News @ M-Media

Tag: Myanmar Muslim

  • လူနည်းစုဝင်များကို အထောက်အထားမဲ့ မတရားစီရင်နေသော မြန်မာအာဏာပိုင်များ

    လူနည်းစုဝင်များကို အထောက်အထားမဲ့ မတရားစီရင်နေသော မြန်မာအာဏာပိုင်များ

    ဒီဇင်ဘာ ၉၊ ၂၀၁၅
    M-Media

    muslim
    – မြန်မာမွတ်စ်လင်မ်တပ်မတော် အမည်ရှိအဖွဲ့မှ သင်တန်းတက်ခဲ့ခြင်းဟု စွပ်စွဲခံထားရသော မွတ်စ်လင်မ်အမျိုးသား ၁၂ ဦးကို တရားမျှတစွာ အမှုရင်ဆိုင်နိုင်ရေးအပေါ် ငြင်းဆိုလိုက်သဖြင့် အပြည်ပြည်ဆိုင်ရာလူ့အခွင့်အရေးအဖွဲ့အစည်းဖြစ်သော Fortify Rights က မြန်မာအစိုးရအား ပြင်းထန်စွာဝေဖန်လိုက်သည်။

    တရားခံရှေ့နေများနှင့် လုံခြုံရေးကျွမ်းကျင်ပညာရှင်များက အဆိုပါ Myanmar Muslim Army ဟူသည့် အဖွဲ့အစည်းသည် အလျဉ်းရှိမနေကြောင်း၊ မွတ်စ်လင်မ်များအပေါ် နှိပ်ကွပ်ရေးအတွက် အကြမ်းဖက်သမားများအဖြစ် အမည်တပ်ပြီး ရမည်ရှာနိုင်ရန် အာဏာပိုင်တို့မှ တီထွင်ဖန်တီးချက်ဖြစ်ကြောင်း သုံးသပ်ထားကြသည်။

    Fortify Rights အဖွဲ့၏ တနင်္ဂနွေနေ့ထုတ်ပြန်ချက်တွင် အာဏာပိုင်များက အစွပ်စွဲခံထားရသူများကို ဖမ်းဆီးနှိပ်စက်ခဲ့ပြီး ယခုအခါ မန္တလေးမြို့၊ အောင်မြေသာစံမြို့နယ်တရားရုံးတွင် အမှုကိုစစ်ဆေးစီရင်နေသည်ဟု ဖော်ပြခဲ့သည်။

    “နှိပ်စက်ညှင်းပန်းမှုကို မပိတ်ပင်မတားဆီးနိုင်ဘူးဆိုရင် တရားမျှတမှု ပေါ်လွင်လာမှာ မဟုတ်ပါဘူး။ ခိုင်မာတဲ့စွဲချက်အထောက်အထား မတင်ပြနိုင်မချင်း – မျှတမှန်ကန်တဲ့ တရားစီရင်မှုစံနှုန်း မရှိမချင်း ဒီအမှုမှာ အစွန်းအထင်းညစ်ညမ်းမှုတွေ ကင်းရှင်းနိုင်ဦးမှာ မဟုတ်ပါဘူး” ဟု ၎င်းလူ့အခွင့်အရေးအဖွဲ့၏ အမှုဆောင်ဒါရိုက်တာ မက်သျူး စမစ်က ဆိုသည်။

    စိုးမိုးအောင်(၂၄ နှစ်)အား ထိန်းသိမ်းထားစဉ်အတွင်း အာဏာပိုင်များက ရိုက်နှက်ခြင်း၊ အစာရေစာဖြတ်တောက်ခြင်း၊ စစ်ဆေးမေးမြန်းချိန်၌ အမျိုးအမည်မသိသော ဆေးများထိုးသွင်းခြင်းတို့ကို ပြုလုပ်ခဲ့ကြကြောင်း၊ အကြပ်ကိုင်မှုအားဖြင့် သူသည် ၀န်ခံထွက်ဆိုချက်ဟု ယူဆရသော စာရွက်ပေါ်၌ လက်မှတ်ထိုးပေးခဲ့ရကြောင်း သိရသည်။

    အဆိုပါ တရားစွဲဆိုခြင်းခံရသူများအားလုံးသည် မန္တလေး၊ ကရင်ပြည်နယ်၊ ရှမ်းပြည်နယ်မှ အသက် ၁၉ နှစ်မှ ၅၈ နှစ်အတွင်းရှိ မွတ်စ်လင်မ်အမျိုးသားများဖြစ်ကြသည်။ ၎င်းတို့သည် ၂၀၁၄ ခုနှစ်အတွင်းက Myanmar Muslim Army အမည်ရှိ အဖွဲ့နှင့် ဆက်သွယ်ပူးပေါင်းခဲ့သည်ဟုဆို၍ အစိုးရတရားလိုများဖက်က စွပ်စွဲထားသည်။

    သို့သော် ရုံးတင်စစ်ဆေးသောအခါတွင်မူ အာဏာပိုင်များဖက်မှ အဖွဲ့တည်ရှိမှု၏အထောက်အထားသော်လည်းကောင်း၊ ၎င်းအုပ်စုနှင့် တရားလိုများ၏ဆက်နွှယ်မှုကိုသော်လည်းလည်းကောင်း မတင်ပြနိုင်ခဲ့ကြ။ အစိုးရဖက်မှ တရားလိုအဖြစ်ဆောင်ရွက်ကြသူ ရဲအရာရှိများကလည်း နိုင်ငံတော်၏လျှို့ဝှက်အက်ဥပဒေအရ အထောက်အထားများကို ထုတ်ဖော်ပြောဆိုပိုင်ခွင့်မရှိဟု ထွက်ဆိုခဲ့ကြသည်။

    “တရားစီရင်မှုဆိုတာ အချက်အလက်၊ အထောက်အထားများအပေါ် အခြေခံရပါတယ်။ သံသယတွေ၊ လျှို့ဝှက်မှုတွေနဲ့ စီရင်ဆုံးဖြတ်လို့ မရပါဘူး။ ဒီတရားပြိုင် (အစိုးရအခေါ် တရားခံ)တွေကို အရေးယူနိုင်တဲ့ စီရင်ချက်ချနိုင်အောင် နိုင်ငံတော်ဖက်က အထောက်အထားတစ်စုံတစ်ရာ ပြသဖို့ ပျက်ကွက်နေပါပြီ” ဟု စမစ်က ဆိုသည်။

    တရားစွဲခံရသူများမှာ နိုဝင်ဘာ ၁၄ မှ ဒီဇင်ဘာ ၂၆ ရက်အထိ ထိန်းသိမ်းခံရပြီး မြန်မာနိုင်ငံအရေးပေါ်စီမံမှုအက်ဥပဒေ ပုဒ်မ ၅(ည)ဖြင့် ဖမ်းဆီးထားခြင်းဖြစ်သည်။ ယင်းဥပဒေအရ သူတို့မှာ ထောင်ဒဏ် ၇ နှစ်ထိ ကျခံရဖွယ်ရှိသည်။ ၎င်းတို့အနက် သုံးဦးကို လူဝင်မှုကြီးကြပ်ရေးဥပဒေချိုးဖောက်မှုဖြင့် ထောင်ဒဏ် သုံးနှစ်ကျခံစေရန် မန္တလေးတရားရုံးမှ ဒီဇင်ဘာ ၇ ရက်နေ့တွင် စီရင်ချက်ချလိုက်ကြောင်း စမစ်က ဆိုသည်။

