Tag: NewZealand

မေ ၂၁၊ ၂၀၁၉
M-Media

-ခရိုက်ချက်မြို့မှာရှိတဲ့ ဗလီဝတ်ကျောင်းတော် ၂ လုံးကို သေနတ်နဲ့ ၀င်ရောက်ပစ်ခတ်ခဲ့တဲ့ လူဖြူ အစွန်းရောက် သေနတ်သမားကို နယူးဇီလန်ရဲတပ်ဖွဲ့က အကြမ်းဖက်မှုနဲ့ ဒီကနေ့မှာ ထပ်မံ တရားစွဲဆိုလိုက်ပါတယ်။

အသက် ၂၈ နှစ်အရွယ် ရှိပြီဖြစ်တဲ့ သြစတေးလျနိုင်ငံသား ဘရန်တန် တားရန်ဟာ မတ်လ ၁၅ ရက်နေ့က အလ်-နူရ် ဗလီဝတ်ကျောင်းတော်နဲ့ လင်ဝုဒ် ဗလီဝတ်ကျောင်းတော်တို့ကို ၀င်ရောက်ကာ ၀တ်ပြုနေသူတွေကို ပစ်ခတ်ခဲ့ပြီး အမျိုးသမီးတွေနဲ့ ကလေးငယ်တွေ အပါအ၀င် ၅၁ ဦး သေဆုံးကာ၊ အများအပြား ဒဏ်ရာရရှိခဲ့ပါတယ်။

ရဲတပ်ဖွဲ့က တားရန့်ကို လူသတ်မှုစွဲချက် ၅၁ ခု၊ လူသတ်ရန်ကြိုးပမ်းမှု စွဲချက် ၄၀ နဲ့ တရားစွဲဆိုခဲ့တာ ဖြစ်ပါတယ်။ ဒီကနေ့မှာတော့ ၂၀၀၂ ခုနှစ်က ပြဌာန်းခဲ့တဲ့ အကြမ်းဖက်တိုက်ဖျက်ရေးဥပဒေနဲ့ ထပ်မံ တရားစွဲဆိုခဲ့ပါတယ်။ ရဲတပ်ဖွဲ့က တရားသူကြီးတွေ၊ ရှေ့နေတွေနဲ့ တိုင်ပင်ကာ အခုလို အကြမ်းဖက်မှုနဲ့ တရားစွဲတာ ဖြစ်တယ်လို့ ပြောကြားခဲ့ပါတယ်။

လက်ရှိမှာ တားရန့်ကို အောက်ကလန်မြို့က နိုင်ငံရဲ့ လုံခြုံရေးအမြင့်ဆုံးထောင်မှာ ထိန်းသိမ်းထားပြီး ဧပြီလအတွင်းက ရုပ်သံကနေတစ်ဆင့် ပထမဆုံးအကြိမ် ရုံးထုတ်ခဲ့ပါတယ်။ တားရန့်ကို စိတ်ရောဂါဆိုင်ရာ စစ်ဆေးမှု လုပ်နေပြီး ဇွန်လ ၁၄ ရက်နေ့မှာ ထပ်မံ ရုံးထုတ်မှာဖြစ်ပါတယ်။

အခုလို အကြမ်းဖက်မှုနဲ့ ထပ်မံတရားစွဲဆိုခဲ့တာကို သေဆုံးသွားသူတွေ၊ ထိခိုက်ဒဏ်ရာရသူတွေရဲ့ မိသားစုဝင် ၂၀၀ လောက်ကို အကြောင်းကြားခဲ့တယ်လို့ ရဲတပ်ဖွဲ့က ထုတ်ပြန်တဲ့ကြေငြာချက်မှာ ဖော်ပြထားပါတယ်။

