Tag: NASA

ဖေဖော်ဝါရီ ၂၃၊ ၂၀၁၇
M-Media

– ကျွန်ုပ်တို့ နေအဖွဲ့အစည်းနဲ့ အလင်းနှစ် ၄၀ အကွာက ကြယ်ကြီးတစ်ခုကို လှည့်ပတ်နေပြီး ကမ္ဘာဂြိုဟ်အရွယ်အစားလောက်ရှိတဲ့ အနည်းဆုံး ဂြိုဟ် ၇ လုံးကို တွေ့ရှိခဲ့တယ်လို့ ၀ါရှင်တန် နာဆာဌာနချုပ်မှာ မနေ့က ကြေငြာလိုက်ပါတယ်။

ကမ္ဘာကြီးနဲ့ အရွယ်စားတင် တူညီတာမဟုတ်ဘဲ အပူချိန်ပါတူညီတာကြောင့် အဲဒီဂြိုဟ်တွေပေါ်မှာ ရေရှိနိုင်ပြီး၊ သက်ရှိတွေလည်း ရှင်သန်နိုင်မယ့်အလားလာတွေ ရှိနေပါတယ်။ မိမိတို့အနေအဖွဲ့အစည်းအပြင်ဘက်မှာ ဒီလို ရှာဖွေတွေ့ရှိမှုဟာ သိပ်ကို ရှားပါတယ်လို့ နာဆာက ဆိုပါတယ်။

“ကြယ်တစ်ခုဝန်းကျင်မှာ ဒီလို ပုံစံတူ ဂြိုဟ်တွေကို ရှာဖွေတွေ့ရှိတာဟာ ဒါ ပထမဆုံးဖြစ်ပါတယ်” လို့ ဘလ်ဂျီယံ Leige တက္ကသိုလ်က နက္ခတပညာရှင်ဖြစ်ပြီး အခုလေ့လာမှုကို ဦးဆောင်တဲ့ မီခေးလ် ဂီလွန်က ပြောကြားခဲ့ပါတယ်။

ဒီဂြိုဟ်တွေကို TRAPPIST-1 ဆိုတဲ့ ကြယ်တစ်ဝိုက်မှာ နီးနီးကပ်ကပ် တွေ့ရှိခဲ့တာဖြစ်ပြီး ထုထည်ကို လေ့လာမှုတွေအရတော့ ဒီဂြိုဟ်တွေဟာ ဂျူပီတာလို အငွေ့ဖြစ်နေတာထက် ကျောက်သားအတိပြီးတဲ့ ဂြိုဟ်တွေလို့ ခန့်မှန်းထားပါတယ်။

အဲဒီအထဲက ဂြိုဟ် ၃ လုံးဖြစ်တဲ့ TRAPPIST-1e, f နဲ့ g တို့ရဲ့ နေနဲ့အကွာအဝေးဟာ သက်ရှိတွေ အသက်ရှင်သန်လို့ရနိုင်မယ့် သမဇုန်ထဲရောက်နေပြီး သမုဒ္ဒရာတွေတောင် ရှိနိုင်တယ်လို့ ကောက်ချက်ချထားပါတယ်။

သုတေသနပညာရှင်တွေက TRAPPIST-1f ဟာ သက်ရှိနေထိုင်ဖို့ အကောင်းဆုံးဂြိုဟ်ဖြစ်တယ်လို့ ယုံကြည်နေပါတယ်။ ဒီဂြိုဟ်ဟာ ကမ္ဘာဂြိုဟ်ထက် ပိုအေးပေမယ့်၊ သင့်တော်တဲ့လေထု၊ လုံလောက်တဲ့ ဖန်လုံအိမ်ဓာတ်ငွေ့တွေ ရှိနိုင်ပါတယ်။

ပြီးခဲ့တဲ့ မေလတုန်းက TRAPPIST-1 နေရဲ့ ၀န်းကျင်မှာ ဂြိုဟ် ၃ လုံး တွေ့ရှိတယ်လို့ နာဆာက ကြေငြာခဲ့ဖူးပြီး ဆက်လက်လေ့လာရာကနေ ၇ လုံးအထိ တွေ့ရှိခဲ့တာ ဖြစ်ပါတယ်။

Ref : CNN

ဇူလိုင် ၂၄၊ ၂၀၁၅
M-Media

– မိမိတို့နေထိုင်ရာ ကမ္ဘာကြီးနှင့် အလွန်ဆင်တူပြီး ကမ္ဘာက နေကို လှည့်ပတ်သည့် အကွာအဝေးအတိုင်းပင် ကြယ်တစ်လုံးအား လှည့်ပတ်နေသည့် ဂြိုဟ်တစ်ခုကို နက္ခတဗေဒ ပညာရှင်များက ရှာတွေ့ခဲ့သည်ဟု သိရသည်။

