News @ M-Media

Tag: Myanmar Muslim

  • မူဆလင်အပေါ် အကြမ်းဖက်မှုကိစ္စ အင်ဒိုသမ္မတ ဆွေးနွေးမည် (Mizzima)

    ဧပြီ ၂၃ ရက် ၂၀၁၃
    Mizzima

    indo

    ဓါတ်ပုံ (ပေါ်ပြူလာ) ယနေ့မွန်းလွဲ ၁၂ နာရီ ခွဲအချိန်တွင် နေပြည်တော် အပြည်ပြည်ဆိုင်ရာလေဆိပ်သို့ ရောက်ရှိ အင်ဒိုနီးရှားသမ္မတ ဒေါက်တာ ဆူစီလို ဘမ်ဘန်း ယူဒိုယိုနိုနှင့် ဇနီး

    မြန်မာနိုင်ငံသို့ ရောက်ရှိနေသော အင်ဒိုနီးရှား သမ္မတ ဆူစီလို ဘမ်ဘန်း ယူဒိုယိုနို (Susilo Bambang Yudhoyono) သည် သမ္မတ ဦးသိန်းစိန်နှင့် တွေ့ဆုံစဉ် မူဆလင် ဘာသာဝင်များအပေါ် အကြမ်းဖက် တိုက်ခိုက်မှုများနှင့်ပတ်သက်၍ ကိုင်တွယ်ဖြေရှင်းရန် တိုက်တွန်းလိမ့်မည်ဟု ရိုက်တာ သတင်းတရပ်က ရေးသားထားသည်။

    ကမ္ဘာ့ မူဆလင် လူဦးရေ အများဆုံး ဖြစ်သည့် အင်ဒိုနီးရှားနိုင်ငံ သမ္မတ က မြန်မာနိုင်ငံရှိ ဗုဒ္ဓဘာသာ လူအုပ်များ၏ မူဆလင်များအပေါ် တိုက်ခိုက်သတ်ဖြတ်မှုများမှာ ဒေသတွင်းရှိ မူဆလင်များအပေါ်လည်း သက်ရောက်မှုရှိသည်ဟု ဆိုသည်။

    “ဖြစ်နိုင်တဲ့ အကောင်းဆုံးနည်းနဲ့ မဖြေရှင်းနိုင်ဘူးဆိုရင် ဒါရဲ့ သက်ရောက်မှုက မြန်မာနိုင်ငံအတွက် ကောင်းမှာ မဟုတ်သလို မူဆလင် အများစု အင်ဒိုနီးရှန်းတွေအတွက်လည်း ကောင်းမှာ မဟုတ်ပါဘူး” ဟု သမ္မတ ယူဒိုယိုနို က မြန်မာနိုင်ငံသို့ ခရီးမဆက်မီ စင်္ကာပူနိုင်ငံတွင် ပြောဆိုသွားကြောင်း ရိုက်တာသတင်းက ဆိုသည်။

    “မြန်မာ (အစိုးရ) အနေနဲ့ ဒီကိစ္စကို ဉာဏ်ပညာရှိရှိ၊ သင့်တင့်လျောက်ပတ်စွာနဲ့ တင်းမာမှုနဲ့ အကြမ်းဖက်မှုတွေကို တားဆီးကာကွယ်ဖို့ ကျနော်တို့ တိုက်တွန်းအားပေးမှာပါ။ သူတို့ ဒီရည်မှန်းချက်တွေ ရောက်ရှိလာအောင် အင်ဒိုနီးရှားမှာရှိတဲ့ ကျနော်တို့က ပံ့ပိုးပေးဖို့ အဆင်သင့်ပါပဲ” ဟုလည်း အင်ဒိုနီးရှား သမ္မတ က ပြောဆိုသည်။

    မစ္စတာ ယူဒိုယိုနို မြန်မာနိုင်ငံသို့ မရောက်လာမီ တလခန့်က မိထ္ထီလာမြို့တွင် လူ ၄၃ ဦးထက်မနည်း သတ်ဖြတ်ခံခဲ့ရသည့် အဓိကရုဏ်းများ ဖြစ်ပွားခဲ့သည်။

    အင်ဒိုသမ္မတ မြန်မာနိုင်ငံသို့ မရောက်မီ တရက်အလိုဖြစ်သည့် တနင်္လာနေ့ကလည်း အမေရိကန် အခြေစိုက် လူ့အခွင့်အရေး စောင့်ကြည့်ရေးအဖွဲ့ (HRW)က အစီရင်ခံစာတစောင် ထုတ်ပြန်ရာတွင် ၂၀၁၂ ခုနှစ်က ရခိုင်ပြည်နယ်တွင်း ဖြစ်ပွားခဲ့သည့် ပဋိပက္ခများကို အာဏာပိုင်များနှင့် ရခိုင်ဗုဒ္ဓဘာသာဝင်တို့၏ ရိုဟင်ဂျာ မူဆလင်များအပေါ် “လူမျိုးတုန်း သုတ်သင်မှု” အဖြစ် စွပ်စွဲပြစ်တင်ထားသည်။

  • ထီလာအကြမ်းဖက်ခံရသူများရဲ့ ခိုနားရာစခန်း အမှတ်တရ (၁)

    ဧပြီ-၁၂-၂၀၁၃
    ရည်လေးဆွေ

    အကြမ်းဖက်ဖျက်ဆီးခံလိုက်ရတဲ့မိတ္ထီလာက ဒုက္ခသည်တွေအတွက် လှူဒါန်းမှုတွေ လုပ်ကြတော့ ကျွန်မ လိုက်သွားချင်စိတ်ဖြစ်မိတယ်။ မတ်လ ၂၅-ရက်နေ့မှာ သွားလှူကြတာတွေရှိတော့ အဲဒီနေ့က လိုက်သွားချင်ပေမယ့် အခြားသောအကြောင်းကိစ္စတွေကြောင့် လိုက်မသွားဖြစ်ခဲ့ဘူး။ ဒါပေမယ့် မိတ္ထီလာကို သွားနိုင်ဖို့တော့ ကျွန်မအမြဲစဉ်းစားနေမိတယ်။

    ဒီလိုနဲ့ သင်္ကြန်ကာလအတွင်း ဆက်သွယ်ကြည့်မိတယ်။ မိတ္ထီလာအကြမ်းဖက်ခံရမှုကြောင့် ထွက်ပြေးကြရတဲ့ ဒုက္ခသည်တွေကို သွားရောက် လှူဒါန်းကြမယ်ဆိုတော့ ကျွန်မ လိုက်မယ်လို့ ပြောလိုက်တယ်။  ။ မနက်စောစော ၆-နာရီလောက်မှာ မန္တလေးကို ရောက်ပါတယ်။ ကားကြီးကွင်းထဲ ရောက်တော့ မနက် ၆-နာရီခွဲလောက်ရှိပြီ။ မိတ္ထီလာသွားကြမယ့် သူတွေကို ဖုန်းဆက်လိုက်တော့ သူတို့ ပစ္စည်းတွေ တင်နေပြီ ခဏနေရင် လာခေါ်မယ်ဆိုတာနဲ့ အိမ်ကပဲ စောင့်နေလိုက်တယ်။ ၈-နာရီခွဲလောက်မှာ ပစ္စည်းတွေနဲ့ ရောက်လာကြတယ်။ ဒါနဲ့ ကျွန်မတို့ စုစုပေါင်း ၈-ယောက် ပစ္စည်းတွေနဲ့အတူ မိတ္ထီလာကို ဦးတည်လိုက်ကြပါတယ်။

