မြင်သေးပါဘူး။

နောက်ပြီး ဘီရူနီရဲ့ ထူးခြားတဲ့စွမ်းရည်တစ်ခုကတော့ ဘာသာစကားတော်တော်များများကို တစ်ဖက်ကမ်းခတ် တက်မြောက်တာပါပဲ။ ပါရှန်း၊ အာရဗီနဲ့ သက္ကတဘာသာစကားတွေကို ဘီရူနီဟာ ရေလည်အောင် ပြောနိုင်သလို၊ ကျွမ်းကျင်စွာလည်း ရေးတတ်၊ ဖတ်တတ်ပါတယ်။ သူ့ခေတ်သူ့အခါမှာတော့ ဘီရူနီဟာ ဘာသာစကားဆိုင်ရာ ဘုရင်တစ်ဆူပါပဲ။

လက်တွေ့ကျတဲ့ မွတ်စလင်
——————————
ဘီရူနီဟာ အစ္စလာမ့်ရဲ့ ယုံကြည်ချက်တွေ၊ သွန်သင်ချက်တွေကို လက်တွေ့ကျကျ လိုက်နာကျင့်သုံးသူတစ်ဦးပါ။ အဲဒီခေတ်အခါက ဖြစ်ပွားနေခဲ့တဲ့ စွန်နီ၊ ရှီယာ အားပြိုင်မှုတွေမှာလည်း ဘီရူနီဟာ မပါဝင်ခဲ့ဘဲ၊ သူရဲ့ အသိပညာရှာဖွေဖော်ထုတ်မှုကိုသာ တစ်စိုက်မတ်မတ် ဇောက်ချလုပ်ကိုင်ခဲ့သူ ဖြစ်ပါတယ်။

အစ္စလာမ့်ရှရီအသ်ဥပဒေကို ဘီရူနီဟာ ကျနစွာ နားလည် သဘောပေါက်ပေမယ့် သီအိုရီပိုင်းဆိုင်ရာ အကျိုးမရှိတဲ့ ငြင်းခုံမှုတွေမှာလည်း ပါဝင်ခြင်းမရှိခဲ့ဘဲ ခပ်ကင်းကင်းသာ နေခဲ့ပါတယ်။ သမိုင်းပညာရှင်တွေကတော့ ဘီရူနီဟာ စွန်နီတစ်ယောက်ဖြစ်တယ်လို့ ဖော်ပြကြပါတယ်။

ဘ၀နိဂုံး
———-
အိန္ဒိယမှာ ဆယ်စုနှစ်တစ်ခုအထိ ကျင်လည်ပြီးတဲ့နောက်ပိုင်း အသက် ၅၈ နှစ်အရွယ် ၁၀၃၁ ခုနှစ်မှာတော့ ဘီရူနီဟာ ဂါဇနာကို ပြန်ခဲ့ပါတယ်။ ဆူလ်တန် မဟ်မူဒ်ရဲ့ အရိုက်အရာကို ဆက်ခံသူ ဘုရင် ဆူလ်တန် မတ်စ်အူးဒ်က ဘီရူနီကို နွေးနွေးထွေးထွေးနဲ့ ကြိုဆိုခဲ့ပါတယ်။

ဒီဘုရင်လက်အောက်မှာ ဘီရူနီဟာ သိပ္ပံဆိုင်ရာ စာအုပ်တွေနဲ့ ကျမ်းတော်တော် များများကို ပြုစုခဲ့ပါတယ်။ နက္ခတဗေဒဆိုင်ရာ ကျမ်းတစ်ဆူဖြစ်တဲ့ အလ်-ကွမ်နန် အလ်-မတ်စ်အူဒီကို ဆူလ်တန်မတ်စ်အူးဒ်က အကြိုက်တွေ့ခဲ့တာကြောင့် ဘီရူနီဆီကို ငွေဒင်္ဂါး ဆင်တစ်စီးတိုက် ပို့ပေးခဲ့ပေမယ့် ဘီရူနီကတော့ အသိပညာ ရှာဖွေဖော်ထုတ်မှုကို နှစ်သက်မှုတစ်ခုအတွက် လုပ်ခဲ့တာဖြစ်ပြီး ပစ္စည်းဥစ္စာအကျိုးအမြတ်အတွက် မဟုတ်ဘူးလို့ ယဉ်ယဉ်ကျေးကျေးနဲ့ပဲ ငြင်းဆန်ခဲ့ပါတယ်။