    “လူမျိုး၊ ဘာသာ၊ စွဲချက်တင်ပြစ်မှုအမျိုးအစား မခွဲခြားဘဲ အားလုံးကို တစ်တန်းတည်းထားပြီး မှန်ကန်မျှတစွာ တရားစီရင်ခွင့်ကို မြန်မာအစိုးရအနေနဲ့ ခိုင်မာအောင် လုပ်ဆောင်ပေးရပါလိမ့်မယ်။ နှိပ်စက်ညှင်းပန်းမှုအပေါ် အားထားခြင်းနဲ့ ကျင့်ဝတ်မဲ့တရားစီရင်ခြင်းက မတရားမှုကို သက်ဆိုးရှည်စေတဲ့အပြင် အနာဂတ်ပဋိပက္ခအတွက် မျိုးစေ့ကြဲနေခြင်းသာ ဖြစ်ပါတယ်”။

    Rajaratnam School of International Studies(RISS) ၏ ၂၀၁၅ အစီရင်ခံစာတွင် ဖော်ပြထားသည့် Myanmar Musim Army ဟူသည်ကို ကြားသိသူ မရှိသလောက်ပင်။ ၎င်းအစီရင်ခံစာအတွင်းမှာလည်း Gunaratna က “အတည်မပြုနိုင်သောသတင်းများအရ Myanmar Muslim Army – MMA ဟူသည့်အုပ်စုတစ်ခု ထွက်ပေါ်လာသည်။ ထိုင်းနယ်စပ်တွင် မြန်မာမွတ်စ်လင်မ်များကို လေ့ကျင့်ပေးရန်ဟု သတင်းရရှိခဲ့သည်” ဟူ၍ ရေးသားထား၏။

    ထိုအုပ်စု အမှန်တကယ် ရှိမရှိဟူသည်ကို လူ့အခွင့်အရေးအုပ်စုများ၊ အကြမ်းဖက်မှုကျွမ်းကျင်သူများ၊ အမေရိကန်အစိုးရ အဖွဲ့အစည်းများပင် အတည်မပြုနိုင်သေးချေ။

    မေလက ၀ါရှင်တန်ဒီစီရှိ အမျိုးသားစစ်ပညာကောလိပ်မှ အရှေ့တောင်အာရှဒေသတွင်းလုံခြုံရေးဆိုင်ရာ ကျွမ်းကျင်သူ ပရော်ဖက်ဆာ Zachary Abuza သည် “မိမိအနေဖြင့် Myanmar Muslim Army ဆိုသည်ကို လုံးဝ မကြားခဲ့ဖူးကြောင်း” The Intercept ဒီဂျစ်တယ်မဂ္ဂဇင်းသို့ ပြောကြားခဲ့သည်။

    “ကျွန်တော့်အတွက်တော့ ဒါဟာ တမင်လီဆည်ဖန်တီးထားချက်လို့ မြင်ပါတယ်။ နိုင်ငံအစိုးရကို ပုန်ကန်သူအုပ်စုတွေအနေနဲ့ နိုင်ငံအစိုးရကတရားဝင် သုံးနှုန်းနေသော မြန်မာဆိုတဲ့ ဝေါဟာရကို ခေါင်းစဉ်တပ်ဖို့ ဖြစ်နိုင်ပါ့မလား ဆိုပြီး ကျွန်တော် သံသယမကင်း ဖြစ်နေပါတယ်”။

    ဆယ်စုနှစ်ပေါင်းများစွာ ဖိနှိပ်ခံနေရသော ရိုဟင်ဂျာ အများစုအပါအ၀င် လူနည်းစု မြန်မာမွတ်စ်လင်မ်တို့သည် ၂၀၁၂ ခုနှစ် လူမျိုးရေးဘာသာရေး အသွင်ဆောင်အကြမ်းဖက်မှုဖြစ်စဉ်ကစပြီး ယနေ့တိုင် အန္တရာယ်ကင်းဘေးရှင်းသည့်အဖြစ် ရှိမနေသေးပါ။

    နိုဝင်ဘာ ၈ ရက်ရွေးကောက်ပွဲတွင်လည်း နိုင်ငံသားသတ်မှတ်ချက်နှင့်ငြိစွန်းသည်ဟု အကြောင်းပြချက်ဖြင့် မွတ်စ်လင်မ်များစွာသည်လည်းကောင်း၊ ရိုဟင်ဂျာလူမျိုး သိန်းဂဏန်းမျှသည်လည်းကောင်း မဲပေးခွင့် မရရှိခဲ့ကြ။ အစွန်းရောက်အမျိုးသားရေးဝါဒီတို့မှ ၎င်းတို့အား စာရင်းမသွင်းရန် လှုံ့ဆော်ချက်များအပေါ် နိုင်ငံအစိုးရမှ ဦးညွတ်လိုက်လျောပေးခဲ့ခြင်းကြောင့်ဖြစ်သည်။

    Fortify Rights သည် အကျိုးအမြတ်အခြေမတည်သော လူ့အခွင့်အရေးအဖွဲ့တစ်ရပ်ဖြစ်သည်။ ဆွစ်ဇာလန်နှင့် အမေရိကတွင် တရားဝင်မှတ်ပုံတင်ထားပြီး အရှေ့တောင်အာရှ၌ အခြေစိုက်သည်။

    Ref : Anadolu Agency

    (Joshua Carroll ရေးသားသော Myanmar gov’t accused of denying 12 Muslims fair trial သတင်းဆောင်းပါးကို မြင့်မိုရ်မောင်မောင် မှ ပြန်ဆိုတင်ပြသည်။)

  • အစ္စလာမ့်ရေးရာ ဘာသာပြန်ဆောင်းပါးတွင် မှားယွင်းမှုများအတွက် The Voice Daily မှ ပြင်ဆင်ချက်ထည့်ပေးခဲ့ပြီး၊ သက်ဆိုင်သူများကိုလည်း တောင်းပန်ခဲ့

    အစ္စလာမ့်ရေးရာ ဘာသာပြန်ဆောင်းပါးတွင် မှားယွင်းမှုများအတွက် The Voice Daily မှ ပြင်ဆင်ချက်ထည့်ပေးခဲ့ပြီး၊ သက်ဆိုင်သူများကိုလည်း တောင်းပန်ခဲ့

    ဒီဇင်ဘာ ၉၊ ၂၀၁၅
    M-Media

    FB_IMG_1449629430145

    – ဒီဇင်ဘာ ၆ ရက်နေ့ထုတ် The Voice Daily တွင် ဖော်ပြထားသည့် “မိုဟာမက်နှင့် ပထမဆုံးကာလီဖိတ်များ” ဘာသာပြန်ဆောင်းပါးပါ သမိုင်းဆိုင်ရာမှားများ၊ အသုံးအနှုန်းမှားယွင်းမှုများ၊ ဘာသာပြန်အမှားများနှင့် ဓာတ်ပုံ မှားယွင်းသုံးစွဲထားမှုများအတွက် ပြင်ဆင်ချက်နှင့် ထိခိုက်သူအားလုံးအား တောင်းပန်မှုကို ဒီဇင်ဘာ ၉ ရက်နေ့ (ယနေ့) ထုတ် The Voice Daily တွင် ထည့်သွင်းပေးခဲ့သည်ဟု သိရသည်။

    အဆိုပါ ဘာသာပြန်ဆောင်းပါးမှာ National Geographic အဖွဲ့မှ ထုတ်ဝေသည့် Essential Visual History of The World စာအုပ်တွင် အင်္ဂလိပ်ဘာသာဖြင့် ဖော်ပြပါရှိခဲ့သည့် အကြောင်းအရာများကို မြန်မာဘာသာဖြင့် ပြန်ဆိုခဲ့ခြင်းဖြစ်သည်ဟု ဆိုသည်။

