News @ M-Media

Tag: Myanmar Muslim

  • မွတ်စလင်များခရီးသွားလျှင် သက်ဆိုင်ရာကို သတင်းပို့ရမည်ဆိုသည့် ညွှန်ကြားချက် အုပ်ချုပ်ရေးပိုင်းအမှားဟု ကရင်ပြည်နယ်ဝန်ကြီးချုပ်ပြော

    မွတ်စလင်များခရီးသွားလျှင် သက်ဆိုင်ရာကို သတင်းပို့ရမည်ဆိုသည့် ညွှန်ကြားချက် အုပ်ချုပ်ရေးပိုင်းအမှားဟု ကရင်ပြည်နယ်ဝန်ကြီးချုပ်ပြော

    အောက်တိုဘာ ၆၊ ၂၀၁၇
    M-Media

    ကရင်ပြည်နယ်ဝန်ကြီးချုပ် ဒေါ်နန်းခင်ထွေးမြင့်

    – ပြည်နယ်အတွင်းက မွတ်စလင်တွေအားလုံး မိမိတို့နေထိုင်ရာဒေသကနေ ခရီးသွားမယ်ဆိုရင် သက်ဆိုင်ရာအာဏာပိုင်တွေကို အသိပေး ထောက်ခံစာယူကာ ခွင့်ပြုချက်ရမှ သွားရမယ်ဆိုတဲ့ အမိန့်မျိုး ထုတ်ပြန်ထားခြင်းမရှိဘူးလို့ ကရင်ပြည်နယ်ဝန်ကြီးချုပ် ဒေါ်နန်းခင်ထွေးမြင့်က ပြောကြားလိုက်ပါတယ်။

    မွတ်စလင်တွေအနေနဲ့ ခရီးသွားမယ်ဆိုရင် သက်ဆိုင်ရာကို အသိပေး ခွင့်ပြုချက်ယူရမယ်ဆိုတဲ့ ညွှန်ကြားစာတစ်စောင်ကို စက်တင်ဘာ ၁၈ ရက်နေ့မှာ ကရင်ပြည်နယ်ဝန်ကြီးချုပ်ကိုယ်စား ပြည်နယ်အစိုးရအဖွဲ့က ဒုတိယညွှန်ကြားရေးမှူး ဦးမျိုးချစ်က ဒေသတွင်း တာဝန်ရှိသူတွေ၊ ရပ်ကွက်အုပ်ချုပ်ရေးမှူးတွေကို ဖြန့်ဝေပေးခဲ့ပြီး အကြမ်းဖက်တိုက်ခိုက်မှုတွေ မဖြစ်စေရေးအတွက် ပြည်နယ်အစိုးရရဲ့ လုံခြုံရေးဆိုင်ရာ ဆောင်ရွက်မှု တစ်စိတ်တစ်ပိုင်းဖြစ်တယ်လို့ ဆိုပါတယ်။

    ၀န်ကြီးချုပ်ကတော့ အောက်ခြေအထိလိုက်ကာ ဒီကိစ္စကို ဖြေရှင်းပေးမယ်လို့ ကတိပြုခဲ့ပြီး၊ တရားဝင်အထောက်အထားရှိတဲ့ မွတ်စလင်တွေအနေနဲ့ အုပ်ချုပ်ရေးတာဝန်ရှိသူတွေဆီ အသိပေးစရာမလိုဘူးလို့ သတင်းစာရှင်းလင်းပွဲတစ်ခုလုပ်ကာ ပြောကြားခဲ့ပါတယ်။

    “အုပ်ချုပ်ရးဌာနက အမှားတစ်ခုကြောင့် ဒီစာကိစ္စ ဖြစ်သွားတာပါ။ တရားဝင်အထောက်အထား ရှိနေတာတောင် မွတ်စလင်တွေဟာ ခရီးသွားရင် အာဏာပိုင်တွေကို အသိပေးရမယ်ဆိုတဲ့ ကြေငြာချက်မျိုး ကျွန်မ မထုတ်ပါဘူး။ အဲဒီကိစ္စအတွက် အရေးယူသွားမှာပါ” လို့ ၀န်ကြီးချုပ်က မြန်မာတိုင်းမ်စ်သတင်းစာကို ဗုဒ္ဓဟူးနေ့မှာ ဖုန်းနဲ့ ပြောကြားခဲ့ပါတယ်။

    ဒီအမိန့်ဟာ ကရင်ပြည်နယ်က မွတ်စလင်တွေရဲ့ လွတ်လပ်ခွင့်ကို ထိပါးတာဖြစ်ပြီး ပြည်နယ်အုပ်ချုပ်ရေးဌာနက အမှားတစ်ခုကြောင့် ဖြစ်သွားတာဖြစ်တယ်လို့ ဆိုပါတယ်။

    ဒီညွှန်ကြားချက်ကို ပြည်နယ်ဝန်ကြီးချုပ်က ငြင်းပေမယ့် လက်ရှိအချိန်အထိ မွတ်စလင်တွေဟာ ခရီးသွားရင် အာဏာပိုင်တွေကို အကြောင်းကြားဖို့ ဖိအားပေးခံနေရတယ်လို့ ကရင်ပြည်နယ်အစ္စလာမ်သာသနာရေးရာကောင်စီ ဥက္ကဌ ဟာဂျီ ဦးနာဂျူးက ပြောကြားခဲ့ပါတယ်။