    လာခေါ်တဲ့ကားရောက်လာတော့ ကျွန်မမေးတယ်။ ပစ္စည်းတွေကို ဘယ်လိုပေးမှာပဲ။ ကျွန်မကတော့ ဒုက္ခသည်တွေဆီကိုပဲ တိုက်ရိုက်ပေးချင်တယ်။ တစ်ခြားမှာ ထားခဲ့ရပြီး တဆင့်ပြန်ပေးမယ်ဆိုတာမျိုးတော့ ကျွန်မ မဖြစ်ချင်ဘူးလို့ပြောမိတယ်။ ဒီဘက်က စီစဉ်ကြတဲ့ မောင်နှမတွေကလည်း ဖြစ်နိုင်ရင် ဒုက္ခသည်တွေဆီကို တိုက်ရိုက်ပေးနိုင်ဖို့ပဲ စီစဉ်ထားတယ်လို့ပြောတယ်။ ကျွန်မ ရန်ကုန်က မပြန်လာခင် သူငယ်ချင်းတစ်ယောက်ကို လှမ်းမေးတယ်။ သူက မိတ္ထီလာက ပြန်လာခဲ့ဖူးတဲ့သူဆိုတော့။ သူပြောတယ် ဒုက္ခသည်စခန်းကို ၀င်လို့ မရဘူး။ သူတောင် တခြားအဖွဲ့တွေနဲ့သွားတာ။ ၀န်ဇင်းဟိုတယ်ဘေးက စခန်းမှာ သတင်းသွားပို့မှရမယ်ဆိုတာကြောင့် စီစဉ်သူတွေကို ကြိုတင်မေးဖြစ်လိုက်တယ်။  ခရီးပင်ပန်းလာတဲ့ ကျွန်မကို ကားရှေ့ခန်းမှာပဲ ထိုင်စေတာကြောင့် ရှေ့ခန်းမှာထိုင်လိုက်ရင်း ကျွန်မ နိုးတစ်ချက်ငိုက်တစ်ချက်နဲ့ မိတ္ထီလာကို ရောက်လာတယ်။

    ၀န်ဇင်းဟိုတယ်အနီးက ဆက်သွယ်ရေးဧည့်ရိပ်သာထဲမှာ ယာယီဖွင့်ထားတဲ့ ဗဟိုကွပ်ကဲမှုအဖွဲ့ဆီကို သွားပြီး ခွင့်ပြုချက်ယူရတယ်။ အဲ့ဒီ(ကယ်ဆယ်ရေးနှင့် ပြန်လည်နေရာချထားရေးဌာန)က ကျွန်မတို့ လှူဒါန်းမယ့် ပစ္စည်းအမျိုးအမည်နဲ့ စာရင်းတွေကို သူတို့သတ်မှတ်ထားတဲ့ ပုံစံစာရွက်မှာ ဖြည့်ပေးရတယ်။ ကျွန်မတို့ကပြောတယ် စခန်းထဲကို တိုက်ရိုက်လှူချင်တယ်ဆိုတော့  ပုံစံ ၂-ခု ဖြည့်ရတယ်။ စခန်းကိုပဲ လှူခဲ့ရင် ပုံစံတစ်ခါတည်းနဲ့ ပြီးဆုံးပေမယ့် စခန်းထဲကို တိုက်ရိုက်လှူချင်တယ်ဆိုရင်တော့ ပုံစံကို ၂-ခါ ဖြည့်ရတယ်။ ဒါနဲ့ ကျွန်မတို့လည်း ပုံစံ ၂-ရွက်ကိုင်ပြီး ဘောလုံးကွင်းက ဒုက္ခသည်စခန်းကို ရောက်လာကြတယ်။ ဒီပုံစံလုပ်နေတဲ့အချိန်မှာပဲ အဲ့ဒီနားမှာ တွေ့ရတဲ့ နိုင်ငံရေးပါတီကြီးတစ်ခုက လူတစ်ယောက်က ပြောတယ်။ တကယ်လို့ ပေးတာ စကားပြောတာဆိုရင်လည်း မွတ်စလင်မ်အချင်းချင်းသာ မေးပါ ပေးပါ၊ ကျန်တဲ့နေရာတွေက ကျွန်တော်တို့တွေပဲ ၀င်လို့ရပါတယ်လို့ ပြောလာတယ်။ ဒါနဲ့ ကျွန်မတို့လည်း ဘောလုံးကွင်းက ဒုက္ခသည်တွေဆီပေးဖို့ ရွေးဖြစ်လိုက်ပါတယ်။

    1     10

    ဘောလုံးကွင်းကို ရောက်တယ်ဆိုရင်ပဲ မြင်တွေ့လိုက်ရတာက ခြံစည်းရိုးကာရံထားတဲ့ တဘက်(အတွင်းဘက်)မှာ တချို့က ရပ်နေပြီး အပြင်ဘက်ကနေ တချို့က ရပ်ပြီး အတွင်းအပြင် စကားလှမ်းပြောနေကြတယ်။ တချို့လည်း ပိုက်ဆံနည်းနည်းပေးနေတာ မြင်လိုက်တယ်။ ခြံစည်းရိုးဆိုပေမယ့် သစ်သားတန်း ကျိုးတိုးကျဲတဲပါပဲ။ တံခါးပေါက်မှာတော့ စစ်သား ၄-၅ ယောက် သေနတ်တွေကိုင်ပြီး စောင့်နေတယ်။ ကျွန်မတို့ကားလည်းရောက်ရော တစ်ယောက်က ဆင်းပြီးစကားပြောတယ်။ ပစ္စည်းတွေ လှူမယ့်အကြောင်း၊ ပြီးတော့ လျှောက်လွှာ ၂-စုံထဲက ၁-စုံကို ပေးတယ်။ အဲ့ဒီမှာ သူတို့က အထဲမှာ တာဝန်မှူးရှိတယ် အထဲကို တစ်ယောက်ပဲ ၀င်ခွင့်ရှိတယ်လို့ပြောတယ်။ ကျွန်မတို့သွားကြတဲ့အထဲက ဦးဆောင်ပေးတဲ့ အန်ကယ်လ်က ကျွန်မက ဒုက္ခသည်စခန်းထဲကို အလွန်သွားချင်နေမှန်းသိတော့ ကျွန်မကိုသွားဖို့ပြောတယ်။ ပစ္စည်းတွေကိုတော့ အပေါက်ဝမှာပဲ ချပြီး ပုံထားလိုက်ရတယ်။ ကျွန်မအထဲဝင်မယ် လုပ်တော့ အပေါက်က စစ်သားတွေက ဟိုးခပ်လှမ်းလှမ်းမှာမြင်နေရတဲ့ ယာယီအမိုးလေးနဲ့တဲလေးကို ညွှန်ပြရင်း ဟိုးမှာ အမိုးလေးနဲ့စခန်း၊ အဲ့ဒီမှာ နာမည်နဲ့ စာရင်းနဲ့ သွားပေးရမယ်ဆိုတော့။ ကျွန်မလည်း စခန်းထဲကို တစ်ယောက်တည်းဝင်သွားရမယ်ဆိုတော့ စိတ်ထဲ တစ်မျိုးပဲပေါ့။ ဒါပေမယ့် ခပ်တည်တည်ပဲ ၀င်လိုက်တော့ အပေါက်ဝနားက တစ်ယောက်ကပဲ ကျွန်တော် လိုက်ပို့ပေးမယ်ဆိုပြီး အဲဒီယာယီတဲလေးရှိရာကို လိုက်ပို့ပါတယ်။ ၀င်ပေါက်နဲ့ ယာယီတဲနေရာနဲ့က တော်တော်လေးလှမ်းတာမို့ ကျွန်မကို လိုက်ပို့ပေးတဲ့ တစ်ယောက်ကို လမ်းလျှောက်ရင်း ကျွန်မ သိချင်တာ နည်းနည်းမေးကြည့်ဖြစ်တယ်။

    “ဒီဘောလုံးကွင်းထဲမှာက ရတနာမာန်အောင်နဲ့ သီရိမင်္ဂလာရပ်ကွက် (၂)ခုပဲ ဒီထဲမှာ ရှိတယ်။ တစ်ခြားက မရှိဘူး။ ရတနာမာန်အောင်က ဒီဘက်ရပ်ကွက်၊ သီရိမင်္ဂလာက ဟိုဘက်ရပ်ကွက်လေ။ ဒါကြောင့် ဒီရပ်ကွက် ၂-ခုပဲ ရှိတယ်။ သီရိမင်္ဂလာက မီးရှို့ခံရတာ၊ ရတနာမာန်အောင်က မီးမရှို့ခံရဘူး ဖျက်ခံရတာ။”