    သို့သော်လည်း ထိုပြန်ဆိုမှုတွင် အသုံးအနှုန်းမှားယွင်းမှုများနှင့် ဘာသာပြန်အမှားများစွာ ပါရှိခဲ့ပြီး အစ္စလာမ်ဘာသာကို စတင်ဟောကြားခဲ့သည့် တမန်တော် မုဟမ္မဒ်သခင် (ငြိမ်းချမ်းသာယာမှု သက်ရောက်ပါစေ) ၏ ပုံဟု ဆိုသော ဓာတ်ပုံတစ်ပုံကိုလည်း ထည့်သွင်းဖော်ပြခဲ့သည်။

    ထိုကဲ့သို့ အစ္စလာမ်ဘာသာဝင်များ၏ စိတ်နှလုံးတွင် ထိခိုက်စေသော အမှားများကြောင့် မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးမှ ထိုဘာသာပြန်ဆောင်းပါးအတွက် ပြင်ဆင်ချက်ထည့်ပေးရန် ဒီဇင်ဘာ ၈ ရက်နေ့ ရက်စွဲဖြင့် မေတ္တာရပ်ခံစာတစ်စောင် ထုတ်ပြန်ခဲ့ပြီး အသုံးအနှုန်းနှင့် အချက်အလက် မှားယွင်းမှု ၁၄ ခုအတွက်လည်း အသုံးအနှုန်းအမှန်များကို ထုတ်ပြန်ပေးခဲ့သည်။ ထို့ပြင် အစ္စလာမ်သာသနာသမိုင်း၊ တမန်တော် မုဟမ္မဒ်သခင်၏ ထေရုပ္ပတ္တိနှင့် အခြားသော အထောက်အကူပြု စာအုပ်များကို The Voice အယ်ဒီတာအဖွဲ့သို့ ပေးပို့ခဲ့သည်။

    ယနေ့တွင် The Voice မှ ထုတ်ပြန်သော “အမှားပြင်ဆင်ချက်” ၌ ထိုကဲ့သို့ မှားယွင်းမှုများမှာ ဘာသာပြန်သူနှင့် ဘာသာပြန်မှုကို စီစစ်တည်းဖြတ်သော The Voice Daily သတင်းစာ Foreign Desk အဖွဲ့တို့၏ အာရဗီဘာသာစကားနှင့် ရင်းနှီးကျွမ်းဝင်မှုမရှိခြင်း၊ အစ္စလာမ်ဘာသာရေး နားလည်တတ်ကျွမ်းသူများနှင့် တိုင်ပင်ကာ စနစ်တကျ စီစစ်တည်းဖြတ်မှု မရှိခဲ့ခြင်း၊ သမိုင်းရှုထောင့်မှ ရေးသားထားသော စာအုပ်ဖြစ်၍ သမိုင်းအမြင်ဖြင့် ဘာသာပြန်ရေးသားခဲ့ခြင်း တို့ကြောင့် ထိုကဲ့သို့ အမှားများ ပါဝင်ခဲ့ခြင်းဖြစ်သည်ဟု ဖော်ပြထားသည်။

    ထို့ပြင် ထိုအမှားများမှာ နိုင်ငံတကာရေးရာ၊ ဘာသာပြန်ရေးရာ အစရှိသည်တို့ကို အဓိကတာဝန်ယူရရသည့် Foreign Desk တစ်ခုတည်း၏ ပေါ့ဆချွတ်ချော်မှုကြောင့်ဖြစ်သော အမှားများသာဖြစ်သည်ဟု ရိုးသားစွာ ၀န်ခံလိုပြီး “အခြား မည်သည့်ရည်ရွယ်ချက် တစ်စုံတစ်ရာ လုံးဝ(လုံးဝ) မရှိကြောင်း အထူးဖော်ပြလိုပါသည်” ဟုလည်း ထည့်သွင်း ဖော်ပြထားသည်။

    အသုံးအနှုန်းမှားယွင်းမှုများနှင့် ဘာသာပြန်လွဲချော်မှုများအတွက် မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးမှ ထုတ်ပြန်ပေးခဲ့သည့် ပြင်ဆင်ချက်ကို ထည့်သွင်းပေးခဲ့ပြီး မုဟမ္မဒ်သခင်၏ ဓာတ်ပုံဖော်ပြထားမှုအတွက်လည်း “ယင်းဆောင်းပါးတွင် ပါရှိသော မိုဟာမက် ဟု ဖော်ပြထားသည့် ရုပ်ပုံမှာ မုဟမ္မဒ်၏ ရုပ်ပုံ လုံးဝ(လုံးဝ) မဟုတ်ကြောင်း၊ မုဟမ္မဒ်၏ ပုံတူပန်းချီ လုံးဝမရှိကြောင်း” ပြန်လည်ပြင်ဆင်ပေးခဲ့သည်။

    ထို့ပြင် အဆိုပါ ဘာသာပြန်ဆောင်းပါး၏ ရိုးသားစွာ လွဲချော်မှားယွင်းမှုများအတွက် “သက်ဆိုင်သူအားလုံးကို လေးလေးစားစား တောင်းပန်အပ်ပါကြောင်း မေတ္တာရှေ့ထား ဖော်ပြလိုပါသည်” ဟု ထည့်သွင်းတောင်းပန်ခဲ့သည်။

    ထိုကဲ့သို့ ရိုးသားစွာမှားယွင်းသည်ဟု ၀န်ခံကာ ပြင်ဆင်ချက်ထည့်ပေးခဲ့သည့် The Voice Daily သတင်းစာ၏ တာဝန်ယူခဲ့သော လုပ်ရပ်အတွက် အစ္စလာမ်ဘာသာဝင်များကလည်း ဆိုရှယ်မီဒီယာများမှတစ်ဆင့် ၀မ်းမြောက်ဝမ်းသာစွာ ကြိုဆိုလက်ခံခဲ့သည်။

    1
    မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးမှ ထုတ်ပြန်ခဲ့သည့် အမှားပြင်ဆင်ချက်များ
    2
    မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးမှ ထုတ်ပြန်ခဲ့သည့် အမှားပြင်ဆင်ချက်များ
  • မြန်မာ မွတ်စလင်မ် များအား နာဇီ လုပ်ထုံးများ ဖြင့် စနစ်တကျ ညှဉ်းပမ်းနေသည်

    Robert Ehose ရေးသားသည်။
    ၂၀၁၃ ခု၊ စက်တင်ဘာလ ၂၀ ရက်၊

    555837_159295037602770_2092291726_n
    ဂျာမနီပြည် တွင် အဒေါ့ဖ် ဟစ်တလာ စတင် အာဏာ ရရှိလာသည့် ၁၉၃၃ ခုနှစ်မှ ဒုတိယ ကမ္ဘာစစ်မီးကြီး အဆုံးသတ်သွားခဲ့သည့် ၁၉၄၅ ခုနှစ် အကြားတွင် နာဇီဂျာမန် များ က ၎င်းတို့ နှင့် လူမျိူးမတူသူ (အထူးသဖြင့် ဂျူးလူမျိူးများ) အပေါ် အနိုင်ကျင့် နှိပ် ကွပ် ရန် အတွက် မတရားသဖြင့် ဥပဒေ များကို သုံးချီသုံးလား အကြိမ်ကြိမ် ခွဲပြီး ဥပဒေ ပြု၊ ပြဋ္ဌာန်း ခဲ့ကြသည်။

