ဇူလိုင် ၁၉၊ ၂၀၁၉
M-Media
-၁၉၉၀ ပြည့်နှစ်တွေက ဘော့စနီးယားမှာ ဆာ့ဘ်တပ်ဖွဲ့တွေက ဘော့စနီယက် မွတ်စလင်တွေကို အစုလိုက်အပြုံလိုက် သတ်ဖြတ်မှုတစ်ခုအတွက် မိမိတို့မှာ တာဝန်ရှိတယ်လို့ နယ်သာလန်နိုင်ငံက ဒီကနေ့မှာ ၀န်ခံလိုက်ပါတယ်။
၁၉၉၅ ခုနှစ်က ဆရီဘရီနီကာမှာရှိတဲ့ ကုလ ငြိမ်းချမ်းရေးတပ်ဖွဲ့ အခြေစိုက်စခန်းမှာ ဘော့စနီယက်အမျိုးသား ၃၅၀ လာရောက်ခိုလှုံတာကို နယ်သာလန်တပ်ဖွဲ့တွေက အ၀င်မခံခဲ့ပါဘူး။ နောက်ပိုင်းမှာ အဲဒီလူတွေကို ဆာ့ဘ်တွေက သတ်ဖြတ်ခဲ့ပါတယ်။
ဒီလို အစုလိုက်အပြုံလိုက် သတ်ဖြတ်ခံရမှုအတွက် နယ်သာလန်အစိုးရက တာဝန်ယူရမယ်ဆိုတဲ့ အရင်က ဆုံးဖြတ်ချက်ကို နယ်သာလန် တရားရုံးချုပ်က ဒီကနေ့မှာ ထပ်မံအတည်ပြုခဲ့ပြီး၊ တာဝန်ရှိမှု ရာခိုင်နှုန်းကိုလည်း ၁၀ ရာခိုင်နှုန်း သတ်မှတ်ခဲ့ပါတယ်။
“တရားရုံးချုပ်ရဲ့ ဆုံးဖြတ်ချက်ကို အစိုးရက လက်ခံပါတယ်။ တရားရုံးချုပ်က ဆုံးဖြတ်ချက်အတိုင်း ထိခိုက်ဆုံးရှုံးမှုတွေအတွက် အစိုးရက တာဝန်ယူသွားမှာပါ” လို့ နယ်သာလန် ကာကွယ်ရေးဝန်ကြီးဌာနက ထုတ်ပြန်တဲ့ ကြေငြာချက်မှာ ဖော်ပြထားပါတယ်။
ဆားဘီးယား၊ ခရိုအေးရှား၊ ဘော့စနီးယား၊ မွန်တီနီဂရိုးနဲ့ ပတ်ဝန်းကျင်က အခြားနိုင်ငံငယ်တွေကို ပေါင်းပြီး ‘ဆာ့ဘ်အမျိုးသား နိုင်ငံတော်’ ထူထောင်ချင်တဲ့ ဆာ့ဘ်တပ်ဖွဲ့တွေဟာ ဘော့စနီးယားစစ်ပွဲအတွင်း ဘော့စနီယက်နဲ့ ခရိုအက်လူမျိုးတွေကို အစုလိုအပြုံလိုက် သတ်ဖြတ်ခဲ့ပါတယ်။
ဆရီဘရီနီကာမှာ ဆာ့ဘ်တပ်ဖွဲ့တွေဟာ ၆ ရက်အတွင်း ဘော့စနီယက် အမျိုးသားနဲ့ ယောင်္ကျားလေး စုစုပေါင်း ၈၀၀၀ လောက် သတ်ဖြတ်ခဲ့ပြီး ဒါဟာ ဒုတိယကမ္ဘ္ဘာစစ်နောက်ပိုင်း ဥရောပမြေက အဆိုးဝါးဆုံး အစုလိုက်အပြုံလိုက် သတ်ဖြတ်မှုကြီး ဖြစ်ပါတယ်။ နိုင်ငံတကာ ရာဇ၀တ်ခုံရုံးက ဒီသတ်ဖြတ်မှုကို လူမျိုးတုန်းသတ်ဖြတ်မှုအဖြစ် သတ်မှတ်ခဲ့ပြီး ကျူးလွန်သူတွေကို အရေးယူ အပြစ်ပေးမှုတွေ ပြုလုပ်ခဲ့ပါတယ်။
ဆရီဘရီနီကာက လူ ၃၅၀ အသတ်ခံရတဲ့ကိစ္စမှာ ၁၀ ရာခိုင်နှုန်း တာဝန်ရှိတယ်လို့ နယ်သာလန်က ၀န်ခံခဲ့တာကြောင့် ထိခိုက်ခံစားရသူတွေရဲ့ ကျန်ရစ်သူတွေကို နစ်နာကြေး ပေးသွားဖို့လည်း ရှိနေပါတယ်။
တရားမျှတမှု
၁၉၉၅ ခုနှစ် ဘော့စနီးယားစစ်ပွဲအတွင်း ကုလဟာ ဘေးကင်းဇုန်တစ်ခု ဖန်တီးပြီး ထောင်နဲ့ချီတဲ့ ဘော့စနီယက် မွတ်စလင်တွေကို အဲဒီမှာ ထိန်းသိမ်းထားခဲ့ပါတယ်။ အဲဒီဘေးကင်းဇုန်ကို ကာကွယ်ဖို့အတွက် ရာနဲ့ချီတဲ့ ဒက်ခ်ျတပ်ဖွဲ့ဝင်တွေကို တာဝန်ပေးခဲ့တာပါ။
နယ်သာလန်တရားရုံးချုပ်က ဆာ့ဘ်တွေ နှိပ်စက်၊ သတ်ဖြတ်မယ်ဆိုတာကို သိသိကြီးနဲ့ ဒက်ခ်ျတပ်ဖွဲ့ဝင်တွေဟာ ဘော့စနီယက် အမျိုးသား ၃၅၀ ကို ဘေးကင်းဇုန်ထဲ မခေါ်ထားဘဲ ဆာ့ဘ်တွေလက်ထဲ အပ်ခဲ့တာဖြစ်တယ်လို့ ပြောကြားခဲ့ပါတယ်။
တရားလိုရှေ့နေတစ်ဦးက တရားရုံးချုပ်ရဲ့ ဆုံးဖြတ်ချက်ကို လေ့လာကာ ဥရောပလူ့အခွင့်အရေးကော်မရှင်ကို တက်သင့်၊ မတက်သင့် စဉ်းစားသွားမယ်လို့ ပြောကြားခဲ့ပါတယ်။
ဆာ့ဘ်တွေ လူ ၃၅၀ သတ်ဖြတ်မှုမှာ တာဝန်ရှိတယ်ဆိုတဲ့ အောက်ရုံးဆုံးဖြတ်ချက်ကို တရားရုံးချုပ်က ထပ်မံအတည်ပြုခဲ့ပေမယ့်၊ “ဘေးကင်းဇုန်အပြင်ဘက်မှာရှိနေတဲ့ အဲဒီလူတွေကို ဖယ်ရှားရာမှာ ဒက်ခ်ျတပ်တွေ ပါဝင်မှုဟာ ဥပဒေချိုးဖောက်မှုဖြစ်တယ်” ဆိုတဲ့ စွဲချက်ကိုတော့ ပယ်ချခဲ့ပါတယ်။
Ref: Reuters