    ပြောနေရင်း တာဝန်မှူးနေရာဆီ ရောကလာတော့ တာဝန်မှူးက ကျွန်မကိုမေးတယ်။
    “အရင်က လာနေကြလား။”

    “ကျွန်မ လာနေကြမဟုတ်ဘူး။ လှူတာကိုတော့ တဆင့်ပေးလှူနေတာတွေရှိတယ်။ လူကိုယ်တိုင်ကတော့ အခုမှ လာဖူးတာပါ”

    “ကျွန်တော် တပ်ရင်းမှူးပါ။ ကျွန်တော်တို့ကလည်း မနေ့ကမှ အသစ်ရောက်လာတာပါ။ ဒါကြောင့် လာနေကျဆိုလည်း သိထားရအောင်၊ လာနေကျမဟုတ်ရင်လည်း နောက်ပိုင်းလာတဲ့အခါကျ သိပြီးသားဖြစ်အောင် မေးတာပါ”

    “ဟုတ်ကဲ့ … ကျွန်မ ဒီတစ်ခါဟာ ပထမဆုံးအကြိမ်ပါပဲ။ ဒါနဲ့ ဗိုလ်ကြီးနာမည်က ဘယ်လိုခေါ်လဲ မသိဘူး” ကျွန်မမေးလိုက်တော့ ပထမတော့သူမဖြေချင်ဘူး ခဏတိတ်သွားတယ်။ ခဏနေတော့ သူ့နာမည်ကို ပြောပါတယ်။ ရဲဘော်တစ်ယောက်က စာအုပ်ထဲမှာ စာရင်းတွေရေးနေတုန်း ခုနက ကျွန်မကို လိုက်ပို့တဲ့တစ်ယောက်ကလည်း ဘေးကနေ ဆက်ပြောပါတယ်။ အိမ်ထောင်စု ဘယ်လောက်ရှိတယ်။ သူတို့ ဘယ်လိုပြေးလာရတယ်ဆိုတာကို ပြောပြနေတယ်။ တပ်ရင်းမှူးကလည်း ကျွန်မကို စကားတွေပြောနေတယ်။ လှူတာက ဘာဖြစ်လို့ ဒီပစ္စည်းတွေ ရွေးလှူတာလဲ။ ဘာကြောင့် ဒါတွေကို လှူတာလဲ။
    “ဒုက္ခသည်တွေအတွက် လိုအပ်မယ်ထင်တာကြောင့်ရယ်၊ တချို့ လှူပြီးပြန်လာသူတွေက ဒီလိုလေးတွေ လိုအပ်တယ်ဆိုတာကြောင့် ဒီပစ္စည်းတွေ လှူဖြစ်တာပါ”လို့ ကျွန်မပြောလိုက်တယ်။
    သူတို့ စာရင်းရေးပြီးတော့ ကျွန်မကို သွားလို့ရပါပြီဆိုတာကြောင့် ကျွန်မ ပြန်လှည့်ထွက်လာတယ်။ ကျွန်မတို့ ထွက်လာချိန်မှာပဲ တပ်ရင်းမှူးက ခုနက ကျွန်မကို စကားတွေ ပြောနေတဲ့တစ်ယောက်ကို လှမ်းခေါ်ထားလိုက်တယ်။ ကျွန်မလည်း လှည့်တောင် မကြည့်ဖြစ်တော့ဘူး ဆက်ထွက်လာလိုက်တယ်။ ကျွန်မ ဘေးနားမှာ တစ်ခြားတစ်ယောက်က ပါလာတော့ သူ့ကို ကျွန်မ မေးလိုက်တယ်။ “ဒီထဲမှာ ၀င်ကြည့်လို့ရလား၊ ဓါတ်ပုံရိုက်ချင်ရင်လည်း ရလား”ဆိုတော့ သူက ရတယ်လို့ပြောတယ်။ ဒါနဲ့ အားကစားခန်းမကို ကျွန်မသွားလိုက်တယ်။

    အဲဒီခန်းမ အပေါက်နားမှာပဲ အမျိုးသမီးတချို့ အမျိုးသားတချို့ကို ကျွန်မတွေ့တော့ မေးလိုက်တယ်။
    “အစ်မတို့ အမေကြီးတို့က ဒီခန်းမထဲမှာ နေကြတာလား။ ဘယ်ရပ်ကွက်ကနေ ဒီကို ရောက်နေကြတာလဲ။ ဒီမှာ လူဘယ်လောက် ရှိနေတာလဲ”
    “ကျွန်မတို့က သီရိမင်္ဂလာကပါ။ မီးရှို့ခံရတဲ့ရပ်ကွက်က။ ဟိုဘက် ဘောလုံးကွင်းထဲမှာ camp တွေ ရှိတယ်။ အဲဒါကတော့ အိမ်ဖျက်ခံရတဲ့ ရတနာမာန်အောင် ရပ်ကွက်က လူတွေထားထားတယ်။ အခု ဒီမှာ လူဦးရေ (၁၇၀၀)ကျော်ရှိတယ်။ အိမ်ထောင်စုက (၄၄၄)အိမ်ထောင်စုရှိတယ်။”

    ကျွန်မပြောနေစဉ်မှာပဲ ဒုက္ခသည်ထဲကပဲ တာဝန်ခံ အမျိုးသမီးတစ်ယောက် အနားရောက်လာတော့ တခြားသူတွေက အဲဒီ အမျိုးသမီးကို ဆရာမ၊ ဆရာမက ပိုသိတယ်။ ပြောပြလိုက်ပါဦးလို့ ပြောလိုက်တော့ အဲဒီ အမျိုးသမီးက “ဒီထဲမှာတင် လူ(၁၁၀၀)ရှိတယ်။ ဟိုနေ့က (၁၅၇၈)ယောက်ရှိတယ်။ လူဦးရေက မငြိမ်ဘူး အ၀င်အထွက်ရှိနေတယ်။ တချို့ကလည်း ဆွေမျိုးသားချင်းက လာခေါ်သွားတာတွေရှိတယ်။ ပြန်သွားတာတော့ မဟုတ်ဘူး။ မိသားစုတကွဲတပြားဖြစ်နေတာတွေ ပြန်စုမိသွားကြလို့ ပြန်ပေါင်းသွားကြတာတွေပါ။  ဒီကနေတော့ ပြန်ဖို့မလွယ်ပါဘူး။ ပြန်ဖို့ကလည်း တော်တော်ခက်ခဲတယ်။ ကွပ်ကဲရေးမှူးရုံးက လူကြီးရဲ့ လက်မှတ်ပါမှ ဆိုတော့ ခက်ခဲတယ် လုပ်ရတာ။ ကျွန်မတို့ အစ်မတစ်ယောက်ပြန်ဖို့လုပ်တာ ၄-၅ ရက် လုပ်ယူရတယ်။  အိမ်တွေဘာတွေ ပြန်ဆောက်ခွင့်တော့ ဘယ်ရဦးမလဲ။ မီးမလောင်တဲ့အိမ်တွေကို ပြန်လွှတ်ရင်တောင် နည်းနည်းလျှော့သွားမှာလေ အဲလိုလည်းမဟုတ်တော့။ အလှူရှင်တွေ လာလှူတာတွေအားလုံးတော့ ကျွန်မတို့ဒုက္ခသည်တွေ အကုန်လက်ထဲရပါတယ်။ အားလုံးကို အညီအမျှ ခွဲပေးတယ်။”

    “ခုနက တပ်ရင်းကလည်း မနေ့ညကမှ အသစ်ရောက်တာ၊ အသစ်ရောက်တော့ သူတို့က လုပ်ငန်းသဘာဝ နားမလည်သေးလို့ ခေါ်မေးတာ။”လို့ ခုနက ကျွန်မကို လိုက်ပို့ပေးတဲ့ တစ်ယောက်က ၀င်ပြောတယ်။