ဂါဇနာမှာ နှစ် ၂၀ လောက်နေထိုင်ခဲ့ပြီးတဲ့နောက် အသက် ၇၈ နှစ်အရွယ်မှာ စွယ်စုံရ သိပ္ပံပညာရှင်ကြီး ဘီရူနီဟာ ကွယ်လွန်အနိစ္စရောက်ခဲ့ပါတယ်။

အလ်ဘီရူနီဟာ အလယ်ခေတ် အစ္စလာမ့်သမိုင်းမှာ အကျော်ကြားဆုံး ပညာရှင်တွေထဲက တစ်ဦးအဖြစ် သတ်မှတ်ခြင်းခံခဲ့ရပြီး ရူပဗေဒ၊ သင်္ချာ၊ နက္ခတဗေဒနဲ့ သမိုင်းပညာရပ်တို့ကို တစ်ဖက်ကမ်းခတ် ကျွမ်းကျင်တတ်မြောက်သူလည်းဖြစ်ပါတယ်။ ပြီးတော့ ဘီရူနီဟာ ဘာသာ စကားဆိုင်ရာမှာလည်း ပါရမီရှိသူတစ်ဦးပါတယ်။ ခ၀ါရက်ဇ်မီယမ် ဘာသာစကား၊ ပါရှန်း၊ အာရဗီ၊ သက္ကတ ဘာသာစကားတို့ကို ကျွမ်းကျင်ပိုင်နိုင်စွာ ရေးသားပြောဆိုနိုင်ပြီး ဟီဘရူး၊ ဂရိနဲ့ ဆီရီအက် ဘာသာစကားကိုလည်း တတ်ကျွမ်းပါသေးတယ်။

အလ်ကင်ဒီ၊ အလ်-ရာဇီ၊ အလ်-ဖာရာဘီ၊ အစ်ဗနေ့ဆီနာ၊ အလ်-ဂါဇာလီနဲ့ မတူတဲ့ အချက်ကတော့ ဘီရူနီရဲ့ သိပ္ပံဆိုင်ရာ လေ့လာတွေ့ရှိချက်တွေကို မကြာခင်အချိန်ကအထိ ဥရောပဘာသာသို့ ပြန်ဆိုနိုင်ခဲ့ခြင်း မရှိခဲ့တာပါပဲ။ ဒါ့ကြောင့် သူရဲ့ အတွေးအခေါ် ယူဆချက်တွေဟာ အလယ်ဥရောပကို လွှမ်းမိုးခဲ့ခြင်း မရှိပေမယ့် အရှေ့ပိုင်းတစ်ခွင်မှာတော့ ဘီရူနီဟာ လွှမ်းမိုးမှုရှိတဲ့ မွတ်စလင် စွယ်စုံရ ပညာရှင်ကြီးတွေထဲက တစ်ဦးပဲ ဖြစ်ပါတော့တယ်။

ကိုးကား – Wiki၊ The Muslim 100 by Muhammad Mojlum Khan

December 7, 2014
ဘာသာတရားများကို ဘာသာဝင်များ အလွဲသုံးစားလုပ်မှု အတွေးအခေါ် ပညာရှင် ဖသုလ္လာဟ်ဂူလန် ပြော

အောက်တိုဘာ ၂၉ ၊ ၂၀၁၄
M-Media

ဘာသာတရားများမှာ ဘာသာဝင်များ အလွဲသုံးစားလုပ်ခံနေရကြောင်း ကမ္ဘာကျော် အစ္စလာမ့် အတွေးအခေါ် ပညာရှင် ဖသုလ္လာဟ်ဂူလန် ပြော

