Tag: NewZealand Muslims

ဖေဖော်ဝါရီ ၉၊ ၂၀၁၆
M-Media

– အစ္စလာမ်က သွန်သင်ထားသည့် ပတ်ဝန်းကျင်အား ကူညီစောင့်ရှောက်မှုကို အကောင်အထည်ဖော်ခြင်းနှင့် သာသနာအပေါ်ရှိနေသည့် ထင်မြင်ယူဆချက်အမှားများကို ဖယ်ရှားရန်အတွက် နယူးဇီလန် မွတ်စလင်အမျိုးသမီးအဖွဲ့မှာ အိမ်ယာမဲ့များအား လှူဒါန်းကျွေးမွေးသည့် လှုပ်ရှားမှုတစ်ခုကို ပြုလုပ်ခဲ့သည်ဟု သိရသည်။

အဆိုပါလှုပ်ရှားမှုကို ခရိုက်စ်ချက်မြို့တွင် ပြီးခဲ့သည့်တစ်ပတ်က ပြုလုပ်ခဲ့ခြင်းဖြစ်ပြီး အမျိုးသမီးများအား အကူအညီပေးရေးနှင့် စွမ်းအားမြှင့်တင်ပေးသည့် လုပ်ငန်းများကို လုပ်ဆောင်ပေးနေသော Nisa အဖွဲ့က ဦးဆောင်ခဲ့ခြင်းဖြစ်သည်။ ၎င်းတို့အဖွဲ့မှာ ခရိုက်စ်ချက်လူမှုကူညီရေးအဖွဲ့၏ လှုပ်ရှားမှုများတွင်လည်း ပါဝင်ဆောင်ရွက်နေသည်။

“ကျွန်မတို့ဟာ အမှန်တကယ် ဘယ်လိုလူတွေဖြစ်တယ်၊ ကျွန်မတို့ သာသနာကလည်း ဘယ်လိုသာသနာဖြစ်တယ်ဆိုတာကို လူတွေ အမှန်မြင်လာတာ ကောင်းပါတယ်” ဟု အိမ်ယာမဲ့များအား လှူဒါန်းကျွေးမွေးမှုတွင် ပါဝင်ခဲ့သည့် အသက် ၁၇ နှစ်အရွယ် ရာဘီယာ မိုဖက်စီရ်က ပြောကြားခဲ့သည်။

အိမ်ယာမဲ့များအား ကူညီသူ မွတ်စလင်အမျိုးသမီးငယ်များတွင် ၎င်းတို့၏ ပုဝါ၀တ်ဆင်မှုကြောင့် စော်ကားပြောဆိုခံရမှုများကို ကြုံတွေ့ရသူများလည်း ပါဝင်သည်။

“ဒီလိုဆောင်ရွက်မှုတွေကြောင့် အခုတော့ သူတို့က ကျွန်မတို့ကို စ,စရာ၊ နောက်စရာမျိုးအဖြစ် မမြင်တော့ဘဲ၊ သာမန်လူတစ်ဦးအဖြစ် မြင်လာကြပြီး သူငယ်ချင်းတွေတောင် ဖြစ်တော့မှာပါ။ သူတို့ကို ကျွန်မတို့က လူသားတွေအဖြစ် တန်ဖိုးထားတယ်ဆိုတာကို ပြသချင်ပြီး၊ လူတော်တော်များများက သူတို့ကို နှာခေါင်းရှုံ့စရာအဖြစ် မမြင်ကြတော့ဘူးလို့ ကျွန်မ ထင်ပါတယ်” ဟု ဒန်နီစီ ဂျေဂါက ပြောကြားခဲ့သည်။

နယူးဇီလန်မွတ်စလင်များ၏ လှူဒါန်းကူညီမှုကို လာရောက်လက်ခံကြသူ အိမ်ယာမဲ့များတွင် အမျိုးသားများ၊ အမျိုးသမီးများနှင့် လူငယ်များလည်း ပါဝင်ပြီး အတူတကွစားသောက်ခဲ့ကြကာ ၎င်းတို့၏ အတွေ့အကြုံများကိုလည်း ဝေငှခဲ့ကြသည်။

“သူတို့ဟာ အံ့အားသင့်စရာကောင်းသူတွေပါ။ ကျွန်တော်တော်တို့ ၀မ်းဝစေဖို့အတွက် သူတို့တွေက အချိန်ထုတ်ပေးခဲ့ကြပါတယ်” ဟု အိမ်ယာမဲ့တစ်ဦးဖြစ်သူ ဟင်နရီ မက္ကလီယန်က ပြောကြားခဲ့သည်။

Nisa အဖွဲ့ကမူ ၎င်းတို့အနေဖြင့် ထိုကဲ့သို့သော လှူဒါန်းကူညီမှုများကို ဆက်လက် လုပ်ဆောင်သွားမည်ဟု ပြောကြားခဲ့သည်။

Ref: IINA

မေ ၁၊ ၂၀၁၅
M-Media

– နယူးဇီလန်ရှိ ငွေကြေးကုမ္ပဏီတစ်ခုမှာ အစ္စလာမ့် ရှရီအာနှင့် လိုက်လျောညီထွေဖြစ်သည့် အတိုးမဲ့အပေါင်ထားခြင်း ၀န်ဆောင်မှုကို စတင်ရန် စီစဉ်ခဲ့ပြီး နယူးဇီလန်ရှိ အိမ်ယာဝယ်လိုသူ မွတ်စလင်များအတွက် ၀မ်းသာစရာသတင်းတစ်ခု ဖြစ်ခဲ့သည်။