    ပထမပြောပြနေတဲ့တစ်ယောက်က ပြန်ပြီးပြောပါတယ်။ “ဟုတ်ကဲ့ ဒီကို တိုက်ရိုက်မရောက်ဘူးဆိုတာက ဘယ်လိုမျိုးလဲတော့မသိဘူး။ ဒီကို တိုက်ရိုက်ပို့တဲ့ဟာဆိုရင် အပေါက်ဝမှာ ချရတယ်။ ပြီးရင် ဒီက တာဝန်ခံတွေ။ တာဝန်ခံတွေကလည်း ဒုက္ခသည်တွေထဲကနေပဲ ကော်မတီပြန်ဖွဲ့ပေးထားတာ။ အဲဒီကော်မတီက အမျိုးသား(၅)ယောက် အမျိုးသမီး(၅)ယောက်ပါတယ်။ ဒီကော်မတီကပဲ ပစ္စည်းအားလုံး အထဲကိုယူပြီး ပြန်ပြီးခွဲပေးတာပါ။ ဒီထဲကို ရောက်တာအားလုံးကတော့ ဒီကဒုက္ခသည်တွေဆီ အားလုံးရောက်ပါတယ်။ ပစ္စည်းတွေကို ပြန်ခွဲပေးရင်တော့ အိမ်ထောင်စုနဲ့ ခွဲပါတယ်။ လူဦးရေနဲ့မခွဲပါဘူး။ ပစ္စည်းလှူတာတွေရှိတယ်။ ငွေကတော့ လက်မခံသေးပါဘူး။ အဓိက ငွေရောက်လာလည်း အခုက ငွေက ဘာမှ လုပ်လို့ မရသေးဘူး။ ဟိုနေ့က church ကျောင်းတစ်ခုက ငွေလှူမယ်ပြောတော့ ဒီကတာဝန်ခံဟာဂျီက ကျွန်တော်တို့ ခရမ်းချဉ်သီးလိုပါတယ်၊ ရေသန့်လိုပါတယ်လို့ ပြောလိုက်တော့ သူတို့ အဲဒါ ချက်ချင်းသွားဝယ်လိုက်မယ်ဆိုပြီး ၀ယ်ပေးတယ်။ ရေသန့်ကလည်း ဒီတစ်ရက် နှစ်ရက်မှာ နည်းနည်း နည်းတယ်။ တစ်ရက်တစ်ရက်ကို ရေသန့်ဗူးကြီး ၁၀၀-လောက် ကုန်ပါတယ်။ တာဝန်ခံတွေက မှာရတာမဟုတ်ပါဘူး။ လှူတဲ့သူက လှူထားပြီးသားကို လာလာပို့ပေးတာပါ။ မနေ့ကထိတော့ သောက်ရေသန့်ရော၊ သုံးရေရော လောက်ပါတယ်။ ဒီမနက်မှာတော့ သုံးရေ မလာတော့ ရေနည်းနည်းခက်တယ်။ သင်္ကြန်ရက်မှာ အားလုံးနားကျမှာဆိုတော့ သောက်ရေခက်ခဲမှာကိုတော့ စိုးရိမ်တယ်။ ဟုတ် ရေသန့်လှူချင်ရင် ကော်မတီကို ဆက်သွယ်ပြီးလည်း လှူလို့ရပါတယ်။ ဖုန်းနံပါတ်တွေ White board မှာ ရေးထားတယ်။ ၀၉-၄၀၂၇၅၈၅၉၁ ဦးထွန်းဝေကို ဆက်သွယ်လို့လည်းရတယ်။”
    4

    အားကစားခန်းမထဲဝင်ပြီး ဓါတ်ပုံနည်းနည်းရိုက်လိုက်တယ်။ အမျိုးသမီးတချို့ဝတ်ပြုဖို့ လုပ်ဆောင်နေကြတာ ကျွန်မ တွေ့လိုက်မိတယ်။ ပြီးတော့ ဘောလုံးကွင်းထဲက camp တွေဘက်ကို ကျွန်မ သွားချင်လို့ တစ်ယောက် လိုက်ပို့ပါလို့ပြောပြီး ထွက်ခဲ့လိုက်တယ်။ လိုက်ပို့တဲ့တစ်ယောက်ကလည်း ကျွန်မကို ၀င်ပေါက်နားထိ လိုက်ပို့ပြီး ပြန်လှည့်သွားတယ်။ ကျွန်မလည်း တစ်ယောက်တည်းဝင်သွားလိုက်တော့တယ်။

    56

    8

    ကျွန်မကိုလည်း တချို့က ၀ိုင်းကြည့်နေကြတယ်။ ကျွန်မလည်း ရီပြ ပြုံးပြပြီး တွေ့တဲ့သူတချို့ကို နှုတ်ဆက်လိုက်တယ်။ နှုတ်ဆက်ရင်း ဓါတ်ပုံ နည်းနည်းရိုက်လိုက်တယ်။ ပထမ အားကစားခန်းမထဲမှာစတွေ့တဲ့ တစ်ယောက်က ကျွန်မကိုမြင်လိုက်တော့ လှမ်းနှုတ်ဆက်တယ်။ အဆင်ပြေလား အစ်မတဲ့။ ဟုတ်ကဲ့ ပြေတယ်လို့ပြောရင်း ဆက်ပြီးလျှောက်လာလိုက်တယ်။ ကျွန်မလည်း အသိမိတ်ဆွေတစ်ယောက်မှမတွေ့ပဲ ဟိုကြည့် ဒီကြည့် လျှောက်နေတော့ ကလေးတွေကအစ ကျွန်မကို ၀ိုင်းကြည့်နေတယ်။ တချို့လည်း ပူပြင်းလွန်းတဲ့ အပူရှိန်ကို အံတုရင်း တဲလေးတွေထဲမှာ အိပ်စက်အနားယူနေကြတယ်။ ကျွန်မကို ၀ိုင်းကြည့်နေတဲ့ မျက်နှာတွေမှာတော့ အများစုက အားကိုးရာမဲ့ မျက်ဝန်းလေးတွေပါပဲ။ ကျွန်မ ပိုပြီး သတိထားမိတာက ကလေးလေးတွေရဲ့ မျက်လုံးလေးတွေပါ။ ကျွန်မကို ကြည့်နေတဲ့ မျက်လုံးတွေထဲမှာ ကြောက်ရွံ့စိတ်တွေ၊ အားငယ်စိတ်တွေ အများကြီးတွေ့နေရတယ်။ ကျွန်မ သူတို့ကို ပြုံးပြလိုက်တယ်ဆိုရင် သူတို့လေးတွေလည်း မ၀ံ့မရဲနဲ့ ပြန်ပြုံးပြလာတယ်။ အဲဒီအချိန်မှာ ကျွန်မ ရင်ထဲ တော်တော်လေးကို မကောင်းဖြစ်မိတယ်။ အရိပ်အာဝါသ မရှိတဲ့ နေပူကွင်းပြင်မှာ အလျှံတညီးညီး ပူပြင်းနေတဲ့ မြေပြင်က အပူချိန်ရယ် ကောင်းကင်က နေပူရှိန် နှစ်ခု အပူရှိန်မှာ ၁၀-ပေတောင် မမြင့်တဲ့ ပလပ်စတစ်အမိုးနဲ့ တဲထဲက လူတွေရဲ့ ရင်တွင်း အပူမီးက  ပြင်ပရုပ်ခန္ဓာအပူကို ဂရုထားမိပါ့မလားလို့ ကျွန်မ တွေးမိတယ်။ တဲလေးတစ်ခုအနားအရောက်မှာ ကျွန်မကို လှမ်းကြည့်နေတဲ့ မျက်လုံးတစ်စုံက စကားပြောနေတယ်။ ဒါနဲ့ ကျွန်မလည်း သွားနှုတ်ဆက်လိုက်တယ်။ သူနဲ့ ကျွန်မ စကားနည်းနည်းပြောဖြစ်တယ်။ သူ့မိသားစုရဲ့ ဖြစ်စဉ်ကို ကျွန်မကို ပြောပြတယ်။ သူတို့က အိမ်ငှားနေတာ အိမ်ရှင်က ဗုဒ္ဓဘာသာတွေပါ။ သူတို့ကို အိမ်ရှင်က အိမ်ပေါ်မှာ ဖွက်ထားပေးတယ်။ ဒါပေမယ့် သူတို့ ရှိနေမှန်းသိနေတော့ အကြမ်းဖက်သမားတွေက မပြန်ပဲ အောက်မှာ စောင့်နေကြတယ်။ နောက် ၂-ရက်နေတော့ ဆင်းလာခဲ့ လုံခြုံရေးပေးမယ်ဆိုတာကြောင့် သူတို့ဆင်းလာကြတယ်။ အဲဒီအချိန်မှာပဲ ရပ်ကွက်လူကြီးရှေ့မှာပဲ သူ့ယောက်ျားကို ဓါးနဲ့ ထိုးသတ်လိုက်ကြတယ်ဆိုတာ ပြောပြီး သူငိုပါတယ်။ သူ့ရဲ့ သမီးလေး ၃-ယောက်လည်း သူ့ဘေးနားမှာ လာထိုင်နေတယ်။ ကလေးလေးတွေက ၂-နှစ်၊ ၂-တန်းနဲ့ ၄-တန်းကျောင်းသူလေးတွေပါ။ ကျွန်မ သူ့ကို အားပေးစကားပြောဖို့ စကားလုံးရှာမတွေ့ဘူး။ ဘုရားသခင်ထံမှာ ဆုတောင်းပါ။ အမှန်တရားအတွက် အဖြစ်မှန် ပေါ်လာမှာပါဆိုတာပဲ ပြောနိုင်တယ်။ သူနဲ့ပြောပြီးတော့ ကျွန်မ ဆက်လျှောက်လာရင်း ဘောလုံးပွဲကြည့်စင်မှာ အနားယူနေတဲ့ တချို့ကို တွေ့လိုက်ရသေးတယ်။ ကျွန်မ ပွဲကြည့်စင်ပေါ်တက်လိုက်တော့ camp လေးတွေကို အပေါ်စီးကနေ လှမ်းမြင်လိုက်ရတယ်။ အဲ့ဒီအချိန်မှာပဲ ကျွန်မဖုန်းက မြည်လာတယ်။ အပေါက်ဝမှာ စောင့်နေကြတဲ့ထဲက တစ်ယောက်က ဖုန်းခေါ်တာ။ အစ်မ ပြန်လာတော့ အပြင်မှာ ပြဿနာတက်နေတယ်တဲ့။ ဒါနဲ့ ကျွန်မလည်း လာပြီ အခုလာပြီဆိုပြီး ပြန်ထွက်လာလိုက်တယ်။ စခန်းထဲမှာပဲ အားလုံးနားနေဆောင်ဆိုတဲ့ နေရာမှာ နေ့လည် ၀တ်ပြုချိန်ရောက်နေတဲ့အတွက် အမျိုးသားတွေစုပြီး ၀တ်ပြုဆုတောင်းနေတာကိုလည်း ကျွန်မ တွေ့ခဲ့လိုက်တယ်။