    “မွတ်စလင်တွေဟာ အရင်တုန်းကအတိုင်းပဲ အသိပေးနေရတာကြောင့် ၀န်ကြီးချုပ်ရဲ့ သတင်းစာရှင်းလင်းပွဲမှာ ပြောကြားမှုဟာ သက်ရောက်မှုမရှိသလို ဖြစ်နေပါတယ်” လို့ သူက ဆိုပါတယ်။

    ကရင်ပြည်နယ်မှာ နေထိုင်သူဖြစ်ကြောင်း၊ ရခိုင်က ၀င်လာသူမဟုတ်ကြောင်း အတည်ပြုဖို့အတွက် ကရင်ပြည်နယ်က မွတ်စလင်တွေအနေနဲ့ ခရီးသွားမယ်ဆိုရင် အာဏာပိုင်တွေကို အသိပေးဖို့ လိုအပ်ကြောင်း ဒေသအုပ်ချုပ်ရေးရုံးတွေက ပြောထားတယ်လို့လည်း ဟာဂျီ ဦးနာဂျူးက ထည့်သွင်း ပြောဆိုခဲ့ပါတယ်။

    “မှတ်ပုံတင်တွေ ရှိနေပေမယ့်လည်း မြို့နယ်အုပ်ချုပ်ရေးရုံးတွေကို သတင်းပို့နေရတုန်းပါ။ ဒီမှတ်ပုံတင်တွေဟာ တရားဝင်လား၊ မ၀င်ဘူးလားဆိုတာ ကျွန်တော် မေးခွန်းထုတ်ချင်ပါတယ်”

    ကရင်ပြည်နယ် ဘာသာပေါင်းစုံအဖွဲ့က ပြန်ကြားရေးတာဝန်ရှိသူ ဦးမောင်ထွေးက အကြောင်းကြားစရာ မလိုဘူးလို့ အုပ်ချုပ်ရေးရုံးက မပြောသေးတဲ့အတွက် သူတို့အနေနဲ့ ထောက်ခံစာတွေ ယူနေရတုန်းပဲလို့ ဆိုပါတယ်။

    ကရင်ပြည်နယ်အတွင်းက မွတ်စလင်တွေဟာ ခရီးသွားမယ်ဆိုရင် ပြည်နယ်အစ္စလာမ်အသင်းက ထောက်ခံစာ၊ ရပ်ကွက်အုပ်ချုပ်ရေးရုံး၊ မြို့နယ်လ၀က၊ ရဲစခန်းတို့က ထောက်ခံစာတွေကို ပြသရပြီး ခွင့်ပြုမှ ခရီးသွားခွင့်ရတယ်လို့ ၎င်းက ထည့်သွင်း ပြောကြားခဲ့ပါတယ်။

    ကရင်ပြည်နယ် ပြည်သူ့လွှတ်တော်ကိုယ်စားလှယ် ဦးစောတင်ဝင်းက ပြည်နယ်ဝန်ကြီးချုပ်အနေနဲ့ မွတ်စလင်တွေဟာ ခရီးသွားရင် အကြောင်းကြားဖို့ လိုလား၊ မလိုဘူးလားဆိုတာကို ရှင်းရှင်းလင်းလင်း မပြောသွားဘူးလို့ ဆိုပါတယ်။

    “သူတို့အနေနဲ့ ရှင်းရှင်းလင်းလင်း ထုတ်ပြန်သွားဖို့ လိုပါတယ်”

    စက်တင်ဘာ ၁၈ ရက်နေ့က ထုတ်ပြန်ခဲ့တဲ့ ဒီညွှန်ကြားချက်နဲ့ပတ်သက်ပြီး ပြည်နယ်အတွင်းက မွတ်စလင်လူ့အဖွဲ့အစည်းကြားမှာ ဝေဖန်မှုတွေ ရှိခဲ့ပါတယ်။

    ပြည်နယ်ဝန်ကြီးချုပ် သတင်းစာရှင်းလင်းပွဲမလုပ်ခင် တစ်ပတ်အရင်က ကျောက်တောင်ရွာက မွတ်စလင် ၅၀ ဟာ အေလာရွာက မင်္ဂလာဆောင်တစ်ခုသွားဖို့ ခွင်ပြုချက်တောင်းရာမှာ ၂၅ ယောက်ကိုသာ သွားခွင့်ပြုခဲ့ပြီး အဲဒီရွာနှစ်ရွာဟာ ဘေးချင်းကပ်နေတဲ့ရွာတွေ ဖြစ်တယ်လို့ ကျောက်တောင်ရွာသား ဦးဝင်းမြင့်က ပြောကြားခဲ့ပါတယ်။

    Ref : mmtimes

  • မွတ်စလင်များ ခရီးသွားလျှင် အုပ်ချုပ်ရေးရုံးကို အကြောင်းကြားရန် ကရင်ပြည်နယ်အစိုးရ အမိန့်ထုတ်

