Tag: Nigeria

ဧပြီ ၂၃၊ ၂၀၁၅
M-Media

– ဘိုကိုဟရမ်အဖွဲ့၏ ၆ နှစ်ကြာ သူပုန်ထမှုကို အဆုံးသတ်ရန်အတွက် ၎င်းတို့ ခြေကုပ်ယူထားရာ နောက်ဆုံးစခန်းဖြစ်သော ဆမ်ဘီဆာ သစ်တောအတွင်းသို့ လေတပ်ပစ်ကူဖြင် နိုက်ဂျီးရီးယားတပ်ဖွဲ့ဝင်များက ၀င်ရောက်တိုက်ခိုက်နေသည်ဟု နိုက်ဂျီးရီးယား စစ်တပ်က ယမန်နေ့တွင် ပြောကြားလိုက်သည်။

စစ်ဆင်ရေးတွင် နိုက်ဂျီးရီးယား၊ ချဒ်၊ နိုင်ဂျာနှင့် ကင်မရွန်းနိုင်ငံတို့မှ တပ်ဖွဲ့ဝင်များ ပါဝင်ပြီး ၎င်းတို့မှာ လွန်ခဲ့သည့် ၂ လခန့်မှစ၍ ဘိုကိုဟရမ်၏ စခန်းများအား တိုက်ခိုက်နေခြင်းဖြစ်သည်။

ဆမ်ဘီဆာသစ်တောမှာ နိုက်ဂျီးရီးယားနိုင်ငံ အရှေ့မြောက်ပိုင်းတွင်ရှိပြီး ယမန်နှစ်က ဘိုကိုဟရမ်မှ ကျောင်းသူ ၂၀၀ ကျော် ပြန်ပေးဆွဲသွားခဲ့သည့် ချီဘွတ်ရွာမှ ကီလိုမီတာ ၁၀၀ အကွာအဝေးတွင် ရှိနေသည်။ ထောက်လှမ်းရေးကမူ အဆိုပါ ကျောင်းသူများကို ဆမ်ဘီဆာသစ်တောအတွင်း၌ ထိန်းသိမ်းထားသည်ဟု ယုံကြည်နေသည်။ သို့သော်လည်း အမေရိကန် ဒရုန်းလေယာဉ်များက ရှာဖွေတွေ့ရှိခြင်း မရှိသေးပေ။

“စစ်ဆင်ရေးတွေ အထူးသဖြင့် သစ်တောထဲကနေရာတွေမှာလုပ်တဲ့ စစ်ဆင်ရေးတွေဟာ အတားအဆီးတွေ၊ အကြမ်းဖက်သမားတွေ ထောင်ထားတဲ့ မြေမြှုပ်မိုင်းတွေကို အန်တုပြီး တိုးတက်မှုတွေ ရနေပါတယ်” ဟု နိုက်ဂျီးရီးယား စစ်တပ်မှ ထုတ်ပြန်သော ကြေညာချက်တွင် ဖော်ပြထားသည်။

မီဒီယာများနှင့် အစိုးရမဟုတ်သောအဖွဲ့များ ၀င်ရောက်ခွင့်ကို ကန့်သတ်ထားခြင်းကြောင့် အဆိုပါစစ်ဆင်ရေးနှင့် ပတ်သက်၍ ရှင်းရှင်းလင်းလင်းသိရှိနိုင်ရန် ခက်ခဲနေသည်။

သို့သော်လည်း ဘိုကိုဟရမ်အား တိုက်ထုတ်ရာတွင် စစ်တပ်ကို အထောက်အပံ့ဖြစ်စေရန် အရပ်သားများဖြင့်ဖွဲ့စည်းထားသော အရပ်သားပူးပေါင်းရေးတပ်ကမူ အဆိုပါ စစ်ဆင်ရေးအတွင်း ၎င်းတို့တပ်ဖွဲ့မှ တပ်ဖွဲ့ဝင် ၅ ဦးနှင့် စစ်သား ၂ ဦးတို့ သေဆုံးခဲ့သည်ဟု ပြောကြားခဲ့သည်။