    ထွက်လာနေတုန်းမှာပဲ နောက်တစ်ယောက် ဖုန်းထပ်ခေါ်လာတယ်။ မြန်မြန်ထွက်လာခဲ့တော့ ဆိုတာနဲ့ ကျွန်မလည်း ခပ်သွက်သွက်ပြန်ထွက်လာလိုက်တယ်။ ကျွန်မလည်း အပေါက်ဝရောက်ရော ရဲဘော်တစ်ယောက်က တံခါးဖွင့်ပေးတယ်။ ကျွန်မလည်း အပြင်ကိုရောက်ရော ခုနက ပြဿနာဖြစ်သွားတယ်ဆိုတာက စခန်းထဲမှာ ရှိနေတဲ့ အမျိုးသမီးနဲ့ ကလေးကို အပြင်က တစ်ယောက်က လာတွေ့တယ်။ (အမျိုးသမီးရဲ့ ခင်ပွန်းပါ။ သူတို့ ၂-ယောက်က ကွဲနေကြသလားတော့ မပြောတတ်ဘူး။) လာတွေ့ရင်း အမျိုးသားက ကလေးကို ခေါ်ပြီး ထွက်ပြေးတာ။ အဲဒီမှာ အမျိုးသမီးက အော်ပါလေရော ကျွန်မကလေး ခေါ်သွားပြီ၊ ကျွန်မ ကလေး ခေါ်သွားပြီဆိုတော့ အားလုံး ရုတ်ရုတ်သဲသဲဖြစ်သွားတယ်။ ကလေးကို ခေါ်ပြီး ထွက်သွားတာက ကလေးအဖေပါပဲ။

    ကျွန်မ ဒီစခန်းလေးမှာ တွေ့ရတာက ဒုက္ခသည်တွေအနေနဲ့ စားစရာ အစားအစာက လုံလောက်နေပါတယ်။ သူတို့အတွက် အခုအချိန်မှာ အဓိကလိုအပ်နေတာ စားသောက်စရာမဟုတ်တော့ဘူး။ သူတို့ တမ်းတနေတာ သူတို့အိမ်တွေမှာ သူတို့ပြန်လည်နေထိုင်နိုင်ဖို့ပါ။ ကျွန်မမြင်ရသလောက် သူတို့ဟာ အကျယ်ချုပ်ပုံစံမျိုး ဖြစ်နေတယ်။ အပြင်ကို လုံးဝ ထွက်ခွင့်မရှိဘူး။ နေ့လည်စာနဲ့ ညစာထမင်းကိုတော့ ကော်မတီကလူတွေက စုပြီးချက်ကျွေးလို့ ထမင်းစားရတယ်။ မနက်စာ (breakfast)ကတော့ ရှိတဲ့ မုန့်လေးနဲ့ ရေနဲ့ စားသောက်နေရတယ်။ ငွေရှိရင်တောင် ဘာမှ ၀ယ်စားလို့ မရတဲ့အခြေအနေပါ။ အားလုံးရဲ့ ဆန္ဒက အိမ်တွေကိုပဲ ပြန်ချင်ကြတယ်။ ဒါလည်း ကိုယ့်အိမ်ကိုယ့်ယာမှ မဟုတ်တာ ဘယ်လိုလုပ် အဆင်ပြေမလဲ။ ဘယ်သူက ပျော်နေမလဲ။ ဒီတော့ ဒုက္ခသည်တွေ အဆင်မပြေဘူး ဆိုတဲ့အသံတွေ ထွက်ပေါ်လာတာပါပဲ။ ကျွန်မအမြင်မှာ သူတို့ လိုအပ်နေတာက စိတ်ပိုင်းဆိုင်ရာအားပေးမှုတွေ အများကြီးလိုနေပါတယ်။ ပြင်ပက လူတွေနဲ့ စကားတွေ ပေးပြောသင့်တယ်။ သူတို့ ခံစားချက်တွေ ရင်ဖွင့်ချက်တွေကို နားထောင်ပေးမယ့်သူတွေလိုအပ်နေတယ်။ ရုပ်ပိုင်းဆိုင်ရာ ဒုက္ခရောက်ပြီးကြသူတွေအနေနဲ့ စိတ်ပိုင်းဆိုင်ရာ သောကတွေပါ ထပ်ခံစားနေရရင် ပိုပြီး စိတ်ဒဏ်ရာ ရသွားနိုင်ပါတယ်။ အားလုံးက ကိုယ့်အိမ်ကို ပြန်နေရဖို့ ဆန္ဒရှိနေပါတယ်။ ဒါကြောင့် ဒီ ဒုက္ခသည်တွေ အိမ်ပြန်နိုင်အောင် တာဝန်ရှိသူတွေအနေနဲ့ စီစဉ်ပေးတာ အသင့်တော်ဆုံးဖြစ်မယ်လို့ မြင်မိတယ်။

    လုံခြုံရေးတာဝန်ကျနေသူတွေအနေနဲ့လည်း ဒုက္ခသည်တွေနည်းတူ အတူတူ နေနေကြတာ တွေ့ရတယ်။ ဒါက စခန်းတစ်ခုမှာ မြင်တာကြားတာကို ကျွန်မ ခံစားမိလာတာလေးပါ။ ဒီစခန်းကနေ ပြန်ထွက်လာပြီးချိန်မှာတော့ ရေသန့်တွေကို ကျွန်မတို့ သွားယူဖြစ်ပါတယ်။ ရေသန့်သွားယူပြီးတော့ ဒုက္ခသည် စခန်းတစ်ခုဖြစ်တဲ့ အထက(၃)ကို ကျွန်မတို့ သွားကြပြန်ပါတယ်။

