နိုဝင်ဘာ ၂၀ ၊ ၂၀၁၂
M-Media
မောင်လူငယ်
မြန်မာမွတ်စလင်များသည် ပုဂံခေတ်မှ ဗျက်ဝိ၊ဗျတ္တမှ စတင်ကာ ခေတ်အဆက်ဆက် နှစ်ပေါင်းရာချီပြီး မြန်မာပြည်တွင် တမြေတည်းဖွား တအူတုံးဆင် ညီရင်းအကိုကဲ့သို ချစ်ကြည်ရင်းနှီးစွာ နေထိုင်လာခဲ့သည်။ အုပ်ချုပ်သူ မြန်မာ သျှင်ဘုရင်မင်းဧကရာဇ် အသီးသီးအပေါ် သစ္စာစောင့်သိရိုသေကြသူများပင်ဖြစ်ကြသလို ဘယ်တုန်းကမှ နိုင်ငံအပေါ်သစ္စာမဖောက်ခဲ့ကြသည်မှာ မြန်မာမွတ်စလင်များ၏ ဂုဏ်တခု ဖြစ်သလို အစဉ်အလာလည်း ဖြစ်ကြသည်။ ဗြိတိသျှ ကိုလိုနီဗမာပြည် ခေတ်ကာလ အတွင်း အမျိုးသားရေး လှုပ်ရှားမှုသမိုင်း၊ လွတ်လပ်ရေးကြိုးပမ်းမှု သမိုင်းနဲ့ လွတ်လပ်ပြီးခေတ် ပြည်တွင်း ရောင်စုံသူပုန်တို့ကြောင့် ရန်ကုန်အစိုးရဟု ခေါ်ခံရသောခေတ်ကာလ တိုင်းပြည်အတွက် ဗမာတပ်မတော်မှ လိုအပ်နေသော လက်နက်ခဲယမ်းများကို ရယူကြံဆောင် ပေးခဲ့ကြသည်မှာ ထင်ရှားသည်သက်သေပင်ဖြစ်သည်။
ဗိုလ်နေ၀င်း၏ ၂၆ နှစ်တာ အုပ်ချုပ်မှုနှင့် န၀တ၊ နအဖ စစ်အစိုးရအဖွဲ့၏ ၂၂ နှစ်ကြာ အာဏာ ဆုပ်ကိုင်ထားမှုတို့ကြောင့် မြန်မာနိုင်ငံသည် အဆင်းရဲဆုံးနိုင်ငံ၊ မဖွံ့ဖြိုးမတိုးတက်သောနိုင်ငံဘ၀သို့ သက်ဆင်းခဲ့ရလေသည်။ ထို့အချိန်ကာလအတွင်း တိုင်းရင်းသားများရဲ့ လိုအပ်ချက်ကဏ္ဍအသီးသီးတွင် လျစ်လှူရှုကာ ကြံရာမရသည်အဆုံး နိုင်ငံအရေးတွင် လူမျိုးရေး၊ ဘာသာရေးပေါ်လစီ ကျင့်သုံးကာ သွေးခွဲမှု၊ အဓိကရုဏ်းများဖြင့် အုပ်ချုပ်သူအစိုးရအဆက်ဆက်တိုင်း ကျင့်သုံးကြသည်မှာ အစဉ်အလာလို့ ဖြစ်ခဲ့ပေသည်။
နိုင်ငံ၏ကဏ္ဍအသီးသီးတွင် မြန်မာမွတ်စလင်များကို တဖြည်းဖြည်းနှင့် နေရာမပေးတော့ဘဲ ပစ်ပယ်ထားခြင်း၊ ကန့်သတ်ချုပ်ချယ်ခြင်းများဖြင့်လည်းကောင်း၊ တိုင်းချစ်ပြည်ချစ် ရှိသော မွတ်စလင်များကိုလည်း ရာထူးနှိမ့်ခြင်း၊ တပ်မတော်အတွင်း ၀င်ခွင့်လုံးဝမပြုတော့ခြင်းကို ၀မ်းနည်းဖွယ်ရာတွေ့မြင့်ရလေသည်။ အမျိုးသားမှတ်ပုံတင်တွင်လည်း အရင်က မကြားဖူးခဲ့သော အသုံးအနှုန်းများကို ထည့်သွင်းရေးသား ဖော်ပြထားသည်ကို တွေ့ရသည် အပြင် မြန်မာလူအဖွဲ့အစည်းတွင် သုံးစွဲနေသော စကားလုံးတချို့သည် နှိမ့်ခေါ်သော၊ မတူမတန်သလို ခွဲခြားခေါ်သော အသုံးအနှုန်းများပင်ဖြစ်သည်။ ဥပမာ – လူမျိုးခြား၊ ဘာသာခြား အစ ……. တို့ဖြစ်သည်။ ကျနော်မောင်လူငယ်ရဲ့ ဖခင်က ဗမာ ဗုဒ္ဓဘာသာ၊ မိခင်က ဗမာ အစ္စလာမ့်ဘာသာဝင်တွေပါ။ ကျနော်ရဲ့ မိခင်ဘက်က ဘိုးစဉ်ဘောင်ဆက်က ကုန်းဘောင်မင်းဆက်ဘုရင် အလောင်းဘုရား ဦးအောင်ဇေယျရဲ့ ရွှေဘို မြေဒူးဆက် မြန်မာမွတ်စလင်တွေပါ။ န၀တ၊ နအဖခေတ်မှာ အကြောက်တရား လွှမ်းမိုးနေတော့ ကျနော်ရဲ့ အမျိုးသားမှတ်ပုံတင်မှာတော့ လ၀ကအရာရှိက ဖြေထားတာက လူမျိုးမှာ ဗမာ + ဗမာစွန်နီ၊ ကိုးကွယ်သည်ဘာသာမှာ တော့ ဗုဒ္ဓဘာသာလို့ သူသဘောနဲ့သူထည့်ရေးပါတယ်။ အကြောင်းပြချက်ကတော့ အဖေဘက်ပဲ လိုက်ရမယ်တဲ့။ ကိုယ်ယုံကြည်ရာ နှစ်သက်ရာ ဘာသာတရားကို ရွေးချယ်ပိုင်ခွင့်ပင်မရှိချေ။ အဖေက အဲဒီအချိန်တုန်းက နိုင်ငံဝန်ထမ်းဆိုတော့ အလုပ်ပြုတ်မှာ ကြောက်သလို၊ ကြောက်အောင် စိတ်ဓာတ်စစ်ဆင်ရေး လုပ်ထားတဲ့အတွက် လ၀ကအရာရှိက ရီပို့စ် အရှည်ကြီးရေးပြီး ဖတ်ခွင့်မရဘဲ လက်မှတ်ရေးထိုးခိုင်းတဲ့အတွက် ကျနော် ဘာမှမပြောဘဲ လက်မှတ်ရေးထိုးပြီး သည်းခံခဲ့ပါတယ်။ ကျနော်ကဲ့သို့ အမျိုးသား မှတ်ပုံတင်တွင် အတင်းအကျပ်ပြုလုပ်ခံရ မြန်မာမွတ်စလင်များနဲ့ မှတ်ပုံတင်မရှိဘဲ နိုင်ငံမဲ့များ၊ နိုင်ငံသား ဖြစ်ခွင့်မရသူများ ဒုနဲ့ဒေးပင် ရှိသည်သိရသလို ဇင်းမယ်တွင် မြန်မာမွတ်စလင်များ၏ ဖြစ်ရပ်နှင့် ရင်တွင်းခံစားချက်များကို မျက်မြင်ကိုယ်တွေ့ တွေ့ကြုံခဲ့ရပါသည်။
တချိန်က အာရှရဲ့ ဆန်အိုးကြီးဟု နာမည်ကျော်ခဲ့သော မြန်မာနိုင်ငံသည် အခုအခါ အာဆီယံဟုခေါ်သော အရှေ့တောင်အာရှနိုင်ငံများ၏ နောက်တွင် နောက်ကောက်ကျန်ခဲ့ပြီးဖြစ်သည်မှာ လက်တွေ့အဖြစ်အပျက်ပင်ဖြစ်သည်။ မြန်မာတို့က ယိုးဒယားနိုင်ငံဟု ခေါ်ခဲ့သော ထိုင်းနိုင်ငံသည် မြန်မာတို့ထက် များစွာ ကျော်တက်ကာ တိုးတက်ဖွံဖြိ်ုးသောနိုင်ငံဘ၀သို့ ရောက်ရှိခဲ့ပြီး ၀င်ငွေကောင်းသဖြင့် မြန်မာ၊ လာအိုနဲ့ ကမ္ဘောဒီးယားနိုင်ငံမှာ အလုပ်သမားများ ထိုင်းလူမျိုးတို့ မလုပ်သော အောက်ခြေသိမ်းအလုပ်များတွင် ၀င်ရောက်လုပ်ကိုင်ကြသည်။ မြန်မာနှင့်ထိုင်းနိုင်ငံမှာ နယ်နမိတ် ထိစပ်မှုရှည်လျားပြီး ရှမ်း၊မွန်၊ကချင်၊ကရင်၊ ကယားပြည်နယ်၊ ပဲခူး၊ မြန်မာပြည်အလယ်ပိုင်းဒေသနဲ့ တနင်္သာရီတိုင်းဒေသမှာ မြန်မာတိုင်းရင်းသားများသည် နယ်စပ်ဝင်ပေါက်မှာတဆင့် တရားဝင်ရော၊ တရားမ၀င်ရော နေ့စဉ်နဲ့အမျှ ၀င်ရောက်နေသည်မှာ မြန်မာပြည်၏ ထင်ရှားသော အမှတ်အသားပင်ဖြစ်သည်။
ဇင်းမယ်တွင် မြန်မာပြည်မှာ လာသော မွတ်စလင်များကို ကြုံရာကျပန်း အလုပ်များဖြင့် တွေ့မြင်ရပါသည်။ တွေ့ခဲ့ရသူများမှာ မြန်မာပြည်သား ကရင်၊မွန်၊ရခိုင်၊ရှမ်း၊ကချင်၊ဗမာ၊ ရိုဟင်ဂျာနဲ့ တရုတ်လူမျိုး အစ္စလာမ့်ဘာသာ ကိုးကွယ်သူများပင်ဖြစ်သည်။ မြန်မာမွတ်စလင်အမျိုးသားများမှ ပလာတာ ထိုင်းအခေါ် ရိုတီ၊ လက်ဘက်ရည်၊ ထမင်းနှင့် ဟင်းမျိုးစုံ၊ အကင်မျိုးစုံနဲ့ ခေါက်ဆွဲကြော်၊ကြာဇံကြော် လက်တွန်းလှည်းဆိုင်ကယ်များဖြင့် လည်းကောင်း၊ ဈေးထဲတွင် ကြက်သားနဲ့ အမဲသားရောင်းသော ဆိုင်တွင် လည်းကောင်း အမျိုးသမီးများသည် အိမ်ဖော်အလုပ်၊ သန့်ရှင်းရေး၊ စာပွဲထိုး၊ အမဲသားသုတ်နဲ့ ထမင်း၊ ကောက်ညှင်းထမင်း လက်တွန်းလှည်းဆိုင်အပြင် ကွမ်းယာရောင်းခြင်းတို့တွင် မိမိတို့ ဘ၀စားဝတ်နေရေးအတွက် လုပ်ကိုင်ကြသည်ကို တွေ့မြင်ရပါသည်။