– ကမ္ဘာ့ဘာသာကြီးများ၏ ကျမ်းစာများမှာ ဘာသာဝင်များ၏ အလွဲသုံးစားလုပ်မှုကို ခံနေရပြီး ကမ္ဘာလုံးဆိုင်ရာ ငြိမ်းချမ်းရေးအတွက် အီဗရာဟီမိုက် ဘာသာတရား များဖြစ်သော ဂျူး၊ ခရစ်ယာန်၊ အစ္စလာမ်တို့ ပူးပေါင်းဆောင်ရွက်ရမည်ဟု နာမည်ကျော် အစ္စလာမ့် ပညာရှင်နှင့် စာရေးဆရာဖြစ်သူ ဖသုလ္လာဟ်ဂူလန် က ဟု ဂျီနီဗာငြိမ်းချမ်းရေး ညီလာခံသို့ ပေးပို့သော သ၀ဏ်လွှာတွင် ရေးသားဖော်ပြခဲ့သည်။

ကမ္ဘာတစ်ဝှမ်းမှ ထင်ရှားသည့် ပုဂ္ဂိုလ်များ၊ ငြိမ်းချမ်းရေးနှင့် အတူယှဉ်တွဲနေထိုင်ရေးကို အားစိုက်လုပ်ဆောင်နေသော အသင်းအဖွဲ့များတက်ရောက်ခဲ့ပြီး Mobilizing Civil Society for Buulding Peace ခေါင်းစဉ်ဖြင့် အောက်တိုဘာ ၂၄ ရက်နေ့က ဂျီနီဗာ၌ ပြုလုပ်ခဲ့သော ငြိမ်းချမ်းရေးညီလာခံသို့ တက်ရောက်ရန် ညီလာခံ ကျင်းပရေးကော်မတီက ဂူလန်အား ဖိတ်ကြားခဲ့သည်။

ဂူလန်ကမူ မိမိနိုင်ငံအရေး၊ အရှေ့အလယ်ပိုင်းအရေး ရတက်မအေးဖြစ်နေရသည့် မိမိအား ယခုကဲ့သို့ ဖိတ်ကြားခဲ့ခြင်းမှာ အကောင်းဆုံးလက်ဆောင်တစ်ခုဖြစ်ပြီး မတက်ရောက်နိုင်သည့် အတွက် ၀မ်းနည်းရပါကြောင်း အဆိုပါ သ၀ဏ်လွှာ၏ နိဒါန်းတွင် ရေးသားခဲ့သည်။

ထို့နောက် ဂူလန်က ငြိမ်းချမ်းရေး တည်ဆောက်ခြင်းဆိုမှာ ငြိမ်းချမ်းရေးကို မြတ်နိုးသောသူများဖြစ်လာအောင် ကြိုးပမ်းခြင်းဖြစ်သည်ဟု အဓိပ္ပါယ်ဖွင့်ဆိုခဲ့သည်။

ပဋိပက္ခများနှင့်ပတ်သက်၍ ဂူလန်က လူများမှာ အာဏာရလိုမှု၊ နယ်မြေပိုင်ဆိုင်လိုမှု စသည့် အတ္တများစွဲကပ်၍ သမိုင်းတစ်လျှောက် အချင်းချင်းတိုက်ခိုက် သတ်ဖြတ်ခဲ့ကြသောကြောင့် သေဆုံးရသူများမှာ သဘာဝဘေး အန္တရာယ်များကြောင့် သေဆုံးခဲ့ရသူထက်ပင် ပိုမိုများပြားကြောင်း၊ အစိုးရများအနေဖြင့် ပညာရေးပေါ်လစီများအား ၎င်းတို့၏ ကိုယ်ပိုင် အကျိုးစီးပွားအတွက်သာ ဆောင်ရွက်နေကြပြီး၊ ထိုကဲ့သို့ တစ်ကိုယ်ကောင်းဆန်ခြင်းမှာ ငြိမ်းချမ်းရေးကို မြတ်နိုးသောသူများ ပေါ်ပေါက်လာမည် မဟုတ်ကြောင်း ၎င်း၏ အမြင်ကို ရေးသားခဲ့သည်။