    မွတ်စလင်များ ခရီးသွားလျှင် အုပ်ချုပ်ရေးရုံးကို အကြောင်းကြားရန် ကရင်ပြည်နယ်အစိုးရ အမိန့်ထုတ်

    စက်တင်ဘာ ၂၆၊ ၂၀၁၇
    M-Media

    ဇွဲကပင်တောင်

    – ပြည်နယ်အတွင်းက မွတ်စလင်တွေအနေနဲ့ ခရီးသွားမယ်ဆိုရင် သက်ဆိုင်ရာ အုပ်ချုပ်ရေးရုံးတွေကို အသိပေးရမယ်လို့ ကရင်ပြည်နယ်အစိုးရက အကြံပြုထားပြီး မွတ်စလင်တွေရဲ့ လုံခြုံရေးအတွက်ဖြစ်တယ်လို့ ဆိုပါတယ်။

    “ဒါဟာ သူတို့ရဲ့ လုံခြုံရေးအတွက်ပါ။ ဘာသာရေးခွဲခြားတာ မဟုတ်ပါဘူး။ ပုံမှန်အားဖြင့် လူတိုင်းဟာ ခရီးသွားတဲ့အခါ မှတ်ပုံတင် ဒါမှမဟုတ် အခြား တစ်ကိုယ်ရေအထောက်အထားတွေ ယူသွားဖို့ လိုပါတယ်။ ဒါဟာ ရခိုင်ပြည်နယ်မှာလို မလိုလားအပ်တဲ့ ပဋိပက္ခတွေကို ရှောင်ရှားဖို့ လုပ်ဆောင်တဲ့ လုံခြုံရေးဆိုင်ရာ ဆောင်ရွက်ချက်ဖြစ်ပါတယ်” လို့ ကရင်ပြည်နယ်အစိုးရ ဒုတိယ ညွှန်ကြားရေးမှူး ဦးမျိုးချစ်က ပြောပါတယ်။

    ဒီလိုအသိပေးစာကို စက်တင်ဘာ ၁၈ ရက်နေ့မှာ ပြည်နယ်အတွင်းက ကျေးရွာတွေ၊ ရပ်ကွက်တွေအားလုံးကို ပေးပို့အကြောင်းကြားထားတယ်လို့ သူက ဆိုပါတယ်။

    ၂၀၁၄ ခုနှစ် သန်းခေါင်စာရင်းအရ ကရင်ပြည်နယ်မှာ လူပေါင်း ၁.၅ သန်းရှိပြီး အဲဒီအထဲက ၄.၆ ရာခိုင်နှုန်းက အစ္စလာမ်ဘာသာဝင်တွေဖြစ်တယ်လို့ ပြောကြားထားပါတယ်။

    စက်တင်ဘာ ၇ ရက်နေ့က ဖားအံနဲ့ ကြာအင်းဆိပ်ကြီး မြို့နယ်တွေက မွတ်စလင် ၇ ဦးဟာ မှတ်ပုံတင်နဲ့ အခြားအထောက်အထားတွေ မယူဆောင်လာဘဲ ထိုင်းမြန်မာနယ်စပ်က ဘုရားသုံးဆူမြို့ ၃ ရပ်ကွက်ကို လာရောက်တဲ့ အဖြစ်အပျက်တစ်ခု ဖြစ်ပွားပြီးတဲ့နောက် ဒီလို ညွှန်ကြားချက် ထွက်ပေါ်လာတာ ဖြစ်ပါတယ်။

    အဲဒီ လူ ၉ ဦးကို လူဝင်မှုကြီးကြပ်ရေး အာဏာပိုင်တွေက သတိပေးခဲ့ပြီး အုပ်ချုပ်ရေးဆိုင်ရာ တာဝန်ရှိသူတွေက သူတို့ရဲ့ နေရပ်ကို ပြန်လည်ခေါ်ဆောင်သွားခဲ့ပါတယ်။

    “ကရင်ပြည်နယ်ဟာ ထိုင်း-မြန်မာ နယ်စပ်မှာ ရှိတာကြောင့် အခြားသော တိုင်းဒေသကြီး၊ ပြည်နယ်တွေနဲ့ယှဉ်ရင် လုံခြုံရေးကို ပိုမိုတင်းကြပ်ဖို့ လိုပါတယ်” လို့ ဦးမျိုးချစ်က ပြောကြားခဲ့ပါတယ်။

    ရပ်ကွက်အုပ်ချုပ်ရေးမှူးတွေကို အကြောင်းမကြားဘဲ ခရီးသွားမယ်ဆိုရင် မှတ်ပုံတင်ရှိနေပေမယ့် အခြားမြို့တွေက အာဏာပိုင်တွေရဲ့ တားဆီးမှုကိုခံရကာ နေရပ်ကို ပြန်ပို့ခံရလိမ့်မယ်လို့လည်း သူကဆိုပါတယ်။

    နိုင်ငံတော်အတိုင်ပင်ခံရုံး ညွှန်ကြားရေးမှူး ဦးဇော်ဌေးက ကရင်ပြည်နယ်အတွင်း ဒီဥပဒေအသစ်ဟာ ပြည်ထောင်စုအစိုးရနဲ့ မဆိုင်ဘူးလို့ ပြောကြားခဲ့ပါတယ်။