ကျနော်သည် ဇင်းမယ်တွင် ဂျမုအတ် သောကြာနေ့တွင် ဗလီဝတ်ပြုသွားရာတွင် မြန်မာမွတ်စလင်များနှင့် အမြဲဆုံကြပြီး ကြာလတ်သော အပြန်အလှန် မိတ်ဆက်ပေးကြရာမှာ ရင်းနှီးပြီး သူတို့ရဲ့ ဘ၀အကြောင်းကို စာနာစွာ သိရှိရပါသည်။ ထို့သူများ၏ နာမည်ကို ကျနော်သည် ထုတ်ဖော်မပြောဆိုဘဲ နာမည်ပြောင်းထားလိုက်သည်ကို စာဖတ်သူ ချစ်မိတ်ဆွေများက နားလည်ပေးပါရန်။
အကင်မျိုးစုံ လက်တွန်းလှည်းလေးနဲ့ ဈေးရောင်းနေတဲ့ မြန်မာမွတ်စလင် တဦးဖြစ်တဲ့ ဦးစောရဲသူ ပြောပြချက်ကတော့ “ကျနော်ကို ကရင်ပြည်နယ် ကြာအင်း ဆိပ်ကြီးမြို့မှာ မွေးတဲ့ ကရင်လူမျိုး အစ္စလာမ့်ဘာသာဝင်ပါ။ အခု ကျနော်အသက်က ၄၂ ရှိပါပြီး။ ကျောင်းဆိုတာ ကျနော်တောင် မမျှော်မှန်းရဲဘူး။ မိဘတွေက ဆင်းရဲလို့ ကျနော်ကျောင်းမနေခဲ့ရပါဘူး။ မြန်မာလို့ရော ထိုင်းလို့ရော ပြောတတ်ပါတယ်။ စာတော့မဖတ်တတ် မရေးတတ်ပါဘူး။ ကျနော်နေတဲ့ ဒေသမှာ အလုပ်အကိုင်ရှားပါးပါတယ်။ စားဖို့ သောက်ဖို့ အဆင်တော့မပြေဘူး။ နောက်ပြီး မွတ်စလင်တယောက်ဖြစ်တော့ ဘာသာကိုအကြောင်းပြုပြီး မှတ်ပုံတင်လုပ်ဖို့လည်း အခက်အခဲရှိတယ်။ ပိုက်ဆံလည်းမရှိဘူး။ ဒီလိုဖိနှိပ်မှုတွေရှိတော့ ၁၈ နှစ်သားကတည်း ထိုင်းကို ထွက်လာပြီး ချင်းမိုင်မှာ အလုပ်လုပ်ပြီးနေလာတာ အနှစ် ၂၀ တောင် ကျော်ခဲ့ပြီး ကျနော်မှာ အိမ်ထောင်နဲ့ အတည်တကျဖြစ်ပြီး ကလေး ၂ ယောက်ရှိပါတယ်။ အမျိုးသမီးက မွန်လူမျိုး မွတ်စလင်ပါ။ အိမ်ဖော်လုပ်နေတာပေါ့။ မိသားစုအတွက် ကျနော်တို့ လင်မယား ၂ ယောက် ကြိုးစားရတယ်။ ကျနော်ကလေး ၂ယောက်ကို ထိုင်းမှာ မွေးပြီး ထိုင်းမှာ ကျောင်းထားပေးထားပေးမဲ့ ထိုင်းနိုင်ငံသားတွေ မဟုတ်သလို မြန်မာနိုင်ငံသားလည်း မဟုတ်ပါဘူး။ မြန်မာလူမျိုး ဖြစ်ခွင့်မရတာ ကျနော် ၀မ်းနည်းလို့မဆုံပါဘူး။ အလ္လာဟ်အသျှင် အလိုတော်အတိုင်း တနေနေ့ ကိုယ်မွေးရပ်မြေကို ပြန်နိုင်မှာပါ။” လို့ ပြောသွားပါတယ်။
နောက်တယောက်ဖြစ်တဲ့ ထမင်းဆိုင်မှာ အလုပ်လုပ်နေတဲ့ ကချင်တိုင်းရင်းသား မွတ်စလင်တယောက်ဖြစ်တဲ့ ဦးLနော်ဆိုင်းကတော့ “ကျနော်အသက်ကတော့ ၃၅ ပါ။ ကချင်ပြည်နယ် မိုးညှင်းဇာတိပါ။ မိသားစု ၈ ယောက်ရှိပါတယ်။ ကျနော်က အငယ်ဆုံးပါ။ အဖေက ကချင်လွတ်လပ်ရေးတပ်မတော်မှာ ပါဝင်လှုပ်ရှားခဲ့ဖူးပါတယ်။ အခုတော့ ကွယ်လွန်သွားပါပြီး။ တချို့အကိုနဲ့ အမတွေက မိုးညှင်းမှာရှိသလို အိမ်ထောင်ကျသွားတဲ့သူတွေက တရုတ်ပြည် ရွှေလီ၊ ကူမင်းမှာ နေပါတယ်။ ပညာရေးအနေနဲ့တော့ ၁၀ တန်းထိ နေခဲ့ပါတယ်။ ကျနော်က ချင်းမိုင်မှာ နေလာတာ ၁၀ နှစ်ကျော်ပါပြီး၊ ဒီမှာက နေလို့ကောင်းတယ်။ လူမျိုး၊ဘာသာမခွဲခြားဘူး။ မြန်မာပြည်နဲ့ အတော်ကွာတယ်။ ပြောရမယ်ဆိုရင် ဆီနဲ့ ရေလိုဘဲ။ ကချင်မှာလည်း ကချင်လူမျိုး နတ်ကိုးကွယ်သူ၊ ခရစ်ယာန်တွေနဲ့ အစ္စလာမ့်ဘာသာဝင်တွေ ရှိပါတယ်။ ဒါကို မြန်မာအစိုးရက ကချင် မွတ်စလင်ဆိုတာ မရှိပါဘူးလို့ -င်ပိတ်ငြင်းနေတာရှိတယ်။ ကျုပ်တို့ကတော့ ဒီလူတွေနဲ့ ပြိုင်မငြင်းဘူး။ ကချင်လူမျိုးဆိုတာ လူကြောက်မဟုတ်ဘူးဆိုတာ သူတို့ မသိချင်ယောင်ဆောင်နေကြတာ။ ကျုပ်တို့ဆီက ကျောက်စိမ်းတွေကိုကျတော့ ယူတယ်။ ကျုပ်တို့ဒေသ ဖွံ့ဖြိုးတိုးတက်အောင် ဘာတခုမှမလုပ်ပေးတဲ့ ကြောင်သူတော် ကြွက်သူခိုးတွေလေ။” ဟု နာကျဉ်းစိတ်ကို ဒေါသသံနဲ့ ပြောသွားတယ်။
အပတ်စဉ် တနင်္ဂနွေ ညနေတိုင်း ကျနော်သည် ချင်းမိုင် Riverside Condo နားရှိ ဈေးထဲတွင် အမြဲပင် သွားရောက်လေ့ရှိသည်အပြင် ညနေစာကိုလည်း ဈေးအတွင်းရှိ လခြမ်းနှင့် ကြယ်တံဆိပ် အမှတ်အသားပါသောဆိုင်များတွင် ၀င်ရောက်စားသုံးလေရှိသည်။
ထိုင်းနိုင်ငံတွင် အစ္စလာမ့် ဘာသာဝင်များ၏ ဆိုင်များတွင် (၇၈၆) အမှတ်အသားပါသည် ဆိုင်များကို ကျနော်မတွေ့ဖူးပါ။ မြန်မာပြည်တွင် အတွေ့ရအများဆုံးပင်ဖြစ်ကြောင့် မှတ်သားမိသည်။ ကျနော်သည် ခေါက်ဆွဲဆိုင်တွင် အပတ်စဉ်တိုင်း စားနေကျဖြစ်သည်အတိုင်း ခေါက်ဆွဲဆိုင်ပိုင်ရှင်နှင့် ရင်းနှီးလာပြီး သူအကြောင်း ကိုယ်အကြောင်း မိတ်ဆက်ကြတော့မှာ မြန်မာပြည်က လာသူဖြစ်မှန်း သိရတဲ့အပြင် ရန်ကုန်ဇာတိဆိုတော့ သူအကြောင်းကိုလည်း ကျနော်ကို ရင်ဖွင့်ပြောပြခဲ့တာ ကျနော် စိတ်မကောင်းဖြစ်မိတယ်။ ပြောပြတာကတော့ “မာမူက ရန်ကုန်ဇာတိပါ သာကေတ မှာ နေတာပေါ့။ ထိုင်းမှာ နေတာ နှစ်ပေါင်း ၂၀၊ အစိတ်ရှိခဲ့ပြီး မာမူက မြန်မာ့မွတ်စလင်ပါ။ ကျောင်းဆိုလို့ ၈ တန်းထိဘဲ နေခဲ့ရတာ။ မြန်မာပြည်က ထွက်ခဲ့တုန်းက မ.ဆ.လ ခေတ်ပေါ့ သမ္မတ ဦးစန်းယု ကာလပေါ့။ ရန်ကုန်မှာ အလုပ်အကိုင် အဆင်မပြေလို့ပေါ့။ ပစ္စည်းမျိုးစုံ ရှားပါးတဲ့ ခေတ်မှာ မှောင်ခိုရွှေခေတ်ဆိုတော့ မော်လမြိုင်ဘက်ကို ရောက်သွားတယ်။ ထိုင်းကနေ ပစ္စည်းမျိုးစုံကို သယ်ဆောင်လာပြီး ခရီးအဆင့်ဆင့် ဆက်သွားပြီးမှာ မော်လမြိုင်ကို ရောက်တယ်။ မော်လမြိုင်ကနေ သင်္ဘောနဲ့ပေါ့ ရန်ကုန်အရောက် ဒါမှမဟုတ် ပုလိပ် အဖမ်းအဆီးရှိရင် စစ်တောင်း၊ ပဲခူး ရထားကနေ ရန်ကုန်ထိ ပို့ရတာပေါ့။ လဟာပြင်ဈေးတို့၊ စကော့ဈေးတို့ပေါ့။ အဲဒီတုန်းက မော်လမြိုင်ဆိုရင် မျက်နှာပွင့်တယ်။ လက်ဖျားမှာ ငွေတွေသီတယ်။ ပစ္စည်းမျိုးစုံ သယ်ဆောင်ရာမှာလည်း လမ်းခရီးအဆင့်ဆင့်မှာ ကေအန်ယူတို့၊ မွန်ပြည်သစ်ပါတီတို့ကို ဆက်ကြေးပေးရတယ်။ ဓားပြတွေရဲ့ ရန်က လွတ်အောင် ဒီအဖွဲ့တွေရဲ့ အကူအညီလိုအပ်တာပေါ့။ မြန်မာငွေက ထိုင်းဘတ်ထက် တန်ဖိုးမြင့်တယ်။ အဲဒီကာလကပေါ့။ လွမ်းစရာတော့ ဖြစ်ရပြီးလေ။