နယူးဇီလန်ဝန်ကြီးချုပ် ဂျာစင်ဒါ အာရ်ဒန်က ဒီတိုက်ခိုက်မှုဟာ ကြိုတင်စီစဉ်လုပ်ဆောင်တဲ့ အကြမ်းဖက် တိုက်ခိုက်မှုဖြစ်ပြီး တိုင်းပြည်ရဲ့ အမှောက်မိုက်ဆုံး နေ့တွေထဲက တစ်နေ့ဖြစ်တယ်လို့ ပြောကြားထားပါတယ်။

Ref: Aljazeera

မေ ၁၊ ၂၀၁၉
M-Media

– မတ်လ ၁၅ ရက်နေ့က ခရိုက်ချက်မြို့မှာရှိတဲ့ ဗလီနှစ်လုံးကို အကြမ်းဖက်တိုက်ခိုက်ခဲ့တဲ့ လူဖြူအစွန်းရောက် ဘရန်တန် တားရန့်ရဲ့အမှု ကြားနားရာမှာ သူထွက်ဆိုမယ့် လူဖြူအစွန်းရောက်ဝါဒ ၀ါဒဖြန့်စကားတွေကို ဖော်ပြမှာမဟုတ်ဘူးလို့ နယူးဇီလန်ရဲ့ အဓိက မီဒီယာလုပ်ငန်းကြီးတွေက ဒီကနေ့မှာ ကတိပြု ပြောကြားလိုက်ပါတယ်။

အသက် ၂၈ နှစ်အရွယ် သြစတေးလျနိုင်ငံသား ဘရန်တန်ရဲ့ ပစ်ခတ်မှုအတွင်း လူ ၅၀ သေဆုံးခဲ့ပြီး အများအပြား ဒဏ်ရာ ရရှိခဲ့ပါတယ်။ ဘရန်တန်ကို လူသတ်မှု စွဲချက် ၅၀၊ လူသတ်ရန်ကြိုးစားမှု စွဲချက် ၃၉ ခုနဲ့ တရားစွဲဆိုထားတာပါ။ အစိုးရက သူ့အတွက် ရှေ့တစ်ဦး ခန့်ပေးခဲ့ပေမယ့် ဘရန်တန်က ငြင်းဆိုခဲ့ပြီး သူ့ကိုယ်တိုင် အမှုရင်ဆိုင်မယ်လို့ ပထမဆုံးရုံးချိန်မှာ ပြောကြားခဲ့ပါတယ်။

နယူးဇီလန်နိုင်ငံရဲ့ အကြီးဆုံး ရုပ်သံဌာန ၂ ခု၊ အကြီးဆုံး သတင်းစာကုမ္ပဏီနှစ်ခုနဲ့ ရေဒီယိုတစ်ခုတို့ လက်မှတ်ရေးထိုးခဲ့တဲ့ ဒီကနေ့ သဘောတူညီချက်မှာ ဘရန်တန်ဟာ ကြားနာမှုတွေကို အသုံးပြုပြီး လူဖြူအစွန်းရောက်ဝါဒအကြောင်း ၀ါဒဖြန့်မယ်ဆိုတာ သိရှိထားပြီးဖြစ်တယ်လို့ ဖော်ပြထားပါတယ်။

ဒါ့ကြောင့် တရားခွင်အတွင်း သူ့ရဲ့ထွက်ဆိုမှုတွေကို ဖော်ပြမှာမဟုတ်သလို၊ အကြမ်းဖက်တိုက်ခိုက်မှုမလုပ်ခင် တားရန့်ရေးခဲ့တဲ့ ကြေငြာစာတမ်း၊ ပထမဆုံးရုံးချိန်မှာ လူဖြူအစွန်းရောက်အမှတ်အသားကို လက်နဲ့လုပ်ပြခဲ့တဲ့ ပုံရိပ်တွေကိုလည်း ဖော်ပြမှာမဟုတ်ဘူးလို့ မီဒီယာလုပ်ငန်းတွေက ပြောကြားခဲ့ပါတယ်။

