Tag: NewZealand

အောက်တိုဘာ ၁၈၊ ၂၀၁၉
M-Media

-နိုင်ငံတစ်ဝှမ်း ရဲတပ်ဖွဲ့ဝင်တွေ လက်နက်ကိုင်ကာ ကင်းလှည့်မယ့်အစီအစဉ်အတွက် ရှေ့ပြေးစမ်းသပ်မှုတစ်ခုကို ပြုလုပ်သွားမယ်လို့ နယူးဇီလန်ရဲတပ်ဖွဲ့က ဒီကနေ့မှာ ပြောကြားလိုက်ပြီး မတ်လက ခရိုက်ချက်ဗလီတွေ အကြမ်းဖက်တိုက်ခိုက်ခံရပြီးတဲ့နောက် ရဲတပ်ဖွဲ့ရဲ့ ပြုပြင်ပြောင်းလဲမှု တစ်စိတ်တစ်ပိုင်း ဖြစ်ပါတယ်။

နယူးဇီလန်၊ ယူကေနဲ့ နော်ဝေတို့မှာ ရဲတပ်ဖွဲ့ဝင်တွေဟာ သာမန်လုပ်ငန်းတွေ ဆောင်ရွက်စဉ်အတွင်း လက်နက်ကိုင်ဆောင်ခွင့်မရှိပါဘူး။ ရဲကားတွေမှာ လက်နက်တွေ တင်ဆောင်ထားပေမယ့် အထက်အရာရှိရဲ့ ခွင့်ပြုချက်ရမှ ကိုင်ဆောင်အသုံးပြုရတာ ဖြစ်ပါတယ်။

ဒါပေမယ့် လူ ၅၁ ဦး သေဆုံးခဲ့တဲ့ မတ်လ ၁၅ ရက်နေ့ ဗလီအကြမ်းဖက်တိုက်ခိုက်မှု နောက်မှာတော့ ရဲတွေ ကင်းလှည့်စဉ် လက်နက်မသယ်ဆောင်ရဆိုတဲ့ ကန့်သတ်ချက်အပေါ် ဝေဖန်မှုတွေ မြင့်တက်လာခဲ့ပါတယ်။

နယူးဇီလန်ရဲတပ်ဖွဲ့ရဲ့ ကော်မရှင်နာမင်းကြီး မိုက် ဘုရှ်က ဒီတိုက်ခိုက်မှုပြီးတဲ့နောက် ရဲလုပ်ငန်းလုပ်ဆောင်မှု အခြေအနေတွေလည်း ပြောင်းလဲသွားတယ်လို့ မနေ့ကကြေငြာချက်မှာ ပြောကြားခဲ့ပါတယ်။

ရဲတွေ လက်နက်ကိုင်ဆောင် ကင်းလှည့်နိုင်ရေး ရှေ့ပြေးစမ်းသပ်မှုတစ်ခုကို နယူးဇီလန်ရဲ့မြို့တော် အောက်ကလန်မြို့၊ ဝေကာတိုမြို့နဲ့ ‌ကန်တာဘူရီမြို့တွေမှာ အောက်တိုဘာ ၂၈ ရက်နေ့ကနေ စတင်လုပ်ဆောင်သွားမှာဖြစ်ပါတယ်။ ဒီစမ်းသပ်မှုဟာ ၆ လ ကြာမြင့်မှာ ဖြစ်ပါတယ်။

ဘုရှ်က ကင်းလှည့်တဲ့ရဲတွေကို အမြဲတမ်း လက်နက်အပြည့်အစုံ တပ်ဆင်ပေးထားမှာဖြစ်ပြီး စစ်ဆင်ရေးလုပ်မယ့် ရဲတွေကို အဆင်သင့်ကူညီနိုင်မယ့် အနေအထားမျိုး ဖြစ်တယ်လို့ ထည့်သွင်းပြောဆိုခဲ့ပါတယ်။

Ref: Aljazeera

အောက်တိုဘာ ၁၆၊ ၂၀၁၉
M-Media

-မတ်လအတွင်း ခရိုက်ချက်မြို့ ဗလီ ၂ လုံးမှာ အကြမ်းဖက်တိုက်ခိုက်မှုပြုလုပ်တဲ့ သေနတ်သမားကို လက်ရဖမ်းဆီးနိုင်ခဲ့တဲ့ ရဲတပ်ဖွဲ့ဝင် ၂ ဦးကို နယူးဇီလန်က ‘သူရဘွဲ့’ ချီးမြှင့်လိုက်ပါတယ်။ ‌