ငါတူရယ်။ ငွေလဲလှယ်နှုန်းဘယ်လောက်ရှိလဲသိလား။ ငါတူ မှတ်ထား မြန်မာငွေ ၁ ကျပ်ကို ထိုင်းဘတ် ၃၀ တောင်။ အခုတော့ မော်လမြိုင်မှာ မှောင်ခိုမရှိတော့ နောက်မျိုးဆက်သစ်တွေက ဒီအကြောင်းကို မသိကြတော့ဘူး။ ၈၆ နောက်ပိုင်းမှာ မာမူလည်း ချင်းမိုင်မှာ အလုပ်လုပ်ရင်းနဲ့ ယိုးဒယားသူနဲ့ အိမ်ထောင်ကျပြီး အခြေချနေလာတာ နှစ်ပေါင်း ၂၀ တောင် ကျော်ခဲ့ပြီး၊ မာမူမှာ သား ၂ ယောက်ရှိတယ်။ သားအကြီးက ထိုင်းတပ်မတော်လေတပ် အရာရှိဖြစ်ပြီး ချင်းမိုင်လေဆိပ်လုံခြုံရေးကို တာဝန်ယူရတယ်အဖွဲ့မှာ ပါဝင်ထမ်းဆောင်နေတာပေါ့။ သားအငယ်က မာမူနဲ့ အတူ ဈေးရောင်းနေတယ်။ ထိုင်းမှာ ဘုရင်ကြီးက ကောင်းတယ်။ အားလုံးကို ကျောသားရင်သားမခွဲခြားဘူး။ ထိုင်းလူမျိုး ဘယ်ဘာသာကိုးကွယ် ကိုးကွယ် အားလုံးကို တပြေးညီဘဲဆက်ဆံတယ်။ မာမူသားဆိုရင် ထိုင်းတပ်မတော်မှာ တာဝန်ထမ်းဆောင်နေတယ်။ မြန်မာပြည်မှာ ရမလား။ မရနိုင်ဘူးကွယ်။ သူတို့တွေက မွတ်စလင်ဆို နှိမ့်တာ၊ ဖိနှိပ်တာဘဲ။ နေရာမပေးအောင်လုပ်တာ အဘက်ဘက်ကနေပေါ့။ ဘယ်သူလုပ်တယ်ထင်လဲ။ ငါတူ မသေမရှင် မှတ်ထား ဦးနေ၀င်း ကိုယ်တိုင်လုပ်ခဲ့တာ။ မြန်မာ လူအဖွဲ့အစည်းကို အမြင်ကျဉ်းမြောင်တဲ့ အတွေးအခေါ်တွေကို သံမှိုစွဲနှက်သလိုရိုက်သွင်းခဲ့တာဘဲ။ ခင်ညွန့်ဆိုရင်လည်း ကြည့်ပါလား ဦးနေ၀င်းမွေးထားတဲ့ မျောက်လေ။ သူလည်း အပြင်ပန်းကနေ ဟန်ဆောင်တာဘဲ။ စိတ်ထဲမှာ ဖေဖေကြီးပြောသမျှ မှန်နေတယ်လို့ အစွဲမပျောက်သေးပါဘူး။ ဒီလိုသာ ရှေဆက်သွားနေရင် မာမူတို့ မြန်မာပြည် အနာဂတ်အတွက် ရင်လေးလိုက်တာ။ မာမူလည်း မြန်မာပြည်ကို သံယောဇဉ် ရှိနေတာပေါ့။ ကိုယ်မွေးရပ်မြေလေ။ ဒါပေမဲ့ မိသားစုက ထိုင်းမှာ အခြေတကျဖြစ်နေတော့ မာမူလည်း အိပ်မက်ထဲမှာ မြန်မာပြည် အမြဲရောက်နေတာပေါ့။ ရီစရာပြောရမယ်ဆိုရင် အိပ်မက်ထဲမှာ မာမူလည်း မိသားစုနဲ့ မြန်မာဟင်း၊ ငါးပိနဲ့ တို့စရာတွေနဲ့ အားရပါးရလွေးနေရတာပေါ့။” အထက်ပါ ရင်ဖွင့်ချက်ကို ကျနော်သိရသောအခါ ခံစားမှုအမျိုးမျိုးဖြင့် ဘာပြောရမှန်း မသိအောင် နှုတ်ဆိတ်နေကာ အတန်ကြာ စဉ်းစားမိသည်။
နိဂုံးချုပ်ဆိုရသော် မြန်မာမွတ်စလင်များသည် ပြည်တွင်းတွင် အမျိုးမျိုးသော ဖိနှိပ်မှုများအကြားတွင် ကြံ့ကြံ့ခံ ရင်ဆိုင်ရင် စားဝတ်နေရေးအတွက် နယ်စပ်မှတဆင့် ထွက်ခွာကာ ကျရာအလုပ်အသီးသီးတွင် ၀င်ရောက် လုပ်ကိုင်ကြသည်အပြင် မြန်မာမွတ်စလင် အများစုတွင် ပညာရေးဘက်တွင် အားနည်းခဲ့ပြီး စာတတ်မြောက်မှုနှုန်း မရှိသလောက်ဖြစ်ခဲ့ရသည်ကို ကျနော် ၀မ်းနည်းစွာ မျက်မြင်တွေ့မြင်ခဲ့ရလေသည်။
ဝမ်းနည်းမှုများစွာဖြင့်
မောင်လူငယ်
နိုဝင်ဘာ ၁၉ ၊ ၂၀၁၂
M-Media
နေသစ်ထွန်း
မြန်မာနိုင်ငံသို့ရောက်ရှိခဲ့သော အမေရိကန်သမ္မတ အိုဘားမားက ရန်ကုန်တက္ကသိုလ် ခန်းမတွင် မြန်မာပြည်သူများသို့ ပြောကြားခဲ့သော မိန့်ခွန်းအပေါ် အကောင်းမြင် အားရကျေနပ်ခဲ့ကြောင်း အိုဘားမား မိန့်ခွန်း တက်ရောက် နားထောင်ခဲ့သူ မြန်မာမွတ်စလင်များက ပြောပါသည်။
‘မွတ်စလင်အရေး ဆိုတာထက် လူအခွင့်ရေးပိုင်းကိုပြောတယ်။ လွတ်လပ်စွာကိုးကွယ်ခွင့်ကိုပြောတယ်။ သူ့နိုင်ငံနဲ့ ယှဉ်ပြီး မတူကွဲပြားတာတွေကို အားအဖြစ် အသုံးချဖို့ သူ့နိုင်ငံနဲ့ ယှဉ်ပြီး ပြောပါတယ်။ ဘယ်သူက ဘယ်နေရာက လာတယ်ဆိုတာထက် နိုင်ငံသားဖြစ်ဖို့ပဲ အရေးကြီးတယ်ဆိုတာကို ပြောသွားပါတယ်။ ဒါက မွတ်စလင်တွေအတွက် အများကြီးကောင်းပါတယ်” ဟု အစ္စလာမ်ဓမ္မဗိမာန် မှ ဓမ္မကထိက ဦးအေးလွင်က သုံးသပ်ပါသည်။
အိုဘားမား လူ့အခွင့်ရေး ရှုထောင်မှာ ပြောကြားသော မိန့်ခွန်းအပေါ် မြန်မာမွတ်စလင် ကွန်ရက်ဝင် တစ်ဦးမှလည်း ထောက်ခံကြောင်းပြောကြားသည်။
“အားရပါတယ်။ သူပြောတဲ့ အထဲမှာ ရိုဟင်ဂျာကိစ္စလည်းပါတယ်။ လူ့အခွင့်အရေးရှုထောင်ကနေ ပြောသွား တာကောင်းပါတယ် ” ဟု မြန်မာမွတ်စလင်ကွန်ရက်မှာ ဦးမျိုးဝင်းက ပြောပါသည်။
“ဒီလို Transition Period မှာ အမျိုးသား ပြန်လည်သင့်မြတ်ရေးက အရေးကြီးဆုံးပဲတဲ့ ။ အိုဘားမားရဲ့ မိန့်ခွန်းက လက်ရှိဖြစ်နေ တဲ့အခြေ အနေနဲ့ အချိန်ကိုက်ပါပဲ။ ပြည်တွင်းမှာဖြစ်နေတဲ့ နိုင်ငံရေးအခြေအနေကို သူကောင်းကောင်း သိနေတယ်” ဟု မြန်မာမွတ်စလင် ကွန်ရက်မှာ ဦးမျိုးဝင်းက သုံးသပ်သည်။
သမ္မတ အိုဘားမား ၏ မိန့်ခွန်းတွင် မတူကွဲပြားမှူ များအား နားလည်ခြင်း ၊ ရိုဟင်ဂျာများ၏ ဂုဏ်သိက္ခာ ၊ တိုင်းပြည်ညီညွတ်ရေး တို့နှင့် စပ်လျဉ်း၍ သူ့မိန့်ခွန်းတွင် ထည့်သွင်းပြောကြားခဲ့သည်။
“တကယ်လို့ အမေရိကန်ပြည်ထောင်စုဟာ မတူကွဲပြားခြားနားမှုတွေကို ကျော်လွှားနိုင်တယ်ဆိုရင် ခင်ဗျားတို့လည်း ကျော်လွှားနိုင်ကြမှာဖြစ် ပါတယ်။ မတူကွဲပြားခြားနားမှုဆိုတာ ခွန်အားရှိမှုရဲ့အရင်းအမြစ်တစ်ခုဖြစ်နိုင်ပါတယ်… ခင်ဗျားတို့၊ ကျွန်တော်တို့မှာရှိတဲ့ ဂုဏ်သိက္ခာမျိုး ရို ဟင်ဂျာတွေမှာလည်းရှိကြပါတယ်… ဒီတိုင်းပြည်မှာ မတူကွဲပြားမှုတွေ ရှိနေပါတယ်။ စေတီပုထိုးတွေ၊ ဘုရားရှိခိုးကျောင်းတွေနဲ့ ဗလီတွေ ဟာ ဘေးချင်း ယှဉ်လျက်ရှိနေကြတယ်… အမေရိကန်တွေဟာ ဆယ်စုနှစ်များစွာ မတူကွဲပြားမှုတွေ ရှိနေတဲ့ ကာလတစ်လျှောက် တိုင်းပြည်နဲ့ ပြည်သူအတွက် ချစ်ခြင်းမေတ္တာထားရှိတဲ့နေရာမှာ ညီညီညွတ်ညွတ်ရှိခဲ့ကြပါတယ်” ဟု အိုဘားမားက ပြောကြားခဲ့သည်။