    “ပြည်ထောင်စုအစိုးရဟာ ဒီစာနဲ့ပတ်သက်ပြီး ဘယ်လိုညွှန်ကြားချက်မှ မပေးထားပါဘူး။ ဒါဟာ နိုင်ငံသားတွေကို ပိုမိုကာကွယ်ပေးဖို့ ကရင်ပြည်နယ်အစိုးရက ပြုလုပ်တဲ့ လုံခြုံရေးဆောင်ရွက်ချက်တွေရဲ့ တစ်စိတ်တစ်ပိုင်းဖြစ်ပါတယ်” လို့ သူက ဆိုပါတယ်။

    Ref: mmtimes

  • မြင့်တက်လာတဲ့ ‘မွတ်စလင်ကင်းစင်ဇုန်’ များက အမုန်းစကားပြန့်နှံ့မှုကို ဖော်ညွှန်းနေ

    မြင့်တက်လာတဲ့ ‘မွတ်စလင်ကင်းစင်ဇုန်’ များက အမုန်းစကားပြန့်နှံ့မှုကို ဖော်ညွှန်းနေ

    စက်တင်ဘာ ၁၃၊ ၂၀၁၇
    M-Media

    – ရခိုင်ပြည်နယ်မှာ မြန်မာစစ်တပ်ရဲ့ ဆောင်ရွက်ချက်တွေဟာ ‘လူမျိုစုလိုက် သုတ်သင်ရှင်လင်းမှု’ မြောက်နေပြီလို့ ကုလ လူ့အခွင့်အရေးဆိုင်ရာ အကြီးအကဲ ဇီအစ် ရာအဒ် အလ် ဟူစိန်က မနေ့မှာ ပြောကြားတဲ့အထိ ဖြစ်ခဲ့တာဟာ နှစ်ပေါင်းများစွာ ကြာမြင့်ခဲ့တဲ့ လုပ်ရပ်တွေကြောင့် ဖြစ်ပါတယ်။ မြန်မာနိုင်ငံက အခြား မွတ်စလင် လူ့အဖွဲ့အစည်းတွေကလည်း အမှည့်ခြွေခြွေတဲ့ ပုံစံနဲ့ ဒီလို အနေအထားမျိုးကို ရင်ဆိုင်နေရပါတယ်။

    လူပေါင်း ၈၀ ကျော်သေဆုံးကာ ၉ သောင်းလောက် အိုးအိမ်စွန့်ခွာ ထွက်ပြေးခဲ့ရတဲ့ ၂၀၁၂ ခုနှစ် ရခိုင်အရေးအခင်း ဖြစ်ပြီးတကည်းက မြန်မာနိုင်ငံမှာ ‘မွတ်စလင်ကင်းစင်ရွာ’ အရေအတွက်ဟာ တိုးလာခဲ့တယ်လို့ မြန်မာ့လူ့အခွင့်အရေးကွန်ယက် (BHRN) က စက်တင်ဘာ ၅ ရက်နေ့မှာ ထုတ်ပြန်ခဲ့ပါတယ်။

    “မွတ်စလင်တွေ မလာရဆိုတဲ့ ဆိုင်းဘုတ်တွေကို အာဏာပိုင်တွေရဲ့ ခွင့်ပြုချက်နဲ့ ဒေသခံတွေက စိုက်ထူထားတဲ့ ရွာပေါင်း မြန်မာနိုင်ငံတစ်ဝှမ်းမှာ ၂၁ ရွာ ရှိနေကြောင်း BHRN က စာရင်းပြုစုခဲ့ပါတယ်” လို့ မကြာသေးခင်က ဘန်ကောက်မှာ ပြုလုပ်ခဲ့တဲ့ အစီရင်ခံစာ ထုတ်ပြန်မှုမှာ BHRN ကို တည်ထောင်သူ၊ အမှုဆောင်ဒါရိုက်တာ ဦးကျော်ဝင်းက ပြောကြားခဲ့ပါတယ်။

    ၂၀၁၂ ခုနှစ်မတိုင်ခင်မှာ ရခိုင်နဲ့ ကရင်ပြည်နယ်တွေမှာလို မွတ်စလင်တွေကို ကန့်သတ်ချုပ်ချယ်ထားတဲ့ မြို့ တော်တော်များများရှိခဲ့ပြီး၊ မွတ်စလင်တွေဟာ ခြိမ်းခြောက်မှုတစ်ခုဖြစ်တယ်ဆိုတဲ့ ပုံဖော်မှုတွေကြောင့် ဒီအရေအတွက်ဟာ နိုင်ငံတစ်ဝှမ်းမှာ တိုးလာတယ်လို့ BHRN ရဲ့ လေ့လာမှုက ဆိုပါတယ်။

