News @ M-Media

Tag: NASA

  • တစ်ကျော့ပြန် လ,ခရီးစဥ်၏ ရှေ့ပြေးဂြိုဟ်တုကို အောင်မြင်စွာလွှတ်တင်

    တစ်ကျော့ပြန် လ,ခရီးစဥ်၏ ရှေ့ပြေးဂြိုဟ်တုကို အောင်မြင်စွာလွှတ်တင်

    နို၀င်ဘာ ၁၆၊ ၂၀၂၂

    M-Media 


    -လပေါ်ကို လူပြန်လွှတ်မယ့် အစီအစဥ်ရဲ့ ရှေ့ပြေးအဖြစ် စူးစမ်းလေ့လာရေးယာဥ်ငယ်တစ်ခုကို အမေရိကန်အာကာသအေဂျင်စီ (နာဆာ) က ဒီကနေ့မှာ အောင်မြင်စွာလွှတ်တင်နိုင်ခဲ့ပါတယ်။ 

    Artemis လို့ အမည်ပေးထားတဲ့ အဲဒီဒုံးပျံကို သြဂုတ်လကတည်းက လွှတ်တင်ဖို့ စီစဥ်ထားပေမယ့် နည်းပညာနဲ့ ရာသီဥတု ပြဿနာကြောင့် ၃ ကြိမ်တိုင်တိုင် ရွှေ့ဆိုင်းခဲ့ရပါတယ်။ 

    Artemis ဟာ နာဆာသမိုင်းတစ်လျှောက် ပြင်းအားအကောင်းဆုံး  ဒုံးပျံဖြစ်ပြီး Orion လို့ခေါ်တဲ့ လစူးစမ်းလေ့လာရေးယာဥ်ငယ်ကို တင်ဆောင်သွားပါတယ်။ 

    Orion ဟာ လပတ်လမ်းမှာ ၂၆ ရက်တာ လှည့်ပတ်ကာ စူးစမ်းလေ့လာမှုပြုပြီး ကမ္ဘာကို ပြန်လာမှာဖြစ်ပါတယ်။ 

    အခုလွှတ်တင်မှုဟာ ၂၀၂၅ ခုနှစ်မှာ လပေါ်ကို လူတွေပြန်လွှတ်ရေး နာဆာရဲ့စီမံကိန်းအတွက် ရှေ့ပြေးလေ့လာမှုပါ။

    ၁၉၇၂ ခုနှစ်မှာ အပိုလိုအာကာသယာဥ်ရဲ့ ယဥ်မှူး ဂျီနီကာရ်နန် လပေါ်ကနေ ပြန်လာပြီးတဲ့နောက် နှစ်ပေါင်း ၅၀ အကြာမှာ နာဆာက လပေါ်ကို ပထမဆုံးအကြိမ် လူပြန်လွှတ်ဖို့ ကြိုးပမ်းတာဖြစ်ပါတယ်။

    လပေါ်မှာအခြေစိုက်ပြီး အာကာသအတွင်းပိုင်းထဲအထိ လူတွေ သွားရောက်လေ့လာဖို့ကိုပါ နာဆာက စီစဥ်ထားပါတယ်။  

    Ref: BBC 

  • စကြ၀ဠာအစကို လေ့လာမည့် Webb တယ်လီစကုပ်၏ ဧရာမမှန်ပြားကို အောင်မြင်စွာ ဖြန့်ချနိုင်

    စကြ၀ဠာအစကို လေ့လာမည့် Webb တယ်လီစကုပ်၏ ဧရာမမှန်ပြားကို အောင်မြင်စွာ ဖြန့်ချနိုင်

    ဇန်နဝါရီ ၉၊ ၂၀၂၂
    M-Media

    -စကြ၀ဠာကြီး စတင်ဖြစ်ပေါ်ချိန်ကို ​လေ့လာဖို့ ရည်ရွယ်လွှတ်တင်ထားတဲ့ Webb တယ်လီစကုပ်ရဲ့ ဧရာမ မှန်ပြားကို အာကာသထဲမှာ အောင်မြင်စွာ ဖြန့်ချနိုင်ခဲ့တယ်လို့ အမေရိကန် အာကာသအေဂျင်စီ နာဆာက ထုတ်ပြန်ပါတယ်။