ကုလသမဂ္ဂမှ ကမ္ဘာတွင်အဖိနှိပ်ခံဆုံးလူမျိုး အဖြစ် သတ်မှတ်ခံထားရသော ရိုဟင်ဂျာများကလည်း သမ္မတ အိုဘားမား မိန့်ခွန်းပေါ် လှိုက် လှိုက်လှဲလှဲ ထောက်ခံကြသည်။ “ရိုဟင်ဂျာတမျိုးသားလုံး ကကြိုဆိုပါ တယ်။ ဒါက မြန်မာ့ သမိုင်းဝင် မိန့်ခွန်းပဲ လို့ မြင်ပါတယ်” ဟု ရိုဟင်ဂျာအမျိုးသား ဦးကျော်အောင်က ထင်မြင်ချက်ပေးပါ သည်။
မိန့်ခွန်းတက်ရောက် နားထောင်ခွင့်ရသူ မြန်မာမွတ်စလင်အမျိုးသမီး မသဉ္စာ အမြင်ကတော့ “ ပညာရေး အကြောင်း အဓိက ပြောသွားတယ်။ နောက်ပြီး Diversity နဲ့ ပတ်သက်လို့ကတော့ မတူညီမှုတွေကို နိုင်ငံ တည်ဆောက်ရေးမှာ အသုံးပြုဖို့ တိုက်တွန်း သွားပါတယ်’ ဟု ပြောပါသည်။
အိုဘားမား မိန့်ခွန်းသည် ဘက်စုံထောင့်စုံက ဖိနှိပ်မှု ခွဲခြားဆက်ဆံမှု ခံနေရသော မြန်မာနိုင်ငံက အစ္စလာမ် ဘာသာဝင် များအတွက် အားအင်တစ်ရပ်ဟု သဘောထားကြသည်။
“လူနည်းစုဖြစ်တဲ့ အစ္စလာမ် ဘာသာဝင်တွေ အမြင်အရပြောရတော့ သူ့မိန့်ခွန်းက တော်တော်ကောင်းပါတယ်။ လူမျိုးရေး ဘာသာရေးအရ ခွဲခြားတာတွေ မလုပ်ဖို့ပြောပါတယ် ။ သူသဘောထားက ရခိုင်ကိစ္စက ဒေသတွင်း တင်မကဘူး ကမ္ဘာကိုပါကူးစက်သွားနိုင်တဲ့ သဘောကို သူပြောသွားတယ်။ မိန့်ခွန်းကိုခြုံငုံကြည့်ရင် မြန်မာ မွတ်စလင် တွေ အတွက်အားဖြစ်စေပါတယ် ” ဟု မြန်မာမွတ်စလင် စီးပွားရေးလုပ်ငန်းရှင် တစ်ဦးက သုံးသပ်ပါ သည်။
“အိုဘားမားက နိုင်ငံတကာ စံချိန်စံညွှန်းတွေကို အဓိက ထားပြီး ပြောတာကို သမ္မတဦးသိန်းစိန်၊ ဒီမိုကရေစီ ခေါင်းဆောင် ဒေါ်အောင်ဆန်းစု ကြည် နဲ့ အခြား ဒီမိုကရေစီ ခေါင်း ဆောင် တွေ ၊ အစိုးရအဖွဲ့ တွေအားလုံးကို အကောင်အထည်ဖေါ်ဖို့ ရှေ့တိုးဆောင်ရွက်သင့်ပါ တယ်” ဟု ရိုဟင်ဂျာ အမျိုးသား ကိုကျော်စိုးက ပြောပါသည်။
အမေရိကန်သမ္မတ အိုဘားမားသည် နိုဝင်ဘာ ၁၉ နံနက် နံနက် ၉ နာရီ မိနစ် ၃၀ တွင် ရန်ကုန် အပြည်ပြည် ဆိုင်ရာ လေဆိပ်သို့ ရောက်ရှိကာ ညနေ ၃း၄၀ နာရီ ဝန်းကျင်တွင် ရန်ကုန်အပြည်ပြည်ဆိုင်ရာ လေဆိပ်မှ ပြန် လည် ထွက်ခွာသွားပြီ ဖြစ်ကြောင်း သိရှိရသည်။
နိုဝင်ဘာ၊ ၁၀၊ ၂၀၁၂
M-Media
ဆောင်းပါးရှင်- ကျော်မိုးအောင်
မကြာခဏဆိုသလိုပင် ပြည်တွင်းနေအစ္စလာမ်ဘာသာဝင်တို့သည် မေးခွန်းတစ်ခုနှင့် ကြုံကြရလေ့ ရှိကြပါသည်။ “အကယ်၍သာ မွတ်စလင်မ်နိုင်ငံတစ်ခုခုနှင့် မြန်မာပြည် စစ်ဖြစ်ခဲ့ပါက ပြည်တွင်းနေ အစ္စလာမ်ဘာသာဝင်တို့အနေနှင့် ဘယ်ဘက်ကပါကြမှာလဲ” ဟူသည့်၊ သို့တည်းမဟုတ်လည်း ယင်းသဘော ဆောင်သည့် အူတိအူကြောင် မေးခွန်းဖြစ်သည်။ မေးသူကတော့ ပြည်တွင်းနေအစ္စလာမ်ဘာသာဝင်တွေ တိုင်းပြည်အပေါ် သစ္စာမရှိနိုင်ရာ ဟူသည့် အယူစွဲဖြင့် မွတ်စလင်မ်တို့ ချောင်ပိတ်မိမည့် မေးခွန်းဟု တရားသေယူဆ၊ ကလေးတွေးတွေးကာ မိမိတို့ကိုယ်ကို ဟုတ်လှပြီထင်လျက် မေးပုံရသည်။ ဘယ်ဘက် လိုက်မှာလဲတဲ့။ တကယ်တမ်းတော့ မေးခွန်းက လက်တွေ့ မဟုတ်သည် မဖြစ်နိုင်သည်ကို အဟုတ်လုပ်လျက် မေးထားခြင်းဖြစ်သည်။ မြန်မာနိုင်ငံအနေဖြင့် မည်သည့်နိုင်ငံနှင့်မျှ စစ်မက်ဖြစ်ပွားရန် အကြောင်းရင်းမရှိ၊ ပြည်တွင်းနေအစ္စလာမ်ဘာသာဝင်တို့အား အကဲစမ်းသည့် မေးခွန်းသက်သက်သာဖြစ်သည်။
ရှင်းလင်းပြတ်သားစွာ ဖြေပါမည်။ အစ္စလာမ့်သွန်သင်ချက်အရ မွတ်စလင်မ်မှန်ပါက အရေးကိစ္စမှန်သမျှတွင် “ကြားနေနှုတ်ဆိတ်ကာ ယုန်ကလေးနှာစေး” နေခွင့်မရှိပါ။ မွတ်စလင်မ်မှန်ပါက ပြတ်ပြတ်သားသား ဘက်လိုက်ကို လိုက်ရမည်မှာ တာဝန်ဖြစ်ပါသည်။
ဘက်လိုက်ရန် ရှင်းလင်းပြတ်သားစွာသွန်သင်ထားသော မွတ်စလင်မ်တို့၏ ကျမ်းမြတ်ကုရ်အာန်လာ အဆုံးအမကို ဖော်ပြပါမည်။
“ အို … သာသနာကို သက်ဝင်ယုံကြည်ကြသူတို့ …
သင်တို့သည် မိမိတို့ ကိုယ်ကျိုးနှင့် ဆန့်ကျင်သည်ဖြစ်စေ၊
မိဘနှစ်ပါးနှင့် ဆန့်ကျင်သည်ဖြစ်စေ၊
သွေးတော်နီးစပ်သူ ဆွေမျိုးတို့နှင့် ဆန့်ကျင်သည်ဖြစ်စေ၊
ချမ်းသာကြွယ်ဝအင်အားရှိသူနှင့် ဆန့်ကျင်သည်ဖြစ်စေ၊
ဆင်းရဲသူနှင့် ဆန့်ကျင်သည်ဖြစ်စေ၊
တရားမျှတမှုဘက်၌သာလျင် ထာဝစဉ်မြဲမြံစွာ တည်တံ့သူများ၊
အလ္လာဟ်အရှင်မြတ်ကိုသာထောက်ထား၍ သက်သေခံသူများ ဖြစ်ကြလေကုန်။…
သင်တို့သည် တရားမျှတမှုမှ တိမ်းစောင်းမသွားစေရန် မိမိတို့စိတ်အလိုဆန္ဒကို မလိုက်ကြကုန်လင့်။…”
(ကျမ်းမြတ်ကုရ်အာန် ၄း၁၃၅)
ဤမျှဆိုလျင်ပင် အစ္စလာမ်က မည်သို့ ဘက်လိုက်ခိုင်းထားကြောင်း နားလည်သဘောပေါက်မည် ထင်မ်ိပါသည်။ အမှန်တရား၊ ပရမတ္တ သစ္စာတရားဘက်သို့ ပြတ်ပြတ်သားသား ရဲရဲဝံ့ဝံ့ လိုက်ခြင်းသည်ပင် မွတ်စလင်မ့်ဂုဏ်ရည် ဖြစ်ပါသည်။ သစ္စာတရားနှင့် ယှဉ်လာလျင် မိမိတို့ ကိုယ်ကျိုးနှင့် ဆန့်ကျင်သည်ဖြစ်စေ ဘက်လိုက်ပါမည်။ မိဘနှစ်ပါးနှင့် ဆန့်ကျင်သည်ဖြစ်စေ ဘက်လိုက်ကြပါမည်။ မိမိ၏ နီးစပ်သူ ပတ်သက်ရာပတ်သက်ကြောင်းတို့ မနှစ်သက်နိုင်သည် ဖြစ်ပါစေ၊ အမျိူးတူသူနှင့် ဆန့်ကျင်သည်ဖြစ်နေပါစေ မှန်သည့်ဘက်လိုက်ကြရပါမည်။ ဘာသာ၊သာသနာတူသူနှင့် ဆန့်ကျင်ရာဆန့်ကျင်ကြောင်း ဖြစ်နေပါစေ မှန်ရာဘက်လိုက်ကြရပါမည်။ ဆင်းရဲသားလူ့နင်းပြား ပစ္စည်းမဲ့လူတန်းစား အမြဲသာစေရမည် ဟူသော လက်ဝဲယိမ်း ဝါဒကိုလည်း မကျင့်သုံးဘဲ အမှန်ဘက်လိုက်ကြရပါမည်။ သြဇာအာဏာ ဂုဏ်ဒြပ်ကြီးမားနိုင်သော ရေပေါ်ဆီ ခရိုနီ သူဌေးများနှင့် ထိပ်တိုက်တွေ့ကလည်း အဂတိတရား ကင်းစွာဖြင့် သစ္စာတရားဘက် လိုက်ကြရပါမည်။