အဆိုပါ ဂြိုသစ်ကို Kepler 452b ဟု အမည်ပေးထားပြီး ကမ္ဘာထက် ၆၀ ရာခိုင်နှုန်း ပိုကြီးသည်ဟု ဆိုသည်။

ကျောက်သားအတိပြီးသည်ဟု ယူဆရသည့် ထိုဂြိုဟ်ကြီးတွင် အသက်ရှိနေသော မီးတောင်များ၊ သမုဒ္ဒရာများ၊ မိမိတို့ကမ္ဘာကြီးကဲ့သို့ နေရောင်များလည်း ရှိနိုင်ကာ ဆွဲအားမှာ ကမ္ဘာကြီးထက် ၂ ဆ ပိုနိုင်ပြီး တစ်နှစ်လျှင် ရက်ပေါင်း ၃၈၆ ရက် ကြာနိုင်သည်ဟု သိပ္ပံပညာရှင်များက ယမန်နေ့တွင် ပြောကြားခဲ့သည်။

“ဒီနေ့ exoplnet တစ်ခုကို ရှာဖွေတွေ့ရှိတယ်လို့ ကျွန်တော်တို့ ကြေညာပါတယ်။ အခုအချိန် ပြောနိုင်တာကတော့ ဒီဂြိုဟ်ကြီးဟာ ကျွန်တော်တို့ရဲ့ ကမ္ဘာ၊ ကျွန်တော်တို့ရဲ့နေနဲ့ ညီအစ်ကိုဝမ်းကွဲ လောက်နီးနီးကို ရှိပါတယ်” ဟု နာဆာမှ သိပ္ပံပညာရှင်တစ်ဦးဖြစ်သူ ဂျွန် ဂရန်စ်ဖဲလ်ဒ်က ပြောကြားခဲ့သည်။

ထို့ပြင် Kepler 452b မှာ ကမ္ဘာကြီးနှင့် အမွှာဖြစ်ပြီး Earth 2.0 ဖြစ်သည်ဟု ၎င်းက ထည့်သွင်းပြောကြားခဲ့သည်။

အဆိုပါဂြိုဟ်ကို နာဆာ၏ ကက်ပလာ အာကာသတယ်လီစကုပ်ဖြင့် ရှာဖွေတွေ့ရှိခဲ့ခြင်းဖြစ်ပြီး နာဆာမှာ ကမ္ဘာကြီးကဲ့သို့ ဂြိုဟ်များကို ၂၀၀၉ ခုနှစ်ကတည်းက အဆိုပါ တယ်လီစကုပ်ကို အသုံးပြု၍ ရှာဖွေခဲ့ခြင်း ဖြစ်သည်။

Kepler 452b မှာ ရေတည်ရှိရန်အတွက် မပူလွန်း၊ မအေးလွန်းဘဲ သက်ရှိများ တည်ရှိနိုင်သော Goldilocks ဇုန်တွင် တည်ရှိသည်ဟု နာဆာက ထည့်သွင်းပြောကြားခဲ့သည်။ ထိုဂြိုဟ်၏ ကြယ်မှာ နှစ်သန်းပေါင်း ၁.၅ ဘီလီယံ သက်တမ်းရှိပြီဖြစ်ပြီး မိမိတို့ နေထက် ၄ ရာခိုင်နှုန်းကြီးကာ ၁၀ ရာခိုင်နှုန်း တောက်ပသည်ဟု ဆိုသည်။

သို့သော်လည်း ကမ္ဘာမှ အလင်းနှစ် ၁၄၀၀ အကွာတွင် တည်ရှိနေသောကြောင့် ယခုလက်ရှိတွင် လူသားများ သွားရောက်နိုင်မည့် မျှော်လင့်ချက်မှာ မရှိသလောက်ဖြစ်သည်။

“မမျှော်လင့်တဲ့ အောင်မြင်မှုမျိုး ရှိလာတာကလွဲလို့ ဒီဂြိုဟ်တွေကို ခင်ဗျားရော၊ ကျွန်တော်ရော သွားဖို့ဆိုတာ မဖြစ်နိုင်ပါဘူး။ ဒါပေမယ့် ကျွန်တော်တို့ရဲ့ တီ၊ တွတ် လက်ထက်ကျရင်တော့ ဖြစ်ကောင်းဖြစ်နိုင်မှာပါ” ဟု ကက်ပလာ သုတေသနဌာနမှ သိပ္ပံပညာရှင် ဂျက်ဖ် ခေါ့ဖ်လင်းက ပြောကြားခဲ့သည်။