    “၂၀၁၂ ခုနှစ်မှာ စတင်ခဲ့တဲ့ အကြမ်းဖက်မှုတွေက ဘယ်သူတွေဟာ မြန်မာနိုင်ငံသား ဟုတ်တယ်၊ မဟုတ်ဘူးဆိုတာကို ဗုဒ္ဓဘာသာ အမျိုးသားရေးဝါဒီတွေအကြား ဆုံးဖြတ်သတ်မှတ်တဲ့ လုပ်ရပ်တွေကို မြင့်တက်လာစေပါတယ်။ လုံခြုံရေးအတွက် လူ့အဖွဲ့အစည်း ၂ ခုကို သီးခြား ခွဲထားရမယ်ဆိုပြီး အစိုးရက အကြောင်းပြမှုနဲ့ ရခိုင်မှာ ခွဲခြားဖိနှိပ်တဲ့ လုပ်ရပ်တွေကို လုပ်ဆောင်ထားသလို၊ နိုင်ငံရဲ့ အခြားနေရာတွေမှာလည်း ဗုဒ္ဓဘာသာနဲ့ မွတ်စလင်လူ့အဖွဲ့အစည်းကို ခွဲခြားထားဖို့ အောက်ခြေလှုပ်ရှားမှုတွေဟာ အားကောင်းလာခဲ့ပြီး အစိုးရကလည်း ဘာအရေးယူမှုမှကို မလုပ်ပါဘူး။ ‘မွတ်လင်ကင်းစင်ရွာ’ တွေဟာ ဒီကိစ္စအတွက် အရှင်လင်းဆုံး ဥပမာတွေ ဖြစ်ပါတယ်” လို့ အစီရင်ခံစာမှာ ဖော်ပြထားပါတယ်။

    “ဗုဒ္ဓဘာသာရွာတွေမှာ မွတ်စလင်တွေကို ပိတ်ပင်ဖို့အတွက် နောက်ကွယ်က လှုံ့ဆော်မှုဟာ တစ်နိုင်ငံလုံးမှာ၊ ဒါမှမဟုတ် ဒေသတစ်ခုခုမှာ မွတ်စလင်တွေ ရှိနေတာက ဗုဒ္ဓဘာသာကို အားနည်းစေမယ်၊ ခြိမ်းခြောက်မယ်ဆိုတဲ့ အယူအဆ ဖြစ်ပုံရပါတယ်။ ဒီရွာတွေဟာ ဗုဒ္ဓဘာသာစစ်စစ်ရွာဆိုတဲ့ ပုံစံမျိုးတွေ ဖြစ်လာပါတယ်” လို့ အစီရင်ခံစာကို အဆုံးသတ်ထားပါတယ်။

    အစီရင်ခံစာမှာ မွတ်စလင်မ၀င်ရလို့ ကြေငြာထားတဲ့ အထောက်အထားတွေ၊ ဆိုင်းဘုတ်တွေလည်းပါဝင်ပါတယ်။ ဆိုင်းဘုတ်တော်တော်များများမှာ အောက်ပါအတိုင်း ရေးသားထားတာပါ။

    ရပ်စောက်မြို့၊ ဥက္ကံတားရပ်ကွက်၊ ဇော်ဂျီကွေ့

    အစ္စလာမ်ဘာသာသာကင်းစင်နယ်မြေ – (၁)

    (၁) အစ္စလာမ်ဘာသာဝင်များ ညအိပ်ခွင့်မပြု။
    (၂) အစ္စလာမ်ဘာသာဝင်များအား အိမ်ခြံမြေ ရောင်း/၀ယ် ငှားရမ်းခြင်း ခွင့်မပြု။
    (၃) အစ္စလာမ်ဘာသာဝင်များနှင့် လက်ထပ်ထိမ်းမြားခွင့်မပြု

    ဇော်ဂျီကွေ့ မျိုးချစ်လူငယ်များအဖွဲ့

    တစ်ချို့ဆိုင်းဘုတ်တွေမှာ မွတ်စလင်တွေကို နိုင်ငံခြားသားအဖြစ် ပုံဖော်ဖို့အတွက် အမျိုးသားရေး အစွန်းရောက်တွေက ခေါ်ဝေါ်တဲ့ ‘ကုလား’ဆိုတဲ့ စကားလုံးကို သုံးနှုန်းထားပါတယ်။

    BHRN က ‘မွတ်စလင်ကင်းစင်ရွာ’ တွေဟာ မြန်မာနိုင်ငံမှာ မွတ်စလင်တွေအပေါ် စနစ်တကျ ခွဲခြားဖိနှိပ်မှုရဲ့ ကျယ်ပြန့်လာတဲ့ အစိတ်အပိုင်းတစ်ခုဖြစ်ပြီး ရခိုင်ပြည်နယ်မှာတင် မဟုတ်တော့ ရိုဟင်ဂျာနဲ့ ရိုဟင်ဂျာမဟုတ်တဲ့ မွတ်စလင်တွေကိုပါ ပစ်မှတ်ထားလာတာဖြစ်တယ်လို့ ဆိုပါတယ်။

    BHRN ရဲ့ အစီရင်ခံစာမှာ ဖျက်ဆီးခံထားရတဲ့ ဗလီတွေ ပြန်ဆောက်ခွင့်မပေးတာ၊ အဓမ္မကျင့်တယ်၊ လူသတ်တယ်လို့ လှုံ့ဆော်ပြီး မွတ်စလင်တွေရဲ့ ၀တ်ပြုဆုတောင်းမှုကို ဗုဒ္ဓဘာသာလူအုပ်စုကြီးက နှောက်ယှက် ခြိမ်းခြောက်ဖို့ ကြိုးစားမှုကိုလည်း ဖော်ပြထားပါတယ်။