တမန်တော်မြတ်ကလည်း မတရားမှု တစ်စုံတစ်ရာနှင့်ကြုံလာပါက ပထမဆုံးအနေဖြင့် ကာယကံမြောက် ဆန့်ကျင်ရန်၊ ထိုသို့ မဖြစ်နိုင်သည့် အခြေအနေဆိုပါက ဒုတိယအဆင့် နှုတ်အားဖြင့် ကန့်ကွက်ဆန့်ကျင်ပြောဆိုရန်၊ နှစ်မျိုးလုံးအတွက် အခက်တွေ့ပါက အနိမ့်ဆုံးအဆင့် မိမိစိတ်တွင်းမှ ရှုတ်ချဆန့်ကျင်လျက် အဆိုပါဖြစ်ရပ်ကို အားပေးအားမြောက်ပြုနေသည့် အသိုင်းအဝိုင်းမှ ကင်းဝေးစွာနေကာ အမှန်တရားထွန်းကားရေးအတွက် ဆုမွန်တောင်းရန် သွန်သင်ထားပါသည်။
သစ္စာတရားဘက်သို့ မှန်မှန်ကန်ကန် ရပ်တည်နိုင်ရန်အတွက် ပထမအဆင့်အနေဖြင့် မည်သည်က အမှန်တရားဖြစ်ကြောင်း ရှင်းလင်းပြတ်သားစွာသိစေရန် ကြိုးပမ်းအားထုတ် လေ့လာရပေမည်။ မိမိသေချာမသိပါဟု ဆိုခွင့်မရှိပါ။ ဤသည့်အတွက်လည်း မိမိ၏ လူမျိုးစွဲ၊ ဘာသာစွဲ၊ အတ္တစွဲ၊ ဆရာစွဲ၊ အယူစွဲတို့ကို အခြေမခံဘဲ တရားမျှတစွာ လေ့လာဆုံးဖြတ်ကြရန်လည်း အောက်ပါအတိုင်း လမ်းညွှန်ထားပါသည်။
ထို့ပြင် သတင်းစကားတစ်ခုကို စာရိတ္တဖောက်ပြန်သူ မသူတော်တစ်ဦးဦးက သယ်ဆောင်လာလျင် မသိဘဲနှင့် လူ့အစုအဝေးတစ်ရပ်ကို အန္တရာယ်မပြုမိစေရန် ဆန်းစစ်ကြဖို့၊ သို့မဟုတ်လျင် မိမိတို့ ပြုမူမိခဲ့သည်အတွက် ကြေကွဲ နောင်တရရမည် ဟူ၍ ဆုံမသွန်သင်ထားသည်။ (ကျမ်းမြတ်ကုရ်အာန် ၄၉း၆)
အစ္စလာမ်က မိမိ တစ်ကိုယ်ရည်အတွက် မေတ္တာထားကာ ငုံ့ခံခိုင်းထားသလို အများအတွက်၊ လူ့အစုဝေးအကျိုးနှင့် ယှဉ်လာပါမူ သစ္စာတရားအတွက် တုန့်ပြန်ခိုင်းထားသည်။
အစ္စလာမ်၏ လမ်းပြပုဂ္ဂိုလ် မဟာတမန်တော်မြတ်၏ အတ္ထုပ္ပတ္တိကို လေ့လာကြည့်လျင် မိမိတစ်ကိုယ်ရည်အား ရန်ပြုသူ၊ စော်ကားသူ၊ မတရားပြုမူသူ၊ စွပ်စွဲသူမှန်သမျှအား မေတ္တာထား ခွင့်လွှတ်ခဲ့သည်။
သစ္စာတရားနှင့် ယှဉ်လာလျင်မူ စည်းစိမ်ဥစ္စာ အာဏာဖြင့် စည်းရုံးလာသူတို့အား သင်တို့အနေဖြင့် ကျွန်ုပ်၏ လက်တစ်ဘက်တွင် နေမင်း၊ ကျန်လက်တစ်ဘက်တွင် လမင်း ပေးနိုင်စေကာမူ အမှန်တရားအတွက် ဆက်လက်ဆောင်ရွက်မည်ဖြစ်ကြောင်း ပြတ်ပြတ်သားသား ဆိုခဲ့သည်။
တမန်တော်မြတ်သည် ပင်ကိုယ်သဘောအရ အစဉ်သည်းခံခွင့်လွှတ်ကာ အေးချမ်းစွာနေတတ်သူ ဖြစ်သော်လည်း အများလူထု ၁၃နှစ်ကျော် နှိပ်စက်ငြှင်းပမ်း သတ်ဖြတ်မှုများ ခံရပြီးနောက်ဆုံးတွင် ခုခံစစ်အဖြစ်သစ္စာတရားအတွက် တုန့်ပြန်လျက် ပြန်လည် တိုက်ခိုက်ခဲ့ရသည်။ မတရားသဖြင့် ညှဉ်းပမ်းနှိပ်စက်ခြင်းသည် သတ်ဖြတ်ခြင်းထက်ပင် ဆိုးရွားလှသည် မဟုတ်ပါလော။ (ကျမ်းမြတ်ကုရ်အာန် ၂း ၁၉၁)
ဤစစ်ပွဲအခြေအနေတွင်ပင် ယခင်က မရှိခဲ့ဖူးသည့် တရားမျှတသည့် စစ်စည်းမျဉ်းများ ချမှတ်ခဲ့သည်မှာ သမိုင်းတွင် အထင်အရှားဖြစ်ပါသည်။ စစ်နှင့် တိုက်ရိုက်သက်ဆိုင်ခြင်းမရှိသောသူများဖြစ်သည့် ကလေးသူငယ်များ၊ အမျိုးသမီးများအား မထိပါးရန်၊ စစ်မြေပြင်ဝန်းကျင်ရှိ ရေတွင်းရေကန်နှင့် သစ်ပင်များအား မဖျက်ဆီးရန်၊ စစ်သုံ့ပန်းများအား နှိပ်စက်သတ်ဖြတ်ခြင်း မပြုရန်၊ စစ်သုံ့ပန်းများအနေဖြင့် လျော်ကြေးပေးခြင်းဖြင့် ဖြစ်စေ စာမတတ်သူမွတ်စလင်မ်၁၀ဦးအား စာသင်ကြားပေးခြင့်ဖြစ်စေ လွတ်ငြိမ်းချမ်းသာခွင့်ပြုရန် စသည့် လူ့အခွင့်အရေးကို အခြေခံသော တရားမျှတမှုကို ကမ္ဘာ့သမိုင်းတွင် ပထမဆုံးစတင်ခဲ့သူမှာ သစ္စာဝါဒီ မွတ်စလင်မ်များ ဖြစ်ကြသည်။
ခုခံစစ်ပွဲတစ်ခုအတွင်းကြုံခဲ့သည့် ဖြစ်ရပ်မှန်တစ်ရပ်ကို ပြန်လည် တင်ပြပါမည်။ မွတ်စလင်မ် စစ်သည်တစ်ဦင်္းက ရန်သူ စစ်ခေါင်းဆောင်အား အနိုင်ရကာ ဓားဖြင့်ခုတ်ပိုင်းရန် ရွယ်လိုက်စဉ်တွင် ထိုရန်သူက မွတ်စလင်မ်စစ်သည်အား တံတွေးနှင့် ထွေးလိုက်ပါသည်။ ထိုအခါ မွတ်စလင်မ်စစ်သည်က ဒေါသတစ်ကြီးဖြစ်သွားသော်လည်း ထိုရန်သူအား ဆက်လက်တိုက်ခိုက် ခုတ်ပိုင်းခြင်းမပြုတော့ဘဲ လွှတ်ပေးလိုက်ရာ မိမိကိုကိုယ် သေသူအဖြစ်သတ်မှတ်ပြီးသားရန်သူခေါင်းဆောင်က မယုံကြည်နိုင်စွာဖြင့် အကြောင်းရင်းကို မေးကြည့်ပါသည်။ မွတ်စလင်မ်စစ်သည်အနေဖြင့် မိမိသည် မိမိအတ္တအတွက်မဟုတ်ဘဲ သစ္စာတရားအတွက်သာ တိုက်ပွဲဝင်နေခဲ့သည်ဖြစ်ပြီး မိမိမျက်နှာ တံတွေးအထွေးခံရသဖြင့် စိတ်ဆိုးနေချိန်တွင် ဆက်လက်ခုတ်ပိုင်းပါက မိမိအတ္တအတွက် လူသတ်ရာရောက်မည်ဖြစ်သောကြောင့် ဤသည်ကို မလိုလား၍ ဆက်မတိုက်၊ မသတ်လိုက်ခြင်းဖြစ်ကြောင်း ဖြေကြားခဲ့ပါသည်။ ဤဖြစ်စဉ်က အဆိုပါရန်သူ၏ စိတ်နှလုံးကို ပြောင်းလဲစေလျက် သူကိုယ်တိုင် မွတ်စလင်မ်ဖြစ်လာခဲ့ပါသည်။ ဤသည်မှာ စစ်မြေပြင်တွင်တောင်မှ အမှန်တရားအတွက် သက်သက်သာ တိုက်ပွဲဝင်သူ သစ္စာဝါဒီ မွတ်စလင်မ်တို့၏ ဥပမာ တစ်ခုပင်။
နောက်ဆုံး ရန်သူတို့ အရေးနိမ့်သွားချိန် စစ်ပွဲများအားလုံး အဆုံးသတ်သွားရသည့် မက္ကာဟ်ရွှေမြို့တော် အောင်နိုင်သည့်ကာလတွင်မူ မွတ်စလင်မ်များအနေဖြင့် ရန်သူအားလုံးတို့အား သွေးမြေမကျစေရဘဲ အကြွင်းမဲ့ လွတ်ငြိမ်းချမ်းသာခွင့် ပေးသည်။ တမန်တော်မြတ်သည် မိမိအားကိုးချစ်ခင်ရသော ဦးရီးတော်ကို သတ်သူကိုပင် အပြစ်မယူဘဲ ခွင့်လွှတ်ပေးခဲ့သူ ဖြစ်ပါသည်။
ဤမျှလောက် ရှင်းလင်းပြီးလျင် အထက်ပါမေးခွန်းအတွက် ထပ်ဖြေပါမည်။
မြန်မာနိုင်ငံအနေဖြင့် မွတ်စလင်မ်နိုင်ငံတစ်ခုခုနှင့် မျှသာမဟုတ် ထိုင်းနိုင်ငံကဲ့သို့သော ဗုဒ္ဓဘာသာ နိုင်ငံနှင့်ဖြစ်စေ၊ အခြား ခရစ်ယာန်နိုင်ငံနှင့်ဖြစ်စေ၊ ဂျူးဘာသာဝင်တို့နှင့်ဖြစ်စေ မည်သို့ပင်ဖြစ်စေ စစ်မက်ဖြစ်ပွားခဲ့ပါက ပြည်တွင်းနေ အစ္စလာမ်ဘာသာဝင်တို့သည် မှန်သည့်ဘက်လိုက်ပါမည်။ မြန်မာပြည် ခုခံစစ်အတွက်ဆိုလျင် လိုအပ်ပါက ဗလီရှေ့ဆောင်ဆရာများ အပါအဝင်ပင် ရှေ့တန်းမှ ပါဝင်ကြရပါမည်။
