နိုဝင်ဘာ ၂၉၊ ၂၀၁၃
M-Media
အမ်တူးအေ
ရန်ကုန် ။ ။ စာဆိုတော်များအား ဂုဏ်ပြုသည့်အနေဖြင့် စာဆိုတော်နေ့ အခမ်းအနားတစ်ရပ်ကို ဒီဇင်ဘာလ ၄-ရက်နေ့တွင် ရန်ကုန်မြို့ရှိ ယုဇနဂါးဒင်းဟိုတယ်၌နေ့လည် ၂း၀၀-နာရီမှ ၅း၀၀-နာရီအထိ ကျင်းပ ပြုလုပ်မည်ဖြစ်ကြောင်း သိရသည်။
အဆိုပါ စာဆိုတော်နေ့ အခမ်းအနားအား စာဆိုတော်နေ့ကျင်းပရေးကော်မတီ(ပသီ)မှ ကြီးမှူးကျင်းပခြင်းဖြစ်ပြီး ဆရာကြီးသိပ္ပံမှူးတင်၊ ဒေါက်တာသန်းဝင်း(မောင်သန်းဝင်း – မြန်မာစာ)တို့မှ ဟောပြောမည်ဖြစ်ကြောင်းလည်း သိရသည်။
နိုဝင်ဘာ ၂၈၊ ၂၀၁၃
M-Media
A.N.Lay
ရန်ကုန် ။ ။ မြန်မာနိုင်ငံရှိ မွတ်စလင်မ်လူငယ်များ အနေဖြင့် နိုင်ငံတော်မှ အကောင်အထည်ဖော် ဆောင်ရွက်နေသော အခန်းကဏ္ဍများတွင် ပိုမိုတက်ကြစွာ ပါဝင်နိုင်ကြစေရန် ရည်ရွယ်၍ Muslim Youth Form နှင့် မွတ်စလင်မ်လူငယ်များ ကိုယ်စားပြု အဖွဲ့အစည်းတစ်ရပ် ခိုင်မာစွာ ဖြစ်ပေါ်လာစေရေးအတွက် အကြိုညှိနှိုင်း ဆွေးနွေးပွဲကို မနေ့က နိုဝင်ဘာ ၂၇-ရက်နေ့တွင် ရန်ကုန်မြို့၌ ပြုလုပ်ခဲ့ကြောင်း သတင်းရရှိပါတယ်။
အဆိုပါ အကြို ညှိနှိုင်းဆွေးနွေးပွဲသို့ ရန်ကုန်တိုင်းရှိမြို့နယ်များ၊ ပဲခူး၊ တောင်ကြီး၊ မန္တလေးနှင့် အခြားမြို့နယ်များမှ စိတ်ပါဝင်စားသူ လူငယ် ၁၀၀-၀န်းကျင် တက်ရောက်ပါဝင်ခဲ့ကြပါတယ်။
တက်ရောက်လာကြသူ လူငယ်များမှ မြို့နယ်အလိုက် မိမိတို့ကြုံတွေ့ရသည့် အခြေအနေများကို မျှဝေပြောကြားရင်း ရှေ့ဆက်လုပ်ဆောင်သင့်သည်များကို ဆွေးနွေးခဲ့ကြပြီး Muslim Youth Forum ဖြစ်မြောက်ရေးအတွက် ရန်ကုန်၊ မန္တလေး၊ တောင်ကြီး၊ ပဲခူးတို့မှ ပါဝင်သော ကော်မတီ(ယာယီ)ကိုလည်း ဖွဲ့စည်းနိုင်ခဲ့ကြောင်းသိရပါတယ်။
နိုဝင်ဘာ ၁၉၊ ၂၀၁၃
M-Media
ပြည့်ပြည့်
ရန်ကုန် ။ ။ ကမ္ဘာသိ မြန်မာ့သမိုင်းပညာရှင် ဗိုလ်မှူးဘရှင် နှစ်တစ်ရာပြည့် အထိမ်းအမှတ် ရာပြည့်စာဖတ်ခန်း ဖွင့်လှစ်မည်ဖြစ်ကြောင်း သိရပါသည်။