Television New Zealand ရုပ်သံရဲ့ သတင်းဌာနအကြီးအကဲ ဂျွန် ဂီလက်စ်ပီက သေနတ်သမား ဘရန်တန်ဟာ တရားခွင်  ကြားနာမှုတွေကို အသုံးပြုပြီး သူ့ရဲ့ အစွန်းရောက် နိုင်ငံရေးအမြင်တွေ ၀ါဒဖြန့်တာကို သတင်းဌာနတွေက မလိုလားကြောင်း၊ ဒီအကြောင်းသတင်းတွေကို ဂရုတစ်စိုက် ထုတ်လွှင့်ဖို့ စီစဉ်ထားတာကို တရားသူကြီးတွေထံ အသိပေးလိုကြောင်း ပြောကြားခဲ့ပါတယ်။

မီဒီယာဌာနတွေဟာ သတင်းတွေဖော်ပြရာမှာ ပုံမှန်အားဖြင့် ပြိုင်ဆိုင်လေ့ရှိပေမယ့် အခုကိစ္စအတွက် ပူးပေါင်းဆောင်ရွက်ဖို့ သဘောတူညီချက် ရရှိထားတယ်လို့လည်း ဂျွန်က ဆိုပါတယ်။

တားရန့်ရဲ့ နောက်တစ်ကြိမ်ရုံးချိန်းဟာ ဇွန်လ ၁၄ ရက်နေ့ ဖြစ်ပါတယ်။

Ref: AP

မတ် ၂၉၊ ၂၀၁၉
M-Media

– မတ်လ ၁၅ ရက်နေ့က ခရိုက်ချက်မြို့ ဗလီဝတ်ကျောင်းတော်နှစ်လုံးကို လူဖြူ အစွန်းရောက်တစ်ဦးက အကြမ်းဖက်ပစ်ခတ်မှုအတွင်း သေဆုံးသွားသူတွေအတွက် အောက်မေ့ဖွယ်အခမ်းအနားတစ်ခုကို နယူးဇီလန်က ဒီကနေ့မှာ ပြုလုပ်ခဲ့ပြီး နိုင်ငံတစ်ဝှမ်းက လူသောင်းချီ တက်ရောကခဲ့ပါတယ်။

ခရိုက်ချက်မြို့ ဟက်ဂလေပန်းခြုံမှာ ပြုလုပ်တဲ့ အဲဒီအခမ်းအနားမှာ ၀န်ကြီးချုပ် ဂျာစင်ဒါ အာရ်ဒန်၊ မွတ်စလင်ခေါင်းဆောင်တွေနဲ့ အကြမ်းဖက်မှု လွတ်မြောက်လာသူ တစ်ဦးက မိန့်ခွန်းပြောကြားခဲ့ပါတယ်။

အာရ်ဒန်က နယူးဇီလန်ကို မိမိတို့လိုချင်တဲ့နေရာတစ်ခုဖြစ်လာအောင် လုပ်ဆောင်ဖို့ဟာ မိမိတို့တာဝန် ဖြစ်တယ်လို့ ပြောကြားခဲ့ပါတယ်။

“အမုန်း၊ ကြောက်ရွံ့မှုနဲ့ အခြားအရာတွေ မစွဲကပ်အောင် ကျွန်မတို့ လုပ်လို့မရပါဘူး။ ဘယ်တုန်းကမှလည်း လုပ်လို့ မရခဲ့ဘူး။ ဒါပေမယ့် ဒါကို ကုသတဲ့နည်းကို ရှာတွေ့တဲ့နိုင်ငံတော့ ဖြစ်နိုင်ပါတယ်”

ခရိုက်ချက်မြို့လယ်ကောင်က အလ်-နူရ်ဗလီနဲ့ မြို့ပြင်က လင်ဝုဒ်ဗလီတို့ကို သြစတေးလျနိုင်ငံသား သေနတ်သမား ဘရန်တန် တားရန့်က ၀င်ရောက်ပစ်ခတ်မှုအတွင်း လူ ၅၀ သေဆုံးပြီး ၄၀ ကျော် ဒဏ်ရာရရှိခဲ့ပါတယ်။