    Webb တယ်လီစကုပ်ဟာ ကမ္ဘာ့သမိုင်းမှာ အကြီးမားဆုံးနဲ့ အဆင့်အမြင့်ဆုံး တယ်လီစကုပ်ပါ။ လွန်ခဲ့တဲ့ နှစ်ပေါင်း ၁၃.၇ ဘီလီယံလောက်က ဖြစ်ပေါ်ခဲ့တဲ့ ‘မဟာပေါက်ကွဲမှု’ ကြောင့် ပထမဆုံးပေါ်ထွက်လာတဲ့ ကြယ်တွေ၊ ဂလက်ဆီတွေကို လေ့လာမှာပါ။

    ဒီတယ်လီစကုပ် တပ်ဆင်ထားတဲ့ ဂြိုဟ်တုကို ဒီဇင်ဘာ ၂၅ ရက်နေ့က အာဖရိကတိုက်မှာရှိတဲ့ ပြင်သစ်ပိုင် ဂီယာနာကျွန်းကနေ လွှတ်တင်ခဲ့တာဖြစ်ပြီး ပထမနှစ်ပတ်က ဧရာမမှန်ပြားကြီးကို ဖြန့်ချတဲ့အဆင့် ဖြစ်ပါတယ်။

    သတ္ထုမှာ ရွှေပြားအုပ်ထားပြီး ပန်းပွင့်ပုံစံရှိတဲ့ အဲဒီဧရာမမှန်ပြားကြီးကို ဖြန့်ချတဲ့အဆင့်ဟာ Webb တယ်လီစကုပ်ရဲ့ ရှုပ်ထွေးပြီး အန္တရာယ်ရှိတဲ့အပိုင်း ဖြစ်ပါတယ်။ မနေ့ကတော့ နာဆာရဲ့ မြေပြင်ထိန်းချုပ်ရေးစခန်းဟာ မှန်ပြားရဲ့ နောက်ဆုံးအပိုင်းကို အောင်မြင်စွာ ဖြန့်ချနိုင်ခဲ့ပါတယ်။

    “အင်မတန် စိတ်လှုပ်ရှားစရာကောင်းသလို၊ အံ့ဩစရာကောင်းတဲ့ သမိုင်းမှတ်တိုင်လည်း ဖြစ်ပါတယ်။ အခုဆိုရင် အာကာသမှာ လှပတဲ့ ​ပုံသဏ္ဍာန်တစ်ခုကို ကျွန်တော်တို့ မြင်ရပါပြီ” လို့ နာဆာရဲ့ အကြီးတန်းအင်ဂျင်နီယာ သောမတ်စ် ဇူရ်ဘူချန်က ပြောပါတယ်။

    ဧရာမမှန်​ပြား ဖြန့်ချပြီး နောက်တစ်ဆင့်ဟာ တယ်လီစကုပ်မှာရှိတဲ့ အလင်းနဲ့ သိပ္ပံဆိုင်ရာ ကိရိယာတွေ ချိန်ညှိဖို့ ဖြစ်ပါတယ်။ လေ့လာမှုတွေ စတင်လုပ်ဆောင်မယ့် သတ်မှတ်နေရာကိုရောက်ဖို့ နောက်ထပ် ၅ လခွဲ သွားရမှာဖြစ်ပါတယ်။

    Ref: Aljazeera

  • စကြာ၀ဠာအစကို လေ့လာမည့် ကမ္ဘာ့အကြီးဆုံး တယ်လီစကုပ်ကို လွှတ်တင်

    စကြာ၀ဠာအစကို လေ့လာမည့် ကမ္ဘာ့အကြီးဆုံး တယ်လီစကုပ်ကို လွှတ်တင်

    ဒီဇင်ဘာ ၂၆၊ ၂၀၂၁
    M-Media

    -စကြ၀ဠာကြီး စတင်ဖြစ်ပေါ်လာပုံကို လေ့လာနိုင်မယ့် ကမ္ဘာ့အကြီးဆုံး တယ်လီစကုပ်ကို မနေ့က အာကာသထဲ အောင်မြင်စွာ လွှင်တင်နိုင်ခဲ့ပါတယ်။

    James Webb Space Telescope လို့ အမည်ပေးထားတဲ့ အဲဒီတယ်လီစကုပ်ကို ၁၉၉၀ ပြည့်လွန်နှစ်တွေကတည်းက ဖန်တီလာခဲ့ကြတာဖြစ်ပြီး ဒီစီမံကိန်းမှာ နိုင်ငံပေါင်း ၁၃ နိုင်ငံက အာကာသ ပညာရှင်နဲ့ အင်ဂျင်နီယာပေါင်း ထောင်ချီ ပါဝင်ခဲ့ကြပါတယ်။