    နောက်တစ်ပိုင်းမှာ ဆက်ရေးပါ့မယ် ……………… ။

    3

  • ပြည်တွင်းမှ အကြမ်းဖက်မှုများကို မလေးရှား၊ ပီနန်မြို့တွင် မြန်မာမွတ်စလင်များ ရှုံ့ချဆန္ဒပြ

    ဧပြီလ ၁၂ ၊ ၂၀၁၃
    M-Media
    သတင်း-ကျော်ကျော်

    p7

    ပီနန်။            ။ မလေးရှားနိုင်ငံ ပီနန်မြို့မှာ အခြေချ နေထိုင်ကြတဲ့ မြန်မာမွတ်စလင်တွေဟာ မြန်မာနိုင်ငံမှာ ဖြစ်ပွားနေတဲ့ အစ္စလာမ် ဘာသာဝင်များအပေါ် အကြမ်းဖက်မှု သတ်ဖြတ် တိုက်ခိုက်မှုများကို ရှုံ့ချတဲ့အနေနဲ့ ဧပြီလ (၁၂) ရက်နေ့မှာ Kapital Keling Mosque ရှေ့တွင် စုဝေးကာ ဆန္ဒပြခဲ့ကြပါတယ်။

    ဆန္ဒပြသူတွေဟာ အကြမ်းဖက်မှုများအား ထိရောက်စွာ စုံစမ်းစစ်ဆေး အရေးယူရေး၊ အကြမ်းဖက်မှုကြောင့် ဒုက္ခရောက်နေသူများအား အကူညီပေးနေသူများကို ကန့်သတ်ချက်များ ပယ်ဖျက်ရေး၊ အကြမ်းဖက်မှုကြောင့် ပျက်ဆီးသွားသော နေအိမ်များ၊ သာသနိက အဆောက်အုံများ မူလအတိုင်း ပြန်လည် ပြုပြင်ပေးရေးနှင့် အနာဂါတ်မှာ ထပ်မံ မဖြစ်ပွားစေရန် ဥပဒေကြောင်းအရ အာမခံချက်များပေးရေးတို့ကို အဓိကထား တောင်းဆိုကြတာဖြစ်ပါတယ်။

    ၂၀၁၃ခုနှစ် မတ်လမှာ မိတ္ထီလာတွင် စတင်ဖြစ်ပွားခဲ့တဲ့ သာမာန်အရောင်းအဝယ် ပြဿနာတခုကို အစပြု သွေးထိုးလှုံ့ဆော်ခဲ့ပြီး အစ္စလာမ် ဘာသာဝင်များ အပေါ် တစ်ဖက်သတ် အကြမ်းဖက်မှုတွေ အဖြစ် မိတ္ထီလာမြို့နှင့် ပဲခူးတိုင်းအနောက်ဘက် အခြမ်းမြို့နယ်များကို ပြန့်နှံခဲ့ပါတယ်။ ဒီလို အကြမ်းဖက်မှုတွေကို အစိုးရအနေနဲ့ ကိုင်တွယ်ဖြေရှင်းရာမှာ နှောင့်နှေးခဲ့သည့်အပြင် ထိရောက်စွာ တားမြစ်မှု့များ မပြုခဲ့တဲ့အတွက် အခြေအနေတွေ ပိုမို ဆိုးရွာလာခဲ့တာဖြစ်တယ်။

    ဆန္ဒပြသည့် အဖွဲ့ခေါင်းဆောင် ဟာဂျီအေးနိုင်မှ ယခုလိုမြန်မာပြည်တွင်ဖြစ်ပွားနေသည့် မွတ်စလင်(မ်)များ အကြမ်းဖက် သတ်ဖြတ်နေမှုများကို ရပ်တန့်ရန် ဖိအားပေး တောင်းဆိုမှုများကို ဆက်လက် ပြုလုပ်သွားမည်ဖြစ်ကြောင်း ပြောကြားခဲ့ပါတယ်။

    ယနေ့ ဆန္ဒပြပွဲတွင် မလေးရှားနိုင်ငံ ပီနန်မြို့ရှိ မြန်မာမွတ်စလင် အားလုံးပူးပေါင်း စီစဉ်ဆောင်ရွက်ခဲ့ကြောင်း သိရပါတယ်။

    P4

    P8

    p5

     

  • ညောင်ရွှေ က မွတ်စလင် အသိုင်းအ၀ိုင်း

    မတ်လ၊ ၅၊ ၂၀၁၃
    M-Media
    နေသစ်ထွန်း

    2013-01-19 09.48.56

     

    ခရီးသွားရာသီဖြစ်၍လည်း ညောင်ရွှေမြိုပေါ်မှာ နိုင်ငံခြားသားတွေ ဟိုတစ်စု ၊ဒီတစ်စုနဲ့ သွားလာနေကြပါတယ်။  ခေတ်လွန်ဟန်ပင် အ၀တ်အစားတွေနဲ့ တချို့က ဘီယာဆိုင်၊ တစ်ချို့က  အနှိပ်ခန်း ၊ နဲ့ အပျော်အပါးတွေ အနီး အနားမှာ တွေ့ရပါတယ်။

    ထိန်းသိမ်းထားဆဲ နာမ်ပိုင်းတန်ဖိုး

    အသွင်ကွဲအရောင်စုံလှတဲ့ မြိုကညောင်ရွှေမှာတော့ အစ္စလာမ်ဘာသာဝင် အသိုင်းအ၀ိုင်းက စိတ်ဝင်စားစရာ ကောင်းနေပါတယ်။ အကြောင်းကတော့ သူတို့တတွေဟာ မဟာတမန်တော်မြတ်ရဲ့ သွန်သင်ချက်အောက်ကနေခြေ တစ်လှမ်းမျှ အပြင် မရောက် အောင် ကြိုးစားထိန်းသိမ်းနေကြလို့ပါပဲ။ “မဒ်ရဆာမှာ ကလေး ၆၀ လောက်က အစ္စလာမ့် ဘာသာရေး အခြေခံ အသိပညာတွေ သင်ယူနေကြပါတယ်။ စနေ ၊ တနင်္ဂနွေ မှာဆို မနက်ပိုင်း ဖွင့်ပါတယ်။ ကျောင်းဖွင့်ရက် တွေမှာ တော့ ညနေပိုင်း ဖွင့်ထားပေးပါတယ် ” ဟု ညောင်ရွှေ ဗလီရှေ့ဆောင် နူရ်းအစ္စလာမ်က ပြောပါတယ်။ ကမ္ဘာ့ လှည့်ခရီး သည်တွေ အကြိုက်  အင်းလေးကန်ကြိးကြောင့် လည်း ခရီးသွားလုပ်ငန်းက  ညောင်ရွှေရဲ့ အဓိက လုပ်ငန်းဖြစ် နေတယ်။ ဟိုတယ်ကြီးတွေ ၊ယမကာ ဆိုင်တွေ၊ အနှိပ်ခန်း ကာရာအိုကေတွေ စတဲ့  ခရီးသွားစီးပွားရေးတွေ  ဖြစ် ထွန်း အောင်မြင်နေပါတယ်။

    “ ခရီးသွားလုပ်ငန်းတွေက အရက်သေစာနဲ့ အခြားတားမြစ်ထားတဲ့ လုပ်ငန်းတွေ နဲ့ ဆက်စပ်နေတော့ မြို့ခံ မွတ်စလင် တွေ မလုပ်ကိုင်ကြဘူး။ ညောင်ရွှေ မြို့ပေါ်မှာက မွတ်စလင် အိမ်ခြေ ၁၂၀ ရှိပါတယ်။ မွတ်စလင်အများစုက လက်လုပ် လက်စား အခြေခံလူတန်းစာတွေ များပါတယ်” ဟု အီမာမ်ရှေ့ဆောင်က ပြောပြတယ်။