ဝန်ကြီးချုပ် အာရ်ဒန်က ကမ္ဘာကြီးဟာ အစွန်းရောက်ဝါဒ ၀ဲဂယက်မှာ တစ်ဝဲလည်လည်ဖြစ်နေပြီး၊ ဒါကိုဖြေရှင်းနိုင်မယ့်အဖြေက မိမိတို့ရဲ့ လူသားဆန်မှုမှာ ရှိနေတယ်လို့ ထည့်သွင်းပြောဆိုခဲ့ပါတယ်။ နယူးဇီလန် ဌာနေလူမျိုး မောင်ရီတွေရဲ့ ၀တ်စုံကို ၀င်ဆင်ထားတဲ့ အာရ်ဒန် စင်ပေါ်ကိုတက်တဲ့အခါမှာ ပရိတ်သက် မတ်တပ်ရပ်လက်ခုပ်တီးကာ ဂုဏ်ပြုခဲ့ပါတယ်။

အောက်မေ့ဖွယ်အခမ်းအနားကို ကမ္ဘာတစ်ဝှမ်းက သံအမတ်တွေ တက်ရောက်ခဲ့ပြီး နယူးဇီလန် နိုင်ငံပိုင် ရုပ်သံကနေ တိုက်ရိုက် ထုတ်လွှင့်ခဲ့ပါတယ်။

၁၉၇၀ ပြည့်နှစ်တွေက အစ္စလာမ်သာသနာကို သက်ဝင်ယုံကြည်ခဲ့တဲ့ ဗြိတိသျှအဆိုတော် ကက်စတီဗင်လည်း အခမ်းအနားကို တက်ရောက်ခဲ့ပြီး သူ့ရဲ့ နာမည်ကျော် ငြိမ်းချမ်းရေးသီးချင်း Peace Train နဲ့ Don’t be Shy တို့ကို သီဆိုဖျော်ဖြေခဲ့ပါတယ်။

မေတ္တာနဲ့ ရှေ့ဆက်မယ်

အကြမ်းဖက်တိုက်ခိုက်မှုအတွင်း ဇနီးဖြစ်သူကို ဆုံးရှုံးခဲ့ရပြီး ကိုယ်တိုင် လက်မတင်လည်း လွတ်မြောက်ခဲ့တဲ့ ဖာရစ်အဟ်မဒ်က အောက်မေ့ဖွယ်အခမ်းအနားမှာ မိန့်ခွန်းပြောကြားခဲ့ပါတယ်။ သေနတ်သမားကို ခွင့်လွှတ်တယ်လို့ ပြောခဲ့သလို၊ ငြိမ်းချမ်းရေးကို ရှေ့ရှုဖို့လည်း သူက တိုက်တွန်းခဲ့ပါတယ်။

“မီးတောင်တစ်ခုလို ပူလောင်ဆူပွက်နေတဲ့ နှလုံးသားမျိုး ကျွန်တော် မလိုချင်ပါဘူး။ မေတ္တာတွေ၊ ဂရုဏာတွေ၊ သနားကြင်နာမှုတွေ ပြည့်နေတဲ့ နှလုံးသားမျိုးကိုသာ အလိုရှိပါတယ်”

အောက်မေ့ဖွယ်အခမ်းအနားကို တက်ရောက်လာတဲ့ အမျိုးသမီးတွေထဲက အချို့ဟာ အစ္စလာမ်ဘာသာဝင်တွေကို လေးစားကြောင်း ပြသတဲ့အနေနဲ့ ပုဝါတွေ ၀တ်ဆင်ခဲ့ကြပါတယ်။