    အမေရိကန်အာကာသအေဂျင်စီ နာဆာဟာ တယ်လီစကုပ်ကို တောင်အမေရိကတိုက်က ပြင်သစ်ပိုင် ဂီယာနာကျွန်းကနေ စနေနေ့မှာ လွှတ်တင်ခဲ့တာ ဖြစ်ပါတယ်။

    တယ်လီစကုပ်ရဲ့ရည်ရွယ်ချက်ဟာ ​လွန်ခဲ့တဲ့ နှစ်ပေါင်း ၁၃.၅ ဘီလီယံအရင်က ဖြစ်ပွားခဲ့တဲ့ ‘မဟာပေါက်ကွဲမှုကြီး’ (Big Bang) နောက်ပိုင်း ပေါ်ထွက်လာခဲ့တဲ့ ကြယ်တွေ၊ ဂလက်ဆီတွေအကြောင်း လေ့လာကာ စကြာ၀ဠာကြီးရဲ့အစကို ပိုမိုနားလည်စေနိုင်ဖို့ ဖြစ်ပါတယ်။

    ဒါ့အပြင် ကမ္ဘာနဲ့ အလွန်ဝေးကွာတဲ့ ဂြိုဟ်တွေမှာ သက်ရှိတွေ ရှိလား၊ သက်ရှိတွေ နေထိုင်နိုင်တဲ့အနေအထားမျိုး ရှိနေလားဆိုတာ ဒီတယ်လီစကုပ်နဲ့ ရှာဖွေမှာ ဖြစ်ပါတယ်။

    ၁၉၆၀ ပြည့်နှစ်တွေက လပေါ်ကို ပထမဆုံး လူ​တွေခြေချခဲ့တဲ့ Apollo စီမံကိန်းမှာ အဓိက အခန်းကဏ္ဍကနေ ပါဝင်ခဲ့တဲ့ သိပ္ပံပညာရှင် ဂျိမ်းစ်ဝဘ်ကိုဂုဏ်ပြုကာ တယ်လီစကုပ်ကို အမည်ပေးထားတာ ဖြစ်ပါတယ်။ ဒီစီမံကိန်းအတွက် စုစုပေါင်း အမေရိကန်ဒေါ်လာ ၁၀ ဘီလီယံလောက် ကုန်ကျပါတယ်။

    နာဆာတာဝန်ရှိသူ ဘီလ်နဲလ်ဆင်က ဒီစီမံကိန်းဟာ စကြာ၀ဠာကြီးရဲ့အကြောင်း မိမိတို့ ပိုမိုနားလည်အောင် အထောက်အကူပေးမှာဖြစ်ပြီး၊ ရလဒ်ကကြီးသလို စွန့်စားရတာလည်း ကြီးတယ်လို့ ပြောကြားခဲ့ပါတယ်။

    Ref : BBC

  • လမြေကြီးကို နာဆာက အနည်းဆုံး ၁ ဒေါ်လာဖြင့် ဝယ်ယူမည်

    လမြေကြီးကို နာဆာက အနည်းဆုံး ၁ ဒေါ်လာဖြင့် ဝယ်ယူမည်

    ဒီဇင်ဘာ ၆၊ ၂၀၂၀
    M-Media

    -အင်္ဂါဂြိုသွားခရီးစဉ် ပြင်ဆင်ဖို့အတွက် လကမ္ဘာပေါ်က မြေကြီးကို အနည်းဆုံး ၁ ဒေါ်လာနဲ့ ဝယ်ယူဖို့ အမေရိကန် အာကာသအေဂျင်စီ နာဆာက ပုဂ္ဂလိကကုမ္ပဏီတွေကို ကန်ထရိုက်ပေးလိုက်ပါတယ်။

    အမေရိကန်က Lunar Outpost of Golden နဲ့ Masten Space Systems of Mojave၊ ဂျပန်က ispace ကုမ္ပဏီ၊ လူဇင်ဘတ်က ispace ကုမ္ပဏီတို့ထံကနေ လမြေကြီးကို ၁ ဒေါ်လာကနေ ဒေါ်လာ ၁၅၀၀၀ အထိ စျေးပေးကာ နာဆာက ဝယ်မှာပါ။