Ref: Aljazeera

ဧပြီ ၁၅၊ ၂၀၁၅
M-Media

– အမျိုးသမီးငယ်များအရေး လှုပ်ရှားသူဖြစ်ပြီး ကမ္ဘာ့အသက်အငယ်ဆုံး နိုဘယ်ဆုရှင်ဖြစ်သည့် မာလာလာ ယူစွဖ်ဇိုင်က လွန်ခဲ့သည့် တစ်နှစ်အရင် ဘိုကိုဟရမ်၏ ပြန်ပေးဆွဲခြင်းကို ခံခဲ့ရသော ကျောင်းသူလေးများအနေဖြင့် မျှော်လင့်ချက်ကို မစွန့်လွှတ်ရန် တိုက်တွန်းခဲ့ပြီး မိမိတို့ကလည်း မည်သည့်အခါမှ မေ့ထားမည်မဟုတ်ဟု ပြောကြားလိုက်သည်။

“ကျွန်မတုိ့ဟာ ရှင်တို့ကို ဘယ်တော့မှာ မေ့မှာမဟုတ်ဘူးဆိုတာ မှတ်ထားပေးပါ။ ရှင်တို့နဲ့အတူ အမြဲတမ်း ရပ်တည်သွားမှာပါ။ ရှင်တို့အားလုံး မိသားစုနဲ့ ပြန်လည်မပေါင်းစည်းနိုင်မချင်း ကျွန်မတို့ကလည်း ရပ်တန့်သွားမှာ မဟုတ်ပါဘူး” ဟု ပြန်ပေးဆွဲခံရသည့် နိုက်ဂျီးရီးယား ကျောင်းသူလေးများအား လိပ်မူသော အိတ်ဖွင့်ပေးစာတွင် မာလာလာက ရေးသားခဲ့သည်။

တာလီဘန်တို့၏ လုပ်ရပ်များကို ဆန့်ကျင်သော မာလာလာမှာ ၂၀၁၂ ခုနှစ်က ကျောင်းကားအတွင်း တာလီဘန်တို့၏ လုပ်ကြံသတ်ဖြတ်ခြင်းကို ခံခဲ့ရသော်လည်း အသက်ဘေးမှ လွတ်မြောက်ခဲ့ပြီး သူမ၏ အမျိုးသမီးများ ပညာရေးအတွက် လှုပ်ရှားမှုကို ကမ္ဘာတစ်ဝှမ်းလုံးက အသိအမှတ် ပြုခဲ့ကြသည်။

ပြီးခဲ့သည့်နှစ်တွင် မာလာလာမှာ အိန္ဒိယမှ ကလေးငယ်များအရေး ဆောင်ရွက်ပေးနေသည့် ကိုင်လက်ရှ် ဆက်ယာသီနှင့်အတူ ငြိမ်းချမ်းရေးနိုဘယ်ဆုကို ရရှိခဲ့သည်။

သူမ၏ ထိုအိတ်ဖွင့်ပေးစာတွင် မာလာလာက ပြန်ပေးဆွဲခံခဲ့ရသည့် ကျောင်းသူ ၂၀၀ ကျော် ပြန်လည်လွတ်မြောက်ရေးအတွက် ပိုမိုလုပ်ဆောင်ရန် နိုက်ဂျီးရီးယားအာဏာပိုင်များနှင့် နိုင်ငံတကာအသိုင်းအ၀ိုင်းကို တိုက်တွန်းခဲ့သည်။

နိုင်ငံအရှေ့မြောက်ပိုင်း ချီဘွတ်ဒေသရှိ အလယ်တန်းကျောင်းမှ အဆိုပါကျောင်းသူများ ပြန်ပေးဆွဲခံရမှုမှာ ယမန်နေ့တွင် တစ်နှစ်ပြည့်ခဲ့ပြီး ထိုအထဲမှ အချို့မှာ ထွက်ပြေးလွတ်မြောက်လာခဲ့သည်။

“ကျွန်မရဲ့ အမြင်အရ ပြောရရင် နိုက်ဂျီးရီးယားခေါင်းဆောင်တွေနဲ့ နိုင်ငံတကာအသိုင်းအ၀ိုင်းက ရှင်တို့ကိုကူညီဖို့ ပြည့်ပြည့်၀၀ မလုပ်ဆောင်ခဲ့ကြပါဘူး” ဟု မာလာလာက သူမ၏ စာတွင် ရေးသားထားသည်။