ရှေးယခင် အင်္ဂလိပ်နယ်ချဲ့မှုကို တော်လှန်စဉ်ကလည်း မွတ်စလင်မ်စစ်တပ်များ အမြောက်အမြား ပါခဲ့သည်ကို မသိကြလေသလော … မေ့သယောင် ဟန်ဆောင်နေကြသည်လော။
သို့သော် မတရား ကျူးကျော်စစ်အတွက်ဆိုပါမူ…။
တစ်ချိန်ကအမေရိကန်နိုင်ငံသည် ဗီယက်နမ်နိုင်ငံသို့ စစ်ချီခဲ့ဖူးပါသည်။ ထိုစဉ်က တိုင်းသူပြည်သား များလည်း ထိုကျူးကျော်စစ်အတွက် စစ်မှုထမ်းကြရပါသည်။ အမေရိကန်နိုင်ငံသား သစ္စာဝါဒီတစ်ဦးဖြစ်သူ လက်ဝှေ့ချန်ပီယံ ကပ်စီးယပ်စ်ကလေး ခေါ် မုဟမ္မဒ်အလီသည် ကျူးကျော်စစ်ကို ဆန့်ကျင်သူ ဖြစ်ရာ ရဲရဲဝံ့ဝံ့ ဆန့်ကျင်လျက် စစ်မှုမထမ်းခဲ့ပါ။ အကျိုးဆက်အနေဖြင့် လက်ဝှေ့ချန်ပီယံလက်မှတ် ပြန်အပ်ရမည်ဆိုသည်ကို နှောင့်နှေးခြင်းမရှိပြန်အပ်ကာ လက်ဝှေ့ချန်ပီယံဘွဲ့ကို နောက်တစ်ကြိမ် ကြိုးဝိုင်းမှာ ပြန်လည်အရယူခဲ့သည့် သာဓက ရှိပါသည်။
မွတ်စလင်မ်ညီနောင် ညီအစ်မ မှန်သမျှ အစ္စလာမ့်သွန်သင်ချက်နှင့်အညီ အမှန်တရားအတွက် ရဲရဲဝံ့ဝံ့ ဘက်လိုက်တတ်သူ၊ ဘက်လိုက်ရဲသူ၊ ဘက်လိုက်ခွင့်ရကြသူ သစ္စာဝါဒီများ ဖြစ်ကြပါစေသား။
M-Media သို့ ဆောင်းပါးရှင် ကိုကျော်မိုးအောင် ပေးပို့လာသည့် ဆောင်းပါးဖြစ်ပါသည်။
Thant Sin Phyoe
ကချင်ပြည်နယ်က စစ်ပွဲ ၁နှစ်ကျော်ကြာနေတာကို ကြည့်ရင်း ကျနော့စိတ်ထဲ အတွေးတစ်ခုဝင်လာတယ်။ ရခိုင်မြောက်ပိုင်းက ပဋိပက္ခပြီးသွားပြီဆိုပေမဲ့ ဒုက္ခသည်တွေပြန်လည်နေရာချထားရေးအပါအဝင် လူမျိုးရေး/နိုင်ငံသားအရေးတွေလည်း ဖြေရှင်းရတော့မယ်။ ဒီအချိန်မှာ အစိုးရထိပ်တန်းပိုင်းက စကားကို ခုတမျိုးတော်ကြာတစ်မျိုးတွေပြောနေတော့ မြန်မာမုစ်လင်မ်တစ်ယောက်အနေနဲ့ စိုးရိမ်စရာအရိပ်အယောင်တွေတွေ့လာရတယ်။
ကချင်ပြည်နယ်မှာဆင်နွှဲနေတဲ့ ပြည်တွင်းစစ်ဆိုရင်လည်း တော်ကြာနေသမ္မတက ရပ်တန့်ခိုင်းလိုက်ပြီလို့သတင်းထွက်လိုက်၊ ပြီးတော့သိပ်မကြာဘူးစစ်တပ်ကထိုးစစ်ဆင်လိုက်၊ အဲ့ဒီနောက်တော့ ငြိမ်းချမ်းရေးဆွေးနွေးပွဲဆိုပြီးလုပ်လိုက်၊ သိပ်မကြာဘူး KIA နဲ့စစ်တပ်နဲ့တိုက်ပွဲပြန်ဖြစ်လိုက်၊ လူတွေလည်းထွက်ပြေးလိုက်၊ ငြိမ်းချမ်းရေးလည်း ဆွေးနွေးလိုက်၊ သဘောတူညီမှုရသလိုလိုဖြစ်လာလိုက်၊ အရပ်သားတွေဖမ်းတဲ့အဆင့်တွေရောက်သွားလိုက်၊ ဒုက္ခသည်တွေကိုပါ ဖမ်းပြီးစစ်ဆေးမှုတွေဖြစ်လာလိုက်၊ အစိုးရဘက်က စေ့စပ်ဆွေးနွေးရေးလုပ်မယ်ဆိုပြီးအသံထွက်လာလိုက်၊ ငြိမ်းချမ်းရေးဖော်ဆောင်ရေးအဖွဲ့ဖွဲ့လိုက်၊ စစ်တပ်က သွားတိုက်လိုက်၊ အဲ့ဒီလိုနဲ့ စစ်ပွဲလည်း၁နှစ်ကျော်သွားပြီ။ ကချင်လူထုလည်း ဒုက္ခရောက်လိုက်တာမှသောက်သောက်လဲ။
အတိုက်အခံဘက်က ဒေါ်အောင်ဆန်းစုကြည်လည်း ကချင်ပြည်နယ်တစ်ခါသွားပြီးပြီ၊ လွှတ်တော်ပြင်ပ Free activist တွေဖြစ်တဲ့ ၈၈မျိုးဆက်တွေလည်း ကချင်ပြည်နယ်ကိုသွားပြီးပြီ၊ UN ကလည်းဝင်ပြီးပြီ၊ အထောက်အပံ့တွေလည်း ပေးပို့ခွင့်ရနေတုန်း၊ လှူတဲ့လူတွေကလည်း သောင်းသောင်းဖျဖျလှူနေတုန်း၊ တိုက်ပွဲတွေကလည်းဖြစ်နေတုန်း၊ ရပ်တန့်မဲ့အရိပ်အယောင်လည်း ပျောက်ကွယ်နေတုန်း၊ သဘောတူညီမှုတစ်စုံတစ်ရာရဖို့လည်း လမ်းမမြင်ကမ်းမမြင်ဖြစ်နေတုန်း၊ အစိုးရဘက်က ဒီစစ်ပွဲနဲ့ပတ်သက်လို့ ပွင့်ပွင့်လင်းလင်းမှန်မှန်ကန်ကန်ချပြနိုင်တာတစ်ခုမှ မရှိတဲ့အနေအထားနဲ့ဇာတ်မြောနေတုန်းပါပဲ။ နိုင်ငံတကာကလည်း အော်လှပြီ၊ အစိုးရကလည်း လိုက်လျှောမလိုလိုလုပ်ပေါင်းများပြီ။ တကယ့်လက်တွေ့ကတော့ ဘာမှထူးမခြားနားပေါ့။ နောက်ဆုံးမှာတော့ ၁နှစ်ကျော်ကာလအတွင်းမှာ သတင်းဌာနတွေကို သတင်းမပြတ်ပေးနိုင်တဲ့ ပင်ရင်းကြီးတစ်ခုဖြစ်နေတုန်းပဲ။
ရခိုင်မြောက်ပိုင်းက လူမျိုးရေးပဋိပက္ခဆိုရင်လည်း အစိုးရက အခုအထိ ဗလောင်းဗလဲအသံတွေထွက်နေတုန်းပဲ။ တချို့က UNHCR ကိုသမ္မတပြောလိုက်တဲ့ စကားကိုအပိုင်ကိုင်မယ်လို့ယူဆနေတုန်း။ ဒါပေမဲ့ ဘယ်မှာလဲ အစိုးရရဲ့အကောင်အထည်ဖော်မှု? ဒီ stateless ဖြစ်နေတဲ့ လူတွေကို မြန်မာနိုင်ငံအနေနဲ့ ဖြေကိုဖြေရှင်းရတော့မယ်။ ခေတ်အဆက်ဆက်က အစိုးရတိုင်းရဲ့ ဘာလုပ်လို့ဘာကိုင်သွားမှန်းမသိတဲ့ အနေအထားကို ကျနော်တို့ မဖြေရှင်းရင်ဘာဖြစ်မှာလဲ။ ဘင်္ဂလားဒေ့ရ်ှကလည်း သူ့နိုင်ငံမဟုတ်ဘူးအော်တယ် မြန်မာကလည်း ငါ့နိုင်ငံသားမဟုတ်ပါအော်ဆဲ။ တချို့ကလည်း Shoot on sight ဆိုတဲ့ အိန္ဒိယရဲ့ လုပ်နည်းလုပ်ဟန်ကိုအတုယူဖို့ပြောနေတုန်း။ မြန်မာအစိုးရရဲ့ အသံတွေကိုနားထောင်လိုက်ပြန်တော့လည်း ဘင်္ဂလားဒေ့ရ်ှမှာ လက်ခံမယ်လို့ပြောတယ်ဆိုပြီး အသံကြားရတယ်။ တချို့က မြန်မာအစိုးရအနေနဲ့ လက်ခံမဲ့အပိုင်းကို သေသေချာချာ မထုတ်ပြန်သေးတဲ့အချက်အပေါ်မှာ အသေကိုင်ဆွဲထားတုန်းပေါ့။ နောက်ပြီး UNHCR နဲ့တွေ့တော့ ခဏထိန်းသိမ်းပေးပြီး Third Country ကိုပို့ပေးမယ်လို့ ကမ်းလှမ်းတယ်လို့ အစိုးရကြေငြာတယ်။
ဒီနေရာမှာ ပြည်ပခိုးဝင်လာသူဆိုတာနဲ့ အစိုးရဘက်က ဂယ်ပေါက်လေးဖောက်ထားတယ်။ ရိုဟင်ဂျာမြန်မာတိုင်းရင်းသားမဟုတ်ဘူး မရှိဘူးအော်နေတဲ့ လဝကဝန်ကြီးကတော့ ကွင်တာနားရှေ့မှာ မြန်မာနိုင်ငံသား ဘင်္ဂါလီနဲ့ရခိုင်ညီအစ်ကိုတွေရန်ဖြစ်တာလို့ ပြောပြန်ရော။ ရိုဟင်ဂျာမရှိဘူးတွင်တွင်အော်ပြီး ဘင်္ဂါလီဆိုတဲ့အမည်နဲ့လက်ခံမဲ့ပုံစံဖြစ်နေတယ်။ ကွင်တာနားကိုရှင်းလင်းပြသတဲ့ သတင်းစာရှင်းလင်းပွဲမှာ အဓိကရုဏ်းနဲ့ပတ်သက်ပြီး ထုတ်ဖော်ပြောဆိုလာတဲ့ ကိန်းဂဏန်းတွေက ကျနော်တို့ရဲ့အသိနဲ့လွဲသွားတယ်။ ပြည်တွင်းမီဒီယာတွေအနေနဲ့ တစ်လျှောက်လုံး ရခိုင်တိုင်းရင်းသားများသာ အကြမ်းဖက်ခံရတယ်လို့ ပြောကြားပြီး အစိုးရအနေနဲ့တိတိပပမရှင်းလင်းခဲ့ချိန်မှာ အနောက်ပြည်ပမီဒီယာတွေက ဒေသခံမုစ်လင်မ်တွေသာခံရတယ်ဆိုပြီးထုတ်ပြန်နေတယ်။