လူဖြူအစွန်းရောက် ဘရန်တန်တားရန့်ဟာ ခရိုက်ချက်က ဗလီနှစ်လုံးမှာ ပစ်ခတ်မှုအပြီး အက်ရှ်ဘာတန်မြို့က ဗလီကို ပစ်ခတ်ဖို့ ကားမောင်းသွားရောက်စဉ် အဲဒီ ရဲတပ်ဖွဲ့ဝင် ၂ ဦးက ပိတ်ဆို့ ဖမ်းဆီးခဲ့တာ ဖြစ်ပါတယ်။ နယူးဇီလန်ရဲ့ တရားရေးစနစ်အရ ရဲတပ်ဖွဲ့ဝင် ၂ ဦးရဲ့ အမည်တွေကို ထုတ်ပြန်ခြင်း မရှိသေးပါဘူး။

နယူးဇီလန်ဝန်ကြီးချုပ် ဂျာဆင်ဒါ အာရ်ဒန်က သီးသန့်အခမ်းအနားတစ်ခု ပြုလုပ်ကာ ဒီရဲတပ်ဖွဲ့ ၂ ဦးကို ‘၂၀၁၉ ခုနှစ် နယူးဇီလန်ရဲတပ်ဖွဲ့၏ သူရဘွဲ့’ ကို ချီးမြှင့်ခဲ့တာ ဖြစ်ပါတယ်။ တပ်ဖွဲ့ဝင်တွေကတော့ မိမိတို့အလုပ်ကို ကျေပွန်အောင် လုပ်ဆောင်ခဲ့တာဖြစ်တယ်လို့ ပြောကြားခဲ့ပါတယ်။

“ထိခိုက်မှုတွေ ထပ်မဖြစ်အောင် လုပ်ဆောင်ရမှာ ကျွန်တော်တို့ရဲ့တာဝန် ဖြစ်တယ်ဆိုတာ သိထားဖို့က ကျွန်တော်တို့အတွက် တကယ့်ကို အရေးကြီးပါတယ်။ ကျွန်တော်တို့ လုပ်ဆောင်ခဲ့တာတွေအတွက် မိသားစုဝင်တွေ ဂုဏ်ယူကြလိမ့်မယ်လို့ ကျွန်တော်ထင်တယ်။ ပြီးခဲ့တဲ့လတွေမှာ ဒါက တော်တော်လေး အထောက်အကူဖြစ်ခဲ့ပါတယ်”

ဒီလို အစုလိုက်အပြုံလိုက် သတ်ဖြတ်မှုတွေ၊ အဲဒီလိုဖြစ်စေတဲ့ အယူအဆတွေကို နယူးဇီလန် ပြည်သူတွေက စုစုစည်းစည်းနဲ့ ဆန့်ကျင် တိုက်ထုတ်ကြတဲ့အတွက် ဂုဏ်ယူမိတယ်လို့လည်း ဒီရဲတပ်ဖွဲ့ဝင် ၂ ဦးက ပြောကြားခဲ့ပါတယ်။

နယူးဇီလန် ရဲတပ်ဖွဲ့အကြီးအကဲ ခရစ် ကာဟီလ်ကလည်း ရဲတပ်ဖွဲ့ဝင်တွေရဲ့ လုပ်ဆောင်ချက်အတွက် ဂုဏ်ယူကြောင်း ပြောကြားခဲ့ပါတယ်။

ခရိုက်ချက်က ဗလီ ၂ လုံးမှာ သောကြာနေ့ ဝတ်ပြုဆုတောင်းနေစဉ် အကြမ်းဖက် ပစ်ခတ်မှုအတွင်း လူ ၅၁ ဦး သေဆုံးခဲ့ပြီး အများအပြား ဒဏ်ရာရရှိခဲ့ပါတယ်။

ပစ်ခတ်မှုမှာ တစ်ခြားသူတွေကို ကာကွယ်ရင်း သေဆုံးသွားကြသူတွေကိုလည်း နယူးဇီလန် အစိုးရက ဩဂုတ်လမှာ ဂုဏ်ပြုဆုတံဆိပ်တွေ ချီးမြှင့်ခဲ့ပါတယ်။

သေနတ်သမား လူဖြူအစွန်းရောက် ဘရန်ဒန် တားရန့်ဟာ လက်ရှိမှာ လူသတ်မှုစွဲချက် ၅၁ ခု၊ လူသတ်ရန်ကြိုးစားမှုစွဲချက် ၄၀၊ အကြမ်းဖက်ဝါဒဆိုင်ရာ စွဲချက် ၁ ခုတို့နဲ့ တရားစွဲဆိုခံထားရပါတယ်။

Ref: Aljazeera

စက္တင္ဘာ ၁၃၊ ၂၀၁၉
M-Media

-ဥပေဒ အားနည္းခ်က္ေၾကာင့္ လူျဖဴအမ်ိဳးသားေရးအစြန္းေရာက္ေတြ ဆီမီးေအာ္တို ေသနတ္ ပိုင္ဆိုင္ႏိုင္တာကို ေတြ႕ရွိခဲ့ၿပီးတဲ့ေနာက္ နယူးဇီလန္က လက္နက္ကိုင္ေဆာင္မႈ ဥပေဒကို ထပ္မံ တင္းၾကပ္ဖို႔ စီစဥ္ေနပါတယ္။