    ၂၀၁၅ ခုနှစ် အမျိုးသား ဒီမိုကရေစီအဖွဲ့ချုပ် အာဏာရပြီးနောက်ပိုင်းမှာ မဘသလို မွတ်စလင်ဆန့်ကျင့်ရေးအုပ်စုတွေ လှုပ်ရှားမှု နည်းသွားပေမယ့် အသံသိပ်မထွက်ဘဲ စုပေါင်းပြီး အစီအစဉ်တကျနဲ့ မွတ်စလင်တွေအပေါ် ဒီလို ဖိနှိပ်မှုလုပ်ရပ်တွေကို အစိုးရအာဏာပိုင်တွေက အမြစ်တွယ်ခွင့်ပေးထားတယ်လို့ BHRN ရဲ့ အစီရင်ခံစာမှာ ဖော်ပြထားပါတယ်။

    Ref: coconuts yangon

  • ARSA အဖွဲ့၏ တိုက်ခိုက်မှုများကို ရှုတ်ချကြောင်း မြန်မာမွတ်စလင် အရပ်ဖက်အဖွဲ့များ စာထုတ်

    ARSA အဖွဲ့၏ တိုက်ခိုက်မှုများကို ရှုတ်ချကြောင်း မြန်မာမွတ်စလင် အရပ်ဖက်အဖွဲ့များ စာထုတ်

    စက်တင်ဘာ ၁၀၊ ၂၀၁၇
    M-Media

    – ရခိုင်ပြည်နယ်မှာ ဖြစ်ပွားနေတဲ့ တိုက်ခိုက်မှုတွေနဲ့ပတ်သက်ပြီး သဘောထားကြေငြာချက်တစ်စောင်ကို မြန်မာမွတ်စလင်မ် အရပ်ဖက်အဖွဲ့အစည်းတွေဖြစ်တဲ့ Social Alliance နှင့် မိတ်ဖက်အဖွဲ့အစည်းများမှ  စုပေါင်းပြီး မနေ့က ထုတ်ပြန်ခဲ့ပါတယ်။

    အဲဒီကြေငြာချက်ထဲမှာ ပြည်နယ်မြောက်ပိုင်းက ရဲစခန်းတွေကို စီးနင်းတိုက်ခိုက်ခဲ့တဲ့ ARSA အဖွဲ့ကို ရှုတ်ချကြောင်း၊ ရခိုင်ပြည်နယ်က ပြဿနာတွေကို အသုံးချပြီး လူမျိုးရေး၊ နိုင်ငံရေးပြဿနာကို ဘာသာရေးအသွင်ဆောင်ကာ ဒီမိုကရေစီ၊ လူ့အခွင့်အရေး၊ တရားဥပဒေစိုးမိုးရေးနှင့် ငြိမ်းချမ်းစွာ အတူယှဉ်တွဲနေထိုင်ရေးတို့ကို အဟန့်အတားအောင် လုပ်ဆောင်နေမှုကို ရပ်တန့်ရေး ဆောင်ရွက်ပေးဖို့ အစိုးရကို တိုက်တွန်းပါကြောင်း၊ မိမိတို့အနေနဲ့ နိုင်ငံတော်အစိုးရ၊ ပြည်သူတစ်ရပ်လုံးနဲ့အတူ အစဉ်အမြဲ ရပ်တည်ပါကြောင်း စသဖြင့် ဖော်ပြထားပါတယ်။

    ပြီးခဲ့တဲ့လနှောင်းပိုင်းကလည်း မြန်မာမွတ်စလင်မ် အရပ်ဖက် လူ့အဖွဲ့အစည်းနှစ်ခုဖြစ်တဲ့ ရွေလက်ယာနဲ့ တွဲလက်မြန်မာ အဖွဲ့တို့ဟာ ARSA ရဲ့ ရခိုင်ပြည်နယ်မှာ ပြုလုပ်တဲ့ တိုက်ခိုက်မှုတွေကို ရှုတ်ချကြောင်း၊ ပြည်သူလူထုနဲ့အတူ အကြမ်းဖက်မှုတွေကို ရပ်တည်ရင်ဆိုင်သွားမှာဖြစ်ကြောင်း သဘောထားတွေပါဝင်တဲ့ ကြေငြာချက်တစ်စောင်ကိုလည်း ထုတ်ပြန်ခဲ့ပါတယ်။

    Social Alliance နှင့် မိတ်ဖက်အဖွဲ့အစည်းတွေရဲ့  ကြေငြာချက်အပြည့်အစုံကတော့ အောက်ပါအတိုင်း ဖြစ်ပါတယ်။

     

    နိုင်ငံသား မြန်မာမွတ်စလင် အရပ်ဖက်အဖွဲ့စည်းများမှ ရခိုင်ပြည်နယ်အတွင်း ပြန်လည်ဖြစ်ပွားလျက်ရှိသော ဖြစ်စဉ်များနှင့် ပတ်သက်၍ သဘောထားကြေညာချက် (၂/၂၀၁၇)