လာမည့် ၂၀၁၄-ခုနှစ် ဒီဇင်ဘာလတွင် ကျရောက်မည့် ကမ္ဘာသိ မြန်မာ့သမိုင်းပညာရှင် ဗိုလ်မှူးဘရှင်၏ မွေးနေ့အား ဂုဏ်ပြုသည့်အနေဖြင့် ဗိုလ်မှူးဘရှင်၏ ဆွေမျိုးများနှင့် တပည့်များမှ ရာပြည့်စာဖတ်ခန်းကို ဖွင့်လှစ်မည်ဖြစ်ကြောင်းသိရသည်။
ရာပြည့်စာဖတ်ခန်းဖွင့်ပွဲအား ၂၀၁၃-ခု နိုဝင်ဘာလ ၁၀-ရက် (တနင်္ဂနွေနေ့) နံနက် ၈း၀၀-နာရီမှ ၁၀း၀၀-နာရီအထိ အမှတ်-၁၇၊ နတ်မောက်လမ်း၊ ဗဟန်းမြို့နယ်၌ ကျင်းပပြုလုပ်မည်ဖြစ်ပြီး တက်ရောက်ချီးမြှင့်ပေးကြရန် ဖိတ်ကြားကြောင်းကိုလည်း သိရှိရပါသည်။
စက်တင်ဘာ၊ ၁၉
M-Media
သြရသရေချမ်း ဘာသာပြန်ဆိုသည်။
ရန်ကုန်။ ။ မကြာသေးမှီက ဖြစ်ပေါ်ခဲ့သည့် ဘာသာရေး အကြမ်းဖက်မှုများကြောင့် တုန်လှုပ်ခဲ့ရသော မြန်မာနိုင်ငံ၌ မွတ်စ်လင်မ်တို့၏ ကုသိုလ်ဖြစ်အခမဲ့ဆေးရုံသည် ရာနှင့်ချီသော မွတ်စ်လင်မ်များ၊ ဗုဒ္ဓဘာသာဝင်များ နှင့် နိုင်ငံရေး အကျဉ်းသားဟောင်းများအား ကျန်းမာရေးဝန်ဆောင်မှုပေးကာ လူထုကြား သဟဇာတဖြစ်မှုကို ထူးထူးခြားခြား ထိန်းသိမ်းထားလျက်ရှိသည်။
“ကျွန်တော်ဟာ ခွဲစိတ်ဆရာဝန်တစ်ဦးပါ၊ ကျွန်တော့်တာဝန်ကတော့ လာရောက်တဲ့ ဝေဒနာသည်လူနာများကို ကုသပေးဖို့ပဲဖြစ်တယ်။ ဆင်းရဲသူပဲဖြစ်ဖြစ်၊ ချမ်းသာသူပဲဖြစ်ဖြစ်၊ ဘာသာခြားပဲဖြစ်ဖြစ် ကျွန်တော်တို့ဆေးရုံရဲ့မူဝါဒမှာ ခွဲခြားဆက်ဆံမှုဆိုတာ မရှိပါဘူး။ ” ဟု ရန်ကုန် မွတ်စ်လင်မ် အခမဲ့ ဆေးရုံရှိ ဒေါက်တာတင်မျိုးဝင်းက Agence France Presse (AFP) သို့ စက်တင်ဘာလ ၁၆ ရက်၊ တနင်္လာနေ့က ပြောကြားခဲ့သည်။ သူသည် ထိုဆေးရုံမှ တစ်ဦးတည်းသော ဗုဒ္ဓဘာသာဝင် ဌာနမှူးဆရာဝန် ဖြစ်သည်။
သူသည် ရန်ကုန် မွတ်စ်လင်မ် အခမဲ့ဆေးရုံကို လှည့်လည်ပြသနေယင်း ထိုသို့ပြောဆိုခဲ့သည်။ ဤသည်မှာ ဘာသာရေး ထကြွမှုကြောင့် ခွဲခြားမှုကြီးထွားနေသောနိုင်ငံအတွင်းမှ ညီညွတ်သွေးစည်းခြင်း သင်္ကေတတစ်ခုအနေဖြင့် တည်ရှိနေပါသည်။
ထိုဆေးရုံသည် မြန်မာနိုင်ငံအား ကိုလိုနီအင်္ဂလိပ်များလက်အောက်၌ရှိနေစဉ် ၁၉၃၇ ခုနှစ်ကတည်းက မွတ်စ်လင်မ်လူငယ်များ၏ စတင်ကြိုးပမ်းတည်ထောင် လည်ပတ်ခဲ့ခြင်း ဖြစ်သည်။