ကန်တာဘူရီ မွတ်စလင်ကောင်စီဥက္ကဌ ရှာဂက်ဖ် ခန်းက အကြမ်းဖက်တိုက်ခိုက်မှုနဲ့ပတ်သက်ပြီး နယူးဇီလန်နိုင်ငံရဲ့ တုန့်ပြန်မှုကို ချီးကျူးခဲ့ပြီး မျှော်လင့်ချက်ကောင်း ထားတယ်လို့ ပြောကြားခဲ့ပါတယ်။

“ဒီအမုန်းတရားကနေ မေတ္တာတွေ ဘယ်လောက် မျှဝေနိုင်လဲ။ ဒီအမှောင်လွှမ်းမှုကနေ အလင်းတန်းတွေ ဘယ်လောက် ဖြန့်ကျက်နိုင်သလဲ” လို့ သူက ပရိတ်သတ်တွေကို မေးခွန်းထုတ်ခဲ့ပါတယ်။

ခရိုက်ချက်မြို့ မြို့တော်ဝန် လီယာနီ ဒါလ်ဇီလ်က ဆိုရှယ်မီဒီယာတွေအနေနဲ့ ပိုမို တာဝန်ယူမှုရှိဖို့ တိုက်တွန်းဆော်သြခဲ့ပါတယ်။

အောက်မေ့ဖွယ်အခမ်းအနားမှာ သေဆုံးသွားသူ ၅၀ စလုံးရဲ့ အမည်တွေကို ဖတ်ကြားခဲ့ကြပြီး တက်ရောက်လာသူတွေက တိတ်ဆိတ်ငြိမ်သက်စွာ နားထောင်ခဲ့ကြပါတယ်။ သေဆုံးသူတွေဟာ ကမ္ဘာတစ်ဝှမ်းက အမျိုးသမီးတွေ၊ အမျိုးသားတွေ၊ ကလေးငယ်တွေ ပါဝင်ပြီး အသက်အငယ်ဆုံး သေဆုံးသူက ၃ နှစ်အရွယ် ကလေးငယ်လေး ဖြစ်ပါတယ်။

Ref: BBC

မတ် ၂၄၊ ၂၀၁၈
M-Media

– မတ်လ ၁၅ ရက်နေ့က ခရိုက်ချက်မြို့ ဗလီနှစ်လုံး အကြမ်းဖက်မှုမှာ သေဆုံးသွားခဲ့ကြသူတွေ၊ ထိခိုက်ဒဏ်ရာရသူတွေကို ဂုဏ်ပြုပြီး၊ လူမျိုးရေးအစွန်းရောက်မှုကို ဆန့်ကျင်တဲ့အနေနဲ့ နယူးဇီလန်နိုင်ငံသားတွေက ဒီကနေ့မှာ ချီတက်ဆုတောင်းပွဲတစ်ခု ပြုလုပ်ခဲ့ပါတယ်။

ခရိုက်ချက်မြို့လယ်ကောင်က အလ်-နူရ်ဗလီနဲ့ မြို့ပြင်က လင်ဝုဒ်ဗလီတို့မှာ သောကြာနေ့ ၀တ်ပြုဆုတောင်းနေတဲ့အချိန် သြစတေးလျနိုင်ငံသား လူဖြူအစွန်းရောက်တစ်ဦးက သေနတ်နဲ့ ၀င်ရောက်ပစ်ခတ်ခဲ့တာကြောင့် လူ ၅၀ သေဆုံးပြီး ၄၀ ကျော် ဒဏ်ရာရခဲ့ပါတယ်။ နယူးဇီလန်ဝန်ကြီးချုပ် ဂျာစင်ဒါ အာရ်ဒန်က ဒီတိုက်ခိုက်မှုကို အကြမ်းဖက်မှုအဖြစ် သတ်မှတ်ခဲ့ပါတယ်။