    ရက်စွဲ။ ၂၀၁၇ စက်တင်ဘာ (၈)ရက်

    နိုင်ငံသား မြန်မာ မွတ်စလင် အရပ်ဘက်အဖွဲ့စည်းများဖြစ်သည့် Social Alliance နှင့် မိတ်ဖက်အဖွဲ့အစည်းများမှ ရခိုင်ပြည်နယ်အတွင်း ပြန်လည်ဖြစ်ပွားလျက်ရှိသော ဖြစ်စဉ်များနှင့်ပတ်သက်၍ အောက်ပါအတိုင်း သဘောထား ထုတ်ပြန်လိုက်ပါသည်။

    ၁။ အပြစ်မဲ့အပြစ်ကင်းစင်သော လက်နက်မဲ့ အရပ်သားများအား တိုက်ခိုက်ခြင်းသည် အကြမ်းဖက်မှုဖြစ်ကြောင်း နိုင်ငံရေးဝေါဟာရတွင် အဓိပ္ပာယ်ဖွင့်ထားပါသည်။ အစ္စလာမ်ဘာသာကလည်း “ကမ္ဘာမြေပြင်ပေါ်၌ မည်သည့် အဖျက်အမှောင့် လုပ်ငန်းများကိုမှ မပြုလုပ်ရ”ဟု အတိ အလင်း တားမြစ်ထားပါသည်။ [ရည်ညွှန်း/“ထိုမှတပါးအသင့်အား အလ္လာဟ်အရှင်မြတ်က ကျေးဇူးတော်ပြုတော်ထား သကဲ့သို့ပင် အသင်သည် လည်း သူတပါးတို့အား ကျေးဇူးပြုလော့။ အသင်သည် တိုင်းပြည်အတွင်း ပျက်စီးမှုကို မလိုလားလေနှင့် မချွတ်ဧကန် အလ္လာဟ်အရှင်မြတ်သည် ပျက်စီးသူတို့အား နှစ်သက်တော်မူသည်မဟုတ်ပေ”။ (ကုရ်အာန် ၂၈း၇၇)။ “၎င်းအပြင်အသင်တို့သည် ကမ္ဘာမြေပြင်ကိုတင့်တယ် ကောင်းမွန်အောင် ပြုလုပ်ပြီးသည့်နောက် ထိုကမ္ဘာမြေပြင်၌ ပျက်စီးရာပျက်စီးကြောင်း မလုပ် ကြကုန်လင့်”(ကုရ်အာန် ၇း၅၆)] မြန်မာနိုင်ငံနှင့်တစ်သားတည်းဖြစ်နေသော မြန်မာမွတ်စလင်တို့သည် အမိမြန်မာနိုင်ငံနှင့် မြန်မာပြည်တွင်း၌ နေထိုင် သော ပြည်သူများ၏အကျိူးကိုသာ ဦးထိပ်ထားသူများဖြစ်ပြီး “မည်သည့်အခြေအနေမျိူးတွင်မဆို တရားမျှတမှုအား လက်မလွှတ်နှင့်”ဟူသည့် အစ္စလာမ်သာသနာတော်၏ ဆုံးမဩဝါဒများကို နာယူကျင့်သုံး သူများဖြစ်ပါသည်။ [ရည်ညွှန်း/“မိုအ်မင်န် သက်ဝင်ယုံကြည်သူအပေါင်းတို့ အသင်တို့သည် အလ္လာဟ်အရှင်မြတ်၏နှစ်သက်မှုကို ရယူရန်အလို့ငှာ ဖြောင့်မတ်တည်ကြည်သောသူများ သက်သေခံရာတွင် တရားမျှတစွာ သက်သေခံသူများဖြစ်ကြလေကုန်။ ၎င်းအပြင် မည်သည့် လူမျိူးတစ်မျိူးကိုမဆို မုန်းတီးခြင်းသည် အသင်တို့အား တရားမျှတမှုကို မပြုဘဲနေကြရန် လှုံ့ဆော်သည်မရှိစေရ”။(ကုရ်အာန် ၅း၈)]

    ၂။ ယခုအခါ ရခိုင်ပြည်နယ်အတွင်း အကြမ်းဖက်မှုများ တဖန်ဖြစ်ပွားလာသည့်အတွက် ကျွန်ုပ်တို့ မြန်မာမွတ်စလင် အရပ်ဖက် အဖွဲ့အစည်း များအနေဖြင့် များစွာ အံ့ဩထိတ်လန့် စိုးရိမ်မိပါသည်။ အဆိုပါ အကြမ်းဖက်မှု ဖြစ်စဉ်များနှင့်ပတ်သက်ပြီး သတင်းအမျိုးမျိုး ထွက်ပေါ်လာနေသည့် အတွက် မိမိတို့အနေဖြင့် သတင်းအချက်အလက်များကို အချိန်ယူစောင့်ကြည့်သုံးသပ်ပြီးမှ ယခုကဲ့သို့သဘောထားထုတ်ပြန်လိုက်ခြင်းဖြစ်ပါသည်။