    ကျွန်တော်များ အမိမြန်မာနိုင်ငံ တွင် လက်ရှိဖြစ်ပေါ်လျက် ရှိသည့် မွတ်စလင်မ် များ အား လူမျိူးရေး၊ ဘာသာရေးကို အခြေခံပြီး နလံမထူနိုင်အောင် နိုင်ငံရေး အရ မတရား နှိပ်ကွပ် နေမှု များသည့် အထက်ပါ နာဇီဂျာမနီ မှ ဖြစ်ရပ်များ နှင့် ထပ်တူနီးပါး ဆင်တူ နေသည် ကို တွေ့ရှိရပါသည်။ သို့ပါသောကြောင့် အများ မျက်လုံး ပွင့်ကြစေရန် ရည်သန် ပြီး ဖော်ပြ အပ်ပါသည်။

    နာဇီတို့၏ ပထမအကြိမ် ဥပဒေ ပြုမှု (၁၉၃၃ ခုနှစ်၊ မတ်-ဧပြီ)


    Photo- ဦးဦးမှော်ဆရာ Link

    ယင်း ဥပဒေ ကို အင်္ဂလိပ် ဘာသာ အားဖြင့် Law for Restoration of Professional Civil Service ဟု ခေါ်တွင်ခဲ့ပြီး အဓိက အားဖြင့် ကျွမ်းကျင် အစိုးရ အမှုထမ်း၊ အရာထမ်း များခန့်အပ်ရာတွင် ဂျူးလူမျိူးများ အား မခန့်အပ်ရ။ ပထုတ် ထားရမည် ဟူသည့် အချက် ကို အခြေခံ ရေးဆွဲထားသည်။

    ထိုဥပဒေ အရ လူဖြူ အာရီယန် နွယ်ဝင် မဟုတ်သူများ (ဂျူးလူမျိူးများ၊ ဂျစ်ပဆီ လူမျိူးများ စသည် ..) အား အစိုးရ ရာထူးများ မှ ဖြုတ်ပစ်ရန် ဥပဒေ ပြုခဲ့သည်။ ဂျူး များ အနေဖြင့် အခြားသော အလုပ်အကိုင် များ မလုပ်ကိုင်နိုင် စေရန်၊ ဂျူးများ အပါအ၀င် အာရီယန် နွယ်ဝင် မဟုတ်သူများအား အစိုးရ ကျောင်းများတွင် တက်ရောက် ပညာ သင်ကြားနိုင်ခွင့် မရှိစေရန် ပိတ်ပင် တားဆီးရေး စသည် တို့အား အထက်ပါ ဥပဒေ အရ တရားဝင် ပြုပေးခဲ့သည်။

    အလုပ်အကိုင် ခန့်ထားရေး အတွက် စစ်ဆေးသည့် နောက်ဆုံးအဆင့် စာမေးပွဲ များ တွင် အဆိုပါ ခွဲခြားခံ ရသူများ ၀င်ရောက် မဖြေဆိုနိုင် စေရေး တားမြစ်ထားသည်။

    မြန်မာ နိုင်ငံတွင် အထက်ပါ ကဲ့သို့ ဥပဒေမျိူးအား လူသိရှင်ကြား မထုတ်ပြန်ထား စေကာမူ အတွင်းစည်း မှ ပုဂ္ဂိုလ်များသာ သိနိုင်ပြီး၊ အပြင် သို့ မပေါက်ကြားစေရန် ထိပ်တန်း လျှို့ဝှက် အဆင့် ထိန်းသိမ်း နေကြသည့် ” လျှို့ဝှက် အက်ဥပဒေ ” အဖြစ်မူ ရှိနေသည် မှာ ကာလ အတန်ကြာခဲ့ပြီ ဖြစ်သည်။

    နာဇီ တို့၏ ဒုတိယအကြိမ် ဥပဒေ ပြုမှု ( ၁၉၃၅ ခုနှစ်၊ စက်တင်ဘာလ )

    နျူရင်ဘာ့ဂ် ဥပဒေ

    ၎င်း ဥပဒေ အား နျှူရင်ဘာ့ဂ် ဥပဒေ (သို့မဟုတ်) Law for the Protection of German ဟု ခေါ်တွင်ခဲ့ပြီး အဓိက အားဖြင့် ဂျာမန်လူမျိူး များအား ကာကွယ် ရန် ဟူသည့် အကြောင်းပြချက် ဖြင့်၊ ယခု လူဝင်မှု ၀န်ကြီး ဦးခင်ရီ ပြော ကြားနေ သကဲ့သို့ သွေး ဖြင့် သာ နိုင်ငံသားဖြစ်မှု ကို သတ်မှတ်ပြီး ဂျာမန် လူမျိူးများ အားသာ ဂုဏ်မြှောက်ထား သည့် ဥပဒေ ဖြစ်သည်။ Ref: Link

    ယင်း ဥပဒေအရ ဂျူးများ ကို ဂျာမနီ နိုင်ငံသားအဖြစ် မှ ရပ်စဲ လိုက်ပြီး ထိုအချိန်မှ စကာ မဲပေးခွင့် မရရှိတော့ပေ။ ဂျူးလူမျိူး များ ၏ လက်ထပ် ထိမ်းမြားခွင့် ကို ကန့်သတ် လိုက်သည်။ အထူးသဖြင့် ဂျူးဖြစ်ပါက ဂျာမန် အမျိူးသမီးများကို လက်ထပ်ခွင့် လုံးဝ မရှိတော့ပေ။

    ထို့အပြင် ဂျာမန်အစစ် သာမဟုတ် ဂျာမန်သွေးပါသူ များနှင့် လိင် ဆက်ဆံ ခြင်း ကိုပါ ကြီးလေးသော ပြစ်မှု အဖြစ် ပြဋ္ဌာန်း အပြစ်ပေးခဲ့သည်။ အဆိုပါ ဥပဒေအရ မည်သူ သည် ဂျာမန် အာရီယန် မျိူးနွယ် စစ်စစ် ဖြစ်သည်။ မည်သူသည် ဂျူးဖြစ်သည်၊ မည် သူသည် ဂျူး သွေးပါသူ ဖြစ်သည် စသည်များကို တိတိပပ သတ်မှတ်ပြဋ္ဌာန်း ပေးသည်။

    ယင်း ဥပဒေ မှာမူ ယခု မြန်မာနိုင်ငံတွင် ပြဋ္ဌာန်း ရန် ကြိုးပမ်း နေကြသည့် တစ်ဖက် သတ် မျိူးစောင့် ဥပဒေ နှင့် ထပ်တူနီးပါး တူညီနေသည်ကို တွေ့ကြရမည် ဖြစ်သည်။ ယင်း အပြင် ယခု လူဝင်မှု ၀န်ကြီး ဦးခင်ရီ ပြောကြားနေသည့် မြန်မာနိုင်ငံသား မည်သူ ဖြစ်ခွင့်ရှိသည်။ မည်သူ က ဒုတိယတန်းစား နိုင်ငံသား အဖြစ် လျှောက်ထား နိုင်သည် စသည့် အချက်များ နှင့်လည်း များစွာ အံဝင်နေသည်။

    နာဇီတို့၏ တတိယအကြိမ် ဥပဒေ ပြုမှု ( ၁၉၃၆ နှင့် ၁၉၃၇ ခုနှစ်များ)