ကွင်တာနားရှေ့မှာထုတ်ပြလာတဲ့ စာရင်းဇယားတွေအရ ၂ဖက်စလုံးဟာ တစ်ဖက်ဆီမှန်နေကြတယ်။ အရေအတွက်အရ လူများစုဖြစ်တဲ့ မုစ်လင်မ်တွေအများစု ဒုက္ခသည်တွေဖြစ်နေကြတယ်။ အထူးသဖြင့် စစ်တွေမှာ ပြည်တွင်းမီဒီယာတွေအနေနဲ့ ရခိုင်တိုင်းရင်းသားများသာ အကြမ်းဖက်တိုက်ခိုက်ခံနေရကြောင်း သတင်းဓာတ်ပုံတွေဝေဝေဆာဆာပေါ်ထွက်ဖော်ပြခဲ့ပေမဲ့ စစ်တွေမှာ ဒုက္ခသည်အရေအတွက်ရော ဖျက်ဆီးခံရတဲ့ ပိုင်ဆိုင်မှု အရေအတွက်ရော မုစ်လင်မ်တွေဘက်က သိသိသာသာများနေပြန်တယ်။ မောင်းတော ဘူးသီးတောင်ဘက်မှာတော့ ဒုက္ခသည်အရေအတွက်နဲ့ ဖျက်ဆီးခံရတဲ့ပိုင်ဆိုင်မှုအရေတွက်မှာ မုစ်လင်မ်နဲ့ ရခိုင်တွေ အတူတူနီးပါးဖြစ်နေတယ်။ နောက်ဆုံးစာရင်းချုပ်လိုက်တော့ မုစ်လင်မ်ဘက်က တိုက်ခိုက်ခံရမှုပိုများတယ်လို့ ကွင်တာနားကို အစိုးရက ထုတ်ဖော်ပြောဆိုလိုက်တာပဲ။ ဒီတော့ အစိုးရမှန်သလား ပြည်တွင်းမီဒီယာတွေမှန်သလား။ ရခိုင်အရေးအခင်းဖြစ်ကတည်းက တောက်လျှောက်မှာ ပြည်တွင်းမီဒီယာတွေအနေနဲ့ ဓာတ်ပုံသတင်းထောက်တွေလွှတ်ပြီး သတင်းယူခဲ့ကြပေမဲ့ ဒီလောက်အနေအထားလို့ ခန့်မှန်းခြေမဖော်ပြခဲ့ကြပြန်ဘူး။
မြန်မာအစိုးရအနေနဲ့ သမ္မတပြောတဲ့အတိုင်းလုပ်လို့မရဘူးလား ဘာပြဿနာရှိလဲဆိုတာကို ကျနော်စဉ်းစားကြည့်မိပါတယ်။ ခိုးဝင်လာတဲ့လူတွေပါလို့ မြန်မာပြည်ဘက်က ဘယ်လိုအချက်အလက်တွေနဲ့သတ်မှတ်မှာလဲ။ ဒီနေရာမှာစဉ်းစားရမှာက ဘင်္ဂလားဒေ့ရ်ှကလည်း မြန်မာဘက်ကပြေးလာသူတွေပါဆိုပြီး တင်ပြထားတဲ့လူစာရင်းရှိနေပြန်တယ်။ စစ်အစိုးရခေတ်ကလိုမျိုး အာဏာရှင်ခေတ်ကလိုမျိုး လှေထဲထည့်ပြီး ရေထဲမျှောလိုက်ဖို့ဆိုတာ ဒီမိုကရေစီအစိုးရအနေနဲ့ လုပ်ဖို့မဖြစ်နိုင်ဘူး။ နဂါးမင်းလို စစ်ဆင်ရေးတွေဆင်နွှဲပြီး မောင်းထုတ်မယ်ဆိုရင် ကိုယ့်တိုင်းပြည်မျက်နှာကို ကိုယ်ပြန်ပြီး အိုးမဲသုတ်သလိုမျိုးဖြစ်ရပြန်ဦးမယ်။
လက်ရှိအနေအထားက နောက်ကြောင်းပြန်မလှည့်ဘူးဆိုထားလေတော့ နိုင်ငံတကာမှာ မျက်နှာမပျက်ဖို့က အရေးကိစ္စတစ်ခုဖြစ်နေရပြန်တယ်။ International Relation ဆိုတာ သင်ဖူးတဲ့လူတွေပိုသိပါတယ်။ ဥပမာ ၈၈ခေါင်းဆောင် ဦးကိုကိုကြီးတို့လိုပေါ့။ ကိုယ့် Emotional နဲ့ ကိုယ့်စိတ်တိုင်းကျလုပ်လို့မရဘူးလေ။ တိုင်းပြည်ကိုတိုးတက်ချင်တာကိုး။ အရင်ကလိုမျိုး ကျန်တဲ့နိုင်ငံတွေဘယ်လိုပိတ်ပိတ် တရုတ်နဲ့အဆင်ပြေပြေ ဆွေမျိုးပေါက်ဖော်ဆက်ဆံရေးလုပ်ပြီး အစစအရာရာတရုတ်ပြည်ကြီးမှီခိုပြီးနေလာတာ တိုင်းပြည်လည်း ချွတ်ခြုံကျနေပြီဆိုတော့ IR ကအရေးပါလာပြီကိုး။ တကယ်တော့ အရင်အစိုးရအဆက်ဆက်က ပြဿနာကို ကျေကျေလည်လည်မဖြေရှင်းတဲ့အကျိုးဆက်ရယ် ဝန်ထမ်းတွေခြစားခဲ့တဲ့အကျိုးဆက်ရယ်ပေါ့။ ဖြစ်သမျှအကြောင်း ခေါင်ကိုရှာတော့ အစိုးရပဲ။ တိုင်းပြည်အုပ်ချုပ်သူအစိုးရအနေနဲ့ စစ်မှန်တဲ့ နည်းလမ်းကိုရွေးနိုင်မှတော်ရာကျတော့မယ်လေ။ ခုစာကလေးကြော် ခုဆီထမင်းပြောပြောပြီး တကယ်တမ်းလက်တွေ့မဖြေရှင်းပဲနေလို့မရတော့ဘူး။
လူတွေမမြင်ရတဲ့အကျိုးဆက်အနေနဲ့ တိုင်းပြည်ပဲ နာမည်ပျက်ပြီး ထိခိုက်နစ်နာနေမှာ။ ဒီတော့ အစိုးရအနေနဲ့ ဘာလုပ်မှာလဲ သေသေချာချာ ပွင့်လင်းသင့်ပြီလို့ထင်တယ်။ မြန်မာနိုင်ငံမှာ နိုင်ငံသား အသိအမှတ်ပြုစိစစ်ရေးကဒ်ပြားဆိုရင် ကတ်ထူစက္ကူနဲ့ထုတ်ပေးထားတယ်။ အထူးသဖြင့် မြန်မာနိုင်ငံအနေနဲ့ လဝကစနစ်မှာ ကွန်ပြူတာဘေ့စ် fully မဖြစ်သေးဘူး။ အစိုးရအနေနဲ့ ဘယ်လိုပုံစံနဲ့လူတွေကို နိုင်ငံသားခွင့်ပြုမယ်ဆိုတာမျိုး ထုတ်ပြောပေမဲ့ တကယ်တမ်းလုပ်ဆောင်မှုက သုည။ ဒါ့အပြင် အထောက်အထားဆိုတာ အခုနကပြောသလို နိုင်ကဒ်တောင်ကတ်ထူစက္ကူဆိုတော့ အဲ့ဒီအထောက်အထားတွေကရော မပျက်ဆီးနိုင်တာတွေမှ မဟုတ်တာကိုး။ ပြောရရင် တစ်ဖက်ကထောက်ကွက်တွေအများကြီးရယ်။ အစိုးရအနေနဲ့ UN နဲ့သက်ဆိုင်ရာအဖွဲ့အစည်းတွေရှေ့မှာ Working Smart ဖြစ်ဖို့တကယ်လိုသလို လုပ်ကိုင်ဆောင်ရွက်ရာမှာလည်း မှန်မှန်ကန်ကန်လုပ်ဖို့လိုတယ်။
မြန်မာမုစ်လင်မ်တစ်ယောက်အနေနဲ့ ရခိုင်မြောက်ပိုင်း လူမျိုးရေးမှာလုံးဝဝင်မရေးခဲ့ဘူး။ အခုတော့ ဝင်ရေးရတာလည်းအကြောင်းရှိတယ်။ လက်ရှိဖြစ်ပွါးနေတဲ့ အခြေအနေတွေရဲ့ effect ကို မြန်မာမုစ်လင်မ်တွေရှောင်လွှဲလို့မရအောင် ဆွဲထည့်နေကြပြီ။ ဒီအနေအထားမှာ အစိုးရအနေနဲ့ ဘယ်လိုလုပ်သင့်တယ်ဆိုတာကိုပဲပြောချင်တယ်။ တကယ်ဆိုရင် ဘင်္ဂလားဒေ့ရ်ှအစိုးရ မြန်မာအစိုးရ UNHCR လိုမျိုး သုံးပွင့်ဆိုင်ဆွေးနွေးပွဲတစ်ခုလိုကိုလိုအပ်တယ်။ ဒီကိစ္စဖြစ်ပြီးမှ ဘင်္ဂလားဒေ့ရ်ှနဲ့တစ်ကြိမ် UNHCR နဲ့တစ်ကြိမ်အစိုးရဘက်ကတွေ့ဆုံပြီးပြီ ဆိုပေမဲ့ တိကျတဲ့အဖြေတစ်ခုအတွက် ဒီသုံးဖွဲ့အကြေအလည်ဆွေးနွေးသင့်တယ်။ ဘာ့ကြောင့် ဒီလိုပြောသလဲဆိုတော့ ဘင်္ဂလားဒေ့ရ်ှက သူ့ဘက်မှာ ဒုက္ခသည်စခန်းဖွင့်ပြီးလက်ခံထားတဲ့လူတွေကို မြန်မာပြည်ထဲ ပြန်ပို့ချင်နေတယ်။ မြန်မာကလည်း မိမိဘက်မှာအထောက်အထားမပြည့်စုံသူတွေစိစစ်ပြီး ဘင်္ဂလားဒေ့ရ်ှကိုပြန်မောင်းထုတ်ချင်နေတယ်။ UNHCR က ဒီ stateless people တွေကို လူ့အခွင့်အရေးနဲ့အညီ State တစ်ခုခုဖြစ်စေချင်နေတယ်။ ဒီတော့ နည်းမှန်လမ်းမှန်နဲ့ ၃ဖွဲ့စလုံးမျက်နှာချင်းဆိုင်ဆွေးနွေးဖို့ လိုအပ်တယ်။ ဒါမှသာ မြန်မာအစိုးရအနေနဲ့လည်း နည်းမှန်လမ်းမှန်နဲ့ ချဉ်းကပ်ဆွေးနွေးအဖြေရှာတယ်ဆိုပြီး နိုင်ငံတကာမျက်နှာစာမှာ လက်မထောင်နိုင်မယ်။ ဒီအဖြစ်အပျက်မှာကြည့်ရင် နိုင်ငံတကာက မြန်မာကိုပဲဖိအားပေးပြီး ဘင်္ဂလားဒေ့ရ်ှကို ဖိအားမပေးတာကိုက မြန်မာအစိုးရအနေနဲ့ နိုင်ငံတကာနဲ့ဆက်ဆံဆွေးနွေး အဖြေရှာဖို့ လိုအပ်နေတယ်ဆိုတာ ဖော်ပြတယ်။