    ဒီကုမ္ပဏီတွေဟာ ၂၀၂၂ နဲ့ ၂၀၂၃ ခုနှစ်တို့မှာ လကမ္ဘာကိုသွားရောက်ဖို့ စီစဉ်ထားတဲ့ လူမဲ့ခရီးစဉ်ကနေ မြေကြီးတွေ ယူလာမှာ ဖြစ်ပါတယ်။ လမြေကြီးအပြင် လပုံရိပ်တွေနဲ့ လပေါ်က အခြား အရာ၀တ္ထုတွေကိုလည်း နာဆာထံ လွှဲပြောင်းပေးမှာပါ။

    ဒီလို လွှဲပြောင်းပေးတဲ့ပစ္စည်းတွေဟာ နာဆာရဲ့ Artemis စီမံကိန်းတစ်ခုတည်းမှာ အသုံးပြုဖို့အတွက် ဖြစ်ပါတယ်။

    Artemis စီမံကိန်းအရ နာဆာဟာ ၂၀၂၄ ခုနှစ်မှာ လကမ္ဘာပေါ်ကို လူသားစေလွှတ်ကာ အင်္ဂါဂြိုဟ်သွား စီမံကိန်းအတွက် လပေါ်မှာ အခြေစိုက်စခန်းတစ်ခု ဖြစ်လာအောင် စီစဉ်မှာ ဖြစ်ပါတယ်။

    နာဆာက တာဝန်ရှိသူ မိုက်ဂိုးလ်ဒ်က ပုဂ္ဂလိက လုပ်ငန်းတွေ လပေါ်မှာ စူးစမ်းရှာဖွေမှုတွေလုပ်ဖို့ ဒီလိုလမ်းကြောင်းချပေးတာဟာ အလွန်အရေးပါတဲ့ ဆောင်ရွက်မှုဖြစ်ပြီး ဒီကနေရတဲ့ ရင်းမြစ်တွေကို အင်္ဂါဂြိုဟ် စူးစမ်းရှာဖွေမှုအတွက် အသုံးပြုသွားမယ်လို့ ပြောကြားခဲ့ပါတယ်။

    “အင်္ဂါဂြိုဟ်ကို လူသားသွားရောက်မယ့် ခရီးစဉ်ဟာ လ​ကမ္ဘာပေါ် သွားရောက်တဲ့ ခရီးစဉ်ထက် စိန်ခေါ်မှုတွေ ပိုရှိပါတယ်။ ဒါ့ကြောင့် လပေါ်က အတွေ့အကြုံတွေကို လေ့လာပြီး အင်္ဂါဂြိုဟ်ခရီးမှာ အသုံးပြုဖို့ အရေးကြီးပါတယ်”

    လက်ရှိမှာ အာကာသထဲကအရာတွေနဲ့ပတ်သက်တဲ့ မူပိုင်ခွင့်မရှိသေးဘဲ ဒီကိစ္စအတွက် ဦးဆောင်ဦးရွက်ပြုသူ ဖြစ်လာဖို့ အမေရိကန်က စီစဉ်နေတာဖြစ်ပါတယ်။ အာကာသအင်အားကြီး ၂ နိုင်ငံဖြစ်တဲ့ တရုတ်နဲ့ ရုရှားတို့က ဒီကိစ္စမှာ အမေရိကန်နဲ့ သဘောထားခြင်း မတိုက်ဆိုင်ပါဘူး။

    Ref: Aljazeera

  • ေနအဖြဲ႕အစည္း အျပင္ဘက္တြင္ ကမ႓ၻာႏွင့္တူသည့္ ၿဂိဳဟ္တစ္လံုး ေတြ႕ရွိ

    ေနအဖြဲ႕အစည္း အျပင္ဘက္တြင္ ကမ႓ၻာႏွင့္တူသည့္ ၿဂိဳဟ္တစ္လံုး ေတြ႕ရွိ

    စက္တင္ဘာ ၁၃၊ ၂၀၁၉
    M-Media

    -ကမ႓ၻာတည္ရွိရာ ေနအဖြဲ႕အစည္းအလြန္က ၿဂိဳဟ္တစ္ခုရဲ႕ ေလထုမွာ ေရခိုးေရေငြ႕ေတြကို ေတြ႕ရၿပီး၊ အပူခ်ိန္ကလည္း သက္ရွိေတြေနထိုင္ႏိုင္မယ့္ အေျခအေန ရွိတယ္လို႔ သိပၸံပညာရွင္ေတြက ထုတ္ေဖာ္ေျပာဆိုလိုက္ပါတယ္။