ထို့ပြင် ဘာသာတရားများ၏ ရည်ရွယ်ချက်မှာ ငြိမ်းချမ်းရေးကိုချစ်မြတ်နိုးသောသူများ ဖြစ်လာစေရန် ဖြစ်သော်လည်း၊ ထိုဘာသာတရားများအား အခြေခံဝါဒီများက အလွဲသုံးစားလုပ်နေကြပြီး ၎င်းတို့၏ နိုင်ငံရေး ရယူလိုမှုအတွက် အကာအကွယ်ယူထားကာ ပဋိပက္ခများဖြစ်စေရန် အကူပစ္စည်းအဖြစ် အသုံးချနေကြောင်း၊ ထိုကဲ့သို့ ဘာသာရေး ကျမ်းစာများကို စစ်ပွဲများ၊ ပဋိပက္ခများအတွက် အသုံးပြုနေမှုမှာ အလွန်အင်မတန် ရွံ့ရှာ စက်ဆုပ်ဖွယ်ကောင်းကြောင်း ဂူလန်က ရှုတ်ချပြောဆိုခဲ့သည်။

ဂျီနီဗာတွင်ပြုလုပ်ခဲ့သည့် အဆိုပါညီလာခံတွင် ငြိမ်းချမ်းစွာအတူယှဉ်တွဲနေထိုင်ရေး၊ မတူကွဲပြားမှုများအား လက်ခံနိုင်ရေး၊ ပဋိပက္ခများချုပ်ငြိမ်းရေး၊ ကမ္ဘာ့ငြိမ်းချမ်းရေးလုပ်ငန်းစဉ် ဖော်ဆောင်ရေး စသည့် ကဏ္ဍများစွာကို ဆွေးနွေးခဲ့ကြသည်။

ဂိုလန်ကမူ ကမ္ဘာကြီးငြိမ်းချမ်းရေး အတွက် အီဗရာဟီမိုက် ဘာသာတရားများဖြစ်သည့် ဂျူး၊ ခရစ်ယာန်နှင့် အစ္စလာမ် ဘာသာဝင်များက ပူးပေါင်းကာ ဆောင်ရွက်သွား ရမည်ဖြစ်ကြောင်း နိဂုံးချုပ်အနေဖြင့် ရေးသားခဲ့ပြီး ငြိမ်းချမ်းရေး ညီလာခံတွင် ပါဝင်ကြသူများနှင့် ငြိမ်းချမ်းရေးလုပ်ငန်းစဉ်များကို ဆောင်ရွက်နေကြသူအားလုံးကိုလည်း ဂူလန်က ချီးကျူးပြောဆိုခဲ့သည်။

၁၉၄၁ ခုနှစ်တွင် မွေးဖွားခဲ့သည့် ဂူလန်မှာ တူရကီနိုင်ငံသား တစ်ဦးဖြစ်ပြီး အစ္စလာမ်ကမ္ဘာတွင် ကျော်ကြားသည့် ဓမ္မပညာရှင် တစ်ဦးလည်း ဖြစ်သည်။ ဂူလန်မှာ စာအုပ်များစွာကို ရေးသားခဲ့သူဖြစ်ပြီး ငြိမ်းချမ်းစွာအတူယှဉ်တွဲနေထိုင်ရေး၊ ကမ္ဘာ့ငြိမ်းချမ်းရေး လုပ်ငန်းများတွင် ဦးဆောင်ပါဝင်ဆောင်ရွက်နေသူလည်း ဖြစ်သည်။

ref_ http://fgulen.com

October 29, 2014