ကျနော်ပြောချင်တာကတော့ အစိုးရအနေနဲ့ အားလုံးကိုဘူးခံပြီးငြင်းနေလို့လည်းအလုပ်မဖြစ်သလို ဖြစ်သမျှအကြောင်း ခေါင်းခံဖြေရှင်းပေးဖို့ဆိုတာလည်းမဖြစ်နိုင်ဘူး။ ဒီတော့ အဆိုပါလူတွေအတွက် နိုင်ငံတကာမှာ မျက်နှာကောင်းကောင်းနဲ့ ဖြေရှင်းသူအစိုးရဖြစ်ဖို့လိုအပ်တယ်လို့ယူဆတယ်။ ဒီလိုမလုပ်ပဲ ကချင်အရေးမှာလို လက်ရှိ ရိုဟင်ဂျာအရေးမှာ အစိုးရဘက်က အသံထွက်ပြသလို ခုတမျိုးတော်ကြာတမျိုးအသံမျိုးစုံထွက်ပြတာကလွဲလို့ ဘာမှမယ်မယ်ရရအကောင်အထည်မဖော်ရင် တိုင်းပြည်ပဲနစ်နာလို့ပါ။
အကယ်လို့ အစိုးရအနေနဲ့အပေါ်မှာပြောထားတဲ့ပုံစံမျိုးသာ မိမိဘက်က လက်ခံရမဲ့လူအနေအထားစတာတွေသေချာအောင် လုပ်ပြီးပြီဆိုရင်တော့ ပထမဆုံးကိုင်တွယ်ရမှာ Rule of Law ပဲ။ အရေးအခင်းပြီးကတည်းက အရေးအခင်းနဲ့ဆက်သွယ်ဖမ်းဆီးထားသူတွေကို ထိုက်တန်တဲ့ပြစ်ဒါဏ်ချမှတ်သင့်တယ်။ လူမျိုးဘာသာ တစ်ခုမှမကြည့်ပဲ Rule of Law ကိုတိတိကျကျမှန်မှန်ကန်ကန်နဲ့ကိုင်တွယ်ဖို့လိုတယ်။ ပြောမဲ့သာပြောတာ မြန်မာနိုင်ငံရဲ့ တရားစီရင်ရေးက လူထုယုံကြည်မှုသုညနဲ့ နိုင်ငံတကာလက်ခံမှုဇီးရိုးဖြစ်နေတယ်။ အဓိကရုဏ်းဖြစ်ခါစမှာ ဦးမင်းကိုနိုင်ပြောတာလေးကို မှတ်မိကြမယ်ထင်ပါတယ်။ ဒီအဓိကရုဏ်းရဲ့ မူလအခြေခံအရင်းအမြစ်ကိုက တရားစီရင်မှုအပေါ်လူထုအယုံအကြည်ပျက်ယွင်းမှုပဲ။ အခုအထိတောင် တောင်ကုတ်မှာအကြမ်းဖက်တိုက်ခိုက်သတ်ဖြတ်မှုအတွက် အရေးယူမှု တရားဥပဒေအရစီရင်ဆုံးဖြတ်နိုင်မှုမရှိသေးဘူး။
ဒီတော့ ပြည်တွင်းမှာတည်ငြိမ်ဖို့အတွက်ကတော့ ရခိုင်ဒေသရယ်မှမဟုတ်ပဲ တစ်တိုင်းတစ်ပြည်လုံး တရားစီရင်ရေးမှာ မျှမျှတတနဲ့ ပွင့်ပွင့်လင်းလင်းရှိဖို့ လိုအပ်တယ်။ ဒီအချက်ရဲ့အရေးကြီးမှုက ထိပ်ဆုံးပဲ။ တရားစီရင်ရေးနဲ့ တရားဥပဒေစိုးမိုးရေးအပေါ်မှာ လူထုယုံကြည်မှုကိုတော့ အစိုးရနဲ့လွှတ်တော်ကသေသေချာချာတည်ဆောက်သင့်တယ်။ တရားစီရင်ရေးမဏ္ဍိုင်ကိုလည်း အုပ်ချုပ်ရေးမဏ္ဍိုင်အောက်ကနေ အမြန်ဆုံးထုတ်ပစ်ပြီး သူ့ဘာသာသူ သီးသန့် ရပ်တည်တဲ့ နိုင်ငံ့ ဒေါက်တိုင်ကြီးအဖြစ် သေသေချာချာဆောင်ရွက်ရမယ်။ တရားဥပဒေတွေကိုလည်း ပွင့်လင်းမြင်သာမှုရှိအောင် လွှတ်တော်ဘက်ကဆောင်ရွက်ပေးရမယ်။
ကဲ။ နိုင်ငံတကာစာမျက်နှာကိုကြည့်ပြီးရင် ပြည်တွင်းက ရခိုင်ညီအစ်ကိုတွေကိုလည်းကြည့်ရတော့မယ်။ လောလောဆယ်ကမှ ပြဿနာကြီးကြီးမားမားဖြစ်ထားတဲ့ ရခိုင်တွေအနေနဲ့ ဒီလူတွေကို ဘယ်လိုမျိုးထားကြမှာလဲ။ နေ့လယ်ကပဲ ရခိုင်လူမျိုး မိတ်ဆွေတစ်ဦးပို့တဲ့စာမှာ ရခိုင်လူမျိုးတွေအနေနဲ့ ဘယ်လောက်ပဲ လစ်ဘရယ်ကျတယ်ပြောပြော ပြဿနာဖြစ်နိုင်တဲ့ အနေအထားမှာ မနေလိုဘူးဆိုတာမျိုးဖြစ်နေတာကိုတွေ့မိနေတုန်းပဲ။ ဒါ့အပြင် လူဦးရေတိုးပွါးနှုန်းဆိုတာမျိုးကလည်း သူတို့စိတ်ထဲမှာ ကြီးကြီးမားမားနဲ့ တွေဝေစေတဲ့အချက်ပဲ။ ဒီအချက်က ပိုပြီးကိုင်တွယ်ဖြေရှင်းရခက်တယ်။ တကယ်တော့ ဘာသာရေးဆိုင်ရာမတူညီမှုအပေါ်မှာ အမုန်းပွါးမှုတွေများပြားနေတာရယ် ဘာသာရေးအသုံးချသူတွေရယ်အတွက် နိုင်ငံတော်ဘက်က လိုအပ်တဲ့ဆောင်ရွက်မှုတွေလုပ်နိုင်တယ်။ ကျနော့မိတ်ဆွေတစ်ယောက်ကပြောတယ် မုစ်လင်မ်တွေ မိန်းမ၄ယောက်မယူလို့မရဘူးလားတဲ့။ အဲ့ဒီလိုအနေအထားမျိုးတွေအထိဖြစ်နေတာ မြင်ရတော့ စိတ်မကောင်းဘူး။ ကမ္ဘာပေါ်မှာ မိန်းမတစ်ယောက်ထက်ပိုမယူရဆိုပြီး ပြဌာန်းထားတဲ့နိုင်ငံတွေမှာ မုစ်လင်မ်တွေနေနေကြတယ်။ မြန်မာနိုင်ငံအနေနဲ့လည်း မယားပြိုင်ယူခြင်းကို တားဆီးခွင့်ဥပဒေလိုမျိုးထုတ်ပြန်ပြဌာန်းလို့ရတယ်လို့ ကျနော်တော့မြင်တယ်။ မုစ်လင်မ်တစ်ယောက်အနေနဲ့ မယားပြိုင်မယူရလို့ ငရဲကြီးတယ်လို့မှမရှိတာ။
ဒီ case ဟာလုံးဝပြဿနာမဟုတ်ဘူးလို့ မုစ်လင်မ်တစ်ယောက်အနေနဲ့ မြင်တယ်။ ဒါပေမဲ့ မုစ်လင်မ်တွေသာ မယားပြိုင်ယူ ခွင့်မရှိဆိုတဲ့ ဥပဒေမျိုးမဟုတ်ဖို့တော့လိုတယ်။ အလားတူပဲ မွေးဖွားနှုံးထိန်းချုပ်ခြင်းဆိုတဲ့အပေါ်မှာလည်း ဆွေးနွေးဖြစ်တယ်။ လူမျိုးတစ်မျိုး ဘာသာတစ်ခု ဆိုပြီးခွဲခြားပြဌာန်းရင်တော့ ပြဿနာရှိလိမ့်မယ်လို့မြင်မိတယ်။ တစ်နိုင်ငံလုံး မိသားတစ်စု ခလေးဘယ်နှယောက်ဆိုတာမျိုး ပြဌာန်းနိုင်တာပဲ။ အစ္စလာမ်ဘာသာမှာ မွေးဖွားနှုန်းထိန်းချုပ်ခြင်းခွင့်မပြုဆိုတာ ဘယ်သူကစပြောလဲတော့မသိဘူး ဒါပေမဲ့ ခွင့်ပြုတယ်လို့ ကျနော်တော့သိတယ်။ အစ္စလာမ်ဘာသာအရ မွေးဖွားနှုံးထိန်းချုပ်ခြင်းကို ခွင့်ပြုတယ် ဘယ်လိုဘယ်ပုံခွင့်ပြုတယ်ဆိုတာတော့ ဘာသာရေးပညာရှင်တွေက ပိုသေချာမှာမို့လို့ ကျနော်ဒီနေရာမှာ မဆွေးနွေးလိုဘူး။ ယေဘုယျပြောရရင် မွေးဖွားနှုန်းထိန်းချုပ်ရာမှာ မိဘ၂ပါးရဲ့ ကျန်းမာရေးကို မထိခိုက်ဖို့လိုအပ်တယ်လို့ပြောရင် အဆင်ပြေလိမ့်မယ်။
ကချင်ပြည်နယ်ရဲ့ အေးချမ်းမှုမရနိုင်သေးတာကိုကြည့်ရင်း ကျနော်အပေါ်မှာတောက်လျှောက်ရေးတာတွေကိုပြန်ဖတ်ရင်း ကျနော်အရမ်းပဲ စိတ်ကူးယဉ်ဆန်နေပြီလားလို့တော့ တွေးမိပါတယ်။ ဒါပေမဲ့ဗျာ ကျနော်တို့နိုင်ငံ အေးချမ်းသာယာပြီး ဖွင့်ဖြိုးတိုးတက်လာတာကို မြင်ချင်လှပါပြီ။ ဒီတော့အစိုးရအနေနဲ့ လွှတ်တော်အနေနဲ့ ဆောင်ရွက်ပေးစေချင်ပါတယ်။
ကိုသန့်စင်ဖြိုး ရေးသည့် ပိုစ်ကို ခွင်ပြုချက်တောင်းခံပြီး ဖော်ပြခြင်းဖြစ်ပါသည်။