    2013-01-19 10.04.08
    ညောင်ရွှေမြို့ပေါ်မှာ ဗလီဝတ်ကျောင်းတော်
    2013-01-19 09.56.12
    ညောင်ရွှေမြို့မှ အစ္စလာမ်ဘာသာဝင် ကလေးငယ်များကို ဘာသာရေးစာသင်ကြားပေးရာ စာသင်ကျောင်းတခု

    အုတ်တစ်ချပ်သဲတစ်ပွင့်

    မတူကွဲပြားတဲ့ သက်မွေးဝမ်းကြောင်းမှုပုံစံကို ညောင်ရွှေမြို့မှာ တွေ့ရပေမယ့် တူညီကြတဲ့ အချက်က ငြိမ်းချမ်းစွာ အတူယှဉ်တွဲနေထိုင်ပြီး မိမိရပ်ရွာ အကျိုးသယ်ပိုးတဲ့ စိတ်ဓါတ်ပါ။ ဘာသာမရွေး  လူမျိုးမခွဲပဲ လုပ်ပေးကြတဲ့ လူမှုရေး လုပ်ငန်းတွေမှာ ညောင်ရွှေက မွတ်စလင် အသိုင်းအ၀ိုင်းလည်း အုတ်တစ်ချပ် ၊ သဲတစ်ပွင့် ပါဝင်နေကြ ပါတယ်။ “ဗလီမှာတော့ သာရေးနာရေးအတွက် ကားတစ်စီး ရှိပါတယ်။ နာရေး ကိစ္စ ၊ သာရေး ကိစ္စတွေမှာ ဘာသာ မခွဲခြားပဲ လူငယ်တွေ က ဦးဆောင် ပြုလုပ်ပေးပါတယ်” လို့ အိမာမ်ရှေ့ဆောင် က ညောင်ရွှေ မွတ်စလင် အသိုင်းအ၀ိုင်း၏ လူမှုအကျိုးပြု လုပ်ငန်း လေးကို ပြောပြပါတယ်။

    အမေ့ခံလား

    အင်းလေးကန်လို့ ပြောလိုက်ရင် ကျွန်တော်တို့ မြန်မာမွတ်စလင်တွေ အရင်ဆုံးပြေးမြင်မိတာက ရေပြင်ကျယ် ကျယ်ကြီး ရယ်၊ ခြေတစ်ဖက် လှေတွေရတယ်။ ရေမျောကျွန်းတွေရယ်၊ အင်းလေးထွက် ရိုးရာ အထည်တွေရယ်။ အဲဒါတွေနဲ့ အတူ မြန်မာမွတ်စလင်တွေ အတွက် သွားလည်ရမယ့် နေရာလေး တစ်ခု ရှိနေပါတယ်။

    “ညောင်ရွှေမြို့နယ်မှာ မွတ်စလင် တွေအတွက် ထူးထူးခြားခြားနေရာ တစ်ခုရှိပါတယ်။ အင်းလေးက မိုင်းသောက်ရွာပါ။ အဲဒီရွာက ဗလီဆို ရှမ်းပြည်နယ်မှ ရှေးအကျဆုံး ဗလီလို့တောင်ပြောလို့ရတယ်။ ရှမ်းစော်ဘွားတွေ လက်ထက်က တည်း ရှိခဲ့တာ ဗလီ သက်တမ်းက နှစ်ပေါင်း၂၆၀လောက်ရှိပြီ။ မြန်မာမွတ်စလင်တွေ အင်းထဲရောက်ကြပေမယ့် ဒီလို ဗလီကို သွားလည်ကြတာ၊ အင်းထဲက မွတ်စလင်တွေ ဆီ သွားလည်တာ မရှိသလောက်ပါပဲ။ တကယ်ကိုသွားလည်သင့် ၊ သွား တွေ့သင့်တဲ့ နေရာပါ ” လို့ ဗလီအီမာမ်ရှေ့ဆောင်က အင်းလေးထဲက ရှေးဟောင်းဗလီ အကြောင်း လက်လှမ်း မီသလောက် ပြောပါတယ်။

    MineTauk2

    MineTauk3

    “ မိုင်းသောက်ရွာက မှာ အင်းသား မွတ်စလင်တွေလည်း နေထိုင်ကြ ပါတယ်။ မိုင်းသောက်အပြင် အင်းလေးထဲက နမ့်ပန် မှာ ဆို အင်းသားမွတ်စလင်အိမ်ခြေ ၁၅ အိမ်လောက်ရှိပါတယ်။ အားလုံးကတော့ သီးနှံစိုက်ပျိုး တာ၊ ငါးဖမ်းတာတွေ နဲ့ အသက်မွေးနေကြသူတွေပေ့ါ ” ဟု အင်းသားမွတ်စလင်တွေရဲ့ အသက်မွေးဝမ်းကြောင်းဟန်ကို ညောင်ရွှေ ဗလီ ရှေ့ဆောင်က ပြောပြခဲ့ပါတယ်။

    2013-01-19 13.54.45

    2013-01-19 13.55.10

    NyaungShwe Mosque2
    ညောင်ရွှေမြို့မှ ဗလီဝတ်ကျောင်တော်တခု

  • မွတ်စလင် ဆန့်ကျင်ရေး လှုပ်ရှားမှုများကို မြန်မာမွတ်စလင် ပညာရှင်များ အထူးစိုးရိမ်

    ဖေဖော်ဝါရီ ၁၇ ၂၀၁၃
    M-Media
    နေသစ်ထွန်း

    နိုင်ငံနှင့်အ၀ှမ်း ဖြစ်ပွားနေသော မွတ်စလင်ဆန့်ကျင်ရေး လှုပ်ရှားမှုအပေါ် မြန်မာမွတ်စလင် ပညာရှင်များ အထူးစိုးရိမ်၊

    13

    လက်တလောဖြစ်ပွားခဲ့သည့် သာကေတ အစ္စလာမ် ဘာသာရေး ကျောင်း ဖျက်စီးခံရမှုအပါအ၀င် နိုင်ငံနှင့်အ၀ှမ်း တွင်ဖြစ်ပွားနေသော မွတ်စလင်ဆန့်ကျင်ရေးနှင့် ပတ်သက်၍ မြန်မာမွတ်စလင် ပညာရှင်များ အထူးစိုးရိမ်နေကြသည်။

    ဘာသာရေး အကြောင်းပြချက်ဖြင့် ပဋိက္ခဖန်တီးနေမှုများကို တားဆီးနိုင်သည့် ဥပဒေများ ပြဌာန်းပေးရန် လိုအပ်ကြောင်း မြန်မာ မွတ်စလင် တရား လွတ်တော်ရှေ့နေတစ်ဦးမှ ပြောပါသည်။

    “မွန်ပြည်နယ် ၊ ကရင်ပြည်နယ် ၊ဧရာဝတီတိုင်းတွေ မှာ မွတ်စလင် ဆန့်ကျင်ရေးတွေ ထင်ထင်ရှားရှား ဖြစ်ပွား လာခဲ့တယ်။ လက်ရှိ အတည်ပြုကျင့်သုံးနေတဲ့ဖွဲ့စည်းပုံအခြေခံဥပဒေ ပုဒ်မ ၃၆၄ မှာ ဘာသာရေး အကြောင်း ပြုပြီး ပဋိပက္ခဖန်တီး၊ လှုံဆော်တာ တွေကို တားမြစ်တဲ့ ဥပဒေပြဌာန်းနိုင်တယ် လို့ ဖော်ပြထားတယ်။ ဒါကြောင့် လွတ်တော်ကနေ ဘာသာရေး အကြောင်းပြုပြီး ပဋိပက္ခတွေမဖြစ်ပေါ်လာဖို့ ဥပဒေပြဌာန်းပေးဖို့ လိုအပ်ပါ တယ်။ တခြားနိုင်ငံတွေမှာလည်း ဥပဒေနဲ့ ထိထိရောက်ရောက် ကာကွယ်ထားတာ တွေ့ရတယ် ”ဟု ရှေ့နေ ဦးခင်မောင်ချိုက အကြံပြု ပြောကြား သည်။