    ၃။ ရခိုင်ပြည်နယ်ဒေသများတွင် အကြမ်းဖက်မှုများ လုပ်ဆောင်လျက်ရှိသော ARSA အကြမ်းဖက်အဖွဲ့အစည်းအား ကျွန်ုပ်တို့မြန်မာ မွတ်စလင်အရပ်ဖက်အဖွဲ့ စည်းများမှ ပြင်းပြင်းထန်ထန် ရှုတ်ချလိုက်ပါသည်။ ထိုနည်းတူစွာ နိုင်ငံတော်တည်ငြိမ်အေးချမ်းရေးနှင့် မတူကွဲပြားသော လူမှုအသိုင်းအဝိုင်းများကြား ငြိမ်းချမ်းစွာ ယှဉ်တွဲနေထိုင်ရေးကိုပျက်ပြားစေရန်သော်လည်းကောင်း၊ ပဋိပက္ခများ ပိုမို ကြီးထွားလာစေရန်ရည်ရွယ်၍ လည်းကောင်း၊ သတင်းအမှားဖြန့်ချိ ပြောဆိုရေးသားမှုများကို ပြုလုပ်နေသော မည်သည့်လူပုဂ္ဂိုလ်နှင့် မည်သည့် အဖွဲ့အစည်းများကိုမဆို ကျွန်ုပ် တို့မှ ထပ်မံ၍ ပြင်းထန်စွာရှုတ်ချပါသည်။

    ၄။ ရခိုင်ပြည်နယ်ဒေသများတွင် ဖြစ်ပွားနေသော အကြမ်းဖက်မူများ ပဋိပက္ခများကြောင့် နိုင်ငံတာဝန်ထမ်းဆောင်လျက်ရှိသော နိုင်ငံ ဝန်ထမ်းများနှင့် အပြစ်မဲ့ပြည်သူများ ထိခိုက်သေဆုံးဒဏ်ရာရမှု၊ အသက်အိုးအိမ် စည်းစိမ်များဆုံးရှုံးရမှုများအပေါ် သက်ဆိုင်ရာဌာန အဖွဲ့အစည်း များ၊ မိသားစုများနှင့် အတူ ထပ်တူထပ်မျှ ဝမ်းနည်းကြေကွဲရပါသည်။ အဆိုပါဖြစ်ရပ်များကြောင့် ပြည်ထောင်စုသမ္မတ မြန်မာနိုင်ငံတော်၏ပုံရိပ်ကို ထိခိုက်ခဲ့ရသည်ဟုကျွန်ုပ်တို့မှ ဆင်ခြင်မိပါသည်။ ပြည်ထောင်စုသမ္မတ မြန်မာနိုင်ငံတော်သည် ရှေးဘုရင်မင်းများ လက်ထက်မှစပြီး မတူကွဲပြား သော လူမှုအဖွဲ့ အစည်း အသီးသီးတို့၏ ငြိမ်းချမ်းစွာ ယှဉ်တွဲနေထိုင်မှုဆိုင်ရာ ဂုဏ်ယူဖွယ် အလှတရားနှင့် ဓလေ့ကောင်းများကို ယခု ဖြစ်စဉ်များက အပြုသဘော မဆောင်သော အကျိူးသက်ရောက်မှုများ ဖြစ်ပေါ်လာစေမည်ကို မိမိတို့မှ အထူးပင်စိုးရိမ်မိပါသည်။

    ၅။ သို့ပါ၍ ရခိုင်ပြည်နယ်အတွင်းဖြစ်ပေါ်နေသည့်လူမျိူးရေးနှင့် နိုင်ငံရေး ပြဿနာရပ်များအား ဘာသာရေးအသွင်ဆောင်ကာ ဒီမိုကရေစီ၊ လူ့အခွင့်အရေး၊ တရားဥပဒေစိုးမိုးရေးနှင့် ငြိမ်းချမ်းစွာ အတူယှဉ်တွဲနေထိုင်ရေးတို့ကို အဟန့်အတား ဖြစ်စေသော လူပုဂ္ဂိုလ်များ၊ အဖွဲ့ အစည်းများ၏ လုပ်ဆောင်ချက်များကို ရပ်တန့်စေရေးအတွက် နိုင်ငံတော်အစိုးရအကြီးအကဲများ၊ တပ်မတော်အကြီးအကဲများ၊ မီဒီယာများ၊ အရပ်ဖက်အဖွဲ့အစည်း များနှင့် ပြည်သူတစ်ရပ်လုံးမှ ဝိုင်းဝန်းဝေဖန် ရှုတ်ချတည့်မတ် ထိန်းသိမ်းပေးပါရန် ကျွန်ုပ်တို့မှ လေးနက်စွာဖြင့် မေတ္တာ ရပ်ခံအပ်ပါသည်။ မိမိတို့ မြန်မာမွတ်စလင်အရပ်ဖက် အဖွဲ့အစည်းများအနေဖြင့် နိုင်ငံတော်အစိုးရ၊ ပြည်သူတစ်ရပ်လုံးနှင့်အတူ အစဉ်အမြဲ ရပ်တည်ပါကြောင်း သဘောထား ထုတ်ပြန်လိုက်ပါသည်။
    Contact Person : Tel 09 50 32498, 09 97 2056280, [email protected]

    ပူးပေါင်းပါဝင်သည့် အဖွဲ့အစည်းများ – Equal, အလင်းစက်ဝန်း၊ MMSN, Great Star