ေသနတ္ကိုင္ေဆာင္ခြင့္ ထပ္မံတင္းၾကပ္မယ့္ ဥပေဒတစ္ခုကို ၀န္ႀကီးခ်ဳပ္ ဂ်ာဆင္ဒါ အာရ္ဒန္က ဒီကေန႔ လႊတ္ေတာ္မွာ ေၾကျငာလိုက္တာပါ။

မတ္လ ၁၅ ရက္ေန႔က ခ႐ိုက္ခ်က္ၿမိဳ႕မွာရွိတဲ့ ဗလီႏွစ္လံုးကို လူျဖဴအစြန္းေရာက္တစ္ဦးက ၀င္ေရာက္အၾကမ္းဖက္မႈေၾကာင့္ လူ ၅၁ ဦးေသဆံုးတဲ့ ျဖစ္ရပ္အၿပီး ၆ လအၾကာမွာ နယူးဇီလန္က ေသနတ္ကိုင္ေဆာင္ခြင့္ ဥပေဒကို ဒုတိယေျမာက္ တင္းၾကပ္တာလည္း ျဖစ္ပါတယ္။

” ေသနတ္ကိုင္တယ္ဆိုတာ အခြင့္အေရး မဟုတ္ပါဘူး။ အခြင့္ထူးပါ။ တိုက္ခိုက္မႈေၾကာင့္ ဥပေဒအားနည္းခ်က္ေတြကို သိလာရၿပီး ျပင္ဆင္ဖို႔လည္း ကၽြန္မတို႔မွာ စြမ္းအား ရွိေနပါတယ္။ ဒါကို မေျဖရွင္းဘူးဆိုရင္ ကၽြန္မတို႔ဟာ တာ၀န္ခံမႈရွိတဲ့အစိုးရ ျဖစ္လာမွာ မဟုတ္ပါဘူး” လို႔ ဒီကေန႔ ဥေပဒမူၾကမ္း တင္သြင္းမႈမွာ အာရ္ဒန္က ေျပာၾကားခဲ့ပါတယ္။

မူၾကမ္းမွာ ‘တရား၀င္ လက္နက္ကိုင္ေဆာင္သူတိုင္းကို စာရင္းျပဳစုထားၿပီး ေစာင့္ၾကည့္ရမယ္’ ဆိုတဲ့အခ်က္၊ ေသနတ္ကိုင္ေဆာင္ခြင့္လိုင္စင္ကို အရင္က ၁၀ ႏွစ္တစ္ႀကိမ္ သက္တမ္းတိုးရာကေန ၅ ႏွစ္တစ္ႀကိမ္ သက္တမ္းတိုးရမယ္ဆိုတဲ့ အခ်က္ေတြ ပါ၀င္ပါတယ္။

အခ်က္အလက္ အေသးစိတ္ကို အမ်ားျပည္သူ သိရွိေအာင္ နယူးဇီလန္အစိုးရကထုတ္ျပန္ထားၿပီး ျဖစ္ပါတယ္။ မူၾကမ္းေဆြးေႏြးမႈကို နယူးဇီလန္လႊတ္ေတာ္က စက္တင္ဘာ ၂၄ ရက္ေန႔မွာ စတင္လုပ္ေဆာင္မွာပါ။

ခ႐ိုက္ခ်က္ၿမိဳ႕ကဗလီေတြ တိုက္ခိုက္ခံရမႈေနာက္ပိုင္း သီတင္းပတ္အနည္းငယ္ အၾကာမွာပဲ နယူးဇီလန္လႊတ္ေတာ္ဟာ စစ္တပ္သံုး ဆီးမီးေအာ္တိုေသနတ္ေတြ ကိုင္ေဆာင္ခြင့္ ပိတ္ပင္တဲ့ ဥပေဒတစ္ခုကို ျပဌာန္းခဲ့ပါတယ္။

လူဦးေရ ၅ သန္းေအာက္သာရွိတဲ့ နယူးဇီလန္ႏိုင္ငံမွာ လက္နက္ေပါင္း ၁.၅ သန္းေလာက္ ျပန္႔ႏွံ႔ေနၿပီး အရပ္သားေတြ ေသနတ္ကိုင္ေဆာင္မႈအမ်ားဆံုးႏိုင္ငံေတြစာရင္းမွာ အဆင့္ ၁၇ ေနရာ ရွိေနပါတယ္။

အၾကမ္းဖက္မႈ ၆ လျပည့္အျဖစ္ ခ႐ိုက္ခ်က္ၿမိဳ႕ကိုေရာက္ေနတဲ့ အာရ္ဒန္က တိုက္ခိုက္မႈေၾကာင့္ ထိခိုက္ခံစားရသူေတြရဲ႕ စိတ္ဒဏ္ရာကို ကုသႏိုင္ေရး ေငြေၾကး ပိုမိုသံုးစြဲသြားမယ္လို႔ ေျပာၾကားခဲ့ပါတယ္။

Ref: Aljazeera