Ref: Aljazeera

မတ် ၇၊ ၂၀၁၅
M-Media

– အင်္ဂါဂြိုဟ်ရှိ ရေအကြွင်းအကျန်များကို ခွဲခြမ်းစိတ်ဖြာမှုများအရ အင်္ဂါဂြိုဟ်တွင် တစ်ချိန်က အာတိတ် သမုဒ္ဒရာထက် ပိုကြီးသော ရေအရင်းအမြစ်တစ်ခု ရှိခဲ့သည်ကို တွေ့ရှိခဲ့ရကြောင်း နာဆာမှ ထုတ်ပြန်ပြောကြားလိုက်သည်။

နာဆာမှာ ကမ္ဘာပေါ်မှ တယ်လီစကုပ် ၃ ခုဖြင့် အင်္ဂါဂြိုဟ်လေထုထဲရှိ ရေခဲများမှ ရေပမာဏအား လေ့လာခဲ့ခြင်းဖြစ်ပြီး တွေ့ရှိသော အချက်အလက်များကို သိပ္ပံမဂ္ဂဇင်းတစ်စောင်တွင် ပြီးခဲ့သည့် ကြာသာပတေးနေ့က ဖော်ပြခဲ့သည်။

“နောက်ပိုင်းမှာ အာကာသထဲကို ရေဘယ်လောက် ရောက်သွားတယ်ဆိုတာကို ဆုံးဖြတ်တဲ့နည်းလမ်းနဲ့ ကျွန်တော်တို့ရဲ့ လေ့လာမှုအရ တစ်ချိန်က အင်္ဂါဂြိုဟ်မှာ ရေပမာဏ ဘယ်လောက်ရှိခဲ့လဲဆိုတာကို ခန့်မှန်း တွက်ချက်နိုင်ခဲ့ပါတယ်” ဟု လေ့လာမှုနှင့် ပတ်သက်သည့် ဆောင်းပါးကို ရေးသားခဲ့သူ နာဆာရှိ Goddard Space Flight စင်တာမှ သိပ္ပံပညာရှင် ဂီရိုနီမို ဗီလာနျူဗာက ပြောကြားခဲ့သည်။

အဆိုပါ တယ်လီစကုပ် ၃ ခုမှာ အင်္ဂါဂြိုဟ်၏ လေတုထဲတွင်ရှိသည့် မတူညီသော ရေနှစ်မျိုးထဲမှ ဓာတုဗေဒ လက္ခဏာများကို ခွဲခြမ်းစိတ်ဖြာခဲ့ပြီး အင်္ဂါဂြိုဟ်ရှိ ရေခဲအများစုမှာ ရေပမာဏများစွာ သို့မဟုတ် သာမန် ဟိုက်ဒရိုဂျင် အက်တမ်များအစား ဂျူထရီယမ်ဟုခေါ်သည့် အိုင်ဆိုတုပ်များဖြင့် အစားထိုးထားသော မော်လီကျူးများဖြင့် ဖွဲ့စည်းထားခြင်းဖြစ်သည်ကို တွေ့ရှိခဲ့ရသည်။

အဆိုပါ မော်လီကျူးများကို လေ့လာဆန်းစစ်ပြီးနောက် သိပ္ပံပညာရှင်များက အာကာသထဲသို့ ရေဆုံးရှုံးမှုနှုန်းကို အခြေခံကာ အင်္ဂါဂြိုဟ်တွင် တစ်ချိန်က ရေပမာဏ မည်မျှရှိသည်ကို တွက်ချက်နိုင်ခဲ့သည်ဟု ယုံကြည်ခဲ့ကြသည်။

ထိုလေ့လာမှုများအရ အင်္ဂါဂြိုဟ်အတွင်းရှိ မူလ ရေပမာဏ၏ ၁၃ ရာခိုင်နှုန်းသာ ရေခဲအဖြစ် ရှိသည်ကို တွေ့ရှိခဲ့ရပြီး သိပ္ပံပညာရှင်များကမူ လွန်ခဲ့သည့် နှစ်ပေါင်း ၄.၃ ဘီလီယံအရင်က အဆိုပါဂြိုဟ်မျက်နှာပြင်၏ ၁၉ ရာခိုင်နှုန်းမှာ ရေအရင်းအမြစ်ဖြစ်ခဲ့ပြီး အနက်မှာ ၁.၆ ကီလိုမီတာအထိ ရှိမည်ဟု တွက်ချက်ခဲ့ကြပြီးကမ္ဘာမြေရှိ အာတိတ်သမုဒ္ဒရာထက် ပိုကြီးသည်ဟု ၎င်းတို့က ထည့်သွင်းပြောကြားခဲ့သည်။

Ref: RT