    K2-18b လို႔ အမည္ေပးထားတဲ့ အဲဒီၿဂိဳဟ္ဟာ ေနအဖြဲ႕အစည္းကေန အလင္းႏွစ္ေပါင္း ၁၁၀ အကြာအေ၀းမွာ တည္ရွိေနတာပါ။

    လန္ဒန္တကၠသိုလ္ အာကာသအခ်က္အလက္ဆိုင္ရာစင္တာက နကၡတေဗဒပညာရွင္ေတြက ဒီၿဂိဳဟ္ကို နာဆာရဲ႕ Hubble Space တယ္လီစကုပ္နဲ႔ ေလ့လာၿပီးတဲ့ေနာက္ သူတို႔ရဲ႕ေတြ႕ရွိခ်က္ကို Nature Astronomy ဂ်ာနယ္မွာ ဗုဒၶဟူးေန႔က ေရးသားခဲ့ပါတယ္။

    “ကမ႓ၻာလြဲၿပီး လူေနထိုင္ႏိုင္တယ္လို႔ထင္ရတဲ့ အျခားၿဂိဳတစ္ခုမွာ ေရကိုရွာေတြ႕တာဟာ သိပ္ကို စိတ္၀င္စားဖို႔ ေကာင္းပါတယ္”

    K2-18b ဟာ ကမ႓ၻာႀကီးထက္ ၂ ဆႀကီးၿပီး ၈ ဆေလာက္ ပိုမိုသိပ္သည္းတာေၾကာင့္ ဆြဲအားလည္း ကမ႓ၻာႀကီးထက္ အလြန္အမင္းမ်ားျပားဖို႔ရွိတယ္လို႔ ဆိုပါတယ္။

    “K2-18b ကို ‘ဒုတိယကမ႓ၻာ’ လို႔ေျပာလို႔မရပါဘူး။ အလြန္အမင္းသိပ္သည္းၿပီး၊ ေလထုဖြဲ႕စည္းပံုကလည္း မတူပါဘူး။ ဒါေပမယ့္ ‘ကမ႓ၻာႀကီးဟာ ထူးျခားတဲ့ၿဂိဳဟ္လား’ ဆိုတဲ့ ေမးခြန္းအတြက္ အေျဖရဖို႔ ပိုၿပီး နီးစပ္လာပါတယ္”

    နာဆာက K2-18b ၿဂိဳဟ္ဟာ K2-18 ၾကယ္ကို လွည့္ပတ္ေနၿပီး၊ ဓာတ္ေရာင္ျခည္ ပိုမိုမ်ားျပားႏိုင္တာေၾကာင့္ ကမ႓ၻာထက္ပိုၿပီး ၾကမ္းတမ္းဖြယ္ရွိတယ္လို႔ ဆိုပါတယ္။

    ေနကအလင္းတန္းဟာ ကမ႓ၻာကိုေရာက္ဖို႔ ၇ မိနစ္ကေန ၈ မိနစ္အထိသာ ၾကာေပမယ့္ K2-18b ၿဂိဳဟ္ကိုေရာက္ဖို႔ ႏွစ္ ၁၀၀ ေလာက္ ၾကာျမင့္တာေၾကာင့္ မိမိတို႔ ႐ိုက္ယူထားတဲ့ K2-18b ပံုရိပ္ဟာ လြန္ခဲ့တဲ့ ႏွစ္ ၁၀၀ က ပံုရိပ္သာျဖစ္ေၾကာင္း၊ လူေတြသြားေရာက္ဖို႔ မျဖစ္ႏိုင္ေၾကာင္း နာဆာက ထည့္သြင္းေျပာဆိုခဲ့ပါတယ္။

    နာဆာရဲ႕ Kepler Space တယ္လီစကုပ္နဲ႔ ေလ့လာမႈအတြင္း ကမ႓ၻာနဲ႔ နက္ပကၽြန္းၿဂိဳဟ္ၾကား အရြယ္ရွိၿပီး သက္ရွိေတြ ရွင္သန္ႏိုင္မယ္လို႔ ယူဆရတဲ့ ၿဂိဳဟ္ေပါင္း ရာခ်ီ ေတြ႕ရွိထားပါတယ္။

    Ref: Aljazeera