    ယခုအသုတ် ဥပဒေ ပြုမှု များတွင်မူ ဂျာမနီ နိုင်ငံ ၏ စီးပွားရေး လုပ်ငန်းများ တွင် ဂျူးလူမျိူး တို့ ပါဝင် လုပ်ကိုင်မှု ကို လုံးဝ ပိတ်ပင်လိုက် ပြီဖြစ်သည်။ အာရိယန်နွယ်ဝင် ဂျာမန်လူမျိူးများ မဟုတ် ဟူသည့် အကြောင်းပြချက် ဖြင့် ဂျူးလူမျိူး တို့ ဘိုးစဉ် ဘောင်ဆက် ရှာဖွေစု ဆောင်း ထားသည့် ပိုင်ဆိုင်မှု အရပ်ရပ် ကို နာဇီအစိုးရ က နိုင်ငံတော် ပိုင် သိမ်းပိုက် နိုင်သည့် ဥပဒေ ပြဋ္ဌာန်း ချက်များ ပါရှိလာသည်။

    ၁၉၃၈ ခုနှစ် နိုဝင်ဘာ ၉ ရက် နှင့် ၁၀ ရက်နေ့များက ဂျာမနီနိုင်ငံ နှင့် နာဇီ ခေါင်း ဆောင်ကြီး ဟစ်တလာ ၏ မွေးရပ်ဇာတိ သြစတြီးယား နိုင်ငံ များ တွင် တစ်ပြိုင်နက် တည်း လို ပြုလုပ်ခဲ့ကြသည့်၊ ဂျာမန်ဘာသာစကား အားဖြင့် Kristallnacht pogrom ဟု သမိုင်းတွင် ခဲ့သော ဂျူးများပိုင် ဆိုင်မှု များအား လက်နက်ကိုင် အစောင့်အရှောက် များ ၀န်းရံပေးထားသည့် လူအုပ်ကြီးများဖြင့် အတင်းအဓမ္မ ၀င်ရောက်သိမ်းပိုက် သည့် လှုပ်ရှား မှု ဖြင့် ဂျူးများ ပိုင်ဆိုင် သမျှ အား အပြီးသတ် သိမ်းယူလိုက်သည်။

    ဂျူးများ အား ၎င်းတို့ ပိုင်ဆိုင်သော အိုးအိမ် များမှ အတင်းဆွဲချ ကာ ဂတ်တို ဟု နာမည်ကြီးသော ဂျူးစုပေါင်း လူနေစခန်းများ တွင်းသို့ အတင်းအကြပ် မောင်း သွင်းခဲ့သည်။ ဂျူးလူမျိူး မှန်လျှင် ၎င်း တို့အား အလွယ်တကူ ခွဲခြားနိုင်ရန် အတွက် အ၀ါရောင် ခြောက်မြှောင့်ကြယ် တံဆိပ် ကြီးများ အား ရင်ဘတ်တွင် မြင်သာအောင် တပ်ဆင် ထားရမည် ဟူသည့် အမိန့်ပြန်တမ်း ကို ထိုနောက်ပိုင်းမှ စတင်ကာ ထုတ် ပြန်ခဲ့သည့်။

    ဂျူးလူမျိူးများ ပြည်ပ ထွက်ခွာခွင့် အား လုံးဝ တားမြစ်လိုက်သည်။ ယင်းသို့အားဖြင့် နောင်တစ်ချိန် တွင် ၎င်းတို့ အပြီးသတ် သုတ်သင်ချင်နေသည့် ဂျူးများ အား အလွယ်တကူ တစ်စုတစ်ဝေး တည်း ဖမ်းဆီးပြီး လူသတ်စခန်း များသို့ ပို့ဆောင်နိုင်ရန် အုပ်စုလိုက် အစုအဝေး ဖြင့် ဂတ်တို များတွင် စုဝေးနေထိုင်ကြစေသည်။

    ကျွန်တော်၏ အမြင်အရ မကြာမြင့်သေးသော အချိန်ကာလ ကအထိ တိုင်းရင်းသား လူမျိူး တစ်ခု အဖြစ် တရားဝင် အသိအမှတ် ခြင်း ခံခဲ့ကြ ရသော မြန်မာ ရိုဟင် ဂျာ လူမျိူးများမှာ လက်ရှိ အနေအထားတွင် အထက်ပါ နာဇီ တို့၏ နှိပ်ကွပ်မှု အဆင့် သုံးဆင့်လုံး နှင့် လုံးဝနီးပါး အသွင်သဏ္ဍာန် တူစွာ အကျူံးဝင် လျက် ညှဉ်းပမ်း ခံနေကြ ရပြီး၊ ရိုဟင်ဂျာ မဟုတ်သူ အခြား မြန်မာပြည်သား မွတ်စလင်မ် များမှာမူ မထမပိုင်း အဆင့် နှစ်ဆင့် အထိ အကျူုံး ၀င်လျက် ရှိကြောင်း တွေ့ကြရမည် ဖြစ်သည်။

    အထက်ပါ ရေးသားခဲ့သည့် အတိုင်း လူမျိူးတစ်မျိူးကို အုပ်စိုးနေသည့် အစိုးရ က စနစ်တကျ နှိပ်စက် ညှဉ်းပမ်း ခြင်းကို မည်သည့် နိုင်ငံတကာ ဥပဒေ တွင် မှ ခွင့်ပြုထား ခြင်း မရှိပဲ၊ မြန်မာ နိုင်ငံက ကုလသမဂ္ဂ အဖွဲ့ဝင် နိုင်ငံတစ်နိုင်ငံ အနေဖြင့် ပါဝင် လက် မှတ် ရေးထိုး ဂျီနီဗာကွန်ဗင်းရှင်း စာချူပ်များ နှင့်လည်း ပြဒါးတစ်လမ်း သံတစ်လမ်း၊ ဖြောင့်ဖြောင့်ကြီး ဆန့်ကျင်နေသည် ကို တွေ့ကြရမည် ဖြစ်သည်။

    ယခုလမ်းစဉ် နှင့် သာ ဆက်လက် သွားနေမည် ဆိုက ရေရှည် တွင် အမိမြန်မာ နိုင်ငံတော် ၏ ဂုဏ်သိန်၊ ပုံရိပ် များကို များစွာ ထိခိုက်လာနိုင်မည် ဖြစ်သလို၊ နိုင်ငံတ ကာ ဆက်ဆံရေး နယ်ပယ် တွင်လည်း မရှုမလှ၊ လူရာမ၀င် ဖြစ်လာနိုင်စရာ များရှိနေ သည့် အတွက် ဗုဒ္ဓဘာသာဝင်၊ ခရစ်ယာန်ဘာသာဝင် ၊ ဟိန္ဒူဘာသာဝင် မြန်မာနိုင်ငံ ဖွား ညီအစ်ကိုတော် များ အနေဖြင့်လည်း ၀ိုင်းဝန်း တားဆီးရန် တာဝန် မကင်းပါ ဟု ယူဆကြောင်း ပြောရင်း နိဂုံးချူပ်ပါရစေ ခင်ဗျာ။

    (နာဇီ ဥပဒေပြုမှု ဆိုင်ရာ အချက်အလက်များ စုဆောင်းပေး သည့် ပညာရှင် တစ်ဦး ဖြစ်သူ ကို Maung Khin အား များစွာ ကျေးဇူး ဥပကာရ တင်ရှိပါသည်။)

    ဓါတ်ပုံ – ၁၉၃၃ ခုနှစ်က၊ နာဇီခေါင်းဆောင်ကြီး အဒေါ့ဖ် ဟစ်တလာ၊ ဂျာမန် ရိုက်စတက်ခ်ျ လွှတ်တော် တွင် ဂျူးများအား နှိပ်ကွပ်ရေး ပထမဦးဆုံး ဥပဒေ ကို အဆိုပြု တင်သွင်းနေစဉ်။