နှစ်ကြာလာသည်နှင့်အမျှ ဆေးရုံအား တစ်ဖြည်းဖြည်းတိုးချဲ့လာနိုင်ခဲ့ပြီး၊ နေ့စဉ် လူနာ ၅၀၀ ကျော်မျှ လက်ခံကုသပေးနိုင်ခဲ့သည်။ ထိုအခွင့်အရေးသည် မြန်မာနိုင်ငံ အတွင်း အပြည့်အ၀ မပံ့ပိုးနိုင်သော ကျန်းမာရေးစံနစ်အောက်မှ ဆင်းရဲသူပြည်သူတိုင်းအတွက် ကုသရေးဝန်ဆောင်မှုပေးလျက်ရှိသည်။
ယခုအခါ ဆေးရုံ၌ ခွဲစိတ်မှုဌာန၊ သားဖွား မီးယပ်ဌာန၊ မျက်စေ့ဌာန နှင့် စိတ်ကျန်းမာရေးဌာန စသည်တို့ကိုပါ တိုးချဲ့ဖွင့်လှစ်ထားနိုင်ပြီဖြစ်သည်။ မတတ်စွမ်းနိုင်လွန်းသူများအတွက်တော့ မည်သည့် အခကြေးငွေ မယူဘဲ ကုသပေးကာ တတ်စွမ်းနိုင်သူအတွက်လည်း စရိတ်စက သက်သာစွာဖြင့် ဆောင်ရွက်ပေးနေကြောင်း သိရသည်။
လူသိများထင်ရှားသော နိုင်ငံရေးအကျဉ်းသားဟောင်း အတိုက်အခံခေါင်းဆောင် ဒေါ်အောင်ဆန်းစုကြည်၏ ပင်တိုင်ကျန်းမာရေး ဆရာဝန်အဖြစ် နှစ်ပေါင်း များစွာဆောင်ရွက်သူ ဒေါက်တာ မျိုးဝင်းက ဆေးရုံတွင် သူအမှုထမ်းခဲ့သော ၂၁ နှစ် ကာလတစ်လျှောက်၌ ဘုန်းတော်ကြီး အမြောက်အများကို ဆေးကုသပေးခဲ့ရသည် ဟု ဆိုသည်။
မိမိတို့၏၀င်ငွေမှ ၁၀ %ကို ဇကာ့သ်အဖြစ် လှူဒါန်းအသုံးပြုကြရသည့် မွတ်စ်လင်မ်များ၏ဓလေ့ထုံးတမ်းကြောင့် ဆေးရုံ၏ အဓိကရပ်တည်မှုငွေပင်ငွေရင်း တည်တံ့နေခဲ့ခြင်းဖြစ်သည် ဟု တခုတ်တရဆိုခဲ့သည်။
မွတ်စ်လင်မ်တို့၏လှူဒါန်းမှုများမှ တည်ဆောက်ထားသောဆေးရုံသည် လတ်တစ်လော ဘာသာရေးအကြမ်းဖက်မှုကြောင့် မတည်ငြိမ်မှုခံစားနေရသော လူစုများကြား ပြန်လည်သင့်မြတ်ရေး၏ မီးရှူးတန်ဆောင်တစ်ခုဖြစ်နေခဲ့၏။
ဘာသာရေးကိစ္စများကြောင့် နိုင်ငံအတွင်း တင်းမာမှုများဖြစ်ပေါ်ခဲ့ရာ လူ အယောက် ၂၅၀ နီးပါး- အထူးသဖြင့် မွတ်စ်လင်မ်များ သတ်ဖြတ်ခံခဲ့ရပြီး၊ လူ ၁၄၀,၀၀၀ ကျော် အိမ်ရာမဲ့ဖြစ်ခဲ့ရသည်။ ဆေးရုံသို့လာရောက်သော လူမျိုးဘာသာယဉ်ကျေးမှုစုံ ရန်ကုန်မြို့လယ်မှ လူနာများက မတူကွဲပြားခြား နားချက်များကို ဘေးဖယ်စွန့်လွှတ်သင့်သည်ဟု ပြောကြားကြသည်။
