Tag: NASA

ဧပြီ ၁၆၊ ၂၀၁၈
M-Media

– အမေရိကန်အာကာသအေဂျင်စီ နာဆာဟာ ကြယ်ပတ်ဂြိုဟ် (Exoplanet) တွေကို ရှာဖွေဖော်ထုတ်ပေးနိုင်မယ့် ဂြိုဟ်တု TESS ကို တနင်္လာနေ့မှာ လွှတ်တင်ဖို့ ရှိနေပြီး သက်ရှိသတ္တ၀ါတွေ နေထိုင်နိုင်မယ့် ဂြိုဟ်တွေ ရှာဖွေရေး စာမျက်နှာသစ်တစ်ခု ဖွင့်လှစ်လိုက်တာလည်း ဖြစ်ပါတယ်။

ဒီစီမံကိန်းမှာ TESS ဂြိုဟ်တုဟာ ကမ္ဘာနဲ့ အနီးအနားမှာရှိတဲ့ ထောင်နဲ့ချီတဲ့ ကြယ်တွေမှာ ပတ်နေတဲ့ ဂြိုဟ်တွေကို ရှာဖွေသွားမှာဖြစ်ပါတယ်။

နာဆာကတော့ သိပ္ပံပညာရှင်တွေဟာ ကမ္ဘာအရွယ် ဂြိုဟ် အလုံး ၅၀ လောက်၊ ကမ္ဘာတည်ရှိရာ နေအဖွဲ့အစည်းမှာ စတုတ္ထမြောက်အကြီးဆုံးဖြစ်တဲ့ နက်ပကျွန်းဂြိုဟ်ထက် ကြီးမယ့် အခြား Exoplanet နှစ်သောင်းလောက် ရှာဖွေတွေ့ရှိမယ်လို့ မျှော်လင့်ထားကြောင်း ထုတ်ပြန်ပါတယ်။

Exoplanet ဆိုတာဟာ နေထက် ကြယ်တွေကို လှည့်ပတ်နေတဲ့ ဂြိုဟ်တွေဖြစ်ပါတယ်။

TESS ဂြိုဟ်တုကို Space X ရဲ့ Falcon 9 ဒုံးပျံနဲ့ ဖလော်ရီဒါကနေ တနင်္လာနေ့မှာ လွှတ်တင်မှာပါ။

သတ်မှတ်ထားတဲ့ ပတ်လမ်းကြောင်း ဂြိုဟ်တုရောက်ဖို့အတွက် ၂ ပတ်လောက် ကြာမြင့်မှာဖြစ်ပြီး နောက်ဆုံးမှာနဲ့ နီးကပ်သွားမှာ ဖြစ်ပါတယ်။

စမ်းသပ်ကာလ ၂ လပြီးတဲ့နောက် ၂ နှစ်တာကြာမြင့်မယ့် စီမံကိန်းကာလမှာ TESS ဟာ Exoplanet တွေကို ရှာဖွေဖို့အတွက် ကြယ်ပေါင်း ၂ သိန်းလောက်ကို သုတေသန လုပ်သွားမှာ ဖြစ်ပါတယ်။

Ref: Aljazeera

ဖေဖော်ဝါရီ ၇၊ ၂၀၁၈
M-Media

– ၁၉၇၀ ပြည့်နှစ်နောက်ပိုင်း စွမ်အားအကောင်းဆုံးဖြစ်သည့် ဒုံးပျံကို Space X က ယမန်နေ့တွင် အောင်မြင်စွာ လွှတ်တင်နိုင်ခဲ့သည်ဟု သိရသည်။

လပေါ်သို့ ပထမဆုံး ဆင်းသက်နိုင်ခဲ့သည့် Apollo 11 ဂြိုဟ်တုနှင့် အခြားသော အာကာသယာဉ်များ လွှတ်တင်ခဲ့သည့် ဖလော်ရီဒါပြည်နယ်ရှိ နာဆာ၏ ကနေဒီ အာကာသစင်တာမှ အဆိုပါ Falcon Heavy ဒုံးကျည်ကို လွှတ်တင်ခဲ့ခြင်းဖြစ်သည်။

ဒုံးပျံတွင် Space X စီအီးအို အေလွန်မက်စ်၏ လျှပ်စစ်ကားကုမ္ပဏီက ထုတ်လုပ်သော Tesla roadster ကား နှင့်အတူ အခြားပစ္စည်းတစ်ချို့ကို တင်ဆောင်သွားခဲ့သည်။ ဒုံးပျံ တက်သွားပြီး မိနစ်အနည်းငယ်အကြာတွင် အပြင်ဘက် အင်ဂျင်နှစ်ခုမှာ ပြုတ်ထွက်သွားပြီး ကိပ် ကာနာဗီရဲလ် လေတပ်စခန်းရှိ သတ်မှတ်နေရာတွင် ပြန်လည် ဆင်းသက်ခဲ့သည်။

တတိယအင်ဂျင်ကို သမုဒ္ဒရာအတွင်းရှိ ဘောတစ်ခုပေါ်တွင် ပြန်လည်ဆင်းသက်ရန် သတ်မှတ်ထားပြီး အောင်မြင်စွာ ဆင်းသက်နိုင်လားဆိုသည်ကို ရှင်းရှင်းလင်းလင်း မသိရသေးပေ။

Falcon Heavy ဒုံးပျံမှာ ၁၉၇၀ ပြည့်နှစ်များက လပေါ်သွား ခရီးစဉ်များတွင် အသုံးပြုခဲ့သည့် Saturn V ထက် ပိုမိုအားကောင်းပြီး ဘိုးအင်း 747 လေယာဉ် ၁၈ စီး၏ အရှိန်နှင့် ညီမျှသည်ဟု Space X က ပြောကြားထားသည်။

Sapce X မှာ ဂြိုဟ်တုလွှတ်တင်သည့် ဒုံးပျံများ လွှတ်တင်ပြီးနောက် မြေပေါ်သို့ ပြန်လည်ဆင်းသက်နိုင်သည့် ပထမဆုံး ဒုံးပျံ Falcon 9 ကို တီထွင်နိုင်ခဲ့သည်။

အဆိုပါဒုံးပျံကို လက်ရှိတွင် ကမ္ဘာပတ်လမ်းကြောင်းသို့ ဂြိုဟ်တုများ လွှတ်တင်မှု၊ နိုင်ငံတကာ အာကာသစခန်းသို့ ပစ္စည်းများ ပို့ဆောင်မှုများတွင် အသုံးပြုနေသည်။

ယခု Falcon Heavy ဒုံးပျံကို အနာဂတ် လနှင့် အင်္ဂါဂြိုဟ် ခရီးစဉ်များတွင် အသုံးပြုရန် စီစဉ်ထားသည်။

Ref : Aljazeera