    နိုင်ငံနှင့်အ၀ှမ်း ဖြစ်ပွားနေသော ဥပဒေမဲ့ မွတ်စလင်ဆန့်ကျင်ရေး လှုပ်ရှားမှုများအား ထိရောက်စွာ အရေးယူခဲ့ခြင်း ၊ ပြည်သူ များထံ အဖြစ်မှန် တင်ပြခြင်း များ မရှိခဲ့သဖြင့်  ယင်းလှုပ်ရှားမှုတွင် နောက်ကွယ် ပယောဂများ ပါရှိဖွယ်ရှိကြောင်း မြန်မာမွတ်စလင် ပညာရှင် တစ်ဦးက သုံးသပ်သည်။

    “သာကေတဖြစ်စဉ် က ကြီးမားတဲ့ ပဋိပက္ခတစ်ခုအတွက် အစပျိုးတာလို့ အချို့ က ယူဆကောင်းယူဆနိုင်တယ်။ ဒါပေ မယ့့်  ဒီလိုမျိုး ကျွန်တော် မတွေ့ရဘူး။ တိုက်ဆိုင်မှု တစ်ခုပဲ ဖြစ်ပါတယ်။ သာကေတကိစ္စမှာ အာဏာပိုင်တွေ ကိုယ်တိုင်ဘေးက ရပ်ကြည့် နေတယ် ဆိုတာသိရတယ်။ ဘာသာ ရေးအဆောက်အအုံကို ဥပဒေမဲ့ မင်းမဲစရိုက်ဆန်ဆန် ၀င်ရောက် ဖျက်စီးတဲ့ သူတွေကို ဥပဒေအရ ဖမ်းဆီး အရေးယူရမယ်။ ပြစ်မှု ကျူးလွန်သူတွေကို ဖမ်းဆီးမှုတွေ မလုပ်ဘူး ဆိုရင်တော့ သာကေတ ဖြစ်စဉ်ကတော့ နောက်ကွယ်က ပယောဂပါနေတယ်လို့ ယူဆစရာရှိပါတယ်။ အာဏာ ပိုင် တွေ အနေနဲ့ ပြည် သူတွေ ထံ အဖြစ်မှန် ကိုရှင်းရှင်းလင်းလင်း တင်ပြပေးဖို့လိုအပ်ပါတယ် ” ဟု မော်လဝီ ပသီကျော်ဦးက ပြောပါသည်။

    576761_10150826579806383_685041382_11712483_1041883872_n
    ကချင်ပြည်နယ် အနောက်ဘက် မိုးညှင်းခရိုင် ၊ ဖားကန့်မြို့နယ် (ယခင်အခေါ်ဆိုင်းတောင်)ဆိတ်မူကျေးရွာမှ အစ္စလာမ်ဘာသာဝင် မြန်မာမွတ်စလင်မ်တို့ ဆုတောင်း ဝတ်ပြုရာ ဝတ်ပြုဆောင်အား ၂၀၁၂ ခုနှစ် ဧပြီလ ၁၂ ရက်နေ့က ဥပဒေမဲ့ ဖျက်ဆီးခဲ့သည့်ပုံ
    Kama masjid
    မကွေးတိုင်းဒေသကြီး၊ ကံမမြို့နေ မွတ်စလင်မ်(၁၀)ဦီးကျော်၏ နေအိမ်နှင့် ပိုင်ဆိုင်မှုများအပါအ၀င် ဗလီဝတ်ကျောင်းတော် တစ်လုံးတို့ကို (၁၃.၄.၂၀၁၂) တွင်အကြမ်းဖက်၊ ဖျက်ဆီး၊ လုယက်မှုများပြုလုပ်ခဲ့ကြပါတယ်။

    ရခိုင်အရေးအခင်း အတန်ငယ်ငြိမ်သက်ခဲ့ပြီးနောက်ပိုင်း အစ္စလာမ် သာသနာနှင့် မွတ်စလင်များအပေါ် မတရားစွပ်စွဲ ၀ါဒ ဖြန့်မှုများ၊ တိုက်ခိုက်မှုများမြင့်တက်ခဲ့သည်။ မွတ်စလင်ဆန့်ကျင်ရေး တရားပွဲများပြုလုပ်ခြင်း ၊ ဒီဗွီဒီ အခွေ များဖြန့် ချီခြင်း၊ တို့ဖြင့် မွတ်စလင်ဆန့်ကျင့်ရေး လှုပ်ရှားမှု ဖြစ်ပွားနေမှုအပေါ် အိုလမာ သာသနာ့ ပညာရှင်များအဖွဲ့ချုပ်၊ အစ္စလာမ် သာသနာရေးရာကောင်စီ ၊ မြန်မာနိုင်ငံလုံး ဆိုင်ရာ မြန်မာမွတ်စလင် လူငယ် များ (ဘာသာရေး)အဖွဲ့(မမလ) ၊ မြန်မာမွတ်စလင် အမျိုးသားရေးရာအဖွဲ့ချုပ် (မအဖ) ၊ မော်လ၀ီအဖွဲ့ချုပ် တို့မှ ထိရောက်စွာ ကိုင်တွယ် ဆောင်ရွက်ရန်  နှောင့်နှေးခဲ့သည်။

    “မောင်တောမြောက်ပိုင်း၊ မွန်ပြည်နယ် ဘက် ၊ ကရင်ပြည်နယ်ဘက် က ဖြစ်စဉ်တွေ က ဆက်တိုက်ဆိုသလို ဖြစ်ပွားလာ တာတွေ့ရတယ်။ အစ္စလာမ် ဘာသာရေးအဖွဲ့ကြီးက ဒီလိုဖြစ်ရပ်တွေ ရပ်တန့်အောင် ဆောင်ရွက်မှု တွေနှောက် နှေးနေပါ တယ်။ ဒီလိုအချိန်မှာ မွတ်စလင်အရေး ၊ သာသနာ့အရေးအတွက် ရှေ့တန်းထွက် ဆောင်ရွက်သင့်ပါတယ်” ဟု ရိုဟင် ဂျာ အရေးဆောင်ရွက်နေသူ  တစ်ဦးက ပြောပါသည်။

    ဘာသာတရားများအကြား ငြိမ်းချမ်းစွာ အတူယဉ်တွဲနေထိုင်ရေးသည် ဒီမိုကရေစီ ယဉ်ကျေးမှုရှိသော လူ့အဖွဲ့အစည်း တစ်ခုတွင် မရှိမဖြစ်သော အခြေအနေတစ်ရပ်ဖြစ်သည်။ ဒီမိုကရေစီ တန်ဖိုးနှင့်ဆန့်ကျင်သော ဘာသာတရားတစ်ခု၏ အဆောက်အအုံအား ဖျက်စီးခြင်းသည် လက်ခံဖွယ်ရာမရှိချေ။ ယင်းသို့သော မင်းမဲ့စရိုက်ဆန်ဆန် အပြုအမူများ ထပ်မံမဖြစ်ပွားစေရန် ပြစ်မှုကျူးလွန်သူများကို ဥပဒေအရ အရေးယူပေးရန် အရေးကြီးသည်။

    “သာကတေ ကိစ္စက မဖြစ်သင့်တဲ့ကိစ္စပါပဲ ယဉ်ကျေးတဲ့ လူ့အဖွဲပအစည်းတစ်ခုမှာ ဘာသာရေး အဆောက် အအုံကို ဖျက်ဆီးတာဟာ လက်မခံနိုင်ပါဘူး။ မွတ်စလင်တွေအနေနဲ့လည်း ထိပ်တိုက်ရင်ဆိုင်မှု မလုပ်ပဲ ၊ နိုင်ငံ တော်အစိုးရကို ဥပဒေ ကြောင်းအရ ဖြေရှင်းပေးဖို့ တောင်းဆိုရမယ်” ဟု   ၅၉ လမ်း ကုရ်အာန် အသိပညာပြန့်ပွားရေး ကော်မတီမှ မွဖ်သီ ဦးစန်း အောင်မှ သုံးသပ်ပြောကြားသည်။

    နေသစ်ထွန်း