အသက် ၅၇ နှစ်အရွယ် ဖခင်အား အူကျရောဂါ ခွဲစိတ်ရန် ဧရာဝတီမြစ်ဝကျွန်းပေါ်ဒေသမှ ခေါ်ဆောင်ရောက်ရှိလာသူ ဗုဒ္ဓဘာသာဝင် မတင်တင်ခိုင်က “ ဒါမျိုးကို ကျွန်မ မစဉ်းစားပါဘူး။ တစ်ချိန်က မွတ်စ်လင်မ်တွေနဲ့ အလုပ်အတူတူလုပ်ဖူးသလို သူတို့နဲ့လည်း ရင်းရင်းနှီးနှီးခင်ခင်မင်မင်ရှိနေပါတယ် ” ဟု ဆိုသည်။
ခိုကိုးအားထားရာ
ဆေးရုံသည် မတူညီသော လူမျိုးဘာသာပေါင်းစုံကို ကာလရှည်တစ်လျှောက်လက်ခံနေခဲ့ပြီး၊ သွားစရာနေစရာမရှိသည့် လူအများ၏ခိုကိုးရာဌာနလေးတစ်ခုအဖြစ် ရပ်တည်နေမှုကို ဒေါက်တာမျိုးဝင်း က ချီးမွှမ်းပြောဆိုခဲ့သည်။
“ ငွေရေးကြေးရေး ပြဿနာများကြောင့် သက်သက်သာမဟုတ်ပဲ၊ သူတို့က ကျွန်တော့်အပေါ်ထားရှိတဲ့ ယုံကြည်မှုတစ်ခုကြောင့်လည်း ဖြစ်ပါလိမ့်မယ်။ လူနာ နှင့် ဆရာဝန်ကြားမှာ အပြန်အလှန်နားလည်မှု ရှိကြတယ်။ အစားအသောက် နဲ့ ကျန်းမာရေးအတွက် ဘယ်လိုခံစားခဲ့ရတယ် ဆိုတာကို ထောင်ထဲမှာနေဖူးတဲ့သူတွေပဲ သိကြမယ်။ အထဲကအခြေအနေက အလွန်ကို ဆိုးရွားပါတယ် ” ဟု အသက် ၄၄ နှစ်အရွယ် ဒေါက်တာ ကဆိုသည်။
အာဏာရှင်လက်အောက်တွင် ဆယ်စုနှစ်များစွာနေထိုင်ခဲ့ရစဉ်က မြန်မာအာဏာပိုင်တို့သည် လှုပ်ရှားတက်ကကြွသူ ရာပေါင်းများစွာကို ထောင်သွင်းအကျဉ်းချခဲ့သည်။ အထူးသဖြင့် ၁၉၈၈ ခုနှစ် နှင့် ၂၀၀၇ ခုနှစ် အစိုးရ ဆန့်ကျင်ရေး လုပ်ဆောင်ခဲ့သူများ ပင်ဖြစ်သည်။ နိုင်ငံရေး အကျဉ်းသားများသည် သေကောင်ပေါင်းလဲ အခြေအနေများဖြင့် မကြာခဏကြုံတွေ့ခဲ့ရသည်။ မိသားစုများနှင့် တွေ့ခွင့်မရှိသလို၊ နှိပ်စက်မှုများကို ကြမ်းတမ်းစွာ ခံစားရပြီး ကျန်းမာရေး ဂရုစိုက်ကုသမှုကိုလည်း ပြည့်ပြည့်၀၀ မရရှိခဲ့ပေ။ ထောင်မှလွတ်လာသူများစွာတို့သည် ကိုယ်ခန္ဓာ နှင့် စိတ်ပိုင်းဆိုင်ရာ ကြံ့ခိုင်မှု အားနည်းလျက်ရှိကြပြီး ဆေးရုံကြီးများတွင်လည်း ဆေးကုသရန် မတတ်စွမ်းနိုင်ကြပေ။ ထို့အတူ ထောင်ထွက်ဖြစ်၍ လိုလိုလားလား မရှိတတ်ကြ ဟု တင်မျိုးဝင်းက ဆိုပါသည်။