“သူတို့ဟာ ကိုယ်ပိုင်အိမ်တွေကို ပိုင်ဆိုင်ချင်ကြတယ်။ သူတို့ဟာ နယူးဇီလန်သားတွေဖြစ်ချင်တယ်။ သူတို့ဟာ သူတို့ရဲ့ ရိပ်မြုံလေးတွေကို လိုချင်ကြပြီး သူတို့ကလေးတွေကို ပြုစုပျိုးထောင်ချင်ကြပါတယ်” ဟု အဆိုပါဝန်ဆောင်မှုကို စတင်ခဲ့သည့် Amanah ကုမ္ပဏီမှ မန်းနေးဂျင်းဒါရိုက်တာဖြစ်သူ ဘရိုင်ယန် ဟင်နရီက ပြောကြားခဲ့သည်။

ရှရီအာနည်းကျ ပထမဆုံး အပေါင်လုပ်ငန်း KiwiSaver ကို ယခုနှစ် နှစ်ဆန်းပိုင်းတွင် Amanah Ethical ကုမ္ပဏီမှ စတင်ခဲ့ခြင်းဖြစ်သည်။ ဟင်နရီကမူ ၎င်း၏ ကုမ္ပဏီမှာ အစ္စလာမ်၏ သွန်သင်မှုနှင့် ညီညွတ်သည့် ဘဏ္ဍာရေးဆိုင်ရာ ၀န်ဆောင်မှုများကို ပေးအပ်ရန် ရည်ရွယ်ထားသည်ဟု ပြောကြားခဲ့ပြီး၊ ချေးငွေများအတွက် အတိုးယူခြင်းကို အစ္စလာမ်တွင် တားမြစ်ထားသည်ဟုလည်း ထည့်သွင်းပြောကြားခဲ့သည်။

အစ္စလာမ့်နည်းကျ ငွေချေးမှုစနစ်တွင် ငွေထုတ်ချေးသူနှင့် ချေးငွေယူသူတို့အကြား အတိုးရယူခြင်းမရှိဘဲ အရစ်ကျပြန်ဆပ်ရသည့် စနစ်မျိုးဖြစ်ပြီး နည်းလမ်းများစွာ ရှိသည်။ ထိုစနစ်တွင် အရက်၊ ဆေးရွက်ကြီး၊ လောင်းကစား၊ လက်နက်ရောင်းဝယ်မှု၊ အပြာလုပ်ငန်းနှင့် နိုက်ကလပ်များကဲ့သို့ အစ္စလာမ်က တားမြစ်ထားသည့် လုပ်ငန်းများအတွက် ချေးငွေထုတ်ပေးခြင်း၊ ချေးငွေရယူခြင်းတို့ကိုလည်း ဆောင်ရွက်ခြင်းမရှိပေ။

ဟင်နရီကမူ နောက်ဆုံး သန်းခေါင်စာရင်း ကောက်ယူမှုအရ နယူးဇီလန်ရှိ အစ္စလာမ်ဘာသာဝင်အရေအတွက်မှာ ၄၃၀၀၀ ရှိပြီး ဈေးကွက်လည်း ရှိနေကြောင်း၊ နယူးဇီလန်ရှိ မွတ်စလင်လူ့အဖွဲ့အစည်းတွင် ပညာတတ်လူတန်းစားနှင့် အလုပ်အကိုင်ကောင်းသူ အရေအတွက်မှာလည်း ကြီးထွားလာနေကြောင်း ထည့်သွင်းပြောကြားခဲ့သည်။

နယူးဇီလန်မွတ်စလင်များမှာ ကိုယ်ပိုင်အိမ်များကို ပိုင်ဆိုင်လိုကြသော်လည်း အစ္စလာမ့်နှင့် ဆန့်ကျင်သော အတိုးဖြင့် ငွေချေးကာ အိမ်ယာဝယ်ယူမှုကိုမူ နှစ်သက်ခြင်း မရှိကြချေ။

လိုအပ်ချက်

အဆိုပါ အပေါင်ထားခြင်း ၀န်ဆောင်မှုအသစ်က နယူးဇီလန် မွတ်စလင်များအတွက် ထိရောက်သည့် အကူအညီကို ဖြစ်စေမည်ဖြစ်သည်။ အော့က်လန်တွင်နေထိုင်သူ အမျိုးသမီး ဆာရာ ဂျာဝါဒီမှာ နယူးဇီလန်ရှိ ဘဏ်များအနေဖြင့် မိမိကဲ့သို့ မွတ်စလင်ဖောက်သည်များ အိမ်ယာဝယ်ယူနိုင်ရေး အတိုးမဲ့ငွေချေးရန် တိုက်တွန်းလှုံ့ဆော်နေသည့် အဖွဲ့များထဲမှ တစ်ဦးဖြစ်သည်။

အသက် ၂၈ နှစ်အရွယ်ရှိပြီး နယူးဇီလန်သို့ လွန်ခဲ့သည့် ၁၁ နှစ်က ပြောင်းရွှေ့လာသည့် ဆာရာက နယူးဇီလန် မွတ်စလင်များမှာ ၎င်းတို့၏ ဘာသာတရားနှင့် ဘဏ္ဍာရေး တည်ငြိမ်မှုအကြား ရွေးချယ်မှုများ ပြုလုပ်နေရသည်ဟု ဆိုသည်။

“ကျွန်မရဲ့မိသားစုအတွက် အတည်တကျနေရာလေး ဖန်တီးချင်ပါတယ်။ အငှားဆိုတာက အဲဒီနေရာမှာ အချိန်အာကြာကြီး နေနိုင်မယ်လို့ အာမခံထားတာ မဟုတ်ပါဘူး။ အခြားရွေးချယ်စရာတစ်ခုရှာဖို့အတွက် ကျွန်မတို့ အကောင်းဆုံး ကြိုးစားနေပါတယ်” ဟု သူမက ပြောကြားခဲ့သည်။

Ref: Onislam