ပြီးခဲ့သည့်နှစ် ဇူလိုင်လအတွင်းက မာလာလာမှာ နိုက်ဂျီးရီးယားသို့ သွားရောက်ကာ ပြန်ပေးဆွဲခံခဲ့ရသူများ၏ မိသားစုများ၊ ဘိုကိုဟရမ်လက်မှ လွတ်မြောက်လာသည့် မိန်းကလေးငယ် ၅ ဦးတို့နှင့် တွေ့ဆုံခဲ့သည်။

“ရှင်တို့ရဲ့ မိဘတွေက စိတ်ဆင်းရဲမှုတွေကို ခံစားနေရပါတယ်။ သူတို့က ရှင်တို့ကိုချစ်တယ်။ ပြီးတော့ လွမ်းလည်း လွမ်းနေပါတယ်” ဟု သူမက ရေးသားခဲ့သည်။

သို့သော်လည်း ၎င်းတို့အား ကယ်တင်ရေးနှင့်ပတ်သက်၍ အကောင်းမြင်နိုင်သည့်အကြောင်းအရင်းများ ရှိနေပြီး မျှော်လင့်ချက်များ မစွန့်လွှတ်ကြရန် မာလာလာက တိုက်တွန်းခဲ့သည်။

ပြန်ပေးဆွဲခံရသည့် တစ်နှစ်ပြည့်အဖြစ် အမျိုးသမီးများ၏ ပညာရေး မြှင့်တင်ပေးရန်အတွက် မာလာလာနှင့် ၎င်း၏ဖခင်ဖြစ်သူ ဇီယာအွဒ္ဒင်တို့ တည်ထောက်ထားသည့် အကူအညီပေးရေးအဖွဲ့ Malala Fund က အွန်လိုင်းတွင် #DearSisters လှုပ်ရှားမှုတစ်ခုကို စတင်ခဲ့ပြီး ပြန်ပေးဆွဲခံရသူ အမျိုးသမီးငယ်များအတွက် မျှော်လင့်ခြင်းသတင်းစကားများနှင့် အားပေးထောက်ခံမှု မှတ်ချက်များ ရရှိရန် ဆောင်ရွက်ခဲ့ကြသည်။

Ref: Channelnewsasia

ဧပြီ ၁၄၊ ၂၀၁၅
M-Media

– မကြာသေးမီက ရွေးကောက်တင်မြှောင်းခြင်း ခံခဲ့ရသည့် နိုက်ဂျီးရီးယားသမ္မတသစ် မိုဟာမာဒူ ဘူဟာရီက ပြီးခဲ့သည့်နှစ်အတွင်း ဘိုကိုဟရမ်အဖွဲ့မှ ဖမ်းဆီးသွားသော ကျောင်းသူ မိန်းကလေး ၂၀၀ ကျော် လွတ်မြောက်ရေး ဆောင်ရွက်သွားမည်ဟု ယနေ့တွင် သန္ဓိဌာန်ပြုခဲ့သည်။

နိုင်ငံအရှေ့မြောက်ပိုင်း ချီဘွတ်ဒေသရှိ အလယ်တန်းကျောင်းမှ အဆိုပါကျောင်းသူများကို ပြန်ပေးဆွဲခဲ့ခြင်းမှာ ဘိုကိုဟရမ်ကြောင့် ဖြစ်ပွားသော လူသားချင်းစာနာထောက်ထားမှုဆိုင်ရာ ပြဿနာအဖြစ် နိုင်ငံတကာ၏ အာရုံစိုက်ခြင်းကို ခံခဲ့ရသည်။