ဒေါက်တာသည် ၁၉၈၈ ခုနှစ်က ကျောင်းသားများဦးဆောင်သည့် အရေးအခင်းပြီးနောက် ဒေါ်စုကြည်၏ အတိုက်အခံပြုလုပ်ချိန် ထောင်ဒဏ် သုံးနှစ် ကျခံခဲ့ရသည်။ သူ လွတ်မြောက်လာသောအခါ မွတ်စ်လင်မ်ဆေးရုံတွင်တာဝန်ထမ်းဆောင်ရန် ဆုံးဖြတ်ခဲ့ပြီး၊ အထိန်းသိမ်းခံခဲ့ရသော လှုပ်ရှားသူများအား အထူးကုသပေးခဲ့သည်။
၂၀၁၁ ခုနှစ်တွင် နိုင်ငံရေးအပြောင်းအလဲဖြစ်ပြီးနောက် အကျဉ်းသားဟောင်းများအား နိုင်ငံပိုင်ဆေးရုံများမှ ပစ်ပယ်ထားခြင်း မရှိတော့ပေ။ သို့သော်လည်း အချို့သစ္စာခံများကတော့ ပစ်ပယ်မှုကို ဆက်လက်ကျင့်သုံးနေဆဲပင်ဖြစ်သည်။
“ ဒေါက်တာဟာ ကျွန်တော့်မိသားစုဝင် တစ်ယောက်လိုပါပဲ။ ကျွန်တော်တို့ သူ့ကိုယုံကြည်တယ်၊ ဒါကြောင့် ကျွန်တော်တို့ လွတ်မြောက်တာနဲ့ သူရှိရာ ဆေးရုံကို သွားခဲ့ကြတယ် ” ဟု ၅ ကြိမ် ၅ ခါ အကျဉ်းစံဖူးသူ နိုင်ငံရေး သမားတစ်ဦး နှင့် လက်ရှိတွင် ဒေါ်စုကြည်၏ဝေယျာဝစ္စများကို ကူညီပေးနေသူ ကျော်စိုးနိုင်က ပြောပြသည်။
မွတ်စ်လင်မ်ဆေးရုံသည် ယခုထက်ပိုမို အောင်မြင်တည်တံ့သွားနိုင်ပါစေ၊ ၄င်းအပြင် ကျန်းမာရေးဌာနများသည်လည်း ၄င်းကို စံနမူနာပြု လုပ်ဆောင်နိုင်ပါစေဟု မျှော်လင့်ကြောင်း ဒေါက်တာ ပြောကြားသည်။
“ လူထုဟာ ဘယ်ဘာဘာသာပဲ ယုံကြည်ကိုးကွယ်သည်ဖြစ်စေ မကျန်မာတဲ့အခါမှာတော့ သူတို့မှာ တန်းတူဆေးကုသမှု ခံယူခွင့်ရှိပါတယ်။ အလားတူဆေးရုံမျိုးတွေ အမြောက်အများပေါ်ပေါက်လာစေချင်တယ် ” ဟု သူက ဆက်လက်ရင်ဖွင့်ခဲ့သည်။
ဓါတ်ပုံများကြည့်လိုလျှင် http://goo.gl/wWjJHI
OnIslam ဆိုဒ်တွင်ဖော်ပြထားသော Free Muslim Hospital Offers Hope in Burma ဆောင်းပါးကို သြရသရေချမ်း မြန်မာပြန်ဆိုပါသည်။
ဆက်စပ်ပိုစ်များ ဖတ်လိုလျှင်
၁။ လူမျိုး၊ဘာသာမခွဲ ကုသပေးနေတဲ့ မွတ်စလင် ကုသိုလ်ဖြစ်ဆေးရုံ ၇၆ နှစ်ပြည့်တော့မည်။
၂။ ကျောက်တံတားမြို့နယ်ရှိ မွတ်စ်လင်မ် ကုသိုလ်ဖြစ်ဆေးရုံ