    ** စာရေးသူရဲ့ အမြင်နှင့် အာဘော်သာဖြစ်ပါသည်။
    Robert Ehose မှ M-Media ကိုပေးပို့သော ဆောင်းပါးဖြစ်ပါသည်။

  • မြန်မာမွတ်စလင်များ ပညာရေးကို ဦးစားပေးကြရန် မလေးဝန်ကြီးချူပ်ဟောင်း တိုက်တွန်း

    ဇွန် ၁၉၊၂၀၁၃
    M-Media

    ကွာလာလမ်ပူ။           ။ မြန်မာနိုင်ငံအပါအ၀င် အာဆီယံနိုင်ငံတွင်းရှိ မွတ်စ်လင်မ် လူနည်းစုများသည် ပညာရေးကို အထူးဦးစားပေးကြရန် မလေးရှား ၀န်ကြီးချုပ်ဟောင်း တူးန် အဗ်ဒုလ္လာဟ် အဟ်မဒ် ဘာဒါဝီ မှ တိုက်တွန်းလိုက်သည်။

    IAIS-1
    မလေးရှားဝန်ကြီးချူပ်ဟောင်း ဘာဒါဝီ မိန့်ခွန်းပြောကြားနေစဉ် (Photo-
    Maung Zarni FB)

    မွတ်စ်လင်မ်လူ့အဖွဲ့အစည်းတို့သည် ၂၁ ရာစု၌ မိမိကိုယ်ကို ပညာရေးဖြင့် စွမ်းရည်မြှင့်တင်ရန် နှင့် လိုအပ်ချက်ဆိုင်ရာ အသိပညာများအား ရှာဖွေရယူကြရန်လိုကြောင်း ၄င်းမှပြောကြားသည်။

    ဗုဒ္ဓဟူးနေ့၊ International Institute of Advanced Islamic Studies (IAIS) ၌ ကျင်းပခဲ့သော ၂၁ ရာစု မြန်မာမွတ်စ်လင်မ်တို့၏ အကြပ်အတည်းဖြေရှင်းရေး International Forum တွင် အဗ်ဒုလ္လာဟ်မှ ယင်းသို့ ကောက်ချက်ချပြောကြားခဲ့ခြင်းဖြစ်သည်။

    ပညာရေးအပြင် အနာဂတ်မွတ်စ်လင်မ်လူ့အဖွဲ့အစည်းဂုဏ် သိက္ခာကောင်းအတွက် လူငယ်တို့၏ တိုးတက်မှု နှင့် မွတ်စ်လင်မ် လူ့အဖွဲ့အစည်းတို့၏ စီးပွားရေးကိုလည်း ထည့်တွက်စဉ်းစားရန် အလွန်အရေးကြီးကြောင်း၊ သို့သော် ဤအခြေအနေကိုရရှိရန်မှာ အကြမ်းဖက်မှုကို ရှောင်ရှားရမည့်အပြင် မွတ်စ်လင်မ်မဟုတ်သော အသိုင်းအ၀ိုင်းများနှင့် ငြိမ်းချမ်းစွာအတူယဉ်တွဲ လုပ်ဆောင်သွားရန်လိုအပ်ကြောင်း၊ မွတ်စ်လင်မ် အသိုင်းအ၀ိုင်းများအကြား တိုးတက်ဖွံ့ဖြိုးပြီးသောအုပ်စုသည် နိမ့်ကျနေသေးသည့်အုပ်စုအား အခွင့်အရေးနှင့်အောင်မြင်မှုအလို့ငှာ လက်ကမ်းကူညီပေးသင့်ကြောင်း  မလေးရှား IAIS ဦးဆောင်ပုဂ္ဂိုလ် အဗ်ဒုလ္လာဟ်က အလေးအနက်ထား ထောက်ပြပြောဆိုခဲ့သည်။

    IAIS Malaysia မှစီစဉ်ဆောင်ရွက်သော ယင်းနေ့တစ်ဝက်တာဖိုရမ်တွင် International Movement for a Just World (JUST) ၏ဥက္ကဌ Dr Chandra Muzaffar လည်း ပါဝင်ပြောဆိုခဲ့သည်။ စီစဉ်သူမှာ IAIS ၏ စီအီးအိုဒုတိယအရာရှိ ပရော်ဖက်ဆာ Dr Mohamed Azam Mohamed Adil ဖြစ်သည်။

    IAIS-2
    ကွာလာလမ်ပူမှာ ပြုလုပ်ခဲ့တဲ့ ၂၁ ရာစု မြန်မာမွတ်စ်လင်မ်တို့၏ အကြပ်အတည်းဖြေရှင်းရေး International Forum (Photo- Maung Zarni FB)

    မြန်မာနိုင်ငံသည် ပါလီမန်ရွေးကောက်ပွဲများကဲ့သို့ အပြောင်းအလဲများအပြင် စီးပွားရေးပြုပြင်ပြောင်းလဲမှုများကိုလည်း ပြုလုပ်သည်သာမက နိုင်ငံခြားရင်းနှီးမြှုပ်နှံမှုတံခါးကိုလည်း ပိုမိုဖွင့်လှစ်ပေးလာပြီဖြစ်ကြောင်း၊ အာဆီယံအနေဖြင့် ဤအပြောင်းအလဲအထမြောက်အောင် ကြိုးပမ်းရန် တာဝန်ရှိကြောင်း ဒေါက်တာ ချန်ဒရာမှ ဤသို့ပြောဆိုခဲ့သည်။

    “ ဒါပေမယ့် ဒီအပြောင်းအလဲတွေက မြန်မာ့လူ့ဘောင်ထဲမှာ အောက်ခြေအဆင့်အထိ ရောက်နိုင်ချေ မရှိသေးဘူး။ အာဆီယံအဖွဲ့ဝင်နိုင်ငံအစိုးရတွေကလည်း မြန်မာပြည်က ရိုဟင်ဂျာ နဲ့ အခြားလူနည်းစုအရေး ပြဿနာအပေါ် ပိုပြီးရှေ့ပြေးဖြစ်မယ့် – တာသွားမယ့်နည်းလမ်းတွေကို အစားထိုးအသုံးပြုတာ ကျွန်တော်တို့မြင်လိုပါတယ်။ ဒီပြဿနာကို ကျွန်တော်တို့ ၀ိုင်းဝန်းဖြေရှင်းကြပါစို့၊ အသင်(မြန်မာပြည်)အဖို့ နိုင်ငံသား၊ အုပ်ချုပ်ရေးစံနစ် ဖြစ်တဲ့ ပြဿနာအရင်းအမြစ်ကိုတော့ မဖြစ်မနေဖြေရှင်းရပါလိမ့်မယ် ဆိုပြီး အာဆီယံအဖွဲ့က ဖွင့်ထုတ်ပြောကြားဖို့ အရေးကြီးပါတယ် ” ။

    သို့တစေ ဒေါက်တာ ချန်ဒရာမှ ဤအရေးအရာမှာ အကြမ်းမဖက်သောငြိမ်းချမ်းရေးနည်းလမ်းများးအားဖြင့်သာ အဖြေရှာသွားနိုင်မည်ဟု အလေးအနက်တင်ပြသွားသည်။

    အာဆီယံ ဟုခေါ်ဆိုသော အရှေ့တောင်အာရှနိုင်ငံများအဖွဲ့ Association of Southeast Nations တွင် ဘရူနိုင်း ဒါရုစ္စလာမ်၊ ကမ္ဗောဒီးယား၊ အင်ဒိုနီးရှား၊ လာအို(လော)၊ မလေးရှား၊ မြန်မာ၊ ဖိလစ်ပိုင်၊ စင်္ကာပူ၊ ထိုင်း နှင့် ဗီယက်နမ် စသည့်နိုင်ငံများ ပါဝင်သည်။

    BERNAMA

  • မွတ်စ်လင်မ်တွေပေါ် အကြမ်းဖက်မှုရပ်ဖို့ ကုလတိုက်တွန်း (VOA)

    ဇွန်-၁၈၊၂၀၁၃

    VOA မှ  ကူးယူဖော်ပြပါသည်။

    CA051E84-79CD-4D9F-9693-371E14129CCC_mw1024_n_s
    Internally displaced Rohingya boys shiver in rain in a makeshift camp for Rohingya people in Sittwe, Burma, May 14, 2013.