အဆိုပါ ပြန်ပေးဆွဲခံရမှု ၁ နှစ်ပြည့်အဖြစ် နိုက်ဂျီးရီးယားပြည်သူများက ယနေ့တွင် ဆန္ဒပြမှုများ ပြုလုပ်သွားမည်ဖြစ်ပြီး လွန်ခဲ့သည့် ၂ ပတ်က နိုင်ငံ၏သမိုင်းတွင် ပထမဆုံးအကြိမ်အဖြစ် ဒီမိုကရေစီနည်းကျ အာဏာလွှဲပြောင်းယူနိုင်ခဲ့သည့် ဘူဟာရီက မိမိအစိုးရအနေဖြင့် စစ်သွေးကြွဘိုကိုဟရမ်အဖွဲ့အား တိုက်ဖျက်ရေး လုပ်နိုင်သည်များအားလုံးကို လုပ်ဆောင်သွားမည်ဟု ပြောကြားခဲ့သည်။

“ချီဘွတ်က ဒီကောင်မလေးတွေကို ကယ်တင်နိုင်မလားဆိုတာကိုတော့ ကျွန်တော်တို့ မသိပါဘူး။ သူတို့ဘယ်မှာရှိလဲဆိုတာလည်း မသိရသေးပါဘူး။ ကယ်ဖို့ဆန္ဒရှိပေမယ့် သူတို့ကို ရှာတွေ့မယ်လို့တော့ ကတိမပေးနိုင်ပါဘူး။ သူတို့လေးတွေ အိမ်ပြန်ရောက်ဖို့အတွက် ကျွန်တော်တို့အစိုးရဟာ လုပ်ပိုင်ခွင့်ထဲက အားလုံးကို လုပ်ဆောင်သွားမှာ ဖြစ်ပါတယ်” ဟု ယနေ့တွင် ထုတ်ပြန်သော ကြေညာချက်၌ ဘူဟာရီက ပြောကြားခဲ့သည်။

ထိုသို့ဆောင်ရွက်မှုများတွင် သမ္မတဟောင်း ဂွဒ်လက် ဂျိုနသန်၏ လုပ်ပုံကိုင်ပုံနှင့် တူညီမည်မဟုတ်ဟု ၎င်းက ထည့်သွင်းပြောကြားခဲ့သည်။ ဂျိုနသန်မှာ ထိုပြဿနာအတွက် တုံ့ပြန်မှု နှေးကွေးခဲ့ခြင်းကြောင့် ဝေဖန်မှုများနှင့် ရင်ဆိုင်ခဲ့ရသည်။

“ကိုင်တွယ်ပုံက တော်တော်လေးဆိုးရွားပါတယ်။ သူတို့လေးတွေ သက်ရှိထင်ရှားရှိနေမယ်လို့ ကျွန်မတို့ ယုံကြည်ပါတယ်” ဟု ပြန်ပေးဆွဲခံရမှုတွင် တူမ ၂ ဦး ပါဝင်သွားခဲ့သည့် လာဝန် အာဘာနာက ပြောကြားခဲ့သည်။

နိုင်ငံတကာလူ့အခွင့်အရေးအဖွဲ့ဖြစ်သော Amnesty International ကမူ ၂၀၁၄ ကတည်းက ဘိုကိုဟရမ်မှ ပြန်ပေးဆွဲသွားခဲ့သည့် အမျိုးသမီးအရေအတွက်မှာ အနည်းဆုံး ၂၀၀၀ ခန့်ရှိပြီး အများစုမှာ လိင်ပိုင်းဆိုင်ရာ စော်ကားခံရခြင်း သို့မဟုတ် တိုက်ခိုက်ရေးသမားများအဖြစ် လေ့ကျင့်ပေးခံရခြင်းတို့ကို ကြုံတွေ့နေရသည်ဟု ယနေ့တွင်ထုတ်ပြန်သော အစီရင်ခံစာ၌ ဖော်ပြထားသည်။

Ref: Reuters

ဧပြီ ၁၊ ၂၀၁၅
M-Media

– အာဖရိက၏ လူဦးရေအများဆုံးနှင့် စီးပွားရေးအကြီးဆုံး တိုင်းပြည်ဖြစ်သည့် နိုက်ဂျီးရီးယားနိုင်ငံ ရွေးကောက်ပွဲတွင် သမ္မတသစ်အဖြစ် စစ်ခေါင်းဆောင် မိုဟာမာဒူ ဘူဟာရီက ရွေးချယ်ခံလိုက်ရသည်ဟု သိရသည်။