ဒီကနေ့ အလ်-နူရ်ဗလီအနီး ပန်းခြံမှာပြုလုပ်တဲ့ လူထုဆုတောင်းပွဲ အခမ်းအနားကို နယူးဇီလန်ပြည်သူ ၁၅၀၀၀ လောက် တက်ရောက်ခဲ့ကြပါတယ်။

လင်ဝုဒ်ဗလီဝတ်ကျောင်းတော်ရဲ့ ရှေ့ဆောင်အီမာမ် အေလာဘီ လတစ်ဖ် ဇီရူလာက အခမ်းအနားကို ကုရ်အာန်ကျမ်းစာ ရွတ်ဖတ်ကာ ဖွင့်လှစ်ခဲ့ပြီး အကြမ်းဖက်မှုအတွင်း သေဆုံးသူတွေထဲမှာ အသက်ငယ်ဆုံးဖြစ်တဲ့ ၃ နှစ်အရွယ် မူကာ့ဒ် အီဘရာဟင်အမည်ကနေစတင်ကာ သေဆုံးသွားသူအားလုံးရဲ့ အမည်တွေကို ဖတ်ကြားခဲ့ပါတယ်။

“ဒီလူတွေဟာ ဒုက္ခသည်တွေ၊ ပြောင်းရွှေ့အခြေချသူတွေအဖြစ် ဒီကို ရောက်လာကြတယ်။ ခင်ဗျားတို့ရဲ့ ၀ိဉာဉ်တွေ အေအိုရာကီ တောင်ပေါ်မှာ စံမြန်းပြီး ကျွန်တော်တို့ကို ကြည့်ရှုကာ ငြိမ်းချမ်းမှုနဲ့ ချစ်ခြစ်မေတ္တာကို ပေးသနားပါ” လို့ နယူးဇီလန်နိုင်ငံရဲ့ ဌာနေလူမျိုးစုဖြစ်တဲ့ ‘မောင်ရီ’ လူမျိုးတစ်ဦးက သူတို့မျိုးနွယ်စု အထွဋ်အမြတ်ထားရာ တောင်ကို တိုင်တည်ကာ ဆုတောင်းပေးခဲ့ပါတယ်။

လူထုဆုတောင်းပွဲကို တက်ရောက်လာကြတဲ့ မွတ်စလင်မဟုတ်သူ အမျိုးသမီးတွေဟာ ပုဝါတွေဆောင်းကာ အစ္စလာမ်ဘာသာဝင်တွေနဲ့ တစ်သားတည်းရှိကြောင်း ပြသခဲ့ကြပါတယ်။

နယူးဇီလန်ဝန်ကြီးချုပ် ဂျာစင်ဒါ အာရ်ဒန်က သေဆုံးသွားသူတွေအတွက် နိုင်ငံတော်အဆင့်အောက်မေ့ဖွယ် အခမ်းအနားတစ်ခုကို မတ်လ ၂၉ ရက်နေ့မှာ ပြုလုပ်သွားမယ်လို့ ဒီကနေ့ထုတ်ပြန်တဲ့ ကြေငြာချက်မှာ ပြောကြားခဲ့ပါတယ်။

“နယူးဇီလန်ပြည်သူတွေဟာ မေတ္တာတရားကြီးမားတယ်၊ စည်းလုံးတယ်၊ မတူကွဲပြားမှုကို လက်ခံတယ်၊ ဒီတန်ဖိုးတွေကို ကာကွယ်သွားမယ်ဆိုတာကို ဒီအောက်မေ့ဖွယ်အခမ်းအနားက ဖော်ကျူးနေမှာပါ”

ဒီကနေ့မနက်ပိုင်းက အောက်ကလန်မြို့ မြို့လယ်ကောင်းမှာ လူပေါင်း တစ်ထောင်ကျော် ချီတက်ကာ လူမျိုးရေးအစွန်းရောက်မှုကို ဆန့်ကျင်ကြောင် ဆန္ဒထုတ်ဖော်ခဲ့ကြပါတယ်။

Ref: Reuters, Aljazeera