    မြန်မာနိုင်ငံ ရခိုင်ပြည်နယ်အတွင်းက ရိုဟင်ဂျာမွတ်ဆလင်တွေအပါအ၀င် မွတ်ဆလင်လူနည်းစုတွေအပေါ် လူ့အခွင့်အရေးချိုးဖောက်မှုတွေနဲ့ပတ်သက်လို့ အတော်လေး စိုးရိမ်မကင်းဖြစ်ရတယ်ဆိုတာကို ကုလသမဂ္ဂ လူ့အခွင့်အရေးကောင်စီမှာ အဖွဲ့ဝင်နိုင်ငံတွေ ဆွေးနွေးခဲ့ကြပါတယ်။ အကြမ်းဖက်မှုတွေကို ရပ်တန့်စေဖို့နဲ့ မတူကွဲပြားမှုတွေကို ငြိမ်းချမ်းစွာအဖြေရှာကြဖို့ကိုလည်း မြန်မာနိုင်ငံရေးခေါင်းဆောင်တွေနဲ့ ဘာသာရေး ခေါင်းဆောင်တွေကို တိုက်တွန်းသွားပါတယ်။ ပြီးခဲ့တဲ့ သောကြာနေ့တုန်းက ကုလသမဂ္ဂလူ့အခွင့်အရေး ကောင်စီမှာ ဒီအကြောင်း ဆွေးနွေးခဲ့တာကိုတော့ ကိုသားညွန့်ဦးက တင်ပြပေးထားပါတယ်။

    မြန်မာနိုင်ငံတွင်း လူနည်းစုမွတ်ဆလင်တွေအပေါ် အကြမ်းဖက်မှုတွေ ရပ်တန့်သွားစေဖို့ မြန်မာအစိုးရအနေနဲ့ အရေးယူကိုင်တွယ်မှုတွေ ချက်ခြင်းဆောင်ရွက်ဖို့ လူ့အခွင့်အရေးကောင်စီ ဥက္ကဋ္ဌရဲ့ကြေညာချက်ကို လူ့အခွင့်အရေးကောင်စီကနေ ပြီးခဲ့တဲ့ ဇွန်လ ၁၄ ရက်နေ့ကနေ အတည်ပြုပေးလိုက်တာပါ။ မြန်မာနိုင်ငံတွင်းက လူ့အခွင့်အရေးအခြေအနေတွေနဲ့ပတ်သက်လို့ လူ့အခွင့်အရေးကောင်စီမှာ သုံးသပ်ဆွေးနွေးကြရာမှာ လူနည်းစု မွတ်ဆလင်တွေအပေါ် အကြမ်းဖက်မှုတွေနဲ့ပတ်သက်လို့ အဖွဲ့ဝင်နိုင်ငံတွေက အလေးပေး ဆွေးနွေးခဲ့ကြပါတယ်။ ဒီ မူကြမ်းနဲ့ အဆိုတင်သွင်းတဲ့ OIC ကမ္ဘာမွတ်ဆလင်ပူးပေါင်းဆောင်ရွက်အဖွဲ့ကိုယ်စား ပါကစ္စတန်ကိုယ်စားလှယ်ကတော့ မြန်မာနိုင်ငံ ရင်ဆိုင်နေရတဲ့ အကြပ်အတည်းကို သဘောပေါက် နားလည်ပေမယ့် မွတ်ဆလင်တွေရဲ့ အခက်အခဲ အခြေအနေကိုတော့ လျစ်လျူမပြုထားလိုဘူးလို့ ပြောပါတယ်။ တချိန်တည်းမှာ ဒီပြဿနာကိုင်တွယ်ဖြေရှင်းရေးအတွက် မြန်မာဖက်ကနေ ပူးပေါင်းဆောင်ရွက်မှုကိုလည်း ကျေးဇူးတင်ကြောင်း OIC က ပြောပါတယ်။ မြန်မာအစိုးရကိုယ်စားလှယ် ဦးမောင်ဝေကတော့ ကြေညာချက်ပါ စာသားအချို့ကို လက်မခံကြောင်း ပြောပါတယ်။ အထူးသဖြင့်တော့ ရိုဟင်ဂျာဆိုတဲ့ အသုံးအနှုန်းကို မြန်မာပြည်သူတွေ အနေနဲ့ သဘောမတူနိုင်ဘူးလို့ ပြောသွားပါတယ်။

    “ဒီရိုဟင်ဂျာဆိုတဲ့ အသုံးအနှုန်းကို မြန်မာပြည်သူတွေအနေနဲ့ သဘောမတူနိုင်ပါဘူး။ ဒါပေမယ့်လည်း နိုင်ငံသား ဖြစ်ပိုင်ခွင့်ကို ကျနော်တို့ရဲ့ နိုင်ငံသားဥပဒေနဲ့အညီ သုံးသပ် ဆောင်ရွက်သွားမှာဖြစ်ပါတယ်။ မြန်မာနိုင်ငံအနေနဲ့ ဒီပြဿနာကို အတော်လေးကို လေးလေးနက်နက်ကိုင်တွယ်ဆောင်ရွက်နေပါတယ်။ ရခိုင်ပြည်နယ်အတွင်းမှာ ရှိသူတိုင်းအတွက် ငြိမ်းချမ်းပြီး သဟာဇာတရှိတဲ့ လူ့အဖွဲ့အစည်းဖြစ်လာဖို့ ကိုင်တွယ်ဆောင်ရွက်နေပါတယ်။”

    အမေရိကန်ပြည်ထောင်စုကိုယ်စားလှယ်ဖြစ်တဲ့ Ms.Elleen Chamberlain Donhoe ကတော့ မြန်မာနိုင်ငံအနေနဲ့ အခုလို အပြောင်းအလဲကာလမှာ ဗဟုသဘောဆောင်တဲ့ လူမှုအဖွဲ့အစည်းတရပ်ဖြစ်လာဖို့ မြန်မာအစိုးရအနေနဲ့ ကိုင်တွယ်ဆောင်ရွက်သွားရေးကို တိုက်တွန်းသွားပါတယ်။

    “မြန်မာနိုင်ငံမှာ ဗဟုသဘောဆောင်တဲ့ လူ့အဖွဲ့အစည်း သီးခံနားလည်မှုရှိတဲ့ လူအဖွဲ့အစည်းတရပ်ဖြစ်လာဖို့ ဆောင်ရွက်ရေးအတွက် မြန်မာအစိုးရကို အမေရိကန်ပြည်ထောင်စုအနေနဲ့ ဆက်ပြီး တိုက်တွန်းပါတယ်။ ဘာသာရေးလွတ်လပ်ခွင့်နဲ့ မြန်မာနိုင်ငံတွင်းက လူတိုင်းလူတိုင်း နိုင်ငံသားဖြစ်ပိုင်ခွင့်အပါအ၀င် လူ့အခွင့်အရေးတွေကို အကာအကွယ်ပေးဖို့ တောင်းဆိုပါတယ်။”

    မြန်မာနိုင်ငံတွင်းမှာ မွတ်ဆလင်လူနည်းစုတွေအပေါ်မှာ အခုလို အကြမ်းဖက်မှုတွေအပေါ်မှာ အလွန်အမင်းလည်း စိုးရိမ်ပူပင်တယ်လို့ အမေရိကန်ပြည်ထောင်စုက ပြောပါတယ်။ အီးယူ ဥရောပသမဂ္ဂ ကိုယ်စားလှယ်ဖြစ်တဲ့ အန်ယာလန်နိုင်ငံက Mr.Gerard Corr ကတော့ မြန်မာနိုင်ငံအခြေအနေကို အနီးကပ် စောင့်ကြည့်နိုင်ဖို့ ကုလသမဂ္ဂရဲ့ လူ့အခွင့်အရေးရုံးထားရှိဖို့ကို တိုက်တွန်းသွားပါတယ်။

    “မြန်မာနိုင်ငံတွင်းလူ့အခွင့်အရေးအခြေအနေတွေကို အပြည့်အ၀အကာအကွယ်ပေးနိုင်ဖို့ ကုလသမဂ္ဂ လူ့အခွင့်အရေးမဟာမင်းကြီးရုံး OHCHR ရုံးထားဖို့ အီးယူ ဥရောပသမဂ္ဂအနေနဲ့ မြန်မာအစိုးရကို ထပ်မံ တောင်းဆိုပါတယ်။ ရခိုင်ပြည်နယ်အပါအ၀င် တိုင်းပြည်အတွင်းက လူ့အခွင့်အရေးချိုးဖောက်မှုတွေကို စောင့်ကြည့်စုံစမ်းဖို့ OHCHR ရုံးထားရှိရေးက အခရာ ကျပါတယ်။ ”

    မြန်မာ့အိမ်နီးချင်းလည်းဖြစ် အာဆီယံအဖွဲ့ဝင်လည်းဖြစ်တဲ့ အင်ဒိုနီးရှားနိုင်ငံကတော့ မြန်မာနိုင်ငံအနေနဲ့ နိုင်ငံတကာရဲ့ စိုးရိမ်ချက်တွေကို အရေးတကြီးတုံ့ပြန်ဖို့လိုမယ်လို့ အင်ဒိုနီးရှားကိုယ်စားလှယ် Mr.Triyono Wibowo က ပြောပါတယ်။

    “နိုင်ငံတကာရဲ့စိုးရိမ်ချက်တွေအပေါ်မှာ အရေးတကြီးတုံ့ပြန်ကိုင်တွယ်ဖို့ မြန်မာအစိုးရကို အင်ဒိုနီးရှားက ပြောလိုပါတယ်။ နိုင်ငံတကာလူ့အခွင့်အရေးစံနှုန်းစံထားတွေနဲ့ လူသားချင်းစာနာမှုဆိုင်ရာ စံနှုန်းစံထားတွေ ကိုက်ညီအောင် တုန့်ပြန်ဖို့ တိုက်တွန်းပါတယ်။ ဒီ စိန်ခေါ်ချက်အပေါ်မှာ ကိုင်တွယ်ဖြေရှင်းဖို့ မြန်မာအစိုးရမှာ နိုင်ငံရေးအရ ပိုင်းဖြတ်ချက်ရှိမယ်လို့ ကျနော်တို့လည်း ယုံကြည်ပါတယ်။”

    မြန်မာအစိုးရကိုယ်စားလှယ် ဦးမောင်ဝေကတော့ အခုဖြစ်ခဲ့တဲ့ အဖြစ်အပျက်တွေနဲ့ ပတ်သက်ပြီး သမ္မတ ဦးသိန်းစိန်ကိုယ်တိုင်က တိတိကျကျ အရေးယူမယ်လို့ ဂတိပေးထားပြီးဖြစ်တဲ့အကြောင်း ပြောပါတယ်။ လက်တွေ့အားဖြင့်လည်း ရခိုင်အရေး စုံစမ်းရေးကော်မတီဖွဲ့စည်း ဆောင်ရွက်ခဲ့သလို အခြား အရေးယူမှုတွေကိုလည်း ပြုလုပ်နေတယ်လို့ ပြောပါတယ်။ ဒါပေမယ့်လည်း အခု နိုင်ငံတကာက ပြောနေသလို လူနည်းစု မွတ်ဆလင်တွေကို ဗုဒဘာသာဝင်တွေက တဖက်သက် တိုက်ခိုက်နေတဲ့ သဘောမျိုးတော့ မဟုတ်ဘဲ လက်တွေ့မှာ ဒီ ပဋိပက္ခကြောင့် လူမှုအဖွဲ့အစည်းနှစ်ဖက်လုံး နစ်နာခံစားရတယ်ဆိုတာကို သဘောပေါက်လိုမယ်လို့ ပြောသွားပါတယ်။

    “အကြမ်းဖက်မှုတွေ ဖြစ်ခဲ့တာကို ပြန်လည်သုံးသပ်တဲ့အခါမှာ အထောက်အထားတွေအရ ဒီ အကြမ်းဖက်မှုတွေဟာ အပြန်အလှန်ဖြစ်ကြတယ်ဆိုတာ တွေ့ရပါတယ်။ မျှမျှတတ ပြောရမယ်ဆိုရင် ဗုဒ္ဒဘာသာဝင်တွေက မွတ်ဆလင်တွေကို ဆန့်ကျင်တယ်ဆိုတာ မမှန်ကန်ပါဘူး။ ဒီအကြမ်းဖက်မှုတွေကြောင့် နှစ်ဖက်စလုံးမှာ လူ့အသက်တွေ ဆုံးရှုံးပြီး၊ အိုးအိမ်ပိုင်ဆိုင်မှုတွေ ဖျက်ဆီးခံရတာ အိုးအိမ်တွေကို စွန့်ခွာပြီး ထွက်ပြေးကြရတာဟာ ၀မ်းနည်းစရာပါ။ ဒီအကြမ်းဖက်မှုကို လူ့အဖွဲ့အစည်းနှစ်ဖက်မှာ တဖက်ကပဲ ခံစားကြရတာမဟုတ်ပါဘူး။ နှစ်ဖက်စလုံးက နစ်နာခံစားကြရပါတယ်။”

    မြန်မာနိုင်ငံတွင်း ရခိုင်ပြည်နယ်အပါအ၀င် မြို့အချို့မှာဖြစ်ခဲ့တဲ့ ဘာသာရေးအကြမ်းဖက်မှုတွေနဲ့ပတ်သက်လို့ မြန်မာနိုင်ငံဆိုင်ရာကုလသမဂ္ဂလူ့အခွင့်အရေးကိုယ်စားလှယ် ကင်တာနားရဲ့ အစီရင်ခံစာမှာလည်း မြန်မာ အစိုးရရဲ့ ကိုင်တွယ်မှုအားနည်းတာတွေကို ဝေဖန်ထားပါတယ်။ အထူးသဖြင့်တော့ ဒီ အကြမ်းဖက်မှုတွေမှာ ပါဝင်ပတ်သက်တဲ့ အာဏာပိုင်တွေကို ထိထိရောက်ရောက် အရေးယူအပြစ်ပေးဖို့ မစ္စတာကင်တာနားက တိုက်တွန်းခဲ့ပါတယ်။