ပြိုင်ဘက်ဖြစ်သူ လက်ရှိသမ္မတ ဂွဒ်လက် ဂျိုနသန်ထက် မဲအရေအတွက် ၂.၇ သန်း ပိုမိုရရှိခဲ့ကာ အနိုင်ရခဲ့ခြင်းဖြစ်ပြီး ရွေးကောက်ပွဲမှတစ်ဆင့် သမ္မတကို ဖြုတ်ချနိုင်ခဲ့သည့် ပထမဆုံး နိုက်ဂျီးရီးယား ခေါင်းဆောင်လည်း ဖြစ်လာခဲ့သည်။

သမ္မတအဖြစ် ရွေးကောက်တင်မြှောက်ခံရရန်အတွက် နိုင်ငံတစ်ဝှမ်း မဲအရေအတွက် ၅၀ ရာခိုင်နှုန်းကျော်နှင့်ပြည်နယ် ၃ ပုံ ၂ ပုံတွင် မဲအရေအတွက် ၂၅ ရာခိုင်နှုန်းကျော် ရရှိရန် လိုအပ်ခဲ့ကာ ဘူဟာရီမှာ ထိုအရေအတွက်ထက် ကျော်လွန်ရရှိခဲ့သည်။
လက်ရှိသမ္မတ ဂျိုနသန်ကလည်း အရှုံးကို လက်ခံခဲ့ပြီး ဘူဟာရီအတွက် အကောင်းဆုံး ဆန္ဒပြုပါကြောင်း ပြောကြားခဲ့သည်။ ထို့ပြင် ၎င်းအား ထောက်ခံအားပေးသူများကိုလည်း နှစ်သိမ့်ခဲ့သည်။

“ဘယ်သူတစ်ဦးတစ်ယောက်ရဲ့ ရည်မှန်းချက်ကမှ နိုက်ဂျီးရီးပြည်သူရဲ့ သွေးလောက် တန်ဖိုးမရှိပါဘူး။ ကျွန်တော်တို့ရဲ့ ချစ်လှစွာသောတိုင်းပြည်ကြီး စုစည်းညီညွတ်ဖို့၊ တည်ငြိမ်အေးချမ်းဖို့နဲ့ သာယာဝပြောဖို့သာလျှင် အခြားအရာတွေအားလုံးထက် ပိုအရေးကြီးပါတယ်” ဟု ရွေးကောက်ပွဲပြီးနောက် ထုတ်ပြန်ခဲ့သော ကြေညာချက်တွင် ဂျိုနသန်က ပြောကြားခဲ့သည်။

ယခုကဲ့သို့ ဘူဟာရီအနိုင်ရရှိမှုမှာ အတိုက်အခံပါတီက အာဏာရပါတီလက်ထဲမှာ တိုင်းပြည်အား ပထမဆုံး ဒီမိုကရေစီနည်းကျ လွှဲပြောင်းတာဝန်ယူနိုင်ခြင်းလည်း ဖြစ်သည်။

ရွေးကောက်ပွဲရလဒ်အား ကြေညာခဲ့ပြီးနောက် ဘူဟာရီကို ထောက်ခံကြသူများက နိုင်ငံတစ်ဝှမ်းတွင် အောင်ပွဲခံခဲ့ကြပြီး အဘူဂျာရှိ ဘူဟာရီ၏ အိမ်ရှေ့တွင်လည်း ပြည်သူများမှာ ၎င်းအာဏာရပါက တိုင်းပြည်အတွင်း ချစားမှုများကို တိုက်ဖျက်သွားမည်ဟု ပြောကြားခဲ့မှုကို ဖော်ကျူးသည့်အနေဖြင့် တံမြက်စီးများကို ကိုင်ဆောင်ကာ အောင်ပွဲခံခဲ့ကြသည်။

နိုင်ဂျီးရီးယား၏ ယခုရွေးကောက်ပွဲအတွက် နိုင်ငံတကာမှ လေ့လာဆန်းစစ်သူများကလည်း အပြုသဘောဆောင်သည့် တုံ့ပြန်မှုများကို ပြုလုပ်ခဲ့ကြသည်